Tollabandalagið ESB vildi að sjálfsögðu ekki frjáls viðskipti

G-núll ríkin kipptust heldur betur við þegar G1 bauð þeim enga tolla, engar hindranir og engan ríkisstuðning á G7 fundinum í landinu Kanada, sem uppgötvaði "sérstakan frátekinn stað í helvíti" fyrir forsætisráðherra sinn. Auðvitað kom slíkt aldrei til greina af þeirra hálfu, og verður aldrei, því þá myndu Bandaríkin keppa þau í kaf. En þetta var samt skemmtilegt í þær nokkrar sekúndur sem tilboðið tók af síðasta fundinum sem haldinn verður í G7, því það Gé er búið, að vera

Þetta fjölþjóðafyrirbæri þoldi ekki forsetakosningar í Bandaríkjunum. Svo flott og traust er þetta fyrirbæri sem kallast "alþjóðasamfélagið", en sem í tilfelli G7 var alltaf bara alþjóðasamsærið gegn sjálfstæði þjóða og hagkerfum þeirra. Hér endar það fyrirbæri sem bjó til Louvre og Plaza samsærin gegn sjálfstæði hagkerfa á níunda og tíunda áratug síðustu aldar

Þetta mun þá væntanlega heita rek eða divergence á fínu máli hagfræðinga, frá og með bráðum nú, og stútar það rek væntanlega um leið þörfinni á þessum enda-enda-endalausu umbótum eða structural reforms, sem í reynd þýða að allir eiga skilyrðislaust að verða eins og ég ég ég

Þetta er nú heldur betur nýtt dýnamít ofan í Nóbels-friðarverðlaunahafann ESB, sem er á fullu að reyna að gera Evrópu þýska, eins og mig; Þýskaland. Sjáið mig. Sjáið mig!

Heldur ekki fjölþjóða Evrópusambandið þolir fleiri þingkosningar. Hverjar nýjar kosningar eiga nú á hættu að leysa það upp. Ekki bara evruna, því hún er í upplausn, heldur Evrópusambandið líka

Tvær góðviðrisstofnanir "alþjóðasamfélagsins" reyndust ekki vera neitt "samfélag", heldur bara tilraun til að snúna út úr þjóðfélaginu

Og nú fer elítan í þessu alþjóðafargani að missa vinnuna, sem betur fer

Skál fyrir Donald J. Trump! Lengi lifi þjóð-ríkið og þjóðfélag þeirra

Fyrri færsla

Orðið hagkerfi Trumps, líka [u]

Orðið hagkerfi Trumps, líka [u]

Hinn sænskættaði Bandaríkjamaður Victor Davis Hanson, sagnfræðingur og bóndi, útskýrir kosningasigur Donalds J. Trump, stefnu hans, og klaustur hugans sem vinstri-geggjunarstefna nútímans hefur byggt. Þetta er bráðskemmtilegt og alls ekki nein klausturgerð

****

Í fyrradag skrifaði ég um að Repúblikanaflokkurinn væri nú orðinn flokkur Trumps og að það fjarar undan Demókrötum í komandi mið-kosningum (hér)

Í dag er það hins vegar Bandaríska hagkerfið sem ég fjalla um, þ.e líf allra og í öllum flokkum í Bandaríkjunum

Donald J. Trump hefur nú tekist að berja peningavitinu aftur í bandaríska hagkerfið á þann hátt sem vinstrimönnum gat ekki dreymt um vegna -að því er virðist- sjálfstortímingaráráttu eða jafnvel þess sem er enn verra, allsherjar uppgjafar. Trump er eini maðurinn með peningavit og reynslu í peningamálum sem Fed-seðlabankinn hefur séð settan af þjóð í stól forseta. Og nú er það hagkerfið líka, sem orðið er hans. Hvar sem leitað er, finnst varla hagvísir á annað en jákvæðan árangur. Obama afrekaði lélegasta 7-ára efnahagsbata frá því í Keppunni miklu, sem hófst 1929 og lauk aldrei vegna Demókrata við stjórnvölinn. Það þurfti stríð til að fá þjóðina til að þora að líta upp aftur. Og þannig var það undir Obama sem rak stefnu sem hét ónýtu þið og hinn snjalli ég - og Hillary, sem erfði því ónýtan flokk og þar með ekkert

Hagvöxtur er sterkur á bilinu þrjú til fjögur prósent. Atvinnuleysi er lágt og komið undir fjögur prósent. Meira en eitt starf er laust á hvern þann sem leitar að vinnu. Atvinnuþáttraka eykst. Atvinnuleysi blökkumanna er það lægsta síðan mælingar hófust. Laun hækka. Verðbólgan er að ná sér upp í eðlilegan hita, og vextir fara hækkandi, sem þýðir að peningar fá nauðsynlegt afl. Og Bandaríkin verða þess utan stærsti olíuframleiðandi heims á næsta ári, plús gas líka. Skattar hafa verið lækkaðir og kæfandi regluverk brennt til ösku og stendur sú aðgerð yfir enn. Og viðskiptahalli fer nú minnkandi, eins og er, og ólöglegum innflytjendum fækkar, en þar er stór slagur framundan ásamt áframhaldandi útrýmingu viðskiphalla, sem barinn verður niður og sendur úr landi til þeirra sem svo lengi hafa hagnast á kostnað Bandaríkjanna

Mynd Sovétríkin: Dóu úr menntun með náttúruauðæfi upp í háls - "ég vinn fyrir fólkið" segir skiltið (OMG!). Svona er Ísland að verða og landsframleiðslan á hvern mann haggast varla lengur - og ríkið ræðst með fullum sovétisma á undirstöðuatvinnuvegina

****

Donald Trump hefur á 16 mánuðum snúið af öllum efnahagsstefnum Obama, eða lagt þær niður, og ógilt öll lög og reglur Obama, sem hann löglega gat, og þetta er árangurinn. Stolt, áræði, þor og trú voru vopnin sem Trump notaði. Og hann neitar að skammast sín fyrir að vera ríkur forseti sem berst fyrir litla manninn

Afl Trump-stefnunnar er slíkt að hagkerfið opnast eins og kampavínsflaska og gýs, segir í grein WSJ: Its Trumps Economy Now

Aldrei áður hefur neinn framkvæmt annað eins á svo stuttum tíma. Og Trump rekur teymi sitt miskunnarlaust áfram. Ef menn standa sig ekki og sýna forsetaembættinu ekki þá hollustu sem stjórnarskráin gerir ráð fyrir, þá er þeim sparkað út, öfugum. Allir forsetans menn eiga að vera forsetaembættinu túrir, en ekki þinginu né neinu öðru, nema lögunum. Það negldi Ulysses S. Grant fast, með sjö tommu saumi

Mánuð fyrir kosningar var forsíða Washington Post (sósíal-aðallinn) þakin af frétt þess efnis að ef Trump yrði forseti "gæti hann lagt efnahag heimsins í rúst" ("A President Trump Could Destroy the World Economy"). Og Paul Krugman sagði að "kjör Trumps myndi sennilega þýða heimskreppu án enda" ("We are very probably looking at a global recession, with no end in sight")

Það er nú það. Og enn er dag hvern beðið eftir nýjum Hitler - og sem á að hafa "fasíska framkomu". Öll pressa Vesturlanda og sem næstum öll er vinstrisinnuð, prentar og útsendir daglega skilaboð til þeirra sem þola ekki Trump, og kallar sig ekki neitt minna en Andspyrnuhreyfingin gegn Trump. Já þið lásuð rétt. Kallar sig ekki stjórnarandstöðu, heldur andspyrnuhreyfingu! Já vinstrið er gersamlega kolklikkað á okkar dögum og hefur algjörlega misst hið litla vit sem það hafði. Já alveg. Þar er bara allt galtómt núna og valdarán helst efst á lista þess

Holur hljómur sósíalismans í hverskyns litum og hasstöggum, breiðir úr sér yfir heimsbyggðina á Austurhveli jarðar. Sífellt færri hlusta á þá tómu tunnu lengur, enda bara tómt rugl í boði hins sama gamla gjaldþrota sósíal-aðals gáfumenna og síðast. Nú er rétti tíminn til að loka sveppahatta-háskólum Vesturlanda og opna bílskúrana, því þeir háskólar hafa sannað sig sem alþjóðleg plága á skattgreiðendum. Annars deyja lönd kvalarfullum dauða úr menntun, eins og Sovétríkin gerðu

Uppfært kl 20:52

G-7 fundinum lauk rétt í þessu og hér er blaðamannafundur með Donald J. Trump rétt áður en hann stakk af í Air-Force-One til að tala við rocketman Kim

****

"There is a special place in hell"..

Uppfært 22:23 og 23:43: En eftir að Trump var þotinn af stað til fundar við eldflaugmanninn Kim, áður en fundi var formlega slitið og sameiginleg yfirlýsing gefin út, skilst mér að kanadíski forsætisráðherrann hafi notað tækifærið til að baktala -og haft í hótunum við Bandaríkin- það sem forseti Bandaríkjanna og hópurinn hafði sæst á sem niðurstöðu, og sem varð þess valdandi að forsetinn neitaði að skrifa undir lokayfirlýsingu G7-fundarins

Wall Street Journal segir að Peter Navarro yfirmaður Hvíta hússins í framleiðslu- og viðskiptamálum Bandaríkjanna hafi þá sagt fréttamönnum að: "það er sérstakur staður frátekinn í helvíti fyrir þá erlendu leiðtoga sem með illgjarnri diplómasíu stinga Donald J. Trump í bakið á leið hans út um dyrnar". "Þetta eru verst útreiknuðu pólitísku mistök leiðtoga Kanada í nýrri tíma sögu"... því að... "það var eingöngu af tillitssemi við Kanada að Trump hafði ákveðið að skrifa undir sósíalistíska yfirlýsingu fundarins", bætti Navarro við (WSJ hefur nú strokað síðustu tilvitnunina í PN út, sjá AP). Stuttu síðar kom svo fax frá Air-Force-One: tikk tikk tikk... skrifa ekki undir... bless DJT

Fyrri færsla

R orðinn flokkur Trumps

R orðinn flokkur Trumps

Mynd WSJ: Líkurnar fjara undan fótum sprengju-sjokkeraðra Demókrata - í kosningunum til þings og öldungadeildar þetta árið

****

Sennilega er það rétt hjá Pat Buchanan að Repúblikanaflokkurinn sé nú orðinn flokkur Trumps. Hann var það ekki þegar Trump kom að honum og byrjaði að taka til. Út um glugga flokksins komu kreddurnar um "frjáls viðskipti" fljúgandi (sem aldrei eru frjáls viðskipti), ásamt "opnum landamærum" og þar á eftir kom kenningin um að viðskiptahalli við útlönd, sem þá hagnast, væri bara allt í lagi til lengri tíma litið, en hann er það ekki. Svo kom gjafabúðin NATO og friðþægingin fljúgandi út um gluggana sem Trump opnaði. Þar næst kom massainnflutningur á vonlausu fólki fljúgandi, og vinstrið varð að finna sér nýja skjólstæðinga til að monta góðsemi sína á kostnað annarra með. Og loks var fjölþjóðaisminn settur í hakkavélina (e. multilateralism), París pakkað saman, og þær elítur sem hafa lofslags-tekjur af honum eru nú að kafna úr hneykslun í miðju hakki

Þeir sem halda að þessi málefni snúi sér aftur til tímans fyrir Trump, eru í djúpsvæfingu loftslags sem stjórnmálaflokkar drepast úr

Hvaða lærdóm geta Íslendingar dregið af þessu í "friðsælasta landi heims" sem Bandaríkin halda einmitt friðinn fyrir. Hvar er okkar framlag til NATO. Hvar eru 2-3 prósent landsframleiðslu Íslendinga stödd í NATO? Við montum okkur af friðsemi sem ekki er okkar verk. Og þeir sem í þannig aðstöðu fastir eru í "afvopnun", eru hræsnarar á hæsta stigi. Friður á Íslandi er Bandaríkjunum að þakka, og hann kostar peninga. Mikla peninga

Fyrri færsla

Íslenski sósíalaðallinn að hrynja

Íslenski sósíalaðallinn að hrynja

Íslendingum líður núna eins og Rússum leið árin áður en Sovétríki sósíal-aðalsins hrundu. Ekkert samhengi er nú á milli þess veruleika sem Íslendingar búa í, og hins upplogna veruleika sem fjölmiðlar sósíal-aðalsins kynna og bera á borð fyrir almenning í landinu. Rauða græn-mylgan sést betur og betur í andlitum þeirra sem þykjast berjast hvern dag fyrir "réttlæti" sem byggist á misnotkun á þjóðríki Íslendinga og stofnunum þess. Persónulega æli ég innra með mér í hvert sinn sem ég sé glitta í fjölmiðil sem boðar útópíu hvern einasta dag ársins á minn kostnað, þ.e. ríkisfjölmiðilinn

Flokkar sem eru svo veruleikafirrtir að kenna sig við rautt blóð, græna myglu, þjófnað og öskur-grenjur inn á þing, eru nú að renna sitt síðasta skeið. Ekkert er eftir í kökudósinni sem sósíal-stríðsmenn þessara flokka geta lifað á, annað en öskur um hagi einstaklinga sem engan varðar um, nema þá sjálfa, og svo hatur á öllum þeim sem halda þeim uppi og skapa auðlegð þjóðar. Ég fyrirlít þetta pakk svo innilega að ef ekki væru lög í landinu, þá væri mér og flestum öðrum Íslendingum fyrir löngu að mæta. Já við Íslendingar förum að lögum. En á meðan níðir sósíal-aðallinn niður þjóðríkið og þær stofnanir og hefðir sem lögin hvíla á. Þessi sósíal-aðals skríll er vanvirða við allt gott í okkar landi. Tökum af honum launin og gratís-uppihaldið. Nóg er komið!

Fyrri færsla

Bandaríkin henda ESB út úr Íran: Ítalía mundar skiptilykilinn

Bandaríkin henda ESB út úr Íran: Ítalía mundar skiptilykilinn

Myndskeið: Í Búkarest var Bandaríkjunum og Intermarium fagnað fyrir stuttu

****

Þetta tók ekki langan tíma. Svo kölluð samstaða ESB-ríkja um að standa uppi hinu hættulega gula hári Donalds Trump, er orðin að sam.. sam.. sam.. já hérna kemur það.. þegjandi samkomulagi um að hlýða einmitt Doanld Trump. Það sýnir sendibréf ESB-ríkja til Washington, þess efnis að ákvörðun Bandaríkjamanna um að rífa Íran-samkomulagið í tætlur gerir ESB ókleift að stunda þar viðskipti. Þetta mátti reyndar strax á fyrsta degi lesa út úr yfirlýsingum A.P. Møller, sem de facto er Danmörk, og það med rettidig omhu. Þeir voru ekki í neinum vafa um hvort yrði fyrir valinu; 1) Íran eða 2) Bandaríkin. ESB-skottið hentist því á milli fóta ESB-margfætlunnar og upp í munn Merkels, þar sem það líkist yfirvaraskeggi

Ítalía

Ítalía mundar nú skiptilykilinn á Schengen og mun sennilega skrúfa það í sundur og taka niður, á meðan ný samhliða mynt er í smíðum, til að bola evrunni út með. "Evran er mynt Ítalíu" sagði ríkisstjórnin, en bætti svo við: "eins og er"

 

Mynd: Trump-Amerykanski fundaði með akkerisfestum Intermarium í Póllandi í fyrra. Fór ekki til Berlínar

Intermarium

Smíði Intermarium gengur vel. Viðskiptahverfi Varsjár í Wola, sem frægt varð fyrir uppreisn í Síðari heimsstyrjöldinni, er að fyllast af bandarískum fyrirtækjum; JPM, Citi, Goldman og endalaus röð bandarískra fyrirtækja streyma að, því Intermarium er að steypast upp. Það verður sennilega ný japönsk-kóreönsk endurreisn með bandarískum herstöðvum og munu Intermarium ríkin þá losa sig við leifarnar af ESB. Varnarsamkomulög eru að myndast á milli Intermarium-ríkjanna. Það verður æ erfiðara fyrir Pútín að sannfæra Hvíta-Rússland um að sitja áfram í kökuboði Kremlar. Annað hvort verður Pútín að bjóða betur, eða Hvíta-Rússland fer af stað og þá er fjandinn laus. En þar sem Intermarium er í smíðum þá kemst hann varla langt, nema að slegið sé til sem fyrst

Fyrri færsla

Pasta komið, tómatsósa á leiðinni

Pasta komið, tómatsósa á leiðinni

Mynd: Forsíða Der Spiegel 2. júní 2018

5. júní 1931

Bræðralagsmenn í Evrópusambandinu nálgast nú níunda rúgbrauðs-óðinn til friðarins sem Bandaríkjamenn héldu fyrir þá. Eitthvað svo kallað fréttatímarit er kallar sig Der Spiegel, kom á laugardaginn út með hefðbundna kveðju að norðan, til þeirra sem viss Alpafjöll vernda fyrir sunnan. Kveðjan kom ekki úr afturenda fíls á leið upp og yfir-um, heldur birtist hún sem táknmynd hengingarólar evrunnar

Illskuleg skrif þessa pappírs, sem kennir sig við "æðri blaðamennsku", eru enn verri en myndin af hegningaról evrunnar, sem ku halda friðinn í pólitískum kirkjugörðum evrusvæðis. Réttast er, segir snepilinn, að senda ECB-aukaseðlabanka Þýskalands, ásamt öðrum stofnunum í vösum þríhyrndra elíta, suður á Ítalíu til að yfirtaka fjármálaráðuneytið í Róm. Og taka þar restar allra fjárráða af þeirri þjóð sem enn heitir Ítalir, því hún kaus vitlaust

Það Ítalíuland, ásamt Þýskalandi, varð á fyrrihluta 20. aldar frægt fyrir að vera eins konar Kína nútímans, þ.e. Ítalía var með "miklu betri" lestarsamgöngur en villimenn Ameríku nutu, og Þýskaland var með allar þessar fínu hraðbrautir. Bæði voru löndin sögð hafa "miklu betri innviði" en ruslið sem Bandaríkjamenn höfðu heima hjá sér. Já fréttaveiturnar breytast lítið og er Der Spiegel þar engin undantekning, þó svo að sá miðill hafi fyrst komið út undir verndarvæng Bandaríkjanna, er frelsið gægðist loksins fram í janúar 1947

Eins og lesendur sjá og heyra þessa rúgbrauðssinfóníu í dag, þá er hún nákvæmlega sú sama og síðast; þokulúðrasveitin mikla

En nú hefur Trump skipað nýjan Patton sem sendiherra Bandaríkjanna hvern einasta "helvítis" dag í Berlín, eftir að hafa látið þá stöðu liggja tóma í heilt ár. Sá diplómat heitir Richard Grenell og ku valda usla

Fyrri færsla

ESB og NATO ekki nóg

ESB og NATO ekki nóg

SUNNUDAGUR

Hvers vegna Síðari heimsstyrjöldin skiptir máli í dag: Victor Davis Hanson er einn virtasti sagnfræðingur í sögu hernaðar í heiminum og bóndi. Hér útskýrir hann Síðari heimsstyrjöldina og segir frá því hvað kom henni af stað og hvað í nútímanum getur verið skapa svipuð skilyrði fyrir nýjar hörmungar. Hvers vegna Síðari heimsstyrjöldin skiptir máli í dag, er mikilvægt að vita

****

Ismay lávarður útskýrði hlutvert NATO mjög vel: Það var stofnað til að halda Rússlandi úti, Bandaríkjunum inni og Þýskalandi niðri. Staðan á meginlandi Evrópu er hins vegar orðin sú að Rússland er inni, Þýskaland er efst og Bandaríkin að mestu komin út, því þau eru með aðeins 35 þúsund hermenn í Þýskalandi í dag, miðað við 250 þúsund árið 1985. Það voru Bandaríkjamenn sem héldu friðinn á meginlandi Evrópu, en sem Evrópusambandið er nú að rífa í tætlur

Pólland finnur vel fyrir þessari stöðu, því í síðustu viku komst pólska fréttastöðin Onet yfir þá pappíra sem pólska varnarmálaráðuneytið hefur lagt fyrir bandaríska varnarmálaráðuneytið, þess efnis að Pólland greiði allt að tvo milljarða Bandaríkjadala til uppbyggingar á nýrri bandarískri herstöð í Póllandi

Þar sem Þýskaland neitar að uppfylla skuldbindingar sínar við NATO og reynir þannig að veikja varnarbandalagið eins og það getur, þá hefur Pólland snúið sér beint til Bandaríkjanna, því Pólverjar vita að tími fjölþjóðafyrirbæra á meginlandi Evrópu er liðinn, og að þau fyrirbæri eru einnig getulaus og hafa alltaf verið. ESB virkar ekki og NATO virkar ekki, því Þýskaland er þar um borð, og Tyrkland er ekki lengur NATO-ríki nema að nafninu til. Það eina sem dugar í dag er beint samstarf á milli fullvalda ríkja

Pólland er einu sinni enn komið í klemmu á milli Þýskalands og Rússlands. Og Bandaríkin vita það. Ríkisstjórnir Póllands og Rúmeníu funduðu því beint sín á milli í síðustu viku, í fyrsta skipti, um varnarsamkomulag, sem virðist vera í burðarliðnum. Í fyrra gerðu Bretland og Pólland, beint sín á milli, samning um varnarmál. Takið eftir að ekki er um fjölþjóðasamvinnu að ræða, heldur er unnið saman beint. ESB og NATO er ekki nóg

Ég leyfi mér að benda lesendum á tvær nýlegar greinar frá Victor Davis Hanson. Þær eru:

1. The Great German Meltdown

2. The Post-War Order Is Over

Fyrri færsla

Fed setur Deutsche Bank í ruslflokk [u]

Fed setur Deutsche Bank í ruslflokk [u]

Þegar markaðir komust að því í gær að seðlabanki Bandaríkjanna hafði sett Deutsche Bank í Bandaríkjunum í ruslflokk sem kallaður er "vandræðaaðstæður" eða "troubled condition" þá pompaði móðurfélagið í Þýskalandi rúmlega 7 prósent niður í Frankfurt. Tungumálið "bankar í vandræðaaðstæðum" þýðir tómatsósuflaska sem féll á gólf og brotnaði. Það sama segir seðlabankinn um dótturfélag Deutsche Bank Trust Company Americas, sem fæst við tryggingar. Daginn áður höfðu markaðir sent móðurskipið í Þýskalandi niður um 8 prósent. Hlutabréfaverið í bankanum er nú sprengt aftur til ársins 1991. Skuldatryggingar á bankann hækkuðu samstundis um 19 prósent

Kannski Deutsche Bank sé að verða gjaldþrota og það sé þess vegna sem Hans-Werner Sinn kallar eftir gjaldeyrishöfum á evrusvæðið. Eru þýsk fyrirtæki að selja með stórtapi til útlanda til að halda sér og þýska hagkerfinu gangandi? Það kallar á að Þýskaland kveiki í enn fleiri evrulöndum, til að halda genginu niðri

Allir vita að 10 prósent fall í útflutningi þýðir 5 samdrátt í landsframleiðslu Þýskalands, því landið er svo hroðalega útflutningsháð. Þetta sást 2008 þegar Þýskaland féll bókstaflega fram af brún þegar útflutningur minnkaði. Þá tók ríkisstjórnin upp á því að greiða laun þeirra sem annars hefðu misst vinnuna og framleiðslunni var haldið áfram á kostnað skattgreiðenda, og hún sett á lager

Nú er líka komið í ljós að það er kínverska ríkisstjórnin sem heldur hlutabréfamörkuðum "stöðugum" í Kína. Verðfræðistofur kínverska kommúnistaflokksins hafa hannað nýjan veruleika handa "fjárfestum", því ekki má glitta í þann sem stakk óvart hausnum fram árið 2015. Lengi lifi stöðugleikinn

Dagblöð í Evrópu eru farin að spyrja sig þeirrar spurningar hvers vegna allir séu svona óánægðir með Evrópusambandið, nema Þýskaland. Þetta er allt Þýskalandi að kenna, segja flest blöð, nema þau þýsku, því þar er allt öllum öðrum að kenna en þeim sjálfum

Sú snilld var útfærð á Ítalíu í gær að fjármálaráðherrann sem forsetinn hafnaði með þeim rökum að hann væri ekki sammála sér um evru, hefur nú verið gerður að evrópumálaráðherra. Það er ekki einu sinni hægt að finna þetta upp, þetta gerist bara sjálfkrafa beint fyrir framan nef manns. Markaðir anda nú léttar í dag, þar sem laugardagur er á morgun. Og svo kemur sunnudagurinn sem aldrei átti að enda í þessu misfóstri sem kallar sig "Evrópusamband"

Uppfært..

Og í gær kom einn barna-kollurinn enn í DDRÚV, sem er náttúrulaus sjálfsfróunarstöð vinstrimanna, og sagði að enginn "hagnaðist" á viðskiptastríði. Fyrir það fyrsta verður ekki stríð við það að hugsa um sjálfan sig. Það er ekki bannað. Stríð hefst fyrst þegar einhver annar reynir að koma í veg fyrir að maður hugsi um sjálfan sig

En staðreyndin er sú að það ástand sem nú er orðið í heiminum vegna þess að heimsskipulagið sem komst á 1945 hefur endað og er horfið (e. Post-War Order), kallar á nýja skipan heimsmála. Já, það heimsskipulag er nú horfið. Það hefur endað! Og sú mikla breyting þýðir að þau lönd sem krónískt hafa fjármagnað viðskiptahagnað annarra ríkja, neita að gera það lengur, því það gengur ekki upp. Hvorki efnahagslega né pólitískt

Þegar þannig aðstæður skapast þá eru það viðskiptahallalöndin sem græða en hagnaðarlöndin sem tapa. Þannig hefur það alltaf verið og það verður líka núna. Þeir sem hugsa, sjá að það hlaut að koma að þessu. Nú getur til dæmis Þýskaland og önnur hagnaðarlönd reynt að bjóða heiminum upp á það sem þau lönd heimta af Bandaríkjunum: þ.e. raunverulega eftirspurn sem knýr hagvöxt í heiminum - og 50 ár af Milton Friedman í heildsölu. Er einhver sem sér slíkt gerast? Það getur til dæmis Þýskaland ekki, því það er ónýtt geggjunarland þýska elíta. Elítan hefur eyðilagt þýska hagkerfið og önnur lönd líka

Frjáls viðskipti eru ekki meitluð í stein. Þau geta til dæmis ekki orðið, ef frelsi er horfið. Frelsi til að hugsa um sjálfan sig og sína. Aðeins þannig er hægt að hugsa um aðra í leiðinni. Enginn í ESB er lengur fær um að gera hvað þá næstu götu við sjálfan sig "great again". Slíkt getur ekki gerst lengur, því allt er ónýtt og lagast ekki fyrr en sjálfsákvörðunarréttur esb-landa hefur endurheimst. Fjölþjóðaisminn (e. multilateralism) er dauður og hann hefur aldrei virkað

Fyrri færsla

Hans-Werner Sinn vill gjaldeyrishöft á evrusvæðið [u]