Boris ekki á leið út

Ekkert land í Evrópu gerði eins mikið fyrir þá lægst launuðu og verst settu og Boris Johnson gerði í Bretlandi á tímum kínversku Wuhanveirunnar, Spitfire-bóluefna hans gegn henni, lokana og afleiddra verðhækkana á heimsvísu í kjölfarið

Partý í forsætisráðherrabústaðnum verða gleymd og gufuð upp eftir vikur og eru reyndar nú þegar gleymd, nema í vernduðum piparsveinaklefum þeirra barnlausu einhleypinga í einsherbergis-íbúðum í útjöðrum borga og sem kalla sig blaðamenn og skríbenta á fjölmiðlum í dag. Til dæmis þeirra sem mynda toghlerana sem eru að drekkja Telegraph og BBC þessi árin, undir útfarargrenjum afkynjaðra kven- og karlkellinga

Skattalækkanir Borisar verða næst á dagskrá ásamt mögulegri gangsetningu Singapúr við Thames, nú þegar hin hefðbundna og ofkallaða alþjóðavæðing er að syngja sitt síðasta og heimurinn er að skiptast upp í; 0) ónýtt og stórbilað meginland Evrópu sem er að detta út úr vesturlöndum með sitt ónýta myntbandalag, ónýta fjármálamarkaði, ónýta heri, ónýta "björgunarsjóði", ónýta ríkissjóði og ónýtt Evrópusamband; og hins vegar 1) stórveldin Bandaríkin og Rússland og; 2) síðan restina af heiminum

Þá er enginn betri til að þjóna villta vestrinu og töpurunum á meginlandi Evrópu en einmitt gamla góða Breska heimsveldið; nú í Brexit-vexti og vaxtaafleiðum

Hvellkosningar á næsta ári munu skila Boris og Breska Íhaldsflokknum kosningasigri á ný. Það er engin múr sagði Tim, er hann gekk í gegnum fyrsta og ímyndaða billjón dala múr fjölmiðlanna. Blaður er ekki múr

Persónulega er ég lítt hrifinn af stjórnarstíl Borisar. En hann mun standa áfram -eins og Vladímír Pútin- því kjósendum er nákvæmlega sama um skoðanir álitsgjafa og pennahermanna, þegar í kjörklefann er komið

Fyrri færsla

Hvernig gengur stríðið? og T-62

Athugasemdir

[Ragnhildur Kolka, 8.6.2022 kl. 11:33]

Það má vel vera að Boris lifi þetta af ef hann hættir að leika Churchill í Úkraínu og snýr sér að vandamálum eigin þjóðar. Því þau eru ærin. 

Það sem undrar mig þó mest þessa dagana er að ekki skulli vera minnst á það í fréttum að ríkisstjórn Eistlands féll fyrir viku. Helsti orsakavaldur er 22% verðbólga af völdum refsiaðgerða á hendur Rússum. Refsiaðgerðir sem eru að kollkeyra ESB.

Verður Þýskaland næst? 

[Gunnar Rögnvaldsson, 8.6.2022 kl. 11:52]

Þakka þér fyrir Ragnhildur.

Já, Rússalausa verðbólgan í Eistlandi er rúmlega 20 prósent. Og hún er 18,5 prósent í Litháen og 16,5 prósent í Lettlandi - og ballið er varla byrjað á meginlandi þess sem einu sinni var Evrópa.

Þar halda menn enn að bara af því að Evrópusambandið heldur áfram að halda ræður að þá sé allt betra í vændum. En ESB heldur hins vegar áfram að halda ræður af því þær eru það eina sem sambandið getur gert. Skítt með veruleikann.

Staðreyndin er hins vegar sú að meginland Evrópu getur ekki án Rússlands verið. Líf þess er undir Rússum komið. Tilvist ESB sá fyrir því.

Það verður fróðlegt að sjá framhaldslífs-skilmála Moskvu þegar þeir birtast meginlandinu sem þruman sú eina úr heiðskýru lofti.

Kveðja

[Gunnar Rögnvaldsson, 8.6.2022 kl. 12:26]

Þýskaland, Ragnhildur.

Útsýnið frá Moskvu (og skjálfandi Berlín) þess dagana er það, að þýsk vopn eru einu sinni enn lent á jörðu niðri í Úkraínu. Þýsk vopn já. Hverum hefði dottið slíkt í hug árið sem Thatcher fór frá? Engum.

Og ekki nóg með það. "Rússar sjá hættu í endurhervæðingu Þýskalands" sagði Maria Zakharova talsmaður utanríkismála við fjölmiðla í síðustu viku.

"Hvað sagði ég ekki", segir Vladímír forseti þar við þjóð sína núna, og skellir á lærið. "Hvað sagði ég ekki" segir hann. Evrópa breytist aldrei.

Þýsk vopn í Úkraínu

Þýskaland endurhervæðist

Engar smá-fréttir fyrir rússneska þjóð það. Alveg sama hvernig á þær er litið. Bara eitt prósent satt er nóg fyrir þá þjóð í þeim efnum. Maður sér bókstaflega fyrirsagnirnar fyrir sér.

Og nú er kapphlaup Berlínar og Parísar til Moskvu komið á fullt stím, því árangurinn úr því mun vel hugsanlega ráða því hvort endurhervætt Þýskaland mun þurfa að berjast á tvennum eða einum vígstöðum. París vill auðvitað helst að Þýskaland hafi tvennar.

Þjóðaröryggisstefnur landa verða auðvitað alltaf að taka mið af því versta sem getur gerst. ESB hefur enga þjóðaröryggisstefnu og mun heldur aldrei geta rekið her, frekar en annað.

Ófriðarbandalagið er það heillin.

[Gunnar Rögnvaldsson, 8.6.2022 kl. 12:50]

Og rétt í þessu ákvað Danmörk, sem er bóla á rassi Þýskalands, að festa sig enn frekar í sessi sem slík, fyrst nú að Þýskaland er að hervæðast á ný.

Danmörk var nefnilega stærsta viðskipaland Þriðja ríkisins á eftir Ítalíu þegar nasistar réðu þar ólögum og lofum síðast. Kristjánsborg slefaði öllu því og meiru til sem henni tókst að kreista út úr dönskum fyrirtækjum og landbúnaði ofan í Hitler. Ekki beint glæsilegt til afspurnar í dag, en samt staðreynd. Asger Aamund hafði um daginn sitt að segja um það mál hér.

Og sænski sendiherrann í Washington talaði heldur betur af sér um daginn við bandaríska fjölmiðla með því að segja að Svíþjóð ætlaði að ganga í NATO af því að þá myndi Svíþjóð geta látið sér nægja að eyða bara tveimur prósentum í varnarmál í stað fjögurra í Kalda stríðinu.

Hvað segir þetta okkur um ástandið í NATO; jú nú er litið á bandalagið sem eins konar félagsmálastofnun fyrir þriðjaheimslönd í varnarmálum. Þetta mun auðvitað ekki halda vatni.

[Símon Pétur frá Hákoti (IP-tala skráð) 8.6.2022 kl. 15:22]

Fyrst hér er minnst á vanda Eystrasaltslandanna þá má benda á að íbúum þeirra hefur fækkað frá 1991 til dagsins í dag um 20%, eins og fram kemur í grein hins aldna hagfræðings og Íslandsvinar, Michael Hudson um hinn viðskiptalega stórveldaslag, sem nú geisar, og hvernig hann metur horfurnar.  Leyfi mér að benda þér á þessa, að mínu mati, raunsönnu og fróðlegu grein hans:

https://michael-hudson.com/2022/06/is-us-nato-with-wef-help-pushing-for-a-global-south-famine/

[Símon Pétur frá Hákoti (IP-tala skráð) 8.6.2022 kl. 15:44]

Gaman væri að heyra álit þitt, Gunnar, á þessari grein Michael Hudson. 

Hún er fyrst og fremst gagnrýni á hina skefjalausu glóbalísku nýfrjálshyggju sem hefur engu eirt, heldur vaðið yfir þjóðríki heimsins, eins og plágur og rústað þeim. 

Þjóðlegir íhaldsmenn geta aldrei samsamað við þau ósköp.  Hef aldrei áttað mig á Boris Johnson hvað það varðar.  Hver er eiginlega hugmyndafræði þess manns?

[Gunnar Rögnvaldsson, 8.6.2022 kl. 19:22]

Þakka þér fyrir Símon Pétur.

Skriftin á veggnum hefur í langan tíma verið trúarbrögðum líberalismans í óhag. Á veggnum stendur:

"mene, mene, tekel ufarsin"

Hudson kemur með mörg góð korn þarna. En eitt af ófyrirsjáanlegum einkennum styrjalda með kerfislægan undirtón geta að hluta til vel verið sumt það sem hann bendir á þarna.

En núna sést einmitt að heimurinn lætur ekki að stjórn, því hann er einfaldlega of stór og flókinn til þess. Það er ekkert reglubundið eftirstríðsheimsfyrirkomulag til lengur. Heimurinn í dag er að taka stakkaskiptum og ef við ætlum að lifa af sem vestræn ríki þá verðum við að jarða líberalismann og horfa til þjóðaríhaldsmanna þjóðríkjanna.

Saga og staða Eystrasaltsríkjanna þriggja er flóknari en ég get komið inn á hér. Já, þau eru smám saman að breytast í yfirgefin ríki.

Hvað Boris varðar þá stendur hann fyrir fullveldi Stóra-Bretlands og að sjá til þess að Brexit vinni sitt verk vel fyrir bresku þjóðina.

Það er ekki lítil hugmyndafærði að hafa og afrek hans á því sviði eru engin smásmíði - sérstaklega í þeirri refaholu sem breski Íhaldsflokkurinn getur verið.

Kveðjur

[Símon Pétur frá Hákoti (IP-tala skráð) 8.6.2022 kl. 20:25]

Takk Gunnar, fyrir mjög gott svar þitt.

Mjög í anda þess sem í huga minn kom við lestur pistils Hudson.

Með bestu kveðjum

[Kristinn Bjarnason (IP-tala skráð) 15.6.2022 kl. 12:26]

Já, það gæti verið erfitt að losna við hann þar sem hann er Davos maður í húð og hár. Miðað við að gefa sig út fyrir að vera hægri maður finnst mér hann hafa nýtt þennann hreina meirihluta afskaplega illa.

Bestu vinir Boris, Justin Trudeu og Zelensky segir meira en mörg orð. Þar að auki er hann ötull talsmaður eiturefnanna sem hefur verið dælt í fólk undanfarið.