Munchausen Íslands, herra Össur Skarphéðinsson utanríkisráðherra, talaði á Alþingi

Stjórnarandstaðan gegn Munchausen-ríkisstjórn Íslands

Í umræðu ábyrgrar stjórnarandstöðu Íslands gegn aðilum óábyrgrar ríkisstjórnar Munchausens Íslands, sem er utanríkisráðherra Íslands herra Össur Skarphéðinsson, sagði Þorgerður Katrín Gunnarsdóttir að þessi Munchausen Íslendinga hefði miklu sterkara ímyndunarafl en hinn upprunalegi Munchausen Evrópusambandsins. Ég gef Þorgerði Katrínu hárrétt í ummælum hennar. Því þegar ég sjálfur hlustaði á þennan Munchausen Íslands tala þarna í ræðustól Alþingis Íslands, datt mér strax í hug að það væri einungis fyrir tilstilli aumingjagóðra manna að þessi Munchausen fengi að tala áfram þarna á hinu háa Alþingi Íslendinga. Þetta væri svona því hann væri búinn að segja svo margar lygasögur á Alþingi og í fjölmiðlum landsins að engum dytti lengur í hug að taka hann alvarlega. Hann væri orðinn eins konar húsgagn til heimabrúks. 

Hvað var rætt um? Kannski smáræði?

Nei, ekki var um neitt smáræði rætt þarna á Alþingi Íslands. Jafnvel þó svo næstum enginn úr ríkisstjórnarliði Munchausen væri þar til staðar. Það var nefnilega verið að ræða um Icesave. Það var verið ræða um byggingu stærstu peningabræðslu Íslandssögunnar. Því segi ég  þetta? Jú. Aldrei hefur nein ríkisstjórn neins staðar í heiminum öllum barist fyrir því með kjafti og klóm að sturtað verði hálfri til heillri ársframleiðslu lands síns niður í klósettið. Þetta hefur aldrei gerst áður í heiminum. Aldrei. En þessi martröð er samt að gerast á Íslandi núna. Það er sjálf Munchausen ríkisstjórn Íslands sem mun skaffa öll klósettin til sturta peningunum þínum niður í. Þau munu verða á öllum heimilum landsins. Öllum heimilum. Þið, þ.e.a.s. þið mjólkurbúfénaður ríkissjóðs, eigið að skaffa peningana sem þessi ríkisstjórn Munchausens ætlar að bræða. Ríkisstjórn Íslands þarf bráðnauðsynlega að bræða alla landsframleiðslu þjóðarinnar til að halda á sér hita. Því annars króknar hún nefnilega strax úr kulda. Það er svo þægilegt fyrir hana að vera þarna við ofnana. Hún getur ekki verið án ofnanna, því þá deyr hún.   

Þetta gengur svona fyrir sig

Þið farið í vinnuna og komið svo þreytt heim á kvöldin eftir langan vinnudag. Þegar þið eruð komin úr skónum þá farið þið inn á baðherbergið og hellið öllum vinnulaunum ykkar fyrir skatt ofaní klósettið. Þetta gerið þið alla 365 daga ársins. Já, hvern einasta dag í heilt ár. En verið alveg óhrædd. Munchausen ríkisstjórnin mun nefnilega skaffa ykkur klósettin, það ekkert er að óttast hér. Þau kosta ykkur "ekki neitt". Þau koma nefnilega frá útlöndum, þaðan sem allt kemur, samkvæmt sögum Munchausens. 

En þá spyrjið þið ef til vill um hvað þið munið fá í staðinn? Svarið er þetta: þið fáið ekki neitt. Ekkert! Þetta er ekki fjárfesting, þetta er ekki neysla, þetta er ekki sparnaður. Þetta er bara einföld peningabræðsla. Kveikt verður í allri þjóðarframleiðslu Íslands. Ekkert fæst fyrir peningana. Ekkert. Ekki einn eyrir. Þetta er 100 sinnum verra en 100% taprekstur.     

Mikið var nú gott að þetta komst ekki í Munchausen ríkisútvarp Íslands. Það hefði nú verið aldeilis skelfilegt ef þeim fjölmiðli hefði ratast eitthvað annað á varir en kommúnistaávörp Munchausens ríkisstjórar Íslands. Gott að RÚV þurfti ekki leggjast svo lágt að koma fréttum af Alþingi Íslands til lágmúgans á klósettunum. Þar er það ennþá Moskvulínan sem gildir, enda eru þeir jú opinberir starfsmenn, ekki satt? Starfsmenn hins opin bera. 

Forsætisráðherra og fjármálaráðherra Munchausens voru upptekinn  

Fjármálaráðherra ríkisstjórar Íslands gat ekki verið til staðar þegar Munchausen ávarpaði þingið. Hann var nefnilega önnum kafinn við að senda út pantanir til ESB á 310.000 nýjum klósettum handa ykkur öllum. Hann vonar að ábyrgðin gildi margar kynslóðir svo börnin ykkar geti haldið áfram að henda öllum fjármunum þjóðarinnar ofaní klósettin. Forsætisráðherra Munchausen ríkisstjórar Íslands gat heldur ekki verið viðstödd því hún var upptekin við að baka pönnukökur handa Munchausen og fjármálaráðherra Íslands, doktor Jekyll eða herra Hyde. Hún var ekki viss um hvor þeirra myndi birtast í tevatnsboðinu svo hún bakar bara á þeim báðum pönnunum, svona til að vera vel í skjóli skjaldborga sinna.   

Það var gott að þetta gerðist ekki í Evrópusambandinu

Það var eins gott að Þorgerður Katrín Gunnarsdóttir þingmaður var ekki stödd í Evrópusambandinu því þá hefði hún kannski verið handtekin og örugglega þurft að sæta lögsókn því þar er fólk lögsótt fyrir svona lagað. Það er nefnilega búið að ákæra lettneska Diena blaðamaðurinn hann Gunta Sloga fyrir að kalla Evrópusambandsþingmanninn Aleksandrs Mirskis fyrir Barón Munchhausen. Já þetta gerist þarna í Evrópusambandinu sjálfu, þar sem allt er jú svo gott. 

Þetta er sennilega skilgetið afkvæmi handtöku og fangelsun lettneska hagfræðingsins Dmitrijs Smirnovs. Öryggislögregla Evrópusambandslandsins Lettlands handtók nefnilega þennan hættulega mann og varpaði honum í fangelsi fyrir að hafa talað illa um gjaldmiðil Lettlands sem heitir lat. Það er þetta fangelsi sem Munchausen Íslands, herra Össur M. Skarphéðinsson, vill koma öllum Íslendingum í fyrir fullt og allt. Það er þetta sem peningabræðsla ríkisstjórnar Íslands gengur út á. Að bræða Ísland inn í fangelsi Evrópusambandsins. Þið borgið og þrjótarnir hlægja alla leiðina í bankann með peningana ykkar. 

Það versta fyrir Ísland er þó það að Össur Skarphéðinsson er því miður ekki í Lettlandi, því þá værum við laus við hann fyrir fullt og allt. Þar hefði þessi Munchausen sennilega verið sendur til Síberíu og látið þar lífið úr kulda. Eða að minnsta kosti og alveg örugglega sætt ævilangri fangelsun fyrir að hafa talað eins illa um mynt landsins eins og hann og félagar hans í peningabræðslu ríkisstjórnarinnar hafa talað um íslensku krónuna. Sovétríki Síberíu voru eitt sinn draumalendur Össurar Munchausens og Hyde J. Sigfússonar. Þetta eru því miður brunaverðir Íslands núna. Brennuvargar og hugleysingjar!  

Fyrri fræsla

0,00 BANDALAGIÐ

Athugasemdir

[Jón Pétur Líndal, 4.12.2009 kl. 09:19]

Sæll Gunnar. Þetta er afbragðs pistill fyrir utan það hvað þú ferð illa með Munchausen, að líkja Össuri við hann. Munchausen var svo saklaus, sagði bara ýkjusögur sem gaman var að. Össur minnir miklu meira á einhvern gereyðingarbrjálæðing úr James Bond sögu sem er að reyna að gereyða þjóð sinni með dáleiðslu og leynisamningum. Blað og penni og fullt af bulli eru vopnin sem Össur notar. það er í raun ótrúlegt hvað hann er hættulegur með þessa hluti.

[Þorgeir Ragnarsson (IP-tala skráð) 4.12.2009 kl. 13:43]

Geturðu frætt okkur betur varðandi fangelsun þessa lettneska hagfræðings sem þú minntist á?

[Júlíus Björnsson, 4.12.2009 kl. 16:30]

Ég treysti EU til að lækka fiskverð til almennings ekki bara á Íslandi og álpappír líka.

Þar sem Ísland er ekki stórborg sem byggir á mörgum örefnahagseiningum eins og allar hinar í heimum  þá er í samræmi að þjóðartekjur séu ekki hærri hér en að meðaltali í EU sem voru 30% lægri 1990  en hér og 15% eftir að kippt var í spottanna: Þökk stjórnaskrár Seðlabankakerfi Meginlandsins og Evrópska Fjárfestingabanka Þjóðverja og Frakka m.a. 

Enginn verður óbarinn biskup.

Ísland er sannarlega stærsta stórborg að flatarmáli í heiminum. 

[Sigurður (IP-tala skráð) 4.12.2009 kl. 16:31]

Þú ert alger brandarakall Gunnar. Það er nú mikill fengur fyrir okkur Íslendinga að eiga stílsnilling eins og þig til að hressa upp á andann, svona í kappi við hina frábæru og málefnalegu stjórnarandstöðu sem ræðir öll mál af skynsemi og yfirvegun.

[Gunnar Rögnvaldsson, 4.12.2009 kl. 17:54]

Þakka ykkur fyrir innlitið

Já Jón Pétur, þarna fór ég illa með nafn Munchausen. Það er mikið til í þessu hjá þér.

Þorgeir; varðandi hagfræðinginn Dmitrijs Smirnovs og handtöku hans:

================================

Security police drop charges against Smirnovs

 

The Latvian Security Police (Drošības policija/DP) have dropped their case against the economist Dmitrijs Smirnovs, who was jailed for questioning late last year because of critical remarks about the Latvian banking system and the national currency, the lat, according to media reports.

Pending completion of their investigation, the DP banned Smirnovs from foreign travel and, by his own admission, had a chilling effect on his public statements and publications after the arrest. The case brought disgrace on Latvia as a violator of free expression and was the inspiration for this blog.

Smirnovs told journalists he has not changed his pessimistic view of the Latvian economy -- last October, he advised people not to keep their money in Latvian banks or in lats in a panel discussion reported by a Ventspils newspaper, triggering his detention more than a month later.

The DP also called in Valters Fridenbergs, a musician, for questioning because of jokes he cracked to a concert audience about not running off to the nearest cash dispenser (bankomat) because of worries about the Latvian economy and currency. Charges against him were dropped some months ago. 

================================

Kveðjur

[Gunnar Rögnvaldsson, 4.12.2009 kl. 18:06]

Hér er einnig CNN iReport myndskeið  um þessa handtöku Dmitrijs Smirnovs - frá Juris Kaža í Lettlandi

My CNN iReport on the repression of free speech 

[Halldór Jónsson, 6.12.2009 kl. 01:58]

Sæll Gunnar,

Þú segir það sem aðrir vildu segja en þora ekki af einhverri feimni við ráðherradóm þessa manns Össurar. Samt er hann bara Össur bloggari sem bloggað, líklega forkunnarvel vel plástraður,  um goðið Jóa í Bónus svo tekið var eftir. Nú er hann alveg hættur að vera skemmmtilegur eins og hann var þegar hann var bara Össur en ekki Össur ráðherra. O tempora ,O mores !