Engin haldbær rök gegn Guðlaugi Þór og enn færri með Bjarna. Stríðið í austri (og vestri)

FORMANNSSLAGUR Í xD

Þetta er kostulegt. Það eina sem maður fær að heyra um Guðlaug Þór núna er annað hvort það að hann sé svo vitlaus eða ósvífinn að hann gangi ekki á öllum, eða þá að tími hans sé ekki réttur. Sem sagt Guðlaugur Þór næst æðsti maður úr kjarna Sjálfstæðisflokksins á allt í einu að vera svo vitlaus að hann gangi ekki upp og sé því óhæfur sem næsti formaður xD. Hin rökin eru þau að Guðlaugur Þór kunni ekki á skeiðklukku og sé því kominn út á skeiðvöllinn án leyfis þeirra sem lagt hafa skeiðvöll Sjálfstæðisflokksins í rúst á síðustu 12 árum, samfellt. Lagt hann svo í rúst og grafið sig niður í svo djúpar holur að eina leiðin sé að halda áfram að grafa þar til komið sé út í bláa loftið í Kína

Hins vegar heyrast engin rök með Bjarna Benediktssyni. Jú einu rökin sem heyrast með honum eru þau að hann sé eins og austur-þýska myndastyttan af Merkel; sem sitji á stól í miðju herbergi og leiki sér svo hljóðlátlega með dúkku að enginn taki eftir honum. Að enginn fatti að um myndastyttu né hvað þá formann Sjálfstæðisflokksins sé að ræða. Og allir sem sjá vita líka hvaða aðrar Metoo-dúkkur eru í dótakassa Bjarna. Þarna getur lélegt bara orðið enn verra

Er Guðlaugur Þór eina sönnunin fyrir því að lífsmark sé enn í Sjálfstæðisflokknum? Ég spyr

STRÍÐIÐ Í AUSTRI (og vestri)

Í samfellt átta mánuði höfum við einróma fengið að heyra að Úkraína sé að vinna stríð við Rússneska herinn. Það hefur versta og óhæfasta fjölmiðlastappa mannkynssögunnar frætt okkur um í samfellt átta mánuði. En það er bara eitt vandamál. Rússneski herinn hefur á þessum átta mánuðum stútað sem svarar til einu stykki af Bandaríska landhernum (U.S. Army), því um það bil 100 þúsund Úkraínumönnum hafa NATO-ríkin með Bandaríkin, ESB og Bretland í fararbroddi kastað á spjótin og þar með fórnað í þessum hildarleik þeirra sem snýst um að ná til Rússlands með því að láta Úkraínu um dauðsföllin af völdum brjálsemisstefnu þeirra. Og um það bil 400 þúsund af bestu mönnum landsins liggja særðir og koma ekki aftur til orrustu. Þetta er um hálf milljón manns og stærð Bandaríska landhersins er einmitt hálf milljón manns. Ergo: Rússneski herinn sem ekkert átti að geta hefur lagt sem svarar til US Army að velli. Samt hefur liðsafli Rússa verið aðeins helmingur þessarar stærðar

Hefur Rússneski flugherinn nú flogið 70 þúsund ferðir (e. sorties) á þessum átta mánuðum. Það svarar til þess sem flugherir Bandaríkjanna og Breta og bandamanna þeirra flugu í Persaflóastríðinu 1991, þegar þeir rústuðu van- og illa búnum herjum Saddams Husseins og lögðu borgaralega inniviði í rúst. Flognar voru um það bil 100 þúsund ferðir gegn Saddam og 90 þúsund tonnum af sprengjum var varpað á hernaðar- og borgaralega innviði. Hefur hinn takmarkaði liðsafli Rússa nú tæmt skotfærageymslur allra NATO-ríkjanna það mikið að eftirstandandi birgðir nægja aðeins til nauðþurfta

Vopnafóður ríkisstjórnar Jósefs Bidens, Evrópusambandsins og Bretlands er einnig byrjað að lenda í höndum glæpagengja Evrópusambandslanda því vopnafóðrinu sem átti að blæða Rússlandi út (hin brjálæðislega hugmynd krónískra Rússahatara NATO-landa) hefur bara verið sturtað ofan í leppstjórn NATO í Kænugarði án nokkurs eftirlits í átta mánuði. Segir finnska lögreglan að þau vopn sjáist nú þegar í höndum glæpalýðs í Finnlandi, Svíþjóð og Hollandi, segir í frétt Yle.fi þann 30. október

Rússneski flugherinn hefur undanfarna daga framkvæmt sérstaka skurðaðgerð á raforkuinnviðum Úkraínu með því að stúta spennum og spennistöðvum en ekki sjálfri orkuframleiðslunni í landinu. Hæg eru heimatökin því Sovétið byggði raforkukerfi Úkraínu upp, því það var fastur hluti af sovéska raforkukerfinu og var Zaporozhye Transformer Plant sett niður í því sem sumir kalla Úkraínu í dag, en hefur verið Rússland frá því á 17. öld. Allir spennar eru sérsniðin rússnesk hönnun og sem hvergi fást nema hjá Rússum í Rússlandi og Úkraínu. Reyndar byggðu Rússar Úkraínu upp því hún hafði aldrei áður verið til sem iðnvætt hérað né hvað þá ríki, nema sem hluti af Rússlandi. Rússar eru því með teikningarnar af svo gott sem allri Úkraínu. Það eina sem þeir hafa ekki teikningar af er heilabú þeirra sem nú gista LSD-ofskynjunarstöðvar NATO í Kænugarði, sem er forstofa Rússlands

Upptaka: Átakanalegt hlaðvarp um inn- og útvortis stöðuna í kjarnaríkjum NATO: Hvað segir Douglas Macgregor ofursti þar um hernaðaraðgerð Rússlands í Úkraínu? Macgregor háði mestu skriðdrekaorrustu sem háð hefur verið síðan 1945. Trump skipaði hann næstæðsta mann í Bandaríska varnarmálaráðuneytinu síðast á kjörtímabilinu, eftir að Jim Mattis hafði reyndist Trump sem DoDeska Den sandmaður. Bloggsíða Macgregors er hér

****

Já vel á minnst. Í síðustu viku seldi kanslari Þýskalands keisaranum í Kína 1/4 af höfninni í Hamborg. Ertu að segja satt Gunnar? Já því miður. Þannig liggur nú hið Austur-Þýska DDR-myndastyttuland Merkels og kumpána þar

- Gunnar er enn sem komið er þjóðaríhaldsmaður í Sjálfstæðisflokknum 

Fyrri færsla

Þýskaland orðið nánara Kína en Rússlandi

Þýskaland orðið nánara Kína en Rússlandi

Upptaka: Hvað segir Douglas Macgregor ofursti um hernaðaraðgerð Rússlands í Úkraínu? Macgregor háði mestu skriðdrekaorrustu sem háð hefur verið síðan 1945. Trump skipaði hann næstæðsta mann í Bandaríska varnarmálaráðuneytinu síðast á kjörtímabilinu, eftir að Jim Mattis hafði reyndist Trump sem DoDeska Den sandmaður. Bloggsíða Macgregors er hér

****

Í þýskum stjórnmálum birtist hatrið á Bandaríkjunum í sífellt þróaðri mynd og í takt við að staða Þýskalands í heiminum og í gjaldþrota Evrópusambandinu þrengist

Okkur hefur verið talin trú um að samband hins neo-merkantílistíska Þýskalands við rússnesk stjórnvöld hafi verið náin og að það útskýri viðbrögð Þýskalands við því sem gerst hefur í Úkraínu

Vestrið –nú sextánkynja að grænkafna í eigin þvælu– reynir að framleiða þá mynd af Þýskalandi að það sé á rúmlega hálfum mála hjá Moskvu og að það eyði því aðeins hinum strategíska pínku-pons afgangi landsins í NATO

Hið rétta er að Þýskaland veðjar á tvo hesta gegn Bandaríkjunum, sem enn hersetur Þýskaland sem stökkpall klerkaveldis glóbalista inn í Rússland. Báðir þeir hestar eru þess eðlis að reiðartúrinn á þeim mun að lokum kollvarpa NATO-aðild Þýskalands og þar með ógna sjálfri tilvist varnarbandalagsins, sem nú þegar er á heljarþröm og í djúpstæðri tilvistarkreppu

Staðan er sú að Þýskaland er fyrir löngu orðið miklu nánara Kína en það er náið Rússlandi. Ný flugferð er nú við það að hefjast frá þýskum flugvelli. Leiðin liggur til Peking og er flugvélin full af reiðum fulltrúum þýskra stóriðnaðarfyrirtækja og fjármála. Í farangri þeirra er sjálfur kanslari Þýskalands, Olaf Scholz, og látið er líta svo út að hann hafi skipulagt ferðina, en ekki þeir, því þetta er fyrsta ferð Ólafs Scholz til mömmu-Peking

Töskumaðurinn Scholz, eins og púðurdósin Merkel, veit að þetta mun ergja Bandaríkin töluvert, en sívaxandi. En þau sjálf geta hins vegar lítið sagt, því hver var það sem seldi heiminum þá hugmynd að Kína yrði brátt eins og þriðja-heims landið Kalifornía varð óvart sem hliðarverkun af þeirri söluherferð

Þýskaland mun nú gera allt sem það getur til að koma kínverskri kjarnatækni afhendingarkeðju-einræðis í umferð í Evrópu og þar með ógna enn frekar þeirri nýju pólitísku dagskrá sem aðeins einn maður í Bandaríkjunum hafði hugrekki til að leggja á borð og fá samþykkta í öllum flokkum þar vestra. Sá maður var auðvitað hinn eini sanni hugrekkismaður Donald J. Trump

Tilgangur Þýskalands er að byggja upp eins mikla innvortis öryggisógn í Evrópu með kínverskri tækni, afhendingarkeðjum og áhrifum, að hún ýti að lokum Bandaríkjunum út í Atlantsála

Og þar sem búið er að reita Rússa það mikið til reiði með hinum þýska stökkpalli NATO-á-sterum inn í Rússland, já þá fækkar þeim bandamönnum sem völ verður á þegar kviknar í kamarfötunni og hún reynist þá þegar alelda. Verðmiðinn á björgunarþjónustu frá Moskvu mun þá liggja hærra en norðurljósin - og sannarlega segi ég þér, fyrir ofan heiðhvolfið

LSD-reiðtúr hinna heilabiluðu í Washington inn í Rússland er að senda meginland Evrópu til fjandans. Síðast var það Barbarossaáætlun Hitlers en nú eru það ofskynjanir NATO sem segja að Rússar séu óæðri kynstofn sem kunni hvorki að lesa né skrifa

Fyrri færsla

Bandaríski herinn að verða þurrausinn?

Bandaríski herinn að verða þurrausinn?

ER EVRÓPUSTRÍÐIÐ SEM STOPPAÐI 1945 HAFIÐ Á NÝ?

Upptaka: Verkfræðideild Wagner-hergrúppu Rússlands grefur skotgrafir og leggur hindranir, segir í textanum við þessa upptöku. Ég hef ekki hugmynd um hvort að þetta sé rétt sem stendur við upptökuna eða ekki. En ég skil þó stærðir og víddir þegar ég sé þær

****

Samkvæmt þessum fréttum hafa Bandaríkin til þessa sent 800 þúsund stykki af stöðluðum 155 millimetra NATO-stórskotaliðssprengjum til Úkraínu. Hafa þær allar verið notaðar til að skjóta á Rússa og íbúana í Donbass. Þetta magn nemur 75 prósentum af öllum slíkum skotfærum sem öll NATO-löndin í heild hafa sent leppstjórn sinni í Kænugarði. Kvöldverðadeild NATO í Evrópu sá þá væntanlega um síðustu 25 prósentin

Fréttin segir að Bandaríkin þoli ekki að missa meira af þessum skotfærum án þess að sjálf standa varnarlaus í þessum efnum og ófær um að stunda herþjálfun. Ársframleiðsla Bandaríkjanna er 170 þúsund stykki eða 14 þúsund á mánuði. Það mun taka þau mörg ár að safna birgðum á ný. Svipuð saga er með stýriflaugar. Samt er enn sem komið er einungis um "sérstaka hernaðaraðgerð" en ekki stríð að ræða að hálfu Rússlands

En bíddu nú hægur. Hvað þá með þessar stanslausu fréttir í samfellt sjö mánuði um að Rússar séu að verða uppiskroppa með skotfæri. Voru þær þá bara uppþornuð prentsverta úr Þriðja ríkinu? Eða kannski því Fjórða?

Víglína Rauða hersins náði hámarkslengd 1942. Var hún þá 3058 kílómetrar að lengd. Svarar það til vegalengdarinnar frá Keflavík til Bergen í Noregi - og til baka heim aftur, eða til 4-5 tíma þotu!flugs. Í dag er víglínan hins vegar þúsund kílómetrar

Þanþol er fastnegld innrétting í varnarmálastefnu Rússlands. Þeir sem halda enn að Rússneski herinn sé þyrlupallur á þaki sendiráðs í Saigon, tja já, lesi þeir bara vesturlensku teblöðin sín áfram. Þau vaxa ekki á trjám og kosta því ekki neitt

Ég mæli með

Sækja PDF

****

Tengt: Byggt að hluta til á verkum David M. Glantz: Hvernig Rauði herinn lagði Þriðja ríkið að velli (upptaka: fyrirlestur dr. Jonathan House)

Fyrri færsla

Bíddu voru ekki Rússar búnir með skotfærin? [u]

Úkraína vill meiri loftvarnir frá Vesturlöndum

Bíddu voru ekki Rússar búnir með skotfærin? [u]

Í bráðum átta mánuði höfum við fengið þær fréttir úr heilaþvegnum fjölmiðlaræksnum Vesturlanda, að Rússland sé búið með skotfærin - og að leppgengið í Kænugarði á vegum NATO sé að vinna stríð við Rússneska herinn. Ja hérna

Mynd: Washington Post; kannski stolt af eyðileggingu Washingtons á raforkukerfi Júgóslavíu árið 1999 - eins og í Írak... og svo framvegis

****

En þar á þinghúshæðabæ standa menn enn í þeirri meiningu að stríð snúist um að henda sprengjum úr flugvélum á ónýta heri og varnarlaust fólk og þar að auki að tapa þeim "stríðum" nær undantekningarlaust

Uppfært:

Uppgjör rússneska varnarmálaráðuneytisins á hernaðaraðgerðunum þann 10. október má lesa hér

Rússneskur almenningur segir í háði að ekki komi til greina að Rússland hafi sent þessar stýriflaugar á alla þessa staði í Úkraínu, hvað þá á einum og sama deginum, því hann sé nefnilega búinn að lesa sér til um það í 136 þúsund vestrænum fjölmiðlum að Rússland sé fyrir langa löngu búið með allar sínar birgðir af slíkum tólum - og yfirleitt búið með allar birgðir af hvers kyns skotfærum og hergögnum og jafnvel hugmyndum. Í leiðinni má geta þess hér að sumir telja líklegt að Rússneski landherinn hafi tekið í notkun Tirada-2 kerfið sumstaðar við 1000 kílómetra langar vígstöðvarnar í Úkraínu. Tirada-2 hemlar eða lokar á rafeindasamskipti gervihnatta við jarðstöðvar og lokar fyrir rafeindasamskipti farsímakerfa

Sameinað NATO myndi aldrei hafa Rússneska herinn á og við þennan heimavöll hans, því Úkraína hefur verið rússneskt land síðan á 17. öld - eða í tæplega 400 ár, eins og Morgunblaðið greindi réttilega frá sunnudaginn þann 8. desember 1991 á blaðsíðu fjögur. Katrín mikla Rússakeisari stofnaði til dæmis borgirnar Odessa, Dnípro, Kherson, Mykolajív og Sevastopol. Þar á undan var landsvæðið fiskimið Tatara sem veiddu þar fólk og settu til sölu sem þræla fyrir Tyrkjaveldi

Úkraína verður aldrei eins og hvert annað "útland" fyrir Rússlandi. En tímabilið frá því í desember 1991 er eina forsaga Úkraínu sem sjálfstæðrar ríkiseiningar, og er það tímabil þess utan frekar illa til komið því þann 20. janúar sama ár kusu 94 prósentur Krímbúa að ganga sem sjálfstjórnarsvæði í Rússland. Þá hugðust stjórnvöld í Kænugarði undir stjórn Leoníd Kravtsjúk gera Úkraínu að kjarnorkuvopnalausu landi og skila Rússum kjarnorkuvopnunum. En því var nú ekki aldeilis að heilsa, því "sterkir menn" í Kænugarði neituðu og vildu halda kjarnorkuvopnunum fyrir sig því þau myndu koma að gagni sem söluvarningur í framtíðarsamningum við alþjóðasmáfélagið. Kröfðust þeir því 2,8 milljarða dala greiðslu fyrir þann auð sem fallið hafði þeim í skaut frá mömmu Rússlandi. En sem betur fór enduðu vopnin í vörslu Moskvu

Mynd: Skjáskot af útsendingu Hooverstofnunarinnar

****

Hér fyrir neðan: Sýnishorn úr verstu fjölmiðlastöppu allra tíma: Þetta rusl þeirra er svo yfirþyrmandi lélegt, fávíst og heiladautt að það dugar ekki einu sinni sem áróður, þó svo að stór hluti þess komi úr ranni Pentagons, CIA og Mi6. En sú einu sinni ágæta stofnun CIA var eyðilögð með því að leggja greiningar- og aðgerðadeildir hennar saman í eina stöppu. Er ferill og gildi þeirrar stofnunar því orðinn harla lítils virði í dag. Menn kannast við slík frá bóluárunum fjármálastofnana og nú síðast frá grænbóluárum Grétutímabilsins

==========================

a) The Guardian fyrir stríð: "Welcome to Ukraine, the most corrupt nation in Europe" (6. febrúar 2015)

b) The Guardian eftir að stríðið hófst: "The fight for Ukraine is a fight for liberal ideals" (27. febrúar 2022)

==========================
Putin is running out of options
newstatesman.com 3. mars 2022
==========================
Russia running out of precision munitions in Ukraine war - Pentagon official
Reuters 25. mars 2022
==========================
Russia is running out of troops
express.co.uk 8. mars 2022
==========================
The Russian army is running out of options
spectator.com.au 9. apríl 2022
==========================
These simple mathematical models tell us why Russia is running out of time
medium.com 16. mars 2022
==========================
The Russian Army Is Running Out Of Tanks
Forbes.com 25. maí 2022
==========================
Russia is running out of precision-guided munitions and may...
Yahoo.com 9. maí 2022
==========================
Vladimir Putin is running out of options to avoid defeat in Ukraine
AtlanticCouncil.org 17. maí 2022
==========================
Russia is running out of precision guided munitions and it is more likely to..
Guardian 24. mars 2022
==========================
Russian Army Days Away From Running Out of Resources
Newsweek 15. mars 2022
==========================
Putin is Running Out of Ideas on What to do Next
Bloomberg 9. maí 2022
==========================
Russia is running out of oil customers
Economic Times 4. mars 2022
==========================
Russia Is Running Out Of Cloud Storage!
Fossbytes 16. mars 2022
==========================
Russia is running out of sugar and grain ...
Twitter bla bla 14. mars 2022
==========================
Russia Running Out of Precision Munitions
usanews.com 24. mars 2022
==========================
Russia Is Using Chips From Dishwashers
PcMag 13. maí 2022
==========================
Russia imminent default will have harsh ripple effects ...
Washingtonpost.com 9 mars 2022
==========================
Russia has just one week left to conquer Ukraine ...
Dalystar.co.uk 19. mars 2022
==========================
Russia is running out of its own stocks (af skotfærum) as fast or faster
ForeignPolicy.com 4. maí 2022
==========================
Russia running out of weapons
DailyTrust.com 9. maí 2022
==========================
Exact date Putins forces will run out of ammunition in Ukraine, according to expert
mirror.co.uk 30. maí 2022
==========================

Fyrri færsla

Hvað sagði Pútín?

Rússar hafi skotið 75 flugskeytum að Úkraínu

Hvað sagði Pútín?

Upptaka: Forseti Rússlands ávarpaði þjóðina þann 22. september 2022 þar sem tilkynnt var herútkall fyrir 300 þúsund hermenn (lesa ávarpið)

****

HVAR ER HÓTUNIN?

Undanfarna daga höfum við séð vestrænar leifar af því sem einu sinni var kallað "fjölmiðlar", halda því statt og stöðugt fram að Vladímír Pútín forseti Rússlands hefði í ávarpi sínu til þjóðarinnar hótað að grípa til kjarnorkuvopna. Nú hef ég bæði lesið ræðu forsetans og horft á hana og það oftar en einu sinni. Ég sé hins vegar ekkert slíkt. Ég sé enga hótun

Forsetinn nefnir hins vegar það í ávarpi sínu að í Washington hafa menn rætt um að nota taktísk kjarnorkuvopn gegn Rússlandi í þeirri deilu sem nú stendur um Úkraínu, ásamt því að stunda árásir á kjarnorkuver, sem forsetinn kallar "kjarnorkufjárkúgun"

Ég þori að veðja hatti mínum á að sárafáar ritstjórnir vestrænna afganga svo kallaðra fjölmiðla, hafa lesið og horft á ræðu Rússlandsforseta, og heldur ekki á það sem varnarmálaráðherra Rússlands sagði í viðtali sama dag

Upptaka: Sama dag var viðtal við Sergei Shoigu varnarmálaráðherra Rússlands. Shoigu er sagður tala reiðbrennandi átta tungumál, fyrir utan rússneksu

****

HEYRA BARA Í SJÁLFUM SÉR

Best gæti ég trúað að þeir, leifar fjölmiðla, hlusti áfram á það sem nánast viðstöðulaust kemur upp úr ótrúlegustu mönnum í bandaríska varnarmálaráðuneytinu, sem undir ríkisstjórn Joe Bidens svo sannarlega er ekki í hers höndum, heldur í höndum eins konar nútíma fáráðlinga. Þar hafa menn sett fram þær kenningar á ný að hægt sé að vinna kjarnorkustríð með því að nota lítil kjarnorkuvopn og að nú sé mögulegt að nota þau á Rússland í jöðrum átakasvæða. Hér áður fyrr voru slíkir menn í Pentagon dæmdir geðbilaðir og teknir úr umferð af eigin mönnum (Douglas Macgregor ofursti hjá Tucker Carlson 23. september). En í dag er hins vegar hlustað á þá í fúlustu alvöru. Spil þessara manna hefur náð þeim hæðum að forseti Úkraínu fékk óáreittur að ganga um gólfin á öryggisráðstefnunni í München tilkynnandi öllum þar að hann ætti að fá og myndi fá kjarnorkuvopn til umráða. Enginn gerði hina minnstu tilraun til að þagga niður í manninum. Þvert á móti var tekið undir

| Heimasíða og blogsíða Douglas Macgregors ofursta |

Þetta er það sem Rússland hefur ávallt hræðst, því þeir vita að Bandaríkin hafa notað kjarnorkuvopn gegn andstæðingi til að hlífa hermönnum sínum við bardaga. Þetta vita Rússar vel og óttast því Bandaríkin. Og í dag verða menn að viðurkenna að sá ótti Rússa er á vel gildum rökum reistur. Taka verður þjóðaröryggisáhyggjur Rússa alvarlega

Að minnsta kosti verður að taka áhyggjur þeirra jafnalvarlega og Bandaríkin myndu taka aðild Mexíkó að kínversku varnarbandalagi það alvarlega að þau myndu ekki hika við að leggja Mexíkó undir sig og hersetja það eins lengi og þeim sýndist

RAUNHÆFT?

Hins vegar efast ég um að Bandaríkjamenn væru færir um að taka iðnaðarfyrirtæki sín niður, pakka þeim saman og flytja þau til Alaska og koma síðan með nýjar græjur og ofurefli til baka innan 12 mánaða. Slíkt held ég ekki að Bandaríkin séu fær um. En þau myndu að minnsta kosti bomba Mexíkó sundur og saman eins lengi og skotfærabirgðir þeirra entust, sem er ekki sérlega lengi miðað við hálftæmdar skotfærageymslur NATO-ríkjanna í dag. Reyndar efast ég um að NATO-myndi hafa nokkuð í Rússneska herinn í dag. Þetta segi ég ekki léttilega

Í þeirri deilu við Kína og kínverskar herstöðvar í Mexíkó myndi ég hafa mikla og djúpa samúð með Bandaríkjunum og álykta að ekkert ríki geti án alvarlegra afleiðinga reynt að auka þjóðaröryggi sitt á kostnað þjóðaröryggis annars ríkis og sérstaklega ekki á kostnað nágranna sinna. Washington er því hollast að sýna bæði Kanada og Mexíkó það mikla virðingu að ekki þurfi að koma til slíks

Þessi röksemdafærsla á meira en tvöfalt við um NATO-bröltið í Úkraínu. Rússar hafa mjög svo lögmætar áhyggjur af NATO-væðingu Úkraínu. Þeir vita sem er að evrópska brjálæðið sem þeir fengu að kenna á í Síðari heimsstyrjöldinni er við það að taka sig upp aftur, því ríkisstjórnir Evrópu hafa í svo marga áratugi brugðist þjóðum sínum algjörlega. Rússar vita vel að öll lönd eru aðeins þremur máltíðum frá innvortis upplausn, eins og Lenín benti á. Sá nakti sannleikur kostaði Rússland langa borgarastyrjöld og sem enn var ekki að fullu yfirstaðin þegar Nasistar réðust inn í Rússland og hittu Rauða herinn fyrir á miðju endurskipulagningarvaði. Að því leytinu hefðu Nasistar ekki getað fundið heppilegri tímapunkt til að ráðast á Rússland

STAÐREYNDIR ÞARF AÐ TAKA ALVARLEGA

Fyrir Rússum voru afleiðingarnar af Síðari heimsstyrjöldinni á borð við afleiðingarnar af kjarnorkustyrjöld. Rússar misstu 35 milljónir manna og segja má að þeir hafi að 75-85% leyti unnið stríðið í Evrópu fyrir okkur á vesturlöndum. Rússar voru bandamenn okkar, og mönnum ber að sýna þeim sem slíkum viðeigandi virðingu í stað þess stofnanavædda Rússahaturs sem í dag fer að nálgast hatur svo margra manna á Gyðingum og á Ísraelsríki síðustu þrjá áratugina. Rússland var þess utan einna fyrst ríkja heimsins til að viðurkenna sjálfstæði Íslands árið 1944. Takk fyrir það

Allir leiðtogar Sovétríkjanna sögðu að fyrir Rússland voru afleiðingarnar af Síðari heimsstyrjöldinni á borð við afleiðingarnar af kjarnorkustyrjöld

Vesturlönd hafa svikist um að viðurkenna árangur Rússlands gegn Nasistum og Rússahatarar vesturlanda virðast hafa tekið sérstöku og jafnframt einkennilegu ástfóstri við fyrrum nasista og fasista ásamt DDR-myndastyttu frá Austur-Þýskalandi. Og þau hafa svikist um að viðurkenna lögmæti þjóðaröryggishagsmuna Rússa og áhyggjur Rússa af þróuninni á vesturlöndum, sem varla er hægt að kalla öðru nafni en vanþróun - jafnvel inn og útvortis sjálfsmorðskast. Vesturlönd eru því í hættulegu ásigkomulagi og til alls vís, hugsa Rússar

AÐVÖRUN

Eins og forseti Rússlands nefnir í ávarpi sínu: þeir sem beita kjarnorkuvopnum verða að átta sig á því að vindurinn með geislavirku úrfelli getur snúist gegn þeim sjálfum og því rignt niður í þá sjálfa

Í ávarpi Rússlandsforseta er tilkynnt að 300 þúsund af þeim 25 milljónum manna sem eru með herþjálfun í Rússlandi séu kallaðir til herþjónustu. Þeir hermenn verða settir í upprifjun og frekari endurþjálfun og settir í stað annarra víðsvegar um Rússland. Aðeins þeir sem standa nálægt hernum eru kallaðir inn

Rauði herinn hafði á sínum tíma á 14 milljón manna varaliði með tveggja ára þjálfun að skipa. Ber að skoða það varaafl Rússlands þá í ljósi þess að á þinghúshæðum Bandaríkjanna vannst atkvæðagreiðslan um innleiðingu herskyldu með aðeins einu atkvæði sumarið 1941. Engin ríkisstjórn á vesturlöndum myndi fá innleiðingu herskyldu í gegn í dag og allt það 300 þúsund manna varalið sem Jens Stoltenberg aðalhagfræðingur NATO sagði frá, er ekki til herþjónustu búið núna frekar en áður. Aðeins er um pappírsráðstöfun að ræða. Jens Stoltenberg hefur álíka mikið vit á hernaði og hagfræðingur hefur vit á efnahagsmálum

Fyrri færsla

Hverning gengur stríðið í Úkraínu? [2U]

Hverning gengur stríðið í Úkraínu? [2U]

Mynd: Tilkynning barst frá Rússneska varnarmálaráðuneytinu síðdegis laugardaginn þann 10. september 2022. Áhugasamir geta horft á og lesið hana hér á vefsvæði ráðuneytisins. Hægt er að afrita textann og keyra hann í gegnum þýðingarvél

****

Í samræmi við fundinn í Ramstein í síðustu viku og heimsókn Blinkens utanríkisráðherra Bandaríkjanna til Kænugarðs í sömu viku, ákváðu Kænugarðsmenn að reyna sýna fram á að að peningalegt uppihald og vopnasendingar til þeirra úr vestri borgi sig áfram. Raunar voru þessar margumtöluðu aðgerðir þ.e. þessar svo kölluðu gagnsóknir Úkraínuhersins í síðustu viku, ákveðnar fyrir mánuði síðan í fjarlægri Washingtonborg Bandaríkjanna, Lundúnum, Berlín og París

Kænugarðsherinn fór því samkvæmt áætlun þessari í fréttauppnefnda "leifturgagnsókn" inn á landsvæði í norðaustri, þar sem eins konar þjóðvarðlið (e. civil defence police) nýju lýðveldanna tveggja í austri gætti þarna í norðaustri. Það urðu engir eða að minnsta kosti afar litlir bardagar, enda nær engir til að berjast við. Af hverju? Jú vegna þess að Rússar höfðu vitneskju um það sem ákveðið hafði verið af Ramsteinhópnum ca. mánuði áður. En Ramstein er herstöð bandaríska flughersins í Vestur-Þýskalandi

Rússar létu því flytja herlið sín burt frá þeim svæðum sem Úkraínuherinn brunaði síðan inn á núna fyrir helgi. Um er að ræða svæðið sem liggur upp að landamærum Rússlands í norðausturhluta Úkraínu. Rússar höfðu einnig á undangegnum mánuðum boðið rússneskumælandi íbúum svæðisins að forða sér inn fyrir landamæri Rússlands og búsetja sig þar, að minnsta kosti þar til þeim er óhætt að snúna aftur

Rússneskir fallhlífarhermenn komu síðan og björguðu þjóðvarðliðinu burt af svæðinu og fóru svo heim. Veittu því skjól á meðan það pakkaði saman og fór. En hins vegar hafði það herlið sem Rússar létu flytja burt af þessu svæði fyrir nokkrum vikum síðan, sennilega verið flutt til að austurhlutans sem hýsir nýju rússneskumælandi lýðveldin tvö, eða þá að það herlið bíður átekta eftir því að Úkraínuherinn sé kominn nógu langt inn í gildruna, þ.e. skyldi þetta vera gildra

Það er merkilegt þegar fylgst er með þessu stríði, að Rússneska varnarmálaráðuneytið upplýsir dag hvern um hvaða einingar og sveitir Úkraínska hersins séu virkar, hvar þær eru staddar og í hvernig ásigkomulagi þær eru og hvað þær aðhafast. Kænugarðsstjórnin hefur aldrei véfengt eða borið þessar upplýsingar Rússneska varnarmálaráðuneytisins til baka

En hið undarlega er hins vegar það, að Kænugarðsstjórnin upplýsir umheiminn aldrei um hvaða einingar og sveitir rússneska hersins séu virkar í þessari hernaðaraðgerð, hvar þær séu staddar og hvað þær séu að gera. Þetta ætti að vera auðvelt því CIA, Pentagon og Mi6 stjórna öllum aðgerðum Kænugarðsmanna með aðstoð gervihnatta, eins og Lyndon B. Johnson lét hernaðarsérfræðinga sína í Washington stjórna stríðinu í Víetnam með reiknistokkum

En hvað þýðir þetta? Jú þetta þýðir það að Rússneski landherinn hefur ekki enn sem komið er tekið þátt í stríðinu. Það eru fyrst og fremst herlið (e. militia) nýju lýðveldanna tveggja í austri ásamt Wagner-grúppu Rússlands (fyrrverandi hermenn og sérsveitarmenn) sem hafa staðið fyrir bardögunum við Úkraínuherinn, en hins vegar með stuðningi frá rússneska flughernum, upplýsingakerfum Moskvu úti í geimnum ásamt rússneskum vopnum

Niðurstaða: Kænugarðsstjórnin og yfirvöld hennar í Washington, London og Berlín skammast sín sennilega svo mikið fyrir að ráða ekki við herlið lýðveldanna tveggja sem berjast með aðstoð Wagnerhópsins og sjálfboðaliða frá Téténíu, að þeir þora ekki að birta mótsvarandi upplýsingar og Rússneska varnarmálaráðuneytið birtir daglega um hvaða einingar Kænugarðshersins í vösum NATO-ríkjanna eru virkar og hvar þær séu staddar. Enginn fær að vita neitt um hulduher Rússa því hann er einfaldlega ekki þátttakandi í stríðinu, að minnsta kosti ekki enn sem komið er

Það sem forseti Rússlands sagði þann 7. júlí 2022 er því rétt. Hann sagði:

"Við heyrum í dag að þeir vilja að við [Rússar] séum sigraðir á vígvellinum. Ég veit varla hvað ég á að segja. Látum þá bara reyna það, því við erum varla byrjaðir á neinu fyrir alvöru enn...”. Sjá hér - og hér (14. júlí)

Ég býst við að þeir sem trúa á að Bandaríkin tapi stríði í Mexíkó trúi líka á að Rússland tapi stríði í Úkraínu. Mikil er trú þeirra manna

Ef þetta er "gagnsóknin" sem Kænugarðsmenn hafa talað um síðan í mars þá býð ég ekki í þetta. Öll "gagnsóknin" í suðri fyrir 12 dögum síðan fór út um þúfur og mannslífum Úkraínuhermanna var fórnað þar algjörlega til einskis. Mjög sorglegt. Þetta er allt saman mjög sorglegt. Sennilega hefur Kænugarðsstjórnin fórnað lífum 35 þúsund hermanna sinna á innan við þremur vikum til þess eins að sannfæra pólitíska elítu í vestri um að vopn, peningar og völd skuli áfram flæða til hennar

Og þegar menn æsa sig upp yfir landsvæðum sem annaðhvort vinnast eða tapast í þessari deilu, þá gleyma þeir því algjörlega hvert yfirlýst markmið Rússlands er með þessari svo kölluðu hernaðaraðgerð. En þau eru að afvopna Úkraínustjórnina og aflúsa landið af brjálæðingum, sem Moskva kallar nasista (ekki mín orð)

En hvað þýðir "afvopnun" í praxís. Jú hún þýðir; að koma hermönnum Úkraínu fyrir kattarnef. Að koma þeim varanlega úr umferð. Drepa þá eða særa. Þetta er nefnilega ekki landvinningastríð, en gæti hins vegar breyst í það, haldi vesturveldin áfram að vera nógu NATO-heimsk. En það hafa þau svo sannarlega verið fram til þessa

Hollt er að muna að Rauði herinn felldi þrjá af hverjum fjórum hermönnum sem Þriðja ríki Þjóðverja missti í Síðari heimsstyrjöldinni. Rússar afvopnuðu Þýskaland og gerðu það óbardagahæft - með því að kála hermönnum Þriðja ríkisins. Stríð vinnast aðeins á jörðu niðri - en aldrei um borð í flugvél, þó svo að þar sé hægt að sækja sér vissan stuðning

Þeir sem enn lesa fjölmiðla vesturlanda um þetta stríð, hljóta að fara að skilja að miklu gagnlegra er að horfa út um gluggann og hugsa sitt. Og þeir sem taka mark á svo kölluðum félagsmiðlum um þetta stríð, já þeir láta hafa sig að fíflum

Allt sem viðkemur stríðum er þungt í vöfum og í tonnum. Það tekur langan tíma að flytja eina herdeild. Þannig að ef eitthvað gerist í dag sem máli skiptir, þá þýðir það að ákvörðunin um það og undirbúningur hófst fyrir mörgum vikum síðan

Uppfært 12. september kl. 22

Viðvarandi vangaveltur eru um að það landsvæði í norðaustri (Izium) sem ég nefni hér að ofan og sem Úkraínuherinn fór inn á í því sem svo kallaðir fjölmiðlar kalla "leifturgangsókn", sé eins konar rétt sem Rússar hafi opnað til að liðsafli Kænugarðsmanna geti flætt þar inn. Og að þannig hafi nú tekist að svæla þann liðsafla út úr skógum og þéttbýli, út í hið opna landslag. En það eru einmitt þannig aðstæður sem Rússar vilja hafa andstæðinginn í, svo hægt sé að ganga frá honum án hliðarverkana. Sviðið fyrir lokun réttar og því sem næst fylgir er að minnsta kosti sett, hvað svo sem verður. Ég undirstrika að þetta sem ég skrifa eru vangaveltur en ekki þekktar staðreyndir. Aðrir möguleikar eru til staðar

Vangaeltur eru einnig uppi um að staðan í Úkraínuhernum sé orðin svo slæm að heilu herdeildirnar neiti að snúa aftur til vígstöðvanna og að fall Úkraínuhersins innan frá eða uppreisn hans sé yfirvofandi. Slíkt hefur legið í kortunum mánuðum saman því Úkraína hefur verið og er tvístrað land og óheildstætt ríki

Þegar Bandaríkin hefja stríð í fjarlægum löndum þá hefjast þau ávallt með því að taka innviði landsins niður, rústa raforku- og fjarskiptakerfum, lama samgöngur, ríkisstjórn, þing og fjölmiðla. Ekkert af þessu er til staðar í Úkraínu. Ríkisstjórn, þing, samgöngur og fjarskiptakerfi eru látin í friði, fjölmiðlar starfa, rafmagnið er á, nema þegar svarað er fyrir árásir Úkraínumanna á til dæmis raforkukerfi innan landamæra Rússlands, eins og gert var í dag

Ríkisstjórnin í Kreml talar því um átökin sem "sérstaka hernaðaraðgerð" en ekki sem stríð. Þeir trúboðar úr vestri sem leiðir voru orðnir á því að láta mynda sig saman með Grétu Thunberg, hafa því getað lent og haldið messur í Kænugarði án þess að vera skotnir í tætlur - og látið mynda sig með forsetanum þar. Og aldrei stóð til að Rússar tækju Kænugarð í upphafi átakanna. Uppstilling herdeilda þeirra þar var til að beina athygli og kröftum Kænugarðsmanna frá því sem í þann mund var að gerast í austri. Aðeins fáráðlingar halda að hægt sé að hertaka milljóna manna þéttbýli með leiktjöldum Potemkins

Uppfært 13. september kl. 06

Árásir Rússneska Svartahafsflotans á tugi spennistöðva í austurhlutum Úkraínu í gær, ásamt lömunarárásum á nokkur raforkuver sama dag, gætu hins vegar bent til breytinga í stríðsrekstri Rússa í átt til amerískra aðferða. Helmingur 20 þúsund kílómetra járnbrautarkerfis Úkraínu er raforkuknúinn og falli sá helmingur algjörlega út er hætt við að flutningur þeirra herdeilda, tækja og manna, sem Úkraínuherinn safnaði saman á Izium-svæðinu sitji þar fastur sem skotmörk fyrir Eldflaugaher Rússlands, og að ekki sé því hægt að flytja hann til í landinu –burt úr réttinni sem Rússar opnuðu fyrir hann á Kharkiv-Izium-svæðinu í norðaustri – samkvæmt reiknistokksáætlunum stríðsrekstrardeilda Kænugarðs í Pentagon

Hvort um er að ræða stefnubreytingu í því máli sem Rússlandsstjórnin kallar "sérstaka hernaðaraðgerð" veit ég ekki. En Vladímír Pútín forseti Rússland hefur hingað til ekki tekið neinar stórar ákvarðanir án þess að vera viss um að þjóðin sé með honum í því sem gerist næst. Eftir sex mánaða stríðsrekstur er rússneska þjóðin orðin þess vel meðvituð að Rússland á ekki bara í stríði við Kænugarðsstjórnina heldur allt NATO líka. Stuðningur hennar við forsetann hefur því aukist mikið á þessum sex mánuðum

Ein af afleiðingum þessa stríð verða þær að meginland Evrópu (Evrópusambandið) veikist stórkostlega, einkum Þýskaland, á meðan Bandaríki Norður-Ameríku styrkjast. Því verður varla tekið þegjandi og hljóðalaust - og það vita Rússar vel

Fyrri færsla

"Leynilegar kosningar í fyrsta sinn". Já er það?

Segjast hafa endurheimt 500 ferkílómetra

"Leynilegar kosningar í fyrsta sinn". Já er það?

Fyrsta sinn sem Svíar fá að kjósa leynilega segir í frétt Mogga

Ég spái í hvort að þessu hafi verið "breytt" til að hægt sé að samþykkja Svíþjóð inn í NATO?

Tja. Kannski að Tyrkland hafi krafist þessa, plús það að Erdogan krefst þess að sænska þingið framselji það fólk til Tyrklands sem hann sækist eftir að losa heiminn við. Getur það hugsast?

Nei varla, því sænsku "þingkosningarnar" virðist enn bara vera sovéskur brandari. Engu hefur verið breytt í fyrirkomulagi kosninganna, nema því að kjörseðlarnir eru hafðir þar sem ekki er hægt að sjá hvaða seðil kjósandinn tekur

Kjörseðlarnir eru sem sagt enn merktir hverjum flokk. Einn sérstakur kjörseðill fyrir hvern flokk

En þá hefur bara birst nýtt vandamál á kjörstöðum og það er það, að það "vantar" kjörseðla (eða eru látnir vanta) á mörgum stöðum í landinu fyrir vissa flokka. Þannig að það hafa verið endalausar biðraðir

"Ha? Ert þú ennþá hér? Hvað segirðu maður, ertu búinn að bíða hér síðan í morgun? Vantar kjörseðla, segirðu? Hvaða flokkskjörseðli ertu að bíða eftir? Nú já, ég veit það nokkurn veginn, því ég sá að það vantar kjörseðla fyrir Svíþjóðardemókratana. Ætlarðu að kjósa þá?"

Svíþjóð er og hefur aldrei verið lýðræðisríki. Allar skoðanir fólksins í landinu eru ríkisendurskoðaðar af hinum fáu og sviksamlega kjörnu, og sem komu sér saman um hvað séu réttar og rangar skoðanir

En fær landið þá inngöngu í NATO? Land sem er enn með opinberan gapastokk fyrir þegna valdastéttar landsins, því engir eru borgararnir til í þessu landi, það er nefnilega búið að þurrka þá út

Og þar sem öngvir borgarar eru, þar geta ríkisborgarar ekki heldur verið til. Hugtakið "ríkisborgari" hefur þar með enga merkingu í þannig ríki. Allir eru jafnóviðkomandi framandi í landinu. "Folkhemmet" er ekki til

Þetta tókst jafnvel Sovétríkjunum sálugu aldrei. Austur-Þýskalandi (DDR) tókst þetta hins vegar næstum því alveg. Svíþjóð er að leysast upp

Evrópa orðin helgræn [u]

Leynilegar kosningar í fyrsta sinn valda töfum

Evrópa orðin helgræn [u]

Upptaka: Múgsefnunarstrulun vestgrænna "stjórnmálamanna" rædd

****

Evrópusambandslöndin voru fyrst til að beita orkuvopninu gegn Rússlandi í þeirri deilu sem nú stendur um Úkraínu. En þar hugðust NATO-ríkin koma sér upp fastri ógnar- og innrásaraðstöðu inn í Rússland. Ljóst er nú að sömu lönd höfðu fyllt Úkraínu upp af vopnum og sem sennilega eru þangað komin án vitundar þjóðþinga NATO-ríkjanna, áður en stríðið hófst

Það er grátbroslegt að horfa upp á ESB-Evrópu þessa dagana, mánuðina og árin. Árum saman hafa vindmyllu-valdamenn þar tíst um töframátt hins mjúka valds (e. soft power) og þulið þær kennisetningar upp yfir veröldinni að stríð séu úrelt fyrirbæri og að aðeins aumingjaháttur af þriðju gráðu og almennt tannleysi geti komið í veg fyrir þau. Skilningurinn á að mátturinn, valdið og ríkidæmi flæði af sverðinu er horfinn - og nú álitinn eins konar zappþústapasta nýrra sítístandi grænsápumanna allsherjar-vinstrisins, en sem væru ekki til ef máttur sverðsins hefði ekki verndað og varðveitt forfeður þeirra, dýrðina, söfnuðinn, ættina og þjóðirnar

Og árum saman hafa sömu sérfróðu vindbarningsmenn (hámenntaðir imbahalar) frætt heiminn um hversu "lítið, smátt og vesælt" rússneska hagkerfið sé. En núna sitja þessir sömu sérfróðu háskólamenn valdastéttarinnar skjálfandi og vindmyllubarðir í valdastólum sínum, íklæddir rúlluskautum og snjóþrúgum til að geta forðað sér sem hraðast. Þeir reyndu allt hvað þeir gátu að halda á sér hita með rússnesku gasi til að geta tíst út til umheimsins hversu vondir Rússar séu fyrir að voga sér að neita að samþykkja sökklana fyrir NATO inni í sjálfri forstofu Rússlands. Rússar sem mátt hafa þolað þrár innrásir snarklikkaðra Evrópumenna úr vestri, vita vel að ný Evrópuklikkun er í uppsiglingu á meginlandinu og að of seint er til ráða gripið þegar búið er að steypa sökklana undir hana

Í vetur ætla svo þessi sól- og vindbörðu grænu gáfumenni ESB-Evrópu, með eina sólsellu í heilastað, að safna gamla fólkinu saman í hella eða "hitastofur" til að geta haldið á því hita með því að kveikja elda eins og á tímum Neanderdalsmanna

Ef ég væri þýskur kjósandi þá myndi ég leggja til að Gerhard Schröder, Angela Merkel og Olaf Scholz verði pressuð í eina stóra salernispappírsrúllu svo að þýska þjóðin geti þerrað sig á þeim í vetur og þannig fengið að minnsta kosti meira notagildi út úr þeim en ekki neitt, eins og verið hefur í samfellt 25 síðustu ár

Ég biðst þó velvirðingar á þessu með þýsku kanslarana þrjá, pressaða. En ég held að margir þýskir kjósendur, og þó víðar væri leitað, séu innanundir orðnir mjög svo sammála mér í þessari táknrænu samlíkingu á hvert notagildið hafi verið af þeim sem stjórnmálamönnum í samfellt 25 síðustu ár

Ég óttast að tími byltinga í Evrópu sé ekki á enda runnin enn, því á næstu vetrum geta valdamenn Meginlands taparanna ekki einu sinni boðið lýðnum upp á að borða bara kökur

Nú vill ekkert af þessu fólki sem lét afmynda sig saman með Grétu Thunberg kannast við hana og myndir og skilti af henni sem nýjum dýrlingi eru teknar niður. Biðröðin við hvíta handvaskinn í þeim efnum lengist dag fyrir dag

Sótsvart í framan burstar þetta græna fólk nú skorsteina sína og fellir tré til eldiviðar fyrir komandi vetur

Brenni er alls staðar uppselt og heilu þorpin gera nú bestu menn bæjarins út á mörkina til eldiviðarleitar. Líf og strit Neanderdalsmanna í jaðri jökulsins er fyrirmyndin - og þar hefði Angela Merkel aldrei lifað af, nema þá sem myndrista á hellisvegg, en það er reyndar það eina sem hún var og er: þ.e. Austurþýsk myndastytta frá DDR

Ljóst er nú að það var Rússland sem hélt lífinu í meginlandi Evrópu síðustu 25 árin. Án Rússlands hefði Evrópa aldrei orðið neitt, nema það sem álfan er á leið með að verða í dag: þ.e. ekki neitt

Það sem koma skal á meginlandi Evrópu verður sem sagt ekki eins og síðast, og einmitt það munu þjóðirnar þar muna það sem eftir er þessarar aldar

Ekki er skrýtið að vesturlenskir stjórnmálamenn minnist Gorbatsjovs ákaft, því hann gerði svo mikið fyrir þá - en lítið fyrir þjóð sína

uppfært:

MÁTTUR SVERÐSINS

Ef Bandaríkjamenn tryðu ekki á mátt sverðsins væri helmingur landa heimsbyggðarinnar búinn að rífa þau á hol í dag - Ísland líka. Eins og er, þá eru Bandaríkin vinsælust í þeim löndum sem þau aldrei hafa verið. Það segir ýmislegt um pólitískt eðli tilveru okkar manna á jörðinni og þannig hefur hún alltaf verið og verður alltaf

Og sá maður sem er forseti Rússlands í dag, sama hvaða nafni hann nefnist, þarf að annast stærsta land veraldar sem samanstendur af 85 sambandsríkiseiningum, allt frá sjálfsstjórnarsvæðum til lýðvelda og borga. Rússneska hagkerfið er svæðisbundinn aragrúi af einingum þar sem ríkidæmi eða fátækt er mjög svo mismunandi og ójafnt dreift

Fyrsta sjálfsstjórnarland Gyðinga í heiminum frá því (sennilega) á tímum Ísraelsríkis hins forna, var til dæmis sett á laggirnar í Rússlandi 1931 og þar sem Jiddíska er enn opinbert tungumál í dag. Heitir það Birobidzhan en náði ekki vinsældum meðal Gyðingaþjóðarinnar, þar sem samhengið milli lands og þjóðar skorti

Í utanríkismálum þarf hann að annast stöðuna í Úkraínu og á vesturlandamærunum, þ.e. þeim sem snúa að innrásarhraðbraut evrópskra brjálæðinga inn í Rússland. Hann þarf að annast stöðuna í Kákasus á því landsvæði sem liggur á milli Svartahafs og Kaspíahafs, en forsögulega er það enn ein braut þeirra inn í Rússland sem sækjast eftir að skapa þar innri óstöðugleika

Síðan er það Íran en þar vinnur núverandi forseti Bandaríkjanna að því hörðum höndum að klerkaveldið komi sér upp kjarnorkuvopnum svo að hægt sé að aflétta þeim refsiaðgerðum sem koma í veg fyrir að Íran geti framleitt það mikið magn af olíu að það komi sér illa fyrir Rússland

Á Balkansaga hafa NATO-ríkin aukið mjög svo vopnaflutninga til Kosovo og þjálfað upp herlið þar. Serbía er að vonum ekki ánægð með það og leitar skjóls hjá Rússum

Í þeim hluta Miðasíu sem snýr upp að Rússlandi er það Kirgistan sem óttast að glæpalýðurinn sem Biden vopnaði í Afganistan hefji árásir á eða frá Tadsíkistan. Talíbanar Joe Bidens í Afganistan eru orðnir valdatæki Demókrata til að ná sér niðri á Rússlandi á þann bóginn. Stofnanavæddur Rússahaturssjúkdómur Demókrataflokks Bandaríkjanna er því miður orðinn svona langt genginn. Ofan í þetta kemur síðan allt hitt sem forseti Rússlands þarf að huga að dag hvern

Fyrri færsla

Gorbatsjov allur

Gorbatsjov allur

Blessuð sé minning Gorbatsjovs, þrátt fyrir allt

Hann var kommúnisti allan sinn valdaferil og ætlaði sér að vera kommúnisti áfram og hafði engan áhuga á að hætta því

Að reyna umbæta kommúnisma hvar sem hann finnst, er eins og að ætla að reyna að lækka hitastig jarðar með því að stofna nýjan vestrænan kommúnistaflokk

Kommúnisma er ekki hægt að umbæta. Það eina sem er hægt að gera við hann er að drepa hann

Og af því að Gorbatsjov var ekki nógu sterkur leiðtogi, þá dó kommúnisminn í Rússlandi óvart í hans höndum. Það var ekki ætlun hans en gerðist samt. Fyrir vikið líta sennilega flestir Rússar á Gorbatsjov sem veikburða leiðtoga sem tókst ekki að halda heimsveldi kommúnismans saman, þó svo að það hafi verið vont

Valdímír Pútín forseti Rússlands sagði að upplausn Sovétríkjanna hefði verið "einn stærsti geopólitíski sorgleikur síðustu aldar". Hann sagði líka að "þeir sem sakna ekki Sovétríkjanna séu hjartalausir", en samtímis sagði hann "að hver sá sem óski sér þau til baka sé heilalaus"

Það sem Valdímír Pútín forseti átti við er það að 1) skyndilega stóðu tugir milljóna manna fyrir utan landamæri fæðingarlands síns. Og 2) að þeir sem sakna ekki á einn eða annan hátt þess lífs sem þeir bjuggu við í 70 ár og börðust jafnvel mjög svo hart fyrir, séu hjartalausir. En 3) að óska sér Sovétríkin til baka jafngildi heiladauða. Allt saman rétt og satt hjá honum

Þjóðverjar glíma einnig við svipaðan vanda með þær 12-14 milljónir Þjóðverja sem lentu utan nýju landamæra Þýskalands við stríðslok og urðu þar með landlausir. Sá draugur á eftir að taka sig upp í því landi á ný

En nú eru gömlu Sovétríkin ekki til lengur og þar var mönnum lengst af bannað að fara burt af landi þeirra. Bannað að yfirgefa þau

Ekki þurfti þó að bíða þess lengi að nýtt sovétríki yrði til á meginlandi Evrópu og heitir það Evrópusambandið í dag. Þar mælast ókjörnir valdamenn til þess að Rússar fái ekki að koma inn í hið nýja sovétríki þeirra í dag

Er þetta ekki magnað; sovétlausir Rússar eiga ekki að fá að koma inn í hið nýja sovétríki Evrópusambandsins í dag

Gamla Sovétríkið var hins vegar einna fyrst ríkja til að viðurkenna sjálfstæði Íslands 1944

En í dag, árið 2022, vill hið nýja sovétríki Evrópusambandsins helst ekki að neitt aðildarríki þess sé fullvalda. Takið eftir að ég er ekki að tala um sjálfstæði aðildarríkjanna, því ekkert aðildarríki að Evrópusambandinu er sjálfstætt lengur. Þau eru öll undirríki því Evrópusambandið er hið nýja og sjálfstæða yfirríki þeirra

Ég hef á tilfinningunni, eftir að hafa kynnt mér málefni Rússlands og þar á undan Sovétríkjanna frá báðum hliðum þ.e. líka frá sjónarhorni Rússa en ekki bara frá sjónarhorni Vesturlanda, að Rússar líti svo á málin að Vesturlönd eigi frekar lítinn þátt í falli Sovétríkjanna. Ég held að Rússar líti þannig á málin að þeir sjálfir hafi tekið Sovétríkið niður með því að hafa hætt stuðningi við hina pólitísku hugmynd um Sovétríkið - og kommúnisma þess

Ég held líka að Sovétríkin sálugu hafi verið woke og stundað Metoo-ofsóknir. Þar voru styttur rifnar niður (e. iconoclast) og reynt að drepa hefðir, kirkjur brenndar og útlendingar látnir fá hærri rétt en þeir innfæddu. Til dæmis voru allir leiðtogar Sovétríkjanna eins konar útlendingar nema einn:

Eiginlega held ég að Rússum lítist lítið á Vesturlönd lengur. Þeir sjá þar í dag of margt sem minnir þá á gömlu Sovétríkin - og á Gorbatsjov, þar sem flest liðast í sundur

Þjóðarleiðtogar Rússlands frá 1894 til 2022:

Síðasti þjóðarleiðtogi Rússlands fyrir valdarán kommúnista:
Nikulás 2. frá Pétursborg. Frá Vladímír

Leiðtogar Sovétríkjanna (allt rússneskt bælt niður):
Lenín => Innfluttur, af ýmsu bergi brotinn. Ekki kjarna-rússneskur
Stalín => Georgíumaður. Ekki kjarna-rússneskur
Malenkov (2,5 ár) => Balkanskagamaður. Ekki kjarna-rússneskur
Khrústsjov => Úkraína, meira og minna. Ekki kjarna-rússneskur
Brezhnev => Úkraínumaður. Ekki kjarna-rússneskur
Andropov => Stavropol. Ekki kjarna-rússneskur
Chernenko => Krasnoyarsk, Síbería. Langt austan Úralfjalla. Ekki kjarna-rússneskur
Gorbatsjov => Stavropol. Ekki kjarna-rússneskur

Enginn leiðtogi frá sjálfum Vladímír

Millibil (undantekningarástandið = hrun Sovétríkjanna):
Boris Yeltsin => Frá Sverdlovsk. En samt kjarna-rússneskur. Hefði þó aldrei komist til valda í venjulegu árferði

Framhald á Rússlandi
Vladímír Pútín => Pétursborg. Frá Vladímír

Sem sagt: þetta með leiðtoga Sovétríkjanna minnir okkur óþyrmilega á valdklíku Evrópusambandsins þar sem allir fá völd yfir öllum, nema heimamenn. Þetta er það sem kallað er "fjölbreytileiki" í dag (e. diversity). Þetta er einn stór alþjóða-nalli út í gegn þar sem heimamenn skulu ráða sem minnstu, því vér einir, útlendingar, vitum allt miklu betur því við erum nýja evrópumennið/sovétmennið (nú í NSU)

Solzhenítsyn sagði að með tilkomu Pútíns sem þjóðarleiðtoga væri Rússum í fyrsta sinn í mjög langan tíma gert kleyft að vera Rússar í sínu eigin landi. Allt hitt, þ.e. sovéttíminn, gekk út á að bæla hið rússneska niður og helst að tortíma því

Skiptir þetta atriði máli núna í stríðinu sem geisar í Úkraínu? Já, það held ég

Það stríð er hins vegar Vesturveldunum að kenna

Fyrri færsla

Tyrkland kaupir fleiri rússneskar eldflaugar

Gorbatsjov lagður til hinstu hvílu á laugardaginn

Tyrkland kaupir fleiri rússneskar eldflaugar

Mynd Chronos-Media: Patton: "Hvað segirðu maður, eru Þjóðverjar enn að leita að sprekum í eldinn fyrir veturinn 22/23 á næstu öld - og að þá sé grænklyfjaður grasasni orðinn forseti Bandaríkjanna? - ha ha ha ha"

****

Fyrir utan frosna jörð í höfuðborg Íslands, þar sem græn elíta ofsatrúarstjórnmálamanna agíterar fyrir grænum alþjóðagjaldþrotum og umfram allt fyrir því að bláber fái að frjósa græn en ekki fullþroskuð í friði, þá er það helst að frétta í dag að NATÓ-ríkið Tyrkland skrifaði undir pöntun á enn fleiri loftvarnarkerfum- og eldflaugum frá sambandsríkinu Rússlandi

En Rússland er það ríki sem stóð fyrir framleiðslu á helmingi allra stórskotaliðsvopna sem framleidd voru af Bandamönnum í Síðari heimsstyrjöldinni. Þá framleiddi Rússland hálfa milljón stórskotaliðsvopna - og vel að merkja með "aðeins" einar en tröllvaxnar vígstöðvar sem líklega hafa spannað fimm- til sexþúsund kílómetra að lengd. Í dag notar Rússland því aðeins tvo fingur annarrar handar hersins til að annast víglínu í Úkraínu sem er tvö þúsund kílómetrar að lengd. Sem sagt: Rússland notar í dag tvo fingur annarrar handar hersins við að berjast á og annast landsvæði sem er mun stærra en landsvæðið frá St. Louis í Missouriríki til Philadelphíu í Pennsylvaníu

Og það sem meira er: hluti af vopnasölusamningi Rússland og Tyrklands gerir ráð fyrir að sumar einingar rússnesku loftvarnarkerfanna verði framleiddar á staðnum í Tyrklandi sjálfu! - af Tyrkjum. Þetta er því það sem á fagmálinu er kallað tækniyfirfærslur (e. technology transfer eða TT)

Nú þarf bara að finna upp nýja tegund stór-sturtu-útbúnaðar sem er þess megnugur að sturta niður þeim tröllrisavaxna þvættingi sem vesturlenskir fjölmiðlar hafa náð að framleiða um stríðið í Úkraínu frá því að það hófst í febrúar á þessu ári. Aldrei í sögu mannkyns hefur annað eins rusl framleitt af rusli verið borið á borð fyrir svo marga

Fyrri færsla

Boris ekki farinn enn. "Ef Pútín væri kona..."