Hverning gengur stríðið í Úkraínu? [2U]

Mynd: Tilkynning barst frá Rússneska varnarmálaráðuneytinu síðdegis laugardaginn þann 10. september 2022. Áhugasamir geta horft á og lesið hana hér á vefsvæði ráðuneytisins. Hægt er að afrita textann og keyra hann í gegnum þýðingarvél

****

Í samræmi við fundinn í Ramstein í síðustu viku og heimsókn Blinkens utanríkisráðherra Bandaríkjanna til Kænugarðs í sömu viku, ákváðu Kænugarðsmenn að reyna sýna fram á að að peningalegt uppihald og vopnasendingar til þeirra úr vestri borgi sig áfram. Raunar voru þessar margumtöluðu aðgerðir þ.e. þessar svo kölluðu gagnsóknir Úkraínuhersins í síðustu viku, ákveðnar fyrir mánuði síðan í fjarlægri Washingtonborg Bandaríkjanna, Lundúnum, Berlín og París

Kænugarðsherinn fór því samkvæmt áætlun þessari í fréttauppnefnda "leifturgagnsókn" inn á landsvæði í norðaustri, þar sem eins konar þjóðvarðlið (e. civil defence police) nýju lýðveldanna tveggja í austri gætti þarna í norðaustri. Það urðu engir eða að minnsta kosti afar litlir bardagar, enda nær engir til að berjast við. Af hverju? Jú vegna þess að Rússar höfðu vitneskju um það sem ákveðið hafði verið af Ramsteinhópnum ca. mánuði áður. En Ramstein er herstöð bandaríska flughersins í Vestur-Þýskalandi

Rússar létu því flytja herlið sín burt frá þeim svæðum sem Úkraínuherinn brunaði síðan inn á núna fyrir helgi. Um er að ræða svæðið sem liggur upp að landamærum Rússlands í norðausturhluta Úkraínu. Rússar höfðu einnig á undangegnum mánuðum boðið rússneskumælandi íbúum svæðisins að forða sér inn fyrir landamæri Rússlands og búsetja sig þar, að minnsta kosti þar til þeim er óhætt að snúna aftur

Rússneskir fallhlífarhermenn komu síðan og björguðu þjóðvarðliðinu burt af svæðinu og fóru svo heim. Veittu því skjól á meðan það pakkaði saman og fór. En hins vegar hafði það herlið sem Rússar létu flytja burt af þessu svæði fyrir nokkrum vikum síðan, sennilega verið flutt til að austurhlutans sem hýsir nýju rússneskumælandi lýðveldin tvö, eða þá að það herlið bíður átekta eftir því að Úkraínuherinn sé kominn nógu langt inn í gildruna, þ.e. skyldi þetta vera gildra

Það er merkilegt þegar fylgst er með þessu stríði, að Rússneska varnarmálaráðuneytið upplýsir dag hvern um hvaða einingar og sveitir Úkraínska hersins séu virkar, hvar þær eru staddar og í hvernig ásigkomulagi þær eru og hvað þær aðhafast. Kænugarðsstjórnin hefur aldrei véfengt eða borið þessar upplýsingar Rússneska varnarmálaráðuneytisins til baka

En hið undarlega er hins vegar það, að Kænugarðsstjórnin upplýsir umheiminn aldrei um hvaða einingar og sveitir rússneska hersins séu virkar í þessari hernaðaraðgerð, hvar þær séu staddar og hvað þær séu að gera. Þetta ætti að vera auðvelt því CIA, Pentagon og Mi6 stjórna öllum aðgerðum Kænugarðsmanna með aðstoð gervihnatta, eins og Lyndon B. Johnson lét hernaðarsérfræðinga sína í Washington stjórna stríðinu í Víetnam með reiknistokkum

En hvað þýðir þetta? Jú þetta þýðir það að Rússneski landherinn hefur ekki enn sem komið er tekið þátt í stríðinu. Það eru fyrst og fremst herlið (e. militia) nýju lýðveldanna tveggja í austri ásamt Wagner-grúppu Rússlands (fyrrverandi hermenn og sérsveitarmenn) sem hafa staðið fyrir bardögunum við Úkraínuherinn, en hins vegar með stuðningi frá rússneska flughernum, upplýsingakerfum Moskvu úti í geimnum ásamt rússneskum vopnum

Niðurstaða: Kænugarðsstjórnin og yfirvöld hennar í Washington, London og Berlín skammast sín sennilega svo mikið fyrir að ráða ekki við herlið lýðveldanna tveggja sem berjast með aðstoð Wagnerhópsins og sjálfboðaliða frá Téténíu, að þeir þora ekki að birta mótsvarandi upplýsingar og Rússneska varnarmálaráðuneytið birtir daglega um hvaða einingar Kænugarðshersins í vösum NATO-ríkjanna eru virkar og hvar þær séu staddar. Enginn fær að vita neitt um hulduher Rússa því hann er einfaldlega ekki þátttakandi í stríðinu, að minnsta kosti ekki enn sem komið er

Það sem forseti Rússlands sagði þann 7. júlí 2022 er því rétt. Hann sagði:

"Við heyrum í dag að þeir vilja að við [Rússar] séum sigraðir á vígvellinum. Ég veit varla hvað ég á að segja. Látum þá bara reyna það, því við erum varla byrjaðir á neinu fyrir alvöru enn...”. Sjá hér - og hér (14. júlí)

Ég býst við að þeir sem trúa á að Bandaríkin tapi stríði í Mexíkó trúi líka á að Rússland tapi stríði í Úkraínu. Mikil er trú þeirra manna

Ef þetta er "gagnsóknin" sem Kænugarðsmenn hafa talað um síðan í mars þá býð ég ekki í þetta. Öll "gagnsóknin" í suðri fyrir 12 dögum síðan fór út um þúfur og mannslífum Úkraínuhermanna var fórnað þar algjörlega til einskis. Mjög sorglegt. Þetta er allt saman mjög sorglegt. Sennilega hefur Kænugarðsstjórnin fórnað lífum 35 þúsund hermanna sinna á innan við þremur vikum til þess eins að sannfæra pólitíska elítu í vestri um að vopn, peningar og völd skuli áfram flæða til hennar

Og þegar menn æsa sig upp yfir landsvæðum sem annaðhvort vinnast eða tapast í þessari deilu, þá gleyma þeir því algjörlega hvert yfirlýst markmið Rússlands er með þessari svo kölluðu hernaðaraðgerð. En þau eru að afvopna Úkraínustjórnina og aflúsa landið af brjálæðingum, sem Moskva kallar nasista (ekki mín orð)

En hvað þýðir "afvopnun" í praxís. Jú hún þýðir; að koma hermönnum Úkraínu fyrir kattarnef. Að koma þeim varanlega úr umferð. Drepa þá eða særa. Þetta er nefnilega ekki landvinningastríð, en gæti hins vegar breyst í það, haldi vesturveldin áfram að vera nógu NATO-heimsk. En það hafa þau svo sannarlega verið fram til þessa

Hollt er að muna að Rauði herinn felldi þrjá af hverjum fjórum hermönnum sem Þriðja ríki Þjóðverja missti í Síðari heimsstyrjöldinni. Rússar afvopnuðu Þýskaland og gerðu það óbardagahæft - með því að kála hermönnum Þriðja ríkisins. Stríð vinnast aðeins á jörðu niðri - en aldrei um borð í flugvél, þó svo að þar sé hægt að sækja sér vissan stuðning

Þeir sem enn lesa fjölmiðla vesturlanda um þetta stríð, hljóta að fara að skilja að miklu gagnlegra er að horfa út um gluggann og hugsa sitt. Og þeir sem taka mark á svo kölluðum félagsmiðlum um þetta stríð, já þeir láta hafa sig að fíflum

Allt sem viðkemur stríðum er þungt í vöfum og í tonnum. Það tekur langan tíma að flytja eina herdeild. Þannig að ef eitthvað gerist í dag sem máli skiptir, þá þýðir það að ákvörðunin um það og undirbúningur hófst fyrir mörgum vikum síðan

Uppfært 12. september kl. 22

Viðvarandi vangaveltur eru um að það landsvæði í norðaustri (Izium) sem ég nefni hér að ofan og sem Úkraínuherinn fór inn á í því sem svo kallaðir fjölmiðlar kalla "leifturgangsókn", sé eins konar rétt sem Rússar hafi opnað til að liðsafli Kænugarðsmanna geti flætt þar inn. Og að þannig hafi nú tekist að svæla þann liðsafla út úr skógum og þéttbýli, út í hið opna landslag. En það eru einmitt þannig aðstæður sem Rússar vilja hafa andstæðinginn í, svo hægt sé að ganga frá honum án hliðarverkana. Sviðið fyrir lokun réttar og því sem næst fylgir er að minnsta kosti sett, hvað svo sem verður. Ég undirstrika að þetta sem ég skrifa eru vangaveltur en ekki þekktar staðreyndir. Aðrir möguleikar eru til staðar

Vangaeltur eru einnig uppi um að staðan í Úkraínuhernum sé orðin svo slæm að heilu herdeildirnar neiti að snúa aftur til vígstöðvanna og að fall Úkraínuhersins innan frá eða uppreisn hans sé yfirvofandi. Slíkt hefur legið í kortunum mánuðum saman því Úkraína hefur verið og er tvístrað land og óheildstætt ríki

Þegar Bandaríkin hefja stríð í fjarlægum löndum þá hefjast þau ávallt með því að taka innviði landsins niður, rústa raforku- og fjarskiptakerfum, lama samgöngur, ríkisstjórn, þing og fjölmiðla. Ekkert af þessu er til staðar í Úkraínu. Ríkisstjórn, þing, samgöngur og fjarskiptakerfi eru látin í friði, fjölmiðlar starfa, rafmagnið er á, nema þegar svarað er fyrir árásir Úkraínumanna á til dæmis raforkukerfi innan landamæra Rússlands, eins og gert var í dag

Ríkisstjórnin í Kreml talar því um átökin sem "sérstaka hernaðaraðgerð" en ekki sem stríð. Þeir trúboðar úr vestri sem leiðir voru orðnir á því að láta mynda sig saman með Grétu Thunberg, hafa því getað lent og haldið messur í Kænugarði án þess að vera skotnir í tætlur - og látið mynda sig með forsetanum þar. Og aldrei stóð til að Rússar tækju Kænugarð í upphafi átakanna. Uppstilling herdeilda þeirra þar var til að beina athygli og kröftum Kænugarðsmanna frá því sem í þann mund var að gerast í austri. Aðeins fáráðlingar halda að hægt sé að hertaka milljóna manna þéttbýli með leiktjöldum Potemkins

Uppfært 13. september kl. 06

Árásir Rússneska Svartahafsflotans á tugi spennistöðva í austurhlutum Úkraínu í gær, ásamt lömunarárásum á nokkur raforkuver sama dag, gætu hins vegar bent til breytinga í stríðsrekstri Rússa í átt til amerískra aðferða. Helmingur 20 þúsund kílómetra járnbrautarkerfis Úkraínu er raforkuknúinn og falli sá helmingur algjörlega út er hætt við að flutningur þeirra herdeilda, tækja og manna, sem Úkraínuherinn safnaði saman á Izium-svæðinu sitji þar fastur sem skotmörk fyrir Eldflaugaher Rússlands, og að ekki sé því hægt að flytja hann til í landinu –burt úr réttinni sem Rússar opnuðu fyrir hann á Kharkiv-Izium-svæðinu í norðaustri – samkvæmt reiknistokksáætlunum stríðsrekstrardeilda Kænugarðs í Pentagon

Hvort um er að ræða stefnubreytingu í því máli sem Rússlandsstjórnin kallar "sérstaka hernaðaraðgerð" veit ég ekki. En Vladímír Pútín forseti Rússland hefur hingað til ekki tekið neinar stórar ákvarðanir án þess að vera viss um að þjóðin sé með honum í því sem gerist næst. Eftir sex mánaða stríðsrekstur er rússneska þjóðin orðin þess vel meðvituð að Rússland á ekki bara í stríði við Kænugarðsstjórnina heldur allt NATO líka. Stuðningur hennar við forsetann hefur því aukist mikið á þessum sex mánuðum

Ein af afleiðingum þessa stríð verða þær að meginland Evrópu (Evrópusambandið) veikist stórkostlega, einkum Þýskaland, á meðan Bandaríki Norður-Ameríku styrkjast. Því verður varla tekið þegjandi og hljóðalaust - og það vita Rússar vel

Fyrri færsla

"Leynilegar kosningar í fyrsta sinn". Já er það?

Segjast hafa endurheimt 500 ferkílómetra

"Leynilegar kosningar í fyrsta sinn". Já er það?

Fyrsta sinn sem Svíar fá að kjósa leynilega segir í frétt Mogga

Ég spái í hvort að þessu hafi verið "breytt" til að hægt sé að samþykkja Svíþjóð inn í NATO?

Tja. Kannski að Tyrkland hafi krafist þessa, plús það að Erdogan krefst þess að sænska þingið framselji það fólk til Tyrklands sem hann sækist eftir að losa heiminn við. Getur það hugsast?

Nei varla, því sænsku "þingkosningarnar" virðist enn bara vera sovéskur brandari. Engu hefur verið breytt í fyrirkomulagi kosninganna, nema því að kjörseðlarnir eru hafðir þar sem ekki er hægt að sjá hvaða seðil kjósandinn tekur

Kjörseðlarnir eru sem sagt enn merktir hverjum flokk. Einn sérstakur kjörseðill fyrir hvern flokk

En þá hefur bara birst nýtt vandamál á kjörstöðum og það er það, að það "vantar" kjörseðla (eða eru látnir vanta) á mörgum stöðum í landinu fyrir vissa flokka. Þannig að það hafa verið endalausar biðraðir

"Ha? Ert þú ennþá hér? Hvað segirðu maður, ertu búinn að bíða hér síðan í morgun? Vantar kjörseðla, segirðu? Hvaða flokkskjörseðli ertu að bíða eftir? Nú já, ég veit það nokkurn veginn, því ég sá að það vantar kjörseðla fyrir Svíþjóðardemókratana. Ætlarðu að kjósa þá?"

Svíþjóð er og hefur aldrei verið lýðræðisríki. Allar skoðanir fólksins í landinu eru ríkisendurskoðaðar af hinum fáu og sviksamlega kjörnu, og sem komu sér saman um hvað séu réttar og rangar skoðanir

En fær landið þá inngöngu í NATO? Land sem er enn með opinberan gapastokk fyrir þegna valdastéttar landsins, því engir eru borgararnir til í þessu landi, það er nefnilega búið að þurrka þá út

Og þar sem öngvir borgarar eru, þar geta ríkisborgarar ekki heldur verið til. Hugtakið "ríkisborgari" hefur þar með enga merkingu í þannig ríki. Allir eru jafnóviðkomandi framandi í landinu. "Folkhemmet" er ekki til

Þetta tókst jafnvel Sovétríkjunum sálugu aldrei. Austur-Þýskalandi (DDR) tókst þetta hins vegar næstum því alveg. Svíþjóð er að leysast upp

Evrópa orðin helgræn [u]

Leynilegar kosningar í fyrsta sinn valda töfum

Evrópa orðin helgræn [u]

Upptaka: Múgsefnunarstrulun vestgrænna "stjórnmálamanna" rædd

****

Evrópusambandslöndin voru fyrst til að beita orkuvopninu gegn Rússlandi í þeirri deilu sem nú stendur um Úkraínu. En þar hugðust NATO-ríkin koma sér upp fastri ógnar- og innrásaraðstöðu inn í Rússland. Ljóst er nú að sömu lönd höfðu fyllt Úkraínu upp af vopnum og sem sennilega eru þangað komin án vitundar þjóðþinga NATO-ríkjanna, áður en stríðið hófst

Það er grátbroslegt að horfa upp á ESB-Evrópu þessa dagana, mánuðina og árin. Árum saman hafa vindmyllu-valdamenn þar tíst um töframátt hins mjúka valds (e. soft power) og þulið þær kennisetningar upp yfir veröldinni að stríð séu úrelt fyrirbæri og að aðeins aumingjaháttur af þriðju gráðu og almennt tannleysi geti komið í veg fyrir þau. Skilningurinn á að mátturinn, valdið og ríkidæmi flæði af sverðinu er horfinn - og nú álitinn eins konar zappþústapasta nýrra sítístandi grænsápumanna allsherjar-vinstrisins, en sem væru ekki til ef máttur sverðsins hefði ekki verndað og varðveitt forfeður þeirra, dýrðina, söfnuðinn, ættina og þjóðirnar

Og árum saman hafa sömu sérfróðu vindbarningsmenn (hámenntaðir imbahalar) frætt heiminn um hversu "lítið, smátt og vesælt" rússneska hagkerfið sé. En núna sitja þessir sömu sérfróðu háskólamenn valdastéttarinnar skjálfandi og vindmyllubarðir í valdastólum sínum, íklæddir rúlluskautum og snjóþrúgum til að geta forðað sér sem hraðast. Þeir reyndu allt hvað þeir gátu að halda á sér hita með rússnesku gasi til að geta tíst út til umheimsins hversu vondir Rússar séu fyrir að voga sér að neita að samþykkja sökklana fyrir NATO inni í sjálfri forstofu Rússlands. Rússar sem mátt hafa þolað þrár innrásir snarklikkaðra Evrópumenna úr vestri, vita vel að ný Evrópuklikkun er í uppsiglingu á meginlandinu og að of seint er til ráða gripið þegar búið er að steypa sökklana undir hana

Í vetur ætla svo þessi sól- og vindbörðu grænu gáfumenni ESB-Evrópu, með eina sólsellu í heilastað, að safna gamla fólkinu saman í hella eða "hitastofur" til að geta haldið á því hita með því að kveikja elda eins og á tímum Neanderdalsmanna

Ef ég væri þýskur kjósandi þá myndi ég leggja til að Gerhard Schröder, Angela Merkel og Olaf Scholz verði pressuð í eina stóra salernispappírsrúllu svo að þýska þjóðin geti þerrað sig á þeim í vetur og þannig fengið að minnsta kosti meira notagildi út úr þeim en ekki neitt, eins og verið hefur í samfellt 25 síðustu ár

Ég biðst þó velvirðingar á þessu með þýsku kanslarana þrjá, pressaða. En ég held að margir þýskir kjósendur, og þó víðar væri leitað, séu innanundir orðnir mjög svo sammála mér í þessari táknrænu samlíkingu á hvert notagildið hafi verið af þeim sem stjórnmálamönnum í samfellt 25 síðustu ár

Ég óttast að tími byltinga í Evrópu sé ekki á enda runnin enn, því á næstu vetrum geta valdamenn Meginlands taparanna ekki einu sinni boðið lýðnum upp á að borða bara kökur

Nú vill ekkert af þessu fólki sem lét afmynda sig saman með Grétu Thunberg kannast við hana og myndir og skilti af henni sem nýjum dýrlingi eru teknar niður. Biðröðin við hvíta handvaskinn í þeim efnum lengist dag fyrir dag

Sótsvart í framan burstar þetta græna fólk nú skorsteina sína og fellir tré til eldiviðar fyrir komandi vetur

Brenni er alls staðar uppselt og heilu þorpin gera nú bestu menn bæjarins út á mörkina til eldiviðarleitar. Líf og strit Neanderdalsmanna í jaðri jökulsins er fyrirmyndin - og þar hefði Angela Merkel aldrei lifað af, nema þá sem myndrista á hellisvegg, en það er reyndar það eina sem hún var og er: þ.e. Austurþýsk myndastytta frá DDR

Ljóst er nú að það var Rússland sem hélt lífinu í meginlandi Evrópu síðustu 25 árin. Án Rússlands hefði Evrópa aldrei orðið neitt, nema það sem álfan er á leið með að verða í dag: þ.e. ekki neitt

Það sem koma skal á meginlandi Evrópu verður sem sagt ekki eins og síðast, og einmitt það munu þjóðirnar þar muna það sem eftir er þessarar aldar

Ekki er skrýtið að vesturlenskir stjórnmálamenn minnist Gorbatsjovs ákaft, því hann gerði svo mikið fyrir þá - en lítið fyrir þjóð sína

uppfært:

MÁTTUR SVERÐSINS

Ef Bandaríkjamenn tryðu ekki á mátt sverðsins væri helmingur landa heimsbyggðarinnar búinn að rífa þau á hol í dag - Ísland líka. Eins og er, þá eru Bandaríkin vinsælust í þeim löndum sem þau aldrei hafa verið. Það segir ýmislegt um pólitískt eðli tilveru okkar manna á jörðinni og þannig hefur hún alltaf verið og verður alltaf

Og sá maður sem er forseti Rússlands í dag, sama hvaða nafni hann nefnist, þarf að annast stærsta land veraldar sem samanstendur af 85 sambandsríkiseiningum, allt frá sjálfsstjórnarsvæðum til lýðvelda og borga. Rússneska hagkerfið er svæðisbundinn aragrúi af einingum þar sem ríkidæmi eða fátækt er mjög svo mismunandi og ójafnt dreift

Fyrsta sjálfsstjórnarland Gyðinga í heiminum frá því (sennilega) á tímum Ísraelsríkis hins forna, var til dæmis sett á laggirnar í Rússlandi 1931 og þar sem Jiddíska er enn opinbert tungumál í dag. Heitir það Birobidzhan en náði ekki vinsældum meðal Gyðingaþjóðarinnar, þar sem samhengið milli lands og þjóðar skorti

Í utanríkismálum þarf hann að annast stöðuna í Úkraínu og á vesturlandamærunum, þ.e. þeim sem snúa að innrásarhraðbraut evrópskra brjálæðinga inn í Rússland. Hann þarf að annast stöðuna í Kákasus á því landsvæði sem liggur á milli Svartahafs og Kaspíahafs, en forsögulega er það enn ein braut þeirra inn í Rússland sem sækjast eftir að skapa þar innri óstöðugleika

Síðan er það Íran en þar vinnur núverandi forseti Bandaríkjanna að því hörðum höndum að klerkaveldið komi sér upp kjarnorkuvopnum svo að hægt sé að aflétta þeim refsiaðgerðum sem koma í veg fyrir að Íran geti framleitt það mikið magn af olíu að það komi sér illa fyrir Rússland

Á Balkansaga hafa NATO-ríkin aukið mjög svo vopnaflutninga til Kosovo og þjálfað upp herlið þar. Serbía er að vonum ekki ánægð með það og leitar skjóls hjá Rússum

Í þeim hluta Miðasíu sem snýr upp að Rússlandi er það Kirgistan sem óttast að glæpalýðurinn sem Biden vopnaði í Afganistan hefji árásir á eða frá Tadsíkistan. Talíbanar Joe Bidens í Afganistan eru orðnir valdatæki Demókrata til að ná sér niðri á Rússlandi á þann bóginn. Stofnanavæddur Rússahaturssjúkdómur Demókrataflokks Bandaríkjanna er því miður orðinn svona langt genginn. Ofan í þetta kemur síðan allt hitt sem forseti Rússlands þarf að huga að dag hvern

Fyrri færsla

Gorbatsjov allur

Gorbatsjov allur

Blessuð sé minning Gorbatsjovs, þrátt fyrir allt

Hann var kommúnisti allan sinn valdaferil og ætlaði sér að vera kommúnisti áfram og hafði engan áhuga á að hætta því

Að reyna umbæta kommúnisma hvar sem hann finnst, er eins og að ætla að reyna að lækka hitastig jarðar með því að stofna nýjan vestrænan kommúnistaflokk

Kommúnisma er ekki hægt að umbæta. Það eina sem er hægt að gera við hann er að drepa hann

Og af því að Gorbatsjov var ekki nógu sterkur leiðtogi, þá dó kommúnisminn í Rússlandi óvart í hans höndum. Það var ekki ætlun hans en gerðist samt. Fyrir vikið líta sennilega flestir Rússar á Gorbatsjov sem veikburða leiðtoga sem tókst ekki að halda heimsveldi kommúnismans saman, þó svo að það hafi verið vont

Valdímír Pútín forseti Rússlands sagði að upplausn Sovétríkjanna hefði verið "einn stærsti geopólitíski sorgleikur síðustu aldar". Hann sagði líka að "þeir sem sakna ekki Sovétríkjanna séu hjartalausir", en samtímis sagði hann "að hver sá sem óski sér þau til baka sé heilalaus"

Það sem Valdímír Pútín forseti átti við er það að 1) skyndilega stóðu tugir milljóna manna fyrir utan landamæri fæðingarlands síns. Og 2) að þeir sem sakna ekki á einn eða annan hátt þess lífs sem þeir bjuggu við í 70 ár og börðust jafnvel mjög svo hart fyrir, séu hjartalausir. En 3) að óska sér Sovétríkin til baka jafngildi heiladauða. Allt saman rétt og satt hjá honum

Þjóðverjar glíma einnig við svipaðan vanda með þær 12-14 milljónir Þjóðverja sem lentu utan nýju landamæra Þýskalands við stríðslok og urðu þar með landlausir. Sá draugur á eftir að taka sig upp í því landi á ný

En nú eru gömlu Sovétríkin ekki til lengur og þar var mönnum lengst af bannað að fara burt af landi þeirra. Bannað að yfirgefa þau

Ekki þurfti þó að bíða þess lengi að nýtt sovétríki yrði til á meginlandi Evrópu og heitir það Evrópusambandið í dag. Þar mælast ókjörnir valdamenn til þess að Rússar fái ekki að koma inn í hið nýja sovétríki þeirra í dag

Er þetta ekki magnað; sovétlausir Rússar eiga ekki að fá að koma inn í hið nýja sovétríki Evrópusambandsins í dag

Gamla Sovétríkið var hins vegar einna fyrst ríkja til að viðurkenna sjálfstæði Íslands 1944

En í dag, árið 2022, vill hið nýja sovétríki Evrópusambandsins helst ekki að neitt aðildarríki þess sé fullvalda. Takið eftir að ég er ekki að tala um sjálfstæði aðildarríkjanna, því ekkert aðildarríki að Evrópusambandinu er sjálfstætt lengur. Þau eru öll undirríki því Evrópusambandið er hið nýja og sjálfstæða yfirríki þeirra

Ég hef á tilfinningunni, eftir að hafa kynnt mér málefni Rússlands og þar á undan Sovétríkjanna frá báðum hliðum þ.e. líka frá sjónarhorni Rússa en ekki bara frá sjónarhorni Vesturlanda, að Rússar líti svo á málin að Vesturlönd eigi frekar lítinn þátt í falli Sovétríkjanna. Ég held að Rússar líti þannig á málin að þeir sjálfir hafi tekið Sovétríkið niður með því að hafa hætt stuðningi við hina pólitísku hugmynd um Sovétríkið - og kommúnisma þess

Ég held líka að Sovétríkin sálugu hafi verið woke og stundað Metoo-ofsóknir. Þar voru styttur rifnar niður (e. iconoclast) og reynt að drepa hefðir, kirkjur brenndar og útlendingar látnir fá hærri rétt en þeir innfæddu. Til dæmis voru allir leiðtogar Sovétríkjanna eins konar útlendingar nema einn:

Eiginlega held ég að Rússum lítist lítið á Vesturlönd lengur. Þeir sjá þar í dag of margt sem minnir þá á gömlu Sovétríkin - og á Gorbatsjov, þar sem flest liðast í sundur

Þjóðarleiðtogar Rússlands frá 1894 til 2022:

Síðasti þjóðarleiðtogi Rússlands fyrir valdarán kommúnista:
Nikulás 2. frá Pétursborg. Frá Vladímír

Leiðtogar Sovétríkjanna (allt rússneskt bælt niður):
Lenín => Innfluttur, af ýmsu bergi brotinn. Ekki kjarna-rússneskur
Stalín => Georgíumaður. Ekki kjarna-rússneskur
Malenkov (2,5 ár) => Balkanskagamaður. Ekki kjarna-rússneskur
Khrústsjov => Úkraína, meira og minna. Ekki kjarna-rússneskur
Brezhnev => Úkraínumaður. Ekki kjarna-rússneskur
Andropov => Stavropol. Ekki kjarna-rússneskur
Chernenko => Krasnoyarsk, Síbería. Langt austan Úralfjalla. Ekki kjarna-rússneskur
Gorbatsjov => Stavropol. Ekki kjarna-rússneskur

Enginn leiðtogi frá sjálfum Vladímír

Millibil (undantekningarástandið = hrun Sovétríkjanna):
Boris Yeltsin => Frá Sverdlovsk. En samt kjarna-rússneskur. Hefði þó aldrei komist til valda í venjulegu árferði

Framhald á Rússlandi
Vladímír Pútín => Pétursborg. Frá Vladímír

Sem sagt: þetta með leiðtoga Sovétríkjanna minnir okkur óþyrmilega á valdklíku Evrópusambandsins þar sem allir fá völd yfir öllum, nema heimamenn. Þetta er það sem kallað er "fjölbreytileiki" í dag (e. diversity). Þetta er einn stór alþjóða-nalli út í gegn þar sem heimamenn skulu ráða sem minnstu, því vér einir, útlendingar, vitum allt miklu betur því við erum nýja evrópumennið/sovétmennið (nú í NSU)

Solzhenítsyn sagði að með tilkomu Pútíns sem þjóðarleiðtoga væri Rússum í fyrsta sinn í mjög langan tíma gert kleyft að vera Rússar í sínu eigin landi. Allt hitt, þ.e. sovéttíminn, gekk út á að bæla hið rússneska niður og helst að tortíma því

Skiptir þetta atriði máli núna í stríðinu sem geisar í Úkraínu? Já, það held ég

Það stríð er hins vegar Vesturveldunum að kenna

Fyrri færsla

Tyrkland kaupir fleiri rússneskar eldflaugar

Gorbatsjov lagður til hinstu hvílu á laugardaginn

Tyrkland kaupir fleiri rússneskar eldflaugar

Mynd Chronos-Media: Patton: "Hvað segirðu maður, eru Þjóðverjar enn að leita að sprekum í eldinn fyrir veturinn 22/23 á næstu öld - og að þá sé grænklyfjaður grasasni orðinn forseti Bandaríkjanna? - ha ha ha ha"

****

Fyrir utan frosna jörð í höfuðborg Íslands, þar sem græn elíta ofsatrúarstjórnmálamanna agíterar fyrir grænum alþjóðagjaldþrotum og umfram allt fyrir því að bláber fái að frjósa græn en ekki fullþroskuð í friði, þá er það helst að frétta í dag að NATÓ-ríkið Tyrkland skrifaði undir pöntun á enn fleiri loftvarnarkerfum- og eldflaugum frá sambandsríkinu Rússlandi

En Rússland er það ríki sem stóð fyrir framleiðslu á helmingi allra stórskotaliðsvopna sem framleidd voru af Bandamönnum í Síðari heimsstyrjöldinni. Þá framleiddi Rússland hálfa milljón stórskotaliðsvopna - og vel að merkja með "aðeins" einar en tröllvaxnar vígstöðvar sem líklega hafa spannað fimm- til sexþúsund kílómetra að lengd. Í dag notar Rússland því aðeins tvo fingur annarrar handar hersins til að annast víglínu í Úkraínu sem er tvö þúsund kílómetrar að lengd. Sem sagt: Rússland notar í dag tvo fingur annarrar handar hersins við að berjast á og annast landsvæði sem er mun stærra en landsvæðið frá St. Louis í Missouriríki til Philadelphíu í Pennsylvaníu

Og það sem meira er: hluti af vopnasölusamningi Rússland og Tyrklands gerir ráð fyrir að sumar einingar rússnesku loftvarnarkerfanna verði framleiddar á staðnum í Tyrklandi sjálfu! - af Tyrkjum. Þetta er því það sem á fagmálinu er kallað tækniyfirfærslur (e. technology transfer eða TT)

Nú þarf bara að finna upp nýja tegund stór-sturtu-útbúnaðar sem er þess megnugur að sturta niður þeim tröllrisavaxna þvættingi sem vesturlenskir fjölmiðlar hafa náð að framleiða um stríðið í Úkraínu frá því að það hófst í febrúar á þessu ári. Aldrei í sögu mannkyns hefur annað eins rusl framleitt af rusli verið borið á borð fyrir svo marga

Fyrri færsla

Boris ekki farinn enn. "Ef Pútín væri kona..."

Boris ekki farinn enn. "Ef Pútín væri kona..."

Upptaka: Ein af tíu Ilyushin Il-96-300 breiðþotum rússneska forsetaembættisins og ríkisstjórnarinnar sækir fimmtán erindreka rússneska sendiráðsins í Kaupmannahöfn og fjölskyldur þeirra sem Danir vísuðu úr landi í vor. Il-96-300 breiðþotan er kúnin fjórum PS-90A hreyflum frá rússnesku Aviadvigatel samstæðunni í Perm austur við Úralfjöll. PS-90 hreyflarnir eru einnig notaðir í Ilyushin Il-76, Beriev A-50 og Tupolev Tu-204. Fullhlaðin með til dæmis 300 farþega er drægni breiðþotunnar 11,5 þúsund kílómetrar og er beint flug frá Moskvu –sem er næststærsta borg Evrópu á eftir Konstantínópel– til borga á vesturströnd Bandaríkjanna því mögulegt

****

BORIS EKKI FARINN ENN

Ég skrifaði um daginn að Boris Johnson forsætisráðherra Bretlands væri ekki á leiðinni út. Hann veit vel sem er, að innan leiðindapúkaraða Breska íhaldsflokksins er varla neinn sem unnið getur næstu kosningar með því öryggi sem hann einn getur skaffað. Þess vegna bíður hann þess átekta að útilokunarkast blautþingmúgs flokksins og sem hann kom til valda, komist á ný til meðvitundar um þorskþurra framtíð þeirra sjálfra á næstu mánuðum. Eins og Wilson sagði: vika í pólitík er heil eilífð. En þá hvað með tvo til þrjá mánuði? Já það er nefnilega það

Þessi ófélagsmiðlaknúnu ofsaköst Sovétfélaga nútímans á vesturlöndum eiga það til að grípa um sig eins og gerist meðal komandi frostkristalla, sem vita ekki hvað gengur á fyrr en þeir sjálfir verða til á síðasta sekúndubroti, sem leið. En þá er allt um seinan og eina leiðin til baka er í fljótandi formi. Þarna er tækifæri fyrir mig-líka hugsar sú mannleysutegund sem gerði og gerir sig gildandi innan skemmdarverkamannahreyfinga MeToo og "woke"-marxistanna

EF PÚTÍN VÆRI KONA

Annars hef ég skipt dálitið um skoðun á Boris eftir að hann á síðasta G7-fundi sagði að það sem er að gerast austan við (innvortis) upplausn vesturlanda; "sé eitt skýrasta merkið um "eitraða karlmennsku" sem til er í dag", því ef rússneski þjóðarleiðtoginn væri kona þá myndi Rússland ekki standa í hernaði á Úkraínu núna. Þarna átti hann að sjálfsögðu við forseta Rússlands, Vladímír Pútín, og “hernaðaraðgerðir” Rússlands í Úkraínu. Ja hérna

En að segja einmitt þetta, eru hins vegar einna skýrustu merkin sem ég hef séð um vitsmunalegan skort hjá Boris Johnson, því með því að segja akkúrat þetta um þjóðarleiðtoga Rússlands, sem nú fetar í fótspor Katrínar miklu, þá sýnir Boris hvorki meira né minna en afglapahátt af verstu sort. Hvernig í ósköpunum gat Boris ekki vitað eftirfarandi, það skil ég bara alls ekki. Já, hvernig í ósköpunum gat slíkt gerst. Ráðgjafar hans hljóta annaðhvort að vera nútímabjánar eða Metoo-grænir kynja-kommar á bak við bæði eyru, eða þá það sem verra er; að sjálfur Boris hafi ekki verið í lagi þá stundina á einmitt þeim stað. Kannski er það það, eða ekki. Pólitískar kreppur á Bretlandseyjum virðast nefnilega sækja í sig veðrið eins og á meginlandi Evrópu, þar sem nánast hvert sem litið er flest riðar til makró-pólitísks falls

FALLANDI OG FALLANDI ER ESB

Til dæmis er evran fallin um tæp 40 prósent síðan í mars 2008 og mun fall hennar líklega fara hraðversnandi á næstunni því til að komst hjá hruni þarf þýska framleiðsluapparatið á 40 prósent gengisfellingu að halda í viðbót við þau tæpu 40 prósent sem hún er fallin gagnvart Bandaríkjadal síðan í byrjun árs 2008. Það verður fróðlegt að fylgjast með Þýskalandi og þýskum stjórnmálum þegar evran er komin niður í 0,65 dali. Byltíngin maður. En í gær var einmitt dagurinn þar sem evran hafði fallið svo mikið að hún kostaði aðeins einn Bandaríkjadal, slíkt hafði ekki sést í 20 ár

STAÐREYNDIR ERU ÞRJÓSKASTA FYRIRBÆRI HEIMSINS

"One hopes this was the reflexive and insincere pandering of a career politician, because if Mr. Johnson and his G-7 colleagues actually believe this nonsense, the West is in even greater trouble than it appears." – Walter Russel Mead

****

En hér eru staðreyndirnar sem Boris kunni greinilega ekki skil á: Ef Pútín væri kona (eftir Walter Russell Mead í WSJ þann 4. júlí) þá væri hann búinn að 1) stofna borgirnar Odessa, Dnípro, Kherson, Mykolajív og Sevastópol og 2) nútímavæða Rússland eftir fall Sovétríkjanna (sem Pútín þegar er búinn að gera). 3) Vinna Krímskagann úr höndum Tyrkjaveldis (búinn að því líka). 4) Berja miskunnarlaust niður öll valda-olígarka-öfl innan landamæra Rússlands (búinn að því líka) og sem selja myndu landið útlendingum fyrir fé. Og 5) með aðstoð Bretlands stofna Nýja-Rússland þar sem miklu síðar og um tíma varð til mjög svo tímabundin Úkraína. 6) Brjóta upp samveldi Póllands og Litháen og setja stærsta hluta þess á ný undir Rússland. 7) Leggja Alaska undir sig ásamt hluta af því sem síðar varð Kalifornía: Og 8) Berlín hafði verið hertekin af Rússum skömmu fyrir valdatöku Katrínar miklu þannig að það þurfti hún ekki að endurtaka, heldur bauð hún Þjóðverjum að búsetja sig í Rússlandi og rækta jörðina, sem þeir og gerðu milljónum saman í stað þess að fara til Vesturheims

Allt þetta og meira til, segir Walter Russell Mead í grein sinni, má sjá í sjónvarpsseríunni Katrín mikla sem sýnd er á rússnesku með enskum undirtexta á streymisveitu Amazon. Þannig að skyldu enn-uppistandandi vesturlandabúar vilja vita að Pútín sé ekki haldinn "eitraðri karlmennsku" heldur "eitraðri kvenmennsku" (sé hún til) þá er að kasta sér í sófann, segir Russell Mead. Og slökkva á gagnslausum fjölmiðlum vesturlanda segi ég, en þá opna ég helst aldrei fyrir, nema þá á textaformi þannig að ég slepp alveg við að slökkva; er nefnilega búinn að því

ERUM MEIRA AÐ SEGJA EKKI BYRJAÐIR ENN

Já segi ég bara. En í síðustu viku leiðrétti Pútín fyrir leiðtogum þingsins það sem Boris sagði á gésjö, með því að segja sjálfur; "Já en Rússland er varla byrjað á neinu enn". Þetta kom fram á fundi forsetans með leiðtogum neðri deildar þingsins og flokksleiðtogum

"Við heyrum í dag að þeir vilja að við [Rússar] séum sigraðir á vígvellinum. Ég veit varla hvað ég á að segja. Látum þá bara reyna það, því við erum varla byrjaðir á neinu fyrir alvöru enn...”

Þess vegna segi ég enn og aftur: Hvað skyldi Vladímír Pútín hugsa með hægri hendinni, nú þegar hann lætur sér nægja að beita þeirri vinstri í Úkraínu? Það væri gaman að vita

NÆRFATALAGERSTAÐA VESTURLANDA

En Vladímír virðist standa vel að vígi með sitt, á meðan svo kallaðir vestrænir menn eru uppteknir við að segja að eyðileggjandi uppnám og afnám alls sé eina leiðin til framfara, helst með því að þurrka út öll hefðbundin gildi og hefðir og helst tungumálið líka, stilla ártalið á núll, telja ísbirni upp á nýtt og úthluta kynjakvótum undir sovéskum járnhimni jafnréttinga, og mæla síðan stærð jökla með vinstra auga á meðan grænn sovétleppur er settur fyrir það hægra. Allt saman mjög nákvæmt og næstum því í kambódískum MeToo stíl. Á þessa leið skrifar stjórnmálafræðingurinn Valentin Naumescu í rúmenska Spotmedia

Í leiðinni er hægt að benda lesendum á að nærfatalagerstöðu vestrænna stjórnmálaleiðtoga voru gerð góð skil í Reykjavíkurbréfi Morgunblaðsins, þann 2. júlí 2022. Sú staða hefur ekki beint batnað í hinu umliðna tíudagastríði blautþingmúgsins gegn réttkjörnum Boris Johnson. Furðulegt að þeir skuli ekki sjá þetta; þ.e. að þeir sitja þarna á þingi vegna Borisar og hafa ríkisstjórnarvöld í Bretlandi vegna Borisar. Hvað er að þessu liði? Það var fólkið í landinu sem kaus Boris, ekki þeir

****

MEIRI V8-TÓNLIST

Upptaka af MZKT-79291 á vefsvæði Max Fisher á YouTube (hækka hljóðið)

****

Og fyrir þá sem sem hafa, eins og ég, gaman af átta strokka tryllitækjum, þá má hlýða hér á V8-tónlistina úr einni 12x12-drifa útgáfunni af MZKT-79291, sem er eldflaugavagn smíðaður af MZKT í Hvítarússlandi og sem borið getur allt að 60 tonna langdræga eldflaug, sem hægt er að senda milli heimsálfa þið vitið hverra. Þarna er greinilega um eins konar reynsluakstur að ræða. Pláss er fyrir þriggja manna áhöfn. V8-dísilvélin er að ég held frá Tutaev-vélaverksmiðjunni í Yaroslavl í Rússlandi, en sem síðar varð hluti af rússnesku KAMAZ-samstæðunni. Takið eftir hve farartækið er lágreist og því torséð í skóglendi. V8-vélin er fyrir aftan stýrishúsið og kælikerfi hennar er þar fyrir aftan. Sjálfskiptingin er frá MZKT. Til eru enn stærri og lengri útgáfur af undirvagninum en þá með V12-strokka dísilvél og fleiri hásingum. Alrússneska KAMAZ-7850-serían mun síðan taka við af MZKT-útgáfunum, svona til aukaöryggis

Fyrri færsla

NATO í tilvistarkreppu

NATO í tilvistarkreppu

Fréttir frá fundi G7-ríkjanna, sem haldinn var í fyrrum Sovétlýðveldinu Bæjaralandi, voru litlar þegar að NATO kemur. "Klukkustundin" sem Jens Stoltenberg framkvæmdastjóri NATO sagði að myndi taka að samþykkja aðild Svíþjóðar og Finnlands að bandalaginu, er orðin að sex vikum og ekkert gerist, nema það eitt að næsta stærð tímatalsins er ár

Miðjarðarhafsríkið sem stóð á múrnum og var tappinn í suðri gegn útflæði heiðnikirkjuveldis Sovétríkjanna, heitir Tyrkland. Það neitar að samþykkja aðild Svíþjóðar og Finnlands að eins konar Svartahafsbandalagi sem búið er að balkanísera Norður-Atlantshafsbandalagið út og suður í (uppfært kl. 19:48: fréttir seint í dag herma þó að Tyrkland virðist hafa fallið frá því að loka á NATO-aðild Svíþjóðar og Finnlands. Við bíðum nánari frétta af því á næstu dögum)

NATO, þ.e. Norður-Atlantshafsbandalagið, er fyrst og næstum alfarið Bandaríki Norður-Ameríku. Evrópsku aðildarþjóðirnar hafa ekki efni á landvörnum og þiggja því þriðjaheimsaðstoð frá þinghúsahæðum Washingtonborgar í þeim efnum. Ef evrópsku aðildarríkin ættu að ganga í NATO fyrir alvöru þá þyrftu þau að eyða 10 prósentum af landframleiðslu sinni í samfellt 30 ár til að komast upp úr öskubökkunum sem þau sjálf gerðu sig að á síðustu öld og síðustu 65 árin með með tilkomu Evrópusambandsins

En Bandaríkin eru ekki landherveldi. Þau eru flota- og flugherveldi. Síðasti landhernaður þeirra í fúlustu tilvistaralvöru var í heimahögum þeirra sjálfra í borgarastyrjöldinni 1861-1865. En meira að segja þá voru það flotasiglingar á Vötnunum miklu og stórfljóti Mississippi sem redduðu málunum ásamt birgðaflutningum Norður-hersins. Norðurríkin sigldu til sigurs

Bandaríkin geta aldrei unnið landstríð við Rússland á landmassa Gamla heimsins og þau myndu ekki geta notið stuðnings flughersins kæmi til stríðs við Rússa, því Rússland er með besta flugher veraldar yfir heimahögum og nágrenni, samkvæmt fyrirlestri doktors Philips Karber í West Point 2018. Og nú þegar, eftir aðeins fjögurra mánaða fitl Rússneska hersins í Úkraínu, hefur hann þurrkað út skotfærabirgðir 30 ríkja NATO

Stuðningur Bandarísku þjóðarinnar við NATO rambar á barmi hruns, því Rússland rekur ekki Guðlaust Sovétríki eins og forðum, heldur ríður Vladímír Pútín, keisarinn mikli, hvítum hesti og er í krossferð gegn oj-barasta Heiðnikirkjuveldi vestrænna háskóla. Hann er jafnvel okkar maður hugsa margir þar vestra, en þora enn sem komið er ekki að segja upphátt

Það þarf ekki nema eitt misheppnað herútkall til að stúta NATO með innvortis greiðslufalli. Og þegar þjóðir bandalagsins eru orðnar svona margar og ofboðslega ólíkar þá er hættan sú að tími brostins einróma samþykkis innan bandalagsins sé við það að renna upp. NATO er nefnilega fyrir löngu komið út fyrir Rubicone. Og það kemst ekki til baka

Íslensk stjórnvöld verða að sjá til þess að endurnýjun varnarsamnings okkar við Bandaríkin sé óháð áframhaldandi tilvist NATO, því tilvist þess hangir á bláþræði - og Evrópa er enn og verður áfram rúst

Rússland er hins vegar stórveldi, þrátt fyrir tímabundið valdarán vinstrimanna þar í landi - undir rauðum fána

Í dag er Rússland líklega ekki nógu vinstrisinnað land til að njóta stuðnings meðal vestrænna vinstrimanna. Berlínarmúrinn féll nefnilega vestur

Og með því að þvinga ríkissjóð Rússlands í greiðslufall með því að neita að taka við greiðslum frá honum, hafa Vesturlönd heimskað sér yfir Rubicone og komast ekki inn í heimsveldi sitt í viðskiptum aftur. Nú verður ekki aftur snúið. Valkostur er að myndast. Vesturlönd hafa hér með skotið sig í báðar fætur í gegnum tóman hausinn

Fyrri færsla

Lettland kaupir rússneskt gas á ný [u]

Lettland kaupir rússneskt gas á ný [u]

SKYNDILEGT GASOP VARÐ

Sjálfstæði Lettlands gagnvart Moskvu og Berlín varaði í heilan mánuð. En nú flýtur rússneska gasið inn í Lettland á ný og það án þess að neinar sérstakar skýringar eða háfleygar sjálfsákvörðunaryfirlýsingar fylgi þar með. Menn þar í landi vita bara að gasið er komið á á ný og streyma nú tæplega tvær milljónir rúmmetra frá Rússlandi inn í landið hvern dag. Krækjur:I II III

GPF: Baltic backtrack. Latvia has resumed imports of natural gas from Russia, according to Latvian operator Conexus, despite the country previously saying it would no longer do so. By June 24, these supplies reached 1.8 million cubic meters per day.

Þegar nánar er að gáð uppi í heilabúi mínu, þá hefur að þrotum komin Berlín sent litla Lettland út með hvíta flaggið til að ryðja brautina fyrir heildsöluuppgjöf Þýskalands fyrir veruleikanum sem það hefur komið meginlandi Evrópu í með aðstoð felulitasafns Evrópusambandsins. Og nú fer gamanið fyrst að kárna fyrir alvöru og endalok Evrópusambandsins að renna upp fyrir jafnvel afglapasafni sambandsins hér á landi

En það samband –Evrópusambandið– hafði fyrir helgina ekki efni á að tísta út stuðningi við Úkraínu. Það var mun ódýrara fyrir sambandið að endurútgefa bara 35 ára gamla yfirlýsingu um umsóknarríkisfrystistöðu Tyrklands; að hún gliti líka um Úkraínu. Ekkert kostar sambandið minna en einmitt það. Tíst hefði kostað það of mikið og kosta þau þó ekki neitt

Nú bíður og vonar ókjörin ESB-klíkan að Úkraína minnki dag fyrir dag svo að hugsanlegt ákall um hektarastuðning gjaldþrjóti ekki galtóman kassa þess, eftir að Bretland fór úr sovétríki sambandsins. Úkraína er nefnilega 1,7 sinnum stærri en Þýskaland, en minnkar þó óafturkræft dag fyrir dag

Ríku ríkin yfirgefa sambandið og þau allra olígarka-fátækustu koma inn, eða eru látin þykjast koma inn

Hver heiladauður maður sér að Úkraína mun aldrei ganga í Evrópusambandið því þá væri landfræðileg miðja sambandsins höfnuð austan við Þýskaland og samanlagt atkvæða- og áhrifavægi Þýskalands og Frakklands orðið minna en vægi þess sem austan væri við þýsk lönd, með aðstoð nokkurra smáríkja - þann daginn og hinn

Mér skilst að Rússland hafi nú um það bil 60-70 prósent af landsframleiðslugetu Úkraínu á sínu valdi í dag, og eykst það hlutfall bara dag fyrir dag þrátt fyrir sovét-falsfréttaríki vestrænna fjölmiðla um hið gagnstæða - dag fyrir dag

Uppfært

HVER EINASTI RÚSSNESKI BÆR

Á hinni Alþjóðlegu efnahagsráðstefnu Pétursborgar þann 15.-18. júní kom fram í máli sendinefnda austurhluta Úkraínu að Rússland ætti hvergi að láta staðar numið í hernaðaraðgerðum fyrr en að "hver einasta rússneska borg og hver einasti rússneski bær væru á ný komin inn undir Sambandsríki Rússlands". Svona yfirlýsingar koma ekki án samráðs við æðstu valdhafa. Það gera þær ekki þar frekar en í yfirlýsingum frá reykfylltum bakherbergjum Evrópusambandsins daginn eftir umboðslaust valdasvall þess

LANGHLAUPIÐ Í PENINGAMÁLUM

Lettland er með mynt Þýskalands síðan 2014 –stálfátæktarevru– og er ársverðbólgan því tæpar 17 prósentur í því evrulandi núna og um fjögur prósent milli mánaða eins og stendur. Óþarfi er því fyrir Seðlabankamenn Íslands að bíða lengur með að birta niðurstöðurnar úr langhlaupi peningamála krónu og hins vegar evru í Lettlandi. Verðbólgan á Íslandi með krónu er 7,6 prósent á ári miðað við 17 prósent evruverðbólgu Lettlands. Krónan vann langhlaupið meira en tvöfalt. Hve lengi Þýskaland getur liðið 17 prósent Rússalausa verðbólgu í Lettlandi á meðan þýska verðbólgan er 8,7 prósent, er því þegar komið í ljós

Það er með algjörum eindæmum að ársverðbólga í Lettlandi með evru sé 17 prósent á meðan landsmönnum hefur fækkað um 33 prósentur síðan 1990 og fækkar ört enn, hvert einasta ár. Gjaldmiðill og peningamálastefna landsins hljóta einfaldlega bæði að vera ónýt og því landinu stórhættuleg. Hið sama má segja um áhrif Evrópusambandsaðildar Lettlands á þjóðaröryggismál þess: "Inn með Rússland aftur" kemur nú sem skipun í pósti frá Berlín

Og takið eftir kæru lesendur að ársverðbólgan í Þýskalandi er hærri en hér heima í krónuveldi Íslands á 18. stærstu eyju veraldar. En hún væri þó enn lægri ef við losuðum okkur úr hinum innfluttu einokunarviðjum EES-samnings landsölumanna

Háborg grasasnasamstæðu Íslands, Samfylkingar/Viðreisnar, liggur í rúst. Enn og miklu verra úr sömu átt er þó í vændum fyrir hana á komandi árum

Fyrri færsla: Ástæður stríðsins og stríðslok

Ástæður stríðsins og stríðslok

FRUMFORSENDUR

Úkraínustríðið er ágætis dæmi um hvað gerist þegar fullveldi lands er gert að pólitískum söluvarningi. Fyrir 10 árum skrifaði ég þetta:

"Þegar fullveldi og sjálfstæði ríkja verður óverjanlegt (e. indefensible) þá er mikil hætta á að þetta tvennt breytist smám saman í nokkurs konar pólitískan söluvarning. Að fullveldið og sjálfstæðið breytist þá í pólitíska "skiptimynt" og sogist inn á kauphallargólf hinnar pólitísku elítugræðgi hins pólitíska hagkerfis sem orðið er tröllrisavaxið"

Fullveldi Úkraínu getur aldrei orðið eins mikið og fullveldi Bandaríkjanna, eða Íslands, svo lengi sem samband okkar Íslendinga vestur um haf er heiðskýrt og tært. Og þarna á ég við þær landfræðilegu staðreyndir sem annars vegar eru umgjörðin um fullveldi Úkraínu, og hins vegar Bandaríkjanna og Íslands. Úkraína er ekki eyja. En Bandaríkin og Ísland eru hins vegar eyjur í veraldarhafinu, bæði landfræðilega og pólitískt. Þau eru bæði eyríki því Kanada er tappi Bandaríkjanna í norðri og Mexíkó er enn sem komið er bara Mexíkó og verður það svo lengi sem það gengur ekki í vanhelg bandalög fjandsamleg Bandaríkjunum

Vegna skorts á land- og náttúrufræðilegum landamærum Úkraínu er það aðeins vopnað hlutleysi á borð við svissneska módelið sem tryggt getur Úkraínu þolanlegt fullveldi. En til að svo geti orðið þarf Úkraína þjóðarsamstöðu og þjóðarsjálfstraust sem elur af sér sterkar ríkisstjórnir. Slíkt er ekki að finna í Úkraínu og verður þess utan aldrei að finna í því landi, því þjóðin þar er ekki ein þjóð heldur samsuða af þjóðarbrotum sem innbyrðis eru ósammála

Hafið í huga að útgáfa pappíra á borð við sjálfstæðisyfirlýsingar búa hvorki til þjóðir, sjálfstæði né fullveldi ríkja

Í erfiðum aðstæðum tryggði til dæmis Finnland lengi vel þolanlegt fullveldi sitt með vopnuðu hlutleysi í skjóli þjóðarsamstöðu sem ól af sér sterkar ríkisstjórnir sem ábeking þess. En vegna þess að Finnland gerðist útópískur kjáni eftir fall Sovétríkjanna þá breyttist fullveldi þess í pólitíska "skiptimynt" og sogaðist inn á kauphallargólf hinnar pólitísku elítugræðgi Evrópusambandselíta, sem reka kauphöll með fullveldi landa Evrópusambandsríkjanna. Og þar selja ókjörnar þær það lægstbjóðendum sem borga með lægsta sameiginlega nefnara sem til er í heiminum. Finnland er því á 28 árum orðið tannlaus skiptimynt á því að vera í Evrópusambandinu, en það gekk í sambandið 1994 og er í dag pólitísk skiptimynt fá- og vanvita ESB-elíta. Sömu og jafnvel hlutfallslega enn verri sögu er að segja um það ríki sem áður var Svíþjóð

Sergei Lavrov utanríkisráðherra Rússneska Sambandsríkisins hefur rétt fyrir sér þegar hann segir að þjóðir og lönd þeirra hafi full frelsi til að velja sér bandamenn í varnarmálum. En hann hefur líka rétt fyrir sér þegar hann segir að þjóðir og lönd þeirra hafi ekki rétt á því að auka þjóðaröryggi sitt á kostnað þjóðaröryggis annarra ríkja. Þ.e. þjóðir geta ekki aukið þjóðaröryggi sitt með því að minnka þjóðaröryggi annarra þjóða. Dæmi: A) Úkraína getur ekki aukið þjóðaröryggi sitt á kostnað þjóðaröryggis Rússlands. B) Mexíkó og Kanada geta ekki aukið þjóðaröryggi sitt á kostnað þjóðaröryggis Bandaríkjanna, með því að ganga í kínverskt Kyrrahafsbandalag og láta Kína um varnarmálin, því slíkt myndu Bandaríkin aldrei líða. Og trúið mér þegar ég segi að Bandaríkin munu ekki tapa stríði í Mexíkó við þannig aðstæður frekar en að Rússland mun tapa stríði í Úkraínu

ÁSTÆÐUR STRÍÐSINS Í ÚKRAÍNU

1) Árásir Kænugarðstjórnarinnar í sjö ár á þann hluta eigin þjóðar sem er rússneskur. Enginn forseti Rússlands getur setið áfram í embætti sínu án þess að aðhafast neitt í því máli. Gerði hann það, yrði honum sturtað, samstundis. Og trúið mér þegar ég segi að rússneska þjóðin mun alltaf geta losað sig við leiðtoga sína, sé það á annað borð vilji hennar. Rússland rekur hvorki rússneskt né kínverskt sovétríki í dag. Þann rekstur sjá Kína og Norður-Kórea um. Og ennfremur: ég hugsa að fáum sé eins illa við Sovétríkin sálugu eins og Vladímír Pútín forseta Rússlands, því það gekk einmitt út á að tortíma ölu því sem rússneskt var. Pútín er fyrsti maðurinn í langan tíma sem gerir Rússum kleyft að vera Rússar í Rússlandi, sagði Aleksandr Solzhenitsyn, en hann var fram til dauðadags hrifinn af Vladímír Pútín forseta. Pútín er fyrst og fremst maður hins almenna og óbreytta Rússa

Forsetinn sá hefur sagt að hrun Sovétríkjanna hafi verið mestu geopólitísku ófarir aldarinnar sem leið. Þar á hann við að 30 milljónir Rússa lentu þá utan landamæra hins nýja Sambandsríkis Rússlands. Þetta er auðvitað ekki rangt ályktað hjá Pútín, því einnig Þjóðverjar eiga sín djúpu sár í þessum efnum og þau svíða enn og gætu jafnvel farið að taka sig upp á ný úr þessu

2) NATO-brölt og NATO-væðing Kænugarðsmanna. Munið það sem ég skrifa hér fyrir ofan um það að ætla að auka þjóðaröryggi sitt á kostnað þjóðaröryggis annarra ríkja

3) Moskva var farin að álíta Bandaríkin og ESB sem snarbilaðar stærðir, jafnvel alveg-úrkynja, því þau stóðu fyrir valdaráni í Kænugarði 2014. Og í kjölfar kosninganna haustið 2020 stóðu þau fyrir valdaránstilraunum í Hvíta-Rússlandi. Hið sama eða svipað reyndu þau í Kasakstan síðasta vetur. "Þetta er snarbilað lið" hefur valdastéttin í Rússlandi líklega hugsað um Bandaríkin og Evrópusambandið. Og hún hefur rétt fyrir sér að því leytinu að Evrópusambandið er eitt greinilegasta dæmið um ofsa-bilað fyrirbæri mannkynssögunnar, því þar virkar ekkert. Ekkert! Og allir sem sjá vilja, sjá hversu Demókrata-ríkisstjórn Joe Bidens er bilað fyrirbæri, en hún hefur setið við vafasöm völd frá því í janúar 2020. Kjör hennar reyndu meira að segja 21 ríki Bandaríkjanna að kæra til hæstaréttar

ÞAÐ HÓFST SVONA

Stríðið hófst líklega með því markmiði Rússa að hræða Kænugarðsstjórna til samninga við rússneska sjálfsstjórnarmenn í austurhlutum Úkraínu. En málið var hins vegar það að Rússar hugðust fara heim að því verki loknu. En það gekk hins vegar ekki upp því rússnesku sjálfsstjórnarmennirnir í austri sögðu: "ef þið ætlið að fara heim aftur og skilja okkur eftir á valdi Kænugarðsmanna, þá verðum við allir drepnir. Leynilögregla Kænugarðs mun koma og slátra okkur öllum. Samþykkið okkur sem hluta af Rússlandi. Þannig að ef þið ætlið heim aftur, þá munum við ekki berjast með ykkur." Þetta breytti markmiðum stríðsins að miklu leyti, frá Moskvu séð, og Rússar tóku loksins silkihanskana af

Ýmislegt annað hefur einnig runnið upp fyrir rússneskum stjórnvöldum eftir að stríðið hófst og sem þau gerðu sér ekki grein fyrir. Til dæmis það að Úkraína væri svona mikið á valdi Bandaríkjanna og NATO, eins og raun ber vitni. Og að forseti Úkraínu sem hlaut kosningu undir slagorðinu "friður við Rússland", var allur annar en hann hafði látið uppi. Rússland hefur því fljótlega, eftir að innrásin hófst, komið auga á að það er ekki kjörinn forseti Úkraínu sem er við stjórn í landinu, heldur er honum stjórnað af öðrum og að slíkur þjóðarleiðtogi er því ósamningahæfur. Og allir vita nú hverjir þessir "aðrir" eru. Svona held ég að markmið stríðsins hafi breyst eftir að það hófst. Ég get í hlutarins eðli ekki vitað þetta fyrir víst, en þetta er það sem ég held

Það versta sem gat gerst fyrir alla aðila málsins gerist því miður einnig og mjög hratt; NATO, sem er Bandaríkin að mestu leyti, plús skjálfandi Evrópusambandið, gerðu í buxurnar með viðbrögðum sínum og fljótlega rann það upp fyrir rússnesku valdastéttinni og efri-lögum þeirrar þjóðar, að Rússland átti ekki lengur í stríði við Úkraínu, heldur átti Rússland í stríði við Bandaríkin og NATO. Jafnvel fyrst og fremst. Og þetta þýddi að hver sá forseti Rússlands sem líta myndi undan í þeirri baráttu væri algjörlega sjálfhættur sem forseti Rússneska Sambandsríkisins, immed! Út með hann og alvöru harðjaxl inn í staðinn! - hefði verið hrópað

Hér er ekki tekin svo kölluð "siðferðileg" afstaða og þessi skrif mín eru ekki væll um hver og hversu "vondur" eða "góður" hinn eða þessi málsaðili sé í þessu ólukkunnar máli. En ég tel hins vegar orð mín hér sannari en sú falsfréttaherferð sem vestrænir fjölmiðlar hafa í bráðum heila fjóra mánuði kokgleypt úr börkum Hvíta hússins, Pentagons og Brussels. Næstum allt sem þaðan hefur komið hafa verið lygar um gang stríðsins. Rússneski herinn mun ekki tapa stríði í Úkraínu frekar en Bandaríski herinn mun tapa stríði í Mexíkó

EN OG EN

En - frá því að stríðið braust út hefur það margt breyst í afstöðu Rússa að ég er kominn á þá skoðun að Rússland áliti að ekki sé hægt að gera neina samninga við Vesturlönd. Að þeim sé ekki lengur treystandi til að halda gerða samninga. Þess vegna held ég að Rússland muni taka alla Úkraínu yfir. Ekki til að stjórna henni beint allri, né til að framfleyta þá komandi fátækum vesturhluta hennar, heldur til að sjá til þess að landið allt í hverri mynd sem það kann að verða, sé "vinveitt" eða í það minnsta hlutlaust gagnvart Rússlandi. Þetta má gera með ýmsum hætti, en of langt mál er að koma inn á það hér í þessari grein. En Rússar álykta sennilega frá og með nú að útilokað sé að fullvalda Úkraína verði neitt annað en Natostan, alveg sama hvað. Og að þeir hafi fengið meira en nóg af slíku standi um aldur og ævi. Svona hefur Kænugarðsstjórninni tekist að farga því fullveldi landsins sem fáanlegt var

OG SÍÐAN ER ÞAÐ HIN SJÁLFGEFNA STÆRÐ

Annað sem einnig er undirliggjandi hér í þessu máli, eru grundvallar-þjóðaröryggismál Bandaríkjanna til langs tíma litið: en þau eru að ekki skuli ná að myndast ein samstæð heild sem ræður meginlandi Evrópu og sem gert gæti samninga eða samruna við Rússland, en einmitt á þeim nótum hefur viss vængur stjórnmála Evrópusambandselíta verið

Þó svo að flestir bandarískir stjórnmálamenn séu ekki meðvitaðir um það, þá er þessi grundvallarstefna eða þetta grundvallarstef Bandaríkja Norður-Ameríku alltaf á sjálf-stími (e. auto pilot) án þess að þeir taki sérstaklega eftir því. Þetta stef er bara þarna, og hrekkur alveg ósjálfrátt í fiðlugírinn við réttar aðstæður, án þess að stjórnmála- og embættismenn geri sér sérstaklega grein fyrir því. En það var einmitt þessi langtíma grundvallarstefna í þjóðaröryggismálum Bandaríkjanna sem knúði á um þátttöku þeirra í Fyrri- og Síðari-heimstyrjöldinni á meginlandi Evrópu. Það var alls ekki góðmennska sem knúði þau til þess. Lönd eiga ekki vini, þau eiga hagsmuni, eins og Charles de Gaulle sagði. Bandaríkin horfðu á Bretland brenna án þess að aðhafast neitt. Og nú segja sumir að Bandaríkin eigi að fara í stríð fyrir Úkraínu. "Er þetta bilað fólk" hugsar Kreml. "Er þetta alveg snarbilað fólk þarna á vesturlöndum? Man það ekki neitt?"

En einmitt Stóra-Bretland hefur sömu hagsmuni og Bandaríkin í þessum efnum: þ.e. að koma með öllum tiltækum ráðum í veg fyrir að myndast geti eitt samhangandi veldi á Evrópuskaganum sem skagar út úr móðurlandi Rússlands og sem byggt gæti flota til höfuðs Fimm augum (Stóra-Bretland, Bandaríkin, Kanada, Ástralía og Nýja Sjáland) sem öll eru eyríki, og ráða því hver fær og fær ekki gera innrás hvar og hvenær sjóleiðina

EKKI Í BOÐI LENGUR

Lygn hefur því Evrópa streymt til Helvítis frá því að Evrópusambandið var stofnað til höfuðs Bandaríkjunum 1958. Nú situr skjálfandi meginland Evrópu í forstofu þess og heldur jafnvel að Rússland muni líða bandarísk kjarnorkuvopn í því sem einu sinni var Finnland!

Athugið að Rússland er fyrst og fremst landherveldi og Bandaríkin eru fyrst og fremst flotaherveldi. Finnland er ekki lengur Finnland, greinilega, hljóta Rússar að hugsa. Og Rússar þurfa hvorki að sigla til Helsinki né Odessa frekar en þeir vilja. Landleiðin er fær landherveldum. Til dæmis landleiðin um Mykolaiv til Transnistríu sem lokar Odessa af úr norðri - og bíða svo

En Pax Americana er ekki lengur í boði fyrir þá sem nú hýrast og vola í forstofu sjálfskaparhelvítis Evrópusambandsins. Of seint er að ætla að njóta þess sem á nefi meginlandsins eitt sinn stóð. NATO var með orðum Ismay lávarðar stofnað til að: 1) halda Rússum úti úr því sem þá var Vestur-Evrópa, og 2) að halda Bandaríkjunum inni í Evrópu, og 3) að halda Þýskalandi niðri. Allar þessar forsendur eru nú horfnar. Bandaríkin eru farin heim og Þýskaland ræður að mestu á meginlandi Evrópu og Rússar eru ekki inni í Vestur-Evrópu

Svo lengi sem samband eyjunnar Íslands vestur til Washingtoneyju er heiðskýrt og tært, er Ísland fullvalda ríki því þá er fullveldi okkar Íslendinga verjanlegt. Annars ekki. Svo einfalt er það

ÞJÓÐHÁTÍÐARDAGUR ÍSLENDINGA 17. JÚNÍ 2022

Mynd: Horft yfir til Skagastrandar frá Ströndum

****

Gleðjist því kæru Íslendingar þann 17. júní. Gleðjist yfir því að vera sjálfstætt og fullvalda eyríki í Norður-Atlantshafi, sem í gagnkvæmu bandalagi við fullvalda Bandaríki Norður-Ameríku gat þannig aukið þjóðaröryggi sitt án þess að gera það á kostnað þjóðaröryggis annarra ríkja

Fyrri færsla

Boris ekki á leið út

Boris ekki á leið út

Ekkert land í Evrópu gerði eins mikið fyrir þá lægst launuðu og verst settu og Boris Johnson gerði í Bretlandi á tímum kínversku Wuhanveirunnar, Spitfire-bóluefna hans gegn henni, lokana og afleiddra verðhækkana á heimsvísu í kjölfarið

Partý í forsætisráðherrabústaðnum verða gleymd og gufuð upp eftir vikur og eru reyndar nú þegar gleymd, nema í vernduðum piparsveinaklefum þeirra barnlausu einhleypinga í einsherbergis-íbúðum í útjöðrum borga og sem kalla sig blaðamenn og skríbenta á fjölmiðlum í dag. Til dæmis þeirra sem mynda toghlerana sem eru að drekkja Telegraph og BBC þessi árin, undir útfarargrenjum afkynjaðra kven- og karlkellinga

Skattalækkanir Borisar verða næst á dagskrá ásamt mögulegri gangsetningu Singapúr við Thames, nú þegar hin hefðbundna og ofkallaða alþjóðavæðing er að syngja sitt síðasta og heimurinn er að skiptast upp í; 0) ónýtt og stórbilað meginland Evrópu sem er að detta út úr vesturlöndum með sitt ónýta myntbandalag, ónýta fjármálamarkaði, ónýta heri, ónýta "björgunarsjóði", ónýta ríkissjóði og ónýtt Evrópusamband; og hins vegar 1) stórveldin Bandaríkin og Rússland og; 2) síðan restina af heiminum

Þá er enginn betri til að þjóna villta vestrinu og töpurunum á meginlandi Evrópu en einmitt gamla góða Breska heimsveldið; nú í Brexit-vexti og vaxtaafleiðum

Hvellkosningar á næsta ári munu skila Boris og Breska Íhaldsflokknum kosningasigri á ný. Það er engin múr sagði Tim, er hann gekk í gegnum fyrsta og ímyndaða billjón dala múr fjölmiðlanna. Blaður er ekki múr

Persónulega er ég lítt hrifinn af stjórnarstíl Borisar. En hann mun standa áfram -eins og Vladímír Pútin- því kjósendum er nákvæmlega sama um skoðanir álitsgjafa og pennahermanna, þegar í kjörklefann er komið

Fyrri færsla

Hvernig gengur stríðið? og T-62