Vesturlönd voru auðtrúa

Þegar hið svo kallaða hrun Sovétríkjanna varð, létu Vesturlönd blekkjast. Sovétríkin dóu ekki, heldur lifðu þau áfram sem Rússland. Sovéska lagakerfið lifði áfram. Skrifstofubáknið lifði áfram. Leyniþjónustan lifði áfram. Herinn lifði áfram. Miðstýringin lifði áfram. Rússland hélt einfaldlega áfram að vera landið sem aldrei fékk iðnbyltingu og hefur ekki fengið hana enn. Rússland hafði heldur aldrei haft frjálsa markaði og hefur það ekki enn. Rússland hafði aldrei verið lýðræði og er það ekki enn. Og Rússland hafði aldrei verið réttarríki - og er það ekki enn

Við hverju búast menn af svona ríki? Jú, ef maður er raunsær þá býst maður við Sovétríki. Miðstýrðu sovétríki, sem heitir Rússland í dag. Lítið gott er í vændum þaðan. Enda keyrir það á kínverska kommúnistamódelinu núna og laðar til sín fjárfestingar nytsamra kjána. Nóg er til af þannig rómantískum kjánum í dag. Sérstaklega í Þýskalandi. Það var reyndar einmitt þetta sem Perestroika gekk út á; að framlengja lífi Sovétríkjanna

Fyrri færsla

ESB reynir að hanga á nöglunum í klerkaveldinu Íran

Skripal smáseiði með valdamikinn óvin

Athugasemdir

[Valdimar Samúelsson, 17.9.2018 kl. 10:05]

Gunnar spurningin er hafa þeir...deep state... eða er þetta allt upp á yfirborðinu. Ég/við hjónin fór með Síberíulestinni fyrir töluvert mörgum árum c.15.. Þá var heldur bágt ástandið á mannvirkjum en fólkið var líflegt en maður sá að það voru undirheimar. Við vorum nærri heilan dag að komast inn í Mongólíu vegna tollskoðunar enda mikið smyglað þar á meðal kókein flutt í hveitipokum á milli vagna jafnvel lambsskrokkar en tollverðirnir byrjuðu fremst og unnu sig aftur í lestarvagnana. Þetta voru auðsjáanlega gengi að verki. 

[Gunnar Rögnvaldsson, 17.9.2018 kl. 10:57]

Þakka þér Valdimar.

Þú komst þá ekki auga á þá olíu í ríkiseigu sem Perestroika-armur kommúnistaflokksins keypti af ríkinu á 1 prósent af heimsmarkaðsverði, og seldi hana úr landi á heimsmarkaðsverði, og flutti hagnaðinn til baka inn í Rússland með aðstoð 100 nýrra banka sem Perestroika-armur kommúnistaflokksins hafði stofnað innanlands og svo 600 banka sem hann hafði stofnað erlendis til að þvo svona peninga sem "vestræna fjárfestingu" inn í Rússland.

Pútín var í Perestroika-armi flokksins í KGB og hefur nú sigrað. Vesturlönd voru þarna á fullu að skála fyrir hruni Sovétríkjanna, en sem voru hins vegar ekki hrunin, heldur einungis í endurnýjun. Bara þetta eina olíudæmi svaraði til 30 prósenta taps í landsframleiðslu Rússlands og fór fram á meðan almenningur svalt. Allt skyldi gert til að bjarga sovétríkisklíkunni í nýju Rússlandi, og það tókst, eins og menn sjá í dag.

Bandaríkin eru einmitt núna að hefja rannsókn á Danske Bank, skrifaði Wall Street Journal á föstudaginn. Um er að ræða tæplega 100 þúsund peningatilfærslur tengdar rússneska Perestroika-útibúinu í Eistlandi:

U.S. law enforcement agencies are probing Denmarks largest bank over allegations of massive money laundering flows from Russia and former Soviet states, according to a person familiar with the matter and documents reviewed by The Wall Street Journal (WSJ).

Vesturlönd áttuðu sig ekki á því sem var í gangi í Rússlandi og hentu endalausum björgunarhringjum í Perestroika-arm kommúnistaflokksins fyrir tilstilli m.a. AGS, lána og ábyrgða.

Kveðjur

[Valdimar Samúelsson, 17.9.2018 kl. 13:44]

Þakka fyrir þetta nei engin olía né olíuturnar á freðmýrunum en þetta var árið 2000. Já vissi ekki að kommúnistaflokkurinn hafi náð völdum á olíunni en þér var meirasegja boðið starf á freðmýrunum eftir Alaska olíuævintýrið mitt árið 1977 en það var líka Crowly sem ætluðu að sjá um flutning og mig minnir Bectel hafi komið við sögu. Ég man eftir einu atviki sem kannski einhvað sé að marka en var á skemmtiferðaskipi og borðaði með amerískum fjárfestum meðal annars en talið barst að íslandi og sögðust þeir ekki koma nálægt Íslandi vegna rússanna í peningaheiminum þar. Þetta var árið 2007 vissi allur heimurinn að bankarnir á Íslandi myndu hrynja. Gunnar þetta var útidúr en það er oft undarlegt hvernig málefni tvinnast saman. Þakka líka. 

[Sigþór Hrafnsson (IP-tala skráð) 17.9.2018 kl. 19:54]

Sæll Gunnar

Þarna er ég sammála þér. Við þetta má bæta að IMF hafði nokkuð með þetta að gera í upphafi. Öll verðmæti Rússa voru einkavædd á einni nóttu í landi með  gjaldmiðil sem var hruninn. Hlutabréfunum var skipt á milli allra landsmanna. Þeir fóru samstundis á torg með þau til að selja hæstbjóðanda. (Þar koma Ólígarkarnir inn og keyptu á torgum eins og engin væri morgundagurinn!) Þar fyrir voru kennarar að skipta á hnetusmjörinu sem þau höfðu fengið útborgað þennan mánuðinn.

Annað lykilatriði sem IMF, eða hver sem það var, gerði var að bókum Ayn Rand var dreift í bílförmum í skólana til unga fólksins. Árið 2012 fékk ég þetta staðfest hjá rúsneskum háskólanema þ.e. Ayn Rand er eingöngu vinsæl á meðal ungs fólks og það ekki fyrr en eftir 1991.

Út úr þessu kom svo massíft glæparæði sem minnir einna helst á ástandið í Chicago á tímum Al Capone.

Það var búið að ástandssetja Rússanna huglægt löngu áður en IMF mætti á svæðið. Eftir á að hyggja þá vekur þetta furðu. Hvað voru þeir eiginlega að hugsa?

[Gunnar Rögnvaldsson, 17.9.2018 kl. 21:40]

Þakka þér Sigþór.

Já og nei. Perestroika hófst meðal annars á því 1986 að KGB og Komsomol komu á laggirnar þeim gjaldeyris- og hlutabréfamörkuðum og hlutafélaga-skeljum sem þú nefnir hér. En það voru deildir stjórnmálaráðsins (Politburo) og KGB (First Chief Directorate) sem störtuðu  undirbúningi Perestroika árið 1984. Svo ekki dugar að nota Rand marktækt sem innlegg í þetta mál. Þú þekkir kínverska módelið. Þar er engin Rand. Bara venjulegur Lenín með vindil.

Kveðjur

[Sigþór Hrafnsson (IP-tala skráð) 17.9.2018 kl. 22:44]

Gunnar, hvað sem öðru líður þá er Randísk hugsun stór þáttur hjá Putin, eins og sjá má hér https://foreignpolicy.com/2013/08/09/how-vladimir-putin-explains-ayn-rand/

En auðvitað eru Rússar enn Rússar, en núna með Gangsterlýðræði. Lenín er draugur í koffortinu sem að Pútin notar sér til hjálpar. 

Það eina sem Pútin þarf að passa upp á er að Vodkinn haldi áfram að flæða, ef að Rússar yrðu óvænt edrú þá væri fjandinn laus!

[Gunnar Rögnvaldsson, 17.9.2018 kl. 23:46]

Það er nú svo margt skrifað Sigþór. Hvorki Pútín né stjórnmálaráð hans hafa neinn áhuga á þannig vestrænum bókmenntum.

En hvað sem því líður á gamla Sovétríkið allt hjarta núverandi forseta Rússlands. Hann hefur alltaf haldið tryggð við gamla Sovétríkið. Eins og þú kannski veist lagði KGB þá skýrslu fram fyrir stjórnmálaráð Sovétríkjanna í byrjun 9. áratugarins að þau væru að tapa Kalda stríðinu vegna tækni- og vopnaframfara á Vesturlöndum (einkum í tölvun) og þar væri þróunin orðin svo hröð að engin leið væri að stela henni lengur og herma hana eftir (e. reverse engineering). Pútín hafði starfað við tækniþjófnaði frá Vesturlöndum og frá Austur-Þýskalandi, þar sem Robotron var staðsett í Dresden og sá allri Sovét-blokkinni fyrir miðlægum tölvukerfum og  einkatölvum.

Þess vegna yrði að koma á fót Glasnost, sem gekk út á að opna glugga út til Vesturlanda og endurreisa eða enduruppsetja (reconfig) Sovétríkin með því að stela ríkiseigum þess og þvæla þeim í gegnum KGB-stofnaðar þvottastöðvar á Vesturlöndum og koma þeim aftur inn í Sovétríkið í formi "erlendra fjárfestina", en sem í reynd voru ekki erlendar nema að nafninu og að hluta til. Þarna starfaði Pútín. Og þarna duttu flestir flokksmenn kommúnistaflokksins ofan í peningapottana og þeir sem héldu að það ætti að umbæta (e. reform) Sovétríkin, slógust við vindmyllur árum saman. Slíkt stóð aldrei til.

Þessu starfi er nú að verða lokið. Nýja Sovétríkið er að verða klárt í slaginn - fyrir tilstilli naívisma Vesturlanda. Hið sama gildir um Kína.

[Vilhjálmur Örn Vilhjálmsson, 18.9.2018 kl. 07:18]

Æi, það er fýla af þessari grýlu þinni, Gunnar. Heldur þú að þvættið í Den Danske Bank hafi verið KGB þvottur? Það er hægt að lesa sér betur til en þú hefur gert í þessu bloggi. Við fáum brátt allar upplýsingar um mál Danske Bank í Eistlandi.

[Gunnar Rögnvaldsson, 18.9.2018 kl. 10:02]

Herra Alvitur Örn með Nef. Ég skrifaði:

"Bandaríkin eru einmitt núna að hefja rannsókn á Danske Bank, skrifaði Wall Street Journal á föstudaginn. Um er að ræða tæplega 100 þúsund peningatilfærslur tengdar rússneska Perestroika-útibúinu í Eistlandi:"

Þeir 600 bankar sem Perestroika-hagkerfið var í jöðrum Rússlands og á Vesturlöndum, taldi að sjálfsögðu Eystrasaltsríkin ÖLL. Það er það sem ég skrifaði. Slíkt þarf ekki að halda. Slíkt þarf ekki nef til að þefa uppi. Og slíkt þarf engar grýlur til að grýlast á.

Ef upplýsingarnar um Danske Bank eru mjög slæmar, er lítil hætta á að við fáum þær eins og þær eru; þú manst jú lögbannið á "magtudredning"-lista danska þingsins. Þaðan berast bara góðar fréttir, því annar rúllar Danmörk yfir um, með dönsku krónuna bundna fasta við svarthol og dönsk heimi sem verandi 2.8 milljón nurlara-sérfræðinga í lána-konverteringum heila þrjá sólarhringa inn í óvissa framtíðina í senn og sem þola ekki tvö prósent vaxtahækkun án þess að öll Danmörk fari í þrot. Og þar sem Anders Fogh var stjórnarmeðlimur í banka þar um slóðir passaði Svoboda að upplýsa Vesturlönd um það, í einum grænum. Þú manst hvað gerðist með Roskilde Bank, honum varð skilyrðislaust að bjarga svo að danska krónan missti ekki öndunarvéla-stuðninginn í Frankfurt. Hann og lánasafn hans rotnaði upp á bara nokkrum vikum.

Það er í sjálfu sér frétt, og búið að vera síðan í apríl, að verið sé að rannsaka hátt í hundrað þúsund færslur Danske Bank til og frá Eistlandi og sem danska fjármálaeftirlitinu sást yfir og sem hefur verið ávítað fyrir grófa vanrækslu fyrir að hafa ekki stöðvað og rannsakað, í því sem nú er sagt að geti verið stærsta peningavottamál nokkru sinni, og það með peningum sem fjölmiðlar segja að séu greiðslur fyrir glæpi og morð.

Nef markaða hefur sent hlutabréfin í Danske Bank niður um 32 prósent síðan í apríl, er þetta mál fór að komast í fréttir þegar seðlabankastjóri Lettlands var handtekinn.

Danmörku vegna má vona að þetta mál fari ekki alveg hörmulega illa. 

[Gunnar Rögnvaldsson, 18.9.2018 kl. 10:20]

Ofan í þetta mál bætist svo gremja Bandaríkjanna, sem halda uppi hernaðarmætti NATO, yfir því að vera skuldbundin til að verja Eystrasaltsríkin, sem eru með því sem næst geislavirk útibú Rússlands inni í sjálfum sér.

[Borgþór Jónsson, 18.9.2018 kl. 16:14]

Þú ert undarlega fáfróður aumingja maður.

"Vesturlönd áttuðu sig ekki á því sem var í gangi í Rússlandi og hentu endalausum björgunarhringjum í Perestroika-arm kommúnistaflokksins fyrir tilstilli m.a. AGS, lána og ábyrgða."

Þessi lán voru ekki björgunarhringur til einhvers Peristrpika arms.

Þetta voru peningar sem voru notaðir til að tryggja völd Yeltsyns sem sat sauðdrukkinn meðan vestrænar ríkisstjórnir rændu auði Rússnesks almennings hömlulaust og voru að leggja grunn að þjóðarmorði í landinu.

Aldrei nokkurntíma hefur ein þjóð verið rænd jafn kyrfilega og Rússar á þessum árum.

Tugir þúsunda manna létu lífið ,beinlínis vegna þessara aðgerða og hundruð þúsunda sem óbein afleiðing.

Milljónir manna flúðu land.

Þetta var einstaklega hrottafengin árás.