Leita í fréttum mbl.is

Donald Trump til NATO: borgið eða..

Forseti Bandaríkjanna heldur ræðu í nýjum aðalstöðvum NATO í Brussel 25. maí 2017

Ræða Donalds Trump í nýjum aðalstöðvum NATO, féll ekki í góðan jarðveg hjá hjörðinni sem hann verndar í Evrópu, eins og sjá má á andlitum svo oft kallaðra "leiðtoga Evrópu", sem hlógu vandræðalega til að reyna að breiða yfir getu- og allsleysi sitt í öllum málum

NATO segist ætla að taka þátt í pappírsvinnu ásamt fljúgandi ratsjá, en án allra bardaga, í baráttunni við Ríki íslams og þeirra afla sem það ríki gengur fyrir

Ríki íslams er land í Mið-Austurlöndum, þvers á landamæri nokkurra ríkja. Landsvæðið sem það stjórnar er á bilinu 50 til 100 þúsund ferkílómetrar. Þetta ríki eins og stendur í nafni þess, er ríki íslams. Það stundar utanríkisviðskipti, innheimtir skatta og veitir þjónustur. Það skaffar menntun og rekur sitt eigið stjórnmála- og réttarkerfi byggt á alræði. Það rekur einn hæfasta herafla í Mið-Austurlöndum sem berst, sigrar og tapar án þess að missa móðinn. Það rekur hryðjuverkafaraldur í Evrópu til að draga til sín lifandi aðföng og kveikja elda handa sér innan Mið-Austurlanda, sem á endanum sprengja mun allan heimshlutann saman í eitt stórt ríki Íslams, ef áætlun þess gengur upp

En þetta vita leiðtogar Evrópu víst lítið um, því þeir, en þó einungis varnalaust fólk þeirra, sem verið er að sprengja í loft upp, ætla að taka þátt í pappírsvinnu og skaffa ratsjárflugvélar sem bandaríkin létu þá hafa og borguðu fyrir. Þetta heitir að taka þátt. Kannski hafa NATO ríkin í Evrópu þarna gefið Bandaríkjunum fyrirheit háð 83 fyrirvörum um þátttöku eins og var svo oft í Afganistan. Oft var betra að sleppa því að hafa fyrirvaraveldi Evrópu með en ekki, var stundum sagt

Því nánar sem maður skoðar og virðir meginland Evrópu fyrir sér, þá gerir maður sér grein fyrir því að ekkert hefur breyst síðan 1932. Allt er við það sama. Sami skítamórallinn ríkir um alla álfuna og á milli landanna. Segja má með öryggi að Evrópusambandið sé Ríki skítamórals

Fyrri færsla

Ferðaþjónusta á krossgötum


« Síðasta færsla | Næsta færsla »

Athugasemdir

1 Smámynd: Jón Þórhallsson

Löndum innan NATÓ væri nær að taka til í eigin garði og láta loka öllum moskum innan sinna landa (og láta rífa þær byggingar)      og hætta að veita múslimum ríkisborgararétt.

Þetta gæti hin venjulega lögregla gert án neins auka-kostnaðar eða án þess að ræsa út herinn.

Jón Þórhallsson, 26.5.2017 kl. 09:35

2 Smámynd: Jón Þórhallsson

Þetta er eins og með skemmda eplið í epla-kassanum; sé það ekki tekið tímanlega úr kassanum að þá eyðileggjast öll hin eplin.

Jón Þórhallsson, 26.5.2017 kl. 09:38

3 Smámynd: Gunnar Rögnvaldsson

Utanþings ríkisstjórn Þýskalands, Deutsche Bank AG, er að sjálfsögðu niður á mörkuðum í dag um 2,1 prósent. Donald Trump er staðráðinn í að koma upp um misnotkun Þýskalands á löndum Evrópusambandsins og umheiminum. Rannsókn hans á gerræðislegum viðskiptaójöfnuði mun birtast í júní. Hann sagði að Evrópusambandið sé einkabifreið Þýskalands sem það notar sem ryksugu ofan í 26 önnur ríki sambandsins í krafti handjárna myntbandalagsins og ESB sem Þýskaland skrúfaði saman sér í hag en öðrum til skaða. Þetta falsar gengi Þýskalands í veraldarhafinu.

Hann hefur rétt fyrir sér. Þýskaland er að tæta Evrópu í tætlur. Þessi birtingarmynd brýst einnig fram í NATO, eins og sést á gíslatökuhóp þýska kanslarans sem þorir ekki að yrða á bandaríska forsetann. Talaði því enginn við hann nema Stoltenberg. Ég man eftir svona hegðun frá því í gaggó.

Kveðjur

Gunnar Rögnvaldsson, 26.5.2017 kl. 17:51

4 Smámynd: Halldór Jónsson

Bravó Gunnar, þar er sannleikurinn sagður um þessa Evrópuræfla og Þýzkalans. Það er makalaust hvað hægt hefur verið að lát þýskan almenning hlýða. Þeir eru svo góðborgaralega sinnaðir og þreyttir til vandræða blessaðir, þeir vilja hafa næði til að reykja og drekka að afloknum vinnudegi og vilja helst bara vera heima í sínu þorpi í friði, lesa lítið , bara vinna og drekka, fara í kirkju og krá, fæstir fara í flugvvél nema kannski stöku sinnum í sólina.

Halldór Jónsson, 28.5.2017 kl. 12:36

5 Smámynd: Halldór Jónsson

Og sérstakt hrós frá mér færðu hvað þú ert herfróður maður.

Halldór Jónsson, 28.5.2017 kl. 13:43

6 Smámynd: Gunnar Rögnvaldsson

Þakka þér Halldór.

Já, en það versta er að hægt virðist vera að nota hinn almenna Þjóðverja allt of mikið sem einkaþræla þýskra elíta í svo stórum stíl að ekki þarf að greiða þeim neitt nema smotterí í formi svo sem einnar raunlaunahækkunar á hverjum 15 árum. Restina nurla þeir saman, borða hatta og húfur og fara í altarisgöngur upp að mynt sem guð, á meðan bankinn þeirra brennir öllu því af sem þeir spara í kolaporti evrunnar. Það er sorglegt hversu lítið hinn almenni Þjóðverji hefur borið úr býtum frá 1871 því þeir eru iðnir. Það eru þeir. En uppskeran er hroðaleg. Þeir eiga betra skilið en hið ónýta ríki þeirra.

Kveðjur

Gunnar Rögnvaldsson, 29.5.2017 kl. 06:52

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband