Trump afnemur takmarkanir á samskiptum við Taívan. Navalny fordæmir Twitter

TAÍVAN OG BANDARÍKIN

Mike Pompeo utanríkisráðherra Trumps tilkynnti á laugardag að frá og með nú hafi bandaríska utanríkisráðuneytið afnumið allar takmarkanir sem verið hafa í gildi á gagnkvæmum samskiptum bandarískra ríkisins, embættismana þess og annarra við Taívan. Segir Pompeo að til að þóknast kommúnistastjórninni í Kína hafi bandaríska utanríkisráðuneytið og stjórnsýslan áratugum saman sett og haft í gildi flóknar sjálfskapaðar takmarkanir á samskiptum Bandaríkjanna við Taívan. "En ekki lengur" sagði hann. Heilbrigðismálaráðherra Trumps, Alex Azar, var fyrsti ráðherra í ríkisstjórn Bandaríkjanna til að heimsækja Taíwan frá því 2014, en hann heimsótti Taívan í ágúst í fyrra | Newsmax

(ath: ég kræki með vilja ekki á frétt WSJ um sama efni því mér er orðið svo illa við blaðið að sennilega mun ég segja upp 15-ára áskrift minni þar, því þeir eru í anda á leið til Kína og tekst ekki lengur að leyna því. Í kjölfar Brexit 2016 sagði ég 10-ára áskrift minni að Financial Times upp og mun aldrei lesa það samsærisblað gegn bresku þjóðinni aftur)

NAVALNY OG TWITTER

Rússneski stjórnarandstöðumaðurinn Alexei Navalny sem fer fyrir rússneska framfaraflokknum, fordæmir Twitter fyrir að hafa ritskoðað og bannað Donald J. Trump forseta Bandaríkjanna á því sem sumir kalla "samfélagsmiðli" fyrirtækisins. Segir hann að ritskoðun Twitter á Trump forseta sé eins og ritskoðun Pútíns á honum. "Kaldrifjaðir morðingjar nota Twitter eins og ekkert sé" og nefnir hann að Pútín forseti og Maduro einræðisherra Venesúela noti Twitter án takmarkana

"Ég fæ líflátshótanir á hverjum degi, árum saman, og Twitter bannar engan (ekki það að ég biðji um það)" segir hann, og bætir við að geðvillinga-verksmiðjur einræðisherraríkja sem fjöldaframleiða notendareikninga á Twitter noti "samfélagsmiðilinn" til að koma ríkisstjórnarmorðgengjum sínum á framfæri þar | Breitbart

RICHARD GRENELL, TWITTER, PARLER

Fyrrum sendiherra Trumps Bandaríkjaforseta í Þýskalandi og friðarsamkomulagssmiður forsetans í samningunum milli Serbíu og Kosovo segir að að Twitter mæli enn með því að notendur fylgi Ayatollah Ali Khamenei og Kínverska kommúnistaflokknum á vef fyrirtækisins. Forstjóri félagsmiðilsins Parler segir að "hengjum Mike Pence varaforseta" sé "trending" eða auglýst sem vinsældavaxandi lykilslagorð á Twitter núna. Er Amazon Inc. nú að henda Parler út úr hýsingarþjónustu hjá því. Tölvuský Amazon endar þarna eins og önnur ský í regni, eins og við var að búast af þeirri tískubrellu. Þá vita öll önnur fyrirtæki í regnskýinu á hverju þau geta átt von | The Federalist

SPIKED OG TWITTER

Ritstjóri Spiked, Brendan O’neill, telur að með samræmdri tölvuárás tæknigeirans –sem enginn kaus– á forseta Bandaríkjanna sem 74 milljónir manna kusu, hafi hinir nýju oligarkar Kísildalsins komið í veg fyrir samskipti forsetans við bæði fylgismenn hans og gagnrýnendur á hinu opinbera torgi veraldarvefsins. Telur Brendan að útilokun tæknigeirans á lýðræðislega kjörnum forseta Bandaríkjanna marki söguleg tímamót í stjórnmálum og menningu Vesturlanda. Og vanmeti menn mikilvægi þessara tímamóta, sé það á okkar eigin ábyrgð. Grein Brendans er mikilvæg. Hana má lesa hér: The woke purge

APPLE, AMAZON, GOOGLE, TWITTER, FACEBOOK OG FLEIRI

Ég hef átt og unnið á og notað nær öll tölvkerfi samtímans frá 1985, miðlæg einnig, en sem langtíma Applenotandi í 30 ár og maraþonfjárfestir hef ég kannað stemminguna í mínu gamla baklandi, og sé að þar segja menn að um eins konar sjálfsmark sé að ræða með því að Apple skuli ætla að banna niðurhal á til dæmis Parler en ekki líka á Twitter og Facebook osfv., fyrir lófatölvur fyrirtækisins. Google hefur þegar lokað á niðurhal á Parler og lokað á íhaldsmenn á YouTube. Segja sumir að sleggjan í 1984-auglýsingu Steve Jobs á Macintosh sé þar með að hitta sjálft Apple núna, undir stjórn Tim Cook. Því er ég sammála og tek undir

Reyndar er ég viss um að Steve Jobs hefði kosið Trump væri hann enn á lífi því hann trúði á framfarir og þeim fylgja umbrot, en hann hefði samt aldrei farið til Washington, sem hann og aldrei gerði. Hann rak fyrirtæki sem fann upp nýjungar og sem græddi foss peninga á því, til að geta búið til enn betri vörur. Hann rak ekki pólitískan kjaftaklúbb, eins og ég sé til dæmis líka hjá íslenskum bönkum í dag, sem senda viðskiptavinum umhverfisáróður úr samsæriskenningasmiðjum öfgavinstrimanna um lofthita jarðar. Banki er bissness en ekki pólitísk kjaftahóra. Trú mín á bankanum sem sönnu fyrirtæki beið þarna skaða

Steve vissi að hann eins og hver annar stjórnandi bakarís, vissi ekkert um stjórnmál frekar en stjórnmálamenn vissu um tölvunartækni. Og til að passa sig, sá Steve ávallt til þess að hann og fjölskylda hans byggi meðal almennra borgara landsins og vissi því hvað þeir voru að hugsa og hvað þá vantaði. Trúi ég ekki öðru en að Tim Cook forstjóri Apple verði rekinn. Ég vona það að minnsta kosti. Hirðfíflin sem reka "samfélagsmiðlana", tekur sig ekki að minnast á með nafni

Sjálfur hef ég aldrei skráð mig á samfélagsmiðil og mun sennilega aldrei gera það úr þessu. Ég vissi vel hvernig þeir myndu verða, því viðskiptalíkan þeirra frá upphafi er ónýtt, og þau eru alls ekki tæknifyrirtæki. Þau eru bara gamaldags gratís-auglýsingafyrirbæri þar sem notandinn er eina vara þeirra. Ég er ekki vara

Hollt er að muna að stofnandinn Steve Jobs var rekinn, en kom síðan sterkari til baka, meðal annars með aðstoð Ross Perot. Sykurvatnsmaður við stýrið á skútunni á meðan gekk auðvitað ekki upp. Verður það eins með Trump?

ÁBÓTIN

Victor Davis Hanson bóndi í hlaðvarpsþætti John Batchelor: Um ólætin á Þinghúshæðum sem náðu ekki sambærilegum hæðum og árás Demókrataskríls á Hvíta húsið síðastliðið sumar

****

Fyrri færsla

Ný brennu-mannkynssaga Demókrata að hefjast?

Athugasemdir

[Rúnar Már Bragason, 10.1.2021 kl. 14:23]

Góð samantekt á vitleysu þessara fyrirtækja. Vantar inn í að Amazon tekur einnig þátt.

Það er hverju orði sannara að fyrirtæki eigi ekki að vesenast í pólitík, það leiðir til hruns og líklega fara þessi fyrirtæki niður á við í framhaldi. Að haga sér eins og ríki í ríkinu er eitthvað sem almenningur snýst á móti og hafnar.

[Gunnar Rögnvaldsson, 10.1.2021 kl. 14:58]

Þakka þér fyrir Rúnar.

Sammála þér.

Já þau hegða sér eins og járnbrautarbarónar 19. aldar.

Kveðja

[Ragnhildur Kolka, 10.1.2021 kl. 15:17]

Fín yfirferð hjá þér Gunnar. Þessi ákvörðun Pompeo verður enn einn þröskuldurinn sem Biden mun eiga erfitt með að yfirstíga. Sérstaklega þegar þingið er með allt í botni við að ákæra Trump.

Spurning hvort nokkur maður verður viðstaddur innsetningu Biden í embætti. Allir hans menn eru eins og óðir hundar um allar trissur að elta uppi fyrrum starfsmenn Trump til að berja á. 

[Gunnar Rögnvaldsson, 10.1.2021 kl. 16:12]

Þakka þér fyrir Ragnhildur.

Það eru aðeins nokkrir mánuðir síðan að þingmenn Demókrata komu í veg fyrir yfirlýsingu frá Bandaríkjaþingi sem fordæma átti skrílsofbeldi.

En þá voru forystumenn Demókrata og forstjóri Twitter önnum kafnir við að heppa áfram óeirðir út um allt landið þar sem eigur borgaranna voru brenndar niður, ráðist var á dómshús alríkisins, verslanir rændar, tæmdar og brenndar og sáttargjörðar- og minnismerki þjóðarinnar eyðilögð og tætt niður - og ráðist var á lögregluna og hún höfð að háði og spotti og þess krafist að hún væri lögð niður. Á allt þetta heppaði forysta Demókrata og neitaði að fordæma ofbeldið og morðin.

Síðan réðst skríll flokksins á þingið þegar staðfesta átti Brett Kavanaugh sem nýjan hæstaréttardómara í október 2018. Þá kölluðu gullfiskar fjölmiðla áhlaupið á þinghúsið "friðsamleg mótmæli". Færa þurfti 300 manns burt í járnum.

Þjóðin mun varla geta beiðið eftir framboði Trumps á ný 2024, og ber síðasta könnunar-rappport Rasmussen þess greinileg merki.

Demókratar eru búnir að vera að rannsaka og ofsækja forsetann öll síðastliðin fjögur ár og enginn skyldi halda annað en þeir séðu að farast úr hræðslu um eigin framtíð.

Kveðjur

[Helga Kristjánsdóttir, 11.1.2021 kl. 06:10]

 Trump lætur ekki hugfallast,þess vegna viðurkennir hann sig ekki sigraðan.Það pirrar andstæðinga hans yfirgengilega sem sést á fíflalegum töktum Nancy Pelosi.En forsetinn sem með réttu var kjörinn, getur vel unað þeim sinnar fölsku gleði áður en hann sýnir þeim stóra fíl.   

[Gunnar Rögnvaldsson, 11.1.2021 kl. 08:03]

Ha ha Helga.

Já nú skiptir Wuhanveiran allt í einu Demókrata engu máli. Biden mun svo "sætta þjóðina" með því að.... gera hvað?

Og samsæriskenninga-smiðjuveldi þeirra sem þoldu ekki Brexit þjóðaratkvæðið og unnu markvisst að því að ógilda það í fjögur ár, hrópar nú hæst af bjálkabjörgum sínum á það sem 19 ríki Bandaríkjanna reyndu að kæra fyrir hæstarétti landsins: stolnar kosninganiðurstöður með  kosningakerfissvindli í minnst fjórum ríkjum Bandaríkjanna.

En stærst er þó samsæris-kenningarsmiðja vinstrisins um loftslag jarðar, sem er ein stór og rauð allsherjar gubbupest.

Gott lesefni í tilefni nýliðinna atburða má finna hér: Þetta munt þú aldrei sjá á Twitter

Kveðja