Flugvél forsætisráðherra Íslands bíður flugtaksheimildar til Brussel. Það eina sem er að vanbúnaði er að tæma salernin yfir þjóðina. Það verður fyrst gert eftir flugtak

 

 

Mynd: unnið við hleðslu flugvélar forsætisráðherra Íslands á nýjum flugvelli Reykjavíkur sem lagður var fyrir nýju vél forsætisráðuneytisins. Flugvélin sem er tólf hreyfla er af gerðinni K-7 og kom til landsins í kyrrþey. Braggar almennings sjást óljóst í bakgrunni myndarinnar. Þeir eru af gerðinni IceSave

Millilandaflug forsætisráðherra er ennþá í undirbúningi  

Ríkisstjórnin biður eftir flugtaksheimild til Brussel en hún biður þó um að verða skotin niður á fluginu. Ef hún hrapar ekki núna þá munt þú og land þitt hrapa og brenna

Icesave og aumingjafélagið

Allir þurfa að hafa í huga að skuldbindingar ríkisins vegna Icesave eru allt öðruvísu en allar aðrar skuldbindingar skattgreiðenda á Íslandi (það eru jú þeir sem eru mjólkurkýr ríkissjóðs)

Skuldbindingarnar eru þannig að líkja mætti þeim við að óviti hafi komið og brennt til ösku peningainnistæður 500.000 manns í útlöndum - og sem mamma óvitans getur ekki bætt fyrir. Hún hafði heldur ekki rænu á að kaupa heimilistryggingu fyrir fávitann. En bíddu aðeins, ekki er öll von úti, aumingjahjálpin er nefnilega á næsta leyti. Það vill svo til að vinstrisinnaður nágranni mömmu brennuvargsins er með grænan geislabaug um haus sér. Þessi geilsabaugur er að vísu dálítið notaður en þó eins og nýr. Hann varð svona grænn af því að sá rauði reyndist vera litaður blóði úr 60 milljón myrtum þegnum síðustu útdauðu útópíu Evrópu, nefnilega sjálfum kommúnisma Sovétríkjanna sem framdi sjálfsmorð í Evrópu árið 1989. Þess vegna er þessi vinstri nágranni mömmu brennuvargsins með grænan geislabaug núna. Sá rauði gékk nefnilega ekki lengur

Þessum aumingjagóða vinstri græna nágranna Samfylkingarinnar er mjög mikið í mun að fá að komast aftur að völdum í þjóðfélaginu sem hann þoldi aldrei. Honum hefur verið haldið frá völdum með dyggri aðstoð kjósenda, þeir vildu ekki þennan græna túrban headed hálfvita að völdum aftur, því allt sem þessi túrban söng var ískrandi falskt og mannskemmandi. En núna er valdagræðgin orðin svo óstjórnlega mikil vegna fráhvarfseinkenna af fjarveru frá mjaltavélum ríkissjóðs, að þessi vinstri túrban headed idiot ætlar að hjálpa vangefnum aumingja pilsfaldakapítalismans og veðsetja allt landið okkar til þess eins að fá að hjálpa aumingjahöfðingja númer eitt á Íslandi: Samfylkingunni

Saman sjá þau stóran möguleika á að koma landi okkar inn í hin nýju Sovétríki Evrópusambandsins. Þau eru nefnilega í smíðum á útópíuverkstæði Evrópu núna - og trúið mér - það verkstæði ömurleikans er ekki þekkt fyrir neitt hálf kák. "Í þetta skiptið mun þetta heppnast hjá okkur mamma", segir geisabaugurinn á haus kommúnis. . afsakið . . á haus græningjans

Icesave er engu líkt 

Menn verða að muna að fyrir flest fyrri lán og lánsfjárábyrgðir hins opinbera í gegnum tíðina, hefur samfélagið í það minnsta fengið eitthvað smávegis fyrir snúð sinn. Þ.e.a.s lántökur og peningaábyrgðir hins opinbera hafa fært samfélaginu eitthvað fyrir peningana og fyrir áhættutökuna. Oft kannski ekki nema aukna veltu innanland sem þá hefur t.d. vélað fram auknar VASK-tekjur til kassa samfélagsins - og svo stundum virkað sem einhverskonar "örvun" hagkerfisins. Kannski oft lítið, en þó eitthvað samt. Svona hefur þetta verið, alltaf. Meira að segja ríkisábyrgðir handa samgöngufyrirtækjum og skipafélögum

En Icesave er ekki svona. Þar fæst EKKERT fyrir peningana, nákvæmlega ekkert. Að ætla að borga Icesave er eins og að taka botnlokurnar úr þjóðarskútunni og á sama tíma sitja önnum kafinn á klósettinu við að sturta niður. Algert ábyrgðarleysi hinna fávísu. Það væri betra að kveikja í peningunum. Þá fengi maður að minnsta kosti hita, reyk og ösku

Já en hrunið! Hvaða hrun væni minn?

Þegar hlutir hrynja og peningar hverfa þá segja kjánarnir: "peningarnir eru horfnir, þeir eru gufaðir upp. Þetta var bara froða"

En þetta er ekki rétt. Peningarnir eru alls ekki horfnir. Þeir eru bara hjá kaupmanninum. Hinsvegar er mjólkin sem þú keyptir af kaupmanninum ónýt. Þú varst svo heimskur að kaupa hana án þess að smakka á henni. Hún var drasl. Þú varst að flýta þér svo mikið að þú hafðir ekki tíma til að athuga hvort innihaldið var myglað, eða hvort þú varst að borga yfirprís. Þú áttir nefnilega svo mikið af peningum því þú áttir sjálfur heilu bankana heima á Íslandi. Þess vegna fórstu eins og fíll inn í kristalbúð og keyptir ónýta mjólk á klumpfótum. En kaupmaðurinn? Hann hlær alla leiðina í bankann með peningana þína. Þeir eru sko ekki horfnir. Þú átt þá bara ekki lengur. Þú átt bara súra mjólk og Icesave

Það er þetta sem hálfvitar rauðgræna aumingjafélagsins vilja endilega borga fyrir, því þeir vita vel að þar með tekst þeim loks að rústa því samfélagi sem þeir þoldu aldrei hvort sem var. Þú og börnin þín borga

Fyrri færsla

• Kosninga-ekki-þátttaka í kosningum til þings Evrópusambandsins í sumar endaði á 57% ekki-þáttöku kjósenda 

Tengt efni:

• Flugvél forsætisráðherra Íslands er loks tilbúin til millilandaflugs 

Kosninga-ekki-þátttaka í kosningum til þings Evrópusambandsins í sumar endaði á 57% ekki-þáttöku kjósenda

Úr glugganum í viku 42 

Fimmtudagur 15. október 2009 

Kosningaþátttaka í kosningum til þings Evrópusambandsins í sumar endaði á 43% þáttöku kjósenda á þessu 500 milljón manna landsvæði embættismanna sambandsins. Þetta er lélegasta kosningaþátttaka frá upphafi. Kosningaþátttaka í 18 af 27 löndum ESB var undir 50% og í 11 löndum var hún minni en 40%. Aðeins 19,6% íbúa Slóvakíu sáu ástæðu til að reyna að hafa áhrif á gang mála í ESB með því að kjósa. Í Lettlandi var kosningaþátttakan svo mikil sem 21%. Aðeins 24,5% íbúa í 38 milljón manna þjóðríki Póllands notfærðu sér kosningarétt sinn. Í aðeins 4 af 27 löndum ESB var kosningaþátttaka yfir 60%. Í Frakklandi kusu um 40% kjósenda. Það er lélegasta kosningaþátttaka þar frá upphafi. Um 43% Þjóðverja mættu á kjörstað og köstuðu atkvæði. Það er rétt tæplega lélegasta kosningaþátttaka frá upphafi þar í landi. Í Danmörku tókst að hækka kosningaþátttöku töluvert með því að láta kjósa samtímis um málefni dönsku konungsfjölskyldunnar, því þá mættu mun fleiri kjósendur á kjörstað en ella hefði orðið.

Úrslit þessara kosninga í öllum 27 löndum ESB voru tekin góð og gild af embættismönum sambandsins. Embættismenn Evrópusambandsins munu ekki fara fram á nýjar kosningar því það var hvort sem er engin stjórnarandstaða í boði sem hægt var að kasta atkvæði sínu á. Lítið var því í húfi fyrir embættismenn sambandsins hér. Ekkert meira hefði unnist fyrir þá með því að kalla kjósendur á ný inn í kosningabúrin eins og gert var á Írlandi þegar kosið var aftur um hvort færa ætti enn meiri völd yfir til embættismanna ESB í Brussel eða ekki. Þetta gerðist eftir misheppnuð kosningaúrslit þar í landi á síðasta ári. Þá kom "nei" út úr þjóðaratkvæðagreiðslu um nýju stjórnarskrá embættismanna ESB yfir Írum, því urðu Írar að kjósa aftur. Engir embættismenn Evrópusambandsins voru kosnir að þessu sinni og hafa heldur aldrei verið kosnir af neinum neinsstaðar í 27 löndum ESB; Þing ESB  

Samkvæmt utanríkisráðherra stjórnmálaflokksins Samfylkingar á Íslandi, herra Össuri Skarphéðinssyni, er hlutverk Evrópusambandsins þetta: “Hlutverk Evrópu er að vera hornsteinn mannréttinda í heiminum og ýta undir stöðuleika, sjálfbær þróun, réttlæti og velmegun um allan heim”; Morgunblaðið

 

Fleiri stuttar fréttir í glugganum 

Fyrri færsla

• Joe Stiglitz og bananalýðveldi Evrópusambandsins 

| PDF fyrri vika gluggans - vika 41 |  

Joe Stiglitz og bananalýðveldi Evrópusambandsins

Úr glugganum í viku 42 

Þriðjudagur 13. október 2009  

Joe Stiglitz, eins og írski hagfræðingurinn David McWilliams kallar hann, var í heimsókn á Írlandi til þess að segja vinum okkar Írum að þeir eigi heima í bananalýðveldi núna. Næstum hvergi annarsstaðar en í bananalýðveldum hefur það viðgengist sem liðið er í evrulandinu Írlandi núna. Þar er látið viðgangast að heilu bankakerfi og skuldbindingum þess við aðra banka og alla viðskiptavini sé hent yfir á herðar skattgreiðenda í landinu. Þetta sást, að sögn Stiglitz, áður fyrr eingöngu í bananalýðveldum. “Ég hef orðið fyrir miklum vonbrigðum að sjá að þetta er ekki aðeins að gerast í bananalýðveldum, heldur einnig í þróuðum ríkjum”, sagði Stiglitz. Hann segir ennfremur að um 100 bankar séu fanir á hausinn í Bandaríkjunum og það hafi bara gengið ágætlega því reglum kapítalismans hafi verið fylgt. David McWilliams á erfitt með að kyngja því að Stiglitz skuli líkja aðferðunum á Írlandi við verklag í bananalýðveldum. En þó grunar mig að þetta komi David alls ekki á óvart, því sjálfur hefur hann lýst frati á þessa ríkisvæðingu tapsins og einkavæðingu gróðans. Hann vill fara "íslensku leiðina", henda evrunni, koma bönkunum á hausinn, taka upp gamla írska pundið og fella það massíft. 

 

"He is comparing Nama and what is happening in Ireland – a country with which he is very familiar – to a smash and grab banana republic exercise."

 

N.A.M.A er skammstöfun fyrir “ríkiseignaumsýslustofnun Írlands” e. National Asset Management Agency. Þessi stofnun á að halda utanum þær eitruðu eignafærslur sem mygluðu og eiga eftir að mygla í bókum evru-bankakerfis Írlands. Eignafærslur sem ríkisstjórn Írlands ákvað að taka yfir á herðar írska ríkisins. Þetta gerðist eftir að ríkisstjórn Írlands sá sig nauðbeygða til að gangast í ábyrgð fyrir innistæðum og skuldbindingum nær alls evru-bankakerfis landsins, svo innistæður hinna evruvæddra banka Írlands myndu ekki flýja landið í leit að betri ríkisábyrgðum í öðrum evrulöndum. Síðasta haust kallaði ég þessa yfirboðsstarfsemi ríkisstjórna á evrusvæðinu fyrir "efnahagslega borgarastyrjöld innan evrusvæðisins". Peningarnir leituðu auðvitað þangað sem best var ríkisábyrgðin. Ríkisstjórnirnar yfirbuðu hverja aðra. Hlutabréfaverð í bönkum og fjármálastofnunum hækkaði og lækkaði í takt við hvað boðið var af ríkisábyrgð í hverju landi. 

David McWilliams minnist einnig á verðhjöðnunina á Írlandi og fær út svipaða raunvexti eins og ég skrifaði um í gær. Hann segir raunvexti vera 11,972% á Írlandi sem eru kjálkagapandi háir raunvextir. Hvað varð um hið margrómaða “stöðuga verðlag” og “innri stöðugleika” seðlabanka myntbandalags Evrópusambandsins á Írlandi? Sýnist bankanum verðlag vera stöðugt þegar það er hrunið um 6,5% á 12 mánuðum? Hvað ætlar seðlabankinn að gera í þessum galhoppandi óstöðugleika á Írlandi núna? Ekki neitt. Hann getur nefnilega ekkert gert og Írar sjálfir geta heldur ekkert gert, því þeir hafa enga stjórn á sínum eigin peningamálum. Sú stjórn er alfarið í höndum hjónana herra Þýskalands og frú Frakklands. Er því ekki vel við hæfi að segja hér að seðlabanki myntbandalagsins sé “ónýtur” -  og að myntin hans sé “ónýt” líka? Jú það passar ágætlega við á Írlandi. Ónýtur seðlabanki og ónýt mynt fyrir fjóra og hálfa milljón Íra. Írland kemst aldrei út úr myntbandalagi evrópusambandsins, hversu heitt sem þeir kunna að óska sér þess í framtíðinni. Það er engin leið til baka út úr evru. Engin leið; David McWilliams | tengt; Förum íslensku leiðina, hendum evrunni

 

Fleiri stuttar fréttir í glugganum

 

Fyrri færsla

• Bresk stjórnvöld treysta ekki reglum Evrópusambandsins. En það gerir ríkisstjórn Íslands 

Bresk stjórnvöld treysta ekki reglum Evrópusambandsins. En það gerir ríkisstjórn Íslands

Er þetta ekki yndislegt!

Morgunblaðið skrifar i dag; (sjá fréttatengingu hér neðst í færslunni)

 

Breska fjármálaeftirlitið hefur reynt að koma í veg fyrir að allt að 10 evrópskir bankar stofni útibú í Lundúnum.Bresk stjórnvöld hafi miklar efasemdir um reglur Evrópusambandsins. . [  ] . .  Þannig hafi Turner lávarður, stjórnarformaður fjármálaeftirlitsins, hvatt til þess að reglur um starfsemi banka yfir landamæri, verði hertar og fjármálaeftirlit gestaríkisins fái aukið svigrúm til að hafa eftirlit með útibúunum.

 

Trúðarnir í ríkisstjórn Íslands eru á öðru máli, auðvitað 

Hins allra vega hefur forsætisráðherra og fjármálaráðherra Íslands óbilandi trú á þessu regluverki. Trúin er svo mikil að það þarf ekki einu sinni að fá úr því skorið fyrir dómi hver ábyrgð íslenska ríkisins raunverulega er. Ég öfunda Breta af stjórnmálamönnum sínum. Þeir eru ekki lyddur og vesalingar eins og íslensk stjórnvöld eru núna. 

Leiðari mánudags

Það besta sem Samfylkingin hefur að bjóða Íslandi á einum válegustu tímum lýðveldissögunnar, er fullkomlega getulaus forsætisráðherra landsins, fröken Jóhanna Sigurðardóttir. Hvernig skyldi þá restin í Samfylkingunni líta út? Er von að maður spyrji? Allir með sæmilega heyrn geta heyrt hlátrasköllin leka niður allt Downing strætið og alla leið yfir til Brussel, með fastri viðkomu í Amsterdam og fleiri borgum þess evrópska stórhertogadæmis sem Samfylkingin er að reyna að kyssa rassinn á. Þvílík hörmung. Hver gerði Jóhönnu þennan grikk? Hve lengi á íslenska þjóðin að sitja sem smyglvarningur á aftursæti þessarar druslu? Samfylkingin ekur nú um algerlega próflaus, blind og heyrnarlaus með land vort og þjóð sem skiptimynt í pólitískri gíslingu á baksætinu. Hún er að leita að keisaralegum hertoga til að kyssa og þóknast í Brussel. Samfylkingardruslan er því miður sjálfskipt og hefur bara einn gír; Brussel-Drive. Bensínlaus er hún þó vonandi að verða.

Tengt efni

AMX „Íslenski forsætisráðherrann vill ekki hagstætt lán“ 

Fyrri færsla

• Ónýtir gjaldmiðlar, þáttur II. Spænska og Írska evran

Vill ekki erlendir bankar stofni útibú í Bretlandi

Ónýtir gjaldmiðlar, þáttur II. Spænska og Írska evran

 

Spænska evran

hún er handónýt fyrir Spánverja m.a. vegna þess að 85% af húsnæðislánum þeirra eru með breytilegum vöxtum og það er verðhjöðnun á Spáni. Spánverjar þurfa að losna við 3 milljónir nýbyggðrar evrubólugrafnar íbúðir í hvelli. Bólugröfturinn kom vegna of lágra stýrivaxta á vitlausum tímum. En það mun ekki ganga vel að selja fasteignirnar því raunvextir eru svo háir þar núna og munu bráðum hækka ennþá meira, alveg í takt við að efnahagur Spánar hrynur enn meira. Það er líka 20% atvinnuleysi í landinu og 38% atvinnuleysi hjá ungmennum. Spánn þarf lífsnauðsynlega á hagvexti að halda. En seðlabanki spænsku evrunnar er því miður staðsettur í Frankfürt í Þýskalandi og mun bráðum hækka stýrivexti á Spáni til að þóknast valdamönnum í París, Berlín og Brussel - en ekki til að hjálpa efnahag Spánverja. Þetta mun þýða himinháa raunstýrivexti á Spáni og steindrepa efnahag þeirra. Spánn ætti að stunda peningaprentun núna og fella gengið. En þeir meiga ekki gefa út peninga og hafa ekkert gengi. Þýskaland og Frakkland hafa einokun á peningaútgáfu á Spáni. 

Írska evran

hún er líka handónýt því hún er að drepa allt á Írlandi vegna þess að þar eru núna hæstu raunstýrivextir í heiminum. Það er 4-6% neikvæð verðbóla á Írlandi núna. Því eru raunstýrivextir þar um 6-8% núna. Það svarar til að á Íslandi væru stýrivextir tæplega 19% núna. Enda er efnahagur Írlands hruninn eins og hann hefði lent í tvö til þreföldu íslensku bankahruni. Hann er hruninn eins og spilaborg og mest hruninn vegna of lágra stýrivaxta of lengi á vitlausum tímum. Allt er að drepast á Írlandi, lýðræðið líka. Írland ætti núna að vera að prenta írsk pund í tonnatali og fella gengið. En þeir meiga ekki gefa út peninga og hafa ekkert gengi. Þýskaland og Frakkland hafa nefnilega einokun á peningaútgáfu á Írlandi. Bráðum munu raunvextir á Írlandi fara enn hærra upp í gegnum þakið og klessukeyra efnahag landsins enn frekar svo hann geti þóknast valdamönnum í París, Berlín og Brussel.  Allt bankakerfi landsins andar í gengum loftslöngu skattgreiðenda á Írlandi

 

 Hagstofa Írlands tilkynnti um 6,5% ársverðhjöðnun í dag

Fyrsti þáttur:

Ónýtir gjaldmiðlar I

 

Fyrri færsla

• Valdis Dombrovskis forsætisráðherra Lettlands herðir þumalskrúfurnar á AGS og ESB 

Valdis Dombrovskis forsætisráðherra Lettlands herðir þumalskrúfurnar á AGS og ESB

Úr glugganum í viku 41 

 

Miðvikudagur 7. október 2009

 

Valdis Dombrovskis forsætisráðherra Lettlands er samkvæmt heimildum BBN í gangi með lagabreytingu sem á að takmarka aðgang lánadrottna (sem að mestu eru erlendir bankar) að eignum húnsæðislántakenda í Lettlandi sem eru umfram þá fasteign sem veðsett er fyrir lánunum. Ef þetta verður mun það þýða að bankar munu ekki geta gengið að eignum lántakenda umfram þá fasteign sem veðlánin hvíla á. Þetta er að sögn Lars Christensen hjá Danske Bank ákveðinn mótleikur gegn þeim mikla þrýstingi sem Alþjóða Gjaldeyrissjóðurinn og Evrópusambandið beitir ríkisstjórn Lettlands, því þetta mun þýða mikil töp fyrir þá erlendu banka sem stóðu fyrr um 80-90% af útlánum í Lettlandi síðustu mörg árin - þ.e. skyldi landið neyðast til að fella gengi lats gagnvart evru. Valdis stillir hér með þumalskrúfurnar á AGS og ESB á snaraukinn þrýsting. Þetta er meira en hægt er að segja um baráttuvilja og ákveðni vissrar ríkisstjórnar sem núna situr lömuð í hræðslubúri miklu norðar og hugsanlega einnig neðar í plánetu okkar; BBN | Børsen

Hagstofa Finnlands tilkynnti í morgun að þjóðarframleiðsla Finnlands féll um 11,6% í júlí miðað við sama mánuð á síðasta ári og um 1,5% frá því í júní á þessu ári. Myndin (hagstofa Finnlands) sýnir þróunina mánuð fyrir mánuð á milli ára (YoY). Samdrátturinn virðist því halda áfram í Finnlandi svo ekki er ólíklegt að spá seðlabanka Finnlands um 7,2% samdrátt á þessu ári muni standast. En bankinn lækkaði hagspá sína fyrir Finnland í síðustu viku. Þar spáði seðlabankinn engum vexti í Finnlandi á næsta ári en 1,6% hagvexti árið 2011; Hagstofa Finnlands

Þriðjudagur 6. október 2009

Danmörk mun ekki uppfylla inntökuskilyrðin inn í myntbandalag Evrópusambandsins næstu árin og því telur Lars Løkke Rasmussen forsætisráðherra litlar líkur á að það gagni neitt í bráð að halda nýja þjóðaratkvæðagreiðslu [já eina ferðina enn!] um það sem Danir sögðu nei við árið 2000. Þá sögðu Danir nei við því að skipta dönsku krónunni út með evrum. Tapið á ríkisfjármálarekstri landsins verður einfaldlega of stórt. Danmörk er því ekki velkomin í evruregluna núna; DI | tengt efni; Dönsk peningamálastefna hin síðustu 10 ár í ljósi efnahagsmála Evrópusambandsins og EMU

 

Fleiri stuttar fréttir í glugganum 

 

 

Fyrri færsla

• Búrhænsni Evrópusambandsins sögðu já á Írlandi núna

Búrhænsni Evrópusambandsins sögðu já á Írlandi núna

Guði sé lof fyrir efnahagshrunið á Írlandi 

Það kom já út úr búrhænsnunum á Írlandi núna. Þetta er því endanleg niðurstaða. Endanlega endanleg. Ef það hefði komið nei hefðu Írar þurft að fara inn í búrin á ný og kjósa aftur. Þökk sé hrundum efnahag og ónýtri mynt Írlands kreistist út eitt blátt egg vegna mikils súrefnisskorts í hænsnabúrunum undanfarið. Eggið verður svo spælt í grísafitu á pönnu í Brussel 

Þegar að Evrópusambandinu kemur, þá eru öll kosningaúrslit sem auka völd Brussel álitin sem verandi endanleg úrslit kosninga. En öll kosningaúrslit sem eru andstæð því að aukin völd séu flutt til Brussel eru alltaf álitin sem einungis tímabundin kosningaúrslitúrslit 

Valdataka Brussel - Sannleikurinn um efnahagsmál Írlands 

 

Leiðari fyrir búrhænsni

Næsta skref forsprakka Evrópusambandsins sem vinna skattfrjálst á of háum launum í eina heilaga heimalandi sambandsins í Brussel, hlýtur að verða það að bráðnauðsynlegt sé að takamarka enn frekar völd og áhrif ríkisstjórna og stjórnmálamanna í aðildarlöndum sambandsins - og það sem allra allra fyrst. Takmarka völd heimilanna. Þeim rökum mun verða beitt að ekki gangi að ríkisstjórn eins lands steli atvinnutækifærum frá hinum löndunum með því að múta fyrirtækjum í heimalandi sínu til flytja störfin heim aftur þegar efnahagurinn brennur. Það sé náttúrlega ekki samþykkjanlegt að gera fyrirtækin háð svona lyfjagjöf eða hvatningu. Og svo er það náttúrlega ömurlegt að gera löndin háð fyrirtækjum sínum, það væri nú aldeilis voðalegt.

En bíddu aðeins. Var það ekki einmitt þetta sem Neelie Kroes samkeppniskommisar ESB sagði við Financial Times á föstudaginn? Jú reyndar. En það er einmitt þetta sem ESB gengur útá. Það gengur út á að leggja niður þjóðríki Evrópu í smá skömmtum. Í stað þeirra á að koma eitt stykki nýtt Sambandsríki Evrópu, United States of Europe. Þar mun sjálf sambandsríkisstjórn USE ráðskast enn meira með líf og limi þegnana, fyrirtækja þeirra og svo skammata áburði á milli héraða sem áður voru sjálfstæð ríki. En hvað með innflytjendastefnu ESB? Af hverju er í lagi að múta fólki til að flytja á milli landa og þá sérstaklega frá þeim löndum sem þurfa mest á sínu eigni fólki að halda við að byggja upp lönd sín eftir gereyðingu kommúnismans í Austur Evrópu? Eftir gjaldþrot áætlunarbúsakpar Moskvu í 45 ár. Er það í lagi? Er það bara í lagi vegna þess að það fæðast svo fáir nýjir skattgreiðendur í þeim löndum sem ráða öllu í ESB? Á sama tíma vill Brussel stoppa skattasamkeppni á milli landanna. Á hverju meiga löndin þá keppa sín á milli? Burtflognum hænum?

En hvað með Kína? Af hverju hættir ESB þá ekki að versla við kommúnistana í ríkisreknu Kína? Og hvað þá með fylkisríkisstjórnir Bandaríkjanna, sem lokka fyrirtæki til sín með skattaafslætti. Þarf ekki að stoppa þetta?

Verpið

Eiga þegnar Evrópusambandsins, sem bráðum fá hina nýju stjórnarskrá Brussel dregna yfir hausinn á sér eins og múldýr án kosningaréttar, að verða einu heimilislausu þegnar þessa heims? Bara svo þeir í Brussel geti haldið áfram að fá há laun og komist hjá því að greiða skatt í samtökum sem væri búið að loka ef þau væru lögleg? Og hvað með hinn risastóra hagnað á viðskiptajöfnuði Þýskalands við umheiminn? Eigum við að fjármagna þetta hrikalega ójafnvægi Þýskalands við umheiminn inn í rauðan dauðann? Hvernig væri að kaupa eitthvað af okkur hinum?

Hver bað um Evrópusambandið? Enginn. Enginn nema Brussel. Þetta er ennþá allt upp á gamla mátann hér í Evrópu. Eina byltingin hér sem kom neðanfrá, frá fókinu sjálfu, var hrun kommúnismans. Allt hitt kom að ofan, beint í hausinn á okkur. Það er því ekki undalegt að búið sé að banna gömlu ljósaperurnar í ESB. Það gæti nefnilega kviknað á einni þeirra aftur. FT; Kroes warns EU over ‘stealing’ car jobs

Fyrri færsla

• Vaxandi áhugi á gjaldþroti spænska, ítalska og þýska ríksins 

ESB fært um að hlusta á fólkið

Vaxandi áhugi á gjaldþroti spænska, ítalska og þýska ríksins

Úr glugganum í viku 40 

 

Velta á afleiðumarkaði fyrir t.d. tryggingar gegn greiðslufalli ríkissjóða eða hin svokölluðu CDS (afleiður skuldatrygginga eða e. credit default swaps) er kominn í gang á ný. Að þessu sinni fer áhugi fjárfesta hraðast vaxandi á pappírum sem tengjast greiðslufalli ríkissjóða landa Vestur Evrópu. Mestur áhugi er t.d. vakinn á greiðslufalli ríkissjóða Ítalíu og Spánar. Það er einnig vaxandi áhugi á gjaldþroti Þýskalands. Fjárfestar hafa minnkandi áhuga á að veðja á greiðslufall ríkissjóða landa eins og t.d. Tyrklands, Brasilíu, Úrkaínu og álíka nýmarkaðslanda. Þar hefur því velta með svona pappíra minnkað mikið. Þessi vaxandi áhugi fjárfesta tengist ört vaxandi halla á rekstri ríkissjóða landa Vestur Evrópu. Fjárfestar minnast bankahrunsins á Íslandi og vita vel að margir ríkissjóðir landa Vestur Evrópu hafa gengist í gífurlega miklar ábyrgðir fyrir skuldbindingum illra stadda bankakerfa sinna. Pappírar svona ríkissjóða sem halda bankakerfum síum á lífi í faðmi ríkisins eru því að eitrast í hugum fjárfesta. Þeir reyna nú að tryggja sig í auknum mæli.

Áhugi á t.d. greiðslufalli ríkissjóðs Íslands ætti ekki að vaxa meðal fjárfesta nema að íslenska ríkið gangist í ábyrgð fyrir vissum hlutum eins og t.d. Icesave - því bankakerfi Íslands er jú búið að fara á hausinn. Hin bankakerfin eiga það eftir, kannski. Það væri ekki sérlega viturlegt að endurtaka gjaldþrot íslenska bankakerfisins í nýjum leikbúningi sjálfs ríkissjóðs Íslands því það eru skattgreiðendur á Íslandi sem fjármagna fatakaup ríkisins. 

Það hefur sennilega heldur ekki bætt skap fjárfesta að stór halli á fjárlögum evrulanda mun ekki auka á lífslíkur evru-myntarinnar því einmitt stöðugleikasáttmálinn sem kenndur er við hollenska bæinn Maastricht segir að jafnvægi í ríkisrekstri sé forsenda myntbandalagsins. Þessu ætlar t.d. Frakkland að gleyma alveg á næstu árum með því að sprengja fjárlög franska ríkisins um 8,5% í loft upp og litlar líkur eru á að sá halli lagist næstu mörg árin. Þetta verður fröken Angela Von Merkel ekki ánægð með. En hvort hinn ofvirki herra G1, Nicolas Sarkozy, hafi einbeitingarhæfileika til að hlusta á rökfasta fröken Merkel, efast ég um; FT Deutschland | Les Echos

Undirliggjandi þættir hins “tölfræðilega” 0,3% hagvaxtar sem náðist í Þýskalandi á milli 1. og 2. fjórðungs ársins voru þessir. Vöxturinn náðist með því að (a) ganga á óseldar birgðir (–1.9%) sem hrannast höfðu upp sökum hrunins útflutning á fyrri fjórðungum og sem búið var að framleiða í þjóðfélaginu á fyrri fjórðungum [ munið hina stóru þýsku ríkisstyrki sem greiða hluta launa starfsmanna fyrirtækja - Kurzarbeit - og sem fær þýsk fyrirtæki til að framleiða þar áfram þó svo engin eftirspurn sé ] og (b) með bættum nettó-útflutningi sem náðist með því að útflutningur hrundi minna á milli fjórðunga (-1,2%) en innflutningur sem hrundi massíft (-5,1%). c) Auka útgjöld ríkisins um 0,4% og (d) hvetja einkaneyslu áfram um 0,7% með því (sennilega) að borga skattgreiðendum peninga með peningum skattgreiðenda til að henda bifreiðum sínum svo þeir gætu keypt sér þær nýju bifreiðar sem til voru í endalausum röðum á lager í Þýskalandi. Þökk sé peningum skattgreiðenda sem greiddu hluta launa til framleiðslu þessara bifreiða sem fóru á lager. Einfalt?

 

Ef þú sérð aldrað fólk í nýjum bílum í Þýskalandi þá veistu hvað hefur gerst. Ef þú sérð ungt fólk í strætó þá veistu að það átti engan bíl til að henda. Þessum góðu fréttum um "efnahagsbatann" í evrulandi hafa fjölmiðlar Evrópu nú stönglast stanslaust á vikum saman. "Ríkið" bjargar þessu; Hagstofa Þýskalands | tengt; á hvorn veginn féll Berlínarmúrinn?

 

Fleiri stuttar fréttir í glugganum

 

Fyrri færsla:

• 10 ára evruaðild færir Finnlandi 7,2% samdrátt og fastgengisstefna Danmerkur jafnast á við bankahrun

10 ára evruaðild færir Finnlandi 7,2% samdrátt og fastgengisstefna Danmerkur jafnast á við bankahrun

Úr glugganum í viku 40 

 

Miðvikudagur 30. september 2009

Þjóðarframleiðsla Danmerkur dregst áfram saman. Hagstofa Danmerkur birti loksins í morgun tölur yfir landsframleiðslu í Danmörku á öðrum fjórðungi þessa árs. Uppgjörinu seinkaði vegna lengri frests á uppgjöri og greiðslu virðisaukaskatts. Hrunið í þjóðarframleiðslu Danmerkur varð hvorki meira né minna en 7,2% á þessum öðrum fjórðungi miðað við sama tíma á síðasta ári. Samdráttur á fyrstu sex mánuðum ársins miðað við í fyrra var því 5,3%. Þetta er næstum eins slæmt og á Íslandi en þar var samdrátturinn 5,5% á sama tímabili. Samdráttur á milli 1. og 2. fjórðungs innan ársins varð 2,6% í Danmörku. Mikið fall varð í fjárfestingum,  einkaneysla minnkaði en neysla hins opinbera jókst. Fallið í þjóðarframleiðslunni þýðir að hver einasti íbúi Danmerkur hafi tapað tæpum 20.000 dönskum krónum af tekjum því þjóðartekjur minnkuðu í heild um 105 miljarða danskar krónur. Samdráttur í landsframleiðslu Danmerkur hefur nú staðið stanslaust yfir í 6 ársfjórðunga eða frá 1.fj. 2008. OECD spáir Danmörku 4. lélegasta hagvexti af 30 löndum samtakanna frá 2011-2017. Tölur OECD segja einnig að Danmörk hafi hrapað um 6 sæti á listanum yfir ríkustu þjóðir heimsins, niður í 12. sæti og mun hrapa þar enn neðar ef þessi spá OECD fyrir 2011-2017 gengur eftir; Hagstofa Danmerkur | Cepos

Gríska blaðið Kathimerini skrifar að sökum komandi kosninga og hins pólitíska álits hafi gríska ríkisstjórnin læðst eftir krókaleiðum að dýru lánsfjármangi á markaði sem fyrst og fremst er notaður til fjármögnunar skammtímaskulda til nokkura daga eða vikna (ECP). Þetta gerði ríkið til að geta endurnýjað fjárskuldbindingar sínar og hafi þar með einnig bætt við skuldir ríksins langt umfram það sem sem látið hefur verið uppi. Þessi krókaleið kostar mun meira en hefðbundnar leiðir ríkisins að fjármagni. Lántökur gríska ríkisins eru ekki 40 miljarðar evrur á þessu ári eins og látið er uppi, heldur eru þær 59,4 miljarðar evrur. Blaðið segir að skuldastaða gríska ríkisins sé verri en upp er gefið í opinberum tölum og heilbrigði ríkisrekstrarins verra en vænst var; Kathimerini

Seðlabanki Finnlands heggur niður væntingar og lækkar landsframleiðsluspá Finnlands alla leið niður í 7,2% samdrátt fyrir þetta ár. Engum vexti er spáð í Finnlandi á næsta ári. Bankinn hækkar þó 2011 hagspá sína fyrir landið. Þar spáir seðlabankinn 1,6% hagvexti miðað við 2010. Sem sagt, þrátt fyrir evruaðild Finnlands í öll þessi ár mun þjóðarframleiðsla Finnlands falla rosalega stórt um 7,2% á þessu ári, standa í stað á næsta ári og svo vaxa um 1,6% á þarnæsta ári. Þetta er ekki mikill vöxtur en stórt hrun. Seðlabanki Finnlands trúir að verðbólga verði svo að segja engin á næstu árum. Því er ég meira en sammála. Svo seint sem í nóvember síðastliðnum spáði OECD 0,6% hagvexti í Finnlandi á árinu 2009. Spá seðlabanka Finnlands hefur því fallið 1300% miðað við spá OECD fyrir aðeins 11 mánuðum; Bank of Finland

Útúrdúr; það er undarlegra þetta með prósentufall þjóðarframleiðslu en gengisfall myntar eða jafnvel gengisfall hlutabréfa. Gengi eins gjaldmiðils gagnvart öðrum gjaldmiðli getur ekki fallið um meira en 100% án þess að peningurinn verði að engu. Einskis virði. Enginn hefur ennþá séð neikvæða mynt. Hún er ekki til því þá væri hún skuld. En það er öðruvísi með breytingar í hagvexti, breytingarnar geta orðið neikvæður í það óendanlega á milli tímabila.

 

Fleiri stuttar fréttir í glugganum 

 

Fyrri færsla:

• Óði hattarinn í Evrópusambandinu 

Óði hattarinn í Evrópusambandinu

Sannleikurinn um efnahagsmál Írlands

"Óði hattarinn sagði Lísu í Undralandi að orð hafa þá meiningu sem þú vilt að þau hafi. Óði hattarinn hefði verið eins og heima hjá sér í Evrópusambandinu því þar fær orðið “nei” þýðinguna “já” og pólitískum áróðri er básúnað út sem upplýsingum. Ef Írland kýs “nei” og hafnar þar með Lissabon sáttmálanum [nýju stjórnarskrá ESB] mun ESB halda áfram og Írland mun áfram vera hluti af ESB. En kjósi þeir já munu áhrif Írlands innan ESB verða enn minni en þau eru í dag."

Þetta er úr grein Derek Scott sem var efnahagsráðgjafi forsætisráðherra Bretlands, Tony Blair, frá 1997 til 2003. Öll grein Derek Scott úr Wall Street Journal er hér á íslensku: Sannleikurinn um efnahagsmál Írlands 

Fyrri færsla

• Vika 39 | Þrjár milljónir óseldra íbúða á Spáni núna? Barroso formaður Evrópusambandsins "er spilltur"