Eyðni fullveldis. Sumir segja að þetta sé samvinna . .

Fullvalda ríki? 

Eyðni fullveldis, velmegunar og velferðar

Sumir segja að þetta sé samvinna, en ég segi að þetta sé enn einn liðurinn í afnámi fullveldis og sjálfsákvörðunarréttar ríkja Evrópusambandsins í praxís. Sérstaklega þegar lengra er haldið inn í framtíðina - og frá og með nú veifandi glænýju stjórnarskrá ESB framan í löndin, svona til að skerpa minnið

Kanslari Þýskalands, Angela Merkel, hefur lofað Þjóðverjum að lækka skatta um 24 miljarða evrur í Þýskalandi á þar næsta ári. En nú segir seðlabankastjóri Evrópusambandsins að þetta sé ekki æskilegt og geti einungis komið til greina seinna, eða lengra inni í framtíðinni (e. medium term). Hér eru þannig sjálfur lýðræðislega kjörinn kanslari Þýskalands og ekki_kosinn embættismaður Evrópusambandsins ósammála um mikilvægt efnahagsmál sem þó ætti að vera innanhússmál Þjóðverja, þ.e. ef um fullvalda ríki væri að ræða. Embættismaður seðlabanka ESB segir að það sé ekki hægt að framkvæma skattalækkanirnar næstu árin. Þetta segir aðalmaður seðlabankans, Jean-Claude Trichet, vegna þess að fjárlagahalli í Þýskalandi mun verða 6,5% af landsframleiðslu landsins. Tvöfalt meiri en leyflegt er samkvæmt reglum ESB fyrir hagkerfi í góðviðri

Sorry, en reglur Evrópusambandsins segja . .  

Hvað skyldi fransmaðurinn Trichet segja við landa sína heima í Frakklandi? Þar verður fjárlagahallinn nefnilega tvöfalt meiri en í Þýskalandi. Seðlabankastjórinn skiptir sér hér gróflega af skattamálum Þýskalands. Þetta land, Þýskaland, er ekki beinlínis neitt smáríki í Evrópusambandinu. Já, reglur eru reglur. Ekkert hægt, frekar en fyrri daginn. "Því miður, reglur Evrópusambandsins segja að . ."

Hvaða land vill hafa AGS'legt apparat inni á gafli hjá sér? - alltaf.

Þessir hömlur og spennitreyjur Evrópusambandsins munu í lengdina vinna bug á velmegun og hagsæld landa sambandsins. Annaðhvort verða löndin að gefa meira og meira frá sér af fullveldi og sjálfsákvörðunarrétti sínum - og þar meðtöldum möguleikunum á hagsæld og velmegun - eða Evrópusambandið verður að hörfa til baka. Sjálfur er ég sannfærður um að það verður fullveldi og sjálfsákvörðunarréttur landanna sem mun hörfa - meira og meira en þú þegar orðið er - til þess eins að bjarga sjálfu sambandinu, en ekki til að bjarga löndunum.

Fyrri færsla

• Hættulega margir Íslendingar vilja ganga úr heiminum og inn í ESB 

Hættulega margir Íslendingar vilja ganga úr heiminum og inn í ESB

Það er stórfurðulegt að allt að 29% Íslendinga vilji ganga úr 92% af heiminum og loka sig af inni í 8% horni heimsins. Við þurfum að gera betur en þetta kæru Íslendingar 

Þetta hlutfall ætti að vera hámark 8%. Hlutfallið ætti alls ekki passa við snjómynstur útskeifra  spora eftir skóstærð frekjuhlussu Samfylkingarinnar, með gulum hlandslettum í útjaðri þeirra allra. Sporin eftir frekjutröll & álfa Samfylkingarinnar

En vonast er eftir hláku og þá mun þessi óþverri hverfa. Svo mun birta og fullt tungl Íslands lýsa okkur á ný. Þá verður gott að standa úti í ferska lofinu í fullu tungli og norðurljósum. Þá mun nú glampa á ESB eins og gamlan kattaskít í sterku tunglsljósinu. 

Fyrri færsla

• Gjaldþrot fyrirtækja í Evrópusambandslandinu Danmörku slá öll met 

29% vilja ganga í ESB

Gjaldþrot fyrirtækja í Evrópusambandslandinu Danmörku slá öll met

Gjaldþrot fyrirtækja í landi Evrópusambandsins, Danmörku, slá nú öll fyrri met. Í október voru 537 fyrirtæki lýst gjaldþrota i hér í fastgengis-landinu Danmörku. Þetta er mesti fjöldi gjaldþrota í einum mánuði síðan mælingar hófust árið 1979. Algengast var að 3-5 ára gömul fyrirtæki yrðu gjaldþrota. Ársvelta þeirra fyrirtækja sem voru lýst gjaldþrota í þessum mánuði var 3,3 miljarðar danskar krónur. Um 1800 manns unnu fulla vinnu í þessum fyrirtækjum. Þeir bransar sem mest verða fyrir gjaldþrotum eru: verslun, flutningar, byggingafyrirtæki og fyrirtæki sem þjónusta önnur fyrirtæki; DST

Mesti fjöldi nauðungaruppboða í Danmörku síðan 1995. Í október fóru 423 fasteignir á nauðungaruppboð í Danmörku. Í september var þessi tala 357 eignir. Um 7-10.000 manns missa vinnuna í hverjum mánuði í Danmörku um þessar mundir; DST

Vanskilahlutfall lána í bankakerfi Lettlands jókst frá 13,8% af lánum sem voru komin 90 daga fram yfir gjalddaga í ágúst og í 14,5% af lánum í september. Í desember á síðasta ári var þetta hlutfall 3,6%. Heimili Evrópusambands-landsins Lettlands ráða ekki lengur við afborganir af lánum sínum. Landsframleiðsla Lettlands dróst saman um 18,7% á öðrum fjórðungi ársins miðað við sama tíma í fyrra. Atvinnuleysi í Lettlandi mældist 19,7% í september. Fastgengi við evru, evrufótur, ríkir í Lettlandi. Smásala í landinu hefur dregist saman um 30,9% frá því í september í fyrra; BBN

Fleiri stuttar fréttir í glugganum 

Fyrri færsla

• Evran skekur efnahag Finnlands. Fyrirtæki flýja landið

Evran skekur efnahag Finnlands. Fyrirtæki flýja landið

Myntin evra er að valda efnahag Finnlands miklum erfiðleikum segir forsætisráðherra Finnlands, Matti Vanhanen. “Evran er ekki eina vandamálið en samt stór hluti vandamálsins.” Burtséð frá örvunarpakka ríkisins, getur ríkisstjórnin lítið annað gert til að auka útflutning en að horfa á. Landsframleiðsla Finnlands dróst saman um 9,4% á öðrum fjórðungi ársins og útflutningur var fallinn um 36% í ágúst miðað við í fyrra. Um 50% af hagkerfi Finnlands er búinn til með útflutningi. 

Finnska fyrirtækið Stora Enso Oyj, sem er stærsti pappírsframleiðandi í Evrópu, segir að fyrirtækið sé að flytja framleiðslu sína frá Finnlandi til Svíþjóðar til þess að geta notið kosta sænsku krónunnar sem er sjálfstæð fljótandi mynt og fallin gagnvart evru. Stora Enso mun loka tveim verksmiðjum í Finnlandi í ágúst því eftirspurn sé minni og rekstrarkostnaður hár. Gamli gjaldmiðill Finnlands, finnska markið, er ekki lengur til. Finnland á ekki afturkvæmt út úr ESB eða evru. Atvinnuleysi í Finnlandi mældist 8,6% í september; Bloomberg

ESB-aðild Finnlands hefur kostað mikið 

Finnland ásamt Álandseyjum gekk úr EFTA og í ESB árið 1995. Síðan þá hefur atvinnuleysi í Finnlandi aðeins farið niður fyrir 8% í tvö til þrjú ár af síðustu fjórtán árum. Á þessu tímabili hefur Finnland greitt yfir þrjá miljarða evrur (3066 milljón evrur) í nettógreiðslu til Evrópusambandsins. Þetta er greiðsla Finnlands fyrir ESB aðildina. Finnland hefur þurft að greiða nettógreiðslu til Evrópusambandsins öll árin frá 1995 til dagsins í dag, nema árið 2000. 

Seðlabanki Finnlands spáir um 7,2% samdrátt á þessu ári. En bankinn lækkaði hagspá sína fyrir Finnland í þar síðustu viku. Spáir seðlabankinn engum vexti í Finnlandi á næsta ári en 1,6% hagvexti árið 2011: Bank of Finland

Fyrri færsla

• ESB Ríkisútvarpið mun fjalla um reynslu Páfagarðs af evruupptöku 

ESB Ríkisútvarpið mun fjalla um reynslu Páfagarðs af evruupptöku

Dagskrárstjóri Ríkisútvarps Evrópusambandsins á Íslandi mun næst taka fyrir reynslu Monaco af evruupptöku

"Monaco líkist Íslandi meira en Malta", segir yfirmaður fréttastofu Ríkisútvarpsins, því Malta er heil 0,3% af flatarmáli Íslands en Monaco er ennþá minna. Monaco líkist því Íslandi meira

Það er þó mat yfirgjaldmiðils Ríkisútvarpsins, herra Ímat Úrmat, að Evrópusambandið hefði frekar átt að taka upp maltíska líru því lengi vel var hún hæst metni gjaldmiðill heimsins. Það einkennir nefnilega flesta ESB-vandláta að þeir vilja fá gjaldmiðil sem hækkar og hækkar, no matter what - og endar sem loftbelgur

Útilokað að tala við Finna eins og er, gefur ekki réttvísandi mynd 

Flytja þarf því nauðsynlega inn vitni frá Monaco segir RÚV. Það ætti að geta gerst sem allra fyrst. Passa þarf líka að engir Norðmenn komist inn í landið á meðan til segja frá neinu. Ekki ætti heldur að ræða við Finna núna því það liggur mjög illa á vinum okkar í því horni evrulands. Þeir geta nefnilega ekki skilað þessum nýja gjaldmiðli landsins. Skilafrestur var víst enginn á vörunni. Evran þeirra virkar ekki eins vel og evran í Monaco, segir RÚV. Símalínur til Finnlands eru því lokaðar eins og er. Algerlega útilokað er að við tölum við Svisslendinga sökum reynsluleysis þeirra af evruupptöku 

Svo er annað segir RÚV. "Monaco er með umfangsmeiri útgerð en Malta, mun fleiri báta. Þeir afla líka betur en maltísku bátarnir sem afla aðeins 2.000 tonna af fiski á hverju ári. Sú tala er of lág miðað við 1,3 milljón tonna fisksafla Íslendinga á ári. Því ber okkur fyrst og fremst skylda til að tala við Monaco. Fiskveiðar þeirra eru einfaldlega meiri og bátaflotinn stærri"

Næstu skref Ríkisútvarps á Íslandi munu liggja til Páfagarðs

Þegar ESB-RÚV er búið að fjalla um reynslu Monaco ætlar stofnunin að tala við Vatíkanið til að grennslast fyrir um reynslu þeirra af evrunni. Það er um að gera að fá rétta mynd af hlutunum segir talsmaður Ríkisútvarps Evrópusambandsins á Íslandi. "Þekking Páfagarðs á trúmálum er þessutan óvéfengjanleg"

Fyrri færsla

• Seinkuðum teppa-sprengjum rignir nú yfir þegna Evrópusambandsins

Seinkuðum teppa-sprengjum rignir nú yfir þegna Evrópusambandsins

Hann reyndist sannspár hann A.E.P um atvinnuástandið í Evrópusambandinu

Hann hafði ágætlega rétt fyrir sér hann Ambrose Evans-Pritchard þegar hann skrifaði greinina  "Iceland's krona: By then the delayed cluster bomb of Europe's unemployment will have detonated"  í byrjun september mánaðar. Nú eru "teppa-sprengjurnar" að byrja að lenda og þær munu halda áfram að koma í hausinn á okkur hér í Evrópusambandinu næstu árin. Stanslaust. Það heimsmet hefur líka gerst að 40% ungmenna á Spáni eru núna atvinnulaus, já fjörutíu prósent: 10+10+10+10%

Evrópusambands-ástandið á Íslandi varaði aðeins örstutt 

Atvinnuástand á Íslandi er nú að verða einna best í Evrópu, þ.e. séð í Evrópusambandslegu ömurleikasamhengi - og fer batnandi. Þið náðuð aldrei virkilega að að prófa Evrópusambandslegt massíft 30 ára atvinnuleysi fyrir alvöru. Þökk sé íslensku krónunni okkar. Þakkið henni fyrir að Ísland er ríkt land með bjartar og öfundsverðar framtíðarhorfur. Engin lönd geta orðið rík eða haldið áfram að vera rík ef þau henda fólkinu sínu á ruslahaugana, eins og gerst hefur hér í Evrópusambandinu síðastliðin 30 ár. Svoleiðis lönd munu smá saman glata velmegun og velferð. Þau verða ríki örvæntingar og vonleysis.

Mynd (smellið tvisvar til að skoða betur): Atvinnuleysi í Evrópusambandinu í september 2009. Heimild: hagstofa ESB og Vinnumálastofnun. Athugið að tölur hagstofu ESB og Vinnumálastofnunar eru ekki beint samanburðarhæfar

Hvað annað ætti manni að detta í hug, þegar maður skoðar myndina, en að bankakerfi flestra þessara landa hafi oltið um koll og séu alltaf á hausnum endalaust  

Hvað ættu útstillingar-gínur seðlabanka Evrópusambandsins að vera að gera núna? 

Skyldu gínurnar Finnland og Írland ennþá vera til sýnis á plakötum og auglýsingaskiltum frá ECB og Brussel? Finnland er í tvöföldum bankahrunssamdrætti og Írland er harðfryst í plokkfiskblokk. Spánn er horfið af yfirborði jarðar. 

• Hvað ætti seðlabanki Finnlands að vera að gera núna og sem hann er ekki að gera?
• Hvað ætti seðlabanki Spánar að vera að gera núna og sem hann er ekki að gera?
• Hvað ætti seðlabanki Írlands að vera að gera núna og sem hann er ekki að gera?
• Hvað ættu seðlabankar Lettlands, Litháen og Eistlands að vera að gera núna?
• Hvað er seðlabanki Þýskalands að gera núna og sem hann ætti ekki að vera að gera?
• Hvenær yfirgaf Evrópusambandið raunveruleikann og fór inn í hugarheim hagfræðilegra geðsjúkdóma, EMU?

 

Fyrri færsla

• Draumurinn um hið sameinaða stórríki Evrópusambandsins

Draumurinn um hið sameinaða stórríki Evrópusambandsins

  

Draumurinn um einskonar United States of Europe í utanríkismálum er skýr hjá utanríkisráðherra Frakklands

EEAS hefur alla burði til þess að þróast í utanríkisráðuneyti sambandsríkja Evrópu

Í tilefni heimsóknar til Póllands þann 20. júlí núna í sumar, hélt utanríkisráðherra Frakklands, Bernard Kouchner, ræðu á samkomu sendiherra Póllands. Þar sagði hann meðal annars eftirfarandi:

 

"Án nýju stjórnarskrár Evrópusambandsins (sem oft er nefnd Lissabon sáttmálinn) getum við ekki talað um framtíð fyrir Evrópu, enga framtíð fyrir öryggisvarnir Evrópu, enga framtíð fyrir stækkun Evrópu og enga framtíð fyrir fullkomnun Evrópu. Með 27 einstökum löndum er ekkert af þessu mögulegt" . . 

 

Lesið allan pistilinn hér á tilverunni í esb net  

 

Fyrri færsla

• Finnar einmanna með evruna - og geta ekki skilað henni til baka 

Finnar einmanna með evruna - og geta ekki skilað henni til baka

Sjá tengingu við frétt Morgunblaðsins neðst í færslunni  

  

Mynd atvinnuleysi í Finnlandi og á Íslandi í 30 ár  

Það er alþekkt fyrirbæri í markaðsfærslu að um leið og neytendur hafa keypt vöru - og þá sérstaklega dýra vöru - þá fara þeir strax í gang með að sannfæra sjálfa sig um að þeir hafi gert góð kaup. Til að styrkja trú sína á að þeir hafi einmitt gert góð kaup, þá fara þeir oft að sjá ýmsa kosti við vöruna sem aðrir sjá ekki og munu því oft mæla með vörunni við aðra sem hafa hana ekki

Til þess að skapa það sem kallað er "brand-community" (vörumerkja(sam)félag) og til að viðhalda staðfestingarviðleitni þeirra sem hafa keypt vöruna, er bráðnauðsynlegt að söluaðilar vörunnar haldi áfram að auglýsa vöruna jafnvel þó svo að engin sala sé í gangi, því þannig sjá þeir eigendum vörunnar fyrir áframhaldandi staðfestingu á að þeir hafi gert góð kaup

Ef maður sér aldrei auglýsingu fyrir vöru sem maður hefur keypt þá mun maður smá saman fara að halda að maður sé einn í heiminum með þessa vöru, þ.e. hafi verið einn af fáum sem keyptu hana og að varan sé léleg. Þessvegna höfðu Finnar mestan áhuga á evru af öllum aðspurðum í könnun meðal atvinnurekenda í Skandínavíu á síðasta ári

En þeir eru samt innst inni (smá)hræddir við hvað nágrannarnir muni gera og álykta um þá vöru sem þeir einmitt hafa keypt. Og svo er ábyrgðartíminn útrunninn, ekki hægt að skila vörunni lengur og því ekkert annað hægt að gera en að mæla með vörunni áfram. Ekkert sem sé hægt

 

 

Gengu í Evrópusambandið og tóku upp evru, því miður - og atvinnuleysi Finnlands komið í 8,7% kryppu eina ferðina  

Finnland ásamt Álandseyjum gékk úr EFTA og í ESB árið 1995. Síðan þá hefur atvinnuleysi í Finnlandi aðeins farið niður fyrir 8% í tvö til þrjú ár af síðustu fjórtán árum. Á þessu tímabili hefur Finnland greitt yfir þrjá miljarða evrur (3066 milljón evrur) í nettógreiðslu til Evrópusambandsins. Þetta er greiðsla Finnlands fyrir ESB aðildina. Finnland hefur þurft að greiða nettógreiðslu til Evrópusambandsins öll árin frá 1995 til dagsins í dag, nema árið 2000. Það er þó einu ári skárra en hjá Svíum sem aldrei hafa fengið nettógreiðslu frá ESB síðan landið gékk þar inn; sjá tölulegar upplýsingar ásamt fleiru um Finnland: Finnland á ekki afturkvæmt út úr ESB eða evru

Tengt efni

• Lítill áhugi á evru hjá atvinnurekendum í Skandinavíu 
• Atvinnuleysi í ESB núna 

Fyrri færsla

• Vilji 500 milljón þegna Evrópusambandsins

Vill Norðurlöndin á evrusvæði

Vilji 500 milljón þegna Evrópusambandsins

úr glugganum í viku 43

 

Vilji 500 milljón þegna Evrópusambandsins; Í fréttatilkynningu utanríkisráðherra Frakklands, Bernard Kouchner, fyrir nokkrum dögum, segir: “umfram allt er það viðhorf forseta Tékklands, Vaclav Klaus, sem er vandamálið" [hann er “sannfærður og viðhaldandi ESB-efasemdamaður”, en það er vandamál í ESB, allir verða að elska viljann]. "Sumir mæla með að forsetanum sé ekki ögrað í þeirri von að honum muni ekki endast hugrekkið til að halda áfram að seinka staðfestingu nýju Lissabon stjórnarskrárinnar fram að kosningunum í Bretlandi. Persónulega finnst mér að við [?] ættum að vera fasthentir hér því allir aðrir hafa kosið [?? enginn hefur kosið nema Írar, og meira að segja tvisvar] og þar á meðal eru Tékkar. Einn maður mun ekki geta vitað hvernig á að hunsa vilja 500 milljón þegna Evrópusambandsins [aftur; enginn þeirra var spurður nema Írar]. Evrópuráðið mun koma saman í næsta mánuði og það verður rétta tækifærið til að sannprófa staðfastan vilja þegna Evrópusambandsins [sem eru ekki til staðar og hafa ekki verið spurðir að neinu] og til að setja öflugan þrýsting á forseta Tékklands."; Open Europe 

Kannski endar þetta með sigri viljans? 

Fleiri stuttar fréttir úr glugganum 

 Fyrri færsla

• Vinstri útblástur græns framboðs mikill en eftirspurn sáralítil - og bráðum er losunarkvótinn búinn 

Evran er stórslys fyrir efnahag og iðnað í Evrópu

 

Pólitískt myntbandalag drepur efnahag

Evran er stórslys fyrir efnahag og iðnað Evrópu á þvi gengi ($1,50) sem hún er á núna gagnvart dollar, segir Henri Guaino sem er hægri hönd Nicolas Sarkozy Frakklandsforseta. Núna er það Kína sem leikur sér að piparmynt öldrunarhagkerfi myntbandalags Evrópusambandsins, evru.

Gengi evru gagnvart Bandaríkjadal hefur hækkað um 15% frá því í mars. Þetta jafngildir 1% vaxtahækkun á hverjum ársfjórðungi í samtals 6 ársfjórðunga í röð. Þetta gerist í risavaxinni fjármála og efnahagskreppu á evrusvæðinu. Þetta gerist ekki á sólskinsdögum heldur í kreppu sem er banvæn fyrir hagvöxt og velmegun á landsvæði embættismanna Brussel. Það eru blessaðir Kínverjarnir sem leika sér með mynt Evrópusambandsins núna því þeir hafa hljóðlátlega smyglað sér inn undir lækkun Bandaríkjadals, pumpað upp gjaldeyrisforðann, notað hann til að kaupa upp skuldbréf á evrusvæði - og þar með hækkað gegni Brussel myntarinnar svo þeir sjálfir geti dælt vörum sínum inn á markað piparmyntarinnar. Kínverjar þora ekki að fella sitt eigið gengi af ótta við Bandaríkjamenn. Þeir eru nefnilega ekki í Brussel.

Meira franskbrauð 

Utanríkisráðherra Frakklands, Christine Lagarde, segir að það sé óþolandi að evrusvæðið þurfi að borga fyrir “óvirka tengingu” kommúnistamyntar Kína við Bandaríkjadal (hún ætti sjálf að prófa tengingu myntar Lettlands, Eistlands, Litháen og Danmerkur við evruna!). “Við viljum sterkan dollar, við höfum endurtekið það margoft við Bandaríkin”, segir konan. Svona er þegar maður getur ekki skaffað sér brauðið sjálfur, þá kallar maður - “við viljum meira franskbrauð, Jens!”. Það kæmi sér vel núna fyrir Frakkland að hafa franska frankan og að hafa gengi. 

Evrusvæðið og Japan eru núna bæði hágengismyntsvæði elliheimila sem geta ekki sjálf skaffað sér hagvöxt innanfrá í löndum sínum. Hann verður að koma utan frá því þeirra eigin neytendur eru orðnir eitthvað svo slappir. Vilja eftrispurn frá þér og sérstaklega frá þeim sem eiga bæði börn og peninga. Sviss stundar núna sjálft virka peningastjórnun því það stýrir mynt sinni ágætlega sjálft. Þetta gera þeir til að bægja frá verðhjöðnun. Svíþjóð er líka í gangi með virka peningastjórn eigin myntar og sama er að segja um Nýja Sjáland og Bretland.

The Extended Recession Mechanism - EMU/ERM 

En evran haggast sem sagt ekki. Hún er föst uppi í skýjunum og getur ekki lent. Þess vegna flytur t.d. Airbus flugvélaframleiðsluna til Kína. Fyrir aðeins tveim árum var hluti framleiðslunnar fluttur til Bandaríkjanna. Þetta kalla ég burtflognar hænur og það er nóg af þeim hér á evrusvæðinu. Í gær drapst póstverslunin Quelle í Þýskalandi, 10.500 Þjóðverjar misstu þar vinnuna. Þetta heiðursfyrirtæki var stolt Þýskalands á undraverkaárum þýska hagkerfisins (áður en ESB varð til). Quelle var gott fyrirtæki, ég kynntist þeim lauslega á tímum mínum í fjarverslunarbransanum hér í Evrópu.

Þýskaland hefur hærri sársaukaþröskuld en önnur lönd myntbandalagsins. Þeir þola hátt gengi betur en aðrir. Það á betur við Þjóðverja en aðra að lækka kostnað og laun hjá sér, enda eru engin virk lágmarkslaun í Þýskalandi. En áframhald flugferðar evru ræðst af því hvað mönnum í gráum jakkafötum í Bundesbank Deutschland finnst um þetta mál. Það kæmi sér hreint ekki svo illa fyrir þá að sem flest fari á hausinn í “hinum löndum” evrusvæðis. Þá lagast til dæmis útflutningur frá Þýskalandi, fyrst Kínverjar og Bandaríkjamenn hafa læst þá úti í bili. Það er svo gott að eiga einkaútflutningsmarkað. Mikið er það nú gott. En þeir geta samt ekki keppt við Ísland. Ekki á meðan krónan okkar kýlir vömb þeirra með þorskhausum og raflosti á góðu gengi.

X.25 one way

Danska krónan er því miður beintengd við piparmynt Brussel í gegnum lokaða one way X.25 símalínu fyrir stýrivaxtatilskipanir beint í æð danska peningakerfisins. Maður ýtir á takka í Brussel og þá hoppar seðlabanki Danmerkur í gírinn, eins og gangráður ESB á Íslandi hefur útskýrt fyrir okkur.

Hérna segir gamla þumalfingurreglan okkur að fyrir hver 3-4% sem gengi dönsku krónunnar hækkar þá tapast 40.000 atvinnutækifæri því útflutningur verður þá síður samkeppnishæfur við vörur frá öðrum löndum. Frá árinu 2001 hefur danska krónan hækkað óstjórnlega um 100% gagnvart Bandaríkjadal og er nú í allra hæstu hæðum. Það er ekki að undra að símsvara-seðlabanki dönsku krónunnar spái að atvinnuleysi í Danmörku muni fjórfaldast frá því sumarið 2008. En Danmörk hefur notið 4. lélegasta hagvaxtar allra OECD landa í þessu fastgengis faðmlagi við myntbandalag Evrópusambandsins, frá 1997 til 2007. Afleiðingin fyrir frændur okkar Dani hefur verið sú að landið þeirra hrapaði frá 6. sæti ríkustu þjóða heimsins niður í 12. sæti á listanum. En það er meira hér. OECD segir að Danmörk muni fá 4. lélegasta hagvöxt landanna frá 2011 til 2017 - þ.e. hrapa enn neðar á þessum lista. Já, Danmörk hrapar á meðan evran fer í tunglferð í loftbelg Brussel; Cepos | Euro at $1.50 is 'disaster' for Europe 

Raunveruleikarnir 

Eins og fæstir vita eru það mynt- gengis- ásamt peningastjórnunar-vandmálum sem eru og hafa verið helstu vandamál efnahagsstjórnunar og uppgufunar hagvaxtar á myntsvæði Evrópusambandsins síðustu 20 árin. Þetta myntsvæði er stundum nefnt evrusvæðið. Það á þessa nafngift fyllilega skilið.

Þessi mynt er líka óhæf sem alþjóðlegur gjaldmiðill samkvæmt áliti hagfræðinga; Jean Pisani-Ferry and Adam Posen

Fyrri færsla

• Flugvél forsætisráðherra Íslands bíður flugtaksheimildar til Brussel. Það eina sem er að vanbúnaði er að tæma salernin yfir þjóðina. Það verður fyrst gert eftir flugtak

Tengt efni

• 5,8% samdráttur í útflutningi evrusvæðis frá júlí til águst 2009