Seðlabanki Evrópusambandsins: Lánaði án fullnægandi veðtrygginga. Trúverðugleiki ECB Andrés Önd.

Skuldatryggingaálag 23. maí 2011: Ítalía líka komin á fulla ferð niður í þrotfarveg evruaðildar?

 

Reuters gróf upp frétt úr þýska Der Spiegel sem segir að seðlabanki Evrópusambandsins hafi ekki sinnt skyldum sínum sem yfir-yfirumsjónarmaður seðlabanka evrusvæðis. Hann hefur stundað seðlabankastarfsemi á vafasaman hátt. Ef til vill eins og íslenskur viðskiptabanki. Það á eftir að koma nánar í ljós. 

Der Spiegel segir að ECB-seðlabankinn lánaði bönkum í nú næstum ríkisgjaldþrota evrulöndum (og eflaust einnig í öllum evrulöndunum, það mun koma í ljós) peninga gegn veðtryggingum sem áttu að vera veðhæfar eignir í viðskiptum bankanna við seðlabankann - þ.e. á peningamarkaði þeim sem seðlabankinn á að hafa yfirumsjón með á öllu myntsvæði evrunnar og víðar - en sem voru ekki eins veðhæfar og stóð í pappírum um þessar ABS-eignir (asset backed collateral)

 

Euro zone central banks have been lending money to commercial banks against highly questionable collateral, leaving the central banks potentially exposed to hundreds of billions of euros of bad loans, Germany's Der Spiegel magazine reported. 

Sem dæmi er tekin útrás hins gamla skröltandi þýska beinagrindasafns er nefnist Hypo Real State fjármálastofnunarinnar þýsku til Írlands, í gegnum dótturfyrirtæki þess, Depfa Bank. Þar tókst þessum aðilum að troða 78 tegundum af vafasömum og ofmetnum veðtryggingum inn á ECB-seðlabankann í gegnum evrukerfið (the euro-system), gegn því að fá miljarða evruseðla til láns í staðinn. Ef reglunum hefði verið fylgt þá hefði bankasamsteypan fengið 20 prósent minna fé út á veðtryggingarnar. 

Þetta hlutfall á eflaust eftir að versna til muna eins og allt hefur versnað og er stanslaust að versna á evrusæðinu og í öllu ESB hvern einasta dag ársins síðustu árin og mun gera svo þau mörg næstu. 

Töp ECB-seðlabankans verða því mínútu frá mínútu og frá klukkustund til sólarhringa, daga vikna og mánaða, verri og verri, stærri og stærri og pólitískt óviðráðanlegri og óásættanlegri öllum.   

Sem sagt: Ef reglum í hinu heimsfræga og himin höndum tekna regluverki ECB, ESB ásamt eitt hundruð annarra E-eitthvað regluverksmiðjum Evrópusambandsins, hefði verið framfylgt - til dæmis eins og þeim var alltaf framfylgt í Sovétríkjunum þegar um fyrrverandi manneskjur var að ræða - þá hefði þetta ekki gerst. En þetta gerðist samt. 

Allir seðlabankar allra ríkja á evrusvæðinu standa gagnkvæmt, saman og jafnt í allri ábyrgð fyrir fjármunum ECB, sem franskur embættismaður að nafni  Jean-Claude Trichet stýrir og ber ábyrgð á. Sá maður er landsföðurímyd allra meðlima ríkisstjóralepps Evrópusambandsins á Íslandi.

 

Regluverkið um regluverkina   

En nú er að koma nýtt regluverk - já nýtt regluverkzpf - fyrir alla fjármálastarfsemi á evrusvæðinu og víðar. Það er svo strangt, viðamikið, massíft og flókið að þeir sem taka það sér í hönd látast samstundis af losti nema þær allra stærstu fjármálastofnanir í ESB sem hafa auðæfin og innviðina til að aðmínistrera svona eftirsovéskt stórfyrirbæri.

Til dæmis fjármálastofnanir eins og þýska ríkisbeinagrindin Hypo Real State og Deutsche Bank, sem nú sætir lögsókn Bandaríska dómsmálaráðuneytisins á hendur bankanum fyrir lygar, vanrækslu og svindl með bandarísk húsnæðislán, sem bankinn seldi sem skotheld skuldabréf til lífeyrissjóða og seðlabanka (og auðvitað til ECB einnig), en sem enduðu oft í vanskilum aðeins tveim mánuðum eftir að þau voru veitt. Bankinn henti allan tímann áminninarbréfum frá bandarískum yfirvöldum óopnuðum inn í skáp og sýndi þeim rassinn, sem er stór. Bréfin fundust um daginn. 

Viðskiptahugmynd mín um Opferation Norðangarra sem berandi tvídrangur í nýrri two-pillar-ECB-approach í seðlabankalegum peningauppblæstri, á einstaklega vel við hér. Við sendum þeim Norðangarra og þeir senda okkur reglulega verki. Í bónus fá þeir svo ösku í reiði, ja?    

Sænska krónan skrattar

 

Skuldatryggingálag Svíþjóðar er nú 24.20 punktar, en Þýskalands næstum tvöfalt hærra, eða: 40.28 punktar. Þetta á eftir að versna mikið hjá Þýskalandi. Mynt Svíþjóðar, en ekki Þýskalands, er sænsk króna. Þýskaland á enga mynt, en hefur ofið sig inn í myntvafning með minna þróaðri hagkerfum Evrópusambandsins. Þessi myntvefur hefur skaffað þýska hagkerfinu möguleika á að falsa gengi sitt gagnvart umheiminum.  

 

Danmörk 

 

Svo segjast danskir bankar - eftir að hafa lapið ríkisaðstoð úr bankapakka I og II og III - að þeir geti ekki borgað þetta sem þeir fengu úr bankapakka II, til baka. Því þarf líklega að búa til bankapakka IV og færa þeim. Bankapakki II fellur til greiðslu á næsta og þar næsta ári. Upphæðin er 200 miljarðar DKK. Gamanið er alltaf að kárna í regluverkjaheimsveldinu mikla, Evrópusambandinu.

 

Er Ítalía næst - eða þar næst? 

 

Svo er það Ítalía sem á líklegu sinni án hagvaxtar í 10 leynileg ár er að birtast mönnum sem fílinn í fundarherbergi seðlabanka Evrópusambandsins og á leyniminnisblöðum foringjaráðs ESB.

 

The problem is, like many on Europe’s periphery, after a decade of Euro membership the Italian economy is seriously distorted, and badly in need of devaluation, but of course, as elsewhere there is no currency left to devalue - Is Italy Not Spain The Real Elephant In The Euro Room?

 

 

Krækjur; Reuters | Börsen

 

Tengt:

 

1. Mun Ísland missa alla sína banka og allar fjármálastofnanir?
2. Framsókn vinnur á. Þýskur risabanki ákærður fyrir svindl í bandarískum húsnæðislánum
3. Þýsk yfirvöld: Evrópusambandið hefur eyðilagt bankakerfi Þýskalands 

 

Fyrri færsla

• Grikkland, Írland og Portúgal munu aldrei geta greitt ríkisskuldir sínar

Athugasemdir

[Björn Jónasson (IP-tala skráð) 24.5.2011 kl. 16:09]

Gunni, þú ert hættur að segja að allt sé betra í Bandaríkjunum.

[Jón Steinar Ragnarsson, 24.5.2011 kl. 18:35]

Hafðu ekki áhyggjur Björn minn. Um leið og Gunnar er að segja okkur að ekkert sé verra en Evrópusambandið (sem er satt og rétt) þá er allt annað betra.

Hálfger synd að þú getir ekki lagt saman tvo og tvo í þessu, því það segir manni að þú getir alls ekki botnað í því sem Gunnar er að reyna að segja þér.

[Björn Jónasson (IP-tala skráð) 24.5.2011 kl. 19:50]

Ég tel að fjármálakerfið í heild sé á fallanda fæti og þó svo að það sé sennilega rétt að ídean á bak við Evruna sé praktískt óframkvæmanleg, þá er það ekki svo að Bandaríkin séu ekki líka í klessu.

Það er ekki endilega brilljant að festast í tvíhyggju með eða á móti ESB eða með eða á móti Evru. Breski íhaldsflokkurinn hefur sett fram mjög athyglisverðar hugmyndir um hvernig þróa megi Evrópusamstarfið í átt frá pólitísku samstarfi en auka jafnframt verslunarfrelsi.

Þegar og ef Evran fellur (og kannski dollarinn líka) hvað viljum við í staðinn? Við viljum verslunarfrelsi en ekki endilega frelsi til einokunar. Við þurfum að hemja viðskiptarisana og jafnvel fara að ráðum Lord Turners, formanns breska fjármálaeftirlitsins sem telur að skattleggja eigi stærð. Að verði dýrt að vera stór.

Kannski má hugsa fram í tímann, kerfið sem við búum við nú er fallið.

[Einar Björn Bjarnason, 24.5.2011 kl. 20:13]

Fer eftir hvað átt er við með orðalaginu hruni, sumir nota það yfir gengisfall, og dollarinn getur alveg hrunið nokkuð í verðgildi - en meðan Bandaríkin sjálf eru enn til og þeirra hagkerfi er ekki verr statt en t.d. í kreppunni miklu á 4. áratugnum; þá er ekki ástæða að ætla að dollarinn hætti að vera til.

En, evran getur hætt að vera til. En, það getur einnig farið þannig, að aðildarríkjum Evru fækki, eftir verði tiltekin kjarnaríki. En hún nái síðan smáma saman jafnvægi á ný, verði áfram einn af stóru gjaldmiðlunum.

Kv.

[Jón Steinar Ragnarsson, 24.5.2011 kl. 20:26]

Ég er í mörgu sammála þér Björn, en ég skil ekki þetta tal um tvíhyggju þegar að það liggur í hlutarins eðli að það er verið að velja um núverandi stöðu þessara mála eða ekki.

Það gildir einu nú hvað gæti orðið úr ESB eða Evrunni. Það er enn í hinu útópíska limbói á himnum.  Hér og nú gargar þetta á nei.

Það er annars búið að vera ljóst frá fyrstu hugmyndum um evrópusamband að fyrir liggi að stofna sambandsríki. Um það stendur útópían sú. Nýtt þriðjaríki ef þú villt. 

Evran átti til og með að vera þvingunarapparat til framgangs þeim pípudraumi eins og menn sjá svo áþreifanlega nú.  ESB hefur sótt í tvígang um þjoðarstatus á þingi Sameinuðu Þjóðanna en verið hafnað-í bili. Þeir voru einnig að fá synjun um að fá að sitja í öryggisráðinu með þá vegtyllu. 

Það ætti ekki að leynast neinum hver markmiðin eru, sem eitthvað hafa skoðað sögu og framgang þessa fyrirbrygðis hvað hangir á spýtunni...og eins og þú íjar að þá eru hugmyndir um sameiginlega mynt og pólitískt bandalag andvana hugmynd án þessara fyrirheita. Vonlaust og margreynt með skelfilegum afleiðingum.

[Einar Björn Bjarnason, 24.5.2011 kl. 21:51]

Jón - þ.s. virðist stefna í, er "Mittel Europa" eða meginland Evrópu dómineruð af þýskum hagsmunum. Þetta er þó ekki öruggt, en þetta virðist samt vera sterkt trend. Áhugaverður atburður sem ekki fór hátt í fjölmiðlum var í sl. viku að svokallaður Visegard hópur sem samanstendur af Póllandi, Svlóvakíu, Tékklandi og Úngverjalandi; hittust í samnefndum bæ þ.e. forsætisráðherrar og undirrituðu samkomulag, um að mynda sameiginlegann herstirk undir forystu Pólks herforingja.

Þetta getur orðið áhugavert gagntrend, samskipti þeirra ríkja. Þá verður áhugavert hvað Svíar gera, en þeir gætu beitt sér hópnum til stuðnings. Einnig væri áhugavert að bæta við Rúmeníu - og þá væri jafnvel spurning um stuðning frá Tyrkjum seinna meir, en þeir eru hratt vaxandi veldi.

Þó svo samvinna Rússa og Þjóðverja fari vaxandi, og Evran sem mjög einnig að efla Þýsk áhrif, er ekki endilega enn hægt að slá því algerlega föstu, að Þýskaland komi til með að gersamlega dóminera löndin þarna á milli.

Það verður spennandi að fylgjast með þessari þróun á næstu árum.

-------------------

Mig er farið að gruna að Danir og jafnvel Svíar hafi séð þessa þróun fyrir, þess vegna ekki gengið inn í Evruna.

Þarf ekki að nefna hve ótrúlega heimskt lið þetta ESB-kratalið er hérlendis.

Kv.

[Einar Björn Bjarnason, 24.5.2011 kl. 22:13]

Smá leiðrétting: Visegrad.

Kv.

[Jón Steinar Ragnarsson, 24.5.2011 kl. 22:40]

Jamm...menn geta ekki bæði haldið og sleppt. Að ætla að vera ein þjóð en samt margar, gengur ekki upp og hefur aldrei  gengið upp. Að reya að halda öðru fram er bara delerandi óráð.

Þjóðverjar hugsa þjóðir eins og úrverk með tannhjólum og regluföstum mekanisma. Þetta er þeirra sturlun, enda eru þeir flatasta og leiðinlegasta þjóð í heimi. (hefurðu heyrt um Þýska gamanamynd?)

Engin önnur þjóð hefur þetta mentalitet og allra síst miðjarðarhafsþjóðirnar þrútnar af sögu og organískum lifnaðarháttum, inngrónum í þúsundir ára. Þær klæjar undan óklæðilegu ESB uniforminu og geta ómögulega gengið gæsaganginn. Þær vilja helst vera berrassaðar og tjútta nefnilega.

[Björn Jónasson°° (IP-tala skráð) 25.5.2011 kl. 00:10]

"Ordnung ist besser als gerechtigkeit"

Goethe

[Jón Steinar Ragnarsson, 25.5.2011 kl. 00:49]

Sem minnir á að þeir hafa jú skrifað gamanleiki.  Divine comedy með öllum sínum myndrænu lýsingum á helvíti. Lengra náði húmorinn ekki.