Farsinn um "Úkraínu-samtalið" [u]

Passandi er að hlusta á Don Edwards á meðan restin af Demókrataflokknum sprengir sig enn dýpra austur í villta vinstrið - á meðan Trump ríður vestur og inn í sólina, þar sem hver nýr dagur er vestur af gærdeginum

Þegar samtal Donalds Trump við Volodymyr Zelensky forseta Úkraínu er skoðað á nú fimm útgefnum blaðsíðum, þá jaðrar það við eitthvað enn alvarlegra en geðbilun að segja að bandaríski forsetinn hafi verið að sækja sér liðsafla frá útlöndum til að klekkja á pólitískum andstæðingum heima fyrir, eins og Sjálfstæðisflokkurinn sótti sér vernd erlends yfirríkis sem er enn spilltara en Úkraína til að berja fullveldið í orkumálum úr höndum íslensku þjóðarinnar. Samtalið sem átti sér stað í júlí –fyrir mörgum vikum síðan– gekk svona fyrir sig;

Forsetinn hringir og samtalið snýst um að óska forseta Úkraínu til hamingju með sigurinn í úkraínska þinginu. Síðan kemur þessi venjulega rulla sem verður að viðhafa til að minna viðtakanda aðstoðar á að hann er viðtakandi aðstoðar, og í þessu tilfelli aðstoðar á mjög marga vegu. Trump kvartar einnig yfir því að "Evrópa" leggi ekki sitt að mörkum í málefnum Úkraínu. Hvergi er svo mikið sem ýjað að því að Bandaríkin dragi aðstoð sína til baka. Síðan biður hann Zelensky um þann "greiða" að Úkraína skoði íhlutun í forsetakosningarnar í Bandaríkjunum 2016. "Ég myndi vilja að þú finnir út úr hvað gerðist með þetta Úkraínumál þar sem þeir segja að Crowdstrike"... segir hann, og á þar við fyrirtækið sem rannsakaði tölvuinnbrot inn í landsstjórn Demókrataflokksins. Trump gefur þar næst lítið fyrir sérstaka saksóknarann Mueller, og ætti það ekki að koma neinum á óvart, og segir "þeir segja að mikið af þessu hafi byrjað með Úkraínu". Trump er greinilega enn sár yfir því að lið Hillary Clintons, Obama og Demókrataflokksins hafi reynt að grafa upp óhróður um hann erlendis, en það er ekkert rangt við það að biðja pólitískt höfuð annars ríkis um að rannsaka íhlutun í kosningar sínar

Það er aðeins að loknum þessum kafla í samtalinu að forseti Úkraínu minnist á persónulegan lögfræðing Trumps, Rudy Giuliani, sem hvatt hefur Úkraínu til að rannsaka gjörðir Joe Biden og sonar hans Hunter í Úkraínu. Zelensky forseti segist vona mjög mikið að hinn fyrrverandi borgarstjóri New York (Giuliani) komi til Úkraínu. Hann lofar að allar rannsóknir verði opnar og heiðarlegar. Vert er að geta þess að Zelensky sigraði forsetakosningarnar út á loforð um að uppræta spillingu í landinu. Þá segir Trump, "gott vegna þess að ég hef heyrt að þú hafðir saksóknara sem var mjög góður en að það hafi verið lokað á hann og það er virkilega ósanngjarnt". Þar næst hrósar Trump Rudy Giuliani og bætir við.. "það er mikið talað um son Biden, að Biden hafi (sem varaforseti) stöðvað rannsóknina" á spillingu í Úkraínu. Síðan segir Trump að hann hafi í hyggju að fá Giuliani og William Barr dómsmálaráðherra til að hringja í hann, og biður þar næst Zelensky um að vinna með þeim

Þetta er allt og sumt. Tilvísun í Biden-feðgana er vegna baráttu Zelensky við spillingu og alls ekki sem forsenda fyrir áframhaldandi aðstoð Bandaríkjanna við Úkraínu. Kannski var óheppilegt að minnast á Biden, en tóninn í samtalinu var gangkvæm ánægja (congenial). Þetta var lausleg þýðing á því sem leiðari Wall Street Journal sagði um útskriftina af samtalinu. Blaðið gefur málinu heitið "fizzle" eða veikburða kokhljóð - sennilega hrygla

****

Það er merkilegt að heyra forstöðumann bandaríska Demókrataflokksins á þingi setja út á að forsetinn Trump, sem nú hefur sætt rannsókn í meira en þrjú ár, nefni það við nýkjörinn þjóðarleiðtoga Úkraínu –sem vegna innri klofnings er útibú Rússlands, hvort sem landinu líkar það eða ekki– að hann sem kosinn var til að reyna að uppræta spillingu í Úkraínu sé þiggjandi mikilla peninga frá bandarískum skattgreiðendum. Það er sjúkt að setja út á það. Og það er enn merkilegra að heyra forstöðumann Demókrata á þingi setja út á að forsetinn Trump segi Zelensky líka að Demókratar hafi ásakað land hans um að hafa í samfloti með Rússum reynt að blanda sér í kjör hans í Bandaríkjunum, þar sem Obama og Demókratar reyndu með erlendri aðstoð að setja saman skítabombu úr óhróðri af erlendum uppruna til að berja á Trump. Og að forsetinn nefni því árið 2016, þar sem Demókratar voru við völd sem þeir notuðu meðal annars til að ná sér niðri á forsetaframbjóðandanum Trump, og einnig eftir að hann var kjörinn

Þetta þýðir að Demókratar hafa hent öllu frá sér sem hafði með "Rússa" og "Mueller rannsókn" að gera. Því er öllu hent í ruslið, enda var það rusl, því Nancy Pelosi leiðtogi Demókrata í fulltrúadeild þingsins tilkynnti þinginu áður en það sá hvað í samtalinu var, að það myndi hefja nýja rannsókn á Trump sem ógilda muni kjör hans og hann fjarlægður úr embætti. Þetta þýðir með öðrum orðum að Pelosi hyggst ganga frá Joe Biden sem framjóðanda dauðum og þar með Demókrataflokknum öllum, nú þegar hún gefur sjálfri sér og villta vinstrinu í honum lausan tauminn. Nú á allt, einu sinni enn, að velta á "nýrri rannsókn" og gott ef ekki á að troða Hillary Clinton inn í stað Biden. Hver veit hvað þessu geggjaða vinstraliði glóbalista með djúpríkið í vösunum dettur í hug næst

Pólitíska ólgan heldur áfram og magnast

Uppfært kl. 19:30

LISTINN

Listinn fer að verða ansi langur yfir það sem embættismenn (djúpríkið) hafa lagt á sig til árása á réttkjörinn forseta Bandaríkjanna í viðleitni þeirra til að bola honum frá völdum með lygum, óhróðri, svikum og valdníðslu. Þar má nefna:

Tuttugu og tvo mánuði af "rannsókn" Roberts Muellers sérstaks saksóknara sem kostaði bandaríska skattgreiðendur 22 milljónir dala á mánuði og sem út í gegn var þokukennt blaður um þokubakka, sem jafnvel saksóknarinn sjálfur vissi frá byrjun að var bakki fullur af þoku og þvaðri. Þjóðkjörinn Trump hafði ekkert aðhafst sem réttlætti þessa rannsókn. Ekkert. Enda kom ekkert út úr henni, nema ekkert

"Hvíslarinn" sem fékk New York Times til að birta "andspyrnubréfið" 2018, þar sem einhver ónafngreindur átti að vera haldinn "æðri tryggð" við réttlætið. Reyndist bull og þvaður

Skátadrengurinn Andy McCabe sem "bara neyddist" til að setja af stað bókstaflegt valdarán og njósnaherferð gagnvart þjóðkjörnum forsetanum í nafni "réttlætis". Þvaður

John Brennan (CIA), James Clapper (NSA) og Bruce Ohr (dómsmálaráðuneytinu) sem stigu fram sem handhafar "æðra réttlætis" með upplýsingar sem áttu að koma forsetanum frá völdum. Þvaður og tilraun til valdaráns

Starfsmenn Demókrataflokksins og embættismenn alríkisstjórnarinnar sem með aðstoð Fusion GPS fjármagnað var úr kosningasjóði Hillary Clinton sem láku alls kyns tulbúnum óhróðri um Trump með aðstoð New York Times, Washington Post og NPR og sem skýrð var "töfrakúlan" sem átti að taka út réttkjörinn forseta Bandaríkjanna sem þeir lýstu sem ófreskju. Þvaður

Svo kom aðförin að Brett Kavanaugh dómara sem Demókrataflokkurinn setti af stað og reyndist bara vera Moskvurétturinn frá Sovéttímanum og MeToo. Útgáfa tvö var meira að segja reynd í þar síðustu viku

Frægt fólk í kvikmyndabransanum sem afhjúpað hefur sig sem verstu óþokkar og fælt flesta saklausa aðdáendur sína svo frá að þeir geta ekki lengur hugsað sér að kaupa miða á bíósýningu með þeim. Hollywood er því hrunin og enginn nennir að horfa á Óskarsverðlaunaafhendingu lengur, miðað við áður

Svo eru allir þeir sem hafa verið reknir eða fluttir til í störfum vegna aðfarar þeirra að forsetanum eða sagt af sér, eða bíða þess að vera saksóttir og stungið inn:

James Comey forstjóri FBI
Andrew McCabe aðstoðarforstjóri FBI
Peter Strzok gagnnjósnadeild FBI
Lisa Page lögfræðingur FBI
James Rybicki starfsmannastjóri FBI
James Baker yfirlögfræðingur FBI
Mike Kortan aðstoðarupplýsingastjóri FBI
Josh Campbell sérstakur aðstoðarmaður James Comey
James Turgal aðstoðarframkvæmdastjóri BFI
Greg Bower forstjóri þingmálaskrifstofu FBI
Michael Steinbach aðstoðarframkvæmdastjóri í FBI
John Giacalone aðstoðarframkvæmdastjóri í FBI

Og nú síðast er það "Úkraínumálið" sem þegar er orðið farsi í höndum Adam Schiff formanns upplýsingaþjónustunefndar þingsins

Ekkert annað ríki veraldar en Bandaríkin væri starfhæft með svona aðfarir leikandi lausum hala innanborðs og í valdamiðju þess. Stjórnárskrá þeirra, gerð og uppbygging hennar sér fyrir því. Bandaríkin virka á öllum sviðum þó svo að stór hluti stjórnmálamanna, embættismanna og fjölmiðla virki ekki. Enda vissu stofnendur Bandaríkjanna vel frá slæmri reynslu sinni af Evrópu hversu rotin þessi fyrirbæri geta verið. Þeir byggðu því samkvæmt því, og lofuðu engu, nema því að allir hefðu jöfn tækifæri til að leita hamingjunnar

Fyrri færsla

Af hverju er pólitísk ólga?

Athugasemdir

[Gunnar Rögnvaldsson, 1.10.2019 kl. 02:07]

Í bréfi sem birt var í gærmorgun, mánudaginn 30. september, frá öldungadeildarþingmönnunum Chuck Grassley frá Iowa (R) og Ron Johnson frá Wisconsin (R) til William Barr dómsmálaráðherra Bandaríkjanna, spyrja þingmennirnir að því hvort að reynt hafi verið að fá svör við eftirfarandi brennandi spurningum:

"Við skrifum þér til að fylgja eftir bréfi Chuck Grassley þann 20. júlí 2017, þar sem undirstrikaðar eru greinilegar tilraunir landsstjórnar Demókrataflokksins og kosningateymis Hillary Clintons til að nota ríkisstjórn Úkraínu í þeim auglýsta tilgangi að finna neikvæðar upplýsingar um frambjóðandann Donald J. Trump, til þess að grafa undan kosningabaráttu hans. Það bréf undirstrikaði einnig fréttir þess efnis að á meðan kosningabaráttunni til forsetaembættisins stóð árið 2016, "reyndi ríkisstjórn Úkraínu að aðstoða Hillary Clinton við að grafa undan kosningabaráttu Trumps", og gerði það með því að dreifa skjölum sem tengja helsta aðstoðarmann Trumps við spillingu og láta samtímis líta svo út að ríkisstjórn Úkraínu sé að rannsaka málið. Ríkisstjórnamenn Úkraínu reyndu samkvæmt fréttum endurtekið að aðstoða aðstoðarmenn Hillary Clintons við að finna meiðandi upplýsingar um Trump og ráðgjafa hans."

Þessir tveir þingmenn hafa þessar upplýsingar frá meðal annars fréttum Politico sem fjallaði um þetta mál á sínum tíma og hefur það úr Financial Times, sem vitnar í úkraínska þingmanninn Serhiy Leschenko sem sagði að forsetaframboð Donalds J. Trump hafi orðið þess valdandi að "valdstjórnin í Kænugarði ákvað að gera það sem hún aldrei hafði reynt áður; að reyna að hafa áhrif á forsetakosningarnar í Bandaríkjunum".

Hér má lesa bréfið sem þingmennirnir sendu til dómsmálaráðherrans í gær. Og hér má lesa grein í Wall Street Journal um það.

[Gunnar Rögnvaldsson, 1.10.2019 kl. 02:19]

Greinin í Wall Street Journal segir einnig að það kalli á útskýringar að þjónusta Hunters sonar Joe Bidens þáverandi varaforseta Bandaríkjanna hafi falist í því að þiggja 50.000 dali á mánuði fyrir að lána aðilum í Úkraínu eftirnafn sitt; Biden.

[Jón Steinar Ragnarsson, 1.10.2019 kl. 03:52]

Eftirmá að ræða 1.5 milljarða dollara díl Hunters við Kína eftir feerð með pabba á airforce 2" Þessi gaur semvar rekinn ur hernum dyrir dópneyslu varð skyndilega mógúll sem gerði stærri díla en sræstu bankar létu sig dreyma um. Að apyrja um skikt er í gildi stefnu og embættismissis.

Það merkilega við þetta "whistleblower" plagg er að það er eins og her lögfræðinga hafi samið það og það sem er enn merkilegra og veiki hlekkurinn er að skilgreiningu á "whistleblower" var breytt skömmu fyrir þetta þar sem krafa í tilkynningarplaggi um að þetta væri "first hand" en ekki hearsaay eftir þriðja fjórða aðila var tekin út. Hvenær var það gert og hver gerði það er stóra spurningin og lykillinn að þessu öllu. Án þessa væri þetta ekki mál.

[Gunnar Rögnvaldsson, 1.10.2019 kl. 03:54]

Úrkippa úr bréfinu, blaðsíða 1 og 2:

Úkraínskir embættismenn sögðu Politico að Shulyar (háttsettur embættismaður Úkraínu) hefði fyrirskipað þeim að tengja (og bendla) með rannsóknum Trump og Manafort ráðgjafa hans við Rússa. Þetta yrði svo kynnt í bandaríska þinginu í september 2016 og Trump yrði þá fjarlægður úr framboði og þar með úr kosningunum, sem stóðu fyrir dyrum tveimur mánuðum síðar. 

However, another Ukrainian embassy official, Andrii Telizhenko, told Politico that Shulyar instructed him to assist Chalupa with research to connect Trump, Manafort, and the Russians. He reportedly said, "[t]hey were coordinating an investigation with the Hillary team on Paul Manafort with Alexandra Chalupa" and that "Oksana [Shulyar] was keeping it all quiet...the embassy worked very closely with" Chalupa.7 In a May 2019 article, Telizhenko was quoted as saying,

[Chalupa] said the DNC wanted to collect evidence that Trump, his organization and Manafort were Russian assets, working to hurt the U.S. and working with [Russian President Vladimir] Putin against the U.S. interests. She indicated if we could find the evidence they would introduce it in Congress in September and try to build a case that Trump should be removed from the ballot, from the election.8

 

[Jón Steinar Ragnarsson, 1.10.2019 kl. 03:58]

Það verður haldiðmáfram með þessa rannsókn fyrir ákæru út í það óendanlega og allir helstu embættismenn dregnir fyrir þingnefnd um ekkert því bara orðið impeachment er þaðmsem demókratar ætla og ætluðumalltaf að vinna á. Þetta,á,eftir að jafa alvarleg áhrif á þjóðaröryggi rikissins og koma í veg fyrir að nokkur þjóðhöfðingi þori nokkurntímann að tala ærlega viðmforsetann í framtíðinni.

Það breyrtir þó ekki því að Trump verður næsti forseti að nýju með þessari dyggu hjálp demókrata. Allar skoðanakannanir benda til þess.

[Gunnar Rögnvaldsson, 1.10.2019 kl. 04:05]

Leiðréttin í síðustu setningunni á íslensku í síðasta innleggi mínu.

Þetta yrði svo kynnt í bandaríska þinginu í september 2016 og Trump yrði þá með málflutningi þeirra fjarlægður úr framboði og þar með úr kosningunum, sem stóðu fyrir dyrum tveimur mánuðum síðar.

[Jón Steinar Ragnarsson, 1.10.2019 kl. 04:06]

Það verður kosið um impeachment bæði hjá Thhe hous og the senate og það næst aldrei meirihluti fyrir ákæru því repúblíkanar ráða senatinu. Endalausar yfirheyrslur öryggisnefndarinnar eru bara lögregluskýrslur um brot sem ekki var framið. Domsmálaráðuneytið tekur síðan ákvörðun hvort eitthvað er til í þessu og senatið kýs um ákæruna. 

Þetta er stormu í kaffibolla eins og þriggja ára og fjörutíumilljona farsinn um rússarannsóknina sem varð að engu.

Á meðan er ekki rætt um heilbrigðis og menntamál, öryggismál, efnahagsmál og innflytjendamál af því að demaókratar vilja ekki sjá árangurs Trump á þeim sviðum.

[Gunnar Rögnvaldsson, 1.10.2019 kl. 06:01]

Joe Biden er sennilega búinn að vera. Nancy Pelosi og Kamala Harris káluðu honum með Úkraínumálinu. Þess vegna verður að taka Trump úr umferð með lögsókn, því að þeir sem eftir eru sem mögulegir frambjóðendur Demókrata, vita að þeir geta ekki sigrað Trump í kosningum 2020.

Þess vegna sagði Al Green þingmaður Demókrata í Texas að "það væri óþjónusta við landið að ákæra ekki Trump". Og svo bætti hann í og sagði; "ef við lögsækjum hann ekki núna, þá gæti hann sigrað í kosningunum á næsta ári.

Það er líklega þarna sem Elizabeth Warren frá Massachusetts opnar augun og sér möguleika opnast fyrir sig. Hún sem sagðist vera Indíáni en reyndist ekki vera það. Allur flokkur hennar bindur nú vonir sínar við enn eina "rannsóknina" - þ.e. enn eina pólitísku ofsóknina, því öðruvísi vinna þeir ekki kosningar, svona eins bilaður og flokkurinn er núna. Það sannaðist 2016. Og þær kosningar vilja þeir ekki á ný 2020. Þora þeim ekki.

Þessi ummæli Al Green segja flest sem segja þarf. Til fjandans með lýðræðið, við ofsækjum andstæðinginn út úr stjórnmálum.

Merkilegt hve margir þingmenn vinstrimanna á borð við þessa þarna, og þingmenn Sjálfstæðisflokksins og Samfylkingarflokkanna hér heima, eru litlir lýðræðissinnar þegar til kastanna kemur. Það er mér ómögulegt að skilgreina Sjálfstæðisflokkinn sem neitt annað en vinstriflokk úr þessu.

[Helga Kristjánsdóttir, 1.10.2019 kl. 07:42]

Akkúrat! Þegar til kastana kemur er lýðræðið þeirra þyngsta þraut;     Þar sem viðurlög eru við spillingu og ofsóknum,ganga því í lið með  Ál Green og kumpánum. 

[Tómas Ibsen Halldórsson, 1.10.2019 kl. 11:01]

Þakka þér Gunnar fyrir þín greinagóðu skrif um spillinguna sem viðgengst í Demókrataflokknum vestra. Margt af því sem þú skrifar um liggur fyrir en helstu fjölmiðlar í Bandaríkjunum orða það ekki. Íslenskir fjölmiðlar eru engu betri og láta ógert að fjalla gagnrýnið um aðfarir Demókrata að réttkjörnum forseta Bandaríkjanna.

Þær ofsóknir sem Trump hefur mátt þola hefur enginn forseti á undan honum þurft að takast á við. Eru Demókratar virkilega að leggja línurnar fyrir aðfarir að væntanlegum forseta þeirra einhvertímann í framtíðinni, þ.e. ef þeir verða ekki búnir að ganga frá flokknum dauðum áður en að því kemur?

En fylgi Trumps samkvæmt skoðanakönnunum virðist aukast eftir því sem Demókratar halda áfram að hamast á honum. Fólk er byrjað að sjá í gegnum hræsnina sem viðgengst í hópi þeirra, einkum þeirra sem valist hafa til forystu í flokknum.

[Gunnar Rögnvaldsson, 1.10.2019 kl. 16:37]

Þakka ykkur fyrir Helga og Tómas og Jón Steinar.

Merkilegt að Trump skuli enn standa uppréttur eftir meira en þriggja ára viðstöðulausar pólitískar ofsóknir, plús aðförina að honum í kosningabaráttunni.

Varla neinn íslenskur stjórnmálamaður myndi þola svo mikið sem bara einn dag í hans sporum í dag. Það eina sem þeir þora er að berja fullveldið í orkumálum úr höndum þjóðarinnar, nauðga varnarlausri stjórnarskrá Íslands og sitja sem siðferðileg og hugarfarslega pervert klessa og varaskeifa í bankaráði Kínverska kommúnistaflokksins, sem skaut hugrakkan mótmælenda á 50 cm færi tvisvar í brjóstið í nótt. Og svo erum við með forsætisráðherra sem er forhertur siðferðilegur pervert. Hvílíkur söfnuður!

Maður getur varla beðið eftir því að Trump herði tollana enn frekar á musteri alræðisviðurstyggðarinnar í Kína. Myndi hiklaust kjósa hann væri ég Bandaríkjamaður.

Fyrri færsla

[Jón Steinar Ragnarsson, 1.10.2019 kl. 20:33]

Minnir mig soldið á þegar flokksleysið upp á fimm, Björt framtíð sleit stjórnarsmstarfi um kiðja nótt vegna þess að fi svila ræstingakonu frænda Bjarna Ben hafi keyrt yfir á rauðu árið 65, eða hvað það var.

þetta snýst ekki um stjórnmál lengur eða hvað þá umbjóðendurnar. Fólk kýs og svo er hamast við að ógilda þann vilja með uppkokkuðummskandölum. Hljómar allt svo kunnuglega.

[Jón Steinar Ragnarsson, 1.10.2019 kl. 20:44]

Nú er nóg að hafa twittað einhverja vitleysu í grunnskóla eða verið fullur á feisbúkk um fermingu til þess að það,sé hægt að reka þig og rýkja mannorði um alla framtíð. Að vera ósammála frekjudós á strauborði eða bleikhæðum multitaskörurkja er nóg til að setja þig út af sakramentinu for gúdd. :)