Einn stærsti bóndi Danmerkur fer í gjaldþrot

Samfylktir fátæklingar Evrópusambandsins 

 

Bankinn hans Torbens Nørgaard bónda sem rekur 10.000 svína býli á Mors, dó eftir 38 ára kvalir bankans í Evrópusambandi Danmerkur við Brussel. Í fallinu tók bankinn landbúnað Torbens með sér niður í gröfina.

Torben bóndi var einn þeirra sem fylgt hafði opinberu elítu uppskriftinni að hamingjunni í Evrópusambandinu. Hún er sú að dönskum bændum hefur fækkað frá um það bil 150 þúsund manns árið 1973 og niður 7 þúsund bændur, sem ESB-elítan gerir sér vonir um að verði raunveruleikinn í Danmörku eftir aðeins örfá ár. Og að hver þessara fáu bænda hafi það þá svo ofgott að þeir neyðist til að vera með ekki færri en 30 þúsund svín eða eitt þúsund mjaltakýr hver. Þetta svarar til þess að á Íslandi yrði um það bil enginn lifandi bóndi til eftir árið 2049 ef Ísland fremdi sjálfsmorð með því að ganga í Evrópusamband við Þýskaland og Frakkland.

Bankakerfi Danmerkur hefur lítinn sem engan aðgang að alþjóðlegum fjármálamörkuðum, eins og er að gerast hjá flestum ESB-löndum sem heita ekki neitt sérstakt. Aðeins sex af hundrað fjármálastofnunum landsins hafa aðgang að alþjóðlegum peningamörkuðum. Seðlabanki Danmerkur sem er handvirkur símsvari með 15 skúndna athafnafrelsi í skiptiborði peninga- og vaxtamála evrusvæðisins, neyddist til að henda sem svarar til 18 þúsund miljarða íslenskra króna björgunarhring út til bankakerfis Danmerkur í dag. 

Í Danmörku er stærstur hluti landsbyggðarinnar að deyja saman með dönskum landbúnaði. Myndast hefur yfir- og undir Danmörk (over- og under Danmark). Jájá-elítan í Kaupmannahafnarholunni og svo fólkið í landinu. Hin samfélagslega ESB-auðn Danmerkur strekkir sig frá Norður-Jótlandi, niður með allri vesturstöndinni til Suður-Jótlands, þaðan yfir til Langeland og Suður-Fjónar og síðan þaðan yfir til alls Suður-Sjálands og rétt sleikir þar útkanta Kaupmannahafnarmúrsins. Allt þar fyrir utan er að verða ein samfélagsleg auðn. Danskur landbúnaður hefur í þúsund ár gengt gríðarlega sterku og mikilvægu samfélagslegu hlutverki. Með tilkomu Evrópusambandsins í Danmörku var hlutverki dansks landbúnaðar í samfélagi með fólkinu í landinu komið fyrir kattarnef.   

 

Þegar 200 tonn af díselknúnu járnarusli nema öskrandi staðar með tvo farþega á stoppistöð í landsbæjar ESB-sælunni í Danmörku, auk lestarstjóra, þá opinberast eftirlifandi innanbúðarmönnum þar smá saman hversu langt er í að útibú kirkjugarðaelítu ESB í Kaupmannahöfn lokar þessu alveg úr þúsund km fjalægð sinni frá raunveruleikanum í Brussel. 

 

Fjórði hver danskur bóndi stefnir í gjaldþrot á næstunni og er skuldaklafi danskra bænda að meðaltali 700 milljónir íslenskar á kjaft. Talið er að það kosti um 600-900 miljónir að starta búi í Danmörku í dag.

 

Matvæli í smásölu í Danmörku eru nú þau dýrustu í Evrópusambandinu og svo dýr að hópur þingmanna heimtaði að málið yrði rannsakað. Einokun í dreifingarlið verslunargeirans og í smáölu er á við það besta sem tíðkaðist í Sovétríkjum ASÍ v.1. Tvær matvöruverslanir eru í landinu og keyra næstum allt undir hinum og þessum fánum. Í Danmörku eiga 50 fjölskyldur auð sem svarar til eins fjórða hluta landsframleiðslunnar og af þessum 50 fjölskyldum eiga fjórar fjölskyldur helminginn af þessum einum fjórða hlut.

 

Í fréttatilkynnningu dönsku hagstofunnar kom fram í dag að 841 þúsund Danir eru að fullu leyti á framfærslu hins opinbera. Hér eru ein milljón danskir ellilífeyrisþegar ekki taldir með og heldur ekki börn og námsfólk. Þessar 841 þúsund sálir eru allar á vinnualdri og vinna við að bora í 1682 þúsund norrænar velferðarnasir nefja sinna á hverjum degi ársins.

 

Stor svinefarmer konkurs efter bankkrak 

841.900 personer nu er forsørget af det offentlige

Danmarks dynastier sidder på milliarderne 

 

Tengt

 

Mun Ísland missa alla sína banka og allar fjármálastofnanir? 

Evrópusambandið er 84 milljón fátæklingar og 22 milljón atvinnuleysingjar

Fátækt hefur aukist mikið í Þýskalandi - 11,5 milljón manns nú fátækir

Hvað gerist þegar unga fólkið missir vonina? 

 

 

Myndskeið; Sótt um samfélagslega geldingu í aðalstöðvum sósíaldemókrataískra metrópólítanmanna í ESB

 

 

Naglasúpan orðin borðliggjandi hjá Evrópusamtökunum og Ragnheiði Ríkharðsdóttur?

 

ESB-samtökin — heiðniskýrð Evrópusamtökin — sem virðast að mestu leyti vera mönnuð kjánum sem lítið eða ekkert þekkja til neinna mála Evrópu né Íslands, eru þessa dagana, sem og flesta aðra daga ársins, með opið súpueldhús sitt fyrir alla þá á vefnum sem vilja. Erlent útbú ESB-samtakanna er svo rekið í Ragnheiði Ríkharðsdóttur, þingmanni Sjálfstæðisflokksins.

Þar setja þau bæði út á það að sum íslensk fyrirtæki færi bókhald eða skili inn til skattayfirvalda ársreikningum sínum í erlendri mynt. Og svo tengja þau þetta mál við fjallið Mont-Evrurest, þar sem yfirfjallgöngumenn Evrópusambandsins hafast nú við á klettasyllum í heljargaddi án þess að vita hvort hrynur á undan þeim niður, fjallið sjálft eða freðnir fuglar þess.

Því fleiri íslensk fyrirtæki sem gera upp rekstur sinn í erlendri mynt ætti jú að sýna okkur landvinninga íslenskra fyrirtækja, nútíma- og alþjóðavæðingu íslensks atvinnulífs og enn fremur sýna okkur hvernig stjórnvöld standa sig í skattamálum atvinnulífsins og skattasamningum við önnur ríki heimsins.

Ó nei. Þetta viðhorf er ekki löngu ströngu rökin í röksemdafærslu þessa fólks. Í stað þess að gleðjast þá segja þau okkur að "bakdyr" hafi verið opnaðar og spyrja svo hvenær þessi "bakdyra möguleiki" verði "opnaður" almenningi. Hér er spurt svo heimskulega að allir ættu samstundis að sjá að við ofurefli er að etja, og því best að ganga strax af fjöllum fram.

En svona líta Danir ekki á málin. Þar færa um það bil 32 þúsund DÖNSK fyrirtæki daglegt bókhald sitt í erlendri mynt. Um er að ræða fyrirtæki sem starfrækja erlend dótturfélög í erlendri mynt eða stunda atvinnurekstur þar sem mestur hluti hans fer fram í erlendri mynt. Og hér er auðvitað átt við að annað hvort eða bæði tekjur og kostnaður þeirra séu að mestu leyti í erlendri mynt. Af þessum 32 þúsund fyrirtækjum landsins sem færa daglegt bókhald sitt í erlendri mynt og eru skattkýld í Danmörku, þá ganga um það bil 3-6 þúsund þeirra alla leið og skila skattauppgjöri sínu alfarið í erlendri mynt inn til danskra skattayfirvalda - sem virðast eiga eina reiknivél og hurðarhún annan að "bakdyrum" þessum.

Spurning mín til ESB-samtakanna og Ragnheiðar Ríkharðsdóttur er þessi: hve margir óbreyttir íslenskir ríkisborgarar gera upp bókhald sitt og færa það allt alla leið inn til skattayfirvalda í erlendri mynt? Hve margir? Svar; allir vinnandi sem óvinnandi Íslendingar búsettir erlendis. Um það bil tugir þúsunda Íslendinga. Hve margir þeirra færa einnig yfirvöldum á Íslandi þennan glaðning sinn í erlendri mynt í íslenskum krónum hér heima? Svar: Þeir sem eru skattkýldir í meira en einu landi. 

Þegar menn eru bara hamrar þá halda þeir sjálfkrafa að öll vandamál séu naglar. ESB-samtökin og Ragnheiður falla í þann flokk. Þau gera upp og niður um sig í nöglum. ESB-naglasúpu Evrópusambandsins er neytt þar daglega - og bragðið svo gert upp í evrum.  

Svona fer þegar sjálfstæðishugsunin og Sjálfstæðiflokkurinn hefur verið rekinn út úr sumu fólki hans

ESB bannar afnám verðtryggingar

 

Fáir virðast hafa hugsað þá hugsun til enda að fari allt á versta mögulega veg fyrir landi okkar og þjóð, með því að íslenksa lýðveldið yrði innlimað í Evrópusambandið, þá mun Íslandi verða óheimlit að afnema eða banna verðtryggingu.

Verðtrygging fjárskuldbindinga er bara ein af mörgum vörum á hillum fjármálageirans. Hún þykir sjálfsögð og æskileg víða í ESB. Fjármálageirinn þar sér hana einungis sem enn eina leiðina til að bjóða upp á úrval af þjónustu. Og verðtygging fjárskuldbindinga í ESB er í örum vexti og alveg sérstakelga á heildsölumakraði fjármagns.

Það er fullkominn óvitaþvættinur hjá forsætisráðherraínu Íslands að ESB-aðild þýði afnám verðtryggingar á Íslandi. Staðreyndin er sú að ESB-aðild Íslands myndi þýða að bannað yrði að banna eða afnema verðtrygginu á Íslandi.

Svona er að missa fullveldið, löggjafarvaldið og pennastrik hvoru tveggja úr landi.  

Takk

Utanríkisráðherra Bretlands; "evran er brennandi bygging án útgönguleiða". Portúgal komið á nýlendustig

 

"Evra myntbandalags Evrópusambandsins er sögulegt minnismerki um heimsku hjarðarinnar sem ritað verður um næstu aldir. Hún er brennandi bygging með engum útgönguleiðum" (fanga- eða útrýmingarbúðir??, GR). Þetta segir utanríkisráðherra Bretlands. 

Í viðtali sem á að birtast í dag, fimmtudag, segir William Hague utanríkisráðherra Bretlands að myntbandalag Evrópusambandsins og evra þess séu minnismerki heimskunnar. Allar aðvaranir Hague um þetta minnismerki hjarðarelítu Evrópu voru að engu hafðar, en allar hafa þær ræst.

 

William Hague has said a prediction he made in 1998 that the euro area would be “a burning building with no exits” has been proved right and that eurozone member states would have to live with the consequences for decades. 

Já, utanríkisráðherra Bretlands, en sem sagt, ekki Íslands. 

Evruskjól Portúgals

 

Landið er á niðurleið sinni niður Mount Evrurestir og að nálgast lífsgæði fyrrverandi nýlenda sinna. Enga góða vinnu er að hafa í Portúgal segir verkfræðingurinn Paulo Almeida, sem er 28 ára. Íbúar landsins flýja þetta evruskjól Jóhönnu og Össurar og fara yfir til Afríku eða Suður-Ameríku.  

 

Það eru ekki bara fjárfestar sem yfirgefa evrukrísulöndin. Aldrei hafa fleiri Portúgalir yfirgefið landið sitt síðan stjórnartíð Estado Novo lauk árið 1974.

 

Antonio Barreto fyrrverandi menntamálaráðherra Portúgals segir "að þegar við misstum nýlendur okkar, þá fór fólkið að halda að Evrópa væri lausnin. En nú eru vandamál okkar þannig að portúgalsaka fólkið lítur á fyrrum nýlendur okkar sem leiðina út úr vandamálunum". Atvinnuleysi landsins er það mesta síðan 1983 eða 12,3 prósent.

 

Fjórtán af tuttugu stærstu fyrirtækjum á hlutabréfamarkaði Portúgal eru að að flytja fjáfestingar sínar frá evrusvæðinu og yfir til fyrrum nýlenda landsins; Angóla, Mozambik og Brasilíu.

 

Emigration is currently running at about 40,000 citizens per year, in addition to non-nationals who are leaving the country - The rate was last that high in the 1960s through the mid- 1970s when Portugal sent troops to try to retain its African colonies

 

Evrusvæðið ber nú af sem helstu útrýmingarbúðir velmegunar í veröldinni. Hvergi gengur eins illa í heiminum og hefur ekki gert það í samtals 30 ár

 

Þrjár krækjur:

 

Spectator; Hague: The euro is a burning building with no exit

Financial Times;  Hague says euro ‘burning building’ claim correct

Bloomberg; Escaping Crisis Gets Colonial for Portuguese as Economy Worsens

 

Fyrri færsla:

 

Skammaðir fyrir að halda lífi í brennandi bankakerfi evrulanda 

Skammaðir fyrir að halda lífi í brennandi bankakerfi evrulanda

[evruskjól 22:30 • Evruríkin Ítalía & Spánn; Banni við skortsölu bankabréfa framlengt rétt í þessu. Bann Frakka stendur enn við lýði]

 

N.Y.S.E 

 

Eins og er, er það seðlabanki Bandaríkja Norður Ameríku, The Federal Reserve,  sem er eina örugga líflína bankakerfa evrusvæðisins við umheiminn. Hann skaffar þeim Bandaríkjadali sem er alþjóðleg mynt og hægt er að nota í viðskiptum. Enginn óttast að Bandaríkjadalur verði að gjalli.

 

Bankar evrusvæðis hafa því miður heimilisfestu sína í brenndi húsi við Öngstræti 17-27 í Brusselborg. Og á því húsi eru engar útgönguleiðir. Allt logar stafnanna á milli. Brennur nú allt sem brunnið getur.

Euro Crisis Makes Fed Lender of Only Resort as Funding Ebbs

Bloomberg 

The failure of regulators worldwide to address European banks’ fragile dependence on short-term funding is “putting the Fed in a really awkward position,” said Karen Shaw Petrou, managing partner at Federal Financial Analytics, a Washington regulatory research firm whose clients include the biggest U.S. banks. The swaps with Europe “are an extremely advantageous political football” for critics of the Fed, she said

 

En ekki er víst að þessari lífæð bankakerfa evrusvæðisins til umheimsins verði haldið opinni nema til skamms tíma. Heima í landi Bandaríkjadala eru stjórnmálamenn farnir að þreytast og andæfa eilífri eymingjahjálp Bandaríkjanna við ruslakistu Evrópu, evrusvaðið. Gjaldeyrisskiptalínur bandaríska seðlabankans sem sprautað hafa vatni á evrubrunann eru komnar undir smásjá þerra sem eru fulltrúar bandarískra skattgreiðenda. Fróðlegt verður að sjá áframhaldið á bunu þessari. 

 

Hver mun svo bjarga seðlabanka Evrópusambandsins þegar Þýskaland gefst upp og tekur kannski botninn úr evrunni?

 

"Skjaldborg og evruskjól" ríkisstjórnar Jóhönnu Sigurðardóttur 

 

Meðal-skuldahræðsluálagið á ríkissjóði PIIGS-landanna er komið í 1738 punkta. Athugið að PIIGS-ríkin eru ÖLL evrulönd; Portúgal. Ítalía, Írland, Grikkland og Spánn; .GIPSI:IND. Skuldahræðsluálagið á ríkissjóð Íslands er um 300 punktar.

 

Krækja; Simon Johnson; Will The IMF Save The World?

 

Og ekki skortir á fréttablossana í dag - hvað á maður að segja þegar maður sér svona? Hvað segir þú? Er allt í lagi?

Vefritið ZeroHedge vitnar í dag í fyrrverandi forstöðumann ungversku kauphallarinnar og yfirmanns UniCredit Global Securities, sem er Ítalskur stórbanki

 

******************************************************* 

******************************************************* 

 

Krækja: Step Aside BBC "Trader": Head Of UniCredit Securities Predicts Imminent End Of The Eurozone And A Global Financial Apocalypse

Í lok dagsins; evran lifði daginn af

www.euroland.com 

 

Histerískur léttir fór um hlutabréfamarkaði Evrópu í dag. Franskir stórbankar færðu sig einu skrefi aftar frá bjargbrún þjóðnýtingar með allt að 18 prósenta hækkun. Afréttari var veittur vonlitlum evruáhugamönnum sem gengu berserk af sopanum.

Á bar í New York eða Washington hittust um helgina — í pásu frá neyðarfundi AGS vegna evrulandavanda myntarinnar frægu - herra Axel Weber (fyrrverandi BuBa-stjóri og ECB stjórnarmaður), Jurgen Stark (fyrrverandi BuBa- og ECB stjórnarmaður) og hinn eini sanni Jens Weidmann núverandi aðalstjóri þýska seðlabankans, Deutsche Bundesbank alias BuBa. Þrír helstu þýskir seðlamenn saman á knæpu. Allt mjög eðlilegt hér. Gerist á hverjum degi.  

Kóróna dagsins var viðtal systurasna RÚV hjá BBC við taugaveiklaðan takkaýtustjóra á fjármálamarkaði, svo kallaðan miðlara (e. trader). Þarna fékk bjarnarstofninn ókeypis byr undir báða vængi og birnir hafa átt erfiða daga undanfarið, nema ef væri hjá Steingrími J. Það heimskulegasta sem menn geta gert í dag er að fylgja ráðum mannsins og yfir höfðuð að opna fyrir asnaveitur BBC eða RÚV. Gáfulegra hefði verið fyrir BBC að ræða við það fólk sem getir hreint í stúdíó heimskunnar hjá þeim eftir lokun. 

Komi til hruns þess sem maðurinn boðaði er best að eiga ekki neina peninga (nema að eiga samtímis prentara þeirra), né gull eða annað málmrusl, heldur að eiga einfaldan hlut í fyrirtækjum sem lifa geta hrunið af, skulda ekki neitt, og gætu þess vegna opnað banka með sínu eiginfé þegar sólin rís á ný. Mörg tæknifyrirtæki eiga það mikið eigið fé að þau gætu opnað stórbanka eins og að drekka vatn. Þau fara ekki á hausinn þó svo að kreppan geisi.

 

Gott er að gæta að því að vera með eigur sínar í mynt sem hverfur ekki eða á á hættu að verða að dufti. Myntir fullvalda ríkja eru þessum kostum gæddar. Ríkisskuldabréf landa sem eiga sína eigin mynt eru einnig ágæt því þau munu ekki fara á hausinn, svo lengi sem þau skulda ekki of mikið í erlendri mynt eða í mynt sem þau eiga ekki sjálf. Þau fella bara gengið til að koma þannig í veg fyrir að skattatekjur ríkisins og þar með greiðslugeta þess þorni ekki upp og þau fari í þrot. Einnig er gott að vera í kauphöll sem verður ekki lokað, nema að til kjarnorkustyrjaldar eða byltingar komi.

Gott er líka að muna það að fólk fætt eftir 1982 veit flest ofurvel að ríki þeirra munu ekki hafa efni á að standa við loforð sín um ellilífeyrisgreiðslur til þeirra þegar sú kynslóð verður gömul. Það fólk mun grípa til sinna eigin ráða. Þetta gildir sérstakelga um öll lönd Evrópusambandsins.

 

Á morgun verður gaman að sjá hvora stefnu af öngvum mögulegum fjallgöngumennirnir á Mount Evrurest munu taka.

 

Miðlari veldur uppnámi

Will The IMF Save The World? 

 

Grafhvelfing sósíalismans opnuð á ný

Nýtt alþingi verður sett í grafhvelfingu sósíalismans undir Alþingishúsinu. Dustað hefur verið rykið af öllu. Nýir leiðtogar toga í spotta sem opna vasa fólksins. Álfhóll fjárfélagsmálaráðherra þrútnar af þrótti annarra. 

Til styrktar athöfninni hefur nýlega verið haldið fyrsta uppboð á sjálfstæði og fullveldi þjóðarinnar, kosningar hafðar tvisvar að engu, hæstiréttur hundsaður, auðæfi þjóðarinnar seld, öll kosningaloforð svikin, hröppum veitt völd, lögreglan löðrunguð og margt fleira í svipuðum dúr. 

Gjaldkeri sósíalismans segist við sama tækifæri íhuga að ganga úr Þjóðkirkjunni til að undirstrika þannig enn frekar aðskilnað hennar frá fólkinu í landinu með því að gerast afturganga.

Velunnarar eru beðnir um að mæta stundvíslega með fé annarra. Hvelfingin verður upplýst með spariperum Evrópusambandsljómans ástamt rosageilsabaugi Hamfylkingarinnar, við ferlegan undirleik fjármálaráðherra hringsins. RÚV, örorkuheimili raunveruleikans, sendir menn út og fréttir inn.

Helsta einkenni sósíalismans er að eyða ekki peningum skattgreiðenda í frumskyldur ríkisvaldsins: sem eru að vernda líf, limi og eignir þegnanna og gæta dómslaga og réttar. Þetta eru hin einu sönnu hlutverk sem yfir höfuð og með sanni geta réttmætt og réttlætt sjálfa tilvist og skattheimtu ríkisvaldsins. Allt hitt gera borgararnir gert sjálfir og hafa oft gert svo í sameignarfélögum. 

Dópsölu ríkisins í grafhvelfingu sósíalismans er ætlað að halda kjósendum á sprautunni svo kvalarinn í hvelfingunni sé kosinn aftur og aftur. Í þetta er alltaf til almannafé. Sálmabók sósíalismans verður dreift með valdi.

 

Socialismens gravkammer åbnes 

Árabátur Evrópusambandsins

Peningavopn myntbandalags Evrópusambandsins 

 

Í þessum bát líða árin. Lítt sækist róðurinn og fúl er legan orðin um borð. Svo lítið hefur fiskast. Árin eru liðin, orðin að áratugum og lítið sem ekkert gerist. Ennþá 30 árum á eftir Bandaríkjunum og lífslangt massíft atvinnuleysið orðið fastgróið við kynslóðirnar. Allir í OECD nema Japan hafa siglt fram úr evrusvæði Evrópusambandsins.  

Verið er reyna að afhenda Þýskalandi þetta fagra vopn, sem dýrkað er á RÚV og sem dýrkað var á BBC árum saman. Rjúkandi fullveldis vopninu hefur áður verið beitt á krummaskuð á borð við Grikkland, Írland og Portúgal. Um gikkinn þarf sjálfur kanslari Þýskalands, og nokkrir fleiri þar á bát, helst að halda - og hleypa af. Helst á meðan Frakkland, Ítalía og Spánn horfa spennt á. Þau falast eftir bæði fullveldi og greiðslukorti Þýskalands. Án þessa tveggja eru þau varanlega föst í suður-evrópskri sælu.

 

Verið er að afhenda kanslaranum og Þýskalandi hattinn.

 

Frú Angela Merkel hittir herra Haddon

 

 

 

 

Árangursskýrsla ráðsstjórnar Evrópusambandsins; janúar-september: Opferation snjóþrúgur

 

 

Í fyrra tókst þeim að koma Grikklandi í de facto gjaldþrot. Skjaldborg.

 

Og þá tókst þeim einnig að koma Írlandi og Portúgal í hendurnar á Alþjóða Gjaldeyrissjónum. Það er svo gott að vera evruland. Þrjú hér á skalla af völdum myntarinnar frá ECB-seðlabankanum. Skjaldborg.

Á þessu ári er árangurinn svona:

Gjaldþrotasmitin æða nú um allt evrusvæðið sem stormsveipur á milli hálf- og heilgjaldþrota bankakerfa landanna. Skjaldborg.

 

Fullkomlega ótímabær stýrivaxtahækkun ECB-Trichet var sviðsett svo einhver héldi að minnsta kosti ekki að ECB-seðlabankinn væri minna galinn en restin í Brussel - og ennþá til á yfirborði jarðar. En sú ákvörðun var verk fífla. Nú þarf að taka ákvörðunina til baka. Skjaldborg.

Hlutabréfamarkaðir evrulanda hafa fallið um 20 prósent á síðustu 12 mánuðum. Skjaldborg.

Bankakerfi evrulanda hafa fallið um 50 prósent á síðustu 12 mánuðum. Skjaldborg.

Franskir stórbankar og Ítalskir hafa fallið um 65-70 prósent. Skjaldborg. 

Spánn og Ítalía eru að lokast af frá alþjóðasamfélagi peninganna. Skjaldborg.

Staðan er orðin þannig að farþegum ESB Titanic er nú sagt að þeir eigi þrjár vikur eftir ólifaðar. Ef skip þeirra, ESB Titanic, sé ekki tekið úr umferð fyrir þann tíma þá sekkur það. Já sekkur. Eins og steinn. Skjaldborg.

 

Dansað á snjóþrúgum á eggjaskurn myntbandalagsins 

Eh herm

 

Sorry Deutschland. History has conspired against you, again. You must sign away €2 trillion, and debauch your central bank, and accept 5pc inflation, or be blamed for Götterdämmerung. It is not fair but that is what monetary union always meant. Didn't they tell you? Gong ping!

 

Fyrri færsla

 

Vara Þorgerður

Evrópusambandið krefur Möltu um 6,9 prósent af landsframleiðslu til hjálpar Grikklandi

 

Vara Þorgerður

Það setur að manni vissan kuldahroll að lesa um ummæli þingmanns Sjálfstæðisflokksins, sem nú er fyrrverandi varaformaður og menntamálaráðherra flokksins, Þorgerðar Katrínar Gunnarsdóttur, hér. 

Samkvæmt þessu harmar hún að við ESB-efasemdarmenn kætumst yfir því að hafa haft bæði siðferðis- og vitsmunalega rétt fyrir okkur. Að við skyldum hafa unnið sannan sigur yfir hálfum og heilum lygaþvættingi og falsi elítu hálauna- og menntaðra lýðskrumara Über-Evrópu um Evrópusambandið, og flestu sem því hefur fylgt frá því löngu fyrir ólögmæta stofnun þess. Athugið að Evrópusambandið er ekki það sama og EEC var og sem heldur ekki var það sama og Kol & Stál var. Og mismunurinn á þessu þrennu er ægislega mikilvægur.

Það sama var sagt þegar menn kættust yfir sigri frelsisins yfir kommúnismanum í Sovétríkjunum og lendum þess. Sagt var þá að yfirvofandi hrun þeirra gæti orðið jafnvel enn verra en sjálf vistin í þessu heimsveldi hins mannlega geldneytis. Og þau lönd sem þá höfðu byggt upp viðskipti við Sovétríkin með því annað hvort að vera þvinguð til þess, eða af öðrum ástæðum, myndu ekki eiga sjö sæla dagana í vændum. Og svo var sagt að enginn vissi hvað taka myndi við!! Nehei, vissu ekki hvað taka myndi við! Þeir, þessir sumir, héldu virkilega innra með sér að þetta gæti sem sagt orðið enn verra en það hafði verið í 70 ár í algerum fullkomnum hryllingi. Jafnvel sumir háttsettir en þreyttir í stjórnmálum Vestanhafs voru komnir í þær götóttu buxur að samþykkja bæri ástandið sem "jafnvægi" og realpolitik  eins og það var þá. Því miður kæru fangar, þetta verður bara að vera svona, því það er orðið svona. En sem betur fer átti Ameríka einn ektamann á réttum stað, Ronald Reagan. Og hann var ekki bara til vara, sem betur fór. 

Lýðræðisþjóðir fara ekki í stríð við aðrar lýðræðisþjóðir. En það gera hinsvegar lönd og svæði þar sem lýðræði er á undanhaldi. Lýðræðið er einmitt á undanhaldi í Evrópusambandinu. Því hefur ófriðarhættan aukist í takt við aukin völd Evrópusambandsins. Þetta er staðreynd. En Samfylkingin í ESB vill ekki að þú fáir að vita þetta

Evrópusambandið er eitur fyrir lýðræði og sátt í Evrópu. Sambandið er orðið eins konar millistig á milli lýðræðis og keisaraveldis. Það fyrirkomulag sem hélt friðinn í Evrópu frá stríðslokum var lýðræði þjóða í Vestur-Evrópu og tilvist Bandaríkjamanna þar. Ef annað þessa hefði vantað, þá er alls óvíst að Evrópa væri annað en hérað í austur-þýskalandslegri Sovétsókn í dag.

ESB er að eyðileggja Evrópu. ESB er að eyðileggja lýðræði og sátt í Evrópu. ESB er að eyðileggja efnahag landa Evrópu. ESB hefur og er að eyðileggja markaði Íslands í austri til frambúðar. Demógrafísk þróun Evrópu er banvæn. Og það er hún vegna þess að Evrópusambandið hefur drepið framtíðarvonir fólksins með því að stofna til og viðhalda hræðilegu atvinnuástandi þar áratugum saman. Og alltaf bætast nýar brotalamir frá höfuðstöðvum elítunnar við - og reiði fólksins eykst.

 

Evrópu er líklega ekki við bjargandi lengur. Því þurfum við að losa nokkuð lausa hlekki Íslands til þessa deyjandi heimshluta. Og við verðum að horfa fastar í vestur.

 

Very rarely in political history has any faction or movement enjoyed such a complete and crushing victory as the Conservative Eurosceptics. 

Sjálfstæðiflokkurinn hefur verið rekinn úr Þorgerði Katrínu. Þorgerður er orðin gjaldþrota stjórnmálamaður því hún átti aldrei neitt fast til að standa á móti með. Hún er blásin út í buska sögunnar. Þar er hún strand - og hún á bágt.

 

Óskabarn Þorgerðar er að kafna á meðgöngutímanum. Við skulum að minnsta kosti vona að svo sé. Því myntbandalagið var fyrst og fremst hugsað sem leynilegur stolinn naflastrengur frá Móðir Evrópu yfir í fóstur elítunnar; Bandaríki Evrópu - en sem þó alltaf myndu aðeins verða ófreskja af verstu sort, svo lengi sem þau lifðu.

 

Alls óvíst er hvernig móðirinni mun reiða af. Hvort mun deyja á undan. Staðgöngumóðir Brussels, eða fóstur þeirra í henni? 

 

Fólkið er ekki heimskt