Vill svipta Lundúnir stöðu gjaldeyrisviðskiptamiðstöðvar - með evrur

Hinn á vissum stundum opinberi embættismaður og Seðlabankastjóri Frakklands, Christian Noyer, sem með herkjum vinnur af sér sína helstu og hörðu aukavinnu á stólsessu í bankaráði ECB-aukaseðlabanka Þýskalands ofaní Evrópusambandinu, hefur nú skyndilega smitast af veiki Jean-Pierre Grard hinum fyrrverandi peningastefnumanni bankaráðs þessa eða hins seðlabanka Frakklands —og sjálfum höfundi "Gerard-kúrfunnar"— og sem svo seint sem árið 1998 sagði að sjálfur tilgangur myntbandalags evrunnar (EMU) væri að sjúga fjármagnið út úr Bandaríkjum Ameríku, þvinga stýrivexti Bandaríkja Ameríku upp, þrýsta atvinnuleysi í Bandaríkjum Ameríku upp í hæðir og loks að þvinga þessi sömu Bandaríki Ameríku til samþykkja miðstýrða gengisskráningu gjaldmiðils einmitt þessara sömu og sjálfra Bandaríkja Ameríku. Væntanlega helst líkamlega og þá kannski samkvæmt reglusetti gengisskráningar CFA-nýlendnanna, sem gerist á hádegi frá einu skrfiborði í miðpunkti alheimsins í París. Það er að segja þegar og ef tími til þess gefst. Og tíminn er ekki gratís eins og allir ættu nú að vita, sérstaklega ekki eftir að hann hætti að þora að koma út.   

Noyer seðlabankastjóri Frakklands segir nefnilega nú, að bráðnauðsynlega verði að svipta Lundúnir stöðunni sem stærstu fjármálamiðstöðvar heimsins, þegar að alþjóðlegum viðskiptum með öngva Frakklands en alla mynt Þýskalands kemur. Sú mynt heitir í dag evra. Og Lundúnir sjá um næstum helming allra alþjóðlegra viðskipta með evrur í 250 alþjóðlegum bönkum borgarinnar á hverjum degi, og sem einnig er stærsti alþjóðlegi gjaldeyrismarkaður alls heimsins á sama tima.

Þetta er nauðsynlegt segir Noyer, svo að aflandsviðskipti með evrur séu ekki staðsett á Bretlandseyjum —já þið heyrðuð rétt; aflands var það— en verði framvegis staðsett innanlands —og hér kemur rúsínan— á sjálfu evrusvæðinu! "Því þá getum við á evrusvæðinu betur stýrt öllum fjármálaviðskiptum á öllu evrusvæðinu." Já. Stafað; komandi fjármagns og gjaldeyrishöft. Þetta sagði Noyer á löngu ferðalagi sínu um heiminn í þeim tilgangi sanna fyrir vissum mönnum að miðpuntur alheimsins í París yrði og ætti að verða miðstöð viðskipta með heimatilbúinn ógjaldfæran gjaldmiðil kommúnistaflokksríkis Kína í sóttkví.

 

Skransala með evrur gætu þá orðið framtíðin. Hún gæti orðið ágætis rúbla þegar fram í sækir í hinum nýju sovétríkjum Evrópusambandsins, og sem þá væri ekki lengur aflands-viðskipti heldur afláts-viðskipti án-lands. Þetta passar vel heim og saman við það sem Charles de Gaulle sagði: "Frakkland og Þýskaland er Evrópa. Restin er grænmeti." 

Evrópusambandið var frá fyrsta neista hugsunar um stofnun þess ávalt, ætíð, fyrst og allra fremst stofnað til höfuðs Engilsaxneskum mönnum; frelsishugsun þeirra, lögum þeirra, lagaheimspeki og dómstólum þeirra, og hinum Engilsaxneska kapítalisma frelsis þeirra (e. the Anglosphere). Got that!

 

Enginn annar raunverulegur hvati lá að baki stofnunar Evrópusambandsins; enginn annar en sá að stúta Anglosphere [inu]. Sjaldan launar kálfur ofeldið. 

 

Fyrri færsla

 

Smyglarar, slökkvilið en þó mest brunalið

 

Krækja

 

á forsíðustoff FT um helgina

 

UK’s euro trade supremacy under attack 

Smyglarar, slökkvilið en þó mest brunalið

Mynd; Þrjú ár eru nú liðin af 100 ára hruni evrusvæðisins. 

 

Sjúklingurinn veldur áfram vonbrigðum. Hann passar ekki við lyfin. Þó hafa engar stökkbreytingar átt sér stað á Evrópu, a.m.k ekki hin síðustu nokkur hundruð ár. Svo mun heldur ekki verða í framtíðinni. Evrópska apótekið er ekki orðið neitt smá batterí nú, ekki frekar en fyrri daginn. Eitt tröllvaxið Evrópusovétsamband. Stækkar og stækkar.

Nú segir og ítrekar Brussel-belgurinn að það sé einmitt mismunurinn á samkeppnisaðstöðu og samkeppnishæfni á milli hagkerfanna sem sé að eyðileggja myntina. Hafið þið heyrt það betra? Það sem myntin átti að lækna er nú að eyðileggja sjálfa myntina. Þetta svarar til þess að læknir skammar sjúkling sinn fyrir að vera veikur, því veiki hans eyðileggi virkni lyfsins sem hann gaf sjúklingunum við sjúkdómnum. Læknirinn segir því nú að sjúklingurinn verði fyrst að verða heilbrigður til að geta þolað lyfin sem áttu að lækna sjúkdóminn sem lyfin voru framleidd til að lækna. Halló !!!!

En evran —sögðu allir fjölmiðlavinsælir sérfræðingar innan sem utan Brusselbelgsins, þegar henni var ýtt úr vör— átti einmitt að jafna út mismun og ójafnvægi í samkeppnisaðstöðu og samkeppnishæfni á milli hagkerfa evrusvæðisins. Hún átti líka að stórauka —300 prósent sögðu sumir hagfræðingar— verslun og viðskipti milli þeirra landa sem voru svo "heppin" að fá að koma með í þennan klúbb útvaldra ríkja með "fyrirmyndar" efnahag, eins og t.d. Portúgal , ECB-plakatdrengurinn Írland, Ítalía, Grikkland og Spánn. Áður kynntar umheiminum sem dúkkulísur sogrörs ECB-aukaseðlabanka Þýskalands

 

Árangurinn er eitt stórt gjaldþrota fangabúðakerfi. Ein stór efnahagsleg, lýðræðisleg og peningaleg Síbería!!

Einn eftirsóttasti smyglvarningur á evrusvæðinu, smá 15 árum eftir að sjálfstætt gengi allt að 16 landa myntbandalagsins var lagt niður, er hagstætt og sjálfstætt gengi eigin gjaldmiðils sem passar við ástand efnahagsmála heima í einmitt hverju landi fyrir sig. Gengi sem passar við ástandið heima hjá okkur.

Asnar!

 

Kærar þakkir til Stefaníu Jónasdóttur á Sauðárkróki, fyrir bréf hennar til eina dagblaðsins á Íslandi. Það er á blaðsíðu 37 í Morgunblaði helgarinnar.

 

Fyrri færsla

 

Evrópusambandið perverst rekald

Ríki fái að yfirgefa evrusvæðið

Evrópusambandið perverst rekald

Fyrst; fréttatilkynning hagstofu ESB um atvinnuleysi í ESB;

október 2012

 

Financial Times skrifar svo um hið svo kallaða Evrópusamband í blaði sínu í dag;

 

“The only thing that makes the EU move is the markets,” said one senior EU official involved in almost all these issues. “These decisions are difficult and politicians don’t like making difficult decisions if they don’t have to.”

 

It is a perverse reality, that only the threat of implosion will prevent implosion, but it appears to be reality nonetheless.

 

 

Eftir 10 sáttmála sem alið hafa af sér 500 þúsund blaðsíður af lögum og reglugerðum yfir átján löndum plús tíu fyrrverandi sovétríkjum Stalíns; sinn eigin dómstól sem byggir allt sitt á uppskrift til einræðis; sína eigin gagnslausu mynt; sinn eigin pólitíska seðlabanka; sína eigin elítu 125 þúsund hálaunaðra embættismanna með sinn eigin fána dreginn við hún tannstöngla; ásamt heilum fimm af ríkjum sambandsins kafnandi í geðklofaknúinni öndunarvél á gjörgæslu út um allt meginlandið; er Evrópusambandið orðið að vírus sem enginn annar en Bandaríkin munu nokkurn tíma geta skaffað neina lækningu við. 

Evrópusambands-veiran sem inniheldur 28 ríki hendist til og frá í tilraunaglösum aðalstöðva Frankensteinafélagsins á Berlín-Parísaröxlinum; og getur ekkert; kann ekkert og mun á endanum sjálfkrafa breytast í nýtt allsherjar sovétríki þar sem einræði undir Evrópusambandskommúnisma mun ráða ríkjum öldum saman. Það eina sem gerist nú er pat pot markaðarins í þann kassa sem hristir glösin með veirunum saman í þann eitraða kassakokteil einræðisins sem hann alltaf frá upphafi átti að verða. Perverst en satt.

 

Þetta er sem sniðið sull fyrir Samfylkinguna, útibú hennar og Vinstri græna

 

Krækja;

 

Financial Times; EU indecision fuels insidious problems

 

Fyrri færsla

 

Evran virkar: Aldrei eins mikið atvinnuleysi í sögu Frakklands 

 

 

Evran virkar: Aldrei eins mikið atvinnuleysi í sögu Frakklands

Franska dagblaðið Le Monde segir á hinni prentuðu forsíðu blaðsins í dag að atvinnuleysi í Frakklandi sé nú að springa út sem frostrósir vosbúðarinnar á gluggum hinnar fyrrverandi íbúðar sjálfs doktors Zhivago um allt land. Frá maí mánuði og fram til rauðu októberbyltingar Evrópusambandsins í ár, hafi 240 þúsund manns misst vinnuna í Frakklandi. Að í sjálfum byltingarmánuðinum október hafi 45.000 manns misst vinnuna. Evran virkar.

Í maístirndri reiðigerð hins sænska seðlabanka Görans Persons árið 1994, er hér útskýrt af hverju ríkisstjórn Svíþjóðar hóf það árið útgáfu verðtryggðra ríkisskuldabréfa. Það var gert til þess að sýna heiminum fram á að sænsk stjórnvöld tækju verðbólgu alvarlega - og einnig, að þeirra sögn, til að lækka vexti.

 

Why issue inflation-linked bonds? 

[To] Strengthening the credibility of their low-inflation policy. Since an inflation-linked debt cannot be inflated away, there is less temptation for politicians to generate inflation for the purpose of reducing their government’s debt burden.

Göran Persson varð fjármálaráðherra í byltingarmánuði októbers sama ár, þegar hlutur sænska ríkisins eftir bankahrunið var orðinn um það bil 73 prósent af landsframleiðslunni. Og hann steig öll næstu 12 árin á meðan hann var við völd fast á bensíngjöf útgefinna verðtryggðra ríkisskuldabréfa. Þetta var bráðnauðsynlegt svo að sænski seðlabankinn ætti nú að minnsta kosti fyrir úthlutunum næstu Nóbelsverðlauna Sovétríkja hans í hagfræði 500 prósent stýrivaxta. Kannski verðtrygging húsleigu á handónýtum fasteignamarkaði frá upphafi gratís húsnæðis Tage Erlanders sé enn ógrafin, en gleymd í minniskubbi Perssons. Það er aldrei að vita.

 

Í gær lifði persónulegur og öryggisráðslegur yfirmatsmaður Samfylkingarinnar, Sigríður Ingibjörg Ingadóttir, ekki upp til reglusetta sjálfs Evrópusambandsins um matsfyrirtæki. Þeim er af Brusselveldinu nú bannað að bera mat á borð fyrir greindarskerta í myntfangabúðum sambandsins, fyrr en eftir lokun markaða. Takk. Þessar kröfur greindarskertra Evrópusambandsmanna voru settar á í öllu Brusselveldinu eftir að í ljós kom að skuggamyndin af Evrópusambandinu reyndist vera nakin evra á náttkjól sem óvart lafði niður úr handtösku frú Angelu Merkel á dráttarvélarferð hennar um Evrópu (reglusettið).

 

Fyrri færsla

 

Þvaður Görans Persson í Morgunblaðinu

 

Ein krækja

 

Le chômage explose en France en octobre

Þvaður Görans Persson í Morgunblaðinu

Fyrst er hér áríðandi frétt um öryggisráðsfólkið á fullum launum;

Ummæli Sigríðar stöðvuðu viðskipti

 

Mynd; Yfirlýsing SNB þann 6. september 2011 

 

Í viðtali í Morgunblaðinu þann 27. nóvember 2012 segir þessi fyrrverandi fjármála- og forsætisráðherra Svíþjóðar að "gengi" svissneska frankans sé "bundið" við evru. Þetta er sami maðurinn og lofaði sænska fólkinu því að Svíþjóð væri ekki að ganga í "neitt sambandsríki" (europeisk federation) þegar sænska fólkið undir linnulausum áróðri var hrætt inn í Evrópusambandið eftir bankahrun í landinu árið 1992. Og það með aðeins 52,3 prósent meirihluta atkvæða í þjóðaratkvæðagreiðslunni þann 13. nóvember 1994 —já með linnulausum hræðsluáróðri og falsi— og svo síðar þegar þvinga átti mynt Þýskalands og Frakklands upp á sama fólkið undir forsæti þessa manns. Þá var ESB runnið upp fyrir Svíum og þeir sögðu nei. En út úr ESB komast þeir aldrei aftur. Þökk sé meðal annars framlagi þessa bundna manns. Göran Persson sagði Svíum þá að evran væri uppfundin og komin í heim Evrópubúa til þess að "koma í veg fyrir kreppur". Ha ha. Líklega hefur hann átt við að evran hafi verið fundin upp til að koma af stað kreppum. Því í skjóli áfalla og hörmunga geta krónískir ESB-menn eins og Göran Persson gúffað í sig meiri völd frá þjóðríkjum Evrópu sem alltaf eru í eilífri upplausn undir sovéskum skipulagsbreytingum (structural reforms) síðan Rómarsáttmáli Evrópusambandsins leit dagsins ljós í reykfylltum bakherbergjum um miðjar nætur Evrópu sem um aldir munu vara, skv. hefðbundinni venju.

Sannleikurinn —fyrirbæri sem fæstir í Evrópustöðu Görans Persson hirða um — er sá að gengi svissneska frankans er ekki "bundið" eða "tengt" við evru. Sannleikurinn er sá að þeir sem eiga evrupeninga í evrulöndum treysta ekki lengur á að þessir og þeirra pólitísku evrupeningar manna sem í ESB-liði Görans Perssons eru, muni ekki leysast upp á sama hátt og Göran Persson sjálfur hefur verið leystur upp og nú rúllað nöktum út úr skáp atburðarásarinnar sem Svíþjóð engin og bara alls engin áhrif getur haft á og — alveg þveröfugt við það sem hann lofaði sænska fólkinu — sem sá sambandsríkissinni sem hann alltaf hefur verið, en sagði sænsku þjóðinni að hann væri alls ekki.

 

****

DI skrifar þann 14. júlí 2011: Trots krisen i Europa anser förre statsministern Göran Persson att Sverige ska gå med i valutaunionen. På sikt tror han en gemensam skattepolitik och högre pensionsålder i euroområdet är oundvikligt.

 

Göran Persson svarar; "Vi går mot en europeisk federation. Det kanske ligger 30 år bort, men det är inte lång tid när vi talar om den här typen av stora förändringar,"

**** 

Það eina sem bindur svissneska frankann við evru er sjálf gengisskráning evru, sem svissneski seðlabankinn þó heimilar enn í landinu. Þannig eru allir gjaldmiðlar heimsins tengdir; í gegnum gengisskráningu. Og þannig á það að vera. Þeir eiga ekki að vera tengdir með pólitískum handjárnum þvers á landamæri eins og evran er kyrkingartengd um hálsa myntbandalagslanda Evrópu. Ekki er víst að nein evra verði til á skrá neins staðar innan skamms. Það er alls ekki víst. Því stafar heiminum mikil hætta af evrunni. Sú er hennar eina tenging við veruleikann.

 

****

The ECB has lost its independence and is now trying to maneuver the halls of Eurozone's politics |SL 12. nóvember 2012|

****

 

 Og klukkan tifar á meðan sogrörs ECB-aukaseðlabanki Þýskalands veður pólitíkst um myntsvæðið sem einmitt sú pólitíska stofnun sem hann er. Hleypir Spáni inn í hitann eitt augnabilk, þvert á allar umsamdar reglur, en bara um stund, en læsir Portúgal úti á meðan því annars er hætta á að Grikkaland biðji um einn extra dropa á krossinum. ECB er orðið stjórnlaust ófreskju rekald með alla pólitíkusa myntsvæðisins ofan í öllum vösum sínum.

 

 

Sannleikurinn er sá að fyrirtæki og íbúar evrusvæðisins flýja með evrur sínar yfir í svissneska franka. Þetta þýðir að eftirspurn eftir svissneskum frönkum er svo mikil að það ógnar útflutningsatvinnuvegum Svisslendinga og skapar hættu á verðhjöðnun innanlands. Seðlabanki Sviss (SNB) hefur því gefið út aðvörun til markaðarins og sem hann handhefur. Fari gengi svissneska frankans yfir vissa tölu gagnvart evru, vegna gríðarlegrar eftirspurnar sökum fjármagnsflótta evrubúa inn í gjaldmiðil Svisslendinga, þá mun seðlabankinn ekki hika við að grípa til aðgerða með því að prenta og gefa út eins mikið magn franka og nauðsynlegt er til að halda gengi hans gagnvart tilvistarkrepptri evru undir hinni yfirlýstu gengistölu seðlabankans. 

Þetta þýðir í stuttu máli það að SNB lofar aðilum markaðarins að hann muni —gerist þess þörf— prenta ÓENDANLEGT magn af frönkum til að halda gengi hans fyrir neðan þá gengisskráningu frankans gagnvart evru sem seðlabankastjórnin í Sviss hefur sett sem þak eða gólf.

 

SNB sótthreinsar (e. sterilization) sig svo af þessum vafasömu fjöllum af tifandi evrum í gjaldeyrisforða sínum eftir ýmsum krókaleiðum, sem geta verið ansi flóknar. Fyrst með því að henda þeim immed út úr fjármálabókhaldi bankans sem tifandi evrum og án neinnar viðkomu í fjármálakerfi landsins. Hann ER þegar hættur að kaupa frönsk ríkisskuldabréf fyrir þessar evrur því það er orðið of áhættusamt eftir atburði síðustu viku. En fyrst og fremst af því að Frakkland á enga mynt og getur því ekki bjargað sér út úr vandræðum. SNB ER fyrir löngu hættur að kaupa flest ríkisskuldabréf allra þeirra evrulanda sem heita ekki Þýskaland, því þau eiga enga mynt og geta ekki bjargað sér. Hann kaupir hins vegar mikið af breskum ríkisskuldabréfum og bandarískum. Líkur eru á að sótthreinsun bankans á áhættusömum tifandi evrum út úr peningakerfi landsins endi loks sem eins konar þjóðar- eða auðlegðarsjóður. Það á eftir að koma í ljós. 

Gengisbinding Görans Persson við evrur er hins vegar pólitískt persónuleg og líklega skattfrjáls. Og hún er aðeins til í höfði hans svo lengi sem hann sjálfur er gengisskráður í Brussel. 

 

Aðeins meira um fullveldið og svissneska frankann

 

Þetta er dýpra mál en mér virtist í fyrstu þegar tilkynning svissneska seðlabankans var gefin út í fyrra. Þá sagði ég; Svissneski seðlabankinn (SNB) sýnir hér ófullvalda evruríkjum hvar bankinn keypti dýrmætt og fullvalda ölið. Í myntbandalagi Evrópusambandsins verða lönd í álíka aðstæðum að deyja drottni sínum og leggjast sem örkumla sjúklingar í öndunarvél uppgjafar og sjálfspyntinga í Brussel. Grikkland, Portúgal og Írland eru með ca. 50-60 prósent of hátt gengi fyrir hagkerfi sín. En þau geta ekkert aðhafst sér til sjálfshjálpar. Þau eiga enga mynt og engan prenthæfan seðlabanka. Þau deyja bara.

 

FT 7. sept. 2011: What will Switzerland do with all those euros? 

 

SNB er í reynd að stunda það sem seðlabanki Bandaríkjanna hefur verið að gera, en samt á annan hátt. Aðferð SNB er þessi; seðlabankinn sjósetur peningastefnu sem fyrir opnum tjöldum hótar að prenta alla þá peninga sem til þarf til þess að halda gengi frankans neðan vissra marka gagnvart umheiminum. Næstum öruggt er að bankinn verður að gera alvöru úr hótunum sínum. Aðstæðurnar í tímarúmi sögunnar eru þannig innréttaðar því this is now ! Hvað mun bankinn kaupa fyrir þessa nýprentuðu peninga, sem þó eru ekki líkamlega prentaðir heldur verða t.d. FX-skiptalínur bankans notaðar til samstundis peningasköpunar? Jú hann mun kaupa evrur, dali, pund og annað. En hvernig ætlar hann að losna við þessa peninga og hvað ætlar hann að gera við allar verðlitlu evrurnar sem hann á á hættu að sitja uppi með þegar evran lendir á nýja Berlínarmúrnum. Jú hann mun jafnt og þétt kaupa ríkisskuldabréf fyrir evrurnar og losa sig þannig út úr því birgðahaldi. En hvaða ríkisskuldabréf? Sannarlega ekki þeirra evrulanda sem heita ekki Þýskaland eða álíka. En hvað mun SNB gera við þessi ríkisskuldabréf? Jú, það sama og Norðmenn. Búa til þjóðarsjóð? 

 

Fyrri færsla

 

The Convergence Criteria; Maastricht-sjálfsmorðssamleitnin

The Convergence Criteria; Maastricht-sjálfsmorðssamleitnin

hlusta | lesa

 

Í heil fimm ár mátti ég næstum daglega þola að hlusta á danska DDR-alríkisútvarpið og því sem næst alla fjölfaldaða loftpressu danskra fjölmiðla, tala gáfulega um hina svo kölluðu e. Maastricht Convergence Criteria - á dönsku d. Maastricht-konvergenskriterierne - og á góðri íslensku eins og stendur hér fyrir ofan í fyrirsögn. Þetta var orðið suð í eyrum manns. Börnin í leikskólum landsins vissu vel hvað þetta var; "kva, konvergenskriterierne, selvfølgelig da!" Vissu þetta jafnframt einn og annar stjórnmálamaður í landinu ásamt sérfræðingum þeirra á alríkisfjölmiðlinum; sem er þinghús þjóðarinnar. Þingmenn nota síðan sjálft þinghúsið sem eins konar búningskelfa og púðurdós áður en þeir koma þar paa. Enda svo að segja ekkert lengur á valdi þeirra til neins annars en blaðurs.

 

Þarna var verið að reyna að troða öllum þeim tíu til tólf löndum Evrópusambandsins, sem hvorki hétu Þýskaland né Frakkland, ofan í það magabræðslubelti ESB-elítunnar sem situr nú sem strangt-spandexeruð og elastískt hlaðin kyrkingarvél utan um hagkerfi, ekki bara 10, heldur 16 af öllum 28 hagkerfum landa Evrópusambandsins. Fyrir þessu hefur hið svo kallaða gengisfyrirkomulag e. European Exchange Rate Mechanism [ERM] staðið allar götur frá árinu 1979 með gúrkuaðferðum sínum. Linnulaust sax hvern einasta dag næstum allra áranna sem liðin eru. En árið 1979 var hann settur á laggirnar til meðal annars að halda utanum peningahlið hins hlutfallslega ömurleika sem rann úr styrkjaskólpveitu Evrópusambandsins yfir tún og akra í hinum hlutfallslega stöðugleika heimskunnar í Evrópu. En samt jafn hlutfallslega oft ofan í vasa þeirra sem kunnu á pappíra elítu-musterisins.

Þessi gormteygnikrafa (e. elasticity of payday) myntdellumanna Evrópusambandsins, undir allsherjar samsæri verkalýðsfélaga, atvinnurekenda og ríkisvaldsins gegn fólkinu í löndunum, um hina svo kölluðu langtíma-vexti á 10 ára ríkisskuldabréfum á síðustu 12 mánuðum [e. long-term interest rates - average yields for 10yr government bonds in the past year] við evruupptöku  —og þá fyrst eftir allt að 5 ára súrrealisma viðkomandi hagkerfa inni í ERM-pyntingarklefum sambandsins undir hinni fjálglega umfjallaðri Maastricht-sjálfsmorðs samleitni fram að útgáfudegi evrunnar— var sú að öll löndin sem taka myndu loksins þátt í evru sjálfsmorðs samleitninni þegar henni yrði hleypt á skrokkana í hinni elastískt spandexeruðu kyrkingarvél ERM-samleitninnar, áttu jú að hafa náð langtímavöxtum á 10 ára lánum sínum niður á meðaltal þeirra langtímavaxta sem Þýskaland og Frakkland greiddu á skröpuðum botni veruleikans, vegna ístrandsiglinga þeirra niður í svo að segja ekki neitt á þeim tímum. 

Það mátti nefnilega ekki heita, kallast né minnast á að meðaltalsvextir í elastískt skilyrtri spandexeraðri kyrkingarvél ERM-samleitninnar væru meðaltal ALLRA langtímavaxta þeirra landa sem áttu að taka á sig hengingaról Maastricht-skilyrða evrunnar. Nei, einungis bara þeirra þriggja sem skröpuðu botnlausan botninn.

Þetta var svo súrrealistískt galið, að árið 1999 þurfti Írland að þrýsta langtímavöxtum á skuldabréfum ríkissjóðs landsins niður um 300 punkta (þrjú prósentustig) til þess að þeir væru sambærilegir við sömu vexti í Þýskalandi. Og þetta voru einmitt þeir vextir sem byggðu allt gólfið undir allri vaxtamyndun á almennum fjármálamarkaði á öllu Írlandi. Þetta var svo fíflalega vitfirringslega galið því að á sama tíma —og á árunum þar á undan— hafði hagkerfið á Írlandi verið að vaxa um þetta 10-12 prósent að raunvirði á ári og útlánavöxtur í fjármálakerfi landsins var 25 prósent! á ári. Og húsnæðisverð hafði hækkað um 60 prósent á síðustu undangengnum fjórum árum og stóð þar að auki frammi fyrir því að hækka um 50 prósent á sjálfu árinu 1999. Já, þarna þegar pína átti allt vaxtamyndunargólfið í hagkerfinu niður til að "uppfylla" sjálfsmorðssamleitnina í ERM III, sem er evran. Þetta var, er enn, og verður enn um svo langa langa framtíð svo mikið brjálæði og svo mikið bullþvaður, þessi söngur um "agaða hagstjórn" í löndum hinnar elastískt spandexeruðu kyrkingarvél ERM-samleitninnar í ESB, að það þyrfti að leggja mann varanlega inn á hina sovésku geðklofadeild Vinstri grænna til að geta aldrei skilið sig við þetta þvaður lygamarða Samfylkingarinnar að eilífu aftur.

Hér heima —já hér heima!— syngja menn einnig þennan himpa-gimpa sálm vitfirringarinnar áfram. Skrifa og blaðra jafnvel sönginn kragaklæddir á prófkjörslista umhverfis Rómarborg, um að mynt sé til þess gerð að geyma verðmæti í henni. Þessu fólki bendi ég á kirkjugarðana. Þeir eru staðir þar sem líkkistur eru grafnar niður til að geyma dautt fólk í. Því til lengri tíma lifað, erum við öll dauð.

Og nú er mynt Íra farin. Hún er grafin í konvergeraða kirkjugarða Maastricht-sjálfsmorðssamleitninnar. Myrt með vitfirringu.

 

Tengt

 

Derek Scott: Sannleikurinn um efnahagsmál Írlands 

 

Fyrri færsla

 

Danska sjónvarpið fór til Grikklands, Ungverjalands og Serbíu [u] 

Danska sjónvarpið fór til Grikklands, Ungverjalands og Serbíu [u]

 

Gyðingahatur virðist sameina sósíalista. Austur-Evrópa kom svo gott sem gereyðilögð undan átrúnaðargoðum margra íslenskra vinstri manna; sovétinu. Og 30 ára aðild Grikklands að Evrópusambandinu hefur nú eyðilagt það land. Dópsala styrkjaskólpveitu ESB elítunnar virkar; hún leysir þjóðríkin upp, plægir, herfir og undirbýr jarðveginn fyrir sósíalisma nasista. Og þá þurfa Gyðingar að fara að passa sig, því Gyðingahatur í Evrópu er stórt, líklamlegt og andlegt. Og Serbía er enn að glíma við afleiðingar 1919 reglustrikunar Evrópu, Sovétveldis sósíalista og sameinaðrar fávisku ESB og SÞ.

Utanríkismálaþáttur danska DDR-Light ríkisútvarpsins, Horisont er hér, 19 mínútna langur. Vel þess virði að horfa á:

Støvletramp og nazi-hilsner

Sérfræði dagsins:

Reform = “If you’ve got a problem, try being more like me.” 

Structural reform = “If your country has got a problem, try being more like my country.”

EconoSpeak: Reform

Sovétríkin byggðu tilvist sína á endalausum "skipulagsbreytingum" (structural reforms), sem er uppáhalds orðskrípi Evrópusambandsmanna. Bæði á fólki og löndum. Eins og hjá terpentínu ríkistjórn Jóhönnu Sigurðardóttur og Steingríms J. Sigfússonar

STRUCTURAL REFORMS = ESB

"Ég er ekki lýðræðissinni, heldur sósíalisti. Eiginlega nasisti"

Á dönsku DDR.DK og íslensku DDRÚV.IS þýðir þetta að maðurinn sé "hægri öfgamaður". Hvað skyldi Sebastian Haffner, heitinn, segja við þessum sérfræðum ríkisútvarpsmanna? Ekki er því skrýtið né óeðlilegt að þingmaður Dana á þingi Evrópusambandsins skyldi segja við þjóð sína að honum þætti betra og auðveldara að ræða við nasista en ESB-andstæðinga. Den går jo lige op!

Mynd; Yfirmaður utanríkismála Dana 

Það eru sönn öfugmæli hjá DDR.DK að kalla Horisont fyrir þátt danska ríkisútvarpsins um utanríkismál. Utanríkismál Danmerkur fluttust yfir til yfirríkis ESB yfir Dönum hjá Evrópusambandinu í Brussel. Yfirmaður utanríkismála dönsku þjóðarinnar er því lafði Catherine Ashton, barónessa af Ashton af Upholland. 

Þetta er svona því Folketinget í Danmörku ákvað að samþykkja nýja stjórnarskrá fyrir alla Danmörku og sem samtímis er stjórnarskrá fyrir öll lönd Evrópusambandsins samtímis og uber alles. Hún heitir Lissabonsáttmálinn**. Alveg sama hvort Dönum líki það eða ekki heima hjá sér í DDR-Light. Horisont-þáttur danska ríkisútvarpsins, sem er skattafjármagnað ríkisdagblað yfir allri Danmörku á ljósvakaformi, þyrfti því að breyta um nafn þegar hann fjallar um um málefni landa Evrópusambandsins. Þá ætti hann að heita Þáttur um innanríkismál Danmerkur. Serbía er ekki í Evrópusambandinu. En þangað nær sjóndeildarhringur sósíalista DDR.DK ekki. Þeim er því kannski hægt að fyrirgefa í þetta skiptið.

** Stjórnarskrá Evrópusambandsins fyrirskipar ákveðið "samfélags- og efnahagslegt lífsmódel" eða líferni í öllum ríkjum sambandsins fyrir alla þegna sovétsambands ESB, alveg eins og stjórnarskrá gömlu Sovétríkjanna gerði; en hún fyrirskipaði að kommúnismi væri hið eina leyfilega og löglega samfélags- og efnahaglega lífsform fyrir alla borgara og fyrirtæki innan landamæra Sovétríkjanna. Út frá stjórnarskránni þeirri ættu allir að skoða æðstu dómstóla gömlu Sovétríkjanna og því næst allan æðsta dómstól Evrópusambandsins, lög hans, dóma og túlkanir; þ.e.a.s. Evrópudómstóllinn (ECJ) e. European Court of Justice.

ECJ-dómstóll Evrópusambandsins styður aðeins þau "réttindi" borgara og fyrirtækja innan sambandsins sem stuðla, hvetja og vinna að ákveðnum málstað sem njörvaður er niður í undirstöðu allra sáttmála Evrópusambandsins; "Une certaine idée de l'Europe" eða "hinni sérstöku hugmynd um Evrópu(sambandið)". Þessi hugmyndagloría um Evrópu ER dómstólinn sjálfur, lög hans og túlkanir. Hún er Dottin niður til Jarðar sem framandi geimvera og illfygli mikið. "Réttindi" boragranna eru af ECJ-dómstólnum aðeins leyfð ef þau stuðla að "meiri sameiningu" (integration). 

Og það þýðir í praxís að dómstóllinn mun alltaf dæma þessari "samruna hugmynd um Evrópu" í hag og vaða yfir öll stjórnarskrárbundin réttindi þegnana í öllum aðildarríkjum. Réttindi borgarana á lagasvæði dómstólsins — og sem hann skammtar — eru bara til í raunveruleikanum ef þau gagnast, stuðla að og styðja við þessa "hugmynd um sameinaða Evrópu". Ef þau stangast hins vegar á við "hugmyndina um sameinaða Evrópu" þá eru réttindi borgarana ekki til (non existing) í augum dómstólsins.

Lengra nær hinn heimspekilegi grundvöllur og lagarammi dómstólsins ekki. Þetta er í eðli sínu einræðisleg uppskrift (e. totalitarian concept) að nýju helvíti á okkar Jörð. Þetta er kjarninn í ESB. Og þetta er nýtt sovét, eins og við mátti búast af meginlandi Evrópu. 

Við eigum að segja okkur úr EES og lifa undir þeim lögum sem aðeins við sjálf setjum fyrir okkur sjálf og bara fyrir okkur sjálf. Magna Carta frá 1215 verðum við ávalt að muna. Fátt verður mikilvægara í þeirri afar slæmu framtíð sem herja mun á okkur frá hinum nýju Evrópusovétríkjum ESB. 

Fyrri færsla

Vissi ekki að Windows-kerfisstjórar væru svona þungir

Vissi ekki að Windows-kerfisstjórar væru svona þungir

En fyrst mætti byrja á því að fjarlægja Adobe Flash* af yfirborði jarðar. Það eitt myndi létta martröð af öllu næstum allra.

Með twinax köplum mátti jafnvel draga bíla í gang. En svo kom altså þetta svo kallaða Windows. Því fór sem fór. Miðaldir tölvunar komust á - og vara enn - e. the dark age of computing.

* ® Registered shitware 

En af himnum ofan féll . .

Aðvörun; Vissir stubbar sem nefna "MS-miðaldir" á nafn hafa nú verið bibb bíbb bíbb ritskoðaðir burt úr kvikmynd þessari, og einnig að mestu delete delete strokaðir út af því sem einu sinni hét Google

"The US Air Force team in charge of selecting and deploying the iPad as an electronic flight bag has produced a great video showing a number of key elements in their process, and highlighting a number of huge benefits that come with the switch to iPads." | meira

Altså . . 

Skoða nýja leitarvél hér?; http://duckduckgo.com/

SIGNOFF (90)

Fyrri færsla

Pólitískar brunabætur 

Hálfu tonni minna af tölvubúnaði

Pólitískar brunabætur

Segjum nú svo, að þú standir fyrir framan 100 íbúða blokk. Þetta gæti til dæmis verið blokkin sem ríkið og verkalýðsfélagið byggði á kostnað skattgreiðenda og launþega handa Tage Erlander, forsætisráðherra Svíþjóðar, áður en kommúnistaflokkur hans og SSU byggðu handa honum heiðurshöllina í Bommersvík.

Segjum nú svo, að í þessari 100 íbúða blokk séu 10 íbúðir í eigu fólks sem neitar að kaupa sér brunatryggingu. Hvaða áhrif haldið þið að slíkt myndi hafa á verðmyndun þeirra 90 íbúða sem þegar eru brunatryggðar í blokkinni?

Myndu þessar 10 íbúðir nokkuð geta fengið útgefið brunabótamat. Nei. Hvers vegna ættu þær að geta það. Þær myndu ekki hafa neitt "brunabótamat". En hvað þá með allar hinar 90 íbúðirnar "undir svona aðstæðum"?

Hvað ætti maður kalla þetta fyrirbæri: A crowding out effect - eða útför/útburður rauneignavirðis þeirra íbúðareigenda í blokkinni sem keypt hafa sér brunatryggingu? Já. Að sjálfsögðu.

Á sama hátt myndu tvennar og mismunandi tegundir höfuðstóls - og sem þá myndast á tvo mismunandi vegu í tímarúminu - virka sem "crowding out effect" á öllum hinum breiða og almenna fasteignamarkaði. Þegar eftirstöðvar (höfuðstóll) lána myndast, þróast og/eða viðhelst á tvo mismunandi og ólíka vegu í tímarúminu, mun sá höfuðstóll sem laðar brunaliðið að, alltaf ná yfirhöndinni. Og þá um leið berja út og jarðsetja þá sem staddir eru á öðrum stað á kúrvunni í tímarúmi tveggja eðlislega-mismunandi endurgreiðslna. Væntingar aðila markaðsins munu sjá um útförina. Og þá verða allir integraleraðir blómakransar afþakkaðir í hinni pólitísku heiðurshöll Bommersvíkinga í Riksbyggen.

 

Þeir sem eru að fitla við "afnám verðtryggingar" ættu að hugsa um þetta, áður en þeir saga af sér hausinn inni í ostaklukku heimskunnar. Ha? "enginn ostur, engin pylsa" sagði litla músin . .

 

Fyrri færsla

 

Hinir peningapólitísku þekkingarvextir

Hinir peningapólitísku þekkingarvextir

Nú les ég í dagblaði að hingað til lands hafi borist hugtak sem kallað er "þekkingarsamfélagið". Alla hina löngu leið frá Nohorðurlendunum þrem í ESB. Hér er auðvitað ekki átt við þá verðtryggingu sem hér heldur hönd sinni undir fasteignaverði landsmanna. Og sem án hennar væri þegar fallið um 60 prósent að raunvirði. Nehei. Hér er átt við verktryggingu í þágufalli fábjánaháttar og volatility.

 

 

 

Þekking - after shave

 

Þið munið kannski enn eftir þrem heimskulegustu þekkingarstýrivaxtaákvörðunum veraldar. Þeirri fyrstu þegar ECB-aukaseðlabanki Þýskalands hækkaði sogrörs-stýrivexti Þýskalands í öllum 14 evrulendum sambandsins, fimm mínútur í hrun í júlí árið 2008. Þeirri annarri sem þekktu aprílgabbi hins sama ECB-aukaseðlabanka Þýskalands, tveim mínútum fyrir hrun myntbandalagsins á vorönn Pragsins árið 2011. Og þeirri þriðju —júlí sama ár— þegar líkkistur evrulanda duttu svo flott niður í grafreiti Brusselveldisins í krossgátu hinna peningapólitísku þekkingarvaxta Evrópusamfélagsins.

Þetta er jú þekkingarsamfélagið. Eins og þið vitið.

Ég minntist því ekki á Seðlabankann, var það?

En hvað eiga menn þá að gera, spyrja þeir væntanlega. "Ég veit ekki annað", segir þá óvæntanleg forsætisráðherraínan. Og hefur "ekki heyrt annað" - væntanlega

 

Tvær krækjur

1. PDF: Ireland's DOOMED goal to become a world-class knowledge economy
2. PDF: Presentation

• Þar á undan var það "þjónustusamfélagið" sem við höfum ekki efni á að nota þjónustuna úr.
• Síðan var það "upplýsingasamélagið" sem bankakerfið var byggt á
• Síðan var það "The New Economy" sem komið átti til að vera, alveg, og sem byggði á tölvleikjum með verðlausa pappíra dottaðra sem komu stundum en fóru þó mest með herra Ímat Úrmat.

Svo eru það öll Lissabonmarkmið Evrópusambandsins I og II og II. . Sem eru heilar þrjár 10-ára áætlandir fullar af pappírum marxista og kommúnista. Grænt að utan, en rautt að innan. Þær eru þekkingarsamfélagið um samhæfingarþvaður þessarra endalausu "structural changes"; þ.e. Stalínsovétískar þjóðskipulagsbreytingar á löndum Evrópusambandsins. Skipulagsfræði þekkingarsamfélagsins. Skipulagið maður! 

 

Fyrri færsla

 

. . you see me screwing everything that moves?