Frakkland færir fram ósk um stofnun Bandaríkja Evrópu

Wall Street Journal - vikan 14. til 19. júlí 1930  

Frakkland færir fram ósk um stofnun Sambandsríkis Evrópu, þ.e. Bandaríkja Evrópu

Stóra Bretland tekur kuldalega í þessa tillögu Frakka en hugmyndin er þó sögð framkvæmanleg án þáttöku Breta. Hinsvegar er það grundvallarforsenda að Þýskaland taki þátt í stofnun Bandaríkja Evrópu. Viðbrögð Þjóðverja voru skilningsrík og jákvæð en beina um leið athygli manna að vissum hindrunum og þá aðallega þörfinni á að endurskoða til dæmis friðarsamninginn frá 1919, sem tekur til nýrra landamæra Þýskalands og hernaðaruppbygginu þess

Dow vísitalan er 240.31 +2.83 (1.2%). Þýskaland fer í kreppu

Þann 28. júlí kemur svo í ljós að Þýskaland er í stjórnarkreppu og von Hindenburg hefur leyst upp þingið, Reichstag. Þetta er hápunktur í langri fjármálakreppu Þýskalands. Eftir stórmerkilegan efnahagsbata undanfarinna fimm ára hefur verið klippt á fjármagn erlendis frá sökum fjármálakreppunnar um allan heim. Þýskaland stendur nú andspænis miklu atvinnuleysi og stórkostlegum halla á fjárlögum þýska ríkisins. Tímabundin einræðisherravöld í Þýskalandi gætu skapað góð tækifæri til að leysa kreppuna með festu og ákveðni. En þessi aðgerð hefur þó vakið upp áhyggjur um að sósíalistar og þjóðarsósíalistar muni vinna á í næstu kosningum.

Gætt hefur jákvæðrar þróunar í vexti þýsks útflutnings og staða seðlabanka Þýskalands er góð

Ný gjaldskrá fyrir nætursendingar með Western Union Cable tekur gildi

Western Union night cable rate New York-Switzerland is $1.90 for 20 words; total Western Union US-Switzerland cable traffic more than 10,000 per month:

FULLT STOPP: News from 1930

Fyrri færsla 

Iceland's krona: By then the delayed cluster bomb of Europe's unemployment will have detonated

Iceland's krona: By then the delayed cluster bomb of Europe's unemployment will have detonated

The Telegraph 26. júlí 2009

Lesið alla greinina sem Samfylkingin og Vinstri grænir vilja saga undan Íslandi. Slóðina á greinina er m.a. hægt að finna hér á tilveraniesb.net => Iceland's krona: By then the delayed cluster bomb of Europe's unemployment will have detonated

Nakinn er keisari Kína í allsberjamóa

Ég leyfi mér einnig að benda á myndband Hugh Hendry sem er stjórnandi The Eclectica Fund sem fjárfestir mikið í landbúnaði. Nánar hér um Hugh Hendry á bloggsíðu Edward Harrison  www.creditwritedowns.com. Þessi síða er m.a. þekkt fyrir tímalínu fjármálakreppunnar: Credit Crisis Timeline. Þetta myndband minnir eiginlega átakanlega mikið á hönnun myntbandalags Evrópusambandsins, EMU; einskonar tímasprengja evrópskra embættismanna sem íslenska krónan mun að sjálfsögðu lifa margfalt af 

 

Slóð á færsluna: Hugh Hendry: China – The Emperor has no clothes 

Fyrri færsla

Mér líst afar illa á þessar væntingar háskólamannsins. Er sannfærður um að þær samrýmast ekki raunverulegri skoðun Seðlabanka Íslands 

Mér líst afar illa á þessar væntingar háskólamannsins. Er sannfærður um að þær samrýmast ekki raunverulegri skoðun Seðlabanka Íslands

Takmarkalaus bjartsýni sem byggist á trú - eða óskhyggju?

"Ég held að þessar tölur séu eðlilegar,“ segir hann. Reynsla landa sem hafi lent í djúpri kreppu sé sú að undantekningarlítið taki við hraður hagvöxtur" - segir Friðrik Már Baldursson, prófessor í hagfræði við HR og fulltrúi í bankaráði Seðlabankans

 

Sjá tengingu við frétt Morgunblaðsins hér að neðst í færslunni 

Já mikið rétt prófessor Friðrik Már. En þessi kreppa er engin venjuleg kreppa. Við erum því miður stödd í miðri undanteknigunni sem þú nefnir. Þessi kreppa er í raun algerlega einstök því aldrei áður hefur heimurinn allur fallið eins hratt ofaní hyldjúpan öldudal og núna. Aldrei áður hefur fallið verið eins samhæft og aldrei eins hnattvætt. Áður fyrr voru kreppur staðbundnar, að minnsta kosti staðbundnar við einstök lönd, myntsvæði þeirra eða jafnvel við heilar heimsálfur eða hluta heimsálfa. En núna er efnahagur heimsins miklu meira samtvinnaður og samofinn en nokkurntíma áður og myntsvæðin miklu stærri og illverjanlegri en nokkurntíma áður. Þetta er mikið af hinu verra því engin eru til verkfærin til að glíma við svona kreppur. Þær vinna því verk sitt hraðar og áhrifaríkara en nokkurntíma áður. Því mun batinn upplifast sem áframhaldandi kreppa og verða átakanlega hægur, ef nokkur. Aðalviðskiptalönd Íslands, sem eru ESB lönd, munu ekki komast út úr kreppunni yfir höfuð. Þetta er ekki bara mitt álit heldur einnig margra annarra. Þetta er hátími hinna brostnu vona í Evrópusambandinu. Mestu og áköfustu aðdáendur myntbandalagsins eru nú gráti nær hér í ESB því þeir gera sér þetta ljóst. 

 

Svo kæri bjartsýnismaður

Kreppan mun halda áfram í þeim skilningi að hinir svokölluðu "góðu tímar" fyrir Evrópusambandið og fylgihnetti þess eru búnir og munu aldrei koma aftur. Nema fyrir þau lönd sem frjálst geta valið um viðskiptasvæði, um efnahagsleg samvinnulönd og ráðið efnahags- og peningastefnu sinni sjálf. Það geta næstum engin af löndum Evrópusambandsins og alveg sérstaklega ekki litlu aðildarlöndin. Þau eru nefnilega læst inni í handjárnum Evrópusambandsins og leiksoppur hinna stóru. Góðu tímar Evrópusambandsins voru þó ekki betri en það að evrusvæðið sem heild á heimsmet í lélegum hagvexti hin síðustu 15 ár samanlagt. Evrusvæðið mun einnig fara lang langsamlega verst út úr kreppunni. En þetta mun verða ennþá verra um alla framtíð því þessa þróun mun hröð aldurshnignun þegna Evrópusambandsins á komandi áratugum innsigla - ásamt hinum læstu handjárnum sambandsins á höndum og herðum aðildarlandanna. ESB er búið að vera sem efnahagssvæði. History. Það átti því miður aldrei sína góðu tíma, því þeir tímar voru fyrirbæri sem tilkoma ESB eyðilagði fyrir þjóðum ESB - og sem allir lágu í tímarúminu fyrir fæðingu The European Union og EMU. Meistaraverki embættismannana. Þetta er ofureðlileg þróun, því við höfum jú áður séð hvað gerist þegar embættismenn og áætlunargerðarmenn ofmetnast - sumir hafa þó bara ekkert lært af reynslunni 

Fyrri færsla

Það þurfti þá ekkert ESB eftir allt saman. Engin ástæða til að leggja niður TAX FREE

Hraður vöxtur eftir kreppu

Það þurfti þá ekkert ESB eftir allt saman. Engin ástæða til að leggja niður TAX FREE

Það þurfti þá ekkert ESB 

1. Það þurfti ekkert ESB til þess að opna nýja flugrútu til Ljótabæjar (Brussel). Og þessvegna þarf heldur ekkert að leggja niður fríhöfnina og tax free duty store, sem annars hefði þurft ef Ísland væri í ESB 

2. Það þurfti ekkert ESB til að fá erlenda bankapeninga inn í meira að segja ónýta banka á Íslandi. Við skulum heldur ekki tala um þá 100 zilljón erlendu kröfuhafa sem lánuðu peninga til fyrirrennara þrotabús þeirra íslensku banka sem fóru á hausinn inni í miðju ESB

3. En það þurfti hinsvegar heilt ESB til að koma bönkunum á hausinn og til að hræða líftóruna úr sumum þeim sem nú búa á þeim stökkpalli sem forfeðrur okkar byggðu upp fyrir þá. Mest með svita og svo oft með söltum tárum. Byggðu upp það sjálfstæða og fullvalda Ísland sem þú stendur á núna

4. Það þarf líka heilt volað, falskt og væmið ESB til að hneppa alla Íslendinga um ókomnar kynslóðir í járnin aftur. Það er einfaldelga gert með svikum við landið, við þjóðina og með launráðum í íslenksri aumingjapólitík, sem er skrásett vörumerki Samfylkingarinnar og forvera hennar. Eina sem til þarf er eitt stykki ESB - og Samfylkinguna, sem 71% Íslendinga kusu ekki í síðustu Alþingiskosningum (jú, plús það lausa drasl sem skyndilega og óskiljanlega datt undan sterkri stálgrind VG). Já í sjálfum Alþingiskosningunum, þar sem þingmenn eiga að sækja umboð sitt til kjósenda. Þetta skrásetta vörumerki aumingjastjórnmála Íslands keyrir nú póflaust og umboðslaust um landið okkar með hörmulegum afleiðinugm. Falschfahrer þeir eru - með gísla í bifreiðinni - og án umboðs í stærsta máli lýðveldisins  

En það er svona, eins og hér fer á eftir, sem erlendir bankapeningar virka, þ.e.a.s þegar það ríkir meðvindur hjá þeim. En núna er kominn mótvindur, mikill mótvindur

Athugið: Lettland er nú undir stjórn Brussel 

Nýja Argentína er í ESB og heitir að minnsta kosti Lettland 

(birtist 21. janúar 2009 klukkan 10:00 á AMX)  Pistill eftir Gunnar Rögnvaldsson

Tveir erlendir bankar eru orðnir svo allsráðandi í Eystrasaltslöndunum - sem öll eru í Evrópusambandinu - að þeir eru farnir að virka sem ríkjandi seðlabankar fyrir löndin. Þeir eru orðnir svo allsráðandi að þeir standa með þau stærstu verkfæri sem hægt er að nota sem áhrifa- og aðgerðavald fyrir peningamálastefnuna í þessum þrem hagkerfum. Þetta eru sænsku bankarnir SEB og Swedbank. Þetta skrifaði matsfyrirtækið Standard & Poor’s síðasta sumar.

Sænska blaðið Dagens Industri (DI) veltir nú því fyrir sér hvernig þetta „de facto“ seðlabankahlutverk SEB og Swedbank sé að virka fyrir þá þegna sem búa í Eystrasaltslöndunum. Einkunnin sem Dagens Industri gefur þessum tveim bönkum er því miður falleinkunn.

Það sem SEB og Swedbank eru að sýsla með í þessum þrem hagkerfum núna er beinlínis vanvit segir DI. Þeir hafa valdið stórkostlegum efnahagslegum óstöðugleika og eru jafnvel að grafa undan stjórnmálalegum og öryggislegum stöðugleika alls svæðisins.

Hin stóraukna útlánastarfssemi bankanna hefur ekki farið í að byggja upp samkeppnishæft atvinnulíf og berandi innviði. Stærsti hluti útlána þessara banka hefur farið til einkaneyslu. Með gagnslausri útlánastarfsemi hafa þessir sænsku bankar stuðlað að því að fermetraverð íbúðarhúsnæðis í Riga, höfuðborg Lettlands, er orðið hærra en í Stokkhólmi. En nú á sér stað alger viðsnúningur því hin peningapólitíska örvun hefur snúist upp í andstæðu sína einmitt þegar þörfin á annarri stefnu er mjög brýn.

Lettland verður næsta Argentína

Eins og í mörgum öðrum löndum hafa „sænsku seðlabankarnir“ í Lettlandi neyðst til að ganga betligang til Alþjóðagjaldeyrissjóðsins (AGS) til þess að reyna að bjarga sér út úr bráðnauðsynlegri gengisfellingu með 10 miljarða dollara neyðaraðstoð. Bankarnir eru mjög á móti því að gengi lats verði fellt því gengisfelling mun rýra eignir þeirra sjálfra á meðan hún myndi þjóna atvinnulífi Lettlands vel. Flestir sem fylgjast grannt með þeirri efnahagskreppu sem er nú í uppsiglingu eftir að kreppa á fjármálamörkuðum er búin að koma atvinnulífi margra landa á kné, vita að eina leiðin til þess að vinna sig út úr vanda komandi ára mun verða sú að leggja þarf megin áherslu á að útflutningsgreinarar geti búið við samkeppnishæfni. Það er einungis hægt ef mynt landanna hefur samkeppnishæft gengi.

En það er alls ekki víst að samlíkingin við Argentínu sé algerlega réttlát því óvíst er hvort þessi neyðarlán séu næg lækning. Til þess að fá peningana frá AGS og einnig frá nágrannalöndunum, þarf Lettland að þvinga í gegn mikinn niðurskurð á opinberum útgjöldum. Nú þegar er samið um launalækkanir til opinberra starfsmanna um 25% og svo þarf einkageirinn að fylgja eftir með eigin launalækkun. Laun í Lettlandi hafa hækkað miklu meira en framleiðni hefur gert og því eytt samkeppnishæfni landsins og þar með gert mynt Lettlands (lat) alltof dýra og ósamkeppnishæfa. En gengi lats er bundið fast við gengi evru. Það er hérna sem Argentína kemur inn í myndina því þar var ástandið svipað er mynt Argentínu hrundi árið 2002. Lettland þarf því að velja á milli verðhjöðnunar og gengisfellingar.

Verði gengið fellt þá munu langtíma fjárskuldbindingar almennings svo sem húsnæðislán hækka verulega því þau lán eru í evrum. Ríkisstjórn Lettlands hefur valið erfiðu leiðina, þ.e. að halda genginu föstu og þarf því núna að þvinga í gegn verðhjöðnun í öllu landinu. Sænsku bankarnir hafa farið þannig að undanfarin ár að 90% af útlánum þeirra hafa veið veitt í erlendri mynt, aðallega í evrum. Ef ríkisstjórnin myndi fella gengið þá myndu skuldir heimilanna aukast nema á þeim lánum sem veitt voru í mynt landsins. En það sama gerist einnig þegar laun Letta eru lækkuð því þá mun verða erfiðara fyrir heimilin að vinna fyrir afborgununum á þessum lægri launum. Í raun er því enginn munur á verðhjöðnun og gengisfellingu hvað varðar húsnæðislán Letta. Þar er valið því einungis á milli pestar eða kóleru. En gengisfelling hefði þó þau jákvæðu áhrif að hún myndi ekki hafa áhrif á skuldir í innlendri mynt og myndi samstundis auka samkeppnishæfi útflutnings. Að lækka laun með handafli mun reynast ríkisstjórn Lettlands mun erfiðara en menn halda, svo gera má ráð fyrir að svoleiðis verðhjöðnunaraðgerðir taki langan tíma og virki seint. Það er einnig alls óvíst að þvinguð verðhjöðnun muni skila sér á rétta staði í samfélaginu og því er hætta á að útflutningur og ferðamannaiðnaður muni ekki getað keppt á aukinni samkeppnishæfni fyrr en það er orðið um seinan.

Það er þó einn stór munur á milli Lettlands og Argentínu, en það er sjálf stærðin. Ástandið í Eystrasaltslöndunum mun að líkum versna stórlega á komandi misserum. Það mun verða svo slæmt að margir munu segja það sama og sumir eru að segja á Írlandi núna, þ.e. að Evrópusambandið eigi að koma og hjálpa löndunum út úr erfiðleikunum. Þau séu ekki það stór að það ætti að vera svo erfitt. En það er ólíklegt að þetta verði raunin því svona hjálp er bönnuð samkvæmt reglum myntbandalags Evrópusambandsins. Það var nefnilega einmitt þetta sem Þýskaland óttaðist svo mikið þegar það loks lét undan kröfum Bandamanna, með tilstuðlan Frakka, um að sameining Þýskalands gæti einungis farið fram ef Þýskaland léti undan síendurteknum kröfum Frakklands um myntbandalag. Þjóðverjar hafa nefnilega alltaf óttast að auðæfi þeirra muni - á einn eða annan hátt - enda á kistubotni illa rekinna ríkiskassa annarra og verr settra ríkja í myntbandalaginu með því að verða þvingaðir út í að gangsetja seðlaprentvélarnar illa stöddum löndum til björgunar. Ef farið yrði út í að bjarga Eystrasaltslöndunum þá munu PIGS löndin, Portúgal, Ítalía, Grikkland, Spánn - og nú einnig Írland - stilla sér upp í betliröðina fyrir aftan Lettland, Litháen og Eistland. Þetta yrðu því 8 af 27 löndum Evrópusambandsins sem þýskir skattgreiðendur þyrftu að „bjarga“. Svo er einnig Ungverjaland og þá erum komin í 9 af 27 ríkjum til að byrja með.

Undanfarna daga hafa verið mikil mótmæli á götum í Lettlandi. Þetta vekur því miður upp gamlar minningar hjá þeim aðilum sem hafa reynslu af öryggismálum í þessum heimshluta. Það er nefnilega svo að í ógáti gætu „sænsku seðlabankarnir“ í Eystrasaltslöndum verið að vekja upp gamlar vofur. Í versta falli getur þetta versnandi efnahagsástand leitt til svipaðs ástands og við sáum í Georgíu á síðasta ári, því fræin hans Stalíns eru ennþá gróðursett þarna í Eystrasaltsöndunum og þurfa aðeins réttu samfélagslegu aðstæðurnar til þess að fara að spíra aftur. En hér á ég við kjörnar aðstæður fyrir hvata menn í Kreml til að píska upp stemningu sem gæti virkjað öfl hins stóra rússneska minnihluta í þessum löndum. Þá væri með sanni hægt að segja að Svíar hafi skotið sig alvarlega í báða fætur. En sama hvernig allt fer þá mun ástandið í baltísku löndunum hafa áhrif innanlands í Svíþjóð. Það er einfaldlega ekki hægt að komast hjá því. Fyrstir í þeirri röð atburða verða væntanlega hluthafarnir í „sænsku seðlabönkunum“ í Eystrasaltslöndunum. Lokaspurningin gæti því orðið þessi: munu sænskir bankar þurfa að byggja vélbyssuhreiður fyrir utan banka sína í Lettlandi, Eistlandi og Litháen eins og erlendir bankar þurftu að gera í Argentínu? Einnig verður fróðlegt að vita hvort AGS verði gagnrýndur eins hart fyrir að styðja fastgengisstefnu Lettlands eins og hann var gagnrýndur fyrir að hafa stutt fastgengisstefnu Argentínu á sínum tíma.

Það er ekki einungis nóbelsverðlaunahagfræðingurinn Paul Krugman sem gagnrýnir ákvörðun AGS um að veita Lettlandi neyðarlán án þess að gengi lats hafi verið fellt. Hagfræðingurinn Edward Hugh í Bacelona á Spáni gagnrýnir einnig AGS harðlega og spyr hvaðan nauðsynleg örvun hagkerfisins eigi að koma. AGS er banki og það þarf að greiða lánin til baka með vöxtum. Það sé veruleg hætta á að hagkerfi Lettlands fari í frjálst verðhjöðnunarfall og að það verði mun erfiðara að stöðva það heldur en að stöðva væga veðbólgu sem myndi koma ef gengið yðri fellt. Það er mikill halli á mannfjöldajöfnuði í þessum löndum því svo fá börn fæðast þar. Ungt fólk er af mjög skornum skammti og hætta er á að það flýi lönd sín ef aðstæður verða nógu slæmar. Það mun leiða til þess að löndin endi í sömu sporum og El Salvador þar sem stór hluti þjóðarinnar lifir á peningasendingum frá ættingjum og vinum sem hafa flúið til útlanda. En El Salvador tók upp dollar sem sína eigin mynt árið 2001 og er nú stærsti hlutinn af bankakerfi þeirra einnig komið í eigu útlendinga. Í El Salavor er nú rætt um að taka upp gömlu mynt landsins aftur, en það mun því miður reynast þeim mjög erfitt og jafnvel ógerningur.

Umræðan á Íslandi

Mikið er rætt um gjaldmiðlamál á Íslandi þessa dagana. Nánast hefur verði gerð herför að Seðlabanka íslenska lýðveldisins og hafa sumir gengið svo langt að ryðjast inn í bankann og henda matvælum í hann. En menn eru að henda góðum hlutum á ranga staði því Seðlabanki Íslands varaði einmitt þjóðina við því sem gæti komið og sem svo kom. Menn hefðu frekar átt að henda matvælum sínum eftir þeim bönkum sem bjuggu til þau vandamál sem verið er að kljást við núna. Einnig ættu þeir í nafni þjóðar og lands að taka upp gjaldmiðilinn sinn og kyssa hann á kinnina því það er hann sem mun sjá til þess að hægt verður að vinna sig út úr erfiðleikunum og er einnig sterkasta vopnið í þeirri baráttu. Menn ættu því að minnsat orða Hermanns Oskarssonar, hagstofustjóra Færeyja, þegar hann benti Íslendingum á að krónan væri þeirra sterkasta vopn. Að henda eggjum og ryðjast inn í Seðlabankann er því að snúa réttunni inn og röngunni út. Einnig ættu Íslendingar að hætta að leggja eyrun of þétt að ráðgjöf erlendra sem innlendra hagfræðinga og treysta dálítið meira á eigin brjóstvit eins og er. Hagfræðin en nefnilega stödd í ókönnuðu landslagi núna. Það kom einn svona erlendur álitsgjafi í heimsókn til Íslands á liðnum dögum. Hann heitir Willem H. Buiter og er prófessor í stjórnmálahagspeki. Samkæmt orðum Morgunblaðsins þá á hann að hafa sagt að Ísland geti vel haldið krónunni en verði þá að sætta sig við gjaldeyrishöft og að þurfa að stunda landbúnað og fiskveiðar nánast að eilífu. Þetta eru þær atvinnugreinar sem hafa gert ísland að því sem það er orðið í dag, eitt ríkasta samfélag í heiminum. En ef raforkusala, álvinnsla, álútflutningur, mannvirkja- og byggingagerð eru einnig landbúnaður og fiskveiðar, þá leyfi ég mér að segja að herra Willem H. Buiter sé smjörfjall og sé einmitt að bráðna núna. En kanski eru þetta einungis leifarnar af gamla smjörfjalli Evrópusambandsins sem þarna tala.

Íslenska krónan, mynt Íslands, gæti hinsvegar reynst besta vörn landsins gegn því að herferðir mikilmennskubrjálæðis til útlanda hefjist á ný þegar veðrið gengur niður aftur. Núna vita menn nefnilega að myntin og þjóðfélagið okkar þolir ekki svona meðferð. Reyndar þolir engin mynt svona meðferð. Það verður þó og því miður að segjast eins og er að hefðu Mikki Mús og Andrés Önd stýrt bönkunum undanfarin ár þá hefði árangurinn varla getað orðið verri en hann er í dag. En þetta á ekki einungis við um Ísland heldur einnig um mörg önnur lönd. 

Fyrri færsla

Þýskaland íhugar að þjóðnýta hluta bankakerfis landsins, þrátt fyrir evruaðild 

Þýskaland íhugar að þjóðnýta hluta bankakerfis landsins, þrátt fyrir evruaðild

Samkvæmt dagblaðinu Sueedeutsche Zeitung gerir þýska ríkisstjórnin sér nú grein fyrir að núverandi björgunarpakkar til handa þýskum bönkum munu ekki bjarga þýska bankakerfinu. Nánar um þetta á tilveraniesb.net => Þýskaland íhugar að þjóðnýta hluta bankakerfis Þýskalands, þrátt fyrir evruaðild

Fyrri færsla

• Ísland særir sig svöðusári á viðkvæmum markaði fyrir traust og siðmennt í heiminum

Ísland særir sig svöðusári á viðkvæmum markaði fyrir traust og siðmennt í heiminum

Það má vel færa rök fyrir því að atburðir undanfarinna mánaða og vikna sem náðu hámarki í gær með þeim andlýðræðislega stjórnmálalega afleiðugjörningi innherjaviðskipta sem Alþingi Íslands samþykkti í trássi við kjósendur landsins, muni grafa enn frekar undan trausti umheimsins á laga- og viðskiptalegu umhverfi á Íslandi

Þessi atburður mun einnig veikja samstarfsvilja Evrópuþjóða sem annarra í garð Íslands og Íslendinga. Þessi vilji mun nú breytast í kúgun. Þetta er álitshnekkur og undirlægja sem getur haft afdrifaríkar afleiðingar fyrir landið okkar. Nú verður enn einn fyrirvarinn i viðbót settur á svo margt í samskiptum umheimsins við Ísland. Nú hefst einnig einangrunar og einstefnuaksturinn inn í hið efnahagslega og lýðræðislega öryrkjabandlag Evrópu, Evrópusambandið

Þessu spellvirki þurfti Ísland ekki á að halda. Þessi ógagnsæu krosseignatengdu afleiðuviðskipti með lýðræði á Íslandi er smánarlegur blettur á landi okkar. Nú verður hlegið ennþá hærra hér erlendis að okkur fáráðlingunum frá Íslandi. Og trúið mér, mikið hefur verið hlegið hér að vindbelgjum og aulabárðum Íslands. Beljur Íslands á alþjóðasvellinu bættu í gær gráu ofaná svartan mykjuhaug sinn. Að vera Íslendingur á erlendri grundu hefur aldrei verið eins smánarlegt og nú. Það var ekki nóg með að allt viðskipta- og fjármálaeftirlit á Íslandi brást landi okkar gersamlega í höndum Samfylkingarinnar. Nei, sjálf eftirlits- og framkvæmdastofnum lýðræðis á Íslandi brást einnig í höndum Samfylkingarinnar & Co í gær og sem nú hefur jafnað flest við jörðu á Íslandi. Jafnt skal það verða væni minn. Veghefillinn Samfylkingin & tossa græningjar lýðræðis halda ferðinni áfram um landið okkar

Í staðinn fyrir hvítan hest forfeðra okkar fáum við veghefil jafnaðarmanna og græningja tossa. Lítið er stolt mannanna í vegheflinum og mikil er gleðin hjá elítuinni í ESB, því nú er Ísland loksins stigið ofan af hvíta hest forfeðra okkar. Hestinum sem svo margir hér í Evrópu og víðar öfunduðu okkur af. Nú er allt jafnað kolsvart og fótum troðið. Aulabárðar og dekurdýr

Fyrri færsla 

• Stjórnarskrárdómstóll Þýskalands segir að Evrópuþingið sé andlýðræðisleg samkunda

Stjórnarskrárdómstóll Þýskalands segir að Evrópuþingið sé andlýðræðisleg samkunda

Stjórnarskrárdómstóll Þýskalands:

Þingmenn lýðræðisríkja sækja umboð sitt til kjósenda. Það gerðu Vinstri grænir ekki. Samkæmt stjórnarskrárdómstóli Þýskalands er þing þess Evrópusambands sem aðalritarar Vinstri Grænna og Samfylkingin í Kreml 101 eru að sækja um aðild að:

- ólöglegt

- andlýðræðislegt

- einsflokks stjórnarfar

Konan mín kom aftur heim á litlu skrifstofuna okkar og spurði mig frétta. Ég sagð henni sem var. "Hvernig gat þetta gerst" spurði hún. Ég svaraði: "með aðstoð Vinstri grænna". Í dag er nefnilega fimmtudagurinn 16. júlí árið 2009. Dagurinn sem ég hélt ekki að myndi ekki enda í fullkomnum aumingjaskap   

Lengi hef ég vitað að Evrópusambandið væri einsflokkakerfi sem engin þjóð getur komist lifandi út úr aftur. Það merkilega er þó að stjórnarskrárdómstóll Þýskalands hefur nú fellt þennan sama dóm. En ekki nóg með það, nú segir þessi dómstóll að þing Evrópusambandsins sé "andlýðræðisleg samkunda". Og heldur ekki nóg með það. Þessi þýski dómstóll segir einnig að Evrópusambandið og þing þess sé í raun einsflokka kerfi því það sé engin stjórnarandstaða þar þegar um meðferð málefna þessarar samkundu ræðir

Þetta passar ákaflega vel við það sem Wall Street Journal skrifaði þann 26. júní núna um daginn

Í sumum löndum falsar maður úrslit kosninga. Í Evrópusambandinu er hinsvegar bara kosið aftur þar til rétt niðurstaða fæst. Enska: In some countries they rig votes, in the European Union they repeat votes to get the desired result.

 

 

 

<><><><><><> SÍMKEYTI <><><><><><>

 

German Court decision on Lisbon Treaty rejects EP as a democratic body

The Sun reports that German Constitutional Court judges called the Lisbon Treaty an "illegal power grab", in their judgement last week, as the Treaty takes away sovereignty from nation states in a number of areas, such as the right to set laws on defence, taxes, the police and education. The Treaty cannot be ratified in Germany until a new law guaranteeing the rights of the German parliament in the EU-decision making process has been approved by the parliament. Open Europe is quoted as saying: "British MPs need to wake up -- and demand the same powers."

 

A leader in the Sun writes that the German court decision "even rejects the EU Parliament as a democratic body - pointing out that it does not even have a proper Opposition.  This must surely put paid forever to the grandiose dream of a European superstate?"

 

Meanwhile Czech daily, the Prague Monitor reports that some Czech Senators have indicated that they might lodge a complaint over the Treaty with the Czech Constitutional Court in the first half of August. Sun EUobserver Sun: Leader Prague Monitor

<><><><><><> FULLT STOPP <><><><><><>

 

Dýrmæt 25 ára reynsla  

Þetta passar vel við reynslu okkar sem íbúar hér í Evrópusambandinu hin síðustu 25 ár. Reynsla sem nú tekur enda seint á þessu ári því þá munum við flytja aftur til Íslands með fyrirtæki okkar. Á meðan við höfum horft uppá gamla landið okkar Ísland (og marga þegna þess sem við höfum þjónustað árum saman) verða ríkara og ríkara land og fagna æ meiri velgengni, atvinnu og framgangi á flestum sviðum á þessum 25 árum, þá höfum við, meira eða minna, staðið í stað og jafnvel hörfað á þessu sama tímabili. Við höfum ekki orðið vitni að svona framgangi hér í þessu verðandi nýja efnahagslega öryrkjabandalagi Evrópu. Enda mjög eðlilegt því það er jú frelsið sem skapar velmegun, knýr hagvöxt og framgang í efnahagsmálum. Ástand efnahagsmála er einnig stór forsenda lýðræðis. Bæði frelsi og lýðræði eru á undanhaldi í Evrópusambandinu. Hvað eftir annað eru kjósendur hér í þessu bandalagi sendir inn kosningabúrin aftur því ríkisstjórn Evrópusambandsins fannst nefnilega ekki koma rétt út úr kosningunum síðast. En er þá kosið um eitthvað nýtt í hvert skipti? Nei, venjulega er bara kosið um það nákvæmlega sama eða svipað aftur og aftur eða svo lengi sem það kemur "rangt" úr úr kosningunum 

Þetta batnar bara lesendur góðir, því næstir í röðinni inn í kosningabúrin aftur - og nú mun hræddari en síðast - eru þegnarnir í hinu írska héraði Evrópusambandsins. Eins og er nefnist þetta hérað ennþá Írland. Forseti yfirríkisstjórnar Evrópusambandsins, Manuel Barroso, sagði nefnilega í gær að ef Írar kjósi ekki "rétt" í þetta skiptið (það var kosið um það nákvæmlega sama á Írlandi síðasta sumar en þá kom óvart vitlaust út úr kosningunum) þá mun héraðið missa það sem hér er kallað að vera "commissar". Já, sem sagt, hann segir að Írland missi allan rétt á því að hafa leyfi til að útnefna nokkra lifandi eða dauða persónu á Írlandi sem "commissar" í Evrópusambandinu.

Já félagi minn Barasósó, þetta er alveg í hinum rétta anda hjá þér. Nýja ríkisstjórn Íslands mun væntanlega gleðjast með þér yfir þessum stórkostlegu lýðræðislegu framförum. Þetta er nú eitthvað annað og betra en gamla draslið sem var þarna áður fyrr. Þetta eru ákveðnir menn sem kunna að koma málunum í "farveg og skjól" fyrir lýðræðinu hérna í Evrópusambandinu. Séu hinsvegar horfur á að það komi afdráttarlaust nei frá þessum svokölluðum kjósendum hér í Evrópusambandinu, þá eru þeir bara alls ekki spurðir um neitt. Ekki spurðir um til dæmis hvort þeir vilji eitt stykki nýja stjórnarskrá til að lifa og starfa undir, eða hvort þeir vilji fá nýja mynt sem steindrepur hagvöxt og velmegun þeirra og sem aldrei er hægt að skila aftur. Þannig sleppa því kjósendur við að vera þvingaðir inn í kosningabúrin til þess eins að útfylla atkvæðaseðilinn með þeim í raun eina valkosti sem þar á er forprentaður - þeim sjálfum til hægðarauka og léttis 

<<><><><><><> SÍMKEYTI <><><><><><>

 

Barroso: Irish must vote Yes to keep commissioner

European Commission President Jose Manuel Barroso has warned Ireland that they must vote Yes to the Lisbon Treaty in order to keep the right of appointing a Commissioner, the Irish Times reports. Barroso said in an interview, "With Lisbon it would be always possible to have one commissioner per member state... if you keep Nice then member states will not have the possibility to send a member to the commission all the time. So that is an important argument to vote for Lisbon I believe".

Irish Times

<><><><><><> FULLT STOPP <><><><><><>

 

Hérna kemur svo skýringin á þessu öllu. Verið alls óhrædd, það er ekkert að óttast . . . eða hvað? 

Þetta með lýðræðið er eiginlega útskýrt ákaflega vel hér í viðtali BBC við varaforseta ríkisstjórnar Evrópusambandsins (framkvæmdanefndarinnar), henni ágætu sænsku Marggott okkar Wallström. Gjörið svo vel og takk fyrir

 

 Tengt efni

• VG félagar í Norðaustur­kjördæmi vara Steingrím við
• Um lýðræði í ESB: Þátttaka í kosningum til Evrópusambandsþingsins frá 1979 

Fyrri færsla

• Hvar er grasrót og bakland Vinstrihreyfingarinnar græns framboðs núna? 

Hvar er grasrót og bakland Vinstrihreyfingarinnar græns framboðs núna?

Kennitöluflakk formensku Vinstri grænna

Er grasrót þessa flokks til í raunveruleikanum eða var hún eftir allt saman aðeins tindátar á taflborði "aðalritara flokksins" og Samfylkingarinnar? Kannski finnst ykkur þessi spurning mín óviðeigandi og ósanngjörn. En það finnst mér ekki. Ekki þegar grundvöllur þjóðríkis Íslands og þjóðarhagsmunir Íslands eru svona í húfi. Hvar eruð þið fólkið, grasrót Vinstri grænna og bakland? Er það flokkshollustan sem ræður hjá ykkur eða þjóðhollustan? Þið hljótið að hafa einhverja sannfæringu aðra en bara sitja hjá og láta jarða ykkur. Ekki láta útrýma ykkur. Það gæti orðið mikil þörf fyrir ykkur við vanragarða landsins. Ekki láta forystu ykkar setja flokk ykkar í æfilangt útgöngubann. Þögn grasrótar Vinstri grænna er að verða ærandi. Ég vona ennþá. Það gera einnig margir aðrir 

Steingrímur! Þetta gengur ekki lengur! Taktu sönsum maður! Mundu hver kaus flokk þinn

 

Fyrri færsla 

• Steingrímur J. Sigfússon formaður stjórnmálaflokks í lýðveldinu Íslandi: FYRIR og EFTIR 

Steingrímur J. Sigfússon formaður stjórnmálaflokks í lýðveldinu Íslandi: FYRIR og EFTIR

Steingrímur J. Sigfússon formaður stjórnmálaflokks í lýðveldinu Íslandi sagði -

FYRIR

17. nóvember 2005

„Varðandi samningsmarkmið og slíka hluti þá vil ég leggja áherslu á tvennt í því efni. Það fyrra er að samningssvigrúmið er svo lítið. Ég tel að það sé svolítið villandi að gera svona mikið úr því — eins og framsóknarmenn og samfylkingarmenn gera að mínu mati aðallega út úr vandræðum sínum því þeir verða eitthvað að gera mennirnir í þessu Evrópumáli. Það er bara eitthvað á sálinni — að það sé svo gríðarleg vinna að skilgreina samningsmarkmiðin af því að samningssvigrúmið er svo lítið. Þetta snýst um að ganga eða ganga ekki inn.Hið síðara er að það er mikill misskilningur að menn geti farið í aðildarviðræður og samningaviðræður við Evrópusambandið bara í einhverju gríni án þess að hugur fylgi máli. Halda menn að Evrópusambandið taki vel á móti mönnum sem koma og segja í Brussel: „Við ætlum að fá ykkur til að semja við okkur um mögulega aðild okkar. Svo ætlum við að sjá hvað það er, hvort það er nógu gott.“Nei, menn fara ekki í samningaviðræður við Evrópusambandið nema þeir ætli að ganga þar inn, að því auðvitað tilskildu að niðurstaðan verði þolanleg.“ 

• Það er bara eitthvað á sálinni — að það sé svo gríðarleg vinna að skilgreina samningsmarkmiðin af því að samningssvigrúmið er svo lítið.
• Samningssvigrúmið er svo lítið 
• Þetta snýst um að ganga eða ganga ekki inn 
• Það er mikill misskilningur að menn geti farið í aðildarviðræður og samningaviðræður við Evrópusambandið bara í einhverju gríni án þess að hugur fylgi máli
• Halda menn að Evrópusambandið taki vel á móti mönnum sem koma og segja í Brussel: „Við ætlum að fá ykkur til að semja við okkur um mögulega aðild okkar. Svo ætlum við að sjá hvað það er, hvort það er nógu gott.
• Nei, menn fara ekki í samningaviðræður við Evrópusambandið nema þeir ætli að ganga þar inn, að því auðvitað tilskildu að niðurstaðan verði þolanleg. 

Hver og hvar skyldu þolmörk þessa manns vera? Sjá alla söguna hér á AMX.IS: Steingrímur J: Ekki farið í viðræður við ESB nema menn ætli að ganga þar inn

Afsökunarbeiðni frá mér til lesenda þessa bloggs 

Þann 24 apríl 2008, daginn fyrir kosningar, skrifaði ég eftirfarandi í færslunni; Ég skora á alla sjálfstæðismenn Íslands að kjósa

Ég kaus Sjálfstæðisflokkinn 
Kjóstu því landið þitt. Þú vilt ekki að aðrir eignist landið þitt, því þá eignast þeir þig í leiðinni. Sjálfur kaus ég Sjálfstæðisflokkinn. Ég gerði það eftir að vinur minn á Íslandi hafði tekið persónulegt loforð af nýjum formanni flokksins um að flokkurinn myndi ávalt halda áfram að vaka yfir sjálfstæði og fullveldi Íslands. Sjálfstæðisflokkurinn er og verður sjálfstæðisflokkur Íslands. Skyldi þér ekki hugnast að kjósa Sjálfstæðisflokkinn þá bendi ég á Frjálslynda flokkinn og Vinstri Græna sem eru ekki landsölu flokkar. Ég hef að minnsta kosti valið að trúa því. En það er trú Íslendinga á landinu okkar sem hefur alltaf flutt fjöll þegar á þarf að halda. Núna er sá tími

 

Ég bið hér með alla lesendur mína innilega afsökunar á barnaskap mínum. Ég villti því miður um fyrir ykkur með því að benda ykkur á Vinstra grænt framboð. Mér þykir þetta afskaplega leitt og ég skammast mín

Steingrímur J. Sigfússon formaður stjórnmálaflokks í lýðveldinu Íslandi 

EFTIR   

 

Tja, hvað ætti maður svo sem að skrifa? Ég er orðlaus  

 

 

 

 

 

Meira seinna um þennan nú litla mann 

 

Fyrri færsla

• Til Alþingis Íslendinga: er Ísland lýðveldi eða einkaeign Samfylkingarinnar og ESB? 

Til Alþingis Íslendinga: er Ísland lýðveldi eða einkaeign Samfylkingarinnar og ESB?

Það á að banna þetta mál (Evrópusambandsaðildarmálið) á Alþingi þangað til að mikill (já mjög mikill og sterkur) meirihluti þjóðainnar hafi í gegnum vandaðar skoðanakannanir og á alveg ótvíræðan hátt látið uppi einlæga ósk sína í samfellt heilt kjörtímabil (4 ár) um að Ísland setji Evrópusambandið og aðild (innlimun) að því á dagskrá Alþingis

Hin einlæga ósk mikils og sterks meirihluta kjósenda verður að hafa myndast óþvingað á kjörtímabili sæmilegs jafnvægis í efnahagsmálum þjóðarinnar. Það koma margar kynslóðir á eftir okkur og þess vegna má ekki taka svona mál upp til þess eins að reyna að bæta fyrir stundartjón eins og til dæmis fall þriggja banka í verstu fjármálakreppu heimsins síðan 1929. Kreppan mun nefnilega líða hjá, að því tilskyldu að þið þingmenn og ríkisstjórn vinnið verk ykkar í þágu Íslands, eins og til er ætlast af ykkur  

Það á ekki að sólunda tíma Alþingis íslenska lýðveldisins í þvarg og einkahagsmuni eins stjórnmálaflokks sem nú hefur handtekið allt lýðræði og þingræði í landinu í sínum einkaerindum. Allt Ísland er í handjárnum Samfylkingarinnar núna og brennur! Skaðinn sem Samfylkingin er að valda Íslandi er geigvænlegur. Já geigvænlegur og gegndarlaus!

Þetta mál er svo einstakt og sérstakt að það má líkja því við að Alþingi fái umboð þjóðarinnar til að ákveða að lýðræði sé afnumið á Íslandi. Það verður nefnilega ALDREI kosið um þetta mál aftur ef það fæst einu sinni já frá kjósendum á Íslandi. Þannig er hið svokallaða lýðræði undir fána Evrópusambandsins. Þetta er styrjaldaryfirlýsing við andstæðinga Evrópusambandsaðildar. Það er ógerningur að koamst út úr ESB aftur. En það er hinsvegar hægt að losna við hvaða stjórnmálaflokk sem er úr ríkisstjórn Íslands og út af Alþingi á í mesta lagi fjórum árum. Það er réttur sem allir Íslendingar með kosningarétt hafa. En það er ekki hægt að ganga úr eða í ESB á fjögurra ára fresti. Sértu einu sinni kominn í Evrópusambandið  þá kemstu aldrei þaðan lifandi út aftur

Hvað eruð þið að hugsa, þingmenn og ríkisstjórn? Ætlið þið að brenna allt Ísland af í einskisnýtu þvargi? Farið vinsamlegast að vinna fyrir Ísland. Hættið að ganga erinda andstæðinga okkar í þeim stóru málum sem þarf að taka á. Sameinið þjóðina í sameiginlegu átaki svo hægt sé að komast út úr erfiðleikunum saman. Hættið að sundra þjóðinni og hættið að blása til borgarastyrjaldar á Íslandi. Munið að sjálfstæði Íslands er einungis 65 ára gamalt og þar, sem erlendis, var hart barist fyrir því. Við þurfum öll að búa saman og vinna saman í þessu landi 

Munið þetta Íslendingar

Núna og akkúrat núna er það sjávarútvegur Íslands sem heldur undirstöðulífinu í efnahag Íslands. Uppáhalds atvinnugreinin hans Jóns Baldvins. Þetta er atvinnugreinin sem Samfylkingin hatar og er tilbúin að fórna til þess eins að komast til Brussel. Velgengni þessarar atvinnugreinar, ásamt landbúnaði Íslendinga, er sjálfur lykillinn að því að það sé yfir höfuð hægt að leysa Icesave málið, sama hvernig það verður leyst. En nei. Sama hvað það kostar þjóðina og algerlega sama þó það verði gert á bananalýðræðislegan hátt, skal troða ESB ofaní hrædda þjóð og alveg sérstaklega á meðan þjóðin er einmitt hrædd. Því annars þýðir það ekki neitt, því þjóðin gleypir ekki ESB í venjulegu íslensku árferði. Aldrei. Allt skal fótum troðið eins og fíllin gerði svo glæsilega inni í kristalbúðinni

Sjómenn Íslands, útgerðarmenn og bændur

Það er eins gott að þið fiskið vel, sjómenn og útgerðarmenn, því nú þolir þjóð Samfylkingarinnar ekki neinn aflabrest á meðan verið er að troða ESB ofaní kokið á þjóð Samfylkingarinnar og það á meðan hún fórnar efnahag framtíðarinnar fyrir Icesave reikninginn. Spara verður einnig gjaldeyri svo það er eins gott að það heyjist vel og þið standið fast í lappirnar við búskapinn bændur. Það þarf nefnilega að semja um útrýmingu ykkar niðri í Brussel. Hraðið ykkur nú. Okkur, Samfylkingunni, vantar nefnilega peningana, núna. Vantar gjaldeyrinn! 

Tengt efni

• Þingmönnum VG er ekki skylt að samþykkja ESB-umsókn 

Fyrri færsla

• Aðvörun: Evrusvæðið missir trúverðugleika hjá fjárfestum heimsins