Leita í fréttum mbl.is

"Orkuskiptin" reyndust vera bleyjuskipti á burgeisum

Þið hafði öll séð fyrirbærið sem þokumóðan mikla í Reykjavík kallar "orkuskipti". Þau eru súreyheysturn festur á bíl á fjórum hjólum sem síðan er fylltur af hitaveituvatni, og vúpti; til varð samlíkingin um að "rafbílavæðing" sé eins og þegar að hitaveitan leiddi heitt vatn úr ja-hérna-jarðvatnsefnum inn í óhreyfanlegar byggingar, sem kallaðar eru fasteignir í dag. Þetta voru "orkuskiptin". Heitt vatn kom úr fjarlægð í stað heits vatns hitað í húsinu, til að renna í gegnum ofna. Nema náttúrlega þegar rafmagnið fer af hitaveitunni, því þá hættir vatnið að koma. Það verður kalda vatnið og það frýs. Fólk og fé króknar

En nú vandast málið fyrir ráðherrann í vasaljóssbílnum, sem er risavaxið farsímabatterí á fjórum hjólum, þ.e. lélegasti, versti, subbulegasti, eitraðasti og ónothæfasti orkugjafi alheimsins. Hún kemst ekkert, því rafmagnið er farið. Kári tók það og hún er því orðin köld og hrakin. Og jafnvel byrjuð að skjálfa af allri þessari fimmtu iðnbyltingu í vasaljósinu á hjólum. Ráðherrann ætlar því ekki út úr byggingunni á vasaljóssbílnum sínum, heldur ætlar hún að gera eins og Dani sem keypti sér Jagúar til að hafa inni í stofu, því óbeinir tollar eru 180 prósent á þannig ökutæki, sé dönsk númeraplata skrúfuð á það í DDR-light. Hún kemst sem sagt ekkert

Ráðherrann ætlar því ekki út á land til að hafa orkuskipti á bílnum þar, því þar er ekkert rafmagn. Það kom nefnilega veður eins ávallt hafa komið ármilljónum saman. Vont veður. En kannski flýgur hún með vasaljósið sitt til Barþelóna til að aka um á því þar. Hver veit. Í flugvél með súrheysturn upp úr nefinu

Og myndast hafa nú loksins kjöraðstæður fyrir stjórnmálamenn (aðila). Kjósendur hafa nefnilega misst allt samband við umheiminn, geta ekki einu sinni hringt í næsta hús, því allt er svo stafrænt. Þeir sitja því króknandi í ofurskattlögðum húsum sínum og komast hvorki lönd né strönd. Á meðan ætlar Vegagerðin að skoða hvenær opna á vegina "í birtingu" –kannski með vasaljósi líka– eftir þrjá til fjóra hringi jarðar í kringum sjálfa sig í svartasta skammdeginu, þar sem birtir stundum bara alls ekki

Og ferðamennirnir eru líka á förum, óplokkaðir og koma ekki aftur. Þar fór gæsin sú og kemur ekki aftur, því margt er hér orðið uppétið og niðurslitið eftir hana sjálfa

En dýrasta þvæla mannkynssögunar í Reykjavík heldur áfram, þar sem kexruglað liðið úr öllum flokknum nema einum, situr daginn út, og daginn inn, við reiðilestur á súrheysturnherbergi Grétu Lennon; ímyndið ykkur, ímyndið ykkur, tralla la la, ímyndið ykkur, bla bla bla...

Geri aðrir betur!

Fyrri færsla

Hættulegt ár að byrja, frá og með nú


mbl.is Snýst um þjóðaröryggi
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Helga Kristjánsdóttir

Ímynda mér það já og veit hver gerir betur; Laddi í "Heilsubælinu" hustar á föður sinn lesa upp úr sígidri barna sögu.

Helga Kristjánsdóttir, 12.12.2019 kl. 09:55

2 Smámynd: Helga Kristjánsdóttir

Nei sonur les fyrir föður!!

Helga Kristjánsdóttir, 12.12.2019 kl. 09:57

3 Smámynd: Kolbrún Hilmars

Eru menn hættir að halda varaaflstöðvum (díesel)úti á landi?
Þröngt í búi ef landsbyggðin þarf að treysta á varðskipin, sem eru alls ekki nógu mörg eða hönnuð til þess að hlaupa í skarðið.
Það er alvarlegt mál ef fólk getur ekki hringt eftir aðstoð í neyð ef símasambandið er horfið með rafmagninu - léleg náttúruverndarstefna ef hún krefst mannfórna.

Kolbrún Hilmars, 12.12.2019 kl. 11:36

4 Smámynd: Gunnar Rögnvaldsson

Þakka ykkur fyrir.

Nú er manngerða staðan að mörgu leyti orðin sú að hvorki er hægt að staðsetja ný fyrirtæki né stækka hin gömlu í Reykjavík né úti á landi, vegna geðtruflana og geðbilana á Alþingi og í borgarstjórn Reykjavíkur.

Heilar forystur flokka eru geðsjúkar orðnar og tungltifandi geimverur á báðum stöðum. Ef Vegagerðin rekst til dæmis í eitt helvítis tré þá þarf jafnmarga fundi um það mál og trén eru mörg. Á meðan fellir einn stormur 3 milljónir rúmmetra trjáa í einu fárvirði á Skáni án þess að hiksta. Ég hef aldrei séð aðrar eins kellingar af báðum kynjum þegar að málum sem ryðja þarf burt kemur. Þetta fólk þorir varla að draga andann lengur. Það er orðið geðfirrtar yfirkellingar.

Þeir sem fylgdust og fylgjast enn með bilanatilkynningum RARIK og Landsnets vita um hverslags manngert hörmungarástand er að að ræða þegar að mörgu í raforkukerfi okkar í orkupakkaveldi esb-helvítisánauðar er orðið að ræða. Þarna hefur esb-sovéskt hugarfar skotið rótum og stjórnmálamenn eru orðnir lítið annað en sovésk nomenklattúra 24/7 og haga sér eins og fellibylur firru.

Þórólfur KS segir því: 

"Það er deg­in­um ljós­ara eft­ir þetta gjörn­inga­veður sem gengið hef­ur yfir að það vant­ar mjög mikið upp á það að innviðir raf­orku­kerf­is­ins séu í lagi. Það hlýt­ur að vera for­gangs­verk­efni stjórn­valda, eft­ir að farið verður að kort­leggja þær af­leiðing­ar og það tjón sem þetta veður hef­ur valdið, að hlutast til um að gerðar verði ráðstaf­an­ir til þess að byggja upp raf­orku­innviðina. Það vant­ar mikið upp á að þeir séu í lagi." hér

Gunnar Bragi M segir líka: 

"Hvernig má það vera að í lok árs 2019 sé þessi staða uppi? “ spurði Gunn­ar Bragi Sveins­son, þingmaður Miðflokks­ins. Hann fjallaði um raf­magns­leysið á Norður- og Aust­ur­landi eft­ir óveðrið sem gekk yfir landið á Alþingi í morg­un.

Gunn­ar Bragi sagði að marg­ir hefðu verið án raf­magns í nokkra sól­ar­hringa og ein­hverj­ir væru enn án raf­magns. "Bænd­ur hafa þurft að hella niður mjólk," sagði Gunn­ar Bragi og bætti við að sums staðar væri skort­ur á vör­um í búðum.

Hann spurði Þór­dísi Kol­brúnu Reyk­fjörð Gylfa­dótt­ir, iðnaðar- og ný­sköp­un­ar­ráðherra, hvernig það mætti vera að ekki sé til vara­afl til að keyra helstu þétt­býl­isstaði í gangi þegar raf­magn fer af.

"Við höf­um oft séð álíka veður og lín­ur hafa áður slitnað. Höf­um við ekk­ert lært?" spurði Gunn­ar Bragi. Hann spurði enn frem­ur hvers vegna rík­is­fyr­ir­tæk­in Rarik og Landsnet hefðu ekki und­ir­búið sig bet­ur.

Þingmaður­inn spurði einnig hvort rík­is­stjórn­in ætlaði að koma til móts við fyr­ir­tæki og ein­stak­linga sem hefðu orðið fyr­ir tjóni sem trygg­ing­ar bæta ekki.

"Hvenær býst ráðherra við að lands­menn verði bún­ir að fá raf­magn á ný?" hér

Sem betur fer fór rafmagnið ekki hér hjá okkur að þessu sinni, en það hefur farið ca. 4-6 sinnum á ári síðustu 10 árin hér í Borgarfirði. Við sluppum billega að þessi sinni hér í mínu nánasta umhverfi, en svo gott er ástandið ekki um allan Borgarfjörð. En það er samt lúxus miðað við ástandið fyrir vestan, norðan og austan.

Kveðjur

Gunnar Rögnvaldsson, 12.12.2019 kl. 14:49

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband