Kaldasti júlímánuður í 22 ár

Danska meðvirka Veðurstofan neyddist til að viðurkenna að nýliðinn júlímánuður var sá kaldasti síðastliðin 22 ár í Danmörku. Hér á Íslandi var hann víst sá næst- eða þriðji- kaldasti á öldinni. Veðurfræðilegir "sumardagar" í Danmörku voru aðeins tveir í mánuðinum. En "sumardagur" kallast það þegar hitinn utandyra fer yfir 25 gráður – og hægt er að spara kyndinguna innandyra

Samt tekst dönsku meðvirku veðurstofunni að böggla saman fjögurra blaðsíðna pédéeff-kúluriti um veðrið í júlí án þess að meðvirkum pennum ríkisstofnunarinnar –sem allt sitt eiga undir ofsapíndum skattgreiðendum landsins komið, í næstum heila öld, án nokkurs sýnilegs árangurs– tækist að formúlera niðurstöður sínar þannig að þær segðu þetta hreint út. Ef að staðan hefði verið öfug, þá væri hún sjálf fyrirsögn pédéeffsins hjá DMI-Brésnéff

Og nú segja menn að Miðjarðarhafið hafi verið þremur gráðum hlýrra á Rómartímunum en það er núna

Svo virðist sem heilasellur margra svo kallaðra vísindadamanna séu orðnar frosnar fastar, þegar lesið er um hvað þeir þykjast sammála um, en eru það auðvitað ekki

Það styttist í að forritaðar-á-fyrirfram-ákveðinn-hátt leitarvélar nýaldarimba hætti að sýna okkur það sem forstöðumenn þeirra vilja ekki að við sjáum. Gerist það reyndar nú þegar, alla daga ársins. Kæru lesendur njótið endilega sílikonvisku sjálfs herraseturs alheimsins

Fyrri færsla

Landsframleiðsla Þýskalands féll um 34,7 prósent. Evrusvæðið enn verra

Athugasemdir

[Ómar Ragnarsson, 7.8.2020 kl. 23:30]

Síðustu 22 ár hafa verið þau hlýjustu á heimsvísu í aldir. Þar með fylgir hlýjasti júlímánuður hér á landi frá upphafi mælinga.  

Á þessu ári hefur verið mörgum stigum hlýrra í Síberíu en dæmi eru um, en kuldatrúarmenn telja svalan júlímánuð á Íslandi, sem er 22 sinnum minna en Rússland, vega þyngra. 

[Gunnar Rögnvaldsson, 7.8.2020 kl. 23:47]

Ómar minn.

Það er ekki til neitt veður eða hitastig á heimsvísu. 

En þér er auðvitað heimilt að fara með gömlu heimsvísuna sem segir að maður með höfuð sitt fast í helvíti, en fætur sínar límdar fastar neðan á himnaríki, hafi það að meðaltali gott. Þér er það alveg heimilt.

Þess utan eigum við endalaust magn af grjóti hér heima til að berja þorskhausum í. Um að gera er að nota það út í ystu æsar.

En svo er líka hægt að lesa Gamla testamentið til að fræðast um heiminn og söguna. Eða jafnvel skoða hellateikningar frummanna í Frakklandi sem héldu -eins og margir halda í dag- að þeir hefðu heimsmyndina á hreinu. Margar kynslóðir halda það, en alveg sérstaklega herrasetursmenn sílikon-alheimsins.

Kveðjur

Kveðjur

[Kristinn Bjarnason (IP-tala skráð) 8.8.2020 kl. 10:44]

Yuri Bezmenov útskýrir þetta í gömlu viðtali á you tube. Þetta sýnir hversu máttur fjölmiðla er mikill þegar tekst að heilaþvo menn eins og Ómar. Það er til meðalhiti jarðar og hann er 15 gráður eins og fyrir 60 árum. CO2 efnasambandið er forsenda fyrir lífi á jörðinni er nú orðinn aðalóvinur mannkyns. Þessir vísindamenn sem halda því fram að það sé hvorki meira né minna en hamfarahlýnun í gangi eru þeir sömu og sögðu um aldamótin að norðurpóllinn yrði horfinn 2018.

[Gunnar Rögnvaldsson, 8.8.2020 kl. 16:39]

Þakka þér fyrir Kristinn.

Já vinstrimönnum vantaði nýja allsherjar-alþjóðaþvælu gegn mannkyninu til að beita á það, eftir að sú fyrsta brást. Sú fyrsta réðst gegn mannlegu eðli og sem þeir kölluðu kapítalisma. En hann er ekki kerfi heldur aðeins mannlegt eðli og mannleg náttúra í formi færslna manna-á-milli, sem eru í formi varnings, þjónustu, peninga, gjafa eða greiða. Þessari náttúru manna afneituðu vinstrifíflin og reyndu í staðinn að hanna kerfi ónáttúru sem þeir reyndu að draga yfir höfuð allra. Það hét sósíalismi og kommúnismi og varð versta manngerða pláguþvæla sem riðið hefur yfir mannkynið og er Svarti dauði þó talinn með.

En þegar sú heilaþvæla þeirra brást og henni var sturtað niður í klósettið, þá fundu þeir upp nýja allsherjar alþjóðakenningu til að berja á mannkyninu: loftslagsþvæluna. Hún er ein stór Kleppstunna af ógeðslegu vinstrimannahori og jafnvel enn fúlla fen en sú síðasta.

Að nokkur uppréttur maður skuli trúa þessu nýja allsherjar kjaftæði grænkláms-kommanna er til marks um hversu fallvölt hjörtu manna eru, því þessi þvæla þeirra hefur ekkert með vitsmuni að gera.

Skömm þeirra sem trúa á hina nýju Kleppstunnu vinstrimanna er mikil. Að láta hið fúla fen vinstrimanna leika sig svona grátt, einu sinni enn, er næstum ófyrirgefanlegt. Kerfi vinstrisins eiga menn ætíð að varast því vinstrimenn eru og verða ætíð kerfiskarlar ónáttúrunnar.

Kveðjur

[Gunnar Rögnvaldsson, 8.8.2020 kl. 17:14]

Það er meira..

Ekkert af þessu vinstraliði lifir sjálft samkvæmt kenningum sínum, hvorki nú né áður.

Undir kommúnismanum ætlaði allt þetta fólk að vera yfirkommúnistar og láta aðra um að draga kerruna sem þeir sjálfir héngu á eins og krónískur lúsarfaraldur á skinni. Og núna undir loftslagsþvælunni er allt vinstrafólkið komið á framræslu skattgreiðenda þannig að flokkur Vinstri grænna er mesti ríkisbubbaflokkur sem til hefur verið hér á landi.

Ef þetta fólk lifði nú sjálft samkvæmt kerfiskarla-hugmyndafræði sinni, þá myndum við aldrei heyra í því, því það væri án rafmagns, án heilbrigðisþjónustu og án samskipta. Það ætti engin börn og hefði skotið sjálft sig fyrir löngu til að eyðileggja nú ekki "umhverfið" með tilvist sinni.

En nei, það hangir á netinu inni á innra-neti einkafyrirtækis skráðu á Nasdaq, er viðstöðulaust á ferð og flugi og heimar endalaust það "lýðærði" sem það hataði svo mikið fram að kaflaskiptunum 1990.

Það heimtar líka svo kölluð "mannréttindi", en sem aldrei geta orðið fyrir en menn viðurkenna frumforsendu þeirra, en það er eignarrétturinn sjálfur. Án heilags eignarréttar geta aldrei nein mannréttindi verið til.

Vinstrimenn þola yfirleitt ekki eignarréttinn svo lengi sem aðrir en þeir sjálfir eiga eitthvað sem þeim vantar sjálfum. 

Hmpf!

[Ómar Geirsson, 8.8.2020 kl. 19:05]

Blessaður Gunnar.

Mig minnir að þegar ég var yngri, jafnvel ungur, og þá varst þú ekki mikið eldri, að þá hefði það verið háttur kommúnista að rugla og bulla og afneita staðreyndum.

Nafni minn benti þér á einfalda staðreynd um hlýnun jarðar, sem nota bene er ekki rifist um þó menn deili um orsakir hennar, og þú bullar eiginlega í svari þínu til hans.

Enginn deilir um kuldann í Skandinavíu eða kuldann hér í júlí, og skýringin var ekki bara sú að bráðnun ís á norður slóðum hefur dregið úr styrk Golfstraumsins, heldur líka að hlýnun jarðar eyðir ekki kulda heimskautana, kuldapollar háloftanna hörfa þegar hlýindin sækja að, það skýrir að kuldatunguna sem leitaði hingað eftir Austur Grænlandi og náði alla leið til Skandinavíu.

Á meðan bráðnaði frerinn í Síberíu.

Og þú tekur svo undir bull í athugasemd hér að ofan Gunnar.

Varla ertu orðinn kommi eða það??

Kveðja að austan.

[Gunnar Rögnvaldsson, 8.8.2020 kl. 21:43]

Sæll Ómar II.

Alla tíð hafa menn talað um veðurfar, hitafar, kuldafar og alls konar far. Og það hafa menn gert án þess að reyna að vopnvæða tíðarfarið og gera það að pólitísku ótíðarfari sem ætlað er að knýja byltingar- og heimsendaþvætting vinstrisins sökum skorts á pólitískri hugmyndagloríu.

Vinstrimenn eru einfaldlega uppiskoppa með pólitískar hugmyndir og reyna því nú að vopnvæða tíðarfarið sér í hag. Enginn veit hvert hitastig jarðar er á heimsvísu því það er einfaldlega ekki hægt að vita það. Það er ekkert heimshitastig til. Það hlýnar og kólnar á víxl í hinum og þessum hlutum heimsins, eins og vera ber. Það er ekkert að. Ekkert að, nema helvítis vinstrimennskan!

Það er meira að segja frekar að kólna, því hjörtu vinstrimanna eru að minnsta kosti jafnköld og geld og á sovétísaldartímanum, frá mínum bæjardyrum séð. Þeir hata okkur mennina og stuffið okkar enn.

Kveðjur

[Jósef Smári Ásmundsson (IP-tala skráð) 9.8.2020 kl. 11:35]

Er nú ekki betra að halda sig við staðreyndir Gunnar. Staðreyndin er að meðalhitastig á jörðinni hefur verið hækkandi undanfarin 22 ár eins og Ómar bendir á.Staðbundin sveifla hitatala skiptir þar engu máli. Síðan er spurning hvort þetta er af mannavöldum eða náttúrulegar sveiflur. En ég er sammála þér að prog-rokkið er aðal og þú mátt koma meira með ELP í þessum pislum.

[Ómar Geirsson, 9.8.2020 kl. 13:44]

Blessaður Gunnar.

Náttúran veit það og hún er ekki pólitísk.  Við sjáum það á hörfun hafís við Norðurpólinn, bráðnun frerans á heimskautasvæðum Síberíu, Alaska og Norður Kanada.  Við sjáum það á hvernig vorar fyrr í Norður Evrópu, hvernig suðlægur gróður og skordýr sækja æ norðar, við sjáum það á umhleypingum á vetrarlagi eins og til dæmis í Skandinavíu þar sem ekki er lengur hægt að treysta á stöðugt vetrarveður frá hausti fram á vor líkt og verið hefur í gegnum aldirnar. 

Og svo eru til hitamælar, og þeir eru ekki pólitískir.

Sem og eðlisfræði sem útskýrir togkraftana að baki straumum eins og Golfstraumnum og útskýrir af hverju hann er að veikjast og þar með staðbundinn kuldi á þeim svæðum sem hann sér um upphitun á.

Ég skil hins vegar gremju þína vegna hins pólitíska rétttrúnaðar í kringum loftslagsmál, og deili með þér að hrista höfði yfir þeirri heimsku að skattleggja alla framleiðslu til landa þar sem engar mengunarvarnir eru, og orkan fengin með skítugri kolabrennslu.

Það eykur vandann, en dregur ekki úr honum, þó annað sé sagt í guðaspjalli rétttrúnaðarins.

Sem og að það dregur máttinn úr þeim öflum og kröftum sem mannsandinn hefur til að sigrast á sínum eigin skít og mengun, hinum borgarlega kapítalisma Vesturlanda sem lítur á þetta sem hvert annað verkefni sem hann þarf að takast á við og leysa.

Og það var þess vegna sem ég minnti þig á pólitíkina sem við þekktum svo mjög á yngri árum.  Kommarnir kenndu kapítalismanum um dauðar ár, súra skóga og svo framvegis en mýtan var að í draumlandinu væri allt í sóma, því það var sagt í hinum opinbera áróðri.  Samt voru það borgarleg lönd sem hreinsuðu sína ár og komu líf í þær aftur sbr. fyrsti laxinn sem gekk upp Thames ána um 1970, og skógarnir voru ekki að deyja á Vesturlöndum, heldur í Austur Evrópu, og hættu því ekki fyrr en draumlandið fór og borgarlegur kapítalismi tók yfir efnahagskerfið.  Á meðan eru hundruð þúsunda ferkílómetra í gömlu Sovétríkjunum lítt byggileg vegna mengunarslysa eða nauðgunar á náttúrunni eins og þegar ár sem runnu í norður voru stíflaðar og þeim veitt á slétturnar við Aralvatn og Kaspíahaf.

Ég man ekki eftir því að borgarlegir stjórnmálamenn rifust við vísindin fyrr en einhverjum snillingnum í almannatengsladeild tóbaksfyrirtækja tókst að sannfæra heimska hægrið í Bandaríkjunum að tengslin milli reykinga og krabbameins væru ósönnuð, og aðeins sósíalistar héldu því fram.  Orðræða sem var meira að segja byrjuð hérna, en hætti snögglega þegar einhver framagosinn með vonda samvisku afhjúpaði áróðursherferð tóbaksfyrirtækja í frægum réttarhöldum. 

Vísindamennirnir sem létu kaupa sig til að taka þátt í svona bulli, voru hins vegar ekki lengi atvinnuleysir, Exxon réð þá í vinnu til að fóðra heimska hægrið á svipuðum staðleysum. 

Að vísindi og niðurstöður þeirra hafi eitthvað með stjórnmál að gera, hins vegar misnota stjórnmál vísindin út í eitt, það er bara önnur ella.

Maðurinn ógnar sinni eigin tilveru með offjölgun, mengun og sóðaskap, hann sannarlega hefur áhrif á loftslagið, hann sannarlega dreifir eiturefnum út í náttúruna, bæði með iðnaði sínum, samgöngum eða matvælaframleiðslu, hann notar efni sem ógna lífi ef þau safnast fyrir út í náttúrunni í of miklu mæli og svo framvegis.

Allt vitað lengi, og gegn þessu hefur maðurinn barist gegn lengi. 

Og hvað er það sem virkar??

Jú mannsandinn og flæði hans út í samfélaginu, það er hann sem finnur lausnirnar og framkvæmir þær.

Af hverju??  Jú við eigum öll líf sem þarf að vernda, þar á meðal ég og þú Gunnar, sem er ástæða athugasemdar minnar.

Hver er óvinurinn??

Þar greinir okkur á um Gunnar, minni aðeins á að notandaskattar til að draga úr þjónustu er ekki uppfinning vinstrimanna, glóbalvæðingin og útvistun framleiðslu í nafni hins frjálsa markaðar er heldur ekki að finna í ritum Marx og Engels, sem allra annarra hugsuða vinstrimanna sögunnar.

Þetta er komið frá andskotanum og hagfræði hans, og þú þekkir alveg andlitið á kauða Gunnar þegar þú sérð framaní hann.  Og fáa hef ég heyrt kveða eins sterkar særingar til að kveða hann niður síðustu ár, eða allt frá því að félagi Trump fór í heilagt stríð gegn honum.

En ennþá er þér ofviða að segja satt um hann og ferð því Albaníuleiðina í gagnrýni þinni.  Skiptir ekki máli, særingarnar eru jafn máttugar fyrir því þó þú kennir einhverjum hugmyndafræðilega gjaldþrota vinstrimönnum sem hafa þann eina tilgang í dag að þjóna glóbalinu og hinu frjálsa flæði þess í vasa Örfárra auðmanna.

Þeir eru bara aumkunarverðir taglhnýtingar og eru hvorki upphaf eða endir neins, hugmyndafræðilega gjaldþrota fólk sem er aldrei nógu mikið skammað fyrir heimsku sína og afglöp. 

En skammirnar virka ekki Gunnar ef maður fer ekki rétt með.

Kveðja að austan.

[Gunnar Rögnvaldsson, 9.8.2020 kl. 14:39]

Ómar II.

Maðurinn ógnar ekki sinni eigin tilveru Ómar því maðurinn er ekki til. 

Enginn hefur séð "manninn" sem þú nefnir, því hann er ekki til. Það eru aðeins til Íslendingar, Bretar, Bandaríkjamenn, Rússar og svo framvegis og þeir eru allir ólíkir hvor öðrum sem þjóðir, og innbyrðis líka. Enginn þeirra er með það sama í toppstykkinu. Það er því enginn maður til.

En það eru hins vegar til kommar, og það eru þeir sem eru eins í öllum löndum; Það eru því þeir sem eru alþjóðlegir og það eru því þeir sem eru "kommarnir".

Og þeir eiga það allir sameiginlegt að þegar þeir komast til valda að þá eru engir eins duglegir við að eyðileggja allt sem þeir koma nálægt, og allar þær sálir sem eru í kringum þá. Þeir eru líka mestu umhverfissvín jarðar frá upphafi alda.

Það er því vinstrimennska og kommaskapur sem ógnar tilveru þjóða eins og alltaf áður. Kommar, kommar og kommar og kommar.

Bara Bandaríkin ein og sér gætu brauðfætt alla menn á jörðinni langt umfram mannfjöldann í dag. Þau eru stærsta og frjósamasta samhangandi landbúnaðarsvæði veraldar.

Það er hvergi matarskortur í veröldinni nema í kommaríkjum og stjórnarfars-nauðungar-bikkjum vinstrimanna. Það er til óendanlegt magn matar og lífsviðurværis í heiminum, nema í kommaríkjum, því þar sprettur lítið nema eymd og volæði.

En með kommastjórnarfari því sem þú virðist dýrka með romsu þinni hér, deyr fólk hins vegar úr hungri, eins og í Úkraínu þar sem það varðaði dauðarefsingu að skila ekki öllum kornstráum af öllum hornum arka inn til kommissara kommavísindaveldisins.

Vísindastjórnarfar komma og vinstrimanna leggur flest í rúst og það vil ég því ekki sjá hér né annarsstaðar.  Þeir þykjast vita allt en vita ekkert.

Restin af gasi þínu er ekki svaravert kommavísindavikri af sömu skúffu og síðast. Það er Kommavarpið um alviturleika komma. Kerfiskarlaónáttúra vinstrimanna er leggur flest í rúst og sem starfrækir vísindagúlögin.

Þú hefur sett sjálfan þig í vísindagúlag vinstrimanna Ómar II.

[Ómar Geirsson, 9.8.2020 kl. 14:59]

Nei Gunnar, það gerði ég ekki.

En þú átt samt þann heiður skilið að kjósa að svara út í loftið í stað þess að fara efnislega rangt með staðreyndir.

Sem var ástæða innleggs míns eftir andsvar þitt við hófsömu innleggi nafna míns.

Fara rétt með er jú forsenda þess að særingar virki.

Og þú ert góður særingarmaður Gunnar.

Kveðja að austan.

[Gunnar Rögnvaldsson, 9.8.2020 kl. 15:21]

Hmm.

Hefur þú séð "hófsaman" Ómar Ragnarsson tala um kenninguna um að 0,024 prósentur gufuhvolfsins séu að koma af stað þvílíkum heimsendi að allt sé að farast nema að allir verði instant heiladauðir vesalingar vinstrikórsins sem hann er meðstjórnandi í og að allir standi ekki og sitji eins og þetta króníska frekjulið heimtar. Hefur þú séð það? Hefur þú séð hann efast um þetta kjaftæði? Nei það hefur þú ekki.

Þú hefur hins vegar séð hann dæma þá sem villutrúarmenn sem trúa ekki þá þennan allsherjar vinstriþvætting ríkisbubbanna og skósveina þeirra á DDR-Rúnkstöð Vinstrimanna.

Og þess fyrir utan þá er sá Ómar I. fullfær um að svara fyrir sjálfan sig.

Svo hvert er því erindi þitt við mig Ómar II.?

[Ómar Geirsson, 9.8.2020 kl. 16:09]

Gunnar, varðandi áhrif gróðurshúsloftegunda, þá ertu ekki að rífast við nafna minn, heldur vísindin sem byggja kenningar sínar á ákveðnum þekktum lögmálum eðlis og efnafræða, og þar teflir þú fram rökum gegn rökum, og já, við eigum lofthjúpnum að þakka að það sé lífvænlegt hér á jörðu, um það er ekki deilt.

Um áhrif mannsins á lofthjúpinn er heldur ekki deilt, það er hins vegar deilt um hvort þau áhrif séu afgerandi, lítilvæg og allt þar á milli.

Út frá þekkingu og þekktum lögmálum var undir lok síðustu aldar spáð fyrir um þróun veðurfars, og hlýnun jarðar á þessari öld, þær spár hafa í meginatriðum gengið eftir.  Mér vitanlega höfðu vísindamenn ekki sagt til um þessa hlýnun út frá öðrum forsendum, en eftir á hafa menn talið sig geta tengt þessa hlýnun við breytingu á sólarvirkni.  Það debat stendur yfir í dag, og mér vitanlega eru það ekki talin gild rök í þeirri umræðu að tala um kjaftæði eða kommúnisma.

Og vísindaleg umræða á sér ekki stað á DDR vinstrimanna, Ruv er ekki vísindasamfélagið.

En þetta var ekki til umræðu Gunnar, hvað þá hvort nafni minn sé mikið fyrir að efast eða dæma aðra sem villitrúarmenn, inngrip mitt snérist um að það væri ekki hægt að afgreiða ábendingu hans um hlýnun jarðar með því afneita þeirri hlýnun.

Ekki Gunnar, ekki vegna þess að nafni minn gæti ekki svarað fyrir sig sjálfur, heldur réði för væntumþykja á pistlahöfundi.

Ekkert flóknara en það.

Kveðja að austan.

[Gunnar Rögnvaldsson, 9.8.2020 kl. 18:11]

Ómar II.

Sparaðu gasið um hvað sé deilt um eða ekki, eða hvað megi deila um eða ekki. Slík diktöt-viðhorf henta þeim best sem reka vísindagúlagið sem þú viðstöðulaust talar úr.

Sparaðu því hugtakið "vísindin" því þau er ekki til frekar en "maðurinn".

[Ómar Geirsson, 9.8.2020 kl. 19:15]

Núna kann ég betur við þig Gunnar, haltu svo áfram að særa út andskotann.

Kveðja að austan.

[Valdimar Samúelsson, 10.8.2020 kl. 10:30]

Sæll Gunnar. Það er orðið æði længt síðan ég hef lesið blogg frá þér og gömlu félögunum hér eftir að ég var slitin frá ykkur sem rasisti og því óæskilegur þjóðfélagsþegn að áliti hinum            --háttvirta-- af elítunni Hr. Árna Matthíassyni en hvað um það.

Mr Ómar I talar um meðalhita. Hefir hann spáð í meðalhita á Norður hveli jarðar sem nær varla 4°C og svipað á Suður Hveli. Hefir Ómar I spurt gróðurhúsa eigendur hve CO2 er og hefir Ómar I fylgst með jökla búskap landsins lát vera skriðjöklanna veðurstofunar. Já og veit Ómar I að warmistar kalla það hlýnun jarðar ef hitin fer úr -50°C í -40°C. 

Ég verð að viðurkenna að það er rétt hjá þeim en ég gat aldrei fundið munin á 40 og 50 gráðu frosti en í báðum tilfellum varð stál eins og gler og brotnaði. Legur urðu lausar í leguhúsum og lungu frusu á mönnum. Kveðja Valdimar.  

[Ómar Geirsson, 10.8.2020 kl. 13:31]

Amen Valdimar.

Gaman samt að upplifa endurkomu þína.

Shit með Árna.

Kveðja að austan.

[Kristinn Bjarnason (IP-tala skráð) 10.8.2020 kl. 15:38]

Það er ekkert sem fer eins illa með fólk og vinstrimenska. Það er hárrétt hjá Gunnari að þeir skilja allstaðar eftir sig sviðna jörð og mikla vanlíðan fólks. Þetta er alltaf sama leiðin, risavaxið ríkisvald og pínulitlir þegnar sem endar í allsherjar ógeði. Tökum  Ísland sem dæmi. Stöðugildum hjá hinu opinbera hefur fjölgað um 30% frá aldamótum en fækkað um 7% í einkageiranum á sama tíma og allir halda að þetta sé í lagi.

Á meðan við deilum um hvort eigi að taka mark á vísindamönnum sem eru fylgjandi loftslagsvánni eða hinum sem eru á móti þá eru við látnir blæða all hressilega. Vinstri menn þurfa ekki að hugsa sig um að dæla peningum í svona vitleysu. Ef við borgum þá erum við save.