Vatnaskil í alþjóðavæðingu tölvunargeirans. Pólland grípur til sinna netráða

"Think different" [og þú verður tekinn úr sambandi] - var ekki það sem Steve Jobs meinti með þessu slagorði. Þarna sést hann á mynd með repúblikananum og um tíma óháðum Ross Perot, sem hjálpaði honum á fætur eftir eftir að Steve var rekinn frá Apple og byggði þá með aðstoð Perot upp Next, sem síðar varð kjarninn í Apple er Steve snéri aftur til að bjarga sökkvandi skútu sykurvatnsmanns, með einu stórkostlegasta "turnaround" fyrirtækjasögunnar. Steve hefði kosið Trump því hann trúði á framfarir og vissi vel að þeim fylgdu næstum ófrávíkjanlega umbrot. Í dag hefði hann sennilega rekið Tim Cook forstjóra Apple fyrir IBM-heimsku. Risa-EDS tölvunarmaðurinn Ross Perot er sá óháði forsetaframbjóðandi sem náð hefur mestum árangri í sögu Bandaríkjanna, fyrir utan Teddy Roosevelt. Hann felldi George Bush eldri í forsetakosningunum 1992. Einnig hann þekkti IBM-heimsku manna best, enda átti hann ávallt bara eitt par af skóm

****

ÁRÁS HEIMS-TÖLVUNARKLÍKU

Alþjóðavæddur gagna- og upplýsingageiri veraldar varð fyrir ofurfyrirsjáanlegri tölvuárás undanfarna daga. En í þetta sinn kom árásin innan frá. Var henni beint að eina landskjörna fulltúra bandarísku þjóðarinnar; forseta hennar. Hann skyldi tekinn úr sambandi við kjósendur, og þeim í staðinn stungið í einokunarsamband við þessa (NGO) klíku ókjörinna og fossríkra manna. Hvað gerist næst? er því ófrávíkjanlegt og augljóst mál. Sú alþjóðavæðing sem kom gagna- og upplýsingageirum þjóðríkja í einokunarsamband við þessa fámennu klíku plebba með háskólagráður, mun snúast við og taka enda eins og gerst hefur á öðrum sviðum veraldar, frá og með 2008; Tölvunar-Brexit-Trump mun eiga sér stað. Enginn er óhultur lengur með gögn sín og tölvunargetu í höndum umræddra gagna-baróna. Það er hér með bæði sannað og staðfest. Og engar ríkisstjórnir né stofnanir þjóðríkja geta lengur verið þekktar fyrir úthýsingu til annarra landa í þeim efnum. Heldur ekki fyrirtæki veraldar. Umrædd úthýsing reyndist verk plebba - eins og í bóluefnismálum. Eina ástæðan fyrir því að bóluefni við kínversku Wuhanveirunni er komið á tröppur þjóða núna, er grjóthörð samkeppni milli landa og fyrirtækja þeirra. Lesið varir mínar: úthýsing er óafsakanleg á flestum sviðum. Hún festir afturfarir í sessi

PÓLLAND GRÍPUR TIL SINNA RÁÐA

Pólska ríkisstjórnin, sem rétt svo nýlega sloppin er undan síðasta þöggunar-skriðjökli kommúnista á borð við þá sem nú eru að reyna og hafa að hluta til gert bandaríska demókrataflokkinn að flokki hinna fossríku ríkisbubba aðeins, er hoppandi reið yfir því sem fram fer á veraldarvefnum núna. Hún er því að smíða ný lög sem veita framkvæmdavaldinu heimildir til að sekta til dæmis "félagsmiðla" um 1,5 milljón evra fyrir hvern þann tilburð netfyrirtækjanna til ritskoðunar á tjáningu Pólverja á netinu sem stenst pólsk lög. Hart verður látið mæta hörðu

TVÍÁLA ÁSTAND BEGGJA MEGIN ATLANTSHAFS

Aðgerðarsinnar stormuðu þýska þingið í ágúst í fyrra. Ástæðan var sögð aðgerðir stjórnvalda þýsku ríkjanna sem mynda sambandsríki Þýskalands í sóttvarnarmálum. Þar eins og í Ameríku eru það ríkin en ekki forsetinn eða kanslarinn sem ráða framkvæmd sóttvarna. Í Hollandi réðust bændur með dráttarvélum sínum á ríkisstjórnarbyggingar vegna samsæriskenningasmiðju stjórnmálamanna um "losanir" vegna áburðar. Ekki er þó átt við að heilabú ríkisstjórnarmanna hafi losnað og þau farin að skrölta sbr. losun, en það er þó ekki fjarri lagi

Samningar Angelu Merkel við kínversku alræðisstjórnina um 135 milljarða evru "fjárfestingar" mun ekki fara vel í landsmenn hennar og heldur engan annan í Evrópu og NATO, því það inniheldur engar varnir fyrir gögn borgaranna, og hún neitaði ennfremur að skilyrða þær því að þvingað þrælavinnuafl ríkisstjórnar Kína væri ekki hluti þess. Donald J. Trump forseti hefur til dæmis bannað kínversku Alipay greiðsluþjónustuna því gögn hennar eru nú á leið í vasa Kínverska kommúnistaflokksins, sem tekið hefur hana til meðferðar vegna valdaógnar hennar við alræðisveldi Kommúnistaflokksins

Í tannhjólandi Þýskalandi halda menn hins vegar bara áfram að stæra sig af því að vita sem minnst um tölvunar- og gagnamál, sem bera má saman við að monta sig af því að hafa ekki kunnað tal-í-síma-brölt er talsíminn komst í almenna notkun í þróaðri löndum veraldar fyrir 120 árum síðan

GOTT OFBELDI OG SLÆMT OFBELDI

Bandaríski demókrataflokkurinn virðist nú aðhyllast ofbeldi með því að flokka það í slæmt og gott ofbeldi. Þegar flokkurinn með aðstoð "félagsmiðla" –og peningagjafa frá forstjórum þeirra– hvetur til óeirða í landinu, þá er það samkvæmt þessu látið ganga óáreitt fyrir sig og alls ekki fordæmt þó svo að 700 bandarískir lögregluþjónar þjóðarinnar liggi í valnum, flestir meiddir og slasaðir, en sumir látnir. Byggingar og hverfi borgaranna hafa verið bæði hertekin og brennd niður, og einkafyrirtæki lögð í rúst og þar með ævistarf þeirra sem þau stofnuðu og ráku. Ástandið var orðið svo slæmt að versalnir og íbúar negldu krossvið fyrir gluggana rétt fyrir forsetakosningarnar í nóvember, vegna þess að þeir voru orðnir næstum vissir um að Trump myndi vinna þær. Takið eftir að fólk var ekki hrætt við stuðningsmenn Trumps, heldur þann skríl sem rasar á götum landsins með óformlegum stuðningi Demókrataflokksins, sem neitar að fordæma ofbeldi þeirra þegar þeir tapa, eins og þeir gerðu 2016 og sennilega 2020 líka, en það á þó enn eftir að koma í ljós því Trump hefur enn ekki játað sig sigraðan og þar með ekki viðurkennt úrlistin sem flokkur Joe Bidens ætlar að byggja forsetatíð hans á

NIÐURLAG (sólarósamkomulagið)

Alþjóðavæðingin, þ.e. tilraunir elíta til heimsstjórnunar, berst um á sama dánarbeðinu og Evrópusambandið hefur verið fast á síðastliðin 35 ár. Pendúllinn hefur nú flutt á þann stað í sveiflunni að hann getur ekkert annað farið en til hægri, segir Pat. Kannt þú hægri stjórnmálamaður góður? Eða ertu kannski bara að bíða eftir að þér sé skammtað bóluefni frá Evrópusambandinu samkvæmt bænaskjali  – og "mátt því ekki vera að þessu"

Fyrri færsla

Gagnaveitur í Bandaríkjunum loka fyrir Facebook og Twitter [u]

Hvíta húsið birtir ávarp frá Trump

Gagnaveitur í Bandaríkjunum loka fyrir Facebook og Twitter [u]

Mynd, Wikipedia: Þegar vinstrimenn reyndu að sprengja þinghús Bandaríkjanna í loft upp í nóvember 1983. Federalist fjallar um það. National Geographic segir hins vegar söguna um fleiri slíkar árásir, en þó enga um tískuljósmyndun bandarískra þingmanna í þingfundarsalnum "fyrir vini sína í Lundúnum"

****

Internetþjónustufyrirtæki (e. internet service providers) í Idaho og Washington ríkjum Bandaríkjanna hafa ákveðið að loka frá og með næstkomandi miðvikudag fyrir alla gagnaumferð til og frá Facebook og Twitter. Segja fyrirtækin að viðskiptavinir hafi látlaust hringt til þeirra og kvartað yfir því að þau [internetþjónustufyrirtækin] séu að veita fyrirtækjum á borð við Twitter og Facebook aðgang að internetinu

Í tilkynningu frá netþjónustufyrirtækjunum segir að viðskiptavinir hafi vakið athygli þeirra á að ofangreind fyrirtæki séu önnum kafin við að ritskoða viðskiptavini, gögn þeirra og upplýsingar

Segir í tilkynningu að of margir viðskiptavinir hafi hringt og kvartað til að þau geti annað því, "og höfum við því ákveðið að loka alveg fyrir Facebook og Twitter og við opnum ekki aftur nema þá til þeirra sem biðja sérstaklega um það. Hið sama munum við gera við önnur fyrirtæki sem taka þátt í ritskoðun"

"Hafa viðskiptavinir okkar sagt að þeir vilji ekki að börn þeirra fari á vef svona fyrirtækja. Tveir þriðjuhlutar viðskiptavina okkar óska eftir að við lokum á þessi fyrirtæki", segir í tilkynningunni

"Við sem fyrirtæki getum heldur ekki samþykkt að Google, Amazon, Twitter, Apple og Facebook séu að kúga önnur fyrirtæki á borð við Parler til undirgefni og þar með að kæfa samkeppni". Við trúum ekki að vefsetur þessi hafi vald til að ritskoða gögn og leyna upplýsingum fyrir þér, segir ennfremur | Breitbart

****

PS: Olivia MFSK er stafrænt og hnattrænt internet á stuttbylgju sem notar heiðhvolf jarðar sem "ISP" eða internetþjónustu. Svo er það náttúrlega telefaxið, en það var fundið upp áður en Arnold Schwarzenegger fann upp mannkynssöguna

Uppfært:

Ánægja Bandaríkjamanna með störf Donalds J. Trump forseta hefur ekki minnkað eftir atburðina í Washington D.C. í síðustu viku. Það kom fram í reglubundinni könnun Rasmussen Reports í gær. Þannig segjast 48 prósentur þjóðarinnar ánægð með störf hans á meðan 51 eru óánægð. Þetta kemur ekki á óvart því fáir Bandaríkjamenn hafa áhuga á því sem gerist í pólitískri höfuðborg landsins. Útlönd hafa mun meiri áhuga á Washington D.C. en Bandaríkjamenn, enda er þar lítið annað en mýri sem sökkvir borginni sjálfkrafa ef hún verður of þung

"Og ég er ekki einu sinni með gítar" - sagði Donald J. Trump er 45.000 manns mættu á kosningasamkomu hans í Butler í Pennsylvaníu í byrjun nóvember

Sennilega mun bjánaskapur Twitter og Facebook renna inn í mannkynssöguna sem ein stærstu afglöp í fyrirtækjasögu Vesturlanda. Að minnsta kosti er Eurointelligence sammála mér í því. Þögult bankaáhlaupið á þau tvö verður ekki stöðvað, segi ég, því það litla traust sem þau höfðu er farið. Stærstu afglöp í fyrirtækjasögunni síðan að Coca Cola framdi sjálfsmark með Classic Coke, segir Wolfgang Munchau í dag

Fyrri færsla

Trump afnemur takmarkanir á samskiptum við Taívan. Navalny fordæmir Twitter

Trump afnemur takmarkanir á samskiptum við Taívan. Navalny fordæmir Twitter

TAÍVAN OG BANDARÍKIN

Mike Pompeo utanríkisráðherra Trumps tilkynnti á laugardag að frá og með nú hafi bandaríska utanríkisráðuneytið afnumið allar takmarkanir sem verið hafa í gildi á gagnkvæmum samskiptum bandarískra ríkisins, embættismana þess og annarra við Taívan. Segir Pompeo að til að þóknast kommúnistastjórninni í Kína hafi bandaríska utanríkisráðuneytið og stjórnsýslan áratugum saman sett og haft í gildi flóknar sjálfskapaðar takmarkanir á samskiptum Bandaríkjanna við Taívan. "En ekki lengur" sagði hann. Heilbrigðismálaráðherra Trumps, Alex Azar, var fyrsti ráðherra í ríkisstjórn Bandaríkjanna til að heimsækja Taíwan frá því 2014, en hann heimsótti Taívan í ágúst í fyrra | Newsmax

(ath: ég kræki með vilja ekki á frétt WSJ um sama efni því mér er orðið svo illa við blaðið að sennilega mun ég segja upp 15-ára áskrift minni þar, því þeir eru í anda á leið til Kína og tekst ekki lengur að leyna því. Í kjölfar Brexit 2016 sagði ég 10-ára áskrift minni að Financial Times upp og mun aldrei lesa það samsærisblað gegn bresku þjóðinni aftur)

NAVALNY OG TWITTER

Rússneski stjórnarandstöðumaðurinn Alexei Navalny sem fer fyrir rússneska framfaraflokknum, fordæmir Twitter fyrir að hafa ritskoðað og bannað Donald J. Trump forseta Bandaríkjanna á því sem sumir kalla "samfélagsmiðli" fyrirtækisins. Segir hann að ritskoðun Twitter á Trump forseta sé eins og ritskoðun Pútíns á honum. "Kaldrifjaðir morðingjar nota Twitter eins og ekkert sé" og nefnir hann að Pútín forseti og Maduro einræðisherra Venesúela noti Twitter án takmarkana

"Ég fæ líflátshótanir á hverjum degi, árum saman, og Twitter bannar engan (ekki það að ég biðji um það)" segir hann, og bætir við að geðvillinga-verksmiðjur einræðisherraríkja sem fjöldaframleiða notendareikninga á Twitter noti "samfélagsmiðilinn" til að koma ríkisstjórnarmorðgengjum sínum á framfæri þar | Breitbart

RICHARD GRENELL, TWITTER, PARLER

Fyrrum sendiherra Trumps Bandaríkjaforseta í Þýskalandi og friðarsamkomulagssmiður forsetans í samningunum milli Serbíu og Kosovo segir að að Twitter mæli enn með því að notendur fylgi Ayatollah Ali Khamenei og Kínverska kommúnistaflokknum á vef fyrirtækisins. Forstjóri félagsmiðilsins Parler segir að "hengjum Mike Pence varaforseta" sé "trending" eða auglýst sem vinsældavaxandi lykilslagorð á Twitter núna. Er Amazon Inc. nú að henda Parler út úr hýsingarþjónustu hjá því. Tölvuský Amazon endar þarna eins og önnur ský í regni, eins og við var að búast af þeirri tískubrellu. Þá vita öll önnur fyrirtæki í regnskýinu á hverju þau geta átt von | The Federalist

SPIKED OG TWITTER

Ritstjóri Spiked, Brendan O’neill, telur að með samræmdri tölvuárás tæknigeirans –sem enginn kaus– á forseta Bandaríkjanna sem 74 milljónir manna kusu, hafi hinir nýju oligarkar Kísildalsins komið í veg fyrir samskipti forsetans við bæði fylgismenn hans og gagnrýnendur á hinu opinbera torgi veraldarvefsins. Telur Brendan að útilokun tæknigeirans á lýðræðislega kjörnum forseta Bandaríkjanna marki söguleg tímamót í stjórnmálum og menningu Vesturlanda. Og vanmeti menn mikilvægi þessara tímamóta, sé það á okkar eigin ábyrgð. Grein Brendans er mikilvæg. Hana má lesa hér: The woke purge

APPLE, AMAZON, GOOGLE, TWITTER, FACEBOOK OG FLEIRI

Ég hef átt og unnið á og notað nær öll tölvkerfi samtímans frá 1985, miðlæg einnig, en sem langtíma Applenotandi í 30 ár og maraþonfjárfestir hef ég kannað stemminguna í mínu gamla baklandi, og sé að þar segja menn að um eins konar sjálfsmark sé að ræða með því að Apple skuli ætla að banna niðurhal á til dæmis Parler en ekki líka á Twitter og Facebook osfv., fyrir lófatölvur fyrirtækisins. Google hefur þegar lokað á niðurhal á Parler og lokað á íhaldsmenn á YouTube. Segja sumir að sleggjan í 1984-auglýsingu Steve Jobs á Macintosh sé þar með að hitta sjálft Apple núna, undir stjórn Tim Cook. Því er ég sammála og tek undir

Reyndar er ég viss um að Steve Jobs hefði kosið Trump væri hann enn á lífi því hann trúði á framfarir og þeim fylgja umbrot, en hann hefði samt aldrei farið til Washington, sem hann og aldrei gerði. Hann rak fyrirtæki sem fann upp nýjungar og sem græddi foss peninga á því, til að geta búið til enn betri vörur. Hann rak ekki pólitískan kjaftaklúbb, eins og ég sé til dæmis líka hjá íslenskum bönkum í dag, sem senda viðskiptavinum umhverfisáróður úr samsæriskenningasmiðjum öfgavinstrimanna um lofthita jarðar. Banki er bissness en ekki pólitísk kjaftahóra. Trú mín á bankanum sem sönnu fyrirtæki beið þarna skaða

Steve vissi að hann eins og hver annar stjórnandi bakarís, vissi ekkert um stjórnmál frekar en stjórnmálamenn vissu um tölvunartækni. Og til að passa sig, sá Steve ávallt til þess að hann og fjölskylda hans byggi meðal almennra borgara landsins og vissi því hvað þeir voru að hugsa og hvað þá vantaði. Trúi ég ekki öðru en að Tim Cook forstjóri Apple verði rekinn. Ég vona það að minnsta kosti. Hirðfíflin sem reka "samfélagsmiðlana", tekur sig ekki að minnast á með nafni

Sjálfur hef ég aldrei skráð mig á samfélagsmiðil og mun sennilega aldrei gera það úr þessu. Ég vissi vel hvernig þeir myndu verða, því viðskiptalíkan þeirra frá upphafi er ónýtt, og þau eru alls ekki tæknifyrirtæki. Þau eru bara gamaldags gratís-auglýsingafyrirbæri þar sem notandinn er eina vara þeirra. Ég er ekki vara

Hollt er að muna að stofnandinn Steve Jobs var rekinn, en kom síðan sterkari til baka, meðal annars með aðstoð Ross Perot. Sykurvatnsmaður við stýrið á skútunni á meðan gekk auðvitað ekki upp. Verður það eins með Trump?

ÁBÓTIN

Victor Davis Hanson bóndi í hlaðvarpsþætti John Batchelor: Um ólætin á Þinghúshæðum sem náðu ekki sambærilegum hæðum og árás Demókrataskríls á Hvíta húsið síðastliðið sumar

****

Fyrri færsla

Ný brennu-mannkynssaga Demókrata að hefjast?

Ný brennu-mannkynssaga Demókrata að hefjast?

Febrúar 2020: Nancy Pelosi þingleiðtogi Demókrata rífur stöðuræðu forseta Bandaríkjanna að baki hans í tætlur í beinni sjónvarpsútsendingu frá þinghúsi þjóðarinnar

****

BRENNUKRATASAGA

Hvað var það sem til dæmis Nancy Pelosi leiðtogi meiri hluta Demókrata í fulltrúadeild Bandaríkjaþings gerði er hún reif stöðuræðu forseta Bandaríkjanna í tætlur í beinni sjónvarpsútsendingu til þjóðarinnar (State of the Union Address). Hverjum sigaði hún þá á þinghús þjóðarinnar?

Hvaða áhrif hafði það á bandarísku þjóðina að horfa á Demókrata halda því fram að niðurrif skríls á borð við rasista- og fasistahreyfingarnar BLM og Antifa á helgidóma- og sáttargjörðamerkjum lýðveldisins, ásamt árásum á lögregluna, innbrotum, þjófnaði, hertökum, hverfistökum og yfirþyrmandi lögleysu, væri ásættanlegt og sjálfsagt mál sem þeir, Demókratar, vikust undan að fordæma og stöðva, en hvöttu í staðinn til, til þess eins að ná sér niðri á sitjandi forseta þjóðarinnar?

Greinilegt er á öllu að innbrotið í þinghús bandarísku þjóðarinnar á nýliðnum dögum var ekki eitt af áhyggjuefnum lögreglunnar í höfuðborg Bandaríkjanna, því engin fordæmi voru um annað en að stuðningsmenn Trumps forseta hegðuðu sér nær óaðfinnanlega friðsamlega hvar sem þeir höfðu farið í landinu mikla, þrátt fyrir hinn mikla fjölda þeirra og ástandið í landinu

Lögreglan bjóst því ekki við neinu öðru en friðsamlegum mótmælum. Það gerði hún þrátt fyrir það að stuðningsmenn forsetans, og reyndar þjóðin öll, hafði í næstum heilt ár mátt þola að horfa upp á Demókratastuddan skríl vinstri-öfgahreyfinga brenna Bandaríkin niður út um næstum allt - og að fjölmiðlar landsins væru meðvirkir í því

Þá var þjóðinni bara sagt að brennuvargarnir væru handhafar hugmyndafræði sem krefðist þess að Bandaríkin væru brennd niður og dagatalið stillt á árið núll og ný mannkynssaga útópískra öfgamanna vinstrisins væri að hefjast. Að leggja þvílíkan viðbjóð eins og þessa fjölmiðla í slefbandi Demókrata á eina þjóð er svo alvarlegt umhugsunarefni að það hálfa væri nóg

Að lokum fór svo að upp úr sauð. Það hljóta allir hugsandi menn að hafa mátt vita

Skyldu Demókratar enn kalla eftir því að lögreglan sé lögð niður, eftir innbrotið í þinghúsið? En það gerðu þeir í næstum ár til þess eins að brennuvargalið þeirra fengi frítt skotleyfi á þjóðina og eigur hennar

Nú þegar Demókratar hafa logið til sín forsetaembættinu eins og skrílsleiðandi vinstrimenn lugu sér hér heima til valda 2009 og sviku svo allt, þá bíð ég spenntur eftir að skrílshvetjandi nýr forseti brennuvarga stilli til friðar í landinu mikla. Trúir einhver maður með fullu viti því? Nítján ríki Bandaríkjanna reyndu að kæra kosningu hans!

****

Trump forseti sendi skilaboð til þjóðarinnar í gærkvöldi og fordæmdi þar innbrotið og ofbeldið

Donald J. Trump forseti Bandaríkjanna. Koma 2022 og 2024 næst?

Fyrri færsla

Ófriður í Washingtonborg [u]

Trump fordæmir árásina

Ófriður í Washingtonborg [u]

Á sama tíma og Kínverski kommúnistaflokkurinn lét handtaka 53 virkustu og lýðræðis-hlynntustu stjórnmálamenn Hong Kong, þá eyddi Angela Merkel kanslari Þýskalands og Ursula von der Leyen forseti framkvæmdastjórnar Evrópusambandsins tíma sínum í að útdeila ákúrum á forseta Bandaríkjanna á meðan þær létu Peter Stano, sem er talsmaður Josep Borrell varaforseta framkvæmdastjórnarinnar, um að tísta um framferði Kínverska kommúnistaflokksins, sem Merkel er nýbúinn að semja um "fjárfestingar" við

****

Þessi skilaboð Trumps forseta síðdegis í gær má sjá hér. Þessa færslu forseta Bandaríkjanna ritskoðaði Twitter burt

****

Vegna þess sem rætt var um í síðustu bloggfærslu og þess sem hefur verið að gerast í aðalstöðvum umboðsmanna bandarísku þjóðarinnar í dag, þá kom meðal annars þessi athugasemd:

"Gunnar; þinn maður er aldeilis að gera gott mót í höfuðborginni núna.

Þegar lögin virka ekki, þá er besta að taka þau í eigin hendur og þramma inn með stuðningsfólkið á þingið...."

ÞESSU SVARAÐI ÉG SVONA

Þakka ykkur fyrir Sigfús og Brynjar. Það er hægt að hafa ýmsar skoðanir á forsetakosningunum í Bandaríkjunum. En miðað við það sem þið vinstrimenn stóðuð fyrir hér á Íslandi eftir alþjóðlegu fjármálakreppuna, eru þetta smámunir sem eru að gerast í Washingtonborg núna

Og þetta eru smámunir miðað við það sem Demókratar hvöttu til og heppuðu áfram í Bandaríkjunum síðasta vor og sumar, þar sem vinstriskríll hertók borgarhluta og brenndi niður einkaeigur og lífsverk saklausra borgara, mánuðum saman!

En staðreyndin er samt sú að 46 prósentur bandarísku þjóðarinnar trúa því í einlægni að kosningarnar séu svikin vara. ÞAРeitt og sér ER vandamál, og sem ætti ekki að gerast

Við erum líklega að horfa á stofnanakreppu (e. institutional crisis). En samt hafa Bandaríkin ekki fallið niður á planið sem Evrópusambandið hefur verið á í 30 ár: þ.e. að krefjast þess að kosið sé aftur og aftur þegar því líkar ekki úrslit kosninga og að vinna að því frá útlöndum að ógilda þjóðaratkvæði bresku þjóðarinnar í fjögur ár

Það góða er þó það að Bandaríkjamenn munu ekki leyfa stofnanakreppukepp á borð við Evrópusambandið að þróast óáreitt í 30 ár, án þess að nokkuð sé gert og aðhafast til að stöðva hann og bæta úr málum

Þetta núna og kosningarnar 2016 þar sem Demókratar heimtuðu líka rannsókn á kosningunum og reyndu að fá þær ógiltar í að minnsta kosti þremur ríkjum, er merki um að fólk sé hætt að treysta þeim stofnunum sem á að vera hægt að treysta

Að öðru leyti vísa ég ykkur á næstu verslun þar sem snuð fyrir smábörn fást. Væl ykkar er aumkvunarvert

Uppfært:

UM STOFNANAKREPPUR BANDARÍKJANNA

Ég myndi telja að kosningasvik séu mun alvarlegri árás á lýðræði en það sem gerðist við þinghús Bandaríkjanna í gær. Munurinn á því sem gerðist í gær og á kosningakerfissvikum, er sá að það sem gerðist í gær er sýnilegt, en kosningasvik fara ósýnilega fram eins og þegar Lehmansbræðrabankinn var tæmdur án þess að neinn stæði þar í biðröð fyrir utan. Sama má segja um það þegar íslensku bankarnir voru tæmdir innanfrá. Hingað til hafa allar athafnir stuðningsmanna Trumps verið friðsamlegar, og þetta sem gerðist í gær á eftir að rannsaka. Ekki er hægt að segja hið sama um það sem Demókratar hafa stutt við bakið á síðustu 12 mánuðina. Hafa ber í huga að 19 ríki Bandaríkjanna hafa reynt að fá hæstarétt landsins til að taka málið um kosningakerfissvik í fjórum ríkjum fyrir

3. Síðasta og þriðja stofnanakreppa Bandaríkjanna snérist um að endurskilgreina hlut og hlutverk alríkisstjórnarinnar í hagkerfinu og í stríðsrekstri á erlendri grund, og þá þýðingu sem slíkt aukið hlutverk hafði á allt hagkerfi þjóðarinnar og líf borgaranna

2. Þar á undan snérist önnur stofnanakreppa Bandaríkjanna um hvort væri æðra og réði málum við úrlausn vandamála: ríkin sjálf eða alríkisstjórnin, og kom hún í kjölfar borgarastyrjaldarinnar

1. Fyrsta stofnanakreppa Bandaríkjanna snérist hins vegar um sköpun alríkisstjórnarinnar, því uppsetning ríkjasambandsins (e. Articles of Confederation) virkaði ekki

4?. Í dag erum við sennilega að upplifa endalok þriðja stofnanatímabils Bandaríkjanna. Við tekur áratugur þar sem alríkisstjórnin mun þurfa að endurskilgreina samband sitt við sjálfa sig. Hún er farin að snúast of mikið um sjálfa sig og farin að lifa sínu eigin lífi (til dæmis með því að hýsa og ala við brjóst sér "djúpríkið")

Um þetta má meðal annars lesa í nýlegri bók George Friedmans sem kom út í ársbyrjun 2020: "The Storm Before the Calm", en Friedman er ansi glúrinn geopólitískur strateg. Segir hann að stofnanakreppur Bandaríkjanna komi á um það bil 80 ára fresti, og að í hvert sinn endurnýi þau sig og komi enn sterkari út að þeim loknum

En í þetta skiptið er staðan erfið, segir Friedman, því síðasta 50 ára félags- og efnahagslega hagsveifla Bandaríkjanna er að enda samhliða því að þriðja stofnanatímabilið er að enda líka. Þar á hann við að sjálf 50-ára hagsveifla örgjörvans er að enda samhliða því að síðasta stofnanatímabilið er að enda líka. Slíkt hefur aldrei áður farið saman. Þar á undan var það 50-ára hagsveifla bílaiðnaðarins sem endaði í kringum 1965. Og á undan henni hafði 50-ára hagsveifla rafvæðingar endað, er úr henni varð daglegt brauð og hún hætti að rúma alvöru nýjungar og vöðvaafl fremstu hátekju-fjárfestingartanka veraldar

Því miður drukknaði sjálf kynning bókarinnar í því írafári sem Friedman hafði spáð, og vegna heimsfaraldursins tók það Amazon hálft ár að koma henni yfir annan helming Atlantshafsins og hingað upp í Borgarfjörð til mín. En biðin var þó vel hennar virði

EFTIRMÁLI

Enginn veit enn hvað verður hið næsta og stóra "nýjasta nýtt", en það verða svo sannarlega ekki rafhlöður á hjólum né nýjungar úr tölvunarheiminum, því einnig hann er orðinn daglegt brauð og meira að segja daglegt rúgbrauð; hann er orðinn old-low-tech. Bandaríska þjóðin er kröfuhörð á nýjungar og framfarir og sættir sig ekki við stöðnun

Að setja hjól undir miðstýrðar ríkishlaðnar rafhlöður svarar ekki einu sinni til þess er vængir voru settir á vélknúin ökutæki, sem þá urðu að flugvélum. Rafhlöður svara í raun bara til Sovétríkjanna. Þarna er ekkert nýtt að gerast, bara gamalt. Sprengimótorinn sem mengar ekkert og skilar engu ónýttu út gæti þess vegna verið á tröppunum, án þess að neinn viti neitt um það. Slíkt skellur bara á, en breytir samt engu frekar en rafhlaða eða dísill breytti neinu nema því að ný ostategund bættist við á hillurnar. Og ef hillurnar verða of sovéskar þá er bara ostur fyrir ríkisbubbana á þeim, en fólkið áfram svangt

Fyrri færsla

Farið að fara um vélstjóra kosningasvikavélar Demókrata 

Farið að fara um vélstjóra kosningasvikavélar Demókrata

Mynd: Donald J. Trump, hinn skilvirki forseti Bandaríkjanna. Sá eini sem þorði að segja sannleikann um Kína, Miðausturlönd, ESB og NATO. Þennan mann þola embættismenn og fjölmiðlar ekki, því hann dró tjöldin inn til þeirra frá og opinberaði þá sem litla og gagnslausa. Þeir hefna sín á forsetanum og kjósendum

****

ORÐNIR HRÆDDIR

Næstum eins og klukkan slær, er hægt að reiða sig á að þegar Demókratar óttast að upp um þá komist; þá birtast "fréttir", oftast í krafti nafnlausra "heimilda", og upptökum er lekið til "fjölmiðla" um samskipti Trumps forseta við umheiminn. Það eitt að upptöku af samtali forseta Bandaríkjanna við einn ríkisstjóra þeirra skuli hafa verið lekið, sannar að það var einmitt sama fólkið sem stóð að því að stela kosningunum frá forsetanum. Að njósna um og leka upptökum af samtölum forseta Bandaríkjanna eru einmitt svik, svindl og óheiðarleiki af svipuðu tagi og viðhöfð voru í forsetakosningunum, í að minnsta kosti fjórum ríkjum Bandaríkjanna, og á kjörsvæðum er lúta stjórn Demókrata. Og þeir sem framkvæmt geta slík svik og leka eru einmitt þeir sem hafa möguleikana á því, og þar með einnig möguleikana á að koma á fót kosningavikavél þeirri sem óvinnufær Joe Biden drafaði um og minnist á í aðdraganda kosninganna

Þá vitum við það. Demókratar eru orðnir hræddir. Verulega hræddir

Nítján ríki Bandaríkjanna hafa reynt að kæra kosningarnar til hæstaréttar landsins. En sá réttur vill helst ekki vera settur í þá aðstöðu að þurfa að skera úr um hver réttkjörinn forseti er. Að minnsta kosti ekki á meðan bandaríska þingið er með verkfærin til þess. En það gæti hins vegar komið að því að boltinn lendi einmitt á endanum fyrir hæstarétti

Bara það eitt að helmingur bandarísku þjóðarinnar trúi því af einlægni að svindlað hafi verið í kosningunum er út af fyrir sig nógu stórt vandamál til þess að loksins sé litið á sönnunargögnin fyrir rétti og þingi. En slíkt hefur enn sem komið er ekki verið gert, og allir sem hugsa vita hvers vegna

Fyrri færsla

Dópstöðin EES

Dópstöðin EES

Vegna þessarar fréttar mbl.is

Helga Kristjánsdóttir skrifaði eftirfarandi athugasemd við síðustu færslu:

"Dálkahöfundur -NYT- Roger Cohen segir að Trump forseti geri atlögu að hjarta lýðræðisins og beri ekki virðingu fyrir sannleikanum....

Hér tökum við undir með Gunnari sem minnir okkur reglulega á hreint óþolandi framkomu stjórnvalda sem draga Ísland í aumingjaklúbbinn EES.

Af hverju svíkja menn þjóð sína? Sé það rétt að það séu peningar og völd, gerðum við bara í því að eyða hvorutveggja, jú allur heimurinn væri eftir allt með; Það finnast önnur ráð"

Svar mitt er þetta:

1. Ég les ekki New York Times og mun aldrei lesa það aftur, því það er ónýtt rusl og skólpveita

2. Þegar fullveldi og sjálfstæði ríkja er gert óverjanlegt með hálf-sovéskum samningum, sem stjórnmálamenn þola ekki að umgangast, þá er mikil hætta á að þetta tvennt breytist smám saman í nokkurs konar pólitískan söluvarning. Að fullveldið og sjálfstæðið breytist í pólitíska "skiptimynt" og sogist inn á kauphallargólf hinnar pólitísku elítugræðgi hins pólitíska hagkerfis sem orðið er tröllrisavaxið

Um þetta snýst Evrópusambandið og ekkert annað. Það er svarthol fyrir fullveldi og sjálfstæði þjóða. Það er dópstöðin fyrir pólitíska dópista

Það er ekkert bóluefni til við ESB/EES-fíkninni, eins og svo greinilega sést á krónísku deleríum heilbrigðisráðherrans. Tremminn kemur næst

Já Helga, það finnast önnur ráð: AFVÖTNUN

Fyrri færsla

Hjarðgjaldþrot í boði ESB/EES, í stað sjálfstæðis

Hafa ekki rætt veitingu bráðaleyfis á undan ESB

Hjarðgjaldþrot í boði ESB/EES, í stað sjálfstæðis

Telegraph: "Europe’s vaccination fiasco threatens to become the EU’s biggest failure

The politicisation by Brussels of Covid vaccines is turning into an economic and political black swan event – with a huge price to pay"

Niðurlag greinar AEP: "Ef að elítur Evrópusambandsins skilja ekki enn að þetta mál [bóluefnismálið] mun vinda sig upp í einn mesta, alvarlegasta og misheppnaðasta atburð í sögu sambandsins, þá munu þær komast að því bráðum." – Ambrose Evans-Pritchard viðskiptaritstjóri Telegraph þann 23. desember 2020

****

UM EKKERT-FLOKKANA

Nú þegar ljóst er að nær allir stjórnmálaflokkar Íslands eru orðnir batik-kerlingaklúbbar umhverfis EES-klúðurelda ríkisstjórnarinnar í bóluefnismálum, þá er vert að taka eftirfarandi fram og undirstrika:

ÖRYRKJABANDALAGIРESB

Evrópa frá og með tilurð Evrópusambandsins 1992, er orðin meginland sem snýst ekki um neitt annað en innanríkismál. Og mun það jafnframt aldrei geta snúist um neitt annað. Heimsálfan hefur engin áhrif út á við í heiminum og er hún jafnframt algjörlega misheppnuð elítustappa innávið. Ekkert meginlandsríki Evrópu hefur áhrif á neitt sem er að gerast í heiminum og hafa þau jafnframt lítil eða jafnvel enn minni áhrif á gang eigin mála. Þau fljóta bara stjórnlaust um í ESB-skólpinu og eru öll að farast, hvert á sinn hátt. Varla er hægt að ímynda sér verra ástand fyrir neitt ríki veraldar en það að vera í Evrópusambandi og EES

Telegraph: "In my view we are heading into a year where German popular support for the European Project will be stress-tested like never before. Two grave matters will intersect. It will become clear to all that the fundamental health security of the country has been endangered by EU politics. At the same time, monetary union will go through another spasm of tension." – AEP

LANDLÆST

Einu lönd álfunnar sem nokkru sinni haft hafa heimsáhrif, eru þau ríki sem liggja út við Atlantshaf. En um leið og Spánn og Portúgal, þ.e. Íberíuskagi, gengu í ESB, hurfu þau eins og Svíþjóð hvarf inn í svarthol Evrópusambands Þýskalands og Frakklands, og urðu þar með landlæst ríki sem ekkert geta. En þau tvö, þ.e. Þýskaland og Frakkland eru æðstu prestar Evrópusambands í einskonar innvortis og útópísku Kant-þorpi, sem klemmt og lokað er inni á milli Rússlands í austri, Tyrklands og Miðausturlanda í suðri, og Bretlands og Bandaríkjanna í vestri. Því meira ESB, því meira líkjast ríkin í sambandinu ríkjum Norður-Afríku, eða eins konar kalífat-stöppum þess heimshluta

Þessi nú landlæsti og seigfljótandi massi af mestu töpurum mannkynssögunnar, er það sem eftir er af Evrópusambandinu eftir að Bretland fór. Athugið að brottför Breta jafngildir því að hagkerfi þessara 19 landa yfirgæfu sambandið sama daginn:

Malta
Kýpur
Eistland
Lettland
Litháen
Slóvenía
Króatía
Búlgaría
Lúxemborg
Slóvakía
Ungverjaland
Grikkland
Rúmenía
Tékkland
Portúgal
Finnland
Danmörk
Írland
Austurríki

Það tekur sig ekki einu sinni að nefna Frakkland –þar sem búið var að bólusetja 125 manns í gær– á nafn lengur, því einnig áhrifamáttur þess á heimsvísu er orðinn að barmafullum og landlæstum afþýðingarbakka neðst í merkantílisma-ísskáp Stór-Þýskalands, sem er nýlenduherrann yfir þessu "öllu". Hefur Þýskaland heldur ekki nein áhrif í veröldinni önnur en þau að halda nýlenduherradæmi sínu saman með nýlendumyntinni evru, og að sjúga upp, en ekki skapa, eftirspurn frá borgurum annarra ríkja. Þýskaland er algjörlega ófært um að skapa sína eigin eftirspurn innanlands, svo getulaust og úrkynjað er það orðið sem sennilega mesti tapari mannkynssögunar, og er það því enn á örorkubótum frá Bandaríkjunum þegar að tilvistarlega mikilvægum málefnum lífsins kemur; þ.e. sjálfu lífinu og dauða

ESB og EES ER HEILABILUN

Það jafngildir því heilabilun að húkka sig EES-fastan við þennan sökkvandi ryðhrúgudall sem Evrópusambandið er. Og sést það skýrast á nýjasta nýlenduklúðri ríkisstjórnar Íslands þegar að bóluefni við kínversku Wuhanveirunni kemur. Hvílík smán fyrir okkur Íslendinga að vera í EES. Já hvílík smán!

Ég óska lesendum gleðilegs nýs árs og þakka ykkur fyrir þau liðnu

Ég læt þó það standa áfram sem ég sagði um ríkisstjórn okkar í þessum málum á Þorláksmessu. Það var og er þetta hér:

****

Tólið tekið af Svandísi-Sovét og kannski-bóluefni pantað hjá hverjum sem er

Af hverju vorum við ekki byrjuð að bólusetja þann 8.-12. desember eins og Bretar, Kanadamenn og Bandaríkjamenn? Er það vegna þess að Ísland er taglhnýtingur Evrópusambandsins?

ER ÞETTA HEILBRIGT?

Nú fáum við að vita frá klúðurstöðvum þess fólks sem verið hefur svo upptekið við að skipta sér ekki af sóttvarnarmálum Íslendinga, að forsætisráðherrann hafi rifið símtólið af Svandísi-Sovét ráðherra svo kallaðra "heilbrigðismála" og sem önnum kafin er við að senda þau úr landi, og hafið símhringingar út í heim til að leita að bóluefni við kínversku Wuhanveirunni

Tveimur dögum áður hafði forsætisráðherrann sagt þjóð sinni að nóg væri búið að gera í þessum málum

Síðan fáum við að vita að hún hafi pantað kannski-bóluefni frá einhverjum sem heitir Janssen og sem enn er á tilraunastigi og sem enginn veit enn hvort virkar né verði samþykkt né hvenær muni verða klárt til afhendingar

Hver vill til dæmis bóluefni sem tryggir kannski og kannski ekki 60-70 prósent vörn, og sem kannski og kannski ekki stenst próf, og fær kannski og kannski ekki lokasamþykki. Hver vil þannig vöru á meðan hægt er að fá bóluefni með 95 prósent vörn og 100 prósent vörn gegn alvarlegum sýkingum eins og frá til dæmis bandaríska Moderna?

Mjög svo mögulegt er að þetta svo kallaða "Janssen" fari á hausinn með sitt, því það sem einkennir lyfjabransann er fyrst og fremst það að hann er áhættubransi. Því hver vill það sem er ekki fyrst og best?

ENN ALLT Í KLÚÐRI

Þarna er því ekkert fast í hendi enn. Engar dagsetningar né neitt sem hægt er að byggja á. Ekkert hefur breyst. Allt þetta mál er enn í fullkomnu klúðri og staðreyndin er sennilega sú að við höfum misst af bóluefnalestinni eins og Morgunblaðið orðaði það í fyrirsögn greinar blaðsins þann 19. desember 2020. Við misstum af lestinni vegna EES-tengsla okkar við ESB

Það er sparnaður í því að fólk fái 95 prósent vörn gegn veirunni og 100 prósent vörn gegn því sem lagt hefur hald á gjörgæsluna; alvarlegar sýkingar. Það er hins vegar enginn sparnaður í því að klúðra málunum. Klúður, ábyrgðarleysi og vanræksla kostar. Mikla peninga og mannslíf

Forsætisráðherrann getur blaðrað og blaðrað, en staðreyndin er sú að við höfum þegar misst af bóluefnislestinni og verðum langt á eftir öðrum með sjálfa framkvæmdina, því farið var of seint af stað, því stólað var á nýlenduherranefnd í fjarlægri borg. Það er ekki hægt að bjóða þjóðinni upp á þessa romsu um eitthvað sem enginn veit hvenær kemur. Þess utan verðum við frá byrjun nálægt mánuði á eftir Bretlandi, Kanada og Bandaríkjunum með fyrstu skotin. Það tekur 28 daga að ná ónæmi eftir að tveggja þrepa skot hefjast

Þetta er því enn allt saman í klúðri og ekkert er enn fast í hendi og afhendingum, miðað við áður en forsætisráðherrann tók tólið af Svandísi-Sovét til að væla eins og ófullvalda ESB-taglhnýtingur úti í heim. Við þurfum dagsetningar og magn. Allt annað er bara hjal inn í óvissa framtíðina

Það er ekki nóg að segja að bóluefni fyrir svo og svo marga sé tryggt. Það sem öllu máli skiptir er að það komi sem fyrst þannig að um 12-24 mánaða ferli verði ekki að ræða. Við þurfum dagsetningar, gæði, vöruöryggi og afhendingaröryggi

HAFA EKKI GÆTT FJÖREGGS ÞJÓÐARINNAR

Ríkisstjórn EES-dópista okkar ætlaði sér í raun og veru að láta ESB/EES um þetta með því að senda bænaskjal til nefndar í Brussel og leggja sig svo á meðan og láta nýlenduherra ESB um þetta. Hvaða fífl byrjar til dæmis ekki að meðhöndla sjúklinga strax og það er hægt, í stað þess að bíða eftir einhverri gervi-samstöðu-dagsetningu sem nýlendunefndin í Brussel hefur gefið út, bara til þess eins að láta líta svo út að hún stjórni þessu og ríkin geti ekkert sjálf. Þetta varðar þjóðaröryggi!

Það átti aldrei að láta neinar ákvarðanir í hendur annarra um þetta mál. Slíkt mega fullvalda ríki ekki gera. Stjórnvöld okkar eru orðnir dópistar á því að umgangast EES-samninginn. Þau og embættismenn þoldu ekki alþjóða- og fjölþjóðadópið og hafa því misst vígtennurnar. Þau biðja bara um mjúka fæðu hjá fjarlægri nefnd eins og undir Dönum. Þau hafa misst vígtennur fullveldis og sjálfstæðis

Þetta er staðreynd málsins. Það er alger hryllingur fyrir fullvalda og sjálfstæða þjóð að upplifa svona þjóðsvik stjórnmálastéttarinnar

AÐEINS SAMKEPPNI SKILAR FRAMFÖRUM OG ÁRANGRI

Það er blóðug og grjóthörð samkeppni einkaframtaksins sem skilað hefur bóluefni við Wuhanveiru-drepsótt kommúnista til mannkynsins á mettíma

Alþjóða- og fjölþjóðasamvinna snýst hins vegar ávallt um að enginn skuli sýna betri árangur í bekknum en sá lélegasti. Evrópusambandið er alltaf lélegast í öllu, því það er í eðli sínu tossabekkur fjölþjóðaisma um að halda löndum niðri. Það er því lífsnauðsynlegt fyrir Ísland að kasta af sér hlekkjum EES-samningsins. Honum verðum við að segja upp, því annars förumst við og glötum öllu sem okkur er kært og mikilvægt

HEFND

Og síðan verðum við að hefna okkar á Kínverska kommúnistaflokknum. Allt annað er vanræksla á fælnimætti og aumingjaskapur. Það var hann!

Fyrri færsla

Bjarni brýtur reglur og brýnir enn fallöxina á flokkinn

Bjarni brýtur reglur og brýnir enn fallöxina á flokkinn

Þetta er ekki gott, þótt ei sé krafist fullkomnunar

Bjarni Benediktsson formaður Sjálfstæðisflokksins og ráðherra gerir enn sérstaklega í því að brýna öxina sem er að taka flokkinn okkar af lífi

Hann sem ráðherra setur reglur um sóttvarnir á Íslandi en sem hann síðan sjálfur brýtur, og skerpir þar með einu sinni enn á öxinni sem hann hefur sigað á Sjálfstæðisflokkinn í samfellt 11 ár, með dómgreindarskorti sínum ásamt ístöðu- og dugleysi

Bara það eitt að æða inn í partý á flokksformaðurinn og ráðherrann að vita að kallar á enn fleiri í einmitt það partý. En nei. Fyrir honum er ekkert þess virði að verja, heldur skal aðeins veðjað, sbr. d. går den, så går den. Síðan koma bara søforklaringer. Það er að segja bortforklaringer Bjarna formanns samkvæmt venju

Vinstrimenn og andstæðingar Sjálfstæðisflokksins vilja að sjálfsögðu að Bjarni þeirra standi áfram, því í honum hafa þeir hauk í horni við áframhaldandi niðurrif flokksins innanfrá

Með þennan mann í brúnni kemst Sjálfstæðisflokkurinn aldrei í land, því heimahöfn er engin. Förinni er heitið inn í eitt og stórt tómið, sem draugaskipið xD. Leiddur Bjarni var aldrei fær um að leiða flokkinn og verður það heldur aldrei. Hvaða flokkur þarf óvini með svona formann?

Miðað við þetta er kirkja Kaþólskra og Mótmælenda enn himnaríkið, enda eru það fyrst og fremst veraldlegar ríkisstjórnir manna sem bregðast mönnum, en ekki kirkja hinna kristnu

Þetta, ofan í allsherjar bóluefnaklúður Svandísar-Sovéts, sannar að þannig er einmitt það

Gamla testamentið –frumstjórnarskrá Vesturlanda– var fyrst á þessari jörð til að setja fram lagatextann um að það séu lög manna sem ráði landinu, en ekki lög Guðs. Og þau setti Bjarni Ben og braut

Ég óska lesendum gleðilegra jóla 

Fyrri færsla

Tólið tekið af Svandísi-Sovét og kannski-bóluefni pantað hjá hverjum sem er

„Ég skil þetta bara ekki“

Tólið tekið af Svandísi-Sovét og kannski-bóluefni pantað hjá hverjum sem er

Af hverju vorum við ekki byrjuð að bólusetja þann 8.-12. desember eins og Bretar, Kanadamenn og Bandaríkjamenn? Er það vegna þess að Ísland er taglhnýtingur Evrópusambandsins?

ER ÞETTA HEILBRIGT?

Nú fáum við að vita frá klúðurstöðvum þess fólks sem verið hefur svo upptekið við að skipta sér ekki af sóttvarnarmálum Íslendinga, að forsætisráðherrann hafi rifið símtólið af Svandísi-Sovét ráðherra svo kallaðra "heilbrigðismála" og sem önnum kafin er við að senda þau úr landi, og hafið símhringingar út í heim til að leita að bóluefni við kínversku Wuhanveirunni

Tveimur dögum áður hafði forsætisráðherrann sagt þjóð sinni að nóg væri búið að gera í þessum málum

Síðan fáum við að vita að hún hafi pantað kannski-bóluefni frá einhverjum sem heitir Janssen og sem enn er á tilraunastigi og sem enginn veit enn hvort virkar né verði samþykkt né hvenær muni verða klárt til afhendingar

Hver vill til dæmis bóluefni sem tryggir kannski og kannski ekki 60-70 prósent vörn, og sem kannski og kannski ekki stenst próf, og fær kannski og kannski ekki lokasamþykki. Hver vil þannig vöru á meðan hægt er að fá bóluefni með 95 prósent vörn og 100 prósent vörn gegn alvarlegum sýkingum eins og frá til dæmis bandaríska Moderna?

Mjög svo mögulegt er að þetta svo kallaða "Janssen" fari á hausinn með sitt, því það sem einkennir lyfjabransann er fyrst og fremst það að hann er áhættubransi. Því hver vill það sem er ekki fyrst og best?

ENN ALLT Í KLÚÐRI

Þarna er því ekkert fast í hendi enn. Engar dagsetningar né neitt sem hægt er að byggja á. Ekkert hefur breyst. Allt þetta mál er enn í fullkomnu klúðri og staðreyndin er sennilega sú að við höfum misst af bóluefnalestinni eins og Morgunblaðið orðaði það í fyrirsögn greinar blaðsins þann 19. desember 2020. Við misstum af lestinni vegna EES-tengsla okkar við ESB

Það er sparnaður í því að fólk fái 95 prósent vörn gegn veirunni og 100 prósent vörn gegn því sem lagt hefur hald á gjörgæsluna; alvarlegar sýkingar. Það er hins vegar enginn sparnaður í því að klúðra málunum. Klúður, ábyrgðarleysi og vanræksla kostar. Mikla peninga og mannslíf

Forsætisráðherrann getur blaðrað og blaðrað, en staðreyndin er sú að við höfum þegar misst af bóluefnislestinni og verðum langt á eftir öðrum með sjálfa framkvæmdina, því farið var of seint af stað, því stólað var á nýlenduherranefnd í fjarlægri borg. Það er ekki hægt að bjóða þjóðinni upp á þessa romsu um eitthvað sem enginn veit hvenær kemur. Þess utan verðum við frá byrjun nálægt mánuði á eftir Bretlandi, Kanada og Bandaríkjunum með fyrstu skotin. Það tekur 28 daga að ná ónæmi eftir að tveggja þrepa skot hefjast

Þetta er því enn allt saman í klúðri og ekkert er enn fast í hendi og afhendingum, miðað við áður en forsætisráðherrann tók tólið af Svandísi-Sovét til að væla eins og ófullvalda ESB-taglhnýtingur úti í heim. Við þurfum dagsetningar og magn. Allt annað er bara hjal inn í óvissa framtíðina

Það er ekki nóg að segja að bóluefni fyrir svo og svo marga sé tryggt. Það sem öllu máli skiptir er að það komi sem fyrst þannig að um 12-24 mánaða ferli verði ekki að ræða. Við þurfum dagsetningar, gæði, vöruöryggi og afhendingaröryggi

HAFA EKKI GÆTT FJÖREGGS ÞJÓÐARINNAR

Ríkisstjórn EES-dópista okkar ætlaði sér í raun og veru að láta ESB/EES um þetta með því að senda bænaskjal til nefndar í Brussel og leggja sig svo á meðan og láta nýlenduherra ESB um þetta. Hvaða fífl byrjar til dæmis ekki að meðhöndla sjúklinga strax og það er hægt, í stað þess að bíða eftir einhverri gervi-samstöðu-dagsetningu sem nýlendunefndin í Brussel hefur gefið út, bara til þess eins að láta líta svo út að hún stjórni þessu og ríkin geti ekkert sjálf. Þetta varðar þjóðaröryggi!

Það átti aldrei að láta neinar ákvarðanir í hendur annarra um þetta mál. Slíkt mega fullvalda ríki ekki gera. Stjórnvöld okkar eru orðnir dópistar á því að umgangast EES-samninginn. Þau og embættismenn þoldu ekki alþjóða- og fjölþjóðadópið og hafa því misst vígtennurnar. Þau biðja bara um mjúka fæðu hjá fjarlægri nefnd eins og undir Dönum. Þau hafa misst vígtennur fullveldis og sjálfstæðis

Þetta er staðreynd málsins. Það er alger hryllingur fyrir fullvalda og sjálfstæða þjóð að upplifa svona þjóðsvik stjórnmálastéttarinnar

AÐEINS SAMKEPPNI SKILAR FRAMFÖRUM OG ÁRANGRI

Það er blóðug og grjóthörð samkeppni einkaframtaksins sem skilað hefur bóluefni við Wuhanveiru-drepsótt kommúnista til mannkynsins á mettíma

Alþjóða- og fjölþjóðasamvinna snýst hins vegar ávallt um að enginn skuli sýna betri árangur í bekknum en sá lélegasti. Evrópusambandið er alltaf lélegast í öllu, því það er í eðli sínu tossabekkur fjölþjóðaisma um að halda löndum niðri. Það er því lífsnauðsynlegt fyrir Ísland að kasta af sér hlekkjum EES-samningsins. Honum verðum við að segja upp, því annars förumst við og glötum öllu sem okkur er kært og mikilvægt

HEFND

Og síðan verðum við að hefna okkar á Kínverska kommúnistaflokknum. Allt annað er vanræksla á fælnimætti og aumingjaskapur. Það var hann!

Fyrri færsla

Jólagjöfin: Kórónuveiran breytist í EES-veiruna

Bóluefni tryggt fyrir 127% Íslendinga