Hvað sagði Trump í dag?

Frá vefsíðu Hvíta hússins á YouTube

****

Fyrst að DDRÚV ríkisfjölmiðill vinstrimanna treysti sér ekki til að segja frá því sem er að gerast í heiminum í dag, þá er hér sú ræða sem forseti Bandaríkjanna flutti í morgun, eftir að Íran skaut 15 skotflaugum á bandarísk skotmörk í Írak í gærkvöldi

Vert er að vekja athygli á því að skotflaug (e. ballistic-missile) er ekki það sama og eldflaug. Skotflaugar fljúga að mestu eftir fyrirfram ákveðinni braut og halda sig á henni með aðstoð leiðréttingarbúnaðs. Þeim svipar til byssukúlu. Eldflaugum er hins vegar hægt að stýra

En með því að skjóta 15 skotflaugum og hitta nokkuð vel í mark, en samt ekki um of, sýndi Íran að það er í standi til að hæfa fjarlæg skotmörk af mikilli nákvæmni og að koma miklu magni af eyðileggingarafli á fyrirfram ákveðinn áfangastað. Skotflaugar Írans ná til Evrópu og þær eru með norður-kóreanska tækni innanborðs. En sérstaklega ná þær vel til skotmarka í Ísrael

Íran kaus að nota ekki þau erlendu landsvæði sem eru á valdi þess, sem skotstöðvar. Skotið var beint frá Íran og þar með var ákveðið að gera skotstöðvarnar sýnilegar til þess að ögra Bandaríkjunum til andsvara, sem Donald Trump ákvað að gera ekki

Hvort að Miðausturlönd séu enn miðja einhvers, er vandséð á viðbrögðum markaða. Olíuverð er á ný komið niður í það sem það var um áramótin. Og eftir ræðu Trumps í dag ákváðu þeir að halda upp á aðgerðir og viðbrögð bandaríska forsetans með því að segja skál og fara í allra hæstu hæðir - og Bandaríkjadalur styrktist og olíuverð féll. DXY er vísitala Bandaríkjadals. BRN er Brenthráolían. Og CL er WTI-Texashráolían

Það sem uppúr stendur er það, að frá og með nú eru Miðausturlönd fyrst og fremst miðja vandamála fyrir meginland Evrópu (og jafnvel Asíu). Þau eru ekki lengur miðja vandamála fyrir Bandaríkin. Hið sama gildir um tolla. Þeir eru fyrst og fremst vandamál hinna útflutningsháðu ríkja veraldar, hvort sem um vörur eða byltingar er að ræða. Íran er stærsti útflytjandi íslamískrar byltingar í heiminum, og líf klerkaveldisins veltur á þeim útflutningi. Hann er skær terror eins og einnig var í tilfelli byltingarútflutnings Sovétríkjanna. Trump herti því enn frekar útflutningstollana á byltingarafurð klerkaveldisins í dag

Donald Trump sagði að svo lengi sem hann væri forseti Bandaríkjanna myndi Íran ekki koma sér upp kjarnorkuvopnum. Það erindi Bandaríkjanna er fyrst og fremst við Íran, og það krefst ekki fastrar viðurvistar Bandaríkjanna í heimshlutanum, því þau geta lagt það prógramm allt í rúst úr fjarlægð, og nú án þess að efnahagslíf Bandaríkjanna sé tekið í gíslingu vegna olíuhagsmuna

Fyrri færslur

Missir af Jóni Val Jenssyni

Enginn talar um ESB í Stóra-Bretlandi lengur 

Athugasemdir

[Ragnhildur Kolka, 8.1.2020 kl. 22:05]

RÚVarar sleikja nú sár sín eftir að Trump lét ekki eftir þeim að starta 3ju heimsstyrjöldinni. þeir hefðu átt að vera minnugir þess að aðeins nokkrum klukkustundum eftir árásina á Suleimani tísti hann - Íran hefur aldrei unnið stríð, en aldrei tapað við samningaborðið.

[Gunnar Rögnvaldsson, 8.1.2020 kl. 22:23]

Já Ranghildur.

Það er átakanlegt með DDRÚV þegar heimurinn passar ekki við pólitíska stefnuskrá þess umboðslausa flokks.

Kveðja

[Gunnar Rögnvaldsson, 9.1.2020 kl. 02:12]

Samkvæmt heimildum frá Írak gætti Íran þess aðvara um skotflaugaárásina, því að rauða lína Trumps er Bandarísk mannslíf. Íran þorir ekki að fara yfir hana. Þess vegna varð ekki bandarískt mannfall. Þess vegna sagði Trump í ávarpi sínu að svo virtist sem að Íran hefði ákveðið að bakka út.

Við skulum fylgjast vel með.

[Valdimar Samúelsson, 9.1.2020 kl. 08:55]

Já Trump stendur sig og mun taka réttar ákvarðanir. Í sambandi við lygar RÚV eða DDRÚV sem er í mínum anda og kalla ég Samgöngustofuna SS. Já málið var að RÚV birti fréttir að falli byggðar í Grænlandi og sagði öfugt við höfund hennar að við hefðu hefðum eyðilagt byggðir vegna ofveiða á rostungum en sleppti því sem höfundar sögðu að Litla Ísöldin hafi átt þátt í því að þessar byggðir hafi hrundið. Fréttablaðið birti þetta með réttri fyrirsögn. Leitt að heyra að Jón Valur okkar er farin en sá frétt á MBL í fyrradag. Kveðja Valdimar.

PS vita menn hvort Árni Matt sé enn að vinna hjá MBL. :-)     

[Gunnar Rögnvaldsson, 9.1.2020 kl. 11:12]

Þakka þér fyrir Valdimar.

Já fréttapólitísk stefnuskrá DDRÚV-flokksins rekst og stangast nær daglega á við veruleikann, og þá er veruleikinn látinn víkja fyrir DDRÚV-stalíninu frá þokulúðrasveitinni við Efstaleyti í Austur-Berlín Reykjavíkurborgar. Sérpólitísk útgáfa DDRÚV af veruleikanum skal út í ljósvakann og niður í hálsa þjóðarinnar, sama hvað það kostar. Enda býr þetta gerpitrýni við nær óendanlega stóran bunka af fé úr vösum okkar og sem enginn annar fjölmiðill i landinu hefur til umráða, og sem notaður er til heilaþvottastarfsemi og pólitískra byltingaráhrifa.

Það undrar mig sífellt að alltaf skuli finnast persónur sem leggjast svo lágt að vilja vinna í fréttagúlagi DDRÚV, og jafnvel bara koma þar til þess að gefa apparatinu einhverskonar blástimplun. Þessu öllu þarf að sturta niður í salernið og frelsa þjóðina úr þessari hálfsovésku ánauð. Þjóðin á betra skilið en þetta.

PS: Ekki er ég sá maður, Valdimar Alaskafari, að geta vitað hver vinnur á Mogganum eða ekki. Ég vona bara að flestir sem þar vinna gott starf geti haldið starfi sínu áfram. Mogginn er nefnilega ekki með sérsovékst sogrör ofan í vasa hvers einasta manns - til þess eins að halda uppi stillimynd af sjálfum sér

Já það er missir af Jóni Val.

Kveðjur

[Símon Pétur frá Hákoti (IP-tala skráð) 9.1.2020 kl. 11:55]

Líklegast er að Bandaríkin dragi sig út úr Mið-Austurlöndum.  Íran og Tyrkland taka við og semja við Ísrael og Sádi Arabíu.  Þannig hefur það verið og þannig verður það.

Á einhverjum tímapunkti verður þú að viðurkenna það Gunnar, að helstu hryðjuverkasamtökin þar niður frá voru kostuð af ríkjum (einkum einu) vestan Persaflóans, en ekki austan hans eins og þið margir mogga bloggarar hafið ranglega haldið fram.  11. september?  Allir þeir sem flugu á tvíburaturnana í New York komu frá því ríki sem helst hefur kostað hryðjuverkastarfsemi og ógnað lífi kristinna manna. Og það ríki er vestan Persaflóans, en ekki austan við hann.

Menn eru að meiri að viðurkenna og hafa í heiðri það sem sannast er. 

[Gunnar Rögnvaldsson, 9.1.2020 kl. 13:36]

Þakka þér Símon Pétur.

Árásin á tvíburaturnana var það sem kallað er fylgifiskur (e. collateral damage) þeirrar borgarastyrjaldar sem geisar í hinum íslamíska heimi.

Þegar Kalda stríðinu lauk þá þiðnaði sá múr sem hélt svæðinu frá Adríahafi til Indlands frosnu sem djúpfrystum átökum. Þau lágu aðeins í tímabundnu dái, því annað og mikilvægara varð að leysa fyrst; þ.e. ráða niðurlögum Sovétríkjanna, sem voru eins konar glóbal hryðjuverkasamtök geðvilltra vinstrimanna.

Al-queda varð einnig glóbal hryðjuverkastarfsemi sem náði um allan heim. Þau samtök varð að uppræta og innrásin í Afganistan og Írak var þáttur í því, fyrir utan það að morðræðis-ríkisstjórn Saddams Hussein varð að fjarlægja, sérstaklega eftir að hann gekk af vitinu og réðst inn í Kuwait.

Ástandið núna er það; að kalífat þeirra sem hugmyndafræðilega stóðu að 9/11 árásinni, hefur um tíma verið upprætt. Það er ekki hægt að gera betur, því það mun á einn eða annan hátt rísa upp á ný. Þannig er hinn íslamíski heimur; Endalausar innbyrðis styrjaldir og bandalög sem koma og fara eins og að um veðurkort sé að ræða.

Íran vantar um þessar mundir stuðpúðasvæði í vestri þar sem Írak er. Þess vegna er Íran að reyna að koma sér upp kjarnorkuvopnum. Það er eins og Rússland sem krefst þess að önnur lönd séu einkaeign þess, og lifi aðeins því til varnar. Að Írak og Úkraína séu drekkingarhylir fyrir innrásarheri og í einkaeigu Teheran og Moskvu.

Útópískir vinstri-taktar í þessum málum fara þér ekki sérlega vel Símon Pétur minn. Vesturlönd þurfa alls ekki að vera fullkomin. Þau þurfa aðeins að vera betri en þessar helvítisholur jarðar. 

Fullkomnun er útópía vestrænna vinstrimanna og sjálf fæðingardeild Sovétríkja.

Kveðjur

[Símon Pétur frá Hákoti (IP-tala skráð) 9.1.2020 kl. 13:39]

Minnumst þessa sem kristnir menn:

Einungis sannleikurinn mun gjöra okkur frjálsa.

Og þannig skulum við hafa það,

en heiðra ekki svo skálkinn 

að við verðum lygum og falsfréttum að bráð.

Eflum hið góða og verum staðfastir í þeirri trú.

Tek svo undir góð orð um fallinn félaga okkar:

Já, blessuð sé minning Jóns Vals Jenssonar.

Við þekktum vel hvor annan og að góðu einu.

[Símon Pétur frá Hákoti (IP-tala skráð) 9.1.2020 kl. 14:02]

Takk fyrir svarið, Gunnar minn kær.

Það er óþarfi af þér að stimpla mig.

Ég svaraði þér bara sem kristinn maður

sem hefur sannleikann einn að leiðarljósi.

Jörðin á ekki að vera "helvítishola"

Mundu Gunnar minn kær, að til þess

fengum við fríviljann, að leita sannleikans.

Og hann er að finna í boðskap Jesú Krists.

Gjör ei öðrum það sem þú vilt ei að þeir geri þér.

[Gunnar Rögnvaldsson, 9.1.2020 kl. 17:28]

Þakka Símon Pétur.

Jörðin er ekki helvítishola. En það er hins vegar óþarfi að gera vesturlönd að helvítisholu saman með hinum helvítisholunum með því að draga í efa hvern einasta andardrátt sem hér á þeim sjálfum -og utan þeirra- er dreginn þeim til varnar, eins og útópískir vinstrimenn gera. Að biðja sífellt um þá fullkomnun sem stofnsetur Sovétríki, í stað þess að taka þátt í framförum, er að verða allsherjar brjálæðislegt-vinstra-sikkópatískt-heilkenni á vinstrimönnum á Vesturlöndum í dag.

Eitt þannig núlifandi viðrini var til dæmis að opinbera sig á Alþingi núna. Guðmundur Andri Thorsson, Samfylkingarviðrini, þykist vera of fullkominn útópíusósíalisti til að vera með í NATO, og gleymir því algjörlega að við vorum bandamenn með versta morðingja mannkynssögunnar til þess að geta ráðið niðurlögum sósíalistabróður hans í Þýskalandi. Síðan tókum við Stalínið hans í nefið. Þessi forgangsröðun var rétt.

Auðvitað væri fínt að ríki Miðausturlanda tækju upp ÞJÓÐKIRKJUR i stað að rembast með þokubakkastrúktúr íslamista. Þjóðkirkjan í kristni er lóðrétt lýðræðisleg trúareining, á meðan íslam er lágrétt allsherjartrú sem virðir ekki landamæri ríkja og flæðir um og reynir að sameina allt í einu allsherjar kalífati. Og vegna þessa eðlis, sem innbyggt er í íslam, og sem knýr endalausar og eilífar borgarastyrjaldir þar, þá rís þessi hugmyndagloría um alls-herjar kalífatið upp, og sem aðeins má líkja við alþjóðabyltingar-kröfur kommúnista, og nú síðast lofthitasinna með hálmstrá í heilastað. Þess vegna segi ég amen við Þjóðkirkju okkar og nei við úníversal imperíal imbastöðvum bjána. 

Já, Patton las því Biblíuna sína "hvern einasta helvítis dag" eins og hann orðaði það. Stattu með þínu fólki. Annars stöndum við ekki.

Já já, - þökk sé Biblíunni erum við sem betur fer ekki helvítishola. Að minnsta kosti ekki enn.

[Símon Pétur frá Hákoti (IP-tala skráð) 9.1.2020 kl. 19:59]

Þakka svarið Gunnar.

[Valdimar Samúelsson, 11.1.2020 kl. 12:04]

Þakka svarið og skemmtilegar athugasemdir frá öllum en  gaman að lesa þær. :-)