Hver er munurinn á viðbrögðum Bretlands og Berlín-Brussel við efnavopnaárás?

Stutta svarið er; gas og orka. Bretland er ekki háð Rússlandi í orkumálum. Berlín-Brussel er háð Rússlandi í orkumálum

Lengra svarið er það; að Lundúnir líta öðrum augum á Moskvu en Berlín-Brussel, vegna þess að Lundúnir nota ekki sama kíkirinn á utanríkismálin og þann sem meginlandið notar. Kíkir meginlandsins er blindur á öðru auganu gagnvart Moskvu á meðan kíkirinn í Lundúnum sér hlutina með báðum augum, þ.e. eins og þeir eru

Lundúnir sjá það sama í kíkinum og Washington sér nú, eða frá og með 2008, þegar heimurinn sem búinn var til 1945 og 1991, hrundi til grunna og Moskva byrjaði að flæða út yfir landamæri sín. Nokkuð sem stjórnarskrá Gamla testamentis Biblíu Vesturlanda bannar. Og sem merkilegt nokk gerðist þegar Rússland flæddi inn í Georgíu aðeins fjórum vikum áður en banki Lehmansbræðra féll og hélt Vesturlöndum uppteknum við hrun alþjóðavæðingar og Evrópusambands. Þar samstilltust utanríkismála-sjónaukar engilsaxneskra manna og eru samstilltir enn

Lincoln forseti gefur Grant hershöfðingja fyrirmæli

London ætlar ekki að sökkva til botns með Evrópusambandinu og Donald J. Trump er kominn í stað glóballar í Hvíta húsið og hefur kveikt þar á glóðarperum Edisons aftur. Þaðan koma nú glóbellir fljúgandi út um gluggana, með glóbalista-merkið þrykkt fast á afturendann, með þrus prenttækni Trumps. Utanríkisráðherra Tillerson kom út um norðurgluggann í fyrradag og þrír aðrir glóbellir komu upp um skorsteininn sem Lincoln notaði áður en Grant hershöfðingi, standandi við hinn sama arin, en þá forseti, gerði þá skyssu árið 1871 að óska Þýskalandi til hamingju með vegferðina upp á "veginn til lýðræðis", en sem endaði hins vegar með engu lýðræði, heldur með 150 milljón manna líkhúsi meginlands Evrópu, undir lúmskum formerkjum stjórnarfarslegrar alræðisástar, þar sem stjórnmálin eru þjóðnýtt, eins og þegar hefur gerst í Evrópusambandi og Rússlandi. Hin, að því er virðist, erfðafræðilega arfleið stór-meginlands Evrópu og rugludalla þess í "stjórnmála-vísindum" virðist vera orðin óafturkallanleg stökkbreyting á Evrópu, sem er næst minnsta heimsálfa veraldar og skagi út úr tröllauknu meginlandi Rússlands

En Skotar kusu sem betur fer að halda afturendanum á Bretlandi lokuðum og Lundúnir þurfa því ekki að óttast um líf sitt vegna samninga Skota við glötun úr austri. Slíka samninga geta Skotar ekki gert svo lengi sem Bretland er stjórnarfarslegt heimsveldi Anglo-American-arfleiðar Íhaldsmanna. Og svona til að kilta forvitni þeirra sem eitthvað muna, þá gerðu Stóra-Bretland og Pólland með sér varnarsamning um síðustu jól kristinna manna, eftir að DJT hafði blessað Varsjá og tekið sér sæti undir Hamrinum. Í leiðinni og til frekari útskýringar er hægt að geta þess að Kanada fær að vera sjálfstætt ríki vegna þess að afturendinn á því er lokaður með Monró úr ís. Annars væri það land hluti af Bandaríkjum Norður-Ameríku. Og Québec fær leyfi til að tala frönsku vegna þess að Bandaríkin eru með afturendann á Kanada lokaðan. Annars væri Québec á ensku

Pútín Rússakeisara vantar nú bráðnauðsynlega sem flesta óvini sem líta út fyrir að vera að eyðileggja komandi kosningar þann 18. þessa mánaðar. Þar verður Pútín endurkjörinn, eða næstum því sjálfkjörinn. En hann vantar þó lífsnauðsynlega sjálfa kjörsóknina. Hann vantar alveg lífsnauðsynlega að geta sýnt fram á vissa lágmarks kjörsókn fyrir sig og einnig þá sem fyrirfram ákveðið er að tapa muni kosningunum. Því án kjörsóknar á Pútín á hættu að vissir menn í Vestri geri grín að kosningunum með því að segja að hann sé ekki lögmætur keisari Rússlands. Fregnir um að nemendum hafði verið mútað með hærri einkunnum ef þeir kjósi, berast til dæmis frá Tatarstan

Kjörsókninni má þoka upp með því að sýna kjósendum, svo ekki verður um villst, hvað gerist með þá sem kjósa alls ekki. Að því leytinu koma fregnir af efnavopnaárás á þá sem svíkja, sér vel. Með þessu er ég ekki að fullyrða að keisarinn standi að baki árásinni á Bretlandseyjar, það veit ég ekki með vissu. En hún kemur sér óneitanlega vel. Moskva hefur þegar gefið út yfirlýsingar um að engilsaxneskir séu að reyna að eyðileggja komandi endurkjör rússneska keisarans

Rússland Pútíns stendur afar veikt núna. Efnahagurinn er slæmur og keisarinn ræður þar litlu um, því söluverð orkunnar er svo lágt á heimsmarkaði og hernaðarútgjöldin eru að sliga rússneska ríkið í þeim aðstæðum. Það var einmitt þessi baneitraða blanda sem dró Sovétríkin til dauða. Og þegar Sovétríkin féllu, þá féll um leið sovéski-múrinn gegn vestrænum áhrifum og lýðræði, frá Balkanskaga til Indlands. Við bráðnun þess múrs fór íslam yfir í eins konar jökulhlaup og er þar enn. Ferðalag rússneska keisarans Pútíns til Sýrlands var því sett á svið sem Potemkin-alþjóðlegur áhrifamáttur Rússlands fyrir kosningar á heimavelli. Það var gert til að reyna að halda rússneskum kjósendum við þá mikilvægu hugsun að atkvæði þeirra skipti enn máli í kosningunum næstkomandi sunnudag. Þetta er svona, því keisarinn og hirð hans óttast ekkert meira en þann hrylling að kjósendur missi trúna á hið pólitíska kerfi Rússlands. Og ef þeir kjósa ekki, þá þýðir það að kjósendur hafa misst trúna á hina pólitísku hugmynd sem heitir Rússland. Síðast þegar það gerðist þá féll keisarinn og kommúnistar komust til valda og gerðu byltignu. Þetta gerðist svo aftur þegar þeir misstu völdin vegna þess að fólkið hafði ekki lengur trú á hinni pólitísku hugmynd sem hét Sovétríkið. Kjörsóknin er því aðalatriðið hér. Hana verður að pína upp, því annars er allt og meira til í stórkostlegri hættu fyrir Rússland sem ríki

Gerist þetta aftur núna, eða á næstu árum, sem er alls ekki ólíklegt, þá getur rússneska þjóðin þó enn leitað til Rétttrúnaðar-kirkju Krists, því hún er þjóðkirkja og gufar ekki upp eins og keisari og Sovétríki. Og vert er að geta þess að á bréfsefni patríarks hennar stendur enn prentað heimilisfangið Konstantínópel, sama hversu hátt og mikilvæg Moskva gnæfir yfir öllu

Þetta er staðan núna. Stórríki í upplausnarferli með fimmtán þúsund kjarnorkuvopn innanborðs, er lítið til að hlægja að

Fyrri færsla

Hverjir fengu best borgað fyrir að sjá inn í framtíðina?

Athugasemdir

[Borgþór Jónsson, 16.3.2018 kl. 10:16]

Þegar þú skrifar um einhveer málefni væri ekki vitlaust fyrir þig að leita þér upplýsinga umm málenið svo þú vitir eitthvað umm það.

Annars áttu til að koma svolítið asnalega út.

Putin skortir ekki óvini.óvinir er líklega það sem hann á mest af.

Þjóðverjar hafa nú gefið út skriflegar leiðbeiningar í nokkrum liðum, til Rússneskra kjósenda um hvernig best sé að eyðileggja kosningar. 

Eins og þú kannski veist nýtur Putin mikilla vinsælda í Rússlandi og vestræn ríki eru eiginlega búin að gefast upp á að steypa honm af stóli. Áralangar ofsóknir gegn honum hafa engu skilað.

Nú er verið að reyna að búa til einhverskonar gerviveruleika þar sem grunnstefið er, að þrátt fyrir miklar vinsældir hafi Putin samt ekki almennilegt umboð,af því kosningaþáttaka hafi verið lítil. Þess vegna gefa vesturlönd út leiðbeiningar til Rússneskra kjósenda hvernig eyðileggja eigi kosningar.

Ég veit að sjálfsögðu ekki hvort þú ert svo einfaldur að þú trúir þessu bulli,eða hvort þú ert að halda þessu fram gegn betri vitund.

Ef við erum að mæla eitthvað verðum við að hafa eitthvað viðmið til að vita hvort það er mikið eða lítið í stóra samhenginu. Við verðum að hafa aðrar mælingar.

Líklegt er að kjörsókn í Rússlandi verði um 67%

Líklegt er að Putin fái um 65% atkvæða.

Þetta gefur honum umboð frá um 43% kjósenda.

Þessar tölur eru frekar svartsýnar fyrir hönd Putins.Líklega verður útkoma hans aðeins betri

Til samanburðar þá hefur Bandaríski forsetinn umboð um 32% kjóseenda og ég held að íslenski forsetinn nái ekki 30%.

Umboð Putins er því afar sterkt,MIÐAÐ VIÐ umboð annarra þjóðhöfðingja á vesturlöndum.

Kjörsókn í Rússlandi mun væntanlega hanga í 70% ef ekkert óvænt gerist.

Í Bandaríkjunum 2016 var hún 58%. Eru þá ekki Bandaríkin Hætt að vera ríki.

Þar er kjörsókn afar lítil og forsetinn hefur ekki meirihluta atkvæða þeirra sem þó kusu.

Ef þú ert að skrifa um eitthvað efni, væri betra fyrir þig að skrifa eitthvað vitrænt um það í stað þess að álpast áfram í einhverjum sýndarveruleika.

Ég veit að það er í tísku núna að búa sér til sinn eigin veruleika,en það sr samt á útleið nuna held ég.

Putin er án nokkurs vafa besti þjóðarleiðtogi á vesturlöndum í dag, Hann hefur skýra stefnuu sem hann fylgir eftir af festu.Hann hefur siglt Rússlandi í gegnum afar erfitt tímabil og náð mjög góðri lendingu. Allir vita hvert hann er að fara.

Það er í raun kraftaverk hvernig honum hefur tekist að þróa sitt samfélag undir stöðugum árásum frá auðugustu ríkjum heims.

Flestir þjóðarleiðtogar á vesturlöndum fleyta sér áfram dag frá degi ,enda eru þeir flestir óvinsælir í sínumm löndum og stjórna í raun litlu. Trump er sennilega eitt hörmulegasta dæmið um þetta,en hann hefur algerlega verið sviftur völdum og hefur verið neyddur til að raða kringum sig fólki sem hefur allt aðra stefnu en hann kynnti í kosningabaráttunni.

Nú reynir hann að fleyta sér áfram á gífuryrðum og rógburði eins og flestir stjórnmálamenn á vesturlöndum í dag.

Bandarísk stjórnmál eru ekki þjóðnýtt,þau taka sífellt á sig fleiri einkenni fasísks kerfis. Samruni stjórnmála,fjölmiðla og stórfyrirtækja.Ritskoðun,njósnir um borgarana sem á sér engann samanbuð í sögunni og stöðugt ofbeldi gegn öðrum þjóðum. Bæði hernaðarlegt og efnahagslegt.

[Borgþór Jónsson, 16.3.2018 kl. 10:28]

Vil kannski bæta því við að það er í raun kraftaveerk hvað það kjósa margir í Bandaríkjunum,þó kjörsóknn þar sé að sjálsögðu hraksmánarleg.

Bandaríkin er mér vitandi ,eina ríkið á vesturlöndum sem reynir að koma í veg fyrir að fólk komi á kjörstað.

Þetta er eins og þú veist ,gert með því að Demokratar setja reglur eða lög sem þeir telja að muni gera Republikunum erfitt að fara á kjörstað og öfugt.