Hans-Werner Sinn vill gjaldeyrishöft á evrusvæðið [u]

..I cant shake it, its gone too far.. jeps

Alltaf best að halda sig við einfalda hluti sem fólk skilur. Allir vitibornir Íslendingar skilja að krónan er best, því hún er best

****

1930. frétt af hættulegustu mynt veraldar

Hans-Werner Sinn efnahagsráðunautur þýsku ríkisstjórnarinnar og fyrrum forseti Ifo stofnunarinnar, leggur til að fjármagns- og gjaldeyrishöftum verði skellt á evrusvæðið, því ástand þess sé orðið óþolandi fyrir Þýskaland. Hann leggur til að höftum verði skellt á til að reyna að stöðva yfirdrætti seðlabanka evrusvæðis í þýska seðlabankanum, sem nú nemur billjón evrum (e. TARGET2 balance)

Í reynd myndu hugmyndir Sinns þýða úrsögn Þýskalands úr evru, því um leið og slík höft kæmu til framkvæmda myndi ein evra hætta að vera ein evra í öllum evruríkjunum og hún breytast í jafn margar útgáfur af evru, hver með sitt verðgildi. Ekkert samband yrði á milli þeirra

ECB-seðlabankinn á að sjá um, með tíð og tíma, að jafna út þessa yfirdrætti í TARGET2 greiðslukerfi evrunnar, sem er kröfukerfi þeirra seðlabanka sem standa að myntinni gagnvart hvor öðrum. En ef pólitískt kapítal ECB-seðlabankans gufar upp, þá verður ógjörningur fyrir þingmenn að skríða einu sinni enn og samstíga upp að altarinu á þingi heima og biðja skattgreiðendur í öllum evrulöndunum um að endurfjármagna eigið fé seðlabanka evru, sem er mjög lítið. Þeir flokkar sem reyna að klífa það fjall verða ekki beint vinsælir heima. Jæja væni minn, ertu kominn einu sinni enn að betla meira fé á bálið

Eruophiles (evruníðingar) segja það stórt vandamál að þýsk heimili hlusti á Hans-Werner Sinn, en það sé hins vegar ekkert að marka það sem maðurinn segir. En vandamál eruophiles er hins vegar það, að enginn í þeirra röðum hlustaði á þýsk heimili þegar evra þeirra var sjósett. Ný ríkisstjórn hinna ókjörnu á Ítalíu mun kannski redda þessu. Hvað haldið þið? Næsta skref þar gæti verið nýr Mussó, því engin kaupmáttaraukning hjá ítölskum heimilum í 30 ár er staðreynd sem erfitt er að höndla mikið lengur (16 ár hjá þýskum heimilum). Þetta endar að sjálfsögðu ofboðslega vel. Yfir-þýskir evrumenn á FAZ leggja því sitt að mörkum á bálið, með því að segja að sjálfsögðu verði að refsa Ítölum fyrir að 1) "kjósa rangt" og 2) að vera Ítalir. Já þetta endar vel

Næsta frétt af evrusvæðinu verður númer 1931. En þá kemur Jóhönnuhaus Samfylkingar út og slær Össur, sem svo slær Vinstra-grænt yfir í rautt, og svo koll af kolli hvers þingmanns sem sagði já, þar til hóru-bingó-band evrunnar á Íslandi orðið er Skjaldborg höfuðborgarinnar um nýja svifryks-stjórnarskrá, þar sem Landsréttur verður vonandi réttur dagsins alla daga. Upplýst skítapakk!

Sem sagt: Þjóðverjar vilja verjast evrunni með því að skella fjármagns- og gjaldeyrishöftum á allt evrusvæðið. Þetta var fyrirsjáanlegt, þar sem Þýskaland hefur nú lokið ryksugun á svæðinu

Uppfært: Í dag ákvað hins vegar ríkisstjórn Donalds J. Trump að skella tollum á stál- og álútflutning Evrópusambandslanda til Bandaríkjanna, en þau eru stærsti viðskipavinur Þýskalands vegna gengisfölsunar Þýskalands með evru, sem er ekki mynt, heldur pólitískur vafningur. Vanti Þýskalandi lægra gengi þá kveikir það bara í einu evrulandinu í viðbót og gámarnir hendast út úr þýskum höfnum áfram

Að tala er ekki það sama og gera

Fyrri færsla

Prússnesk Evrópa að myndast á ný

Prússnesk Evrópa að myndast á ný

"Nýja Vestur-Þýskaland" 1986, Münchener Freiheit. Þetta Neue Deutsche Welle er horfið og NýPrússland er Þýskaland að verða í dag, hundleitt á frelsinu, og ryðst um álfuna eins og naut

****

Ef Winston Churchill hefði verið forsætisráðherra frá 1929 til 1939, þá hefði hann verið að gera nákvæmlega það sama og Donald Trump er að gera í dag, þ.e. stöðva friðþægingu og reyna að koma í veg fyrir stríð, með því að sýna heiminum hvað hann á að hræðast, þ.e. að stöðva friðþægingu á öllum vígstöðvum. En Winston varð því miður að láta sér nægja pennann, eins og Davíð í dag, og því fór sem fór, vegna lömunar í fælnimætti (e. deterrent) sökum friðþægingar

Mannætum var boðið í kaffi til að halda þeim góðum og bannað var að kalla þær mannætur. Munurinn á réttu og röngu var gerður að afstæðiskenningum góða fólksins, sem fóðraði mannætur og veifaði regnhlíf, þar til það sjálft var étið

Við sem þekkjum Þýskaland sæmilega, vitum að miklar vonir voru bundnar við Neue Vestur-Þýskaland. Um tíma leit svo út að um raunverulega nýtt land væri að ræða. En eftir sameininguna varð Þýskaland samt við sig á ný og nú blasir vaxandi prússneskt Þýskaland við Evrópu á ný: Evrópa er að verða prússneskt ósvæði, einu sinni enn. Það eina sem vantar er að Nýprússneskt Þýskaland bræði peningakistuna í ný vopn. Og það mun gerast, en það verður ekki í þágu annarra og allra síst í þágu NATO, því Þýskaland hatar og fyrirlítur Bandaríkin svo mikið

Við erum að horfa á síðustu daga Evrópu, einu sinni enn

Enginn virðist þó taka eftir neinu og heldur ekki því að NATO-ríkið Tyrkland er orðið "de facto" óvinur Bandaríkjanna, því það hefur kallað sendiherra sinn í Washington heim

Þetta kemur, og við munum kannski einu sinni enn geta þakkað góða fólkinu fyrir nýja og ferska heimsstyrjöld. Ekkert af góða fólkinu í dag hefði kosið Winston þá. Hollt er að muna það

Fíflunum hefur einnig fjölgað hroðalega á Íslandi. Vitsmuna"rofið" (mannamál: heiladauði) er að verða nær algert

****

Mattis í gær: "a steady drumbeat" er það sem við gerum

Fyrri færsla

Pólland vill fastar bandarískar herstöðvar. Róm brennur

Pólland vill fastar bandarískar herstöðvar. Róm brennur

Newt Gingrich talar um nýja bók sína: "Bandaríki Trumps"

****

Mariusz Blaszczak varnarmálaráðherra Póllands staðfesti í gær að hann hefur átt í viðræðum við ríkisstjórn Donalds J. Trump um varanlegar herstöðvar Bandaríkjanna í Póllandi, til að verjast Rússlandi og úrkynjun Þýskalands. Pólland býðst til að greiða tvo milljarða dala til að byggja upp innviði nýrrar bandarískrar herstöðvar í landinu. Um daginn var því lekið (WSJ) að NATO-ríkið Þýskaland ætti aðeins níu bardagahæfa skriðdreka sem landið getur lagt að mörkum til varnar NATO-ríkjum í Austur-Evrópu. Og nú þegar er vitað að Þýskaland á enga orrustuþotu sem flogið getur NATO-leiðangur í myrkri og að framleiðendur varahluta í orrustuþotur Þýskalands eru búnir að loka. Allt þetta á meðan Þýskaland ryksugar Suður-Evrópu gegnum emu og evru og er með stærsta viðskipahagnað nokkurs lands í heiminum - á kostnað Bandaríkjanna og Suður-Evrópu, þar sem Róm brennur nú á þýsku báli

Berlínarvélin í ófriðarbandalagi Evrópusambandsins fagnar því að franskir bankar eigi meira í klemmu í Róm en þýskir, og pressa hennar segir að nú sjáist hin raunverulega ástæða fyrir áhauga Emmanuel Macrons forseta Frakklands á innistæðutryggingum á evrusvæðinu. Berlínarvélin gleymir að sjálfsögðu Target2, sem tifar undir henni í kjallara þýska seðlabankans. Hér er allt við það sama og síðast. Jafnvel forseti Frakklands er nú að læsast einn inni í herbergi í esb, þar sem hann á samtal við sjálfan sig. Hin hreina mey Marine Le Pen, með lykilinn í hendi, stendur fyrir utan og telur niður

Hlutabréfin í Deutsche Bank hrundu niður fyrir 10-evru markið í dag og olíuverð hefur fallið bratt síðustu sex viðskiptadaga

Hér fyrir ofan gerir Newt Gingrich grein fyrir nýrri bók sem hann er að gefa út. Hún heitir: "Bandaríki Trumps". Og í tölu sinni minnist hann á ræðu Mike Pompeo á sama stað daginn áður, þar sem utanríkisráðherrann segir að Bandaríkin hafi mánuðum saman varað esb-ríkin við því að þau verði að velja á milli viðskipta við annaðhvort Íran eða Bandaríkin. Þau geta ekki átt viðskipti við bæði. Newt Gingrich segir að Evrópa verði að gera það upp við sig hvort hún vilji leggja egg sín í frjálsum hluta heimsins eða í hinum kúgaða hluta hans

Newt leggur einnig til að bandarískir námsmenn stofni sjóð sem fjármagnað getur lögsóknir á hendur háskólakennurum fyrir kenna þeim lygar

Newt segir að Watergate sé aðeins teskeiðarfylli miðað við það Atlantshaf sem Demókratar hafi brotið af sér gagnvart framboði Donalds J. Trump, bæði fyrir og eftir kosningar. Það mál sé svo óhugnanalega stórt að fólk kafni næstum því þegar það loks skilur það

Fyrri færsla

Evran nýr Hitler í evrópskri fleirtölu?

Evran nýr Hitler í evrópskri fleirtölu?

Mynd: tímaritið Economist desember 1996

****

Fyrirsögn dagsins: "Welcome back to Weimar Germany"

Greinandinn Wolfgang Munchau -sem ég hef lesið í 11 ár- og hingað til einlægur og ákafur aðdáandi esb og evru, skrifar í dag um evruna:

"Um síðustu aldamót varaði Ralf Dahrendorf við því að evran, sem þá var verið að sjósetja, myndi snúa þjóðum Evrópu gegn hvor annarri. Þá trúðum við honum ekki, en hann hafði rétt fyrir sér."

Munchau heldur áfram og segir efnislega, að evran hefur nú búið til nýtt Weimarlýðveldi í Evrópu og það er ekki bara í einu landi, heldur bæði í norðri og suðri. Þeim sem hafa ekki "réttar" skoðanir á stjórnmálum er haldið frá borðinu þar sem framtíð þeirra er ákveðin. Þeim hefur kerfislega verið haldið frá borðinu eins og gerðist í Þýskalandi á Weimartímabilinu. Sama hvað það kostar

Tilefni þessarar ályktunar Wolfgangs Munchau (og hún hefur legið í loftinu um tíma) er ákvörðun forseta Ítalíu um að hafna þeim kjósendum sem kusu nýja ríkisstjórn á Ítalíu, með þeim rökum að ráðherra í þeirri stjórn hafi ekki réttar skoðanir á ýmsum hlutum eins og til dæmis, já hvað annað, en á evrunni. Forsetinn, sem þingið hefur kjörið, neitar að samþykkja að fólk með rangar skoðanir eigi rétt á að hafa áhrif á líf sitt núna og í framtíðinni

Já það er nefnilega það. Þetta er sennilega nú þegar orðið met í valdníðslu á okkar tímum. Og hvað skyldi gefa forsetanum þetta vald: jú evran. Hún er að verða nýr Hitler í flestum fleirtölum yfir Evrópu

Og nú mun líklega það gerast næst; að fyrrum reiknivél Alþjóða gjaldeyrissjóðsins verður beitt á þjóðina í formi "tæknilegrar ríkisstjórnar" - þar til kosið verður aftur. Og mun sú kosning ekki bara þurrka út kjörmenn ítalska forsetans á þingi, heldur þar með hann sjálfan og nýr vegakafli jarðvinnsluvéla jafnaðarmanna við jörðu verður lagður til.. já.. þið vitið til hvaða staðar.. að sjálfsögðu hins sama og siðast. Malbik endar

Adolf Hitler var jú þrátt fyrir allt sósíaldemókrati - og imperíalisti. Svipað og esb. Og bæði fyrirbærin hötuðu þjóðríkið sem stofnun, og þjóðir þeirra. Þeir sem hingað til hafa gert lítið úr mikilvægi landamæra þjóða, þurfa heldur betur að hugsa rotið ráð sitt að nýju, því Alpafjöll og Atlantshaf eru að hækka hratt í verði. Leitin að heilabúi jafnaðarmanna í Skeiðarársandi hefur engu skilað, nema sandi

Fyrri færsla

Talning RVK-atkvæða í takt við umferðaröngþveitið

Talning RVK-atkvæða í takt við umferðaröngþveitið

Ég óska Eyþóri Arnalds og xD til hamingju með kosningasigurinn. Án skeggs hefðu þó 10 menn fengist. Friðþæging borgar sig aldrei

Í smábænum Reykjavík gekk talning atkvæða í takt við umferðaröngþveiti gorgonsólaveldis borgarinnar, sem því sem næst hefur rústað bænum. Þarna á þessum bæ er öngþveitið svo hrikalegt að 16 gunnfánar blöktu við hún á 16 vígstöðvum borgarinnar. Allt umhverfis þetta kraðak hinnar nýju Weimarvíkur, stóð stórskotalið Sjálfstæðisflokksins vörðinn ásamt xD-megatonnavopni Garðabæjar, sem heitir megahagsæld

Reykjavík kemst nú ekkert nema út í sjó, reyni hún að hagga sér. Það eina sem getur breytt þeirri slæmu stöðu er að Eyþór og Vigdís frysti Faxaflóann til botns, svo hægt sé að ganga þurrum fótum yfir í Ísland. Aðeins þannig lýkur niðurlægingu Reykjavíkur. Aðeins þannig komast Reykvíkingar í land. Annars er það drukknun og dauði

Þátttaka borgaranna í lífinu á þessum vesæla 16-flokka stað, var fyrir neðan allar hellur. Þarna virkar greinilega ekkert lengur

Hér í minni Skorradalssveit var kosningaþátttakan hins vegar nálægt 100 prósentum og sveitastjórnin áfram heiðblá í takt við 100 ára fullveldi Íslands

Fyrri færsla

Þýskaland og Kína sameinast í kamarklúbb

Þýskaland og Kína sameinast í kamarklúbb

Mynd (skeið): Hinir fyrirlitlegu. "Ég vissi að þetta myndi henda mig. Þeir ætluðu aldrei að leyfa mér að verða forseti". Hvað hefði fólk sagt ef Davíð hefði sagt svona og þar með kennt kjósendum um

****

Bæði eru löndin komin á kamar því allsherjar-kúnni heimsins, Bandaríkin, eru kominn með "deplorable" Trump og hætt að svífa um á gólfdreglinum Obama

Bæði Þýskaland og Kína, þessi útflutningsháðustu ríki veraldar, ásamt Rússlandi, eru gengin í salernisfélag og funda nú saman á kínverskum kamri, eftir blóm og rússneskar smákökur handa Merkelínu í Sochi. Bæði eiga það nú sameiginlegt að vera mjög illa við Bandaríkin

Útflutningsháðasta ríki heimsins, Þýskaland, er með stærsta viðskiptahagnað nokkurs lands veraldar (tæplega 300 milljarða evra) eða níu prósent af landsframleiðslu. Hann rúmlega tvöfalt þverbrýtur esb-reglurnar sem Þýskaland heimtar að aðrir fari eftir. Þessi hagnaður er tilkominn vegna gengisfölsunar með evru, 17 ára innvortis gengisfellingar og með því að ríða um heiminn á bökum minna megandi ríkja esb. Nú þegar Merkel lendir í Kína til skrafs og ráðagerða er landið loksins að komast í réttan félagsskap, sérstaklega eftir kökuboð Pútíns

En nú er Þýskaland einu sinni enn að hrynja. Það er einu sinni enn byrjað að kenna öllum öðrum en sjálfu sér um allt. Bandaríkjahatur er að verða einna mest í Þýskalandi af öllum ríkjum álfunnar. Gyðingahatur er orðið daglegt brauð á götum landsins. Og það er ekki falið lengur, heldur er öskrað á Gyðinga að þeirra staður sé í gasklefanum á ný, og yfirvöld gera lítið úr málinu. Gyðingar eru hvort sem er að fara segja þau og yppa öxlum

Vesalingur-kanslari þess hleypti milljónum af framandi fólki inn í álfuna og er nú í gangi með að berja nágrannaríkin í austri til að taka við þeim. Hún bjó til slógan sem sagði "við getum þetta" og minnir það bæði efnis- og upphrópunarlega á gamalt slógan Austurþýska Kommúnistaflokksins. En hún getur þetta greinilega ekki og er því byrjuð að berja nágranna sína, eins og síðast, og þar á undan, og þar á undan því líka - og svo koll af kolli

Þetta er kölluð vélin í esb. Sögulega hefur hún sveiflast á milli öfga til vinstri og hægri og aldrei getað hvílt í friði innan landamæra sinna frá því að Þýskaland varð til. Allt sem landið kemur nálægt breytist í Suðurríkjasambandið eða The Confederacy, sem Abraham Lincoln og U.S. Grant buðu í plokkfisk. Sama yfirstéttarheimspekin ræður för; "Við, þýskumælandi, erum hinn hreini stofn sem Rómarveldið sigraði aldrei og við erum því óaðlöguð lægra settum skríl". Svo nú er Evrópusambandið orðið að Confederacy þar sem Þýskaland er þrælahaldarinn og yfirstéttin. Og það er ekki einu sinni lygi

Ekkert í Evrópu getur orðið eins og Bandaríkin. Og ef Bandaríkin væru eins og Þýskaland, Rússland eða Kína, þá væri algerlega ólíft í heiminum í dag. Útför Evrópusambandsins fer því fram núna. Banamein þess voru útópískar lygar, blekkingar og Þýskaland. Það styttist í bálförina

Níu bardagahæfir skriðdrekar Þýskalands gegn Pútín! Slíkt er ekki gert nema af fullum ásetningi. Níu!

Í dag: Evran er fallin um sex prósent gagnvart Bandaríkjadal á einum mánuði og skuldatryggingaálag á ítalska evru-ríkið er nú meira en þrisvar sinnum hærra en á krónuríkið Ísland, þ.e. á ríkissjóð íslenska lýðveldisins. Og enn einu sinni nálgast hlutabréfaverð í Deutsche Bank AG ekki neitt. Það stendur í rúmlega 10 evrum í dag og hefur fallið um 42 prósent á síðustu 52 vikum og fellur enn, þrátt fyrir boðaðar uppsagnir á 10 þúsund starfsmönnum í vikunni. Verðið á einum hlut í DB var 120 evrur á fjármálabóluárum ECB-aukaseðlabanka Þýskalands. Verðlagningin á bankanum fer bráðum að svara til innihaldsgæða þýska hagkerfisins

Hráolíuverð er nú hrunið um rúmlega 11 prósent eða rúmlega átta dali á tunnuna síðan á þriðjudag, því komið er í ljós bandarískir olíubrunnar pumpa hraðar upp en hægt að flytja afurðina á markað, eins og ég nefndi um daginn að um tímabundið  flutningavandamál væri að ræða. Ljóst er því að verðhækkun undarfarna 12 OPEC- og Rússlandsmánuði fær ekki að standa í friði. Það var engin grunnur fyrir þeirri verðhækkun. OPEC og Rússland hafa misst verðvopn sín að mestu. Birgðahald er að stóraukast

Fyrri færsla

Ör væntingar þýska kanslarans til vina sinna

Ör væntingar þýska kanslarans til vina sinna

Mynd: "Hvað segið þið þarna hinumegin, er ekki allt í lagi hjá ykkur. Problems? Vantar ykkur ekki smá tolla svona til hressingar - á bílana ykkar?"

****

Eins og áður er Evrópusambandið mjög lélegt á milli banda-mann-anna. Mussolini hafði ekkert samband norður áður en hann réðst inn í Grikkland, Eþíópíu, Albaníu og hóf örinnrás inn í Frakkland á stað sem hitt fíflið í norðri hafði ekki séð. Óð inn í Egyptaland, Júgóslavíu, Túnis, Sómalíu, Kenya, og Súdan. Allt framkvæmt með engu, því ekkert þurfti til á þessum tímum. Friðþægingin var svo mikil að góða fólkið þorði ekki að líta upp. Hvað eftir annað mátti fíflið í norðri hendast suður til að öskra á Benito. "Hvað ertu að gera maður?" Svar: "Nú það sama og þú. Þú sagðir mér heldur ekki frá neinu, bara gerðir það." Sama samvinnuferli gilti um bandamenn þessara í Rússlandi og Japan. Allir lugu hvorn annan fullan fram á síðasta dag. "Hvar er Pearl Harbour?", spurði Hitler daginn eftir árás vina hans. Sambandið á milli þeirra var það gott

Í dag er staðan eins í tröllabandalagi esb. Enginn treystir neinum, allir bíða með rýtinginn handa hinum á milli broskallanna og ekkert virkar. Enda eru ör væntingar borgaranna til sambandsins svo litlar að þær sjást ekki nema að túkalli sé veifað fyrst. Allir vilja vera með í að ræna hvorn annan, en enginn vil borga, sérstaklega ekki skaðabætur til hvors annars. Þarna er allt við það sama og síðast. Og verið er að brýna kutana einu sinni enn og sækja sér ferskt grjót yfir bæjarlækinn austur. Túkallinn, evruna, er verið að slíta í sundur. Þetta Evrópusamband hefur aldrei snúist um annað en að ræna hvorn annan og að komast yfir sem sem mest völd yfir öðrum. Hver heldur mestu þegar hún rifnar er ekki gott að vita. Og hver heldur á skuldunum. Það er nú það. Tralla la la, Target2...

Og svo eru það níu bardagahæfir skriðdrekar Þýskalands gegn Pútín. Slíkt er ekki gert nema af fullum ásetningi. Níu!

Fyrri færsla

Verður þetta næsta brúðkaup Evrópu?

Verður þetta næsta brúðkaup Evrópu?

Mynd PA/Sputnik: Vladímír Pútín færir Angelu Merkel blóm við komu hennar til Sochi í Rússlandi, þann 18. maí 2018 e.Kr.

****

Á kortinu stóð kannski þetta: "Við, sem drápum 70 prósent af öllum þeim þýskum hermönnum sem féllu í Síðari heimsstyrjöldinni, og sem gerðum samkomulag og sáttmála við alla og svikum þá flesta á sama tíma, óskum þér og fyrrum? bandamönnum þínum og okkar, sem drápuð 70 prósent af öllum þeim 70 milljón manns sem féllu í sömu styrjöld, til hamingju með að vera nú verr við Bandaríkin, sem byggðu ykkur upp, en ykkur er illa við okkur. Við lesum nefnilega það í þýskum fjölmiðlum síðustu 28 ár, að ykkur fellur orðið betur við okkur en Bandaríkjamenn og að samviskubit ykkar yfir því að hafa myrt sjö milljón varnarlausa Gyðinga, er orðið minna en samviskubit ykkar er yfir því að hafa tapað báðum þeim heimsstyrjöldum sem þið hófuð

Og við Rússar, sem þið í febrúar og mars 1918 tókuð tvær milljónir ferkílómetra af landi frá, ásamt 40 prósent af allri rússneskri iðnaðargetu og 50 milljónir rússneskutalandi borgara, bjóðum þig velkomna á nýja valdataflsmótið sem er að hefast í Evrópu. Við stöndum nú sameinuð gegn Bandaríkjunum. Þú veifar nýjum Versalasamningi sem þið greidduð ekkert af og sem var gúmmípappír miðað við þá "samninga" sem þið ætluðuð að draga yfir höfuð Frakka, Belga og Lúxemborg í september 1914. Þessi nýi Versalasamningur sem þið veifið í dag, til að kreista fram ný fölsk tár, inniheldur eldsneytið sem knýr hatur ykkar á Ísrael, Bandaríkjunum og Bretlandi, sem voru svo vond að hafa snúist til varnar, bombað ykkur sundur og saman, og sest ofan á ykkur í 70 ár. Við Rússar veifum í takt við ykkur sama plaggi og sem kom mér til valda"

Lesendur ættu í 5 mínútur að reyna að ímynda sér hvernig heimurinn væri í dag ef Bandaríkin væru eins og Þýskaland og Rússland. Þegar þeim vangaveltum er lokið væri ekki úr vegi að reyna að ímynda sér hvernig hinn sami heimur væri ef Bandaríkin væru bara alls ekki til. Slíkt ástand hefur reyndar verið prófað. Síðustu 70 eru þannig að í stað þess að vera evrópskt asíulegt helvíti, urðu þau besta tímabil mannkynsögunnar; þökk sé Bandaríkjunum og Bretlandi, en algerlega í óþökk Evrópusambandsins, sem ekkert hefur gert annað en að reyna enda þetta 70 ára tímabil

Mynd: Finnst gaman að aka sjálfur - með frúna

Og vona ég að sá meistari sem nú situr í Hvítu húsi, og sem samkvæmt ónýtum fjölmiðlum Vesturlanda ekkert á að geta né kunna, þrátt fyrir að hann hafi vaðið oftar en einu sinni og tvisvar í gegnum tröllvaxnar óendanlegar flækjur spilltra embættismanna borgarinnar til að byggja skýjakljúfa á dýrasta byggingarreit mannkynssögunnar á Manhattan, og verandi sá maður sem járna-, múr-, og steypuliðið klappar fyrir þegar hann mætir á staðinn í Rolls til að tala við þá, já ég vona að sá maður sýni þessu liði stóra skaftið og vísi því til þess sætis sem það er vaxið til að sitja í og engu öðru

Og ég vona að þið sem aldrei hafið byggt neitt og sem enginn klappar fyrir þegar þið mætið í vinnuna, já ég vona að þið gerið ykkur grein fyrir því að líf ykkar í dag er gott vegna einmitt Bandaríkjanna. Stærsta vandamál ykkar er þó að hafa aldrei prófað að búa í heimi án Bandaríkja Norður-Ameríku. Sú þjóð sem þar býr, er ekki sama gamla súpan sem gamla isma-liðið elskar í Evrópu, og sem gerði Síðari heimsstyrjöldina mannskæðari fyrir álfuna en Svarti dauði

Ég hef séð og hitt svona mann, því ég var einu sinni í múr- og steypuliðinu sjálfur. En það tók samt smá tíma fyrir mig að kveikja á perunni. Þeir sem enga peru hafa, kveikja að sjálfsögðu ekki á neinu, nema DDRVÚ. Þannig er það. Og þannig mun það alltaf verða

Fyrri færsla

Ítalski stjórnarsáttmálinn boðar ekki bara evrudauða [u]

Ítalski stjórnarsáttmálinn boðar ekki bara evrudauða [u]

Fum og fát skall á evrusvæðinu og esb fyrripart síðustu viku. Nýjum stjórnarsáttmála þeirra sem myndað hafa ríkisstjórn á Ítalíu, var lekið til Huffington Post Italia. Í ljós kom að ríkisstjórnin sagði landið úr evrunni á blaðsíðu 35 og boðaði greiðslufall á skuldum landsins við vissan ECB-seðlabanka í Frankfurt, með lögum. Á næstu síðu boðaði nýja ríkisstjórnin ríkisfjárlagahalla af áður óþekktri hagstærð og útgáfu sérleyfis til handa Rússlandi í ítalska hagkerfinu

Höggbylgja þessi skall svo á Berlín-París-Brussel um miðbik dagsins um miðja viku og ekkert hljóð heyrðist nema lamandi þögn. Evrumenn með vasaklúta í norðri þraukuðu daginn út, svo að markaðir myndu ekki taka eftir neinu, já já, munandi það að kauphallarviðskiptin í París gáfu sig ekki fyrr en þýski herinn stóð 10 kílómetrum fyrir utan borgina, afneitunin var slík. Um kvöldið hófust þið vitið hvað,- jú þægilegar vangaveltur um hvort skyldi gert á undan, öskrað eða grenjað. En ekkert gerðist, höggið var algert

Næsta dag kom svo léttirinn. Nýja ítalska ríkisstjórnin, hafði nefnilega stytt stjórnarsáttmálann og klásúlan um evruúrsögn var horfin, sáttmálinn þar með léttari í tösku, og í stað hennar var komið þetta:

"Ítalía mun mæta framtíðinni með því hverfa til tímans fyrir Maastrichtsáttmálann (pre-Maastricht), sem er nálgun Ítalíu við þá tíma þar sem sannar fyrirætlanir um frið voru í gildi, og óskir um bræðralag, samvinnu og samstöðu hvöttu ESB-ríkin áfram", punktur

Það var þarna sem sótarinn hætti að hitta á skorsteinana í norðri, því allt, já allt, var orðið jafn sótsvart í Berlín-París og Brussel samtímis, vegna þess að "fyrir-Maastricht" þýðir ekki bara úrsögn úr evrunni, heldur esb líka. Svo þar við stendur, og Reykjavíkurbréfið mitt hækkaði þar með mest allra bréfa á öllum mörkuðum

Ég bíð spenntur... opna evrugáma og kveiki kvöldgrill... nóg er af brenninu... og svo er það TARGET2... hálf billjón evra... Luftwaffe hvað...

===============

Uppfært, mánudagur, 21. maí 2018 kl. 09:24

Start...

Ítalska pressan skrifar í dag að landið sé nú komið í svipaða pólitíska stöðu og árið 1948, þegar Ítalía átti mjög erfitt með að gera upp við sig hvort að landið vildi verða enn eitt sovétlýðveldið í Evrópu, eða taka á móti útréttri hönd Bandamanna (Bandaríkjanna og Bretlands), þ.e. verða vestrænt ríki

Norður í Þýskalandi segir einn hinna "vísu manna" í Vísmannsráði landsins, að afnema þurfi strax alla sameiginlega áhættutöku í EMU (þ.e. "risk sharing" í mynt og peningapólitísku bandalagi ESB, sem þá hættir að sjálfsögðu að vera EMU, þ.e. "monetary union" og breytist í "currency union"), fyrst að ný ríkisstjórn Ítalíu biðji um 250 milljarða evra afslátt á skuldum landsins á fyrsta degi. Tími sé kominn til að einangra Þýskaland frá Ítalíu (e. ringfence)

Þetta var símskeyti dagsins úr friðarbandalaginu. Fullt stopp

Á meðan þetta er að gerast ræða Angela Merkel og Vladímír Pútín saman um ný þáttaskil í samvinnu Rússlands og Þýskalands (lesist: Trump er vondur). Þetta kemur, þetta kemur, nema að því leytinu að Merkel er algerlega valdalaus og Þýskaland getulaust, nema í miðbæ Berlínar og Brussel

Hlutabréfaverð í Deutsche Bank AG nálgast nú ekki neitt á ný; það stendur í 10.80 evrum, miðað við 114 evrur árið 2007, og heldur áfram að falla og falla

Fyrri færsla

Selja Rússar vinum sínum rusl? Eða eru vinir þeirra drasl?

Selja Rússar vinum sínum rusl? Eða eru vinir þeirra drasl?

Mynd: Fjögurra hæða og þrjú þúsund vinnslu-þrepa úraníum K25-skilvindu-byggingin í Oak Ridge árið 1944 í Bandaríkjunum -þá stærsta og flóknasta bygging veraldar- sett í hlutfall við stærð Tjarnarinnar. Stóð klár og komin í notkun 18 mánuðum eftir fyrstu skóflustungu. Stræð: 2,7 milljón rúmmetrar. Barnaskólakennari útskýrir málið. Hér er einnig 9mb fróðleikur á PDF-sniði. En sjóleiðina til Oak Ridge stöðvarinnar verður kjarnorkuvopnaprógramm Norður-Kóreu flutt til gereyðingar. Vísindamenn Norðursins verða hins vegar fluttir á hassbúllu sem skolar úr þeim heilanum

****

Ísraelska varnarmálaráðuneytið hefur sent frá sér myndskeið þar sem ísraelski flugherinn grandar án sýnilegra erfiðleika rússneskt framleiddu Pantsir-S1 loftvarnarkerfi í höndum Írans í Sýrlandi. Framleiðandinn, Rússland, afsakar sig með því að segja að þeir sem stjórnuðu Pantsir-S1 kerfinu, hafi ekki farið rétt að og sýnt af sér kæruleysi. Rússar hafa um tíma haldið því fram að loftvarnarkerfi þeirra séu þau "bestu í heimi"

Auðvelt er að sjálfsögðu að segja slíkt, þar sem raunveruleikinn er oftast annar en áætlað og auglýst er. Lofvarnir eru háðar ratsjárkerfum og bendir margt til þess að rússneskar ratsjár séu ekki það sem þær eru sagðar vera, og ráði því ekki við þann raunveruleika sem ekki var auglýstur

Margir tóku eftir því um daginn er Bandaríkin, Bretland og Frakkland gerðu árás á efnavopnastöðvar í Sýrlandi -sem Rússar sjálfir virðast hafa notað til árása- að ríkin þrjú töldu það ekki þess virði að taka fyrst út neinar rússneskt framleiddar loftvarnir á jörðu niðri. Löndin þrjú sendu bara lágt fljúgandi flugskeyti sín beint á skotmörkin og komust þau vel til skila, án borgaralegs mannfalls

Af þessu má læra að flókin vesturlensk vopn í höndum þeirra sem framleiða þau, eru allt annar hlutur en flókin vopn í höndum vina á Neanderthalsstigi. Nú orðið segja vinir Rússlands meira um stöðu Rússlands í heiminum en um stöðu vinanna. Nema, að sjálfsögðu, að Rússar framleiði rusl

Fyrri færsla

Sektarkennd Þýskalands hefur tekið stökk (breytingum)