Leita í fréttum mbl.is

Neyðarástand ESB-elíta vegna dísilgate ESB-elíta

STROMPSLAGSMÁLIN Í ESB

Gúmmíþing Evrópusambandsins sem mjög fáir hafa kosið til eins né neins, samþykkti að lýsa yfir "neyðarástandi" vegna ástandsins sem það bjó til með því að hálfpartinn þvinga alla til að kaupa sér dísilbifreiðar frá 1992 til 2010. Notaðar voru DDRÚV aðferðir í ríkisfjölmiðlum landanna. Dísilbifreiðar, sagði Evrópusambandið, og málaliðar þess í hverju landi fyrir sig, áttu að vera svo góðar fyrir umhverfið - og "vísindamenn" tóku náttúrlega undir sönginn - enda margir hluthafar í þessu öllu, eins og þeir eru í dag. Síðan aðstoðaði ESB bílaframleiðendur álfunnar við að koma dísilvörum sínum út, með því að smíða slá úr gúmmíi sem gæfi eftir, fyrst að svo gott sem enginn framleiðandi gat uppfyllt kröfur sambandsins hvað útblástur varðar. Og ekki nóg með það, þá sérhönnuðu þýskir bílaframleiðendur lygavél sem blekkti löggjafann í Evrópu, Bandaríkjunum og víðar. Upp komst um lygavélina frá ESB í Bandaríkjunum, því upp komst um svindl þýskra bílaframleiðenda, plús um svindl Deutsche Bank í húsnæðislánum, plús um svindl þýskra yfirvalda sem falið höfðu lífeyrisssjóði starfsmanna Þýska póstsins í skattaskjólum ESB á Írlandi, og sem notaðir voru til að bjarga gjaldþrota bönkum, sem lágu rambeltandi í þroti þvers á landamærum láglanda, en sem sagðar voru í fréttum skotheldar fjármálastofnanir

Næstum alls staðar þar sem upp komst um svindl, svik og pretti í heiminum, voru þýsk fyrirtæki innsti koppur í þeim búrum, stundum með aðstoð þýskra yfirvalda og náttúrlega ESB

Evrópskir bílaframleiðendur ætluðu þarna að breyta bílamarkaðnum í Evrópu sér í hag, því aðeins Þjóðverjar og Frakkar eru haldnir díslisfetisma. Bandaríkjamenn hafa alltaf haldið sig við bensínbíla og ekki viljað sjá dísil. Það átti einfaldlega að loka sem flesta erlenda keppinauta úti frá evrópska bílamarkaðnum og reyna að útbeiða dísilþvæluna í Bandaríkjunum; með aðstoð ESB. Þannig myndu ESB-framleiðendur ná forskoti beggja megin Atlantshafs. Nú er hins vegar þessi rýtingur kominn í bakið á íbúum Evrópu og hið þýska dísilgate er að sprengja stjórnmálin þar í loft upp. Þýskir bílaframleiðendur riða, og kannski til falls. Audi sagðist því í vikunni ætla segja upp 10 þúsund starfsmönnum á næstunni. Restin af þýska bílaiðnaðnum mun líklega gripa til svipaðra ráða

En nú hefur elítan sem dældi dísilmekki yfir borgir Evrópu og sem enginn kaus, lýst yfir neyðarástandi vegna dísilsins sem hún dýrkaði svo heitt. Þetta fólk kaus samt svo gott sem bara lítill minnihluti í flestum löndum álfunnar. Stundum bara 13 til 22 prósent kjósenda. Kosningaþátttakan í kosningunum til þessa gúmmíþings elíta varð þó 50,66 prósent í vor, vegna þess að borgararnir höfðu fengið mjög svo aukinn áhuga á að rústa sambandinu í þeim kosningum innanfrá. Kosningaþátttakan þar á undan var nefnilega bara 42,6 prósent, 2014

En sem sagt: 65 prósent greiddu sjálfsköpuðu neyðarástandinu atkvæði sitt í gær, þannig að fulltrúar 33 prósent íbúanna eru þarna að verki. Ekkert af þessari þvælu er "bindandi" heldur aðeins blindandi. En ef hún væri bindandi þá lokast náttúrlega á alla flóttamenn inn í Evrópusambandið, því hver ætlar að flýja þangað sem neyðin ríkir svona sárt - plús að um Evrópu-stóreinræðisherradæmi væri þá að ræða

Sameinuðu þjóðunum yrði þá ofboðslegur vandi á höndum, því varla ætti að senda flýjandi fólk utan úr heimi inn í neyðina sem ríkir nú í enn ríkara mæli en áður í því sem sumir kalla enn Evrópusambandið. Það hlakkar líklega enn í AfD-mönnum í dag, eins og í gær

En hvað með loftslagsflóttamennina frá Evrópu. Hvert skyldi eiga að senda þá? Til Kína eða Rússlands? Ekki er hægt að senda þá til vonda fólksins í Bandaríkjunum. Það myndi bara hlægja og Donald Trump hæst, og hann rétta því "big and beautiful clean coal" í staðinn fyrir brúnkolin í Þýskalandi, sem verða að duga landinu næstu 100 árin, ef komast á hjá þýsku þjóðargjaldþroti. En þá eru þau búin

Þjóðverjar hljóta að finna vísindalega lausn á þessu, ekki satt? Þeir gætu jafnvel kallað Katrínu svartkomma á vettvang sem allsherjar ráðgjafa, – um þið vitið hvað

En hvað skyldi eiga að kalla raunverulegt neyðarástand þegar það loksins kemur; frelsun manna eða hvað?

Fyrri færsla

Tillögur til breytinga á Mbl.is | Engin bylting hér


« Síðasta færsla | Næsta færsla »

Athugasemdir

1 Smámynd: Erla Magna Alexandersdóttir

ISLENDINGAR að verða aumingjar sem hlaupa eins og hundar ef esb blístrar ? eru þetta Vikingar nútimans ? Til hvers fengum við sjálfstæði <<<<<<<<<<<<<<<

Erla Magna Alexandersdóttir, 29.11.2019 kl. 21:55

2 Smámynd: Gunnar Rögnvaldsson

Þakka þér fyrir Erla.

Vinstrivængurinn er þekktur fyrir að sækja sér bandamenn  erlendis frá, til að nota á okkur landsmenn sem höfum trú á okkur sjálfum og ríki okkar, og sem trúum ekki á úniversal-alþjóða-kommahallir þeirra í ýmsum dulargervum: Dæmi: Alþjóðakommúnisminn og alþjóðabyltingin (alþjóðavæðing-1) samkvæmt vísindalegum kennisetningum Karls Marx.

Núna sækja þeir sér vopnin til að rústa löndum sínum með vopnum úr smiðju manna sem sagðir eru vera í hvítum sloppum. Þú þekkir vísindamenn dr. Oetkers hrærandi í súpu úr svo gott sem geislavirkum úrgangi, sem seldur er sem mannamatur. Ef hann er í hvítum slopp, þá selst djásnið. En er hann er með camelstupp í munni og með skeggbrodda í blettóttum bol, þá trúir enginn neinu um það sem selja á saklausu fólki.

Þess vegna er þessi ofuráhersla á það sem "vísindamenn" eru sagðir segja, en hafa samt ekki sagt; þ.e. á það sem súpumenn Dr. Oetkers nútímans segja. Þeir eru kynntir sem handhafar nýjustu þvælu sósíalismans, og í þetta skiptið er hún sögð "vísindaleg". En hún er hins vegar bara vísundaleg. Aðeins er um valdaránsvopn að ræða til að ná völdum, því enginn vill kjósa þetta kommalið vegna síðustu uber-þvælu þess. Svona ætla þeir að láta nytsama bjána kjósa sig núna.

Og ef þetta lið er ekki kosið þá krefst það byltingar og vinnur viðstöðulaust að henni. Þetta er nefnilega sama skítapakk og síðast. Neyðarástand er forsmekkurinn að byltingu þeirra. Þér verður stungið inn án dóms og laga.

Kveðja 

Gunnar Rögnvaldsson, 30.11.2019 kl. 00:03

3 Smámynd: Gunnar Rögnvaldsson

Allsstaðar þar sem þessir vinstri-vísundamenn ná völdum með þvættingi sínum, verða ríki þeirra þau verstu umhverfissvín sem sést hafa á jörðinni. Það er engin tilviljun að vinstirð reyni að breiða yfir roðann sinn úr austri með nöfnum eins og Vinstri grænir og eða græningjar. Þar er einungis verið að reyna að breiða yfir sótsvartan sósíalisma, sem selst ekki vel í dag, nema til kjána og áttavilltra líberalista á borð við þá sem hertekið hafa Valhöll núna.

Andri Snær er gott dæmi, Guðni forseti og Katrín svartkommi líka. Umhverfismálaráðherra okkar er líka sótsvartur ofstækismaður sem enginn kaus. Hann er táknmynd Grænsloppa-Stalínisma nútímans. En sé hann settur í bara einn þvott þá kemur hann eldrauður út úr vélinni.

Austur-Þýskaland undir stjórn þessa fólks var svo hroðalegt umhverfissvín að þar mengaði eitt orkuver jafnmikið og allur Vesturþýski iðnaðurinn. Og Sovétríkin voru einn alls herjar drullupollur og blóðfljótandi umhverfishelvíti eftir þetta fólk, og þau hafa ekki jafnað sig enn. Kína er eins undir stjórn þessa fólks, og Norður-Kórea er að drukkna í vinstri-rauðgrænni helför umhverfisins. Og Venesúela er á leið inn til helvítis þessa fólks.

Hræsni og prettum þessa fólks eru engin takmörk sett. Þegar það kemst til valda þá mun það stúta öllu aftur á steinaaldarstig og rústa lífi manna og þar með leggja grunninn að verstu manngerðu umhverfisplágu sem mannkynið hefur séð.

Þannig að það má aldrei treysta vinstrimönnum fyrir umhverfismálum og það má aldrei trúa boðskap þeirra, jafnvel þó svo að hvítir sloppar séu viðhafðir. Boðskapur þeirra er djöfullinn sjálfur, nú í grænum lit, en síðast var hann rauður. Þið þekkið hann á ofstækinu og nályktinni úr helvíti þeirra.

Gunnar Rögnvaldsson, 30.11.2019 kl. 01:35

4 identicon

Bensíntraktorar?

Bensíntogarar?

Blýbensín?

Best að hafa þetta allt í huga....

Jon Logi (IP-tala skráð) 30.11.2019 kl. 10:05

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband