"See Me Here"- lest Demókrata brunar áfram [u]

See Me Here

Horfðu á Darren Tate plötuna frá 2001 snúast, settu þig í vocal-trance Óríon (rödd: Rebecca Raines), og ímyndaðu þér að platan sé járnbrautarlest. Um borð í henni er stjórnmálaflokkur Demókrata, með Joe Biden bundinn framan á. Brunar nú lestin og brunar, blind af hatri á Trump. Hún er knúin af pakt-samkomulagi Demókrata við Antifa* og Svört líf skipta máli*, sem hljóðar þannig að "við rústum borgum og bæjum Bandaríkjanna með ofbeldi, brennuvörgum, innbrotum og óeirðum sem við kennum Trump um og fáum þig þannig kosinn sem nýjan forseta Bandaríkjanna. Í staðinn kemur þú stefnumálum Bernie Sanders um sósíalisma í Bandaríkjunum í framkvæmd, því hún er stefna okkar"

Should I, could I, try to say

Brunar lestin nú og brunar, og bæir brenna. Joe Biden, flokkur hans og fjölmiðlar, neita því að um ofbeldi og skrílsaðgerðir sé að ræða, er borgarhlutar, eigur borgaranna og atvinnurekenda stíga til himins sem reykmekkir í þeim bæjum og borgum sem lúta stjórn Demókrata. "Ekkert ofbeldi og engar óeirðir eru hér. Ekkert er í gangi hér, nema friðsöm mótmæli". Öll hallelújapressan á talnabandi Demókrata og sem nú næstum eingöngu er mönnuð nýmarxistum; CNN, ABC, MSNBC, New York Times, Washington Post og svo framvegis, spilar með: "Hér er ekkert ofbeldi, engar óeirðir né skrílslæti á ferðinni, bara friðsamleg mótmæli" er sagt, dag eftir dag, viku eftir viku, mánuðum saman. Borgir og borgarhlutar brenna og engum heilvita atvinnurekanda mun nokkru sinni á ný koma til hugar að opna nýjan en nú niðurbrenndan Burger King eða Target-verslun í þessum skrílsborgum Demókrata aftur. Aldrei

Should I tell you? Should I walk away?

Bandaríska þjóðin er hins vegar hvorki heimsk, blind né vitlaus. Hún sér vel hvað er að gerast. Íbúarnir eru búnir að fá nóg og margir í mörgum fjölskyldum landsins eiga nú um afar sárt að binda, þökk sé þessum pakt-gengjum Demókrata

Do you see me wanting?

Trump forseti og Repúblikanar keyra hins vegar grunnstefnu flokksins sem er "með lögum og rétti skal land byggja" og er hún grunnstyrkur flokksins sem allir Ameríkanar þekkja, frá fæðingu af. Repúblikanar heimta að Demókratar fordæmi ofbeldið, brennuvargana og þjófana. En það geta Demókratar ekki, því þeir eru jú búnir að staglast á því nú mánuðum saman að ekkert sé að; hvergi sé neitt ofbeldi í gangi og að enginn sé að brenna neitt niður neins staðar. Not happening, segja þeir. "Allt er í fínu lagi, þetta eru bara friðsamleg mótmæli". Demókratar geta því ekki bakkað, nema þá inn í helvíti, eðlilega. Það er nefnilega ekki hægt að fordæma það sem Demókratar og pressa þeirra hafa sagt, og segja enn, að sé ekki til

Do I run? Do I stay?

En bandaríska þjóðin horfir og horfir, og hún sér og sér. Því lengur sem Demókratar segja að ekkert sé að og ekkert ofbeldi þurfi að fordæma, því bremsulausari verður lestin sem þeir bruna í. Demókratar sem gerðu pakt við djöfulinn, geta ekki lengur stoppað hann. Þeir hafa enga stjórn á honum, eðlilega. Ekki ferkar en herra Hi hafði öxulstjórn á herra Mú

Chorus (CNN, ABC, MSNBC, NYT, Wash.P...)

Já, lestin brunar og brunar. En bremsurnar eru farnar og framundan er bjargbrún. Og einmitt þar stendur Donald J. Trump, veifandi bandaríska fánanum, lögum og rétti, og kallar; See Me Here! Brunar nú lestin. Já hún brunar og brunar...

See Me Here!

* Antifa er hreyfing "and-fasista" sem segir að allir sem ekki eru sammála henni séu fasistar. Henni svipar til stjórnmálahreyfingar hamra, sem segir að öll vandamál heimsins séu naglar (til að berja á). Nokkurs konar hryðjuverðasamtök. Samtökin Svört líf skipta máli er hins vegar hreinræktuð rasistahreyfing sem engan áhuga hefur á stéttum (e. classes). Marxistar öfgavinstriarms Demókrataflokksins hafa því enga stjórn á henni og skilja hana ekki. Hún er nokkurs konar fallöxi á hjólum sem fyrirvaralaust getur snúist gegn jafnvel sköpurum og stjórnendum hennar. Henni svipar til morðgengisarms Frönsku byltingarinnar sem heimtaði að mannkynssagan yrði strokuð út og ártalið stillt á núll

Save me from misery

Tengt: Hlustið endilega á Victor Davis Hanson rúsínubónda og sagnfræðing segja söguna um járnbrautarlest Bidens í VDH-hlaðvarpi númer 31 - og lesið endilega grein Andrew Roberts í breska Telegraph um hinn sögulega en silkiklædda járnhnefa lögmálsins um ótilætlaðar afleiðingar

- uppfært

HVAÐ MÁ LÆRA AF ÞESSU?

Jú, svo kallaður líberalismi eða frjálslyndis-jafnaðarstefna og stofnanavæddur eftirstríðs-líberalismi Vesturlanda er hruninn. Eina von þeirra líberalista sem ekki vilja verða undir hruni hans og eru enn trúir líberalismanum, er sú að leita skjóls og bandalags við okkur þjóðaríhaldsmenn. Annars bíður þeirra lestin vonda sem brunar fyrir björg. Í henni vilja þeir ekki vera og alls ekki undir henni. Yoram Hazony, einn fremsti stjórnmálaheimspekingur Vesturlanda, er með skilaboð til þeirra sem vilja ekki verða undir hruni líberalismans. Þau má lesa hér í nýrri ritgerð sem hann birti á vefsetri sínu, Bréf frá Jerúsalem: The Challenge of Marxism

Í Bandaríkjunum verður stjórnmálaflokki Demókrata ekki treyst á ný næstu áratugina. Enda flokkurinn svo gott sem ónýtur eftir að Obama eyðilagði hann með því að breyta honum í spegilmynd sína, þannig að hann passaði engum nema honum. Úr engum góðum leiðtogaefnum er því að velja þar núna og þess vegna er Joe Biden forsetaefni flokksins 2020, hjálparlaus negldur og krossfestur framan á reiðilest flokksins sem Obama lagði í rúst með róttækri vinstrimennsku

Í röðum Repúblikana, hins vegar, er næstum úr endalausum fjölda af framúrskarandi góðum og hæfum framtíðarleiðtogaefnum að velja og sem taka munu við nýju og endurreistu framleiðsluheimsveldi Bandaríkjanna er Trump fer frá í janúar 2025. Má þar nefna til dæmis Tom Cotton, Devin Nunes, Kristi Noem og Daniel Cameron, til að byrja með. Donald J. Trump hefur endurreist Repúblikanaflokkinn sem stjórnmálaflokk hinna vinnandi stétta Bandaríkjanna

Fyrri færsla

Finnst einhverjum þetta sniðugt?

Athugasemdir

[Jón Steinar Ragnarsson, 3.9.2020 kl. 03:34]

Demókratar reyna nú sem óðast að skipta um tón og fordæma ósköpin (Nema Kamala, sem heldur áfram að hvetja) Nú er þetta allt Trump að kenna. Líka córónan.

Ástæðan: skoðanakannanir sýna að fylgið hrynur af þeim undan þessu.

To little too late  Demókratar...

CNN lýsti þessu í gær sm "Fiery, but mostly peaceful protests." Í bakgunni stóðu verslanir í ljósum logum. Þeir fengu greinilega ekki memóið.

[Gunnar Rögnvaldsson, 3.9.2020 kl. 03:37]

Já Jón Steinar.

Dems geta ekki bakkað, nema þá inn í Helvíti (stór stafur því um staðarheiti er jú að ræða)

Kveðja

[Símon Pétur frá Hákoti (IP-tala skráð) 3.9.2020 kl. 11:35]

Frábær pistill Gunnar.

Og það er vert að hafa vanda okkar gamla flokks í huga þegar pistillinn er lesinn.  Vörumst slys Valhallar forystu Junior Bjarna og hælisleitenda og ESB búrakrata innflutning hennar.

Endurtek:  Frábær pistill Gunnar.

[Símon Pétur frá Hákoti (IP-tala skráð) 3.9.2020 kl. 11:57]

Fylgið hrynur, fylgið hrynur.

Af hverju?

V.þ.a. júróbúrkrata liberalistinn, pilsfaldakommúnistinn/pilsfaldakapítalistinn, er vagnstjóri lestarinnar til Helvítis.

Því fær ekkert breytt nema forystunni verði hent á öskuhauga sögunnar.  Tíminn flýgur.

Sá tími er ekki kominn, en hann mun koma og þá mun Sjálfstæðisflokkurinn verða endurreistur sem flokkur hinna vinnandi stétta og sjálfstæðis og fullveldis lands og þjóðar.

Sá tími er ekki kominn, en hann mun koma.

Það er óhjákvæmilegt.

Það vitum við, það vitum við svo sannarlega.

[Gunnar Rögnvaldsson, 3.9.2020 kl. 13:26]

Þakka þér fyrir Símon Pétur.

Ég er ekki bjartsýnn á framtíð Sjálfstæðisflokksins. Þú sást kengúruhopps-viðbrögð Bjarna formanns og Guðlaugs Þórs utanríkisráðherra er Trump sendi þá í raunveruleikaprófið í vor, þegar hann lokaði á allt Schengen, eftir að hafa lokað á Kína, og sem þá kallaði fram fáráðlingsviðbrögð Þórdísar Kolbrúnar, þingmanns kínverskra ferðamanna.

Mér sýnist að formaður flokksins reki hann sem eins konar vogunarsjóð, sem þekktir eru fyrir að  markaðsfæra sig á því að segja meðlimum að sjóðurinn þeirra græði bæði á því þegar allt fer niður, til jafns á við það þegar hlutirnir fara upp.

Flest sem forystan aðhefst bendir til að hún sé að skortselja flokkinn og taka stöðu gegn honum og Íslandi líka. Og síðustu vikur hafa sannfært flokksmenn enn frekar um raðdómgreindarskort formannsins fyrir að setja yfir-dómgreindarskert börn á ráðherrastóla.

Um líberalismafaraldurinn í Valhöll þarf víst ekki að ræða. Þar steinliggja að ég held allir undir einni og sömu glóbal-sæng. Þarna er lítið jarðsamband, eða svona svipað og í kjallaranum hjá Biden.

Kveðjur

[Símon Pétur frá Hákoti (IP-tala skráð) 3.9.2020 kl. 14:04]

Þakka greinargott svar þitt Gunnar.

Tek algjörlega undir stöðumat þitt.

Styrmir ætti að lesa það og láta af undrun sinni yfir fylgisleysi flokksins.  Landsfundur er þar gagnslaus.  Flokksins bíður hið endanlega hrun.

Hvað síðan verður, er von mín og trú að alvöru Sjálfstæðisflokkur rísi upp úr öskustónni.  Flokkur sannra sjálfstæðismanna sem unna landi sínu og trúa og treysta samtakamætti þjóðarinnar til eigin gæfu og gengis; dauðhreinsaður af júróbúrkratískum kínakomma landsölumönnum.

Í millitíðinni mun ég leggja Miðflokknum lið.  Þar er nú þann eina flokk að finna sem hefur að leiðarljósi:  Gjör rétt, þol ei órétt.