Evran að nálgast fall íslensku krónunnar undir bankahruni

Frá 25. júlí 2008 og til í dag, hefur mynt Evrópusambandsins, evra, fallið um 41,4 prósent í verði gagnvart japönsku yeni. Já, stórir gjaldmiðlar sveiflast mest. Það er staðreynd.

Þau heimili og fyrirtæki í ESB — og þau eru mörg — sem tóku lán í japönskum yenum vegna lægri vaxta, standa því nú með 70,5 prósent hærri skuldir í brennandi borg. 

Þegar evran var sett á flot í ársbyrjun 1999 þá féll hún um 30 prósent gagnvart Bandaríkjadal á næstu tveimur og hálfu ári. Fallið kom þá í veg fyrir þrot Þýskalands en gróf samtímis sökkulinn undan öðrum ríkjum myntbandalagsins gagnvart Þýskalandi.

 

Þá óttuðust Danir, sem bundnir eru ósjálfbjarga við þessa óútreiknanlegu flotmynt ESB, að hún myndi draga Danmörku saklausa niður til botns. Þá vildi enginn eiga smitaða evrópska gjaldmiðla, sögðu bankamenn. En nú er evran hins vegar að draga Danmörku niður í varanlegt efnahagslegt svarthol, sem er svo djúpt að enginn hefur ennþá séð þar til botns. 

Þegar allt bankakerfi Íslands hrundi undan örvita stjórnendum þess haustið 2008, þá féll Íslenska krónan um það bli 50 prósent gagnvart evru. Þið getið ímyndað ykkur hvernig umhorfs verður í Evrópu þegar stórbankar og ríki myntbandalagsins fara í þrotið og magar þeirra opnast. 

Athugasemdir

[P.Valdimar Guðjónsson, 7.1.2012 kl. 00:53]

Evran er fín.

Fyrir þann langstærsta.    Í þessu tilfelli Þýskaland.  Hin eru farþegar í lest sem aðeins einn til þrír stjórna.   Aðrir ráða engu um hvert er farið.

En þetta batnar allt þegar  stofnað verður "ein reich" .   Gallinn er bara sá að fylgifiskur þess er oft og einatt "ein fuhrer".  

[Ragnhildur Kolka, 7.1.2012 kl. 10:38]

"Piece of cake" segja Jóhanna og Össur sem sátu í stjórn á Íslandi þegar bankarnir hrundu og hafa svo lagt sitt af mörkum til að sú megi staðan vera.

Því verður seint haldið fram að þau hafi tekið til sín gamla málsháttinn: Brennt barn forðast eldinn.

[Ásthildur Cesil Þórðardóttir, 7.1.2012 kl. 14:12]

Það eru að minnsta kosti þrjú ár síðan þýskur vinur minn sagði mér að við værum heppinn, því evran myndi hrynja og þá værum við að ná okkur upp úr kreppunni, en bara ef við héldum okkur utan ESB.  Hann hefur sannarlega haft nokkuð til sína máls.