Rotinn bakgarður Þýskalands nær nú loksins yfir alla Evrópu. Gandreið hestakerru með franskri svipu

 

SuperBundesbank

Jæja. Nú er draumurinn að rætast. Þykjustu-andstaða seðlabanka Þýskalands sem allar götur frá upphafi hefur rammlega blöffað fólkið í sínu eigin landi, svo bankinn geti ávalt náð fram markmiðum sínum, hefur nú tekist að komast til stóraukinna valda í gegnum nýja stofnun sem kalla má SuperBundesbank Europas; eða Mittelpunkt. 

 

Krónískt geðklofinn seðlabanki Þýskalands, sem snemma í sögunni varð einn stræsti happa- og glappa lygavefur meginlandsins, hefur leikið sikkópatahlutverk sitt vel á hinu monetrary-transvestít klæða-tímabili frá árinu 1974 og fram til dagsins í dag. Nú eru geggjuðustu draumar þessarar einræðisstofnunar loksins að rætast. SuperBundesbanki Þýskalands ræður nú svo að segja yfir allri Evrópu; óháður öllum ríkisstjórnum; óháður öllum lýðræðisstofnunum allra ríkjanna, og hefur náð völdum sem eru langt umfram það sem brjáluðum stjórnmálamönnum meginlandsins hefur nokkurn tíma tekist. Og trúið mér; þeir hafa verið margir - og reynt mikið. 

Gúmmídúkkan Draghi var góður í Tietmeyerskum puppet-búningi sínum í gær. Fjármálastofnanir- og markaðir á myntbrjálsemissvæði Evrópusambandsins munu brátt skilja hvaðan þessi óstjórnlegi en óstöðvandi skjálfti þeirra á tökkunum kemur.

 

Ógnvekjandi tímar eru í vændum á meginlandi taparanna í Evrópu. Gráasvæðið er að sortna upp og stækka út yfir allt peningalandslag samsærisins.

 

Fyrri færsla

 

Hinn fermetra stóri haus á títuprjóni

Hinn fermetra stóri haus á títuprjóni

Hrávörudeildarskrifarar J.P. Morgan bankans hafa óafvitandi hitt hinn fermetra stóra haus á títuprjóni þeim sem ferlegur og fastur hefur setið á þeim svera stað er veitt hefur skrifurum bankans viðnámsþrótt og vernd gegn þyngdarlögmáli sjálfra síns í tímarúminu. Ég er ekki að segja að þeir séu enn komnir á nálapúða. En að minnsta kosti er þarna kominn einn prjónn. Og peran blikkar. Þeir segja hér: "Alarming parallels between current Middle East tensions and events leading up to WWI"

Þeir eru að gera sér grein fyrir því að sumar aðstæður í dag minna óþægilega mikið á þá atburðarás sem leiddi til þess að meginland taparanna í Evrópu rann á sínum glæsitíma með hátíðleg andlit sín ofan í forrétt þann sem nú kallast Fyrri heimsstyrjöldin. Það var auðvitað ekki hægt að kalla hana "hina fyrri" fyrr en eftir að sú "síðari" hafði skilað þeim aðalréttunum á borðið. Og sem þá ranglega voru strax nefndir Hinir síðari.

J.P. Morgan hefur áhyggjur af ýmsum hernaðarlegum aðstæðum sem leitt gætu til þriðja réttarins, eða réttara sagt, endurtekið forréttinn í nýrri og breyttri útgáfu. Þeir segja meðal annars og réttilega að:

• 8) significant economic integration is insufficient inoculation to prevent total war and prosecution of war can persist even if it means economic devastation (hah!)

• 9) appeals to national pride are insufficient to prevent political backlash to and moral condemnation of voluntary war, and

• 10) random events in proxy conflicts can be the catalyst for general war.

Atriði númer átta stendur í mínum huga alveg upp úr sem sú púðurtunna eldglæringa er nú blossar, tifar og telur niður á meginlandi taparanna í Evrópu. Og það sem meira er: samhæfingar- og samrunaflétta Evrópusambandsins stendur brátt ljóslifandi fyrir og meðal borgaranna á götunni, sem ein stór og illræmd samsærisflétta elítuembættis- og stjórnmálamanna Evrópusambandsins; sem orðið er ósnertanlegt.

 

Þrír helstu stórerindrekar tortímingar hagsældar, velmegunar, lýðræðis og frelsis í Evrópu eru þrjár valdastofnanir hins meira en ekki minna Evrópusambands. Hin fyrsta stofnun er auðvitað kengseðlabanki Þýskalands sem er eins konar geðklofinn ERM-dreymandi tvíhöfða útungunarvél hörmulegs einveldis. Og sú önnur er auðvitað aukaseðlabanki Þýskalands sem heitir ECB-seðlabanki Evrópusambandsins. Hann er bæði í vasanum og í höfðinu á númer eitt sem virkt sogrör hins aðframkomna Þýskalands niður í fullveldissafn þjóðríkjanna, sem hanga nú ormétin á snögum þessa félagsskapar evrópskra asna í lofvarnarbyrgjum Brussels gegn fólkinu. Þriðja stofnunin er helvítis-dómstóll sambandsins, European Court of Justice (ECJ), sem er allur lagarammi og allt lagasafn hans sem sótt var af embættismönnum til heljar, og sem kom hreint ekki af himnum ofan til borgaranna, heldur fæddist lagaheimsspeki dómstólsins sem pervers hugmyndafræði á borð við þá sem leiddi til þeirrar Síðari; til aðalréttarins.

En það sem hrávörudeildarskrifurum J.P. Morgan bankans sést þó yfir er sjálft aðalatriðið og jafnvel staðsetning þess; Samhæfingar- og samrunaflétta embættis og stjórnmálamanna með tréhestinn frá Lyon í fararbroddi trójansks hestastóðs, hefur frá árinu 1984 verið að leiða heiminn inn í það ferli sem til dæmis hrávörudeildarskrifarar hafa nú áhyggjur af. Samhæfing og samþætting er búin að eyðileggja efnahag heimsins að miklu leyti. Tortíma ávöxtun fjármuna í heiminum og tortíma þar með afkasti og arði af nánast hverju sem er. Rentability (ávöxtun eigna) er horfið úr heiminum eins og einnig gerðist í aðdraganda hinnar Fyrri heimsstyrjaldar. Það er horfið vegna samráðs og samhæfingar stjórnmálamanna þvers á landamæri, sem í praxís er samsæri þeirra gegn þjóðum og þjóðríkjum og þar með á kostnað fólksins. Við erum að glíða inn í slæma tíma og Evrópa er — eins örugglega og sólin kemur upp á morgun — að springa í loft upp og lenda sem nýtt sovétríki. Evrópusambandselítan er búin að eyðilegga Evrópu.

*** 

“Coordination” is an excuse for proto-Marxists, or at least statists, corporatists, and market-phobes, to impose a centrally planned economy and an anti-democratic polity. This nightmare is now very visibly playing out in Europe, coordinated by the two arch market-phobes, the French and German governments. This has been a very predictable development (indeed I predicted it fifteen years ago in my book, The Rotten Heart of Europe) but it is no less alarming for that.

*** 

One does not have to be a Marxist to see the strains created by a rigid global monetary system in the face of dynamically changing geographical patterns of comparative advantage and rates of return as being a major contributory factor in the slide into the First World War. Similar rigidities today would probably destroy not only capitalism but peace.

 

- Bernard Connolly; The International Economy, winter 2011 PDF

*** 

Það eru sorgleg mistök flestra að halda það að bara smá pínulitlu broti af skynsemi og góðum vilja hafi verið til staðar þegar myntbandalag Evrópusambandsins var stofnað. Ekkert er fjarri sanni. Réttnefnið á þetta illræmda og eyðileggjandi myntbandalag Evrópusambandsins er í raun og veru þetta: "Hið brjálaða myntsvæði Evrópusambandsins". Í Evrópusovétsambandi Stalíns á Balkanskaga var á sínum tíma eins konar ESB komið á til að "tryggja friðinn" sem Bandaríkjamenn þurftu svo að tosa líkin út úr.  Rotin hámenning heimskuveldis þess er Bismarck reisti yfir Berlín fyrir elítu Þýskalands hefur aldrei gefið af sér annað en tortímingu, ófrið og apatí. Evrópa er því ónýt frá rótum og upp. Ekkert hefur breyst. 

Stefnuskrá Sjálfstæðisflokksins er einföld. Þungi hennar í dag rúmast innan einnar setningar og einfaldrar laglínu: Fullt tungl af vondu er að rísa. Við raunverulegir sjálfstæðimenn erum hins vegar af hugmyndafræðilegu ætterni hins góða og bjarta tungls. Því tungli ætlum við örugglega að halda á lofti eins og áður. Alveg sérstaklega eins og áður í stuttri lýðveldissögu þjóðríkis okkar. Og það vita allir góðir menn að við munum gera. Frelsið er forsenda lýðræðis, sem síðan er forsenda farsæls kapítalisma; sem tekur niður slæm tungl og tekur þau síðan í nefið.

Átta villtir hægri menn verða að snúa sér á mottunni, umfaðma þjóðríkið og ávalt muna að frelsi þeirra er private Ryan að þakka, sem gegndi skyldum sínum undir einni — og bara einni — mynt þjóðríksins.

Fyrri færsla

 

ESB-stöðugleiki: 20 ára djúpfrysting launa

ESB-stöðugleiki: 20 ára djúpfrysting launa

Samtök við-viljum-ekki-ESB launþegasamtaka í Danmörku bendir á að Þýskaland — sem orðið er framræslukerfi velmegunar úr túnbletti Danmerkur og nágrannaríkja sinna — sé nú orðið stærsta ríkisskipulagða fátæktarsvæði Evrópu. Þökk sé vélrituðum stjórnmálaárangri rauðbrúnkugrænna sósíaldemókrata þýska stórríkisins undir jakkafataríkisstjórn Gerhard Schröders og undir efnum hins núverandi DDR-kanslara Þýskalands, sem er hvorki meira né minna en stórefnafræðingurinn frú Angela Merkel.

Arðgreiðslur þessarar framfarastjórnunar og efna hafa nú farið fram í formi algerrar stöðnunar raunlauna þýskra launþega í samfellt 20 ár. Engin efnafræðileg raunlaunahækkun hefur því getað komið til þýskra launþega síðan 1992. Þetta er þá 1992 + 1993 + 1994 + 1995 + 1996 + 1997 + 1998 + 1999 + 2000 + 2001 + 2002 + 2003 + 2004 + 2005 + 2006 + 2007 + 2008 + 2009 + 2010 + 2011 = 0,00.

Á tuttugu ára langlegu hins fársjúka þýska manns Evrópu hefur þessi þróunarkenning snillinga Þýskalands skilað af sér Evrópumeti í ríkisskipulagðri fátækt, ríkisgjaldþrotum í Suður-Evrópu og þaulskipulagðri upplausn í allri Evrópu. Ásamt hertum ömurleika í DDR-hagkerfi Austur-Þýskalands, þar sem fimmti hver launþegi í fullri vinnu er með svo lág laun að fátækt hans krefst félagsmálaaðstoðar svo koma megi honum lifandi á vinnustað hinn næsta nýja ömurlega dag í ritvélaverksmiðjum landsins - og undir 100 ára innvortis gengisfellingu hagkerfis Þýskalands sem lifir hvorki af né umfram öll efnin sem koma frá frú Merkel. Í Vestur-Þýskalandi er tíundi hver launþegi í fullri atvinnu á bæjarahjálpinni.

Krækja

 

Tyskland efter 10 år med Hartz IV

 

Fyrri færsla

 

Hvað er það í raun sem fær stjórnmálamenn til að selja og gefa burt fullveldi og sjálfstæði þjóðríkjanna í Evrópu? hér

You dont know nothing, ja!

Setjist maður rólega í yljandi lyngið og velti smávegis vöngum í fjarveru sótthita-embættismannahárrar stjórnmálagreindarvísitölu, þá sé ég ekki annað en að þetta sé svona þegar spurt er þannig: Hvað fær stjórnmálamenn til að afsala fullveldi ríkja sinna yfir til Evrópusambandsins? Hvað er það í raun sem fær stjórnmálamenn til að selja og gefa burt fullveldi og sjálfstæði þjóðríkjanna í Evrópu?

Svar; þegar fullveldi og sjálfstæði ríkja verður óverjanlegt (e. indefensible), þá er mikil hætta á að þetta tvennt breytist smám saman í nokkurs konar pólitískan söluvarning. Breytist í pólitíska "skiptimynt" og sogist inn á kauphallargólf hinnar pólitísku græðgi hins pólitíska hagkerfis sem orðið er tröllrisavaxið; "Ég skal svíkja þjóð mína ef þú firrir mig ábyrgð gagnvart kjósendum mínum í staðinn. Þá mun ég geta setið fastar í sessi og án ábyrgðar ofan á kjósendum mínum. Þegar ég hef smám saman selt og gefið burt fullveldi þjóðarinnar, þá mun ég geta sagt við kjósendur mína; sorry, sem þjóðkjörinn fulltrúi ykkar neyðist ég til að segja við ykkur að þetta er því miður ekki hægt, því þetta er ekki lengur á okkar höndum. Þetta "þetta" er komið yfir til Brusselveldisins og þeir ráða þessu um "þetta"." Þannig get ég sem liðleskja, stjórnmálalegur undirförull fölsungur og dagsdaglegur hug- og getuleysingi, setið áfram og enn fastar sem klístruð klessa á háum opinberum launum ofan á kjósendum, sem þá eru orðnir eins konar einkaþrælar valdaelítu sem enga ábyrgð ber gagnvart kjósendum, heldur er elítan þar með orðin eins konar sósíaldemókratískt og nomen-klessu-klattúru-fílter á milli einræðisformsins og gervilýðræðis." Það er svona sem elítuvætt Evrópusambandið hefur risið upp til raunverulegra valda með lygum og falsi stjórnmálastéttarinnar í ESB. Evrópusambandið er í engu sambandi við fólkið. Það er einungis vel launuð stóðelíta á leið til hins erfðafræðilega einræðis valdastrúktúrs meginlands Evrópu.  

Þetta sást vel í praxís og undir eins konar tímalegri hraðspólun í Noregi þar sem svo kallaðir quislingar spruttu upp í aðdraganda og undir valdatöku nasista í Noregi. Þegar fullveldi og sjálfstæði Noregs var orðið óverjanlegt, þá spruttu samskonar öfl úr læðingi og nú eru hægfara að verki í öllum löndum Evrópusambandsins. Þannig varð fullveldi Noregs að pólitískum viðskiptavarningi í hinum pólitíska sektor. Þetta endar auðvitað aldrei vel því þetta er sjálf fæðingardeild ónýtra stofnana sem ala af sér eilífa hörmung. Undir áföllum höfum við séð ömurleg öfl leysast úr læðingi. Og trúið mér; á meginlandi Evrópu mun elíta Evrópusovétsambandsins nýta sér öll núverandi og framtíðaráföll til hins ýtrasta.

 

Fullveldisafsalið treystir ömurlega og andlýðræðislega stjórnmálamenn ófrelsisins í söðli sínum. Þeir eignast við afsalið verndara valda sinna hjá hinu yfirríkislega umboðsluasa valdi nómenklatúru-veldis ESB. Og þeir skýla sér á bak við rotnar einræðis og umboðslausar stofnanir þess.

Hafið er okkar stóra vörn. Við liggjum ekki í túnfæti Þýskalands eins og til dæmi Danmörk gerir. Um þessar mundir er síðasta tækifæri Dana á því að verða fullvalda þjóð að renna út, áður en Grænland lýsir yfir sjálfstæði. Þangað hefðu Danir getað flutt og notið og varið sjálfstæði sitt fram í rauðan dauðann. Í túnfæri Þýskalands getur ekkert sjálfstæði neinna ríkja þrifist eftir að stórveldi Bandaríkjamanna pakkaði saman og fór heim frá meginlandi taparanna í ESB.

Fyrir andvirði einnar Kredithörpu sem marrar þungt í höfninni í Reykjavík, hefði mátt kaupa 8 til 12 stykki af F-16 orustuþotum til ótvírætt að handhefja fullveldið í lofthelgi lýðveldis okkar Íslendinga. Sem samstilltur stórstrengur við Bandaríkjamenn væri hljómkviða framtíðar Íslendinga í eigin landi þar með orðin ósigrandi. Og undir 200 sjómílum og áframhaldandi sterkum og peningalega græðandi sjávarútvegi, hefði arður hans sjálfviljugur getað reist tónlistarhús sem hæfði landi fiskimanna og bænda. Tónlistarhús myntsvæðis íslensku krónunnar á átjándu stærstu eyju heimsins hefði þá getað orðið aðdáunarvert.

Í staðinn búum við við ríkisskipulagt undanhald sem koma mun á ánauðarríki fátæktarinnar í anda Evrópusovétsambandsins.

Hægt er enn að hysja upp um sig brækurnar, hæstvirtu drullumallarar

Tækifærin felld til jarðar

Eini herafli Íslands er ríkisstjórn Samfylkingar og Vinstri grænna sem herjar á fólkið í landinu. Hún er eins og rokið. Hún fellir þroskuð bláberin til jarðar þar sem þau rotna og verða engum mannlegum til gagns. Tækifærin eru af ríkisstjórninni blásin af lynginu og látin rotna ormum til góða. Úr þessum búskap kemur aldrei neitt nema ríkisskipulögð fátækt. Og af henni hefur alltaf verið nóg í faðmlagi þjóða við sósíalisma og kommúnista. Þetta ragnarok Samfylkingar og Vinstri grænna hefur nú geisað á fjórða ár. Og vindurinn er kominn inn í höfuð fólksins. Þar geisar hann og lamar þjóðarlíkamann sem sundrast samkvæmt áætlun.

Af ferðamönnum komust apar loks í þjóðareign. Fram stormar fátækt í súrkáli. Ísar koma.

 

Portúgalir komnir til að vernda Kredithörpuna

Vængsveit portúgalska lofthersins er kominn til Íslands til að passa upp á loftbelgi Hörpunnar. Portúgal er ESB-land sem hangir fast í hengingaról evrunnar. Landið er í AGS-prógrammi og það er sokkið fast í leðjusvað björgunarátveislu Brusselveldisins. Atvinnuleysi er að nálgast 16 prósent og skattatekjur ríkissjóðs eru að þorna upp. Landið og fjármálakerfi þess er lokað af frá hinum alþjóðlega fjármálaheimi. Enginn treystir því fyrir einum dal yfir nóttina, nema auðvitað Íslendingar, sem fela þeim að handhefja eftirlitið með 800.000 ferkílómetra lofrými sínu.

Landsstjórn einnar ríkustu þjóðar veraldar sem þykist ekki getað skaffað sér eins og eina tólf stykkja eskadrillu af F-16 þotum með öllu til að hafa eftirlit með lofthelgi landsins, á meðan hún kvakar og landkynningar-klappar fyrir sjálfri sér ofan í tugmiljarða öskubökkum bankakerfis Kredithörpunnar, er ekki upp á marga fiska, verð ég að segja. Mér blöskrar. Af hverju er þetta svona?

Það er varla að þjóðkjörin landsstjórn Íslendinga tými að halda uppi sæmilegri löggæslu í landinu okkar. Hvað er að. Er þetta Icesave?

 

Getur þetta verið rétt?

Já. Bara hægt undir ESB

 "A good plan, violently executed now, is better than a perfect plan next week."

- George S. Patton

Gríska ríkisstjórnin hefði aldrei getað verið að mölva þjóðríki Grikkja eins grunnleggjandi niður og gert er nú undir yfirríkislegu valdi Evrópusovétsambandsins í Berlín, París og Brussel. Þetta hefði aldrei getað gerst hér, það er alveg rétt - enn sem komið er. En það sem meira er; Þetta er einmitt sjálfur tilgangur Evrópusambandsins. Að yfirríkislegt vald algerlega óábyrgt gagnvart kjósendum öllum og alls staðar á sama tíma, komi og endurhanni ríki borgaranna í mynd Evrópusovétsambandsins. Þetta gerði Moskva í öllum gömlu sovétríkjum sínum og í jaðarríkjum. Fræ voru jafnframt send í stórum stíl til Norðurlandanna og þeirra á meðal var sjálft Ísland. Fræberar yfirríkisvalds Kremlarkommúnista báru fræin hingað og reyndu að gróðursetja þau hér í íslenskri mold á sama hátt og Samfylking Vinstri grænna er að gróðursetja fræ hins nýja Evrópusovéts hér í dag. Munurinn á þessu er í eðli sínu enginn, nema tækninni sem beitt er. Evrópusambandið — og allar stofnanir þess — er fyrir löngu orðið ósnertanlegt. Það er orðið gangster-ríki í ríkjum þess. Sovét þess mun dafna ákaft í krafti þeirra hörmunga sem það veldur og stórveldi ESB-gangstera rísa með hægfarandi en öruggum stíganda. Svo koma í lokin nýjar útrýmingarbúðir með öllum græjum, samkvæmt venju. Sú tækni er alltaf á endanum notuð í rústum eyðilagðra þjóðríkja sem minna mest á keisaraveldi og þriðju gráðu evrópsk sovétríki, eins og ESB verður. Þessi sjúkdómur er ólæknandi á meginlandi Evrópu. Og Bandaríkjamenn eru farnir. Doktorinn er farinn heim.

"Fixed fortifications are monuments to man's stupidity."

- George S. Patton

Þjóðríki Grikkja er verið að rústa og því mun verða rústað. Þeir hafa misst af tækifærinu til að útfæra hina efstu línu hér að ofan. Vikan er liðin. Glugginn fyrir Grikkland hefur lokast. Grikkland hættir líklega að vera til. Þeir sem hugsa sjá að Grikkland getur lítið sem ekkert gert nema að herinn taki þar völdin og verndi þau með vopnavaldi. En það mun ekki gerast fyrr en allt er orðið of sótsvart til að hægt sé að þvo hendur neinna hreinar innanlands. Enginn mun þá samt þora að snerta á Grikklandi í návist ESB-veldisins, sáttmála þess, laga og dómsvalds. Þetta er ennþá verri staða en af esb-heilasködduðum upphugsast gat þegar ESB þeirra var smyglað inn í tilveru Evrópubúa á upplognum forsendum allar götur frá og með árinu 1955. Engin leið er út. Og engin leið verður heldur út fyrir nein þau ríki sem gengist hafa sambandinu á hönd. Svona fer þegar stjórnmálamenn gera sjálfstæði og fullveldi ríkja að pólitískri skiptimynt á kauphallargófi hins pólitíska geira þjóðríkja undir áföllum. Eitt átakanlegasta dæmi um pólitíska svikamyllu af þessu tagi eru til dæmis kosningasvikarar Vinstri grænna sem í slagtogi við Samfylkingu kratakomma eru að reyna að selja Ísland fyrir setu í ráðherrastólum. Svona fer pólitísk græðgi illa með menn og heil lönd.

"In case of doubt, attack."

- George S. Patton

 

 

Fyrri færsla

 

Evran fallin miklu meira en íslenska krónan 

 

Evran fallin miklu meira en íslenska krónan

Frá því að fjármálakreppan skall á, haustið 2008, hefur evran fallið um 44 prósent gagnvart Ástralíudal. Það er gagnlegt að vita þetta. Sérstaklega á meðan brunalið Berlínar í öxulveldi Parísarhjólsins í Brussels er önnum kafið við að pumpa bensíni til íkveikju í Evrópu á ný. Ítrast gagnlegt. Fréttaofsi DDRÚV ætti jafnvel að nefna þetta á hverjum degi ársins. Þetta er svo gagnlegt. Reyndar ætti að kenna öllum heimilislæknum þá hjálp í viðlögum við ofríki afglapa-ríkisstjórnar Íslands að allir óglaðir sjúklingar sem mæti hjá þeim til ráðfærslu séu alltaf og allra fyrst spurðir að því hvort þeir hlusti á nokkuð á DDRÚV. Marga kvilla og sjúkdóma mætti þannig lækna strax.

Nokkrum vikum eða dögum áður en gengisbinding argentínska peso við Bandaríkjadal var rofin, sýndu stórar skoðanakannanir — þær kanna skoðanir — að yfirgnæfandi meirihluti Argentínumanna vildi að hagkerfi og þjóðfélag þeirra myndi halda áfram að dingla fast í hengingaról gengisbindingarinnar, sér auðvitað til eins konar hægðarauka. Hver vill ei græða og engu tapa.

Að hafa ekkert gengi er eins og að vera könguló sem hefur einn séns. Hitti karlhagkerfi þessarar tegundar ekki samfélagsmaka sinn rétt, þá er úti um það að eilífu. Einn séns. Bara einn séns. Þá væri þegar allt fyrir löngu orðið úti fyrir Steingrími J. Sigfússyni. En sá maður er búinn að fá marga sénsa og hefur hann klúðrað þeim öllum, undantekningarlaust. En gengið skal auðvitað frá fólkinu tekið og því troðið samfellt í 10 ár inn í evru Grikklands.

Styrmir velti Grikklandi evrunnar fyrir sér á Evrópuvaktinni í gær. Kæri Styrmir. Veistu ekki hvað er að gerast? Jú þú veist það vel. En þorir bara ekki að segja það. En ég skal segja það; það er svona sem hið nýja sovétríki Evrópusambandsins er stofnað. Ríki ESB getur aldrei orðið annað en nýtt sovétríki. Þetta mjakast. Þetta smákemur, samkvæmt áætlun, og ekki samkvæmt neinni skoðanakönnun, nema Lissabonsáttmálanum sjálfum, sem enginn kaus. Og þar á undan eru allir hinir sáttmálar sambandsins og helvítis-dómstóll lagaveldis lygarómans Rómarsáttmálans; ECJ. Lagaklask frá fjandanum.

Sikileyjarræðu Pattons muna sumir enn. Hún var ekki beint falleg því aðstæðurnar voru framar skelfingu. En hún er samt vandlega varðveitt í skjalasafni bandaríska þingsins og hefur hún alltaf verið betri, heiðarlegri og gagnlegri en Rómarsáttmálinn hefur reynst Evrópu frá upphafi. Enginn í Evrópu mun rúlla Þýskalandi til baka ofan í lampann, úr því sem komið er. Og sú staða er ekkert grín fyrir Evrópu. Þetta átti ekki að geta gerst. Leið-togari Evrópu hefur kastað trollinu. Hann fékk sinn stimulus — á kostnað annarra — og nýtur þess.

 

Fyrri færsla

 

Evran fallin um 15 prósent á 12 mánuðum 

Evran fallin um 15 prósent á 12 mánuðum

 

Gagnvart Bandaríkjadal er evran nú fallin um 14,8 prósent frá 30. ágúst í fyrra. Fallið er hins vegar rúmlega 22 prósent frá því í júlí 2008. Þar á undan, eða frá því evran féll 30 prósent er henni var sleppt lausri á þjóðríki evrusvæðis, þá leyfði brjálsemisseðlabanki þessarar myntar henni að hækka um 100 prósent gagnvart Bandaríkjadal.

 

Evra myntbandalags Evrópusambandsins (EMU) er stærsta fjármálabóla mannkynssögunnar. Þessi bóla EMU-yfirvalda er nú sprungin. En allar raunverulegar langtíma afleiðingar sprengingarinnar eiga hins vegar eftir að koma í ljós og til dreifingar. Mig grunar sterklega að við séum að horfa á síðstu ár nokkurs konar frelsis og markaðskapítalisma í Evrópu, en sem í raun er og hefur þó bara verið gerfill. Þykkna mun hræðilega upp. 

Þegar ég hér að ofan sá þessi fragtskip Warrens Buffet æða um sléttur Bandaríkjanna á 112 km hraða á klukkustund, þá duttu mér í hug þeir 400 þúsund vörubílar — svo kallaðir trukkar — sem Bandaríkjamenn sendu yfir til Stalíns í Sovétríkjunum. Þessir vörubílar réðu úrslitum síðari heimsstyrjaldar að miklu leyti, því þeir vélvæddu Rauða herinn, sem þá andaði en dó áratugum síðar í upplognu sovésku hagkerfi kommúnista. Og sem þá framleiddi aðeins 50 þúsund trukka á ári. Þessi úrslit fara brátt að falla enn og miklu frekar en orðið er á meginlandi taparanna í Evrópu.

 

Fyrri færsla

 

Íslenska V8-krónan ekur yfir evruna í forarpytt ríkisstjórnarinnar

 

Íslenska V8-krónan ekur yfir evruna í forarpytt ríkisstjórnarinnar

  

Það sem til þarf er staðfesta, ofgnótt afls og hugrekki. Hreinan kraft, hugrekki og staðfestu. Ekkert þessa er að finna í forarbúri ESB-uppjafarríkisstjórnar Jóhönnu Sigurðardóttur og Steingríms J. Sigfússonar, né heldur hjá Evrópusambandinu í Brussel. Þar sekkur evran eins og steyptur austur-þýskur klossi um háls fólksins og tekur allt meginland Evrópu með sér í fallinu. Tekur það með sér niður til þeirra nýju sovétríkja sem nú bíða fólksins um borð í "pakkanum". Og ekki skortir evruna né ríkisstjórnina drullusokkana á marðarstellið. Um borð í evrunni þyrftu Já-afglapar-Íslands að vera til að afplána þann lífstíðardóm sem sjálf ESB-aðildin og evruupptakan í reynd er. En þar er Bjartur okkar ekki. Hann er ekki þar.

Asnar.

Frekari og holla lesningu fyrir Já-afglapa-Íslands má finna hér: The Power of Negative Thinking. Ég mæli með að lesendur smelli á krækjuna í efstu línu til að fara þaðan inn á New York Times og lesi alla greinina þar áður en rifið er framan úr sér já-húddið. Hat-tip, þ.e hattur ofan til FT/Alphaville og Stjána á krónukeyptum Jeep CJ, sem þýðir borgaralegur jeppi.

Fyrri færsla

Evrusvæðið: minna en ein fasteign selst á mánuði

Tengt

Bjartur í Sumarhúsum kominn með hitaveitu, nóg rafmagn og 200 sjómílur