Flogaveiki ECB: Vaxtaákvörðun um vaxtaákvörðun

Greinilegt er að stjórnendur ECB seðlabanka Evrópusambandsins vita ekki hvað þeir eru að gera. Þeir sjá ekki fortíðina, þeir sjá ekki nútíðina og þeir sjá ekki fimm mínútur inn í framtíðina. Þeir sjá heldur ekki sólina fyrir sjálfum sér. Því er bara ýtt á takka sem hækka stýrivextina í 17 löndum í hvert skipti sem þeir ættu ekki að gera það. Þetta er þeirra framlag til stofnunar Bandaríkja Evrópu. Að valda eins miklum skaða og hægt er sem síðan kyndir bálið undir hinum svo kölluðu "leiðtogum" Evrópusambandsins sem æða þá um 17 lönd evrusvæðisins eins og hundar í bandi þeirra fjármálamarkaða ESB sem seðlabanki Evrópusambandsins hefur lagt í rústir með verri en engri mynt, vanhæfni og spellvirkjum frá fyrsta degi þegar evran hrundi 30 prósent í gengi. Þar á eftir var myntvafningunum evru leyft að hækka um 100 prósent gagnvart Bandaríkjadal. Og hér er árangurinn; ný Sovétríki Evrópu í fæðingu. Þetta er Lenín aðferðin.

Þetta er í annað skiptið á örfáum árum sem seðlabankinn þarf að stroka út síðustu vaxtaákvarðanir sínar því þær voru svo heimskulegar. Fyrra skiptið átti sér stað stundarfjórðungi í hrun sumarið 2008 þegar vextir voru hækkaðir beint framan í ginningargap kreppunnar - og nú í seinna skiptið þarf bankinn að stroka út heilar tvær vaxtaákvarðanir; þ.e.a.s  hina veruleikafirrtu hækkun bankans þann 7. júlí 2011 og of litlu yfirbótar-lækkunina þann 3. nóvember 2011, fyrir fimm mínútum síðan.

 

Svo heldur ECB-bankinn áfram að gorta sig af "stöðugleikanum" og kraftaverkinu á Írlandi sem bankinn lagði í rúst, ásamt brunarústunum á Spáni, Portúgal og gangandi ríkisgjaldþrotinu í Grikklandi.

 

Firran er alger

 

Franco-British Fear of 1990 Reunification Coming True 

 

 

Stýrivextir á evrusvæði lækkaðir

Vel þess virði að horfa á

Hagfræðingarnir Carmen Reinhart, Paul Krugman og blaðamaðurinn Joe Nocera eru í vefútsendingu New York Times. Hana alla er hægt að horfa á hér

Talað er um ástandið í Bandaríkjunum og bandarísk stjórnmál

Adam Smith og bankahrun í Skotlandi á hans tímum 

Vandræðin í Evrópu

Endurkomu gjaldeyrishafta í Evrópu

Yfirvofandi þjóðnýtingu evrópskra banka

Fyrirbærið hagvöxt

Atvinnumarkað nútímans

Endurkomu iðnaðar til Bandaríkjanna 

Kína

og fleira

 

. . og svo skiptumst ég og Lúðvík Júlíusson á nokkrum orðum um Friedman og Keynes hér: Ríkisstjórnin afsannar Keynes... - og ríkisstjórn Íslands sem sannaði krónuna og afsannaði evruna, alveg óvart.

 

Malta læst sem nýlenda inni í Evrópusambandinu

 

Ofangreind mynd AGS lýsir því hversu alvarlega sjúk lönd verða þegar sýklahernaður og vírusárásir flæða til þeirra í gegnum naflastreng viðskiptarásarinnar. Þegar Evrópa hóstar þá fær Malta lungnabólgu því Malta er komin með stöðu nýlendu gagnvart Evrópusambandinu. Malta á ekkert apótek. Þegar ESB fær síðan lungnabólgu þá fær Malta holdsveiki og leysist upp. Malta á enga mynt og það magnar nýlendustöðu hennar upp. En Ísland á krónu og er ekki nýlenda í Evrópusambandinu. Take that!

Fjármálaráðherrann Steingrímur J. Sigfússon er það illa að sér í utanríkisviðskiptum þess lands sem hann þykist vera ráðherra í, að hann kann ekki Gagn og Gaman utanríkisviðskipta Íslands: er sem sagt ólæs. Það kom í ljós á Alþingi nú á dögunum. Honum til styrktar er forsætisráðherrann hafður mállaus.

Engin hætta er á að holl og góð broddmjólk flæði til Möltu í gegnum þessa gátt, því Evrópusambandið er og verður ávalt gelt. Það étur ríki sem ábrysti.

PDF

Bankakerfi Þýskalands knýr skuldasöfnun landsins áfram

 

Mynd AGS. Helstu drifkraftar skuldaaukningar fjögurra þjóðarbúa miðað við landsframleiðslu á tímabilinu frá 2007 til 2011: 1) Ríkissjóður Þýskalands er undir áhlaupi frá bankakerfi landsins. 2) Ríkissjóður Ítalíu er kominn í skrúfstykki versnandi lánskjara vegna lélegs lánstrausts evrulanda. 3) Tekjutap franska ríkissjóðsins er vegna ósamkeppnishæfni, minnkandi útflutnings, atvinnuleysis og aukins vaxtakostnaðar. 4) Tekjutap ríkissjóðs Bretlands færist sem þjóðarskuld og er vegna niðurskurðar og lækkunar t.d. virðisaukasaktts.

 

Það eru líklega ekki margir sem gera sér grein fyrir því að ríkisafskiptin af bankakerfi Þýskalands eru ein þau mestu í vestrænum heimi. Þýskaland gengur nú um evrusvæðið með móralskan bendipinna og skipar evrulöndum út og suður fyrir verkum á meðan ríkisstjórnin í Berlín safnar skuldum til að halda bankakerfi landsins ofansjávar. Skuldaaukning Þýskalands vegna björgunar gangandi gjaldþrota bankakerfa landsins er hrikaleg. Bankar í eigu þýskra stjórnmálamanna í Landesbankakerfi Þýskalands hafa hlotið hrikalega útreið vegna glæfra. (AGS: PDF)

 

TARGET2* greiðslukerfi seðlabanka evrusvæðis er á sama tíma að komast í þrot. Aðeins þýski seðlabankinn á nokkra fjármuni eftir - líklega til nokkurra daga. Hvað þá tekur við veit enginn (FT).

Eins gott er að þýskur almenningur skilur hvorki upp né niður í neinu. Ef hann vissi hvað á seiði er þá þyrði ég varla að mæta honum á næsta götuhorni.

 

 

* (Trans-European Automated Real-time Gross settlement Express Transfer system)

Er Viðskiptablaðið á réttri leið?

Ég rakst á brot úr viðtali Viðskiptablaðsins við mann þar sem bandaríska hagfræðingnum Paul Krugman er lýst sem gerspilltum manni. Fyrst datt mér í hug að ég væri asni. En svo skildi ég hvað hafði gerst. Ég sá ekki allt viðtalið, en það tók mig hins vegar aðeins tíu mínútur að finna þetta hér. Ég vona að prentaða útgáfa Viðskiptablaðsins hafi gert grein fyrir að minnsta kosti einhverju af þessu. Óska ég blaðinu velfarnaðar. 

Einu langar mig til að slá hér föstu. Ég mun líklega aldrei ganga í "frjálshyggjufélag". Til þess er mér of annt um mannorð kapítalismans. Sannir svo kallaðir "frjálshyggjumenn" myndu með gleði dansa ofan á gröf kapítalismans til þess eins að geta fagnað sigri yfir mönnum eins og Paul Krugman, skyldi hann svo ólíklega vinnast. Hver sagði þetta? Jú gamlinginn hann Kenneth Galbraith. Og Winston gamli hefði tekið undir með honum, að minnsta kosti um þessar mundir - og undanfarin ár. 

Allt hefur sinn rétta tíma. Sinn tíma og stað. Oftast væri ég repúblikani byggi ég í landi Krugmans

En ég er íhaldsmaður 

(by trial and error)

Steingrímur J. Sigfússon bíður eftir næstu sprautu úr fljótandi pakkanum

Þingmenn sækja umboð sitt til kjósenda.

 

Væri pólitískt vændi bannað með lögum þá væri formaður Vinstrihreyfingarinnar græns framboðs líklega kominn undir hendur lögreglu landsins.

 

Hér höfum við stjórnmálamann sem ekkert nema svart fingrafar hefði sett á fullveldis- og sjálfstæðisbaráttu Íslendinga, hefði hann verið uppi á þeim tímum er hún stóð sem hæst. Þannig stjórnmálamaður hefði aldrei staðið með þjóð sinni á þeim tímum. Hann hefði alltaf aðeins þjónað sjálfum sér, eins og hann gerir í ríkisstjón í dag.

Steingrímur J. Sigfússon er líklega mesti hugleysingi sem gengt hefur forystuhlutverki í íslenskum stjórnmálum. Þessi síðasta sort stjórnmálamanna getur reynst frelsi og lýðveldi Íslendinga banvæn.

 

Steingrímur J. Sigfússon er umboðslaus stjórnmálamaður

Ekki talsmaður skyndiákvarðana

Portúgalska ríkið gerir lífeyrissjóði landsins upptæka

Ferkúlus Smèskavos yfirmaður göngudeildar Portúgals inn í Evrópusambandið hefur rétt í þessu þjóðnýtt nokkurt magn lífeyrissjóða og flutt eignir þeirra út úr bankakerfi landsins og yfir á reikninga ríkisins. Aðeins sjálfar eignir lífeyrissjóðanna eru fluttar yfir í bækur ríkisins. Allar hugsanlegar kröfur eru hins vegar látnar eftir í friði hjá þeim sem áttu. Þetta er gert til þess að bjarga myntinni evru frá því að leysast upp og leka ofan á Evrópusambandið í Brussel.

Fyrir vikið lítur taprekstur portúgalskra stjórnmálamanna á ríkissjóði landsins betur úr í augum Evrópusambandsins. ESB-hagstofan Eurostazi segist ætla að líta fram hjá, enda sé hér með verið að bjarga sjálfri evrunni. 

 

Bankakerfi Portúgals hefur brátt verið lokað af frá umheiminum í full tvö ár. Alþjóða Gjaldeyrissjóðurinn, Eurostazi og ECB-seðlabanki evrunnar stýra nú landinu.

Næst hafa Þjóðverjar heitið Portúgal aðstoð í formi ókeypis járnbrautarflutninga á gullforða landsins austur á hjartadeild Evrópusambandsins. En þar er kanslari frú Angela von Merkel nú á dráttarvélarnámskeiði með herfi.

 

Portugal raids pension funds to meet deficit targets

 

 

  

Evruhamingja; 2000 læknar í Slóvakíu segja upp störfum

 

Slóvakía asnaðist til að taka upp evru þann 1. janúar 2009 og hefur nú opnað pakka sína. Landið er því strax komið á niðurskurðarborð seðlabanka munkaklausturs Evrópusambandsins í Frankfurt og Brussel. Bankakerfi Slóvakíu og allra 17 landa evrusvæðisins eru í þessu sama klaustri og enginn vil heldur lána ríkissjóðum þeirra peninga nema á okurvöxtum.

 

Lífinu er nú haldið í þessum klausturbúum Evrópusambandsins með niðurkasti Bandaríkjadala úr flugþyrlu Ben S. Bernanke seðlabankastjóra Bandaríkjanna, sem flýgur yfir klausturgarða evrusvæðisins einu sinni á degi hverjum -frá og með í gær- og kastar niður til þeirra gjaldmiðli sem bankar evrulanda treysta.

Þessir 2000 læknar í evrulandinu Slóvakíu sem sagt hafa upp störfum sínum í evruparadís ESB, segja að laun þeirra séu svo lág að hámenntaðir sérfræðingar hafi sem svarar til 250-350 þúsunda í laun á mánuði við að vinnu sína í heilbrigðiskerfi Slóvakíu sem hvort sem er sé gjörónýtt, óháð lágum launum þeirra og störfum. Ástandið geti því varla orðið verra.

Íslenskir læknar staðsettir í norskum og sænskum krónum munu auðvitað koma hér ríðandi á íslenksum hestum sínum Slóvökum til aðstoðar. Eða verður það öfugt?

 

Evra Evrópusambandsins var innleidd í 17 ríkjum sambandsins svo húsmóðir í svörtum kjól með fimmtugan atvinnulausan heimabúnadi einkason sinn í Róm geti séð hvað franskbrauðið í bakaríinu á Hillasillalagötu 15 í Helsinki kostar.

Þetta er altså ekki frétt frá Samfylkingarútvarpinu ESB-pravda-RÚV

 

Krækjur: 

 

1. desember og fullveldið 

Slovak doctors to quit en masse over low pay

Hospital crisis continues; over 1,200 doctors are now unemployed 

Sturtuvagnar markaða dumpa evruskuldum á öskuhauga sögunnar

Mynd; evruupptakari

 

Hlössum af ríkispappírum gefnum út af evruríkjum í evrum er nú sturtað á ruslahauga sögunnar eftir 13 ára veruleikaflótta. Neyðin er orðin svo áberandi að bræðraþjóðir eins og Svíar og Finnar eru að skiljast að, því á milli þeirra var byggður Brusselmúr sem skilur á milli heims og heljar þjóðríkja. Finnska ríkið lét mynt sína detta inn í Brusselmúrinn og stendur nakið með evrumynt í upplausn. Enginn vill lána finnska ríkinu peninga nema það greiði tvöfalt hærri áhættuþóknun en krafist er af sænska ríkinu.

 

Svíþjóð er með sænska krónu sem er í himnesku jarðsambandi við seðlabanka þjóðríkis sænskra þjóðfélagsþegna. Finnland er hins vegar læst inni í seðlabankalingi Evrópu-Ekkertsambandsins og lyklinum hefur verið hent.

 

Bankakerfi evrulanda eru nú undir áhlaupi ríkisstjórna evrulanda, sem allar bjargir eru bannaðar. Þær þrýsta skammbyssunni hér að ofan að gagnaugum sínum og hóta að taka í gikkinn ef síðasti bankinn í ríki þeirra neitar að lána þeim síðustu evruna úr kassanum.

 

Áhrifin á hagkerfin eru þau að bankarnir geta ekki gengt hlutverki sínu sem áburðarverksmiðja atvinnulífsins. Fyrirtækin svelta því ríkið var svo heimskt að henda mynt sinni inn í Brusselmúr Evrópusambandsins. Og nú er ríkið á leið í þrot vegna myntar sem er í upplausn. Fyrirtækin í evrulandi búa sig nú undir endilok evrunnar. 

Á meðan skoðar íslensk ríkisstjórn steingeitar, gungu og druslu teiknimyndaseríur frá síðustu dögum Pompei í Der Untergang Stjórnarráðsins í 101 Reykjavík. 

 

Krækjur: 

 

Paul Krugman; The Euro Curse

Wall Street Journal; European Nations Pressure Own Banks for Loans

Financial Times; Businesses plan for possible end of euro 

Loftsteinninn evra að falla á forsíðu Hagfræðingsins

15 ára gamla aðvörun The Economist sést neðst. Og hún er klassísk. Þá voru 155 hagfræðingar sammála um eitt. Í dag er evran að falla sem gereyðingarvopn ofan á þjóðríkin.

Árið 2011

Eru þetta endalokin?

Árið 1996

1998 - Þá voru 155 hagfræðingar sammála um eitt

1985 - Evrópusambandið er steindautt