Moody's sargar taktfast í sundur Sonderwegagerð brjálsemisbandalagsins

 

Í skömmtum er straumurinn tekinn af glasabörnunum í frystikistu Evrópusambandsins. ROM57-9000 tölvan um borð í Brussel hefur ekki klikkast neitt ferlíkislega miklu frekar en þvælan sem hún var mötuð á frá fæðingu fyrirskipaði henni um. Því hún var öll made in DDR frá upphafi. Þetta átti einmitt að fara svona.

Fíflin sem skrifuðu undir alla sáttmálana —sem sáttina svo kölluðu áttu að skapa— gráta nú þvagsýru sem leyst hefur upp handabök þeirra þannig að ekkert er þar ætilegt eftir nema nokkur bogin bein á beyglaðri grind hins gjaldþrota pólitíska hagkerfis ESB. Og sem nú er gjaldfallið ofan á borgarana. Hið sérfalska og óekta markaðshagkerfi meginlands Evrópu hofir í skelfinu á og riðar til falls yfir þjóðir sambandsins. Á meðan klappar og húrrar menningarelítan og hámenntuð gáfumennin saman.

Fíflin sem sögðu upp í opið geðið á kjósendum sínum árið 1986 að Evrópusambandið yrði örugglega og aldrei til, halla nú tómum höfðum sínum að lífeyðnissjóði þjóðríkja bandalagsins í skattaskjólum Brusselveldisins og dorma. Þá var okkur sagt að í himneska lagi væri að segja og kjósa já í þjóðaratkvæðagreiðslunni sem þá var haldin, því það yrði hvort sem er aldrei aldrei aldrei til neitt Evrópusamband úr því sem þá var verið að kjósa um.

 

Danmörk 1986; Evrópusambandið er steindautt 

 

Tuttugu og sex árum síðar er hin ókjörna forsetafýla þessa Evrópusambands — sem Dönum var sagt að yrði aldrei til — að undirbúa stofnun hinna Nýju Sovétríkja Evrópu í gegnum bakdyrnar á sáttmálasafni veldsins. Sú smíði fer fram inni í sjálfum hallargarði þessa non-existing European Union sem forsætisráðherra Danmerkur sagði okkur öllum að ætti ekki að geta orðið til.

Þannig; þegar Íslendingar heyra kratakombur segja sannleikann um það sem nú er þarna að gerast, þá ættu þeir að muna eftir sjúkdómseinkennum krónískra Evrópusamandssinna; þar ríkir hvíttað svart sem er ekki_satt og fúlt. Einskis munu þeir svífast til að koma Íslendingum út úr húsi þess sjálfstæðis og fullveldis sem forfeður okkar byggðu handa okkur hér á Íslandi. Þeir munu ekki hika við að segja að svartið sé hvítt. Og að eldurinn sé bara fallegt frost, þegar nánar er al-eldað.

 

Moody’s cuts ratings on German and Austrian groups - Spain makes explicit plea for bank aid

 

Fyrri færsla

 

ESB: Enginn er aðili að neinu; Bankitalia stampino l'euro 

 

 

ESB: Enginn er aðili að neinu; Bankitalia stampino l'euro

Hver er Evrópa. Hver er ESB.

 

=> Ítalía; Við skulum segja við Evrópu að . . 

=> Spánn; Við látum Evrópu skilja að . . 

=> Írland: Evrópa verður að skilja að Írland . . 

=> Frakkland; Evrópa fellur ef evran fellur . . 

=> Þýskaland; Falli evran fellur Evrópa . . 

Hafið þið séð svona félagsskap áður? Hafið þið séð hóp ísjaka sem hafa verið samhæfðir með því að frysta sig saman í einn klump? Nei það hafið þið ekki séð. Þetta gengur ekki þannig fyrir sig. Ísjakar sem hafa verið samhæfðir munu ávalt fylgja hreyfingum sjávar. Símasnúrur, tyggjó, reglu- og klessuverk mun aldrei halda þeim saman. Þeir brotna upp og fljóta. "A free-float" er það eina sem dugar.

Þeir sem vilja búa í heiminum og búa þar vel, verða að skilja að lífinu þar verður aldrei lifað sem samhæfðu. Nema að maður vilji búa inni í jökli. Samhæfing hagkerfa og þjóðríkja mun leiða efnahag þeirra inn í alkul. Samhæfing (e. coordination) er samsæri embættis- og stjórnmálamanna Evrópusambandsins gegn fólkinu. Samkeppni er hins vegar hið rétta. Samkeppni á milli landa. Hún skilar velmegun til borgaranna.

Hver er Evrópa? Hver er ESB? Svarið er; enginn 

Enginn er Evrópa og enginn er ESB þegar það kviknar í klósettinu undir þeim. Þá eru þeir allir ekkert og aldrei á því. Eins og þeir voru frá upphafi í Sovétríkinu. Umboðslaus massi. EU-rope til að hengja sig í. Leiðin til glötunar.

 

Godt begyndt

 

Berlusconi: la mia pazza idea per la crisi La Bce o Bankitalia stampino l'euro 

 

Fyrri færsla

 

Hvað mun gerast í rústum Evrópusambandsins?

 

Hvað mun gerast í rústum Evrópusambandsins?

Þetta er stóra spurningin. Evrópusambandið sem átti að vera er hrunið. Eftir stendur beinagrind þess í lausu lofti í tímarúminu og bíður þess að teiknimyndin af því segi zap-gonk-púff ef Þýskaland grípur ekki ranglega á því og afzappi það inn í vítisvél nýrrar v.5.2.1 útópíu meginlandsins. Þetta fyrirbæri í öllum myndum sínum er dæmt og var dæmt frá upphafi. Því miður fyrir borgarana, úr því sem þeir komu frá. En þeir voru ekki með í dæminu.

Vel er hugsanlegt að innan skamms muni lítið annað í heiminum standa gilt eftir á peningagólfi hans nema Bandaríkjadalur og gull. Dalurinn er betri því á honum stendur; á Guð við treystum. Það er það eina sem dugar þegar allt er sviðin jörð. Það er erfitt að burðast um á hælum með málmbyrðar eins og klyfjuð asnína.

Þessi stóri undirliggjandi upptaktur í reglulegt bankaáhlaup sem nú sést víða á evrusvæðinu, lofar hreint ekki góðu og gæti endað í tryllingsdansi. DXY-dollaravísitala heimsins lýgur ekki. Hún æðir upp í takt við óttastigið og flóttann úr bankalegum eignum í ESB. Það brakar í evrugólfinu. Snjóþrúgur ECB-seðlabankastjórnarinnar ná varla lengur yfir daglegar sprungur. Og spartslið er búið.

En hvað mun gerast í rústum Evrópusambandsins? Það er spurningin. To be, or not to be the U.S Dollar, með hinni réttu áletrun, verður þá í hæsta máta athyglisverð spurning, þegar svo margt annað verður bannað.

ESB tifar

 

Fyrri færsla

 

Evrópusambandið verður orðið vanþróað einræðisríki árið 2050 

 

Evrópusambandið verður orðið vanþróað einræðisríki árið 2050

Mín spá er sú að eftir 38 ár verði Evrópusambandið orðið vanþróað ríki einræðis á því að vera Evrópusamband. Helstu sprota tækifærin í Evrópusambandinu eru um þessar mundir að kaupa dánarbú og stunda nauðungaruppboð, þar sem bútar af því erfðasilfri Evrópu sem varð til undir Pax Americana friði Bandaríkjamanna í heimsálfunni, eru seldir undir Austur-Þýsku Treuhand fyrirkomulagi.

 

Þerripappírshagsmunir Þýskalands hafa undir Evrópusambandinu fengið úrslitavald yfir meginlandinu á ný. Og þeir eru ekki hagsmunir þeirrar og allra síst vorrar þjóðar og hafa aldrei verið.

Í þingsölum Alþingis tala sölumenn orðaráðuneytis Samfylkingarinnar og Vinstri grænna fyrir því "Financialization" hugtaki sem orðaráð þessara fann upp til að spila úr sér með í Kredithörpunni.

 

Stjórnmálamenn á anstalti Samfylkingar og Vinstri grænna fengu vegna einstaks tilefnis að fara út að labba í bandi þjóðarinnar. Þeir hafa ekki sést síðan þá. En þjóðin er komin ein heim úr þeirri gönguferð og ætlar ekki að fá sér svona hund aftur.

 

Fyrri færsla

 

The End Of The Euro: A Survivor's Guide, eftir Simon Johnson og Peter Boone 

The End Of The Euro: A Survivor's Guide, eftir Simon Johnson og Peter Boone

Þið munið kannski eftir Simon Johnson þegar hann kom hingað í heimsókn í október í fyrra og hélt tölu í sandkastala stjórnmálamanna í Kredithörpunni, sem liggur í flæðarmáli skattgreiðenda beint fyrir framan æðstu peningastofnun lýðveldisins; Seðlabanka Íslands. Þar sagði hann ykkur að stór áföll væru á leiðinni frá svartholi Evrópusambandsins.

Þann 28. apríl 2010 birtu þeir félagar eina aðvörun í greinarformi; Wake The President. Í millitíðinni hefur fjármálaráðherra Bandaríkja Norður-Ameríku verið hent á dyr af atvinnulygara Sovétríkja Evrópusambandsins í Brussel, herra Jean Claude Juncker. 

Í gær birtu Simon og Peter drukknunaráætlun handa meðal annarra Jóhönnu Sigurðardóttur fáfræðingi og Steingrími J. Sigfússyni yfirkosningasvikara Vinstri klíku grænna. Drukknunaráætlunin nær yfir hrun evrunnar og lífið og örbyrgð í rústunum eftir dauða hennar. Frá og með nú eru allir á sínum eigin báti. Stórt er í vændum að utan, en lítið nema fábjánaskapur að innan;

In every economic crisis there comes a moment of clarity. In Europe soon, millions of people will wake up to realize that the euro-as-we-know-it is gone. Economic chaos awaits them. . ."

 

. . . "It is almost certain that large numbers of pensioners and households will find their savings are wiped out directly or inflation erodes what they saved all their lives.  The potential for political turmoil and human hardship is staggering" . . .

 

"We are each on our own"  

The End Of The Euro: A Survivor’s Guide

 

Uppgjafarfélag ríkisstjórnar Íslands og ESB-sinnar ættu nú að fara að klæða sig í öll vestin sem eru ekki til handa þeim. Þá er nú gott að hafa fyrst eyðilagt björgunarbáta lýðveldsins; sjávarútveginn.

Fyrri færsla

Írar frystir lifandi undir evrujökli. Botnfrosinn fasteignalánamarkaður undir evru

Írar frystir lifandi undir evrujökli. Botnfrosinn fasteignalánamarkaður undir evru

Mynd; Þróun fjölda veittra íbúðarhúsnæðislána á Írlandi

 

Það verður að segjast eins og er. Ég hélt ekki að þetta gæti orðið svona slæmt. Hélt hreint ekki að hægt væri að aftengja markaðsöflin svona nema undir Sovétkommúnisma eða með því að vefja þau inn í náttúruhamfarir og styrjaldir. En þetta er greinilega hægt með því að taka bara upp evru og leggja niður allt fullveldi sitt í peningamálum og með því að heita hvorki Þýskaland né Frakkland. Útkoman er eins og sovéskst nútímaríki; NSU. 

Samtök írskra fjármálstofnana hafa gefið út yfirlit yfir íbúðarhúsnæðislánaveitingar alls fjármálakerfis landsins til allra einstaklinga og fyrirtækja á Írlandi á fyrsta fjórðungi þessa árs:

1. Húsnæðislán til þeirra einstaklinga og fjölskyldna sem eru að kaupa húsnæði í fyrsta skiptið: (eru næstum engin og undir evrujökli)
2. Húsnæðislán til þeirra sem eru að flytja sig á milli eigna, þ.e. til þeirra sem eru ekki að kaupa í fyrsta skiptið (eru næstum engin og undir evrujökli)
3. Skuldbreytingar á eldri lánum yfir í ný lán á nýrri kjörum (eru næstum engar og undir evrujökli)
4. Lántökur út á eignamyndun (eru næstum engar og undir evrujökli)
5. Lán til byggingafyrirtækja sem eru að byggja íbúðarhúsnæði og til fjárfestingafélaga (eru næstum engin og undir evrujökli)

Ástæðan fyrir þessu er sú að Írland tók upp evru og hefur því engan aðgang að neinum fjármálamörkuðum. Hvorki innanlands né erlendis. Eiga enga mynt. Bankakerfið þeirra er gangandi gjaldþrota og getur ekki sinnt hlutverki sínu. Ríkissjóður landsins er stanslaust í mikilli gjaldþrotahættu. Ekkert virkar á þessum fjármálmarkaði nema hengingarólin um háls þjóðarinnar.

 

Auglýst vaxtakjör eru eins og stillimyndin á sjónvarpsskjá DDRíkisútvarpsins. Gagnslausar glósur handa öllum nema þeim sem prenta þær fastar á skjáinn. Enginn á kost á neinum lánum nema að því tilskyldu að viðkomandi sé í gulltryggðum stöðum hjá hinu opinbera; starfi í ESB-setuliði ríkisstjórnarinnar; vinni hjá alþjóðlegum fyrirtækjum á borð við Alþjóða Gjaldgrímseyrissjóðnum eða stundi stjórnmálalega dópsölu undir verndarvæng Brusselveldis.

Á Írlandi er fasteignaverð fallið um 60 prósent á sumum stöðum og laun hafa lækkað. Undir svona aðstæðum er víst óhætt að segja að raunvaxtaokrið á almenningi sé öflugustu mafíu sæmandi.

Hér með auglýsi ég stillimyndarleg vaxtalaus húsnæðislán til 100 þúsund ára. Først til mølle fá það sem ekki er til

 

Krækjur

 

New Mortgages = Zero + Noise

Irish mortgage lending in shock decline in Q1, 2012

IBF/PwC Mortgage Market Profile Q1 2012

 

Fyrri færsla

 

Vinnukonan í ESB

Vinnukonan í ESB

Dagurinn í dag: Hvað er það versta sem gæti gerst þegar maður er evru-ríki og heitir hvorki Þýskaland né Frakkland. Hvað er það versta sem nú er um að ræða fyrir þessi ríki og hver er áhættan um þessar mundir og framvegis?

Jú, eitt af því versta sem getur gerst er að allt bankakerfi evru-ríkis verði gjaldþrota og loki öllu andlitli sínu á borgarana. Þetta er afar vont, því í ríkinu er engin seðlaprentvél til að prenta neina peninga. En þetta er þó bara það þriðja versta sem getur gerst um þessar mundir. Segjum nú svo að bæði banakerfið og ríkið verði gjaldþrota svo að segja á sama augnablikinu. Lokað bankakerfi í gjaldþrota ríki. Ríkissjóður gjaldþrota og allt bankakerfið gjaldþrota samtímis. Þetta er það næst versta. Hvað gerist þá meðal milljóna manna. Jafnvel meðal tugum milljóna manna. Þá mun það versta gerast. Það versta.

 

It is frightening

 

Svona er áhættan fyrir evruríki innréttuð í dag. Hún er þannig innréttuð að hlutirnir gætu hæglega farið að gerast þar án fyrirvara. Instant, Risk Profile er þar kominn á.

Markaður, sama hverju nafni hann nefnist, virkar því aðilar markaðarins eru ótengdir, aðskildir í rúmi en ekki í tíma. Þessir aðilar markaðarins hugsa í miljónum höfða á hundruðum tungumála á sama tíma. Og þeir eru aldrei sammála um neitt; sem er þeim og okkur gott. En alltaf inn á milli, rennur sú einstaka stund upp að þeir verða allt í einu allir sammála um eitt og hegða sér allir eins á sama augnablikinu. Þjóta allir að neyðarútganginum á sama tíma. Á tungumáli markaðarins er þetta augnablik kallað crash. Það er eins og glas sem dettur í gólfið og brotnar í þúsundir mola á næfurþunnu broti úr sekúndu.

Þá mun Brusselveldið nú taka hressilega við sér og gleypa

 

Krækja

 

Martin Wolf er orðinn hræddur; Why is the eurozone different? Það er ég líka og hef verið svo lengi.

Fyrri færsla

 

Trichet; evran verði styrkt með því að leggja evruríki niður í þrotabú með neyðarlögum

 

Trichet; evran verði styrkt með því að leggja evruríki niður í þrotabú með neyðarlögum

Evrópusambandið gæti styrkt myntbandalagið með því gefa embættis- og stjórnmálamönnum sambandsins heimild til að lýsa aðildarríki þjóðargjaldþrota og taka um leið yfir ríkisfjármálastjórn þeirra, segir fráfarandi seðlabankastjóri ECB-seðlabanka Evrópusambandsins, Jean-Claude Trichet, við fréttaveitu Reuters.

 

Áætlunin sem Trichet teflir fram myndi ráða bót á "tilvistarvandamáli" evrunnar sem samkvæmt fréttinni er það, að Evrópusambandið er ekki enn orðið eitt ríki með einni alríkisstjórn; mest sökum pólitískrar ógleði í aðildarríkjum þess. En þar munu menn samt kyngja ælunni, spái ég, því þeir geta úr því sem komið er ekki gert neitt annað. Það segir sagan okkur.

 

Valkostunn í þeirri stöðu sem komin er upp, segir Trichet, er að virkja og setja í framkvæmd alríkisvald Evrópusambandsins undir núverandi sáttmálalegum neyðarlögum, sem heimilt er að nota undir sérstökum aðstæðum, eins og t.d. þeim sem hóta sjálfri tilvist myntar og myntbandalags Evrópusambandsins; "e. Federation by exception"

 

Þessi lagalegu völd hafa þegar verið færð frá aðildarríkjunum og yfir til Evrópusambandsyfirvalda í þeim sáttmálum, lögum og sérstæða lagaramma sem aðildarríkin hafa þegar og margsinnis — en oftast ólesið — látið gabbast út í. Reyndar fólst þetta að meginuppistöðu þegar í fyrsta sáttmálanum sem undirritaður var og heitir Rómarsáttmálinn. Þetta var þegar mat mestu og bestu lagasérfræðinga bresku krúnunnar og utanríkisráðuneytis Stóra Bretlands árið 1957. En Rómarsáttmálinn fór að yfirlögðu ráði aldrei fyrir neinn "stjórnarskrárdómstól" í Þýskalandi, sem er ekki lýðræðisríki í eiginlegum anglo-sax skilningi.

 

"Alríkisstjórn undir neyðarlögum (Federation by exception) sýnist mér vera eini möguleikinn sem tryggja myndi sterkt myntbandalag sem eina heild í núverandi aðstæðum. Fyrirkomulagið myndi svo getað þjónað og hentað vel sem eðlilegur grunnur myntbandalags Evrópusambandsins í framtíðinni", segir Jean-Claude Trichet.

“It is a quantum leap of governance, which I trust is necessary for the next step of European integration,” he said.

 

Hér svitnar hinn einlægi ESB-aðdáandi Wolfgang Münchau meira og meira. Hann segist varla trúa sínum eigin eyrum og bendir á að "lausn" Trichet muni leiða til ofbeldis; we would expect extreme violence:

 

eurointelligence.com 18. maí 2012

Hér á landi ættu ESB-andstæðingar að nýta tímann vel. Til dæmis með því að segja ekki við sjálfa sig: "I am holding my position." Því, "We are not holding a Goddamned thing. Let the Aðfararstjórnina do that. We are advancing constantly and we are not interested in holding onto anything, except the enemy's balls

 

Hefðu forfeður okkar tapað baráttunni og ekki gefið út tvennar yfirlýsingar þjóðríkis okkar árin 1918 og 1944; þá sæti öll íslenska þjóðin nú í tárum yfir Íslendingasögum sínum.

Krækja

 

Reuters: Ex-ECB head unveils bold plan to save the euro og formáli hér

 

Fyrri færsla

 

Skandallinn RÚV: neyðarlending þess á herðum skattgreiðenda 

Skandallinn RÚV: neyðarlending þess á herðum skattgreiðenda

Til hvers er þessi stofnun? Hún hefur engan engan engan vilja né metnað til að sinna frumskyldum sínum. Að vera dyggur og trúr almannaþjónn og almannavörn þegar við liggur.

Frá neyðarlendingu þar sem 200 landsmenn okkar voru í háska birti RÚV eftir langan tíma til undirbúnings eina frosna mynd af einum frosnum manni á sjónvarpsskjá í nær tvo tíma þar sem skattpíndum áhorfendum gafst kostur á að hlusta á urgið í farsíma þeim sem stofnunin fann loks í ormagryfju ekkifréttastofunnar inn á milli pizzu-kassaklessuverks Evrópusambandsaðalstöðva ríkisstjórnarinnar við Hina efstu leti stillimyndarleika DDRÚV.

Á meðan fylltust vegir og götur af áhyggjufullum áhorfendum, ættingjum og vinum, því ekkert var lengi vel að sjá á DDR-skjá stofnunarinnar, nema eitt barn blautt á bak við bæði eyru að kynna kastljós svartholsins, sem fleytti þaðan út hefðbundinni forðu sinni yfir áhyggjufulla landsmenn.

Þessi truntustofnun gæti ekki varað landsmenn við eldgosi sem ætti upptök sín í aðalendastöðvum kommúnistaríkisstjórnar Íslands, þar sem sjálft RÚV er til húsa. Enda hafa landsmenn aldrei verið varaðir við hvorki ríkisstjóninni sjálfri, jarðskjálftum né eldgosum síðan RÚV bræddi úr sjálfu sér niður í malbikið til Brusselveldisins. Landsmenn hafa einungis verið varaðir við áskrift að Morgunblaðinu. Fréttafókus þessa fyrirbæris minnir mig á heilaþvottastöð.

Til fjandans með þetta fyrirbæli ef þetta á að vera svona. Ég neita að greiða fyrir þetta og vil fá raunverulegt Ríkisúvarp eða þá ekki neitt nema hið frjálsa framtak. Stór hluti útsendingartíma þessa fyrirbæris fer í að kynna og auglýsa sjálft sig. Er ekki kominn tími til að setja þessa stofnun í innheimtu? Hún gæti dúsað þar ásamt hinni gjaldþrota ríkisstjórn RÚV.

Hver stýrir þessu fyrirbæri!

Markaðsleg vanskil og óreiða fimm sinnum meiri í Þýskalandi en í Grikklandi

Þýskaland er eðlilega markaðskapítalistískt óreiðuríki þar sem vanskil og viðskiptaleg óreiða er fimm sinnum meiri og stærri en í Grikklandi. Heil 5 prósent af viðskiptasamningum í Þýskalandi undir hinu sérhannaða lok lok og harðlæsta ordnungspólitíska haftakerfi hins innra aflæsta Þýskalands gagnvart umheiminum, eru aldrei hafðir í heiðri og greiddir á réttum umsömdum tíma. Fimm prósent af viðskiptum á hlutabréfamarkaði í Þýskalandi er ekki staðið við sem gerir það að verkum að markaðsleg starfsemisáhætta (operational risk) í Þýskalandi er fimmfalt hærri en í Grikklandi.

 

Eiginlegur kapítalismi hefur aldrei verið sterkur í Þýskalandi og er þar mjög vanþróaður. Og alveg sérstaklega anglo-saxískur markaðskapítalismi. Það er fátt sem meginland Evrópu hatar meira en anglo-saxískan markaðskapítalisma hinna frjálsu, sem ber í sér stórkostlega en stundum disorderly náttúrukrafta. Og um subbulegt lýðræði hinna frjálsu má segja það sama. Það bér í sér þessa disorderly krafta sem geta tekið keisarasovétríki í nefið, þegar svo ber undir. En svoleiðis þolir meginland Evrópu ekki. Þess vegna hafa þeir jú búið til þetta Evrópusamband sitt; honum og því til höfuðs.

 

Krækja

 

FT; Funnily enough, operational risk is more prevalent in Germany than Greece

 

Fyrri færsla

 

Hér er ekki mynd af Össuri Skarphéðinssyni