"Orkuskiptin" reyndust vera bleyjuskipti á burgeisum

Þið hafði öll séð fyrirbærið sem þokumóðan mikla í Reykjavík kallar "orkuskipti". Þau eru súreyheysturn festur á bíl á fjórum hjólum sem síðan er fylltur af hitaveituvatni, og vúpti; til varð samlíkingin um að "rafbílavæðing" sé eins og þegar að hitaveitan leiddi heitt vatn úr ja-hérna-jarðvatnsefnum inn í óhreyfanlegar byggingar, sem kallaðar eru fasteignir í dag. Þetta voru "orkuskiptin". Heitt vatn kom úr fjarlægð í stað heits vatns hitað í húsinu, til að renna í gegnum ofna. Nema náttúrlega þegar rafmagnið fer af hitaveitunni, því þá hættir vatnið að koma. Það verður kalda vatnið og það frýs. Fólk og fé króknar

En nú vandast málið fyrir ráðherrann í vasaljóssbílnum, sem er risavaxið farsímabatterí á fjórum hjólum, þ.e. lélegasti, versti, subbulegasti, eitraðasti og ónothæfasti orkugjafi alheimsins. Hún kemst ekkert, því rafmagnið er farið. Kári tók það og hún er því orðin köld og hrakin. Og jafnvel byrjuð að skjálfa af allri þessari fimmtu iðnbyltingu í vasaljósinu á hjólum. Ráðherrann ætlar því ekki út úr byggingunni á vasaljóssbílnum sínum, heldur ætlar hún að gera eins og Dani sem keypti sér Jagúar til að hafa inni í stofu, því óbeinir tollar eru 180 prósent á þannig ökutæki, sé dönsk númeraplata skrúfuð á það í DDR-light. Hún kemst sem sagt ekkert

Ráðherrann ætlar því ekki út á land til að hafa orkuskipti á bílnum þar, því þar er ekkert rafmagn. Það kom nefnilega veður eins ávallt hafa komið ármilljónum saman. Vont veður. En kannski flýgur hún með vasaljósið sitt til Barþelóna til að aka um á því þar. Hver veit. Í flugvél með súrheysturn upp úr nefinu

Og myndast hafa nú loksins kjöraðstæður fyrir stjórnmálamenn (aðila). Kjósendur hafa nefnilega misst allt samband við umheiminn, geta ekki einu sinni hringt í næsta hús, því allt er svo stafrænt. Þeir sitja því króknandi í ofurskattlögðum húsum sínum og komast hvorki lönd né strönd. Á meðan ætlar Vegagerðin að skoða hvenær opna á vegina "í birtingu" –kannski með vasaljósi líka– eftir þrjá til fjóra hringi jarðar í kringum sjálfa sig í svartasta skammdeginu, þar sem birtir stundum bara alls ekki

Og ferðamennirnir eru líka á förum, óplokkaðir og koma ekki aftur. Þar fór gæsin sú og kemur ekki aftur, því margt er hér orðið uppétið og niðurslitið eftir hana sjálfa

En dýrasta þvæla mannkynssögunar í Reykjavík heldur áfram, þar sem kexruglað liðið úr öllum flokknum nema einum, situr daginn út, og daginn inn, við reiðilestur á súrheysturnherbergi Grétu Lennon; ímyndið ykkur, ímyndið ykkur, tralla la la, ímyndið ykkur, bla bla bla...

Geri aðrir betur!

Fyrri færsla

Hættulegt ár að byrja, frá og með nú

Snýst um þjóðaröryggi

Hættulegt ár að byrja, frá og með nú

Á þessum degi árið 1906 fæddist Grace Hopper sjóliðsforingi (Rear Admiral). Það var hún sem fann upp COBOL forritunarmálið, sem notað er enn þann dag í dag, sérstaklega í stórum miðlægum "mainframe" kerfum. Þarna sést hún á mynd við UNIVAC útstöð 1960. Grace lést í janúar 1992. Fleira fólk en stærðfræðingar gátu þar með notað tölvur

****

Nú er minna en ár í forsetakosningar í Bandaríkjunum. Þau lönd sem hve mestan hag hafa af því að Donald J. Trump nái ekki endurkjöri eru að minnsta kosti þrjú, plús bandamenn þeirra, sem eru hin ólíklegustu ríki jarðar. Þær efnahagslegu aðgerðir sem Trump hefur skrúfað saman og notað í stað hervalds til að þvinga þessi þrjú ríki til að huga að göngulagi sínu á brauðfótum –sem allir eru ofurháðir bandaríska brauðinu sem Trump og enginn annar bakar– eru farnar að bíta svo að þessi ríki eru komin á barm örvæntingar. Um er að ræða Kína, Íran og Norður-Kóreu. Hvað þau ríki gera næst er því að verða óútreiknanlegt. En svo mikið er þó vitað að allt sem þau gera, munu þau gera til að taka bandaríska forsetann með sér í fallinu. Þannig virkar örvænting

Vöruinnflutningur Bandaríkjanna frá Kína hefur dregist saman um nær fjórðung á síðustu 12 mánuðum (23 prósent) og heildarvöruviðskiptin (útflutningur plús innflutningur) hafa dregist saman um fimmtung, sem er meira en viðskiptin drógust saman þegar sérfræðingar Vesturlanda komu þeim næstum á hausinn árið 2008

Sjálfstæðisflokkurinn undir tapforystu Bjarna Benediktssonar hefur auðvitað lagt sitt af nytsamra kjánamörkum, til að gera lífið leitt fyrir þessum eina bandamanni Íslands, með því til dæmis að sitja í AIIB bankaráði Kínverska kommúnistaflokksins. Sá flokkur virðist þar með algerlega hafa yfirgefið sitt gamla hlutverk sem kjölfestan í lífvænlegum utanríkismálum fyrir landið okkar Ísland. Á Andríki –sem er samviska hægrimanna í Sjálfstæðisflokknum– fær því skylduskrifuð afmælisgrein um Sjálfstæðisflokkinn ekkert like á meðan greinar Andríkis um umhverfisfirru og loftslagsaxarsköft ríkisstjórnarinnar fá um og yfir þúsund likes hjá kjósendum. Þetta segir sína sögu um hvert Sjálfstæðisflokkurinn er kominn. Hann er að mestu kominn í ruslið hjá hægrimönnum og yfir í blóðrautt sólarlag

Kína mun því reyna að nota þennan ellefu mánaða glugga til að reyna að koma Trump frá völdum með einhverskonar aðgerðum sem verða viðskiptalegs eðlis, jafnvel hernaðarlegs, en líklega blanda beggja. Trump hefur neytt Kína til að taka afleiðingum gjörða þess undanfarin 30 ár. Hann er eini maðurinn sem hugrekki hefur haft til þess. Allt bandaríska þingið bakkar hins vegar forsetann upp í þessu máli. Og þó svo að "viðskiptasamningar" náist landanna á milli, þá mun deilustríð landanna ekki hætta. Allir slíkir samningar verða aðeins táknræns eðlis og deilan halda áfram næstu áratugi. Stjórnvöld í Kína eiga nú úr mjög vandsamri stöðu að ráða. Þau geta ekki vitað hvað Trump mun gera og þau geta ekki vitað hvað hann mun ekki gera. Trump hefur séð fyrir því að enginn fjandsamur Bandaríkjunum geti vitað hvar þau lönd hafa forsetann. Hvernig Trump mun bregðast við veit því enginn, og það eitt fælir menn frá því að taka Bandaríkin sem gefin. Slíkur er fælnimáttur þannig stefnu. Hvað mun Trump gera ef við gerum þetta eða hitt, reyna menn að reikna sig fram til í Peking, því um andlit þeirrar borgar gagnvart landinu öllu er hér að ræða. Kínverski kommúnistaflokkurinn þolir ekki að missa andlitið gagnvart þjóðinni, án stórkostlegra afleiðinga fyrir hann og þar með landið í heild

Sama staðan er uppi þegar að Íran kemur. Þar er ríki klerkaveldisins við það að falla saman undan þvingunum Trumps. Meira að segja olía er skömmtuð í olíuríkinu sjálfu. Verðbólga er himinhá, atvinnuleysi massíft og mótmæli borgaranna gegn kjarnorkuvopnastefnu klerkaveldisins magnast dag hvern. Klerkarnir í Teheran hafa reynt að fá Trump til að afhjúpa viðbúnað og viðbrögð sín við árásum á til dæmis skip og eignir á þurru landi bandamanna, en ekki haft erindi sem erfiði, því Trump er ekki sjálfskiptur krati. Írönsk stjórnvöld vita því ekki hversu langt þeim er óhætt að ganga í að koma endurkjöri Trump fyrir kattarnef. Næsta skerf þeirra gæti því orðið mun hættulegra og þar með áhættusamara fyrir þá sjálfa. Trump gæti lagt stóra hluta hers þeirra í rúst ef klerkaveldið myndi til dæmis gera beina árás á bandarískt herskip. Ef slíkt gerðist, hefði Trump tryggt sér ótakmarkaðan stuðning þjóðar sinnar til að leggja til dæmis heila herstöð klerkanna í rúst eða jafnvel jafna mörg hernaðarmannviki við jörðu. Bandaríska þjóðin sér þarna og þar með nú þegar, hversu galin stefna Baracks Obama vinstrimanns var í Íranmálinu. Allt það mál er honum að kenna. Skilti með Obama að kenna mun því blikka viðstöðulaust fram að kosningum. Og skyldi kerlaveldið hætta sér of langt, þá mun skiltið blikka næstu mörg kjörtímabilin. Demókrötum að kenna, demókrötum að kenna, demókrötum að kenna... eins og Víetnam var þeim að kenna líka

Norður-Kórea virðist rétt í þessu hafa pakkað inn jólagjöf til Bandaríkjanna og sennilega aflýst afvopnunarsamkomulagi því sem Trump gerði við einræðisherraveldið. Næstu skerf þess ríkis eru því að þjarma að bandaríska forsetanum til að reyna að tryggja brottför hans úr Hvíta húsinu og endurkomu bláeygðs demókrata. Það halda þeir í Pyongyang að minnsta kosti. En þarna er Trump búinn að tryggja sér stuðning þjóðarinnar með því að hafa gert allt það sem í hans valdi stóð –jafnvel meira en það, kvarta andstæðingar hans yfir– og hefur því þjóðina með sér þegar Pyongyang stígur í spínatið til að reyna spilla um fyrir bandaríska forsetanum. Þarna hafa efnahagsþvinganir Trumps virkað vel, því þær eru hinar hörðustu nokkru sinni. Rándýr kjarnorkuvopnastefna valdaklíku landsins er að éta þjóðina svo út á gaddinn að hungursneyð er á næsta leyti. Í slíkum aðstæðum hefur Pyongyang vanist því að geta þá kallað fram eins konar "samúð" frá hinum bláeygða heimi og þvingað ótrúlegustu lönd og fyrirmenni að samningaboði, með kröfum um að hörðustu þvingununum verði aflétt. Vonandi gengur Trump ekki í þá gildru með því að slaka á þumalskúrfunum, því bæði Íran og Kína og kumpánar þeirra eru að horfa á

Þarna, frá þessum þremur ríkjum er því ekki von á neinu góðu næstu 11 mánuðina. Hversu langt munu þau ganga - og hversu vel mun óvissustefna Trump virka? Það er stóra spurningin. Hversu langt er Trump viljugur að leyfa þessum þremur ríkjum að ganga á til dæmis rétt nágranna sinna. Hversu mikið mun hann líða áður en hann grípur til aðgerða. Hversu gott taumhald hefur hann á Japan, Suður-Kóreu og Taívan og á bandamönnum sínum í Fjórbandalaginu. Hvort að Rússland reyni einnig að spila hér inn til að fá vilja síum framgegnt í endurreisn sovétríkjanna, er ekki gott að segja. En hitt er þó vitað að ekkert getur Trump átt undir Evrópu komið í þeim efnum. Þess vegna hefur hann grafið sig niður með bandaríska herinn í Intermarium og reynir ákaft að halda Tyrklandi áfram sem þeim trygga en erfiða bandamanni sem ávallt stóð varðstöðuna á tyrkneska múrnum gegn sovét

Hvað ástand bandaríska heraflans varðar þá hefur hann sennilega aldrei áður á friðartímum verið eins öflugur og hann er núna. Með því að draga sig út úr ónauðsynlegum aðgerðum og hætta ofnotkun og veita til hans stórauknu fé, hefur Trump byggt upp hernaðarafl sem á sér fáa líka. Allar flugvélar eru flughæfar á ný og annar búnaður hersins er í toppstandi og mannskapurinn er ekki að niðurlotum kominn lengur og mistökum hefur því fækkað. Enginn veit hins vegar lengur, hvar og hvernig bandaríski herinn verður notaður næst. En ef og þegar að því kemur, er allt eins líklegt að honum verði beitt mjög svo öðruvísi en undanfarna áratugi. Eyrnapinnaaðgerðir bandaríska hersins heyra kannski sögunni til. Um afar stórt, velsmurt og banvænt prik er frá og með nú að ræða. Það veit Kína, það veit Íran og það veit Norður-Kórea. Hversu vel þessi staðreynd fælir þau frá óvitaskap, mun koma í ljós á næstu 11 mánuðum

Fyrri færsla

Hæstvirtir rasistar, fasistar og aðrir hvítir menn

Hæstvirtir rasistar, fasistar og aðrir hvítir menn

PÓLITÍKIN

Af hverju hafa þessi nöfn verið svo mikið á sveimi í hinni pólitísku umræðu vestanhafs undanfarin fjögur ár? Jú, í Bandaríkjunum er vel vitað að enginn vinnandi hvítur maður með bara sæmilega virðingu fyrir landi sínu, kýs flokk Demókrata lengur. Sá flokkur hefur ávallt haft tilhneigingu til að sveiflast til vinstriöfga og óbærilegs sósíalisma. Síðast var það Barack Obama sem tók flokkinn á ný inn á gamla afvegu vinstrisins. Obama var öfgavinstrimaður á bandarískan mælikvarða. Þess vegna veit flokkur Demókrata að hann getur ekki lengur komið forsetaefni sínu að í Hvíta húsinu, nema fyrir tilstilli hinna ýmsu hópa þjóðarinnar sem ekki eru hvítir. Donald Trump, annars vegar, veit þetta líka. Hann hefur því snúið sér til þessara hópa og sagt: "Þið þurfið ekki að reiða ykkur á ölmusur ríkisstjórnarinnar lengur. Ég ætla að efla ykkur og gera ykkur og vinnukrafta ykkar mikilvæga fyrir þjóðina alla. Þá getið þið sparkað ölmusuflokki Demókrata, sem lifir á því að halda ykkur niðri." Og það er þetta sem Trump hefur gert. Atvinnuástand meðal þessara hópa undir honum er orðið það besta í sögu Bandaríkjanna og lægstu laun og nemalaun hafa þotið upp. Viðbrögð Demókrataflokksins við þessum afrekum Trumps hafa því verið þau, að kalla hann öllum þeim illu nöfnum sem notuð eru meðal þessara hópa. Rasisti er númer eitt, síðan kemur ásökun um að vera hvítur og kristinn, og svo kemur öll runan af alls konar nýuppdiktuðum Metoo blótsyrðum úr Heiðnikirkjuveldi háskólanna, sem allir eru í höndum og stjórnað af krónískum aumingjum, sem hins vegar sjálfir hafa alls ekki hugsað sér að lifa samkvæmt aumingjaboðskap sínum - hvorki rauðum né grænum. "Við getum ekkert gegn þessum afreksmanni í venjulegri kosningabaráttu, þess vegna verður að reyna að skíta hann út í augum þessara hópa, eða að minnsta kosti reyna að koma í veg fyrir að hann geti boðið sig fram á ný", - segja Demókratar

Þess vegna er Trump hataður svona mikið af þessu fólki. Hann er að taka það frá því sem átti að koma þeim inn á bæði þing og í Hvíta húsið. Það öfundar hann allt fyrir hversu öflugur og mikill sigurvegari hann er. Öfunda hann öll, en eru sjálf ófær um að vera sú jarðýta sem hann er. Öll vildu þau geta hið sama, en ekkert þeirra vill hins vegar vera sjálfur Trump. Og þetta gildir um marga Repúblikana líka. Allir vilja að Dirty Harry komi og bjargi þeim. Allir vilja að hann komi og skeri meinið burt, jafnvel þó svo að hnífur hans sé ryðgaður og subbulegur, því alveg sama hvað, hann er svo öflugur að hann mun fjarlægja það. Meinið mun fara. Þetta fólk getur síðan ekki hugsað sér að drekka kaffi með honum á eftir, því hann lyktar eins og klóakmeistarinn sem kemur og bjargar málum fyrir hina sískítandi, og þar með okkur öll. Honum er ekki boðið í hanastélið á eftir, því hann lyktar. Þegar Trump svo hefur lokið verki sínu, ríður hann inn í sólarlagið, því hann veit að hann getur ekki búið meðal aumingja, svona öflugur og subbulegur sem hann er. Trump er nefnilega vestri. Allir öfunda hann, en enginn vill hafa svona Patton eða sir Bomber Harris í hanastélsboðum sínum, eftir verklok. Patton var snillingur og gáfumenni sem talaði bæði frönsku og þýsku, en umfram allt var hann hermaður. Það sama gildir um Bomber Harris í Bretlandi. Trump er eins. Þessir menn leysa vandamál. Fixa hluti. Alveg sama hvað, þeir skila sínu verki. Ég þekkti svona menn í byggingarbransanum. Það var klappað fyrir þeim þegar þeir komu á sínum átta strokka Pontiac Trans Am til að hvetja okkur áfram. Öflugir og hættulegir bjánum. Eða eins og Matthías Johannessen sagði; þar sem þeir sem byggðu virkjunina stóðu úti í rigningunni á meðan demókratarnir skáluðu fyrir afrekum þeirra innandyra

Aumingjaveldið hér heima apar svo samkvæmt venju allt upp sem að vestan kemur sbr. hippatímabilið, Metoo-apínur með eina græna og ofsoðna baun í heilastað, og svo auðvitað hið íslenska Heiðnikirkjuveldi háskólanna, sem eru yfirstéttaraumingjar Íslands

ER NATO BÚIÐ AÐ VERA?

Já. Það eru sennilega ekki nema nokkur ár eftir af því. Það sem mun koma í stað þess eru tvíhliða varnarsamningar á milli nokkurra strategískt mikilvægra landa við Bandaríkin. Þetta þýðir að Ísland þarf að byrja að læra að drepa, sprengja og skjóta niður flugvélar. Við kunnum sem betur fer enn að sökkva skipum, svo þar þarf aðeins að uppfæra græjurnar. Bandaríkin munu ekki nenna að halda í höndina á okkur ef við kunnum og getum ekki lágmarks-þetta. Barnfóstrutímabilinu er lokið, og þessa lágmarks mun verða ætlast til af okkur. Enda aðeins eðlilegt að svo ríki þjóð sem við erum, þökk sé Bandaríkjunum, hafi lágmarksviðbúnað sem nemur þremur prósentum af landsframleiðslu okkar

Staðan er hins vegar verri í Evrópu. Þar þykist Frakkland ætla að koma á fót varnarliði –innan morkinna vébanda ESB– sem á að vinna samkvæmt prinsippum um vesalinga. Þú, Þýskaland, átt að styðja stofnun ESB-hers þar sem þú, Þýskalaland, átt að vera rómverski hermaðurinn á meðan ég, Frakkland, verð gríski heimspekingurinn. Þú átt að koma þessu á fót, því án þín er ekkert ESB, og þú átt að fórna þér en ekki fyrir þig sjálft –það máttu alls ekki– heldur fyrir mig Frakkland. Þetta verður sem sagt stofnun evrópsks brandarahers, sem þýðir: verður aldrei

Bandaríkin munu hins vegar einbeita sér að Póllandi og Rúmeníu og þar með hlúa að uppbyggingu Intermarium-svæðis, þar sem 120-170 milljón manns búa (nenni ekki að reikna það nákvæmar). En Intermarium er landsvæðið á milli Þýskalands og Rússlands, sem Þjóðverjar álíta rusl og ruslahauginn sem hindrar hjónaband þess við Rússland

En nánar um allt þetta má lesa í blaðaviðtali Die Weltwoche við bandaríska sagnfræðinginn Victor Davis Hanson bónda. Það blað er í eigu og undir ritstjórn Roger Köppel, sem er þingmaður SVP, Schweizerische Volkspartei. Sá maður hafði þetta að segja um hugsanlegan EES-legan samning Sviss við ESB, eins og Ísland álpaðist því miður til að gera. Slíkan samning mun Sviss því aldrei gera

Hér er viðtalið við VDH: Trump er einskonar kemóterapía. Þetta er stórskemmtilegt viðtal og vel þess virði að hugsa mjög svo nánar um. Þar segir til dæmis Victor Davis Hanson að ESB sé svo gott sem hrunið

Fyrri færsla

"Fimmta iðnbyltingin" komin í lesturinn

"Fimmta iðnbyltingin" komin í lesturinn

Ég veltist um af hlátri í hvert skipti sem hin alóþjóðlega reglustrika OECD lemst niður í lönd og hræðir svo marga upp úr skónum, að þeir þora ekki annað en að ganga berfættir það sem eftir er leiðarinnar með sjálfa sig á öskuhauganna. Þetta al-óþjóðlega rugluverk sem PISA kallast, er hugsað upp til að auka svo við veldi alþjóðaismans að engin hætta sé á að neinn þar á bæ missi vinnuna

Í tæplega 30 ár, eða frá því að þátttaka þeirra í þessari óþjóðlegu PISA-firru hófst, horfði ég á Dani engjast sundur og saman vegna þessarar PISA-tuggu um lélega lestrar- og reikningshæfni. Tuggu sem veitir skömm og sjálfsfyrirlitningu óheftan aðgang að innstu koppum í forðabúrum þjóðarsála. Enda er það tilgangurinn með þessu; að berja þjóðir ofan í sama mótið

Þessi skrípaleikur er stundaður til að berja þjóðir til og láta þær passa ofan í eina skóinn í heiminum sem enginn passar í: INTER-NATIONALISM, þ.e. al-óþjóðlega embættismannaveldið

En svo gerðist eitthvað í Danmörku sem leiddi til þess að Danir hættu að falla á prófinu. Það sem gerðist var það að þeir lærðu að taka þetta próf. Ekkert annað gerðist. Þetta geta menn líka gert hér heima og þar með hætt að naga úr sér þjóðarsálina, gengisfella allt íslenskt og sjálfa sig líka

Það er merki um heilbrigði að falla á þessu prófi. Því hví ættu til dæmis sjálfstæðir strákar að eyða tíma í að taka próf sem gerir ekkert fyrir þá sjálfa. Aðeins Svíar henda sér gagnrýnislaust yfir hvern þann pappírsbunka sem settur er fyrir þá. Hvers vegna ættum við að vera að þessu, er lausnin að farsæld í lífinu. Þannig viðhorf gera þjóðir ríkar. Áfram strákar: falla!

Þeir sem hafa trú á þessu al-óþjóðlega OECD PISA klámi, verða að læra að lesa klámblöð þess. Þau eru skattfrjáls og það verða menn ætíð að muna. Og þetta er klám og ekkert annað en al-óþjóðlegt klám. Það verða menn einnig að muna

Þegar sú staðreynd er meðtekin, ættu Íslendingar að ganga til sinna starfa og hætta að láta al-óþjóðlegar tossastofnanir taka sig niður

En umfram allt, þá er það tímasóun að þurfa að taka þátt í þessu. Því er hins vegar hægt að breyta með því að hætta þátttöku í þessum skrípaleik og snúa sér að því sem kýlir upp íslensku þjóðarsálina og þar með landsframleiðslu hennar; já kýla hana og þjóðina upp, þrátt fyrir að þurfa að burðast með risavaxinn vandamálaiðnaðinn, eins og þennan, hangandi sem steypuklossa um hálsinn

Ekkert slíkt er OECD fært um að gera, því það á ekkert land til að þykja vænt um. Þess vegna er því illa við lönd og þjóðir. Þær skal því jafna við jörðu

Hver þjóð hafi sína skóla, sínar hefðir og siði; svo að þær allar verði ekki jafnheimskar og OECD

Fyrri færsla

"Mönnum finnst"? En hvað finnst þér Bjarni?

Staða íslenskra drengja enn verri en áður

"Mönnum finnst"? En hvað finnst þér Bjarni?

Þú, Bjarni Benediktsson, varst kosinn til þess að hafa skoðun. Hvernig væri nú að þú segðir okkur sem kusu þig, bara svona einu sinni, hvaða skoðun þú hefur á til dæmis þessu máli. Þú ert ekki "skoðunarmaður" atkvæða. Það erum við kjósendur sem erum það og við erum ekki "aðilar". Hver er þín skoðun í málinu? Já þín eigin skoðun

Það var fullt af "mönnum sem fannst" að þú hefðir ekki átt að samþykkja orkupakka þrjú. Fullt af mönnum, reyndar næstum öllum kjósendum þínum og flokksins alls. Og okkur finnst það enn!

Það sama gildir um plebba-aðför Sjálfstæðisflokksins að íslenskri menningu og arfleið okkar: þ.e. íslenskum mannanöfnum. Þar finnst okkur mönnum og mér sjálfum að þú og þínir kumpánar í höllinni sem er að hrynja ofan á ykkur, séuð að verða algerlega fyrir utan það að geta kallast íslenskur stjórnmálaflokkur á Alþingi Íslendinga

Hvernig væri nú að taka sig saman áður en við tökum okkur saman og spörkum ykkur "aðilum" fyrir fullt og allt

Fyrri færsla

Neyðarástand ESB-elíta vegna dísilgate ESB-elíta

RÚV hluti af vandanum

Neyðarástand ESB-elíta vegna dísilgate ESB-elíta

STROMPSLAGSMÁLIN Í ESB

Gúmmíþing Evrópusambandsins sem mjög fáir hafa kosið til eins né neins, samþykkti að lýsa yfir "neyðarástandi" vegna ástandsins sem það bjó til með því að hálfpartinn þvinga alla til að kaupa sér dísilbifreiðar frá 1992 til 2010. Notaðar voru DDRÚV aðferðir í ríkisfjölmiðlum landanna. Dísilbifreiðar, sagði Evrópusambandið, og málaliðar þess í hverju landi fyrir sig, áttu að vera svo góðar fyrir umhverfið - og "vísindamenn" tóku náttúrlega undir sönginn - enda margir hluthafar í þessu öllu, eins og þeir eru í dag. Síðan aðstoðaði ESB bílaframleiðendur álfunnar við að koma dísilvörum sínum út, með því að smíða slá úr gúmmíi sem gæfi eftir, fyrst að svo gott sem enginn framleiðandi gat uppfyllt kröfur sambandsins hvað útblástur varðar. Og ekki nóg með það, þá sérhönnuðu þýskir bílaframleiðendur lygavél sem blekkti löggjafann í Evrópu, Bandaríkjunum og víðar. Upp komst um lygavélina frá ESB í Bandaríkjunum, því upp komst um svindl þýskra bílaframleiðenda, plús um svindl Deutsche Bank í húsnæðislánum, plús um svindl þýskra yfirvalda sem falið höfðu lífeyrisssjóði starfsmanna Þýska póstsins í skattaskjólum ESB á Írlandi, og sem notaðir voru til að bjarga gjaldþrota bönkum, sem lágu rambeltandi í þroti þvers á landamærum láglanda, en sem sagðar voru í fréttum skotheldar fjármálastofnanir

Næstum alls staðar þar sem upp komst um svindl, svik og pretti í heiminum, voru þýsk fyrirtæki innsti koppur í þeim búrum, stundum með aðstoð þýskra yfirvalda og náttúrlega ESB

Evrópskir bílaframleiðendur ætluðu þarna að breyta bílamarkaðnum í Evrópu sér í hag, því aðeins Þjóðverjar og Frakkar eru haldnir díslisfetisma. Bandaríkjamenn hafa alltaf haldið sig við bensínbíla og ekki viljað sjá dísil. Það átti einfaldlega að loka sem flesta erlenda keppinauta úti frá evrópska bílamarkaðnum og reyna að útbeiða dísilþvæluna í Bandaríkjunum; með aðstoð ESB. Þannig myndu ESB-framleiðendur ná forskoti beggja megin Atlantshafs. Nú er hins vegar þessi rýtingur kominn í bakið á íbúum Evrópu og hið þýska dísilgate er að sprengja stjórnmálin þar í loft upp. Þýskir bílaframleiðendur riða, og kannski til falls. Audi sagðist því í vikunni ætla segja upp 10 þúsund starfsmönnum á næstunni. Restin af þýska bílaiðnaðnum mun líklega gripa til svipaðra ráða

En nú hefur elítan sem dældi dísilmekki yfir borgir Evrópu og sem enginn kaus, lýst yfir neyðarástandi vegna dísilsins sem hún dýrkaði svo heitt. Þetta fólk kaus samt svo gott sem bara lítill minnihluti í flestum löndum álfunnar. Stundum bara 13 til 22 prósent kjósenda. Kosningaþátttakan í kosningunum til þessa gúmmíþings elíta varð þó 50,66 prósent í vor, vegna þess að borgararnir höfðu fengið mjög svo aukinn áhuga á að rústa sambandinu í þeim kosningum innanfrá. Kosningaþátttakan þar á undan var nefnilega bara 42,6 prósent, 2014

En sem sagt: 65 prósent greiddu sjálfsköpuðu neyðarástandinu atkvæði sitt í gær, þannig að fulltrúar 33 prósent íbúanna eru þarna að verki. Ekkert af þessari þvælu er "bindandi" heldur aðeins blindandi. En ef hún væri bindandi þá lokast náttúrlega á alla flóttamenn inn í Evrópusambandið, því hver ætlar að flýja þangað sem neyðin ríkir svona sárt - plús að um Evrópu-stóreinræðisherradæmi væri þá að ræða

Sameinuðu þjóðunum yrði þá ofboðslegur vandi á höndum, því varla ætti að senda flýjandi fólk utan úr heimi inn í neyðina sem ríkir nú í enn ríkara mæli en áður í því sem sumir kalla enn Evrópusambandið. Það hlakkar líklega enn í AfD-mönnum í dag, eins og í gær

En hvað með loftslagsflóttamennina frá Evrópu. Hvert skyldi eiga að senda þá? Til Kína eða Rússlands? Ekki er hægt að senda þá til vonda fólksins í Bandaríkjunum. Það myndi bara hlægja og Donald Trump hæst, og hann rétta því "big and beautiful clean coal" í staðinn fyrir brúnkolin í Þýskalandi, sem verða að duga landinu næstu 100 árin, ef komast á hjá þýsku þjóðargjaldþroti. En þá eru þau búin

Þjóðverjar hljóta að finna vísindalega lausn á þessu, ekki satt? Þeir gætu jafnvel kallað Katrínu svartkomma á vettvang sem allsherjar ráðgjafa, – um þið vitið hvað

En hvað skyldi eiga að kalla raunverulegt neyðarástand þegar það loksins kemur; frelsun manna eða hvað?

Fyrri færsla

Tillögur til breytinga á Mbl.is | Engin bylting hér

Tillögur til breytinga á Mbl.is | Engin bylting hér

MOGGAÚTGÁFAN Á NETINU - HTTP Þ.E. HYPERTEXT-FORMIÐ

Þar sem ég gefst næstum upp þegar ég sé forsíðu mbl.is og sný mér of oft á hina hliðina og aðhefst ekkert, þá eru hér nokkrar breytingartillögur um skipan hennar. Svona myndi ég hafa Moggavefinn ef ég ætti hann. Þessa flipa myndi ég hafa:

Fréttir: – þar undir væri: Ísland og Útlönd á tveimur flipum

Pólitíkin: – stjórnmál (íslensk)

Hagkerfið – Ísland, Útlönd

OMG: – allir vita hvað það er

Vikan: – samkeppni við besta blaðið (Vikuna)

Séð & heyrt: – ekta slúður

Hrunið: – brestandi bólur og bólutengd þvæla

Góða fólkið: – CO2 og grenjandi fólk

Bannorðið: – allt sem er bannfært og bannað

Smáauglýsingar: – tilkynningar og auglýsingar frá stjórnmálaflokkum

Tímasóun: – RSS-straumur frá keppinautunum (þá þarf maður ekki að fara þangað)

OMG yrði vinsælt og myndi hitta í mark. Vikan gæti orðið vönduð deild um aukna ediknotkun, húsráð, tertur, smurbrauð og dramatík. Séð & Heyrt vita allir hvað er. Óþarfi er að láta gott slúður fara til spillis. Þarna væri það allt, veðurspár og fréttir af veðrinu líka. Hrunið: gæti einnig orðið vinsælt, því þar myndi allt sem er að hrynja, á einn eða annan hátt, verða birt. Dæmi: ferðamannabólan. Fylgishrun flokka, sérstaklega Ríkisútvarpsflokksins. Ófærir vegir. Fólk sem fær ekki það sem það heimtar og tekur það bara frjálsri hendi, o.s.f.v. Góða fólkið: þarf varla að kynna sem þá lofttegund sem það er. Þarna yrði allt sem kostar aðra mikið en mig ekki neitt, og þar með talinn væri næstum allur vinstrivængurinn. Bannorðið: þar væri allt sem er bannað, sem er mikið. Og einnig þeir og það sem verið er að bannfæra þá og þá stundina, og listi yfir bannfærðar persónur og málefni, sem eru mörg. Hagkerfið: þarf ekki að kynna frekar og allir þekkja Stjórnmálin

Það vantar sennilega Sveitina eða Hektarann, því 200-mílur er mjög gott

Reglur um útlit sem menn verða að muna. 1) Þó svo að Apple og Microsoft breyti útliti sinna vefsetra og viðmóti í stýrikerfum, þá ætti aldrei að fylgja þeim breytingum né heldur þeim grafísku- og uppsetningar- straumum sem þar koma fram. Góð og notadrjúg vefhönnun er það sem bæði þessi fyrirtæki hata, þau lifa nefnilega á breytingum og að ekkert virki. Ekki herma eftir þessu rugli sem þannig verður til sem afleiða niðri á hönnunarstofum, sem að eðlisfari eru að minnsta kosti jafnlatar og blaðamenn. 2) Og vinsamlegast athugið að vefhönnun er í dag lægst launaða aukastarf sem hægt er að hafa. Þess vegna eru flestir vefir svo gott sem ónothæfir. Dæmi: flestir fjölmiðlar, Seðlabankinn, Hagstofan, bankar. 3) Ekki fylgja tískusveiflum bjána í rifnum gallabuxum sem halda að heimurinn sé iOS, fésbókar-forum í glamúrbúningi, athyglissjúkdóms-tíst eða insta-blekkingar. Takið vefinn jafnalvarlega og prentmiðilinn. Út með allar rifnar gallabuxur

Sjónvarp og útvarp er búið að vera sem fjölmiðill og alveg sérstaklega sem form á fjölmiðli. Sjónvarpskjárinn sem samkomustaður er búinn að vera, nema til að hofa í eldinn (afþreying). Það er hið ritaða mál á bæði prent- og dílaformi sem er framtíðin

****

 

Mynd: WSJ í gær: Fjarverslun sem hlutfall af heildarsmásöluverslun

ENGIN BYLTING HÉR

Ég get bara alls ekki séð þessa "byltingu" í smásöluverslun vegna internetsins sem allir eru búnir að vera að tala um síðan 1997. Þegar Freemans var upp á sitt besta hér á Íslandi voru þeir með 25.000 - 35.000 pantanir á ári í kringum 1988-1990 og Samtök verslunar höfðu miklar áhyggjur "af þróun póstverslunar". Ofboðslegar áhyggjur. Ofan í það eina fyrirtæki komu svo öll hin póstverslunarfyrirtækin, þannig að um 70-100 þúsund pantanir á ári var að ræða í bara tískufatnaði. Þegar ég rannsakaði hefðbundna póstverslun á þessum tíma versus "e-commerce" sem 10 árum síðar var "að koma" (þ.e.: mail order via pixel format), þá var hún á bilinu 2-8 prósent af heildarsmásölu í flestum löndum. Danmörk var mjög mjög lágt, Svíþjóð betri, Bretland og Frakkland enn betra, og Bandaríkin best. Ef teknir eru bílavarahlutir og tölvunartengdir hlutir frá, þá hugsa ég að ekkert hafi breyst miðað við áður. Þetta sést vel á myndinni frá greiningardeild hins kanadíska Scotiabank. Ergo: um er einungis að ræða enn eitt sölugasið vegna tæknibreytinga í kynningaraðferðum (e. technological transformation in sales presentation methods)

Hvernig mun þetta koma út í banka- og fjármálageiranum? Ég trúi ekki öðru en að þróunin verði á svipuðum nótum; Bankar breyta kúnnaviðmóti yfir á dílaform (e. pixel-mode). Ergo: bankar breytast, en ekki sjálf bankauppskriftin (e. the concept of banking). Hér þurfa menn að halda höfðinu köldu og ekki láta blekkast af gasorðinu "fjártækni"

Gömlu póstverslunarfyrirtækin urðu hluti af því sem kalla má "fjarverslun", þar sem bæði prentformið og dílaformið ríktu samhliða um tíma. Mörg hinna gömlu fyrirtækja gátu ekki verið með bæði formin í gangi samtímis, því póstverslun er einstakt verslunarfyrirkomulag, þar sem fyrirframgreiddur kostnaður er geigvænlegur, áður en ein króna kemur inn í kassann: þ.e. vöruþróun, trend-greiningar, samningar um innkaup og framleiðslu, ljósmyndun, grafísk hönnun, pappírsinnkaup, prentun, bókband, póstdreifing og beinar auglýsingar. Bara þessir kostnaðarliðir svara til þess að hefðbundin smásöluverslun þyrfti að byggja nýtt verslunarhúsnæði við hástræti tvisvar á ári, áður en ein króna kemur í kassann. Og þar sem allt í prentaða búðargluggunum þarf að vera til á lagar í sex mánuði. Sem sagt: "up front" kostnaður er ofboðslegur í hefðbundinni fyrsta flokks póstverslun. Þess vegna var það hálsbrjótandi fyrir þessi fyrirtæki að ætla að innleiða fjarverslun á stafrænu formi samhliða prentforminu, því sú tækni (dílatæknin) er enn dýrari en sú gamla

Að tengja kannski 10 til 15 risavaxin mainframe-backend færslukerfi hefðbundinna póstverslana sem afgreiða tvær til fjórar milljónir pantana úr eigin vöruhúsi á viku á háannatíma (sem koma inn í gegnum síma og póst) við HTTP-portið þ.e. við internetið, þ.e. við gagnvirkt pixel-viðmót, var hreinlega oft ekki mögulegt. Allt nýtt þurfti til. Þarna í hefðbundnum póstverslunum var um ein flóknustu tölvukerfi sem til eru að ræða. Engin hefðbundin verslunarmiðstöð þarf að vita kúnnanúmer, nafn og heimilisfang á hverjum einasta kúnna að hverju einasta smjörstykki eða rennilás sem hún selur. Og að taka á móti hálfri milljón símtala á dag og meira að segja borga fyrir þau, er ekki á færi hverra sem er. Það var því ekki tilviljun að tölvudeild hefðbundins póstverslunarfyrirtækis á borð við Freemans var staðsett rétt hjá tölvuháskólanum í Leeds. Þýska Ottó sem til dæmis þurfti 40 þúsund blaðsíður til að kynna vöruúrval sitt á tvisvar á ári, virðist hins vegar vera að takast umbylta öllu hjá sér yfir í "live on-line" starfsemi. En sú starfsemi er ekki eins skemmtileg og sú gamla, því hún verður vélræn eins og við færiband, og það mun draga andann úr viðskiptunum. Enginn tími er fyrir neinar "locations" við ljósmyndatökur með fyrirsætum. Flest fer fram innanhúss og spenningurinn minnkar því vertíðarbyrjunar-spenningurinn hverfur (e. season-start)

Aðeins þau hefðbundnu póstverslunarfyrirtæki sem áttu sand af eiginfé gátu gert bæði í einu og lifa enn. En þegar upp er staðið þá er fjarverslun ein erfiðasta grein smásöluverslunar sem til er. Hún krefst þess að allt sé tvöfalt betra en hjá hefðbundnum verslunum; þ.e. þjónusta, verð, hraði, tækni, markaðsfærsla, réttindi og dreifing. Ekkert af hinum nýju fyrirtækjum á sviði fjarverslunar geta gert það fyrir kúnnana sem gömlu fyrirtækin gátu. Engin þeirra ætla að nota lifandi manneskjur til að þjónusta kúnnana. Líf þeirra verður því stutt. Og um leið og þau verða arðvænleg þá drepast þau, því þá sjá fjárfestar hversu hagnaðarvonin er ofboðslega lítil og hlaupa öskrandi burt. Þarna spila nýju föt keisarans best á meðan þau eru ný, og enginn er búinn að átta sig á nektinni

Fyrri færsla

Fá Rússadindlar Íslands aldrei nóg?

Fá Rússadindlar Íslands aldrei nóg?

Krím var tyrkneskt frá 1441 til 1783, þegar það –eins og árið 2014– var bara sí svona tekið og innlimað í Rússneska heimsveldið. Rússar réðu svo yfir Krím næstu 171 árin. Síðan var því skellt inn í Sovétsambandið (Soviet Union þ.e. European Union þeirra daga). Þaðan fór Krím svo inn í Úkraínu þar sem handhafar fullveldis þess ríkis samþykktu það sem hluta af sínu ríki

Þetta er dálitið merkilegt, því sagt er að einhverskonar íbúar á Krím hafði árið 2014 samþykkt að verða hluti af Rússlandi, sem það aldrei áður hafði verið, því árið 1954 varð það ekki hluti af Rússlandi heldur hluti af Soviet Union, eins og Úkraína. Hefur einhver fengið að skoða kjörseðlana? Og hafa Rússadindlar Íslands skoðað andlit sín í spegli?

Ef þetta gengur upp, þá hlýtur það sama að gilda um Lettland, Litháen og Eistland, því öll þrjú voru hluti af Soviet Union

Og nú fyrst við erum að þessu, þá er dindla-orðið á sovétgötunni núna það, að íbúarnir í Donbasshéraði Úkraínu –sem dregur nafn sitt af Donetsfljóti– ættu jafnvel að fá að kjósa um að tilheyra Rússlandi. Bara sí svona, eins og að Akureyri dytti í hug að tilheyra Færeyjum –og þar með Danmörku– og notuðu sovétlýðræði sem röksemd fyrir því. Sú ákvörðun tilheyrir að sjálfsögðu öllum Íslendingum, og bara þeim, en ekki skrílslýðræði á borð við það rússneska. Það sama gilti auðvitað um gervikosningarnar á Krím. Sú ákvörðun átti heima í Kænugarði

Og fyrst að við erum enn að þessu, þá erum við einmitt hér að tala um fall Tyrkjaveldis, sem endalausir og gapandi röflarar Vesturlanda kenna Bretum og Frökkum um að hafa þurft að glíma við og ekki farnast það vel

Og þar erum við komin að því landsvæði sem upprunalega heitir Júdea og Ísrael. Þar hefur aldrei verið til neitt landsvæði sem heitir palestína. Það nafn var fundið upp til að fegra brottrekstur Gyðinga af landi sínu. Það nafn var málað yfir gamla nafnið. Það fólk sem kallar sig "palestínumenn" í dag tilheyrði Sýrlandsveldinu. Og þarna erum við aftur komin að Tyrkjaveldinu sem skalkaði og valkaði með allt fyrir botni Miðjarðarhafs og gott betur, eins og því sýndist þar til það veldi Tyrkja hrundi og var formlega leyst upp árið 1923

Þá, eða 1917, ákváðu þeirra daga sameinuðu þjóðir, þ.e. Frakkland, Ítalía, Benedikt XV í Páfagarði, Bretland og Bandaríkin –með samþykki Japans og Kína– að gefa út yfirlýsingu sem kennd er við breska Íhaldsmanninn Arthur Balfour forsætisráðherra, en sem þá var utanríkisráðherra breska Konungsdæmisins. Sú yfirlýsing var þess efnis að Gyðingaþjóðin sem gerð var heimilislaus og síðan hundelt og ofsótt í meira en tvö þúsund ár, fengi land sitt aftur. Eða að minnsta kosti hluta þess. Þjóðarbandalagið var svo sett í málið eftir að það var stofnað og Sameinuðu þjóðirnar staðfestu þjóðaréttrétt Gyðinga yfir heimili sínu. En þjóðríki Davíðs og Salómons, var hins vegar tvöfalt stærra en þjóðríkið Ísrael er í dag

Þó svo að það tækist að þurrka Ísraelsríki út í dag, þá myndi það ekki leysa neinn vanda þegar að þessum svokölluðu "palestínumönnum" kemur, því að Arabaríkjunum allt þar um kring, er enn meira illa við palestínumenn en þeim er illa við Ísraelsmenn. Þeir sem vita þetta ekki, þekkja ekki söguna. Og þeir (röflararnir) hafa þar af leiðandi enga samúð með því hlutverki sem Bandalagsþjóðirnar (e. The Allied powers) sem voru sigurvegararnir í Fyrri heimsstyrjöldinni, þurftu að glíma við í rústum Tyrkjaveldis. Þeirra hlutskipti átti ekki nándar nærri eins mikið skylt við nýlenduhugarfar eins og það hugtak á skylt við rússadindla og þýskalandsfetista Íslands. Af hverju talar þetta fólk ekki frekar um nýlendukúgun Tyrkjaveldis frá 1299 til 1923?

Georgía (komið!)
Krím (komið!)
Donbass og Transnistría (eru að koma!)
Vislubass, næst
Oderbass, kemur líka

Nei nei, við skulum horfa fram hjá þessu öllu, loka augunum, kreista þau saman og helst plokka þau úr okkur, og einbeita okkur að vesturbakka Jórdanfljóts. Þar býr nefnilega fólk sem þolir enn verr þá sem búa á hólmlendunni Gaza sem Egyptar þola ekki heldur, því þeir álíta það sína eign, en sem var og er eins og Hong-kong er í dag; hólmlenda eða nýlenda erlends veldis, í þessu tilfelli sennilega síðast Sýrlands, sem var hérað eða provins í Tyrkjaveldi, og sem það fyrir langa löngu hefur slegið hönd sinni af og meira að segja ráðist inn í Líbanon til að reyna að reka PLO þaðan út, til að kveða það í kútinn. Það gerðist á áttunda áratug síðustu aldar. Á vesturbakkanum er allt annað fólk. Sá Golíat sem Davíð konungur barðist við og lagði að velli þar sem er Gaza núna, var líka annað fólk. Það eina sem þeir sem kalla sig palestínumenn standa fyrir, er viðstöðulaus ófriður. Án hans eru þeir búnir að vera. Þeir hafa aldrei verið þjóð - aðeins vopnabræður

Hafa Rússadindlar Íslands, þegar hingað er komið, nokkuð fengið nóg? Eða þarf meira til. Hvað með Oderbass, Saxlandsbass eða Vislubass. Er allt í lagi með ykkur? Já já, leyfum þeim að kjósa og kjósa og kjósa. Mamma ég hef kosið hjá sjáfum mér um að ég fái meira nammi frá mömmu Sigga Jóns. Af stað með þig! Það útskýrir sig líka sjálft af hverju Hollywood, eins og rússadindlar Íslands, hefur aldrei þorað að gera sovéttímann upp eins og hann sannarlega á skilið

Fyrri færsla

Þjóðverjar eru að missa trúna á ríki sitt

Þjóðverjar eru að missa trúna á ríki sitt

ÞÝSKALAND

Það hefur orðið sundurlemjandi dramatískt hrun í stuðningi Þjóðverja við ríki sitt. Þeir virðast vera að missa trúna á þýska ríkið. Árið 2015 fannst 81 prósentum Þjóðverja að það ríkti pólitískur stöðugleiki í Þýskalandi. Ný rannsókn Allensbach-stofnunarinnar segir hins vegar að hlutfallið sé komið niður í 57 prósentur núna 2019. Þetta er dramatískt hrun í trú þýsku þjóðanna á pólitískan stöðugleika á mjög svo stuttum tíma í sambandsríkinu Þýskalandi

81 prósent 2015
57 prósent 2019

Og ekki nóg með það þá sögðust 62 prósent Þjóðverja hafa trú á pólitíska kerfinu í Þýskalandi árið 2015. En það hlutfall er hins vegar komið niður í 51 prósent núna 2019

62 prósent 2015
51 prósent 2019

Og aðeins 26 prósent Þjóðverja segja í dag að gæði ráði för í ríkisstjórnun landsins. Það hlutfall var 49 prósentur árið 2015. Stórt hrun þar líka

49 prósent 2015
26 prósent 2019

Sem sagt; dramatískt fall í trúnni á hina pólitísku hugmynd sem heitir Sambandsríkið Þýskaland, og á stjórnarfar þess. Hollt er að muna að Þýskaland er sambandsríki. Bæjaralandi væri sennilega nokkuð sama þó það væri hluti af Austurríki. Það eina sem hins vegar virðist sameina Þjóðverja núna, er ákall um "sterkan þjóðarleiðtoga”. Þið vitið sennilega öll hvað það getur þýtt 

Hvað er það sem er að hrynja í Þýskalandi. Og hvernig mun það lýsa sér? Þetta eru stórar spurningar, því þegar pólitískur stöðugleiki gufar upp í Þýskalandi þá þýðir það að stærsta pólitíska einingin í veraldarhafinu í Evrópu, er komin úr jafnvægi. Og eins og margir vita, þá er Þýskaland ekki neitt venjulegt ríki. Þar geta hlutirnir gerst ótrúlega hratt. Hvað er að gerast þarna?

Allir sem hugsa vita hins vegar að Evrópusambandið er nú þegar fallið sem hugmynd. Enginn fer því lengur eftir reglum þess né eftir sjálfri hugmyndinni um það. Það kostar ekkert. Nema náttúrlega kjánar hér heima. Þeir fara eftir öllu og skjálfa

KÍNA

Forsetinn Xi Jinping er að missa stjórn á landinu, þrátt fyrir ný og margföld einræðisherravöld. Það gæti styst í að honum verði sparkað. Fyrst missti hann stjórn á stærsta og lífsnauðsynlega kúnna sínum: Bandaríkjunum. Honum tókst að mishöndla sambandið þar á milli á hinn ótrúlegasta og barnalega hátt. Það mátti ekki gerast, frá Kína séð, því landið hefur ekki efni á því. Þar næst missti hann stjórn á Xinjiang. En það er stuðpúðaríki umhverfis Han-Kína –eins og Mansjúría, Innri-Mongólía og Tíbet eru líka– og formlegur hluti af Kína, en samt ekki etnískur hluti af Han-Kína. Síðan missti Peking stjórn á Hong-Kong. Macao er heldur ekki etnískt-Kína, því það er eins og Hong Kong; þ.e. evrópsk hólmlenda. Þarna er mjög margt á leiðinni í steik og kannski í hrun. Hvað gerist næst?

RÚSSLAND

Íbúar þess ríkis eru í miklum mæli að missa þolinmæðina. Það sem þeim var sagt og lofað að myndi verða þegar sovétstjórnin féll –sökum þess Rússar misstu trúna á pólitísku hugmyndina um Sovétríkið– hefur ekki ræst nógu vel. Borgararnir eru farnir að mótmæla og það er að hitna sumstaðar (of víða) í kolunum. Hvað gerist næst. Hvað gefur eftir?

Fyrri færsla

Sigmundur Davíð: "Örvæntið eigi vegna bráðnandi jökla"

Sigmundur Davíð: "Örvæntið eigi vegna bráðnandi jökla"

Jöklar bráðna, stjórnmálaflokkar deyja, fylgi þeirra bæði skapast og hverfur, og við lifum það allt saman af. Líka bráðnun Sjálfstæðisflokksins. Til verða svo nýir jöklar og flokkar, og við lærum að skoða þá, virða og kjósa

Hér er mjög svo klár blaðagreinin og skýr frá formanni Miðflokksins –Sigmundi Davíð Gunnlaugssyni– í hinu breska blaði íhaldsmanna; The Spectator, sem hóf göngu sína árið 1828 eða fyrir meira en, tja, þremur Okum síðan. Kannski fyrir heilum níu mörkum (score) og ellefu árum síðan, sem gerir hjörð upp á hundrað níutíu og einn sauð. Hjörð sem vel væri hægt að lifa góðu lífi af, ef að Framsókn hefði ekki ákveðið að selja sveitina, leggja hana niður, til þess að sveit geti ekki áfram verið sveit með sitt gamla og náttúrlega sveitar-félag, en verði í staðinn félagið á sveitinni. Sveitarfélag krefst nefnilega sveitar. Það krefst hins vegar ekki Framsóknar lengur. Hér er grein Davíðs Gunnlaugssonar:

"Iceland’s melting glaciers are nothing to panic about

Is Iceland on the global warming front line? You’d be forgiven for thinking so. We’ve all seen the documentaries where teary-eyed reporters stand perilously close to melting glaciers. In August, a funeral was even held for the first Icelandic glacier ‘lost to climate change’. Foreign dignitaries now hardly visit my country without taking a trip to witness the ‘horror’ of what is unfolding. They return home telling stories of how they have seen for themselves the effects of climate change. But the truth is this: Iceland’s melting glaciers are nothing to panic about." | The Spectator

Viljinn hefur verið svo elskulegur að þýða alla hina góðu grein Sigmundar Davíðs, og hana má lesa hér. Það eina sem til þurfti var viljinn og SDG; Örvæntið eigi vegna bráðnandi jökla

Svona menn fást ekki á hverju lands-horni. Þeir eru eins og svalt skyr með rjóma að kvöldi sólríks sumardags, þar sem björt sumarnóttin kallar... áfram, áfram, áfram... og koma svo bláberin

Tengt

Tíu ár síðan upp komst um loftslagsvísindamennina

Fyrri færsla

Tvenn lagakerfi glóbalista keppa um völdin