Gengur Donald J. Trump í skrokk á Þýskalandi?

Hagnaðurinn á viðskiptareikningi Þýskalands við umheiminn er nú um það bil sá stærsti í veröldinni. Hann er hvorki meira né minna en næstum því stærri en hagnaður Kína er við umheiminn og sem prósent af landsframleiðslu nálgast hann 9 prósent! Sem þýðir 91 prósent geggjun fyrir flest önnur lönd evrusvæðis

Bandaríska fjármálaráðuneytið setti Þýskaland á sérstakan gátlista í október á síðasta ári. Þetta er listi sem blikkar rauðu í mælaborðinu yfir helstu gengisfalsara og nurlara veraldar. Þar blikkar nú þýska hagkerfið beint framan í andlit hins nýkjörna forseta

Obama gerði minna en lítið í þessu á allri sinni forsetatíð eins og flestu öðru, enda fór hann úr embættinu sem óvinsælli forseti en Nixon var og sem meira að segja sagði af sér. Einungis Ford, Truman og Carter mældust hjá Gallup, á tímabilinu frá 1945 til 20. janúar 2017, óvinsælli forsetar en Obama var í embættinu

Donald Trump þarf að glíma við þennan vanda. Hvað gerir maður við land eins og Þýskaland, sem ríður til veislu á bökum mölbrotinna hagkerfa evrusvæðis. Vanti Þýskaland enn lægra gengi til að styðja við útflutningsfíkn sína, þá kveikir það bara í enn einu evrulandinu í viðbót, evran lækkar bang og út hendast enn fleiri gámar frá höfninni í Hamborg. Þetta veit Donald Trump mjög vel

Á meðan eru mörg hagkerfi á evrusvæðinu að deyja í evrum. Þau eru varanlega löskuð. Það er ekki einu sinni hægt að lána þeim peninga því þau eru ekki lánshæf og fleiri peningar gagnast þeim ekki lengur. Þau geta einfaldlega ekki tekið við þeim því þeir gera ekkert gagn því einkageirinn er í öndunarvél. Meira súrefni kálar honum bara. Einkageirinn er; fyrirtæki og heimili. Þetta er finnska leiðið sem koma skal

Fáir hafa veitt því athygli að kosningabaráttan um brexit og svo kosningabarátta Donalds J. Trump, eru sennilega einu slíkar í manns minnum þar sem baráttan gekk ekki að mestu út á krónur og aura, heldur flest annað. Það eru tímamót og frétt til næsta bæjar, en sem enginn hefur sinnt í geggjunaræðisköstum flestra svo kallaðra "fjölmiðla"

Síðasti ráðherra Bandaríkjanna sem gekk í skrokk á Þýskalandi var James Baker. Donald Trump mun sennilega margfalda hann með tíu og hann gæti einnig látið verða af því að rífa suma afskaplega vonda pappíra í þúsund tætlur. Og svo hefur Donald Trump einnig símanúmerið hjá henni Yellen

Fyrri færsla

"Multilateral" eða fjölþjóðaisminn að renna sitt síðasta skeið

Athugasemdir

[Helgi Jónsson (IP-tala skráð) 31.1.2017 kl. 11:31]

Ja hérna....mikið er hatur þitt á ESB.

ÁFRAM ESB

[Gunnar Rögnvaldsson, 31.1.2017 kl. 11:55]

Þakka þér innlitið Helgi Jónsson.

Reglur Evrópusambandsins sem Þýskaland heimtar að Grikkland og önnur lönd haldi og fari eftir, skipa svo fyrir að ekkert land megi skrúfa hagkerfi sitt þannig saman að það sé rekið með meira en 6 prósent hagnaði á umheiminum.

Í tilfelli Þýskalands sem er fjórða stærsta hagkerfi veraldar og sem flytur út næstum helming landsframleiðslu sinnar vegna innri dauða þýska öldrunarhagkerfis, þá er þetta fyrir þau lönd sem eru í handjárnuðu gengisfyrirkomulagi við Þýskaland eins og að reyna að byggja sólkerfi í kringum svarthol. Dauðinn sjálfur. 

Ef þetta væri nettó staða Bandaríkjanna við umheiminn þá væri þriðja, fjórða og fimmta heimsstyrjöldin þegar skollin á. Þetta er með öðrum orðum nauðgun Þýskalands á hinum svo kallaða innri markaði ESB og umheiminum.

Kveðjur

[Bjarni Gunnlaugur (IP-tala skráð) 31.1.2017 kl. 12:38]

Ég hélt að helsta vandamál jaðarríkja ESB svo sem Írands og Spánar væri að búa við of hátt gengi evru sem þyrfti að lækka til að þau næðu að bæta samkeppnisstöðu sína. 

Íslandi varð til bjargar að gengi krónunnar lækkaði en ekkert slíkt var í boði hjá t.d. Írum, segir sagan. 

En skv. þínum kenningum þá er lækkun evrunar beinlínis tæki til að bæta samkeppnisstöðu Þjóðverja sem komi niður á öðrum ESB þjóðum þar sem verr gengur. 

Eitthvað passar nú ekki þarna. 

[Gunnar Rögnvaldsson, 31.1.2017 kl. 13:31]

Þakka þér Bjarni Gunnlaugur.

Nú geta engin lönd á myntsvæði Evrópusambandsins bætt samkeppnisaðstöðu sína gagnvart Þýskalandi með gengisbreytingum, þar sem þau búa öll við mynt Þýskalands sem heitir evra og sem Þýskaland stjórnar.

Eina leiðin fyrir þau gagnvart Þýskalandi er að lækka laun og kostnað í löndum sínum. En vandinn er hins vegar sá að Þýskaland hefur einnig stundað þannig innvortis gengisfellingar samfellt síðustu 16 árin og hefur þýskur almenningur því litla sem enga raunlaunahækkun fengið í 16 ár. Lækki önnur evrulönd laun og kostnað hjá sér, þá lækkar Þýskaland bara sín laun og kostnað enn meira, og það myndi svelta sig í hel til að hafa betur en löndin sem eru handjárnuð föst við það með evru.

En þar sem Þýskaland hefur rústað fjármálakerfum og ríkisfjármálum flestra evrulanda með því að búa til stærstu fjármálabólu mannkynssögunnar frá 2002 til 2007 með ECB-seðlabankann í rassvasanum og sem bjó til neikvæða raunstýrivexti í þeim löndum handa Þýskalandi (geggjunarbólu), sem svo dældi algerlega óábyrgum lánum til þessara landa eins og olíu er hellt á eld, til að búa þannig til eftirspurn eftir vörum frá Þýskalandi, já, þá er geta þessi lönd ekkert annað gert annað en að deyja í evrum. Þau eru varanlega sködduð (e. structurally depressed) vegna þátttöku í vitlausri mynt og þau eru læst föst á röngu efnahagssvæði. Eru öfugu megin við rimla evrufangelsisins.

Löndum evrusvæðisins var sagt að evran myndi þýða að allir stæðu saman af því að upptaka evru myndi tryggja og þjóna þeim sem sameiginelg vörn gegn kreppum og áföllum. En þegar til kastanna kom þá þýddi evran hins vegar það, að hvert einasta evruland stóð eitt og fótalaust með vandamálið, en var samtímis gert skylt að halda áfram að kaupa þýskar vörur. "Hæ hæ, þið eruð öll ein á báti en allir eru samt skyldaðir til að halda áfram að kaupa vörurnar frá Þýskalandi." Lok lok og læs.

Það var víst ekki skilningur þessara landa á evru"samstarfinu" að það ætti að þýða kapphlaup þjóðanna niður á botn samfélaga í innvortis gengisfellingum.

Þýskaland flytur því ótruflað helming útflutnings síns til landa hins innri markaðar með allt kerfið og seðlabankann í rassvasanum. Það þýðir að 25 prósent af landsframleiðslu Þýskaland fer til annarra landa ESB og hinn helmingurinn fer til landa utan ESB, af því að evrusvaðið er alelda og mynt þess í útrýmingarhættu. Þýskaland nýtur góðs af þessu með ofboðslegu gengisfalli evru.

Það eru engin "jaðarríki" til á alvöru myntsvæði. Akureyri er ekki á jaðarsvæði krónunnar frekar en Reykjavík. Allt þetta þvaður um jaðarsvæði er blekking til að breiða yfir þá staðreynd að Ítalía og Þýskaland geta ekki búið við sömu mynt og Þýskaland. Evran er sennilega heimskulegasta uppfinning heimskingjaveldis Evrópusambandsins.

Það sem þarf að gerast til að bjarga því myntsvæði sem Þýskaland er búið að kengríða til hins óþekkjanlega, er að Þýskaland gefi löndum Suður-Evrópu og Finnlandi um það bil 7 prósent af landsframleiðslu Þýskalands um alla eilífð. Það er það eina sem læknað getur þann skaða sem orðinn er. En það mun auðvitað ekki gerast. Það sem hins vegar mun gerast er það að Evrópa fer annaðhvort í stríð eða verður varanlega gjaldþrota þriðjaheims álfa. Sjálfur held ég að borgarastyrjaldir verði það sem koma skal í Evrópu. Og að heraflar verði jafnvel notaðir sem innheimtustofnanir þegar borga það upp TARGET2 ójöfnuðinn þegar evran springur í loft upp. Luftwaffe sem innheimtustofnun, sem eitt tilbrigðið.

Kveðjur

[Gunnar Rögnvaldsson, 31.1.2017 kl. 13:41]

Átti að standa: "7 prósent af landsframleiðslu Þýskalands hvert einasta ár um alla eilífð"

[Gunnar Rögnvaldsson, 31.1.2017 kl. 14:00]

.

Segja má að evran sé tifandi tímasprengja undir efnahagsmálum veraldar.

Og segja má einnig að evran sé hin "óvopnaða" útgáfa af öfugum Versalasamningum. Hún var sett í heiminn til að skapa og viðhalda ójafnvægi. Vissum í hag, en öðrum í óhag. Hún er orðin terror-balance tæki. 

Þetta veit Donald Trump. Hann veit að evran er ökutæki Þýskalands og hann hefur sagt það.

Frétt Finacial Times rétt í þessu: Trump’s top trade adviser accuses Germany of currency exploitation

.

[Erla Magna Alexandersdóttir, 31.1.2017 kl. 21:12]

heldur einhver að ÞJÓÐVERJAR VINNI AÐ HAGHSMUNUM ANNARA EN SINNA ??? HE HE HE !!!

[Gunnar Rögnvaldsson, 31.1.2017 kl. 22:12]

Já Erla. Vel að orði komist ;)

Kveðjur