Írskt efnahagslegt evru-sjálfsmorð í vændum? Örvænting grípur um sig á Írlandi

Aðild Írlands að myntbandalagi Evrópusambandsins hefur komið landinu fram á hengibrún ríkis- og fullveldisgjaldþrots. 20 ára efnahagskreppa bíður Írlands ef þeir afhenda ekki restina af fullveldi landsins til Berlín og Brussel. Strax.

Fyrir helgina reyndi ráðstjórn ESB-sovétríkjanna að þvinga Írland til að hækka skatta á írsk fyrirtæki svo loksins megi takast að miðstýra viðskiptum og atvinnulífi frá Írlandi og inn að kjarna ESB-sovétríkjanna sem vantar meiri atvinnu og meiri völd. Írar segjast vera útkjálkaland á hjara ESB-sovétríkjanna og að fullveldi í skattamálum sé eina fullveldið sem landið á eftir. Allt hitt hefur verið gefið eftir til miðstjórnar sovéts ESB. Gegn restinni af fullveldi Írlands lofa ESB-sovétríkin að lækka vextina á lánum þeim sem þau þvinguðu upp á Írland til að bjarga m.a. gjaldþrota bankakerfum Þýskalands. Þetta eru sólrúnir brenndar á Írland, eins og reynt var við Ísland. 

 

International aviation tycoon Ulick McEvaddy said it was crucial for Ireland to retain one of the few competitive advantages it had.

"We are a small island on the edge of Europe, we need some advantage in order to attract companies here," he said. 

Fari þessi afgangur af fullveldi landsins mun þetta útkjálkaland þurfa að horfa á eftir atvinnu og viðskiptum hverfa úr landi og hagnaði verður þá öllum útskipað til kjarna ESB-sovétríkjanna, eins og gerðist hjá Nýfundnalandi eftir að það afsalaði sér fullveldi landsins til sambandsríkisstjórnar Kanada árið 1949, aðeins fimm árum eftir að Ísland fagnaði stofnun lýðveldis okkar hér heima. 

 

"The corporation tax rate was one of the main reasons I opposed the Lisbon Treaty the first time around. We then got the guarantee on it. [..] It is also one of the few things the Government "has full control over", having already ceded functions such as setting interest rates to the EU.

Írar velta því nú fyrir sér hvernig þeir geti sloppið út úr ESB-sovétríkjunum og undan sovét-evrunni. Þeir segja, sem rétt er, að helsti bandamaður þeirra í atvinnu og viðskiptum sé Stóra Bretland og vonast til að Bretland hjálpi þeim til að losna undan ofurvaldi hinnar sovésku myntar Evrópu, evrunni, og hleypi þeim inn í breska Sterlings-pundið. Fyrir þetta verða Írar örugglega ásakaðir um að vera andevrópskir og að stunda andevrópskan áróður. 

Við höfum séð þetta allt áður. Sovét er flutt til Berlín og Brussel og heitir nú bara Evrópusambandið.

 

Krækja, Irish Independent; 'Suicide' if we give in to EU on taxes

 

Fyrri færsla

 

Gagn og Gaman myntbandalags Evrópusambandsins. Fræðslupistill. 

 

Gagn og Gaman myntbandalags Evrópusambandsins. Fræðslupistill.

Myntin Evra var byggð á setti af reglum, þ.e. regluverki, því hún er ekki eins og alvöru mynt sem byggð er á þegnum sem saman mynda einn bakhjarl myntarinnar, sem er ríkisjóður eins þjóðríkis. Samanber þeirri staðreynd að ef ég fjarlægði sambandsríkisstjórn Bandaríkjanna og fjárlög hennar úr bandaríska þjóðríkinu þá myndi Bandaríkjadalur samstundis breytast í evrusvæði (myntsvað), þar sem 50 fylki og jafn margar fylkisríkisstjórnir þeirra þyrftu að koma sér saman í hvert skipti sem sameiginlegur seðlabanki þeirra prentaði einn dal í viðbót við þá sem nú þegar eru í umferð. Hver fær nýja peninga seðlabankans og aðgang að peningahirslum hans?  

 

Regluverk evrusvæðisins var þannig að löndin sem nota myntina evru máttu ekki koma ríkisfjármálum sínum í uppnám með því að reka ríkissjóði sína með meira en max 3 prósent tapi og svo urðu skuldir ríkissjóðs landanna að vera það lágar að ríkisskuldabréfin sem bankakerfi ríkjanna nota sem veð til að sækja sér peninga í umferð hjá prentsmiðju seðlabankans, myndu ekki enda sem veðsafnarusl í kistum seðlabanka Evrópusambandsins og þannig grafa undan mynt allra 16 landa myntsvæðisins samtímis. 

En allt var þetta brotið og áhættutöku einkageirans var þar að auki smyglað yfir á ríkisjóði landanna þegar bankakerfum þeirra var bjargað frá hruni. Þetta voru þvílík regin mistök að núna hangir líf myntarinnar á bláþræði. Seðlabanki Evrópusambandsins er nú þegar að verða gjaldþrota, bæði álitslega, peningalega og pólitískt séð, því hann er kominn út í horn og allar aðgerðir hans til úrbóta munu bara kála enn frekar ríkisfjármálum þeirra landa sem standa að myntinni. Hættan við sameiginlegu mynt ESB var ávalt sú nágranni þinn gat eyðilagt mynt þína, eins og er að gerast núna, og án þess að þú hefðir gert neitt rangt sjálfur. Þú og þjóð þín áttu heima á peningalegri eldavélarhellu sem 16 lönd stýrðu. Nú eru nokkur landanna orðin ristuð rauðspretta. Brunarústir myntbandalagsins.     

Fyrst þverbrutu Þjóðverjar og Frakkar allar reglur myntbandalagsins á árunum 2002-2005. Svo brutu Grikkir þær. Svo brutu 11 lönd reglurnar. Það gerðist vegna þess að einn peningur, einir og sömu vextir og ein peningapólitík getur aldrei gengið í 16 ólíkum löndum án þess að um "transfer union" sé að ræða, þ.e.a.s án þess að eitt þjóðríki með einum ríkissjóði standi á bak við myntina og færi peninga á milli landanna eins og þeir eru fluttir á milli landshluta Íslands. Sjúkratryggingar, atvinnuleysisbætur og svo vinnuafl til Kárahnjúka og Austfjarða. Gamli heimabær minn var byggður svona, Siglufjörður, og hann lifir enn vegna þess að hann er hluti af þjóðríki Íslendinga. Hann gaf stórt og örlátlega til þjóðríkisins á meðan hann gat og nú fær hann kannski smá stuðning til baka. Hann fór ekki á hausinn þó svo að síldin hyrfi því hann er í þjóðríki Íslendinga.       

 

Í þessu læsta myntsamstarfi, sem er eins og læst gengisfyrirkomulag, hefur Þýskaland stundað massífa innvortis gengisfellingu í 12 ár og rakað til sín viðskiptahagnaði sem nemur 1000 miljörðum dala. Til þess að hægt sé að laga þennan ójöfnuð og drepa öxulvald þessa miðflóttaafls í miðju myntbandalagsins, þarf að flá þessa kínverja Evrópu inn að skinninu, þannig að þeir skilji hvað fór fram undir nefinu á milljón embættismönnum tröllabandalags Evrópusambandsins og undir stjórn seðlabankans ECB sem hefur massíft skrúfað peningapólitík sína saman eftir þörfum Þýskalands, only. Nú er payday. Þýskaland; borgið 800 miljarða evrur strax. Greiðist við kassa eitt, takk.

 

Þetta var Gagn & Gaman um myntbandalag Evrópusambandsins (EMU). Ef þú ert álíka fróður um EMU eins og 99,99 prósent af þeim sem tóku upp evru; þ.e.a.s 100 prósent clueless um allt nema um útlit peninganna, þá skil ég þig afar vel, en það hjápar bara ekkert í þessu máli. Skilningur þeirra landa og þess fólks sem býr í þeim löndum Evrópusambandsins sem tóku upp evru var ekki meiri en 0,01 prósent. Þau gerðu bara eins og stóð í auglýsingabæklingunum frá Brussel. Því eru þau að verða ríkisgjaldþrota í dag og verið er að ræna þjóðríkinu frá þeim, innan frá.  

Þetta áttu íslenskir stjórnmálamenn og þeir sem berjast fyrir inngöngu Íslands í Evrópusambandið að vita. Fyrir rúmlega tveimur árum sagði ég ykkur frá því að hinum efnahagslega samruna landa Evrópusambandsins væri lokið. Sá lagarammi væri kominn og það sem fram færi í Evrópusambandinu núna væri hinn pólitíski samruni landa sambandsins - að þau væru að renna saman í eitt ríki; Bandaríki Evrópu. Þetta verður að gerast ef myntin á að lifa af. En þá hlógu menn að mér. 

Grundvallar gallinn við þetta allt er sá að ekkert land sem gekk í ESB hafði hugsað sér að leggja niður þjóðríki sitt og verða bara fylki í embættismanna heimsveldi Bandaríkja Evrópu í Brussel.

Evrópusambandið hefur drepið friðinn í Evrópu. Read my lips: friðurinn sem lýðræðið í þjóðríkjunum skaffaði Evrópu frá lokum seinni heimsstyrjaldar er úti, því Evrópusambandið er að drepa þetta lýðræði í öllum löndum sambandsins samtímis. Og velmegun og hagsæld Evrópu er á sömu leið; á leiðinni til fjandans.

 

Núna þurfa íslenskir stjórnmálamenn að láta renna af sér og verða allsgáðir. Börn Íslands þola ekki drykkjuskap ykkar lengur. Framtíð Íslands næstu þúsund árin er hér í húfi. Draga þarf illa tilkomna umsókn Samfylkingarinnar fyrir hönd Íslands inn í Evrópusambandið til baka. Strax!

 

* Sameiginleg mynt hefur ekki leitt til meiri viðskipta á milli evrulanda 

 

Fyrri færsla

 

Dönsk uppreisn gegn ESB-aðild að mótast? 

 

 

Dönsk uppreisn gegn ESB-aðild að mótast?

 

Mynd; landsfundur KU

 

Ungliðahreyfing danska íhaldsflokksins, konservativ ungdom, krefst þess að Danmörk segi sig úr Evrópusambandinu. Hvorki meira né minna. Unga fólkið vill út úr ESB. Út!

 

Jeg mener at Grundloven er den vigtigste del af vore danske love, og at denne lov er ukrænkelig i forhold til det at være dansker [. . ] Og hvad mener EU om vor Grundlov? Tillad mig at citere EU’s forfatning: ”Forfatningen og den ret, der vedtages af Unionens institutioner (…) har forrang frem for medlemsstaternes ret (artikel 1-6)” Dette betyder at den lovgivende magt, bliver givet fra nationalstaterne til EU og at linjen mellem en selvstændig stat, og en forbundsmagt bliver udvisket.

Um stóran meirihluta fyrir þessari ákvörðun hreyfingarinnar var þó ekki að ræða. En fyrir mér hljómar þetta eins og viss súpubylting. Þetta eru að minnsta kosti alveg nýjar bollur í súpunni sem Danmörku hefur verið hellt út í. Miklar fréttir. Og meira að segja fyrrverandi Nyrup-formanni danskra sósíaldemókrata blöskrar þróunin í ESB  svo mikið að hann getur ekki orða bundist. Hvar er lýðræðið spyr hann. Maðurinn sá er farinn að skilja að hann er að drukkna í naglasúpunni sem hann eldaði fyrir þjóð sína.     

Síðustu 25 árin ól ég manninn í Danmörku. Það besta við Danmörku er ekki ESB aðild landsins. Nei, það besta við Danmörku eru Danir. Margir Íslendingar uppgötva Dani aldrei því þeir halda að Danmörk sé Ráðhústorgið í Kaupmannahöfn. Þar býr enginn Dani. Að fara til náms á ensku í Danmörku er svona eins og að horfa á Danmörku í gegnum sjónvarpið heiman að frá.   

Eitt það versta við Danmörku fannst mér hins vegar vera orðið Evrópusambandsaðild landsins. Þegar ég flutti til Danmörku var Evrópusambandið ekki til. Og ári eftir komu okkar til landsins fullvissaði forsætisráðherrann dönsku þjóðina um að Evrópusambandið yrði heldur aldrei til. Að ESB væri andavana fædd hugmynd og steindauð. Níu árum seinna sat þessi kaldi karl sem þingmaður á þingi þess Evrópusambands í Brussel sem átti ekki að vera orðið til - og þáði þar laun fyrir að hafa logið þjóð sinni svona hratt en örugglega að feigðarósi fullveldis. 

Nú um mundir státa svona galeiðuþrælar Brusselveldisins sig á laun af því að Evrópusambandið sé Bandaríki Evrópu í smíðum. Önnum kafið við að slíta barnsskónum. Að ESB hafi náð því sem svarar til fyrstu 50 áranna af sameiningarferli Bandaríkja Norður Ameríku. Hinum megin við sundið laug svo sænski Persson-forsætisráðherrann því að Svíum að heldur ekki þeir væru að skríða inn í skipasmíðastöð Bandaríkja Evrópu. Danmörk, Svíþjóð, Burmeister & Wain, Kocums, Volvo og allt heila dótið er nú orðið að frímerkjasleikjurum í stað strokka í eigin aflvél. Og vélarvana er þetta orðið, trúið mér.

 

 

Iceland vs Greece; The first difference is that Iceland was a direct, relatively isolated banking crisis. (Iceland is a relatively independent, in the sense of uncorrelated, entity, whereas Greece clearly is not.) Greece is one sovereign aspect of a broader European situation that we see as generally a banking crisis; FT/Alpaville

 

Engum af 500 milljón þegnum landa Evrópusambandsins hefur þó verið sagt frá þessu. Að þeir búi í bakaraofni Bandaríkja Brussels. Hinu andstæða hefur stanslaust verið logið að þeim af litlum körlum eins og til dæmis þáverandi forsætisráðherra Danmerkur og Uffe Ellemann Jensen, sem er sá krossfari Evrópusambandsins í Danmörku sem riðið hefur hve lengst á þeim stolnu hestum sem hann og kumpánar í leyfisleysi hafa hnuplaði frá kjósendum. Engin er virðing mín fyrir þessum ESB-fíklum lengur. Þeir eiga mikla skömm skilið fyrir að vera orðnir blindir ESB-dópistar sem selt hafa land sitt fyrir þorskklapp á báðar axlir frá torfustofum Brussels. Nei, þetta er ekki rétt hjá mér. Búið er að spenna þorskinn fyrir þessa menn. Hann löðrungar þá stanslaust á óþreytandi sundi sínu um þvagsíkin í Brussel. En út mun hann brjótast.   

Á 25 árum sá ég hvernig þetta skrímsli hefur þróast án samþykkis þjóðarinnar í reynd. Illa gefin aðild Danmerkur að ESB er orðin að handjárnum og hugarfarslegri spennitreyju fyrir dönsku þjóðina. Hjálparleysið er algert. Danmörk bara er próvins í ESB eins og Grikkland er það. Hún getur hvorki lifað né dáið.

 

Shit og lort er ekki það sama. 

 

Krækjur

 

Ud af EU! - Konservativ Ungdom

Vejen ud af EU - Konservativ Ungdom

Nyrup går imod Rompuys europagt - Folkebevægelsen mod EU

 

Fyrri færsla

 

CDS markaðurinn veðjar á ríkisgjaldþrot Grikklands, Írlands og Portúgals. Spánn og Ítalía í biðstöðu og sleppa í bili [u] 

CDS markaðurinn veðjar á ríkisgjaldþrot Grikklands, Írlands og Portúgals. Spánn og Ítalía í biðstöðu og sleppa í bili [u]

Bloomberg segir að skuldatryggingamarkaðurinn veðji nú á ríkisgjaldþrot evruríkjanna Grikklands, Írlands og Portúgals. Í gær þurfti ríkissjóður Portúgals að greiða 6 prósent vexti til að fá lán til fjögurra ára. Í september var þessi tala 4,1 prósent. Ef um 10 ára lán er að ræða þá þarf ríkissjóður þessa evrulands að greiða 7,49 prósent í vexti til alþjóðlegra fjárfesta. Alveg er lokað á öll erlend lán til alls bankakerfis Portúgals og hefur verið svo í heilt ár.

 

Láns- og vaxtakjör evruríkja eru orðin hrikaleg og óbærileg. Óstöðvandi snjóboltaáhrifa í skuldastöðunni fer að gæta. Næstum öruggt er að Portúgal mun lenda í faðmi AGS og EFSF og í framahaldi af því í ríkisgjaldþroti eins og Grikkland. Írinn David McWilliams óttast nú að írska ríkið hirði peninga fólksins til að halda sér gangandi um stund í evru klúbbnum. 

Þeir Íslendingar sem ætla að feta í fótspor Írlands, Grikklands og Portúgals með því að samþykkja að yfirtaka tröllauknar Icesave skuldir gjaldþrota banka, þurfa að hugsa sig vel og vandlega um. Hugsa sig betur um en þegar fólk á sínum tíma lét þessa nú gjaldþrota banka plata inn á sig ólöglegum lánum og óreiðufjármangi í tonnatali, sökum eigin fjármálalegs ólæsis og glæfra bankamanna.

 

Markaðurinn mun ekki taka neinum vettlingatökum á ríkisfjármálum Íslands ef svo skyldi fara að erlendar skuldir Landsbankans lendi á ríkissjóði með samþykki þjóðar. Ríkisfjármál Íslands eru nógu slæm fyrir. 

 

Uppfært

 

Rétt í þessu lækkaði Moody's lánshæfnismat Spánar frá Aa1 til Aa2 og aðvarar um enn frekari lækkun. Ástæðan? Jú, það mun kosta landið næstum þrefalt meira að koma bankakerfi landsins ofansjávar á ný en ríkisstjórnin hafði áætlað (munið þið allar Icesave áætlanir sósíalista ríkisstjórnar Íslands?) og spænska ríkið mun ekki ráða við þær skuldbindingar án mikillar skuldsetningar og hún mun svo koma niður á hagvexti sem Moody's segir að verði á ísaldarlegum skriðjökulshraða. Nú mun CDS-markaðurinn væntanlega taka Spán til endurskoðunar. Atvinnuleysi á Spáni er nú um 20,4 prósent og 43,1 prósent hjá ungu fólki undir 25 ára aldri. 

 

Yfir-skuldsett ríki geta ekki vaxið. Þau fara bara í gjaldþrot. Ríkisstjórnir Spánar og Íslands eiga að minnsta kosti tvennt sameiginlegt; þær eru sósíalistar og vanmeta áhættu, þrefalt! 

 

Krækjur; Bloomberg | David McWilliams: Keep an eye on your savings – you can be sure the State is

 

Fyrri færsla

 

Síðasta styrjöld meiri-menntunar fetishista? Fallandi eftirspurn eftir heilum. Hagtölur 4jórða voru því alger hryllingur

Síðasta styrjöld meiri-menntunar fetishista? Fallandi eftirspurn eftir heilum. Hagtölur 4jórða voru því alger hryllingur

Hve oft höfum við heyrt að meiri menntun sé svo að segja lausnin á öllum vandamálum þjóðfélags vors. Sennilega allt of oft. Paul Krugman er með ágætis áminninu til okkar þar sem segir:

 

In my mind this raises several questions. One is whether emphasizing education — even aside from the fact that the big rise in inequality has taken place among the highly educated — is, in effect, fighting the last war. Another is how we have a decent society if and when even highly educated workers can’t command a middle-class income. 

Á meðan skipið okkar sekkur með 18.000 manns sitjandi við háskólamenntun í brúnni, þá er það orðið kristalklart, ja, að það verða ekki þeir sem bjarga skipinu frá því að sigla í strand. Nei, þeir munu sökkva því ef svona heldur áfram því það er fallandi eftirspurn eftir heilum. 

Það var vegna þessarar meinloku um meiri menntun sem tölurnar um landsframleiðslu Íslands á síðasta ársfjórðungi 2010 voru endursýnd hryllingsmynd um hárris Steingríms J. Sigfússonar. Sjómenn Íslands geta hreinlega ekki fóðrað svona marga kommúnista, skriffinna, opinbera starfsmenn, bókauglur í háskólanámi og skaffað svona allt of mörgum þá peninga sem sjávarútvegurinn og landbúnaðurinn færir þeim til að byggja upp restina af hagkerfinu með. Á að hvolfa skipinu? Ég spyr.  

Þeir sem láta byggja skipin og þróa veiðarfæri og hátæknivæddan sjávarútveg eru heldur ekki endilega háskólamenntaðir menn. Ef þeir væru það þá myndu þeir alltaf geta reiknað sér til að ekkert borgi sig lengur. Reyndar er þetta að verða ein verðmætasta vitneskjan í allra manna fórum. Ekki gera neitt er það eina sem borgar sig.   

Svo ætti að setja það sem skilyrði að fjármálaráðherra geti ekki orðið fjármálaráðherra nema að hafa farið á hausinn með rekstrarfyrirtæki að minnsta kosti einu sinni. Fyrst þá mun hann geta eitthvað, saggði Kenneth Clarke fjármálaráðherra Bretlands undir John Major.

Svo get ég sagt ykkur frá því að opinber stuðningur við svo kallaða frum-kvöðla mun ekki skila neinu og hefur aldrei skilað neinu nema rusli. Járnið verður ekki hamrað til stáls með opinberum styrkjum. Got that?

 

Það er eins öruggt og að sólin kemur upp á morgun að hið opinbera veit alltaf minnst um það sem okkur er fyrir bestu. Þetta gildir líka um opinbera menntun. Summa summarum: Misskiljið mig ekki, menntun er góð en hún er stórlega ofmetin. Ríkið er alltaf óvinurinn. The State & government is always the enemy.

 

Krækjur. Krugman: Falling Demand for Brains? Hagstofa Íslands: Landsframleiðsla dróst saman um 1,5% að raungildi milli 3. og 4. ársfjórðungs 2010.

 

Fyrri færsla

 

Extacy Evrópusambandssinna 

Extacy Evrópusambandssinna

 

M Y N T B A N D A L A G  E V R Ó P U S A M B A N D S I N S 

 

 

Í dauðadái og í öndunarvél liggja:

• GRIKKLAND
• ÍRLAND
• EISTLAND
• ERM II LETTLAND
• ERM II LITHÁEN

Í sjúkrabíl á leið á bráðavaktina eru

• PORTÚGAL
• SPÁNN

Einkenni upptöku efnahagslíkamans á evru Evrópusambandsins eru mikilmennskubrjálæði, falskur lífsstíll, afneitun og ofsahræðsla við að mæta hvunndeginum vímuefnalaus. Glötun sjálfræðis fylgir alltaf í kjölfarið á upptöku. Engin þekkt meðferð er til við evrum nema gereyðing. Það eina sem þjóðir þurfa að muna er að taka aldrei upp evru Evrópusambandsins og þá mun þeim sjálfkrafa vegna vel.

 

Evra skal geymast þar sem börn ná ekki til hennar og úr augsýn fjármálageirans. Hún er landgönguprammi.

 

Fyrri færsla

 

Algerlega lokað á öll erlend lán til Landsvirkjana og bankakerfis Portúgals 

 

Algerlega lokað á öll erlend lán til Landsvirkjana og bankakerfis Portúgals

"According to the central bank, Portuguese banks have not succeeded in making any international debt issues since April 2010."

  

Mynd: Orsök ófara Portúgals: m.a. röng peningastefna seðlabanka Evrópusambandsins í Portúgal 

 

Financial Times skrifar að Standard & Poor’s hafi lækkað lánshæfnismat fjögurra portúgalskra ríkisfyrirbæra niður í ruslflokk. Um er að ræða samgöngu- og orkufyrirtæki eignarhaldsfélaga portúgalska lýðveldisins. 

• Rede Ferroviária Nacional - landsnet járnbrautarkerfi
• Comboios de Portugal -  rekstur járnbrauta landsnets
• Metropolitano de Lisboa - samgöngur höfuðborgar
• Parpública - eignarhaldsfélag í m.a. orku

Segir S&P að herra eigandi fyrirtækjanna, portúgalska ríkið, sé ófært um að styðja við rekstur þeirra því hvorki ríkið sjálft né bankakerfi landsins hafi aðgang að erlendum lánum til svona rekstrar. Peningar portúgalska ríkisins fara í að reyna halda ríkisjóði landsins frá gjaldþroti. Vaxtagreiðslur vegna eldri lána, með útgáfu nýrra ríkisskuldabréfa, ganga því fyrir í samkeppninni um peningana í hálsbrjótandi tilveru landsins í Evrópusambandinu.

 

Mynd: Trading Economics: Vaxtakostnaður Portúgalska ríkisins frá janúar 1997 til mars 2011: 10 ára ríkisskuldabréf.

Samkvæmt upplýsingum frá seðlabanka Portúgals hefur allt portúgalska bankakerfið ekki haft neinn aðgang að erlendum lánum síðan í apríl á síðasta ári. Portúgalska evrubankakerfið hefur því verið fryst úti frá erlendu fjármangi í næstum heilt ár. Þetta gerist þrátt fyrir - en í sannleika sagt vegna þess - að landið er í Evrópusambandinu, hefur tekið upp myntina evru, og er þar með sjálfviljugt gengið í peningalegt pyntingafélag ESB-landa. Það hefur afsalað sér öllu fullveldi landsins í mynt, vaxta og peningamálum um alla framtíð. Landið er sem sagt gengið í Evrópusambandið sem sumir halda ennþá að sé tollabandalag. 

 

Enginn þegni Portúgals hefur nokkurn tíma verið spurður að neinu í sambandið við neitt sem viðkemur Evrópusambandinu. Þegar stjórnarskrá Evrópusambandsins var þvingað yfir höfuð 500 milljón íbúa landa Evrópusambandsins, þá ætluðu stjórnvöld að spyrja portúgölsku þjóðina. En þá kom í ljós að stjórnarskrá Portúgals var samin af Steingrími J. Sigfússyni. Þar með var ekki heimild fyrir því að spyrja þjóðina um mál er varðar alþjóðlega sáttmála. Þjóðaratkvæðagreiðslunni var því frestað en í millitíðinni samþykkt af ESB-elítunni samkvæmt hefðum lýðræðisins í Evrópusambandinu. Hún, stjórnarskrá ESB, er því samþykkt í Portúgal.

Allt Evrópusambandið er byggt upp svona, meira heldur en minna, eða álíka og Frakkland var undir Adolf Hitler; þ.e. tvískipt landslag hugarfars. Lækningunni á djúpum sárum Frakklands síðan þá, er ennþá ólokið.

Kínverjar Evrópu, þ.e.a.s. Þýskaland, sem enn heldur sér marrandi ofansjávar með falsaðri gengisskráningu þýska hagkerfisins, geta hér bráðum komið í gegnum frægt beinagrindasafn gjaldþrota Landesbanka-kerfis Þýskalands, og keypt sér innviði portúgalska lýðveldisins fyrir heiðarlega fengnar evrur.

 

Þetta mun gerast algerlega óvænt eða eins álíka ófyrirsjáanlega og þegar forysta Vinstri grænna, sem er helsti kosningasvikari íslenska lýðveldisins, mun fá skyndilegar fréttir um breytt eignarhald á innviðum lýðveldis okkar. Þetta gerist þó varla fyrr en eftir að Vinstri grænum hefur tekist að ljúga Íslandi inn í Evrópusambandið af ófyrirleitinni valdaklíku flokksins. 

Formaður Vinstri grænna - sem kennir sig við góða stjórnarhætti þegar af honum bráir á kosningadögum fyrir framan kjós endur sem hann þá gefur brauðið sem hann fékk að láni hjá börum -  hefur nýlega myndað bandalag með forystusmjörlíkisklessu Sjálfstæðisflokksins, Bjarna Benedikssyni Jr. Saman ganga þeir út frá því að ávalt eigi að stjórna gegn vilja fólksins sem kaus þá. Hið nýja verktakafyrirtæki Steingríms J. og Bjarna B. Jr. heitir Bolverk Eignarhaldsfélag Icesave V/S. Ríkisstjórnarfyrirtækið DDRÚV sér um ímyndar kynningu á verkefnum félagsins. Gratís og við hvert tækifæri sem gefst. Þá mun Portúgal rætast. 

 

Tegnt

 

Portúgal: Myntbandalagið: Kirkjugarður ríkisstjórna Evrópu

WSJ: One-Size Monetary Policy Rarely Fits All 

 

Krækja

Financial Times: Ratings on Portuguese utilities cut to junk

 

Er ríkisstjórnin þá bara banki? Eru "nánast allar líkur" á því?

Import

 

Nú er að gerast það sama og gerðist þegar foringjar í ríkisstjórn Samfylkingarinnar og Sjálfstæðisflokksins hófu erlenda áróðursherferð fyrir þrem rosalega sterkum íslenskum bönkum; Glitni, Landsbankanum og Kaupþingi. Þá þurfti bráðnauðsynlega að sækja sér fjármagnið erlendis. Engar líkur voru á að bankarnir yrðu gjaldþrota. Samfylkingin vissi þá svo vel hvað hún var að segja og ég horfði á hana segja það í danska sjónvarpinu. Hún sá nefnilega um eftirlitið með þessum bönkum öllum. Fjármálaeftirlitið var hennar.

Export

 

Það sem er að gerast í ríkisstjórn Íslands í dag er það sama og gerðist í þeirri síðustu. Samfylkingin er þó ekki alveg sú sama - orðin mörgum sinnum verri - og situr enn í ríkisstjórn. Það eina sem hefur breyst er að nú verður ríkisstjórnin að sækja sér fjármagnið innanlands; hjá börnum, gamalmennum, vinnandi og líka veiku fólki. Til þessa notar ríkisstjórnin einn fremsta kosningasvikara Íslandssögunnar til að villa um fyrir þjóðinni. Hann kann það fag fram í alla fingurgóða. Hér er kominn á vígvöllinn sjálfur Steingrímur J. Sigfússon, gamall en þvottaekta kommúnisti. Liturinn fer aldrei úr honum. 

Ríkisstjórnina vantar bráðnauðsynlega peninga til að fylla aftur á bankana sem engar líkur voru á að tæmdust né færu í gjaldþrot. Hana vantar peninga sem hægt er að flytja út og gefa í útlöndum svo hún sjálf geti setið hér aðeins lengur. Aftur er stuðst við líkindareikninginn. Eða ætti ég að segja út-reikninginn fyrir líkin.   

Litlar 2008 líkur: "Ný skýrsla Moody's segir litlar líkur á hremmingum"

"Ísland er eina ríkið með lánshæfiseinkunnina Aaa hjá matsfyrirtækinu Moody's þar sem bankarnir eru að meðaltali með lánshæfiseinkunn fyrir fjárhagslegan styrk undir C, segir í nýrri greiningarskýrslu Moody's. Fyrirtækið lækkaði einkunn bankanna úr C í C- í febrúar. Staða bankanna er sögð valda áhyggjum en litlar líkur séu á hremmingum í efnahagslífinu vegna hennar."

 

2008: "líkurnar á því"

 

"Moody´s sendi frá sér mat á stöðu íslenska bankakerfisins í dag. 

Styrkleikana segir Moody´s vera sterk vörumerki, landfræðilega dreifingu starfseminnar og líkurnar á því að stjórnvöld komi til aðstoðar ef nauðsyn krefur."

2008:  "nánast engar líkur" 

 

"En hvað er þá til ráða. Rauði þráðurinn í vörn okkar og ímyndarvinnu á næstu vikum og mánuðum er að hamra á sterkri eiginfjárstöðu, glæsilegri hagnaðarsögu, litlum útlánatöpum, góðu lánshæfismati, góðum árangri í þolprófum, og að nánast engar líkur séu á að bankarnir verði gjaldþrota – eða komist í þá aðstöðu að kalla þurfi út hjálparsveitir. Annað getum við ekki gert. En við getum gleymt því að ætla að stjórna umræðunni erlendis."

 

Fyrri færsla

 

Matvæli Finnlands í ruslflokki eftir ESB aðild 

 

Matvæli Finnlands í ruslflokki eftir ESB aðild

 

Tengt efni: Kvikmynd; Ísland og Nýfundnaland - hver er munurinn? Svona myndi fara fyrir Íslandi í ESB. Athugið: ESB er komið enn lengra í sameiningarferli landanna en sambandsríki Kanada hefur náð. 

 

Ímynd trausts, öryggis og hreinleika þess matar sem Finnar leggja sér til munns í ESB-landi sínu er hratt að breytast til hins verra, skrifar Helsinki Times. 

Maturinn er orðinn rusl. Skinka á pitsum er innmatur úr pylsum, kjötbollur eru úr kjúklingaskinni í stað hakkaðs kjöts, avokado innihaldið í guacamole var 0,7 prósent og svörtum ólívum var drekkt í efnalegi áður en þær voru litaðar í geislavirkri málningartunnu frá matvælaþróunarfyrirtækjum Evrópusambandsins. Food enhancement and recipe development er þetta kallað. Þetta eru skítakraftaverk unnin á mat sem var ónýtur fyrir. 

Fjölbreytni er meiri í mat hér á Íslandi en í ESB og hann er miklu betri og ferskari. Innlend hráefni eru afar góð. Þetta sé ég með gestsauganu því ég bjó í dönsku ESB síðustu 25 árin og ekkert var mér orðið eins leiðinlegt og að kaupa þar í matinn. Tveir menn ráða því hvað öll danska þjóðin borðar; innkaupastjórarnir í FDB og Dansk Supermarket, sem eru þau fyrirtæki sem eiga 90 prósent af markaðinum. Þau fá svo afhenta mjólkurvörur frá skítafyrirtækinu Arla Foods sem hefur heltekið danskan landbúnað með allt að 90 prósent einokun og fjöldamorðum á öllu sem sú kompa kemur nálægt. Nú koma allir ostar Danmörku úr einum og sama tankinum með grunnefnum. Ekkert er eins leiðinlegt og að kaupa þarna inn. 

Að borða matinn er enn leiðinlegra. Bakarar eru að drepast því brauð og bakkelsi er orðrið svo vont eftir að þeir hættu að vera sannir handverksmenn og breyttust í þann dósaupptakara sem fær tilbúið deig á tunnum frá ESB-Sovéskt miðstýrðum lagar sem fóðrar þá með tilbúnu 100 ára gömlu deigi sem smakkast eins og torf eða sag úr vélsög bleytt upp í hlandi. Hér mega íslenskir bakarar passa sig líka. Brauðið þeirra er ekki gott lengur. Það er orðið gamalt torf og sag; massi. Ekki vottar lengur fyrir stúktúr í deginu. BM-Vallá gæti afhent þeim betri vörur en þær sem koma til þeirra á tunnum frá ESB. Þegar handverksmenn stytta sér svona leiðir þá endar það alltaf á einn veg; þeir útrýma sér sjálfir.

Hér má bæta því við að íslenskir ísframleiðendur eru því miður að verða búnir að eyðileggja vörurnar sínar með því að detta ofan í tunnu af rusli frá ESB, efni sem notuð eru til að drýgja það eina sem þeir hafa umfram aðra; íslensku hráefnin. Asnar. Ísinn er þó mörgum sinnum verri í ESB. Honum hendi ég oftast eftir fyrsta bitann.  

Sem betur fer kunna íslenskir iðnaðarmenn flestir fagið sitt enn, því mig langar svo oft að éta verkin þeirra. Íslenskur landbúnaður er algerlega einstakur. Hann mun allur deyja í ESB og síðasti sporðurinn af fiski frá íslenskum fyrirtækjum mun hætta að sprikla á innan við 10 árum eftir að Ísland hefur verið innlimað í hin nýju Sovétríki Evrópu: ESB 

 

Helsinki Times: Why are we fed this rubbish? 

 

Tengt

 

Svona myndi fara fyrir Íslandi í ESB: Ísland og Nýfundnaland - hver er munurinn? 

 

Fyrri færsla

 

Evruaðild gereyðir eignum fjárfesta Írlands. Mesta eignahrun í 215 ár. 

Evruaðild gereyðir eignum fjárfesta Írlands. Mesta eignahrun í 215 ár.

 

 

Þegar þú kaupir hlut í fyrirtæki þá ertu orðinn meðeigandi í fyrirtækinu. Þú skalt vita það að þú keyptir part í fyrirtæki X vegna þess að þú varst búinn að rannsaka svo vel allt það sem fyrirtækið stendur og stendur ekki fyrir. Þú veist nákvæmlega hvað þú ert að gera. Þú gerir ekki eins og fjárfestarnir Össur Skarphéðinsson ráðherra og Árni Þór Sigurðsson sem seldu vitringahluta sína í sparibankanum SPRON sem þeir áttu, en vissu svo þegar allt kom til alls ekki af hverju þeir áttu - en seldu svo undurfurðulega allt klabbið á einu hárréttu sekúndunni áður en fyrirtækið varð allt í einu jafn mikið einskis virði og gulltryggt eignasafn Landsbankans verður á því einasta eina sekúndubroti sem til þarf.

 

Ég bíð nú spenntur eftir því hvenær þeir selja hlut sinn í Íslandi, því vitringarnir tveir eru nánast báðir með ríkisstjórnun lands okkar í höndum sér. 

Fregnast hefur líka að ríkisstjórn Suður-Afríku hafi óvænt neitað að ríkisábyrgjast birgðir gullframleiðenda þar í landi. Þetta áfall kom eins og elding. Gull sveiflast svo mikið í verði. En það gerir eignasafn Landsbankans auðvitað ekki.  

En já, á Írlandi þá gengu menn - þar eru menn alltaf að ganga - út frá því að eignasafnið sem velt er um á þurrum gólfum kauphalla landsins væri algerlega gulltryggt því landið væri með gulltryggða mynt sem heitir evra og væri þar að auki meðlimur í klúbbi vitrustu manna Evrópu. Írar höfðu nefnilega lagt svo mikið á sig með því að ganga - já þarna kemur það - í myntbandalag Evrópusambandsins.

En nú er allt brunnið sem brunnið gat á Írlandi og götin í gólfum kauphalla landsins eru orðin svo stór að þar horfa menn niður til helvítis ártalsins 1793. Það þarf að leita aftur til ársins 1793 til á fá spegilmynd af því sem gerst hefur í eignasöfnum Írlands. Eignasöfnum. 

Hafið þið kannski heyrt það að evrulandið Írland er líka að verða ríkisgjaldþrota vegna þess að ríkisstjórn landsins skrifaði upp á skuldbindingar evrubanka landsins.  Allt var þetta svo gulltryggt í evrum.

 

Kauphöll Írlands hóf stafsemi sína árið 1793. Hefði hún verið eldri hefðum við ef til vill þurft að horfa aftur til stærsta hruns Írlands síðan risaeðlur átu þar þá sem langa löngu síðar hefðu getað orðið menn.

 

Það skyli þó ekki vera að Evrópusambandið sé risaeðla?

 

Krækja: 2008 is worst year for Irish equities since 1793 

 

Fyrri færsla

 

Jæja, nú er Ísland svo að segja komið inn í Evrópusambandið.