Telur að Ísland hafi aldrei verið umsóknarríki

Guðmundur Steingrímsson hefur talað (sjá krækju á frétt Mbl. neðst)

Tilvitnun:

• Ég lít svo á
• og mér finnst
• Kannski
• til dæmis
• myndi þá gera ráð fyr­ir
• Það get­ur vel verið
• bara Alþingi eða þjóðin
• Ég held
• en ég held

Tilvitnun lýkur.

En hér fyrir neðan og til tilbreytingar er viss staðreynd

Formáli

Forysta stjórnmálaflokksins Vinstri hreyfingin grænt framboð, gerðist eftir stórkostlegan kosningasigur flokksins í Alþingskosningunum í apríl 2009 umboðsmaður annarra en þeirra fjölda Íslendinga er veitt höfðu flokknum umboð sitt og brautargegni inn í ríkisstjórn lýðveldisins. Andstæðingar Evrópusambandsaðildar Íslands leiddu flokkinn til sigurs í ofangreindum Alþingiskosningum þannig að úr varð stórsigur fyrir þann flokk

Í stjórnarmyndunarviðræðum er umboði kjósenda flokksins hins vegar að miklu leyti varpað fyrir róða í þessu örlagaríka máli og eins konar opinber skömm verður til og er látin ráða för við stjórnarmyndun og síðan málafærslu ríkisstjórnar Samfylkingar og VG um þetta mál

Þingmenn flokksins neyðast því næst til að gera sérstaklega grein fyrir umboðslausu já-atkvæði sínu er umsókninni inn í Evrópusambandið er við atkvæðagreiðslu þjösnað gegn umboði og sannfæringu þeirra í gegnum æðstu stofnun Lýðveldisins

Án þessara svika við kjósendur hefði umsóknin aldrei getað orðið til og hvað þá send af stað. Miklum meirihluta kjósenda var troðið á og máttur atkvæðis þeirra að engu gerður

Þingmenn sækja umboð sitt til kjósenda. En ekki öfugt. Þeir höfðu ekki umboð frá okkur Íslendingum og fyrir hönd Íslands til að senda umsókn þessa inn til Evrópusambandsins. Umsóknin er því opinber skömm. Þetta þolir Ísland ekki sem lýðræðisríki. Þetta varð að afmá með því að draga umsóknina til baka og fella hana alveg niður

Þjóðarvilji bar ekki umsóknina til Brussels. Í umsókninni hvíldi því ekki vilji íslenskrar þjóðar. Umsóknin var án umboðs. Ísland var aldrei umsóknarríki

Eftirmáli

a) Meirihluti alþingis —ríkisstjónarflokkar Íslands sem er ríkisstjórnin (e. the Icelandic Republic Government)— hefur nú dregið umsóknina til baka. Það ber að þakka. Málið er dautt

b) Ei er hægt að halda ofangreindu og nú afturkölluðu umsóknarferli áfram með einhvers konar þjóðaratkvæðagreiðslu um ofangreind umboðs- og kosningasvik. Í því myndi felast að bæta gráu ofan á svart. Hin opinbera skömm, sem umsóknin var, myndi við þann gjörning einungis verða stærri

Íslandi, mánudagur, 1. júní 2015

- Gunnar Rögnvaldsson

 

Fyrri færsla

Spurningatíminn: Helferð ESB gegn þjóðríkjum Evrópu

Telur Ísland enn umsóknarríki

Spurningatíminn: Helferð ESB gegn þjóðríkjum Evrópu

Að gefnu tilefni:

Í athugasemd við bloggpistil minn í gær varpaði Ómar Ragnarsson þessum spurningum til mín.

Eftirfarandi er svar mitt við spurningum Ómars. Það á einnig erindi við alla aðdáendur ESB helferðarinnar gegn þjóðríkjum Evrópu og sem næstum allir eru sósíalistar.

Þakka þér innlitið og skrif Ómar

Nasisminn var og er sósíalismi. Bæði kommúnismi og nasismi eru sósíalismi. Og þessi stjórnmálastefna- og pólitíska hreyfing hatar þjóðríkið (Nation State) sem verandi sú fremsta manngæskuberandi stofnun veraldarsögunnar sem hún er og hefur staðið mannkyninu til boða

Alveg sérstaklega er þjóðríkið sem stofnun hatað af sósíalistum vegna þess að koncept þjóðríkisins kemur úr Gamla testamentinu; Biblíunni okkar

Þetta sést einnig ágætlega á sósíalistunum hér á Íslandi sem alltaf hafa hatað þjóðríkið sem manngæskuberandi stofnun

Fremst á dagskrá morðóðrar sósíalistískrar ríkisstjórnar Adolfs Hitlers var að útrýma þjóðríkjunum og að bakka Þýskalandi burt af leið þess inn í þjóðríkið og aftur út í heimsveldið (Imperial State). Svipað má segja um morðóða sósíalistana í Kreml. Þeir hötuðu einnig þjóðríkið

Og já, Helförin var sósíalista-skipulagt morð á heilli varnarlausri þjóð og hún er sönnun þess hvað verður um þjóðir án ríkis. Þjóðir án heimils

Hefði hið sósíalisíska morðgengi Nasista sigrað í styrjöld þess gegn frelsi mannanna, þá hefði ríki þeirra orðið nákvæmlega eins og Austur-Þýskaland kommúnistanna varð. Terrorríki. Svona er sósíalisminn

Það er skrautlegt og ber vitneskju um naivisma að þú skulir halda því fram að þjóð-kjörin stjórnmálaöfl í löndum Evrópusambandsins séu og sitji þar við einhver völd. Það gera þau ekki. Það er Evrópusambandið sem situr þar við völd

Um lítið sem ekkert er að kjósa af því sem svo miklu máli skiptir í tilveru þjóðanna í ESB. Flest hefur verið tekið frá þeim og flutt yfir til ókjörins Evrópusambands sem varð sjálfstætt yfirríki yfir aðildarlöndunum frá og með 1. nóvember 1993. Markmið Evrópusambandsins er að útrýma þjóðríkjunum. Hinn sami sósíalistíski draumur eins og áður er um getið

Til að ESB geti loksins komið út úr skápnum sem fullvalda einræðisríki og heimsveldi með gervilýðræði, þá er eins og er, stanslaust verið að dæla fullveldinu hægt og rólega úr aðildarríkjunum og yfir í yfirríki Evrópusambandsins, sem þá verður bæði fullvalda OG sjálfstætt ríki

Já, segja má að Finnland, Svíþjóð og Danmörk séu í rústum. Framtíðin og sjálfsákvörðunarrétturinn hefur verið tekinn frá þeim. Þau eru tæmd undir-ríki. Enda sést það langt að

Ef fólkið hefði vitað hvernig Evrópusambandið yrði árið 2015, þá hefði ekkert þessara þriggja ríkja gengið í þetta yfirríki ESB. Ekkert þessara ríkja hefði gengið í Evrópusambandið í dag, væri verið að kjósa um það núna og væri fólki sagt hvernig ESB í raun er innréttað

Þetta sést ákaflega vel hér heima, þar sem t.d. þú veist of lítið og jafnvel ekkert um ESB. En væri þér hins vegar sagður sannleikurinn um ESB, þá myndir þú neita að trúa honum eins og aðrir ESB-trúandi sósíalistar

Og svo til að kóróna kransakökuna  þá hefur þetta ógeð stofnað sovéskt þing sem kallast Evrópuþingið. Þar sitja 75 prósent sósíalistar sem gúmmístimplar framkvæmdastjórnarinnar sem er hroðalegt gengi, og þar sem sjálfur formaður framkvæmdastjórnarinnar er yfirlýstur atvinnumaður í lygum og falsi

Evrusvæði ESB er nú versta efnahagssvæði veraldar. Og öll framtíð Evrópusambandsins er svo kolsvört að segja má að þar sé engin framtíð og enn fremur, að engin viðreisn geti átt sér þar stað. ESB er komið beyond point of return og ekkert mun geta bjargað því

Kveðjur

 

Fyrri færsla

Ísland af lista yfir umsóknarríki að ragnarökum Evrópu

Ísland af lista yfir umsóknarríki að ragnarökum Evrópu

MORGUNBLAÐIÐ 29. MAÍ 2015:

 Krækja: Ísland af lista yfir umsóknarríki.

****

Hefðu Samfylkingarflokkar sósíalismans ráðið ferðinni hér eins og í svo gott sem ónýtum teppasprengdum löndum Evrópusambandsins —sem þeir skilvirkt og stanslaust hafa eyðilagt hin síðustu 45 ár— þá hefði það lið umfram allt annað, já allt annað, kosið að allir Íslendingar segðu sig úr þjóðríkinu Íslandi til þess eins að ryðja blessað landið okkar autt og frelsislega gerilsneyða það til þess eins að gera Ísland að esb-grafreit frelsis og velmegunar

Svo ömurleg eru þau esb-sósíalistískt pólitísku öfl. Ekkert eyðileggingarafl eins og Samfylkingarafl sólsíalistanna hefur verið eins sterkt og innanfrá eyðileggjandi í sögu Evrópu eins og þetta Evrópusamband sósíalistanna er. Og sem lifir á því að eyðileggja alla Evrópu eins og hún hefir NÚ lagt sig til hinstu hvílu undir fargi banvæns ESB-sósíalisma þeirra. Stendur álfan nú esb-húðflett og bíður endalokanna. Allir björgunarbátar aðildarlandanna hafa verið gerðir upptækir og brenndir

Á meginlandi álfunnar er þetta samband nú óvinsælla meðal alls almennings en það var á Stóra-Bretlandi árið 2007. En ekkert geta borgararnir þar gert. Lýðræði er ekki lengur til á meginlandinu í eiginlegri merkingu þess orðs. Einræðið er hins vegar orðið ríkjandi í formi esb-gervilýðræðis undir fjár- og reglugerðarkúgunum

Mottó Samfylkingarafla sósíalismans er þetta: “Ég skal svíkja þjóð mína ef þú ESB firrir mig ábyrgð gagnvart kjósendum mínum í staðinn. Þá mun ég geta setið fastar í sessi og án ábyrgðar ofan á kjósendum mínum. Þegar ég hef smám saman selt og gefið burt fullveldi þjóðarinnar, þá mun ég geta sagt við kjósendur mína; sorry, sem þjóðkjörinn fulltrúi ykkar neyðist ég til að segja við ykkur að þetta er því miður ekki hægt, því þetta er ekki lengur á okkar höndum"

"Þetta "þetta" er komið yfir til Brusselveldisins og þeir ráða öllu um “þetta”, væni minn"

Þannig get ég sem liðleskja, stjórnmálalegur undirförull fölsungur og dagsdaglegur hug- og getuleysingi, setið áfram og enn fastar sem klístruð klessa á háum opinberum launum ofan á kjósendum". Sem þá eru orðnir eins konar einkaþrælar valdaelítu ESB sem enga ábyrgð ber gagnvart kjósendum. Er elítan þar með orðin eins konar sósíaldemókratískt nomen-klessu-klattúru-fílter á milli einræðisformsins og gervilýðræðis

Það er svona sem elítuvætt Evrópusambandið hefur risið upp til raunverulegra valda með svörtum og hvítum lygum og falsi stjórnmálastéttarinnar í ESB. Evrópusambandið er í engu sambandi við fólkið. Það er einungis vel launuð stóðelíta á leið til hins erfðafræðilega einræðis valdastrúktúrs meginlands Evrópu

Til fjandans með þetta hyski allt og ESB-afglapastjórnarfar þess

Næst er það EES-samningurinn. Hann verður að fara. Í því ferli þarf að endurmóta hinn alþjóðlega viðskipta- og utanríkisþátt lýðveldisins og senda laga- og reglugjörðina í K-25 ormahreinsun. Engin þörf er á EES lengur. Engin. Sá samningur gerir okkur meira ógagn en gagn og hann er finnskt skaðlegur til framtíðar

Fyrri færsla

Sífellt kaldara veðurfar síðustu þrjá áratugi

Ísland af lista yfir umsóknarríki

Sífellt kaldara veðurfar síðustu þrjá áratugi

Vísindi og veðurfar 

Síðustu þrjá áratugi hefur þróun veðurfarsins í gufuhvolfi Jarðar verið þannig —já, veðrið er víst staðsett þar, en ekki í hausnum á fólki— að vísindamenn velta fyrir sér hvort að ný ísöld sé í smíðum hér á Jörðinni. Flökt veðurfarsins hefur verið þannig

Þykknun hafíss við Ísland er staðreynd sem enginn vísindamaður getur litið framhjá. Vísbendingar um þessa skuggalegu þróun má sjá víða, til dæmis á flótta dýrategunda suður á bóginn

"The trend shows no indication of reversing. Climatological Cassandras are becoming increasingly apprehensive, for the weather aberrations they are studying may be the harbinger of another ice age [..] Telltale signs are everywhere—from the unexpected persistence and thickness of pack ice in the waters around Iceland to the southward migration of a warmth-loving creature like the armadillo from the Midwest. Since the 1940s the mean global temperature has dropped about 2.7° F"

Hitastig hefur fallið um 1,5 gráðu frá 1940. Þess ber þó að geta að sú mæling er ei nákvæm, en þróunin er studd af fjölda annarra sannfærandi gagna

Hrikalegir þurrkar í Afríku í samfellt sex ár og hungursneyðar sem afleiðingar, tala sínu máli. Stórfelldar metrigningar í hlutum Bandaríkjanna, Pakistan og Japan 1972 ullu þar verstu flóðum öldum saman. Í hveitibelti Kanada hafa köld og úrkomusöm vor valdið afar lélegri uppskeru. Hið venjulega vætusama Bretland hefur hins vegar mátt þola óvenjulega þurrkakafla síðustu vorin. Og röð óvenjulega kaldra vetra hefur verið í austustu hlutum Bandaríkjanna

Jörð í Afríku?

Þá vitum við það. Ný ísöld er að koma. Hvernig ætla stjórnvöld að bregðast við þessu? Umhverfið er greinilega að umhverfast. Vonandi umhverfist fólk ekki með því. Verða það kannski fjölmiðlar einir sem grípa hér í taumana?

Fréttin er nýleg í veðursögunni og vísindi eru jú vísindi. Menn verða að muna það

Krækja: Frétt tímaritsins Time

Fyrri færsla

Þrælabúð ASÍ

Þrælabúð ASÍ

Samkvæmt sjónvarpsauglýsingum ASÍ verslar ASÍ með þræla. Til að viðhalda verslun sinni með þræla þá halda þeir þrælum sínum ávallt sem þrælum. Og auglýsa þá svo í sínu DDR-sjónvarpi. Þessi búð verður aldrei gjaldþrota

Eftir 99 ára lúxuslíf yfirstéttar ASÍ á kostnað þræla sinna, þá lítur verslun þeirra eins út og hún leit út árið 1916. Sem full búð af þrælum. Svo er að sögn þeirra enn. Hugsið ykkur; öll þessi 99-ár þrælanna til einskis í þrælabúð ASÍ. Þeir eru og verða bara þrælar ASÍ. Skiptimynt ríkisjötuelítu BAHAMAS ASÍ sem er í Austur-Berlín Reykjavíkurborgar á leið í gjaldþrot sósíalisma ASÍ

Þetta er svona, því að æðsta markmið elíta verkalýðshreyfingarinnar er að viðhalda sjálfri sér fyrir sjálfa sig. Það versta sem getur komið fyrir ASÍ er að þrælar þeirra gerist sjálfstæðir atvinnurekendur eða vinni fyrir sjálfa sig. Þá mun eldi og brennistein rigna ofan í tómt tómt elítu ASÍ sem því vill halda þrælum sínum áfram sem bara sínum þrælum og engra annarra. Og auglýsa þá svo í DDRÚV! Útsala, útsala, útsala

En það fjarar þó hratt undan þrælabúð ASÍ samkvæmt nýrri skýrslu Sameinuðu þjóðanna, sem vel mörg eru skær og sameinuð einræðisríki með hnefa ASÍ-elíta sinna á lofti. Aðeins minnkandi hluti fólks á jarðkringlunni vill áfram vera þrælar. Fólk nennir hreinlega ekki að vera ráðið af ASÍ. Því ekkert kemur út úr því, nema hærri laun handa elítum ASÍ. Þrælar þeirra borga

Þetta segir 99-ára sagan okkur af ASÍ. Án þræla sinna væri ASÍ ekki neitt. Þeir eru því dregnir fram og stillt út í búðarglugga ASÍ á stund örbirgðarinnar. Gjörið svo vel. Aldrei hafa þrælar ASÍ verið eins miklir þrælar og nú. Það hlýtur að vera

Fé opinberra stofnana gert upptækt

Í evruhagkerfi Grikklands hefur forseti og ríkisstjórnin frá og með í gær með valdboði lagt hald á fé opinberra stofnana og sveitafélaga og fyrirskipað að fjármunir þeirra skuli fluttir yfir í evru-seðlabanka landsins, til greiðslu á erlendum lánum, launum og lífeyri til starfsmanna evruríkisins

“Central government entities are obliged to deposit their cash reserves and transfer their term deposit funds to their accounts at the Bank of Greece,” The “regulation is submitted due to extremely urgent and unforeseen needs.”

Fjármunir heilbrigðisstofnana, sjúkrahúsa og sveitafélaga hafa verið gerðir upptækir og ríkið hefur fyrir löngu stöðvað greiðslur til birgja, sem þegar eru árum á eftir í krónískum vanskilum

Fjármunir lífeyrissjóða eru enn sem komið er undanþegnir, en líklegt er að þeir muni einnig hafna á sömu endastöð evruaðildarbáls Grikklands. Sjóðir og fé opinberra samgöngufyrirtækja voru fyrir nokkru gerðir upptækir

Spurt er hvar forsætisráðherra landsins sé staddur. Að sögn þeirra sem þekkja til, er hann á fundum með Paul Krugman

Grikkland gekk í Evrópusambandið fyrir 33 árum síðan og átti aðildin að byggja landið upp. Það hefur því verið byggt niður og lagt í rúst

Svona er að eiga enga mynt. Þetta er draumur Samfylkingar og Vinstrimanna grænna, sem senda bænaskjöl um nauðgun og aftöku Íslands, til verndara sinna í Brussel

Fyrri færsla

"Gutsy" - já svo mikið er víst [u]

"Gutsy" - já svo mikið er víst [u]

 

 

Hugrekki Ísraelsmanna stendur enn óhaggað. En þetta hér að ofan var aldeilis ótrúlegt hugrekki, dirfska og snilld. Já, tær snilld

 

Sagan um skipin í Cherburg er óviðjafnanleg. Hattur ofan - og - ha ha ha ha ha og fliss. Á myndbandinu sjást skipin sigla heim. Hefði de Gaulle enn verið á lífi* þarna um jólin 1969, þá hefði ostaveldi hans sést standandi fastfrosið í andlitslausu höfðinu undir afar litlum potti á hvolfi

 

* Uppfært: Charles de Gaulle var enn á lífi er skip Ísraelsmanna brutust út frá höfninni í Cherburg og út úr lögsögu Frakklands. Hann hafði einungis látið af embætti og þess vegna mátt þola alla þessa harðræðis niðurlægingu í sínu lifanda lífi

 

"Gutsy is not a word one would use to describe Europe’s political class"

 

Styrmir skrifaði um bréf Robert D. Kaplan. En í því bréfi kemur hugtakið "gutsy" fyrir að minnsta kosti tvisvar sinnum. Og Kaplan er meira að segja afar örlátur í garð Evrópusamsærisins gegn frelsinu, því að Kyrrahafsfloti Bandaríkjanna —ofan í að Bandaríkin borga 70 prósent af NATO— hefur einn í 70 ár staðið vörð um frjálsar og öruggar siglingarleiðir fyrir útflutning ESB-landa um heimshöfin

 

Fyrri færsla

 

Svíþjóð: ESB-útrýming landsbyggðar gengur vel

Svíþjóð: ESB-útrýming landsbyggðar gengur vel

"Menningarbyltingin" í ESB

Í fréttum Ríkisútvarpsins kemur fram að verið sé að eyðileggja landsbyggðina í Svíþjóð. Sjá; Bændur mótmæla í Svíþjóð

Þetta er alls ekki svona í Noregi. Þar blómstrar landsbyggðin miðað við ESB-löndin, sem litlu sem engu ráða í eigin landi, því að í ESB-löndum ræður skiptiborið í Brussel flestu

Evrópusambandsaðild Svíþjóðar er að eyðileggja landið og hið sama gildir um Danmörku, eins og kemur fram í þessum leiðara Jótlands-póstsins svo seint sem 29. mars 2015. Horfði ég með eigin augum á þessa vanþróun í Danmörku í samfellt 25 ár. Finnland er líka á leiðinni til heljar, þökk sé einnig ESB-aðild landsins

Þarna gengur allt samkvæmt áætlunum Evrópusambandsins, nema auðvitað í Noregi. Engum í aðalstöðvum Evrópusambandsins kemur þetta á óvart. Þar er inná-við klappað fyrir þessari þróun, en útá-við heldur sambandið áfram blekkingaráróðrinum með aðstoð miljarða evra

Til þess að Evrópusambandið nái markmiðum sínum þá þarf það fyrst að útrýma og slökkva á þeim þjóðríkjum sem eru innan þess. Eitt af stóru verkfærunum sem notað er til þessa er hin fræga byggðastefna og "héraðsismi" embættismannaveldis ESB sem öll ríki þess þurfa að kyngja

Sambandið yfirtekur byggðaþróunina, sama hvort ríkjum þess líkar það eða ekki. Evrópusambandið krefst "héraðsisma" og notar hann sem eitt af helstu verkfærunum til að slökkva á þjóðríkjunum. Það skiptir sér meira og meira af héraðsmálunum undir yfirskini "byggðaþróunar"

Tilgangurinn er að brjóta upp og útrýma því súrefni eða jarðvegi sem alið getur af sér þjóðríki borgara sem hafa með sér sameiginlegan tilgang og markmið. Koma í veg fyrir að þrifist geti þjóðríki sem sjálf setja sér þau lög sem þau lifa í samræmi við

Hin svo kallaða "byggðastefna ESB" (e. imperial regionalism) er notuð til þess að slökkva og til að sundra og þurrka upp þann jarðveg sem þjóðríki borgaranna getur þrifist í. Undir þannig skipulagi og lagaramma er byggðastefna notuð sem eins konar slökkvitæki og verkfæri niðurrifs

Þetta er alveg þveröfugt við byggðastefnu þjóðríkis sem er notuð til að mynda, styrkja og halda þjóðríki borgaranna saman. Þar er hún notuð sem verkfæri í þágu þjóðríkis borgaranna og til að styrkja það. Byggðastefnan er þá lím (ethos) fyrir land þjóðríkis fólks (demos) sem á sér sameiginleg markmið (telos), þ.e.a.s. þann sameiginlega tilgang og markmið sem myndar þjóðríki þeirra

Byggðastefna Evrópusambandsins kemur hins vegar inn í samfélag þjóðríkisins sem tundurspillir (e. destroyer). Þannig stefna getur einnig komið innan frá úr þjóðríkinu með aðstoð og fyrir tilstilli utan að komandi afla eins og við erum að upplifa í dag, sem er Evrópusambandsmartröð ríkisstjórnar Jóhönnu Sigurðardóttur, Steingríms J. Sigfússonar og Össurar Skarphéðinssonar

Tilgangurinn er að sundra, spilla, etja fólki saman og upp á móti samfélagi sínu og koma þjóðríkinu fyrir á biðlistanum eftir engu nema þeim hægfara dauða sem ég kynntist svo vel í dreifbýli meginlands Evrópu í samfelld 25 ár

Menningarbylting Evrópusambandsins í löndum þess fer svona fram. Engan skal því undra að sambandið sé —eftir nokkurn umhugsunartíma— orðið helsta aðdráttaraflið fyrir sósíalista meginlands Evrópu í dag. Þar inni sjá sósíalistar nútímans sæng sína útbreidda eftir að síðasta vígi þeirra örkumlaðist til dauða undir byltingum og óendanlegum skipulagsbreytingum (e. eternal structural reforms). Hér með vitum við með frekar mikilli vissu hvernig Evrópusambandið endar. Og það verður ekki skemmtilegur dauðdagi í heljarríki ófrelsis, fátæktar og ánauðar

Fyrri færsla

Aldrei aftur, fyrr en kannski nú?

Aldrei aftur, fyrr en kannski nú?

Stigmögnun (e. Escalation)

Nýtt normal

Einhvern veginn er sú hugsun —jafnvel sannfæring— sem svo margir báru hið innra með sér í nokkra áratugi, að ný styrjöld í okkar hluta heimsins væri óhugsandi, já, það er eins og að sú hugsun sé að veslast upp. Og frekar fáir virðast taka eftir uppgufuninni

Ein af annarri eru þær bremsur sem halda sannfæringunni stöðugri, farnar að stynja, marra og gefa sig jafnvel í að gefa sig. Glussinn er byrjaður drjúpa. Fitublettir eru á jörðinni. Það hriktir í járninu. Ryðflaga fellur hér og önnur ryðflaga fellur þar. Svo virðist sem að eitthvað sé ekki lengur eins og það átti að vera

Bilun, lélegt viðhald eða hvað? Heilabilun er örugglega ein skýringin og hún sést strax þegar horft er á þá stigmögnun sem átt hefur sér stað meðal þingmanna til dæmis stjórnarandstöðunnar hér á Íslandi. Þar sem nýtt-normal stigmagnaðra þjóðsvika, heimsku og skrílshegðunar hefur náð að festa rætur eftir að síðasta stigmögnun og bremsufall innan fjármálageirans bráðakvaddi þá menn á vettvang í gömlum en ávallt fölskum fötum sósíalismans, sem alltaf hefur elskað ófrelsi, fátækt og ánauð. Þar er allt bremsulaust og tryllingslegt eins og sést

Hélt ég að við hefðum séð það lægsta sem sést hefur í stjórnmálum þessa lands er þjóðsvikaríkisstjórn sósíalista Samfylkingar og Vinstri grænna nauðgaði kjósendum og umboðsönnum þeirra á þingi með svikaumsókn Íslands inn í Evrópusambandsbrjálæðið. Inn í samband sem nú kyndir elda undir álfunni með nýfengum eldspýtum svo kallaðra valdhafa þeirrar ófreskju, en sem enginn virðist gera sér grein fyrir hverjir eru

Miljörðum evra er hvert ár varið til að breiða út hugmyndafræði Evrópusambandsins, af því að ESB er versti óvinur Evrópu og gengur því illa niður. Hugmyndafræðilegur skítur selst ávallt illa nema að hann sé niðurgreiddur eða troðið ofan í fólk með andlegu eða jafnvel líkamlegu ofbeldi eins og sést. En þjóðsvikin eru þó það sem allir sjá og finna rotnunarlyktina af

Fyrri færsla

Ný fangelsisbygging Evrópusambandsins vígð?

Ný fangelsisbygging Evrópusambandsins vígð?

Ólíkt hafast menn að.

Mittelpunkt Europas - nýjar aðalstöðvar ECB

"We Have Created a Monster"
- Thomas Piketty um evruna
10. mars 2015

"prisonniers de l’Euro"
(prisoners of the Euro)
- Jacques Sapir um evruna
12. mars 2015

Á meðan musterisriddarar ESB-umboðsleysisins hér heima leita eftir vernd í aðalstöðvum umboðsleysisins í Brussel —sem er verndari stjórnmálamanna gegn kjósendum í löndum Evrópusambandsins— þá hefur seðlabanki þeirrar ófreskju (e. monster) sem nú er að brenna Evrópu af í fullveldis kjarnakljúf evrunnar, laumulega flutt inn í nýjar aðalstöðvar bankans í Frankfurt, fyrir smá 200 miljarða, sem umboðslaust svarar til byggingu rúmlega tveggja Kárahnjúkavirkjana. Þessar nýju aðalsstöðvar voru vígðar í dag (væntanlega með evruskvettum). Þar inni íklæðast menn snjóþrúgum til að geta lætt sér út á peningagólf evrunnar sem hangir yfir kjallarakvikindum ESB-landa, er kjósendur nefnast

Og á meðan fer hæsta Jeroen Dijsselbloem fjall Hollands fram á að fjármagnshöftum verið skellt á Grikkland svo að björgunareyðilegging ríkis grísku borgaranna sletti ekki blóði á hið nýbyggða altari evrunnar í Mittelpunkt Europas í Frankfurt. Já, eftir 32 ára ESB-aðildarbjörgun hefur Grikkland náð þetta langt

Fari svo að Grikkland muni hrökklast úr evru, þá mun TARGET2 súgþurrkast það mikið, að ECB verður þá eiginfjárhagslega gjaldþrota og nýtt eiginfé þarf að sækja til handa bankanum í gegnum þjóðþing allra eftirlifandi 27 ríkja Evrópusambandsins. Hætt er við að margir núlifandi stjórnmálamenn hinna eftirlifandi ESB-landa kjósi frekar fjallgönguna upp í arnarborg Berchtesgaden, því að í dag er ekki 1999. Mikil reynsla er nú komin á evruna og er hún er vægt sagt hörmung á stóriðnaðarskala.

Þetta komandi þjóðargjaldþrot Grikklands, sem verður það stærsta í mannkynsögunni, mun því kalla á stórherta og stóraukna Brusselvernd til handa stjórnmálamönnum gegn kjósendum landanna. Því annars mun fjallið bíða þeirra. En þar er útsýnið fyrir Evrópu þó óneitanlega og freistandi gott, samkvæmt þekktri hefð. Í hverju skyldi þessi aukna og herta komandi vernd gegn kjósendum í þetta skiptið felast?

Og á meðan eru Frakkar farnir að íhuga Frexit, sem er nýyrði yfir þau grísku örlög sem menn eru farnir að gera sér grein fyrir að bíði Frakklands í evrufangelsinu, sem Jacques Sapir lýsir hér að ofan

Opnunarræðan var að venju stórkostleg:

"The new ECB headquarters are a symbol of the best of what Europe can achieve.."

Og hér eru myndir frá þessari opnun hinna nýju aðalstöðva ECB-seðlabanka Evrópusambandsins í dag. Í gær var hins vegar þýski bankinn Dusseldorfer Hypothekenbank þjóðnýttur af tillitssemi við húsnæðislánapappíra bankans sem liggja sem veð-tryggingar í hirslum þess seðlabanka sem vígði sínar nýju aðalstöðvar í dag. Ekki beint fordæmislega góð frétt til alþjóðlegrar aðspurnar eftirspurnar. Þið vitið; "covered bonds" Hvað næst?

Austurvellingar! - af hverju eruð þið ekki þarna? - að henda matvælum í þennan umboðslausa seðlabanka, ég spyr. Kunnið þið ekki þýsku? Mikið hlýtur þetta að enda rosalega vel

 

Fyrri færsla

Dear Edgars, Dear Commissioner Hahn,

Óeirðir í Frankfurt