Leita í fréttum mbl.is

Frakkland: ein allsherjar höfnun og klofningur

Élection présidentielle 2017  la carte des résultats

Umdæmi: Macron: gult | Le Pen: dökkgrátt (krækja)

Úrslit fyrstu umferðar frönsku forsetakosninganna liggja nú fyrir. Emmanuel Macron fékk 23,86 prósent atkvæða og Marine Le Pen fékk 21,43 prósent atkvæða. Þau tvö berjast síðan um forsetaembættið á komandi vikum

Öllum gömlu flokkunum hefur hér með verið hafnað og úthýst. Þeir koma ekki lengur til greina í embætti forseta Frakklands á næstunni. Spyrja má hvort að kjósendur séu að hafna því sem gömlu flokkarnir hafa komið til leiðar á undanförnum 70 árum, þ.e. frá styrjaldarlokum

Frakkland er klofið í tvennt. Algerlega öndverðir pólar berjast um embættið. Kjósandi Macrons talar helst ekki við kjósanda Le Pens. Annar frambjóðandinn hafnar því mikilvægasta sem franska byltingin boðaði: þ.e. sameiginlegum örlögum þjóðarinnar. Að hún yrði að standa saman um sameiginlega sögu, tungumál og menningu, því aðeins þannig væri hægt að deila sameiginlegum örlögum og styðja við þjóð sína innbyrðis (fraternité). Það þyrfti þjóð til þessa og til að þjóðin geti verið þjóð verður hún að eiga sitt þjóðríki

Þessu hafnar Emmanuel Macron, en þessu berst hins vegar Le Pen fyrir. Hún vill varðveita andann úr frönsku byltingunni en hann vill það ekki

Þetta er nokkuð eins og sagan um Evrópusambandið. Þýskalandið sem vildi ekki deila örlögum með Grikkjum né heldur Suður-Evrópu. Þegar áföllin dundu yfir þá hvellsprakk Evrópusambandið við fyrsta mótbyr og engin sameiginleg útkoma kom úr hvellinum. Byrðunum var ekki dreift jafnt. Það varð til ein útkoma í Grikklandi, önnur á Spáni, ein í Finnlandi og önnur í Frakklandi og svo framvegis. Evrópusambandið féll eins og spilaborg, en eftir stóð Evrópa. Sagan kom þarna heim úr sumarfríi sínu, sem hófst árið 1945. Evrópa hafði ekkert breyst

Við hefðum aldrei sökkt Vestmannaeyjum til að bjarga Akureyri. Og heldur ekki aumingja Reykjavík. Ísland er nefnilega þjóðríki og við erum þjóð sem á sér sameiginleg örlög. Það er Evrópa ekki. Hún er einungis landfræðilegt heiti og verður aldrei neitt annað. Við munum aldrei nokkru sinni sökkva Íslandi til að bjarga neinu öðru landi og síst af öllu skrifstofuveldi imperíalista

Ljóst er, sama hver verður næsti forseti Frakklands, að vaxandi ójafnvægi og ófriður mun ríkja innanlands í Frakklandi á næstu mörgum árum. Á sama tíma er landið njörvað niður í Evrópusamband sem er að springa í loft upp. Mun Frakkland þola þetta. Mun það rifna í sundur. Verða gömlu björgunarbátar frönsku þjóðarinnar brotnir í spón (þjóðríkið og landamæri þess), eða er kannski þegar búið að sökkva þeim. Getur landið snúið við heim

Eins og sést á kortinu, hafa menn kosið sterkari varnir og sterkari landamæri, því nær sem þau liggja að daglegu lífi þeirra. Varnarleysið er þar mest. Utanlands-umdæmin kusu eðlilega rautt: þau vilja meiri peninga frá aðalstöðvunum, því þau liggja í langvarandi massífu atvinnuleysi, eins og ástandið er reyndar líka, að miklu leyti, heima í blessuðum aðalstöðvum Evrópusambandsins í Frakklandi. Hvað verður um Frakkland, spyr ég. Mun það sökkva sér til að bjarga skrifstofuveldi. Það efast ég um

Það sem gildir núna fyrir þjóðir Evrópusambandsins -og sem er einmitt í gangi í Evrópu núna- er að reyna að tryggja sig sem best gegn drukknun áður en sambandið springur endanlega í loft upp og allir ætla að synda út um sömu botnlokuna samtímis, þegar sambandið og mynt þess sekkur. Ekkert land vill verða nýtt Grikkland á botni Evrópu. Þeir sem hugsa minnst, munu drukkna. Engin sameiginleg örlög eru í pakkanum - og hafa aldrei verið

Fyrri færsla

Eru ESB-sinnar aumingjar? Já, oft eru þeir það


« Síðasta færsla | Næsta færsla »

Athugasemdir

1 identicon

Það er mikið gleði efni að sjá þetta þroskamerki hjá frönsku þjóðinni sem er langt komin með að kjósa sér jafnaðarmann sem forset, mann sem er mikil Evrópu sinni og vill veg Evrópusambandsins sem mestan. Það má því túlka úrslit kosninganna sem sigur Evrópu sinna og sigur Evrópu sambandsins og sigur jafnaðarmanna í leiðinni.

Helgi Jónsson (IP-tala skráð) 24.4.2017 kl. 11:58

2 identicon

Það er vonandi að fleiri þjóðir t.a.m Ísland sýni jafn mikið þroska merki og franska þjóðin er að gera þ.e að hafna hægri öfga þjóðernishyggju og sjái ljósið í jafnaðarstefnunni

Helgi Jónsson (IP-tala skráð) 24.4.2017 kl. 12:08

3 Smámynd: Gunnar Rögnvaldsson

Þakka þér Helgi.

Þær eru broslegar athugasemdir þínar og innatómar.

Það er reyndar Evrópusambandið sem nú stendur fyrir "þjóðernishyggjunni" sem þú talar um og fordæmir. Þar skiptir þjóðernið öllu máli núna. Þar skipti það allt í einu öllu máli þegar á reyndi. Það skipti nefnilega öllu máli hvort að þú varst og ert Grikki eða Þjóðverji eða Spánverji eða Íri eða Finni eða Ungverji þegar á reyndi og áföllin dundu yfir og sem enn standa óleyst níu árum eftir að þau dundu yfir. Þetta er heimsmeti í getuleysi. Þýskaland ætlaði ekki að borga fyrir Grikki né neinn annan. Þýskaland ætlaði ekki að borga fyrir neinn nema sjálft sig. Þetta er þjóðernishyggja og hún er vatteruð með heimsku Evrópusambandssinna sem virðast vera kynslóð glærra gáfumenna með grjót í heilastað. Svo mikil er hugsun þeirra að hún jafnast á við heilastarfsemi gjósthrúgu.

Ergo ESB-absúrdiztanista: "það þarf að stöðva Evrópusambandið til að stöðva þjóðernishyggju þess, sem til þessa felst í því að afvopna ríkin til þess eins að geta drekkt þeim varnarlausum með þjóðernisstefnu í áföllum". Þeir sem sjá ekki hversu holur málflutningur þetta er, eru sannarlega bæði blindir og heyrnarlausir.

En reyndar byggir frjálslynt lýðræði nútímans og fortíðar á þjóðernishyggju, sem er næsti bær við móðurástina. Því að þjóðin er forsendan fyrir sjálfsákvörðunarrétt hennar og þar með frelsi hennar. Frelsið sem af því leiðir, þ.e. þjóðfrelsið, er forsendan fyrir lýðræði: þar sem fólk deilir sameiginlegum örlögum, en drekkir ekki hvort öðru, eins og í Evrópusambandinu.

Niðurstaða frönsku byltingarinnar var rétt. En framkvæmd hennar, niðurstöðunnar, hefur hins vegar farið út um þúfur og spillst að miklu leyti.

Emmanuel Macron er bara enn einn kjáninn í viðbót í þessari hrúgu. Bara enn einn lýðskrumari Evrópusambandsismans með rétt útlit og í réttum fötum á réttum tíma. Annað hefur hann ekki.

Það er kominn tími til að þið grjóthrúga Evrópusambandssinna reynið að leggja eitthvað á ykkur af hugarstarfsemi annað en grjóttómt blaður.

Kveðjur

Gunnar Rögnvaldsson, 24.4.2017 kl. 13:24

4 identicon

Ein spurning...hvað er gjósthrúga..?

Annars er mikil þversögn í þessu svari þínu, í einu orðinu gagnrýnir þú þjóðernishyggju Evrópusambandsins sem, samkvæmt því sem þú segir, að það sé verið að mismuna þjóðum vegna þjóðernis innan Evrópusambandsins og að t.d Þjóðverjar ætli ekki að koma Grikkjum til aðstoðar, í hinu orðinu svo ég vitni í þig:

"En reyndar byggir frjálslynt lýðræði nútímans og fortíðar á þjóðernishyggju. Því að þjóðin er forsendan fyrir sjálfsákvörðunarrétt hennar og þar með frelsi hennar"

..og gagnrýnir svo Þjóðverja fyrir að taka þá sjálfstæðu og réttlátu kröfu, um að ætla ekki að borga spillingar brúsann fyrir Grikkland..?

Þvílík þversögn.

ÁFRAM ESB

Helgi Jónsson (IP-tala skráð) 24.4.2017 kl. 13:34

5 Smámynd: Gunnar Rögnvaldsson

Þakka þér Helgi

Þegar stafsetningarvillur mínar eru fyrsta mál á dagskrá, þá veit maður strax hversu tunnan er tóm af rökum.

Það er nytsamt hjá lýðskrumurum Evrópusambandsins að tala um spillingu í landi X eða Y þegar á reynir. Bandaríkin áttu til dæmis með "spillingu" að hafa selt Þýskalandi og Frakklandi ónýt lánasöfn. Og Grikkland átti að hafa hafnað í þeirri stöðu sem það er í vegna "spillingar". En það var einmitt því "spillingarbæli" sem Þýskaland og Frakkland lánuðu peninga til í svo miklum mæli að löndin sjálf riða til falls. Þýskaland og Frakkland vissu mjög vel hvað Grikkland, Spánn, Ítalía, Kýpur, Írland, Portúgal, Ungverjaland og Pólland eru. Ef þau vissu það ekki fyrirfram þá eru þau kjánar, eða réttara sagt; öll stjórnmálastétt þessara landa samanstendur þá af afglöpum. 

Allar helstu stofnanir Þýskalands hafa tekið þátt í öllum verstu svindl- og spillingarnúmerum á heimsvísu sem hægt var yfir höfuð að taka þátt í, og jafnvel verið dæmd fyrir spillingu sína. Svo þetta eru rök sem bíta hvergi í Evrópu né annarsstaðar. Að reyna að drekkja öðrum löndum, sem búið var að gera varnarlaus, með svona rökum. 

Víða upp við landamæri Norður-Frakklands ríkir 30 prósent atvinnuleysi meðal Frakka. Hinumegin við þau landamæri er 5 prósent atvinnuleysi. Þeir sem halda að svona lagað geti gengið upp til lengdar innan ramma þess Evrópusambands sem bjó þetta ástand til, eiga virkilega bágt. Sé þetta ekki leyst þarna sem og annarstaðar í Evrópu, þá mun Marien Le Pen líta út sem fótalaus og meinlaus vesalingur miðað við þann sem á eftir henni kemur til að kippa hlutunum í lag sem tilvist Evrópusambandsins hefur skapað fyrir þjóðir Evrópu. Þá mun hennar verða minnst sem hins mjúka stjórnmálamanns. Ef Macron tekst vel til þá ber að fanga því. En litlar líkur eru á því að hann sé neitt annað en sá sem sparka mun dósinni lengra niður eftir götunni til glötunar Evrópu.

Kveðjur

Gunnar Rögnvaldsson, 24.4.2017 kl. 14:21

6 Smámynd: Helga Kristjánsdóttir

Sér er nú hver þroskinn að kjósa jafnaðarmann til forseta í Frakklandi,eins og Helgi kemst að. 

íslendingar hafna "falsettu" ESB,svo augljós og fölsk sem hún er.Sannar hún best þessa oft'nefndu orðatilvitnun: "Að sumir eru jafnari en aðrir"

  Takk Gunnar minn fyrir dugmikla baráttu og hollustu við þjóð okkar. 

Helga Kristjánsdóttir, 25.4.2017 kl. 02:33

7 identicon

Sæll Gunnar.

Bestu þökk fyrir svo góðan og skeleggan pistil.

Yfiburðasigur Marion vekur athygli því augljóst
er að hún hefur unnið hug og hjörtu Frakka sjálfra.

Í stórborgunum myndi hún ná langtum fleiri atkvæðum
með því að hliðra ögn til í stefnunni því þar eru
fjölmargir sem beinleiðis eru vitlausir í að geta
kosið hana en óttast að einhverju leyti um eigin stöðu
og að þeir með atkvæði sínu myndu senda sjálfum sér
reisupassann því hvítir og hreinræktaðir eru þeir ekki
sem þeir á 'sléttunni' en vildu gjarna ílengjast
í Frakklandi ef ekki væri fyrir þá Egyptalandsplágu
sem þar gengur yfir.

Maríon mun vissulega gjörsigra 7. maí ef hún 
ber gæfu til að hnika örlítið til og leyfa sér
að sýna löndum sínum hvílíkur leiðtogi hún er
og að hún hefur það sem til þarf til að draga
Frakka uppúr forarvilpunni en þeir kleprahundar
sem í boði eru geri ekki annað en að sökkva þeim endanlega.

Húsari. (IP-tala skráð) 25.4.2017 kl. 04:04

8 Smámynd: Gunnar Rögnvaldsson

Þakka þér góðar kveðjur Helga

Reyndar beið sá flokkur sem kallast "jafnaðarmannaflokkur" (sósíalistar eða "Parti socialiste") í Frakklandi algert afhroð í þessum kosningum. Þetta er flokkur Hollande, sem er óvinsælasti forseti í sögu Frakklands, og Mitterands og Royale. Frambjóðandi þeirra Hamon fékk 6,3 prósent atkvæða. Ég hugsa að fáir viti enn hvað banka-drengurinn Macron og svo kallaður Áfram flokkur hans standi fyrir, nema banka. Macron var hátt settur í glötunarstiganum hjá Hollande, sem er með 4 prósent vinsældir kjósenda. 

Það er greinilegt að Frökkum finnst orðið óþolandi að kjósa til valda þá sem verið hafa við völd í landinu til þessa. Svo ekki veit ég hverju Helgi Jónsson er að fagna hér fyrir ofan, enda veit hann það greinilega ekki sjálfur nema að hann haldi að sósíalistar séu eitthvað annað en sósíalistar.

Kveðjur

Gunnar Rögnvaldsson, 25.4.2017 kl. 13:26

9 Smámynd: Gunnar Rögnvaldsson

Þakka þér Húsari fyrir skrif og innlit.

Kveðjur

Gunnar Rögnvaldsson, 25.4.2017 kl. 13:26

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband