Portúgalska ríkið gerir lífeyrissjóði landsins upptæka

Ferkúlus Smèskavos yfirmaður göngudeildar Portúgals inn í Evrópusambandið hefur rétt í þessu þjóðnýtt nokkurt magn lífeyrissjóða og flutt eignir þeirra út úr bankakerfi landsins og yfir á reikninga ríkisins. Aðeins sjálfar eignir lífeyrissjóðanna eru fluttar yfir í bækur ríkisins. Allar hugsanlegar kröfur eru hins vegar látnar eftir í friði hjá þeim sem áttu. Þetta er gert til þess að bjarga myntinni evru frá því að leysast upp og leka ofan á Evrópusambandið í Brussel.

Fyrir vikið lítur taprekstur portúgalskra stjórnmálamanna á ríkissjóði landsins betur úr í augum Evrópusambandsins. ESB-hagstofan Eurostazi segist ætla að líta fram hjá, enda sé hér með verið að bjarga sjálfri evrunni. 

 

Bankakerfi Portúgals hefur brátt verið lokað af frá umheiminum í full tvö ár. Alþjóða Gjaldeyrissjóðurinn, Eurostazi og ECB-seðlabanki evrunnar stýra nú landinu.

Næst hafa Þjóðverjar heitið Portúgal aðstoð í formi ókeypis járnbrautarflutninga á gullforða landsins austur á hjartadeild Evrópusambandsins. En þar er kanslari frú Angela von Merkel nú á dráttarvélarnámskeiði með herfi.

 

Portugal raids pension funds to meet deficit targets

 

 

  

Athugasemdir

[Jón Steinar Ragnarsson, 4.12.2011 kl. 02:07]

Er þetta svona bókhaldsmatreiðsla í anda Lehman brothers?

[Jón Steinar Ragnarsson, 4.12.2011 kl. 02:08]

...eða er þetta svona þjófnaður í anda MF Global?

[Ragnar Gunnlaugsson, 4.12.2011 kl. 10:19]

Er ekki að rætast langþráður draumur Þjóðverja að ná yfirráðum yfir Evrópu, í krafti evrunnar.?

[Gunnar Rögnvaldsson, 4.12.2011 kl. 11:58]

Þakka ykkur

Við skulum ávalt muna að Þjóðverjar höfðu engan áhuga á að ganga í myntbandalagið, taka upp evru og fórna þar með þýska markinu sem hafði reynst þeim vel.

En nú eru þeir fastir þarna undir evru-búnni og þurfa að eyðileggja hana til þess að losna. Þjóðverjar hafa engan áhuga á að ráða yfir Evrópu. En svona fer þegar lýðræðinu er eytt undan fótum fólksins með beinu sem óbeinu valdi Evrópusambandsins sem enginn hefur nokkurntíma kosið og ekki er hægt að fjarlægja frá völdum nema ef til vill með vopnavaldi eða í hrikalegu hrunferli.  

Það er skortuginn á lýðræði sem hefur eyðilagt Evrópu og sem núna er, eina ferðina enn, að skapa nýja ófriðarhættu á meginlandi Evrópu.

Það er Evrópusambandið sjálft sem er ófriðarvaldurinn. Það er skaðvaldur. Það skulum við muna.

[Jón Steinar Ragnarsson, 4.12.2011 kl. 12:35]

Þvert á það sem hugsjónarmenn Europiu segja þá hefur ófriðurinn ávallt sprottið af sameiningartilburðum í Evrópu. Þar snúa þeir öllu á haus eins og venjulega þegar þeir reyna að selja þessa vitfirringu sem friðarbandalag.

Nato sá um að halda friðinn framanaf, en nú er það orðið árásabandalag í stað varnarbandalags, svo útlitið er ekki gott.

[Gunnar Rögnvaldsson, 4.12.2011 kl. 13:06]

Ég er ekki sammála því að NATO sé orðið "árásarbandalag" þó svo að það hafi þurft að grípa til varna. Heimurinn hefur hins vegar breyst mikið á of skömum tíma og of skyndilega, þannig að á tímabili þurfti í einum grænum hvelli að bregðast við honum á allt annan og óskilgreindan hátt en áður hafi verið undirbúið. Það tekur tíma að endurskipuleggja sig.

Tilgangur NATO er samt sem áður sá sami og hann hefur verið: Varnir. Hættan sem átti að verjast er hins vegar gerbreytt.

[Ragnhildur Kolka, 4.12.2011 kl. 13:56]

Það sem einkennir allar gerðir þeirra sem einu sinni hafa gengið í björg ESB, er að bjarga bákninu. Evran er þar efst á list og réttur kjósenda neðst. Allt þar á milli raðast eftir þörfum sambandsins.

[Jón Steinar Ragnarsson, 4.12.2011 kl. 14:17]

Snilld neoconanna og Bush sem kallast "pre emtive war" eða fyrirbyggjandi stríð hefur verið tekið upp af Nato. Gersamlega galið hugtak. Skjóta fyrst og spyrja svo. Þróun bandalagsins að þessu leyti er ekki til að vekja bjartsýni. Nato er bara framlenging á hernaðarmætti bandamanna og innrásarstefnu þeirra. Árangurinn af þessu consepti er ekki glæsilegur.

Við verðum bara að vera ósammála þarna.

[Eggert Guðmundsson, 5.12.2011 kl. 13:30]

Hvað er langt í það að Þjóðverjar þurfi að leita á náðir alþjóðasamfélagsins um neyðaraðstoð?

Er ekki öll velmegun Þýskalands byggð upp á skuldum hinna suðlægu ríkja, vegna keyptra vara frá Þýskalandi?

Hin suðlægu ríki hafa ekki efni á, eða getu til að greiða skuldir sínar við Þýskaland.

Afskriftir eru óhjákvæmilegar hjá þjóðverjum.