Frakkland stígur um borð

Í dag er Frakkland komið í það sæti sem Belgía sat í um borð í mótorbátnum ESB-Titanic, sem gert er út af myntskipafélagi Evrópusambandsins. Svo mikil er trú heimsins á kjarnaborum myntsvæðisins, sem nú bora sig í gegnum bankahvelfingar seðlabanka ESB í Frankfurt, að rauðir lampar eru uppseldir um gjörvallan heim, nema ef væri í Kína, Norður-Kóreu og við lækjarfarvegsins götu í 101 Rvk. 

Þessir dugmiklu kjarnaborar stöðugleikans hægja vart á snúning sínum fyrr en þeir lenda í svampinum í stólsetu herra Trichet, sem er frá Lyon. Koma þeir þannig að málunum neðan frá, og falla síðan ljúft í farveginn góða.

 

the more Italy and Spain worsen and therefore the guarantees they provide to the EFSF look dodgier, the more France is sucked in  

Svo eru það Ítalía og Spánn sem nú hafa rutt Portúgal og Írlandi úr sætum sínum, eftir að hafa verið vísað frá borðum uppi á fyrsta farrými þessa ESB-Titanic. Þessir flutningar um set tóku aðeins nokkra mánuði. Portúgal og Írlandi var þar með þrýst niður í kjölinn, þar sem Grikkland flýtur drukknað. Þar fá þau allra náðarsamlegast að fylgjast með síðustu öxulsnúningum dráttarvélar Angelu Merkel, frá Austur-Þýskalandi. Og sem hamast við að halda þessum skipastól herra Trichet ofan sjávar.

Til greina hefur komið að flytja stöðugleika þennan út til alls Íslands.

• Eventually, French Spreads Fail (E.F.S.F.)
• Fransk/þýski vaxtamismunurinn, 10 ára ríkisbréf, upp fjórða daginn í röð
• FT: Société Générale shares suspended after French bank warns it will fail to meet profits target 

Athugasemdir

[Jón Ásgeir Bjarnason, 3.8.2011 kl. 14:33]

Nú er illt í efni.

Barroso segir að allt sé í þessu fína.  Þetta er svona samfylkingartækni.  Þetta er víst bara markaðspaníkk.

Svona "tæknileg" vandamál í borverkinu er víst hægt að leysa af pappírsköllunum...  Einn, tveir og þrír..?  Fyrsta, önnur, ..nei þriðja tilraun

Hjálp!

http://europa.eu/rapid/pressReleasesAction.do?reference=MEMO/11/546&format=HTML&aged=0&language=EN&guiLanguage=en

[Jón Steinar Ragnarsson, 3.8.2011 kl. 19:16]

Mér sýnist nú Berrassi vera í full blown panikki í þessari tilkinningu. Stýrimaðurinn á Titanic sem stendur gargandi og froðufellandi úti á dekki  að segja fólki að panikkera ekk, skipið sé ekki að sökkva heldur aðeins að bæta á ballestina.