Heimurinn lætur ekki "upplifa" sig

VERÖLDIN

"Upplifðu heiminn og ferðastu", var slagorðið áratugum saman. En þetta gekk ekki upp. Fólk upplifði ekki heiminn eins og hann er, því að hann er svo stór og flókinn að einn maður getur ekki náð því að setja sig inn í bara eitt land og líf þjóðar þess, nema með því að búa í því að minnsta kosti í 25 ár og deila kjörum með þjóðinni og þar með að greiða þá skatta og skyldur sem hún þarf að búa við. Þetta þýðir að hver maður getur í mesta lagi náð að "upplifa" tvö til þrjú lönd heimsins á ævinni. Og ef hann nær ekki tökum á fæðingarlandi sínu fyrst, þ.e.a.s. á fyrstu 35 árum ævinnar, þá fer hann fótalaus út í hinn stóra heim og glatast. Skammtafræði Niels Bohrs sagði að það væri ekki hægt að mæla smæstu einingar heimsins, því þær létu ekki mæla sig, upplifa sig, eins og þær eru, heldur myndi mælingin hafa áhrif á þær og gefa ranga mynd af veruleikanum. Sé ævinni eytt í mælingar á heiminum með ferðalögum í til dæmis flugvél eða skipi og á hótelum, þá glatast það sem hann gefur manni í vöggugjöf: þjóðarheimilið, sveitin fagra, bærinn góði, nágrannar og þjóðfélag. Þannig virkar glóbaliseringin á alla. Þeir missta allt og stjórnmálamenn sína líka; algerlega úr böndunum. Við erum að horfa á það núna, um víðan völl. Stjórnmálamennirnir hafa klofnað og firrst. Þeim er ekki treyst lengur

SAMBANDSRÍKIÐ BELGÍA

Belgíska ríkisstjórnin missti meirihluta sinn um helgina vegna þess að Nýja Flæmingjabandalagið neitar að hafa nokkuð með samkomulag Sameinuðu þjóðanna um fólksflutninga og innflytjendur að gera

SVÍÞJÓÐ

Svíar mótmæltu hressilega því sama um helgina, og margir hverjir í gulum vestum, þ.e.a.s áformum sænsku ríkisstjórnarinnar um að skrifa undir þennan samning. Hér má sjá mótmæli þeirra

DANMÖRK

Lars Løkke Rasmussen forsætisráðherra Danmerkur er einnig kominn í vandræði vegna þessa S.þ.-samnings. Hann fær enga ráðherra til að fara og skrifa undir fyrir hönd dönsku þjóðarinnar. Sjálfur innflytjendaráðherrann og flokkssystir hans í Venstre, Inger Støjberg, hefur skipt algerlega um skoðun í málinu og neitar að fara til Marokkó til að skrifa undir. Hún tók þá ákvörðun sjálf, án samráðs við Lars Løkke, enda ekki hámenntuð. Enginn annar ráðherra í ríkisstjórninni vill heldur fara, því þeir hafa fengið nóg af alþjóðlegum ferðatöskupyntingum á dönsku þjóðinni, á sálfum sér og á stjórnmálaflokki sínum. Lars Løkke, sem er búinn að vera, neyðist því til að fara dómgreindarlaus sjálfur. Flokkur hans Venstre, sem er á niðurleið, er kominn niður í 17 prósent í könnunum um þessar mundir, eftir að hafa hrunið frá 31 prósentum í kosningunum 2001 og niður í 19,5 prósentur þegar kosið var síðast í júní 2015. Í komandi þingkosningum í Danmörku, sem fara eiga í síðasta lagi fram næsta sumar, gæti Danski þjóðarflokkurinn auðveldlega tekið fram úr Venstre, því hann mælist með sama fylgi um þessar mundir

ÞÝSKALAND

Úr flokki Angelu Merkel og hinnar nýju teknókratísku Kramp-Karrenbauer framlengingarsnúru hennar yfir þýska CDU-flokknum, heyrðust þær raddir á landsfundi flokksins í Hamborg um helgina, að Merkel og lærlingur hennar myndu gera sig sekar um landráð með því að skrifa undir S.þ.-samninginn í Marokkó. Hér má hlýða á þá ræðu Eugen Abler á landsfundinum

FRAKKLAND

Myndir sýna að brynvarin ökutæki merkt Evrópusambandinu voru notuð gegn mótmælendum í Frakklandi um helgina. Myndirnar af þeim munu kannski framkallast í skærum gulum litum meðal almennings í vikunni. Hver í þeim var, veit að sjálfstöðu enginn, með vissu. En Frakkar hafa næstum örugglega gengið út frá því að þar færu Frakkar. En jafnvel það er varla öruggt lengur. Er það? Kannski var það Parísarsamkomulag glóbal elíta sem ók þar brynvarið gegn fólkinu. Aðstoðarmaður forsetan byrjaði hins vegar bara með hjálm til að hylja sig þegar hann barði á mótmælendum, þannig að um stórstíga framför gegn fólkinu má kannski segja að hér sé um að ræða - á örskömmum tíma. Jafnvel heilt afrek?

Fyrri færsla

Er valdataka hersins möguleg í Frakklandi?

Athugasemdir

[Ómar Ragnarsson, 10.12.2018 kl. 10:44]

Sérkennilegt er að sjá því haldið fram að fólk eigi að láta það vera að kanna og kynnast lifnaðarháttum fólks og kjörum í öðrum löndum. 

Norræna orðið heimskur er upphaflega dregið af því að vera helst aðeins heima hjá sér og skoða heiminn af bæjarhólnum. 

Fjöldi landa í "þriðja heiminum" svonefnda, þar sem meirihluti mannkyns býr, eru byggð þjóðum sem búa við svipuð kjör og hagtölur. 

Ég fór tvær ferðir til Eþíópíu og ferðaðist um mestallt landið og tel mig hafa kynnst kjörum og aðstæðum það vel, að það gerbreytti allri sýn minni. 

Gæti skrifað mikið og lengi um upplifunina af því að koma í þorp og bæi víðsvegar um það land. 

[Gunnar Rögnvaldsson, 10.12.2018 kl. 16:31]

Þakka þér Ómar

Ekki get ég séð að ferðir þínar hafi gagnast neinum neitt nema sem persónulegt skemmtiatriði fyrir þig. Þú talar ekkert tungumál neinnar þeirrar þjóðar sem þú heimsóttir og segir að "búi við hagtölur". Þú hljómar eins og erlendur ferðamaður sem heimsótti Ísland, sem þú hatast svo mikið út í, þegar bankarnir hrundu og sem sáu ekki að neitt væri að á Íslandi. Enginn lá dauður á götunum, ljósin voru kveikt á sjúkrahúsunum en Ómar Ragnarsson var samt að brjálast.

Þetta sannar það sem ég skrifa. Þú veist ekkert vel en þykist vita allt. Þú heldur að fólk búi í hagtölum og "heimum" eins og til dæmis þriðja, fjórða og fimmta.

Sovétfarar og Kúbufarar eru þekkt stærð af nytsömum kjánum. Í dag eru það þeir sem runnið hafa saman í græna loftslagfara og eru tvöfalt verri en í síðustu alþjóðlegu glóbal bjánar heimsins voru: þ.e. Kommúnistarnir.

Þú ættir að íhuga sækja um vinnu hjá DDRÚV Ríkisútvarpinu Ómar.

Kveðjur

[Hrólfur Þ Hraundal, 10.12.2018 kl. 21:44]

Ómar missti að því er mér virðist andlegt jafnvægi þegar Kárahnjúkavirkjun var í smíðum og því þarf að ganga varleg um hann þar sem hann er andlega tæpur því hann fékk því ekki framgengt að aðrennslisrörum virkjunar yrði breitt í hlaupabrautir.  

Sumir fá sér um of í glas og ruglast um stund en aðrir þurfa ekkert í glas.

[Hrólfur Þ Hraundal, 10.12.2018 kl. 22:32]

Það hafa ekki allir efni á því Ómar Ragnarsson að flækjast um heiminn sér til ánægju og kemur ýmislegt til og einn þáttur í því er samviskusemi.  

Ég byggði tvö hús og bý nú í því þriðja og þó að ég hafi ekki þurft að byggja það þá þarf alltaf eitthvað að gera.  Börnin okkar fjögur sjá orðið um sig sjálf og gengur það vel.

við þau gömlu höfum það ágætt þó ekki höfum við efni til að flækjast um heiminn, enda hef ég aldrei orðið gjaldþrota, en man eftir því að hafa sent þér eitthvert lítilræði þá þú áttir í vök að verjast.