Leita í fréttum mbl.is

Arftaki Merkels: skoðanafrelsi ekki í lagi í kosningum

FRÉTTIR FRÁ ESB

Þið vitið örugglega hver er kanslari Þýskalands núna, og síðustu 13 árin. Jú það er Angela Merkel, sem gædd er þeim einstöku "leiðtogahæfileikum" að ljósapera hennar blikkaði ekki einu sinni, heldur aldrei, þegar hún í fæðingarlandi Lúterstrúar hleypti meira en tveimur milljónum múslima frá Miðausturlöndum inn á Lúterstrúandi þjóð sína. Sem sagt, hún er þjóðarleiðtogi með öngva peru í höfði og sem þess vegna gat ekki kviknað á. Þetta er einstakt afrek

En nú er enn betra í vændum fyrir hinn sjúka mann Evrópu, sem heitir Evrópusambandið. Jú það er sjálfur arftaki Merkels, hún Annegret Kramp-Karrenbauer, sem sagði í sínum pólitíska kynningarbæklingi um sjálfa sig og sýn sína á Evrópusambandið, að Frakkland yrði að gefa sæti sitt í öryggisráði Sameinu þjóðanna eftir, til Evrópusambandsins. Og hvers vegna sagði hún það? Jú af því að Þýskaland á ekki sæti þar, og þeir sem muna daginn í gær, vita vel hvers vegna

En ekki nóg með það, þá sagði hún líka að Frakkland yrði að gefa sín eigin kjarnorkuvopn upp á bátinn því þannig væri bara það. Og hvers vegna sagði hún það? Jú af því að Þýskaland á ekki kjarnorkuvopn

En um leið og Bandaríkin minnst á vanefndir Þýskalans gagnvart NATO, já þá þarf ekki annað en að horfa á klukkuna, og bíða þar til hún slær tvö, því þá koma stefnuyfirlýsandi rassaköstin upp úr þeim þýsku hugveitum sem eru undir boðvaldi kanslerísins, þess efnis að Þýskaland verði að koma sér upp sínum eigin kjarnorkuvopnum, og það helst samstundis. Þetta má bóka í hvert skipti sem Bandaríkin minnast til dæmis á að Þýskaland á enga herflugvél sem flogið getur NATO-leiðangra í myrkri, plús allt hitt sem það lofaði bandalaginu gegn því að þiggja frá því vernd og þjóðaröryggi, en hefur ekki staðið við, áratugum saman

Þetta var þá Merkel og milljónirnar mörgu, friðardúfurnar, og arftaki hennar, Annegret Kramp-Karrenbauer og Frakkland. En hér kemur hins vegar nýjasta rúsínan úr pylsuenda Þýskalands, og hún er svona:

Annegret Kramp-Karrenbauer heldur áfram að skófla sig dýpra niður í holur sínar, því fyrir kosningarnar til gúmmíþings ESB síðustu helgi sagði hún; "Ég vil ekki að ríkið takmarki skoðanafrelsi, því skoðanir hafa mikið gildi í lýðræði. En við verðum hins vegar að tala um sérstakar reglur þegar um kosningar er að ræða"

AKK segir sem sagt að skoðanafrelsi sé í lagi, en ekki þegar að kosningum kemur. Er þetta ekki yndislegt! Þá vitum við það

Þá vitum við hvað er í þeim pakka. En auðvitað vissum við ESB-efasemdarmenn það frá byrjun: Evrópusambandið er í pakkanum. Og dömur mínar og herrar: þetta er það

Hér með hefur Þýskalandi tekist að minna Frakkland einu sinni enn á það, að þýskum sé ekki treystandi. Og allur heimurinn var í leiðinni minntur á um hvað Evrópusambandið á valdaöxli Lotharingia snýst; um völdin yfir annarra þjóða löndum

En hvað með hina glæru og neytendavörðu blindinga í þriðja ríkisstjórnarpakka Íslands. Halló, einhver heima?!

Fyrri færsla

Vilji þjóðarinnar NÚNA er nei við orkupakka3. Hlustið!


« Síðasta færsla | Næsta færsla »

Athugasemdir

1 Smámynd: Egill Vondi

Skoðanafrelsi - nema þegar kemur að kosningum.

Og ekki gleyma því að ef þú ert á móti kerfinu ertu fasisti. laughing

Egill Vondi, 4.6.2019 kl. 13:40

2 Smámynd: Gunnar Rögnvaldsson

Þakka þér Egill Vondi.

Já já. Allt er hér á sömu bókina lært:

Þú ert faisisti ef þú vilt vera frjáls maður.

Þú ert fasisti fyrir að setja þig upp á móti til dæmis vindmyllum sem endast í mesta lagi í 25 ár og sem slátra 1.200 tonnum af skordýrum á ári í bara einu landi; Þýskalandi. Vísundamenn (náttúruhalar með rishallaréttskeið í heilastað) leita víst dauðaleit að þessum skordýrum núna, í stað þess að leita á réttum stöðum: inni í höfðum sínum. 

Þú ert fasisti fyrir að benda á að tréflísar þær sem ESB hefur með einu pennastriki dæmt Co2 "hlutlausar" eru 150 prósent verri en kol að því leytinu, og öllu öðru leyti.

Þú ert fasisti fyrir að benda á geggjunargólið um rafbíla. Klepps-strategía náttúruhala. "Steypa er hollur matur."

Áfram! með 1928-stemminguna á náttúruhalamörkuðum glóbal umhverfis-kommúnista. Stalín hefði ekki getað gert þetta betur. 

Eftir fimm ár mun fólk æla þegar það heyrir minnst á náttúru og umhverfismál. En það er bólan sem ferðamannabólan á Íslandi býr innan í: bóla inni í enn stærri bólu. Vitsmunaleg-kleppsvæðing.

Nú ríkir janúarmánuður ársins 1929. Það eru því enn nokkrir mánuðir eftir af keppsvistinni.

Kveðjur - og dansaðu!

Gunnar Rögnvaldsson, 4.6.2019 kl. 14:44

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband