Wuhan-veiran: Schengensvæðið mun opna síðast í heiminum

Þýska FAZ hefur komist yfir 21-blaðsíðna skjal framkvæmdastjórnar Evrópusambandsins sem lagt verður fram miðvikudaginn 13. maí 2020

Þar verður tilkynnt –úr abstrakt og fjarlægu miðstýrðu austri– að Schengensvæðið mun líklega opna síðast allra svæða í heiminum, sökum þess að innan þess eru ríki sem hvorki eru á sömu blaðsíðunni né heldur að lesa sömu bókina. Þau eru jafnvel ekki á sömu plánetunni þegar að Wuhan-veirufaraldrinum kemur. Það sama gilti að sjálfsögðu um fjármálakreppuna 2008, sem þess vegna þróaðist yfir í varanlega kreppu innan ytri landamæra Evrópusambandsins, og geisar hún þar því enn

Hvorki Evrópusambandið né Schengensvæðið eru klár til opnunar á ytri landamærum þeirra. ESB og Schengensvæðið munu ekki opna ytri landamærin fyrr en að öll landamæri landanna innan þeirra hafa verið opnuð og það mun taka marga mánuði. Og sú opnun mun ráðast af lægsta sameiginlega nefnaranum innan svæðisins, sem er mjög lágur því að um síversnandi gjaldþrotasvæði á hnjánum er að miklu leyti að ræða

Byrjað verður á því að opna aðeins örfá og sérstök landamærahlið þar sem til dæmis árstíðavissum farandverkamönnum í landbúnaði ásamt fólki sem vinnur utan heimalands síns verður heimilað að komast til og frá vinnu. Hið sama mun gilda um heilbrigðisstarfsmenn

Þarna er aðeins um að ræða brotabrot þeirrar umferðar sem var áður en heimurinn hóf Whuanveiru-hamskiptin, sem að miklu leyti eru komin til að vera. Lönd verða einfaldlega að koma sér upp veiruþolgóðum atvinnuvegum og hætta að gera þjóðarbú sín út á tapsgefandi engisprettufaraldra, með ekkert eigið fé og sem aðeins fáir vilja starfa við úr þessu

Eitt mikilvægt atriði sem horft verður til, er að hægt sé að fylgja eftir sóttvarnareftirliti með farþegum í lestum yfir landamæri; til dæmis að tryggja að þeir séu með andlitsgrímur alla leið frá upphafi til enda ferðar

Engin ákvörðun hefur verið tekin varðandi stærstu sumarfrísmánuðina ágúst og september. Enn fremur mun Schengensvæðið ekki heimila að fólk á ferð um svæðið sé látið undirgangast skimun eða sýnatökur á ferð þess um það, því lögin um Schengen banna að sóttvarnareftirlit sé viðhaft við innri landamærin

Þetta hefðu stjórnmálamenn átt að kynna sér áður en þeir gengu í Schengengildruna og lokuðu lönd sín af inni í því svartholi ESB-elíta

Allt þetta þýðir að Evrópusambandið og Schengen verða lokaður heimshluti lengur en flestir aðrir hlutar jarðar, því innan þess er óreiðan, getu- og stjórnleysið slíkt að þar hefur aldrei neitt virkað til eins né neins; ekki frekar en að hinn svo kallaði "innri markaður" ESB hefur virkað umfram það að vera alls ekki aðili að honum [hann er einungis kenning á blaði]. Hann er aðeins geðþótta- og kúgunartól þýsk-franskra elíta, sem veifa þurfa bara litla fingri og lokast þá markaðurinn allur þegar þeim einum sýnist svo eða ekki – enda er Stóra-Bretland að breyta hafnarinnviðum sínum á austurströndinni svo að hægt verði að skrúfa Dover-Calais hlekkinn sem liggur inn í sósíalisma Frakklands og hins hnignandi Þýskalands úr sambandi við hinn innri gervimarkað ESB, og þar með auka viðskiptaöryggi Bretlands gagnvart umheiminum öllum

Og flestir Íslendingar vita einnig allt of vel hversu ömurlegar bankageira-reglurnar voru og eru enn innan EES+ESB. Ekkert ríki með fullu viti getur lengur átt neitt mikilvægt undir Evrópusambandinu né Schengensvæðinu komið og sem Bandaríkin neyddust til að loka á vegna getuleysis beggja við að hefta útbreiðslu kínverskra Wuhanveira. Loka varð á það allt til að ná til nokkurra fárra landa sem náðu að smita meira en 50 önnur lönd

Allt þetta ófrelsi og meira til virðist forysta Sjálfstæðisflokksins ganga hve mest upp í af öllum hugsanlegum málum, á meðan hún buktar sig og kyssir afturendann á Kínverska kommúnistaflokknum. Ég skammast mín orðið fyrir flokkinn minn og það fólk sem afflutt hefur hann í kaf. Það hefur fórnað þjóðfrelsinu fyrir ekki neitt

Aðeins þjóðfrelsið gerir okkur Íslendingum kleift að lifa Wuhan-veirufríu lífi í okkar eigin landi, á meðan þjóðir sem litla eða jafnvel enga stjórn hafa í sínu eigin landi, falla vegna farsótta og pólitískra plága

INNRI PLÁGUR VESTURLANDA

Þegar forsætisráðherra vor kemst upp með að ávarpa þjóð sína og taka sér aldrei í munn orðið þjóðfélag hennar, en staglast hins vegar 13 sinnum á tísku- og gufuhugtakinu samfélag, þá veit maður að kommagrænmeikuð pólitísk tískudrós er við völd í landinu. Hún er að sjálfsögðu úr fóstureyðingarliðinu mikla er kvartar hve mest yfir Vesturlöndum, og heimtar í sífellu skilnað um leið og eitthvað bjátar á. Gefum VDH orðið:

UM GAGNRÝNENDUR VESTURLANDA

Victor Davis Hanson bóndi og sagnfræðingur segir frá

Hafi menn frekari áhuga, má horfa á bóndann frá Selma í Kaliforníu og prófessor í klassískum fræðum og hernaðarsögu útskýra hvers vegna heimsveldi glóbalista Rómar féll, eftir að það flæddi út fyrir hið upphaflega lýðveldi; fall Rómarveldis

Fyrri færsla

General Motors kreistir hagnað út úr heimsfaraldri