Bardagahlé Trumps [u]

Uppfært kl 23: Trump sendi skilaboð til stuðningsmanna sinna frá sjúkrahúsinu áðan - stökk síðan út í bíl og keyrði út til þeirra. Eins og er lítur því út fyrir að um örstutt bardagahlé sé bara að ræða. Froðufellir líklega fjölmiðlaveldi Demókrataflokksins heldur betur núna. Og mun CNN-blaðran örugglega ganga hraðast á munnvatnshafi þess

****

Nú gefst kjósendum Bandaríkjanna tækifæri á að lifa án Trumps í nokkra daga. Þetta er stórkostlegt áfall fyrir samsteypu fjölmiðla og gáfumanna vinstrisins, sem lifað og dregið hefur andann á persónu Donalds J. Trump í bráðum fjögur ár

Kjósendur geta allt í einu skoðað hug sinn og velt fyrir sér hvort að flytja eigi til dæmis sendiráð Bandaríkjanna í Ísrael frá Jerúsalem til baka til Tel Aviv. Þar átti nefnilega allt að rjúka í bál og brand. En ekkert gerðist og ekkert haggaðist - nema til hins betra

Og ættum við kannski að fella tollana á Kína niður og halda áfram að fossa bandarískum auðæfum og störfum yfir til kínverska kommúnistaflokksins?

Ættum við kannski að byrja að strjúka kínversku kommúnistunum um bakið á ný, með yfirsérfróðum sérhræðum vestrænna friðþægingaraumingja, þ.e. líberalista í ánauð glóbalkirkju hnattrænna framleiðslu-keðju-fræða? (háskólaþvaðrið)

Ættum við kannski á ný að taka upp Obama-stuðninginn við kjarnorkuvopnasmiði klerkaveldis Írans? Stakkels þeir, lítið sem ekkert nema óseld olía til drykkjar þar núna

Og ættum við á ný að hefja peningasendingar til Palestínumanna og vinda ofan af friðarsamkomulagi Arabaríkja og Ísraels? Er það ekki?

Hvað með Úkraínu? Ættum við að hætta Trump-stuðningi við þá og kannski að draga úr vörnum gegn Pútín-genginu í Austur-Evrópu?

Og ættum við kannski að skila því aukna NATO-framlagi sem Trump tókst að pína upp úr þýsk-evrópska öreigafélaginu í útópíuklóm evru og elíta esb?

Síðan er það Norður-Kórea sem nú bítur gras og þegir sem steinn á síðustu metrunum. Ættum við að halda áfram að láta það félag brjálæðinga pína út úr okkur fjármuni bandarískra skattgreiðenda og aðstoða þá þar með við að koma sér upp kjarnorkuvopnaeldflaugum sem miðað yrði á Oregonríki Demókrata?

Nú hafa bandarískir kjósendur nokkra daga til að íhuga þetta. Nú geta þeir loksins horft til himins og skoðað möguleikana sem felast í Demókrataflokki- dauða og eyðileggingar, þar sem kveikt er í bandaríska fánanum og forseta landsins óskað skilvirkum dauða

Efast ég stórlega um að bandarískur almenningur sé jafn heimskur og samsteypa fjölmiðlahóruhúsa- og gáfumanna vinstrisins. Hann var það að minnsta kosti ekki síðast þegar kosið var

"Kosningar hafa afleiðingar" voru inngangsorð Trumps í kappræðum síðustu viku. Standa þau orð væntanlega meitluð í vitund bandarískra kjósenda næstu vikurnar

Fyrri færsla

Tek undir með Sigmundi Davíð

Athugasemdir

[Kolbrún Hilmars, 4.10.2020 kl. 14:00]

Demokrötum gafst vel að geyma sinn frambjóðanda niðri í kjallara mánuðum saman svo varla geta ein til tvær vikur í eingangrun skaðað kosningabaráttu forsetans. 

[Símon Pétur frá Hákoti (IP-tala skráð) 4.10.2020 kl. 17:13]

Ég hef verulegar áhyggjur af andlegri heilsu helstu og ALeinu íslensku sérfræðinga allra fjölmiðla tengdasonar Björns Bjarnasonar og vefútgáfu moggaræfilsins og RÚV,

Friðjóns Friðjónssonar, D, (talsmanns rafmagnssæstrengsfyrirtækisins) og Silju Báru Ómarsdóttur, VG, núna þegar þær fregnir berast að Donald Trump verði útskrifaður af sjúkrahúsinu á morgun.

Þórðargleði þeirra mun þá fá snarpan endi.

Hvort þau þurfi að leita sér hjálpar vegna hins andlega áfalls, mun koma í ljós.

Og hvað með Kínabankaráðsmanninn, Bí Beng?

Og puntudúkkurnar tvær og Gú Tor Tí hins himneska ófriðar?

Verður ekki allt sóttvarnarteymið að stumra yfir þessum andlegu brökum, nú þegar Dónald frá Ljóðhúsum fer í gang aftur af dúndrandi krafti?

[Símon Pétur frá Hákoti (IP-tala skráð) 4.10.2020 kl. 17:19]

Alveg stórhlægilegt að ALeinu sérfræðingar um bandarísk stjórnmál skuli vera talin hér, ár eftir ár, áratugi eftir áratugi, eins og hélaðir nómenklatúru kratakomma Kremlverjar forðum, Friðjón og Silja Bára.

[Símon Pétur frá Hákoti (IP-tala skráð) 4.10.2020 kl. 19:28]

Þetta er skelfilegt andlegt ástand núna

á kína júró kratakommaliði helstu álitsgjafa

og ríkisstjórnarinnar.

Þannig segir FrRFr að ástand hans og Silju Báru

sé orðið að "Katastrófu á Biblíu leveli"

Og ekki mun katastrófa þeirra minnka þegar 

Dónaldur okkar frá Ljóðhúsum tekur á morgun sæng sína og stormar í rallíin og tvítin.  Til sigurs.

Þá munu kína júró kratakomma varðliðarnir

fá 19. taugaáfallið og beiðast innlagnar á viðeigandi stofnun, á svokallað "Gale anstalt".

Ég fyllist meðaumkvun með katastrófu varðliðanna.

Enda góður postuli í öllum mínum boðskap.

[Gunnar Rögnvaldsson, 4.10.2020 kl. 20:48]

Þakka ykkur fyrir Kolbrún og Símon Pétur.

Fréttir þínar af DDRÚV-rúnkstöð vinstrimanna passa vel við álit mitt á því fyrirbæri fáránleikans, Símon Pétur. Þar fróa vinstrimenn sér viðstöðulaust í Austur-Berlín Reykjavíkurborgar á kostnað skattgreiðenda.

Mér er sagt að stuttbuxnadeild Sjálfstæðisflokksins sé skyndilega hætt að tala um "sænska Wuhan-veiru módelið" og byrjuð að tala um "tyrkneska Wuhan-veiru módelið". Henst er úr einu horni fáránleikans í annað.

Passandi vel við það lýsti tyrkneska ríkisstjórnin því yfir í dag að Jerúsalem væri borg Tyrkja.

Ég bíð bara eftir því að stuttbuxnadeildin hendist yfir í þýska Wunan-veiru módelið, en í því landi eru það fyrst og fremst lágar smittölur og fá dauðsföll í Austur-Þýskalandi sem halda uppi árangri landsins í baráttunni við kínversku Wuhan-veiruna.

Í grein WSJ í gær -Covid-19 Sparks New East-West Divide in Germany - 30 Years After Reunification- segir að smit í Austur-Þýskalandi séu fá vegna þess að þagnað kemur enginn ferðamaður. Allir alþjóðlegir flugvellir landsins eru í Vestur-Þýskalandi. Að Austur-Þjóðverjar eru fátækir, eiga næstum engin börn og kunna enn að hlýða og að skipta sér ekki af því sem Stasi sagði að kæmi þeim ekki við.

Yfirvöld í Rostock fengu meira að segja símtal frá yfirvöldum í Brasilíu sem spurðu "hvernig fóruð þið að þessu". Hugsa ég að hinn íslenski ferðamálaráðherra Wuhan-veiru-útbreiðslunnar hringi því ekki þangað.

Landsframleiðslan á mann í Austur-Þýskalandi er enn ekki nema 73 prósent af því sem hún er á mann í Vestur-Þýskalandi, heilum 30 árum og billjón dala örvunarpakka frá sameiningu. Þarna sést Transfer-Union í verki sem aldrei gengur upp og aðeins mun halda áfram að gera vont verra.

Kveðjur

[Símon Pétur frá Hákoti (IP-tala skráð) 4.10.2020 kl. 22:08]

Já, þetta eru snargeggjaðir aular og ekki hægt annað en að hafa gaman af pistli Palla Vill. um Tyrkja-Villa og Albaníu-Ásdísi, en hún var puntudúkka Engeyinganna í Garðabæ.  Var þar titluð bæjarstjóri. 

Það er allt eins liðið hans Sveins. Síldarverksmiðjur ríkisins og 500 milljarða afskriftir aulanna sem rúnkstöðvarnar gapa framan í, Bí Beng kína innviða bankaráðsmanninn.  En eins og þú veist Gunnar, þá fyrirfinnast engir lærðir og dannaðir journalistar hér á landi.  Hér eru þeir yfirleitt afturbata fyllibyttur eða hafa pungapróf í "stjórnmálafræði" álitsgjafa rúnkstöðvanna, Silju Báru prófessors í vaðli og viðlíkra.

Já, þetta er ekkert grín með Tyrkjasoldáninn ef hann ætlar að slá eign sinni á Jerúsalem.  Það endar með ósköpum.

[Símon Pétur frá Hákoti (IP-tala skráð) 4.10.2020 kl. 23:14]

Dónaldur, langfrændi okkar frá Ljóðhúsum,

gerði sér lítið fyrir og skellti sér í stuttan bíltúr núna rétt í þessu og hyllti stuðningsmenn sína fyrir utan sjúkrahúsið.

Meðaumkvun mín fer vaxandi með Friðjóni og Silju, andlegt ástand þeirra mun nú hraðast til "katastrófískt levels" og allir fjölmiðlar tengdasonar Björns Bjarnasonar munu í engu fá því breytt.    

Dónaldur mun birtast þeim í martröð í nótt með Biblíuna í hendi og munu þau þá ærast og í skásta falli þylja vísur Æra-Tobba þaðan í frá, Agara Gagara, hví eru hér svo margir Dónaldar á sveimi?  Gagara Agara, hví hví og kví kví.

[Ragnhildur Kolka, 5.10.2020 kl. 13:55]

Trump tók rúnt fyrir stuðningsmenn sina eins og sigursæll rómverskur hershöfðingi í gærkvöldi. Glæsileg frammistaða. Andstæðingar hárreittu sig enda sáttir við að kjósa karlinn í kjallaranum. 

[Gunnar Rögnvaldsson, 5.10.2020 kl. 16:29]

Þakka þér Ragnhildur.

Já já, það er þannig. Andstaðan reytir af sér hárið vegna hárleysis Bidens. Bæði Trump og Reagan veifa að sjálfsögðu til stuðningsmanna sinna frá sjúkrahúsinu - og báðir í gegnum glugga.

Biden virðist hins vegar hafa afar fáa til að veifa til, vegna þess að 86 prósent þeirra sem ætla að kjósa Trump segist gera það til þess að fá Trump fyrir forseta. Þeir kasta atkvæði sínu á hann sjálfan. Aðeins 14 prósent segjast kjósa Trump til að losna við að fá Biden.

En, aðeins 41 prósent þeirra sem ætla að kjósa Biden segjast gera það til þess að fá Biden fyrir forseta. Þ.e. aðeins 41 prósent kasta atkvæði sínu á hann sjálfan. En heil 59 prósent segjast kjósa Biden til að losna við að fá Trump.

Hvorir líklegir kjósendur skyldu nú frekar mæta á kjörstað og kjósa?

Vinsældir Bidens eru því afar litlar. Hann á fáa aðdáendur, eða svo fáa að aðeins 18 prósentur allra líklegra kjósenda segja að Biden hafi haft jákvæð áhrif á refsilöggjöfina, einkum þá sem blökkumenn komast mest í kast við.

En 41 prósent segja hins vegar að Donald Trump hafi haft jákvæð áhrif á þá löggjöf.

En hér kemur svo rúsínan í pylsuendanum: heil 41 prósent líklegra kjósenda segja að Kim Kardashian hafi haft jákvæð áhrif á það mál.

Sem sagt raunveruleikastjarna sem fræg er fyrir að vera fræg, slær forsetaframbjóðandann Biden margfalt út í þeim efnum. 

Kveðjur

[Gunnar Rögnvaldsson, 5.10.2020 kl. 16:51]

Kjósendur Bidens eru því ekki sáttir við frambjóðandann Biden. Eru ekki sáttir við að fá hann fyrir forseta.

Ergo: Kjósendur eru því ekki sáttir við að kjósa karlinn í kjallaranum. Þeir gera það til að losna við Trump.