Hnattrænt framleiðsluóöryggi og "útboð"

Mynd, Economist 1996: ESB - evran - EES - Schengen - glóbalismi - líberalismi - brunagildrur hagkerfa þjóðanna

****

Óteljandi lög og diktöt um íslensk verkútboð á hinu svo kallaða og nýlega hvelldauða "evrópska efnahagssvæði" í viðbrenndri Schengengervisúpunni, sem kokkar og sýður í gervigrasaheimi Evrópusambandsins, eru að reynast álíka firra og hinar svo-kölluðu hnattrænu framleiðslu- og afhendingarkeðjur, sem deyja um alla jörð ef bara einn hlekkurinn dettur í salernið hjá bara einum klaufhalanum í keðjunni. Þetta er Neanderdals-hugmynd glóbalista um gaddakeðjur úr tyggjó

Allt þetta fíflafyrirbæri glóbalista með hálmhrúgur í heilastað, er sennilega ein versta hugmynd sem fæðst hefur í alheiminum. Meira að segja jöklamýs vita betur og eru þær þó úr grjóti. Heilalaus her líberalista jarðar raðaði staðreyndum lífsins á borð fyrir stjórnmálamenn eftir hentugleikum og grjótinu þeir kyngdu. Nú er þetta allt saman búið að vera og þjóðlausir stjórnmála-glóbalistar standa eftir á brókinni einni saman, en með andlistgrímur, til að smitast ekki enn frekar af sjálfum sér. Allt í einu eru þeir hættir að vilja vera heimsborgarar

Meira að segja Svandís-Sovét í ríkisstjórn O3-jöklamúsa xD-orkuleysisins og svikulla Framsóknarmanna, kemur ekki einu sinni sovét-sjúklingum sínum til útlanda, nema þá með forsögulega lekum sovéskum kafbáti, í þrotlausri viðleitni hennar við að drepa einkaframtakið niður hér heima, í hennar eigin landi, svo að það megi lifa í erlendu kommalandi sem er á hausnum sökum hálf- og heilkommúnisma

Þetta er svo paþetískt að innlögn á svissneskt sjúkrahús myndi ekki einu sinni geta reddað henni og flokk hennar eins og þau björguðu lífi æðstu manna Sovétríkjanna á sínum tíma – á meðan almenningur heima var látinn éta skít og drekka blóðið úr hinu sovéska blóðhafi kommúnistaflokksins, sem ávallt var og er enn fyrirmynd Vinstri helgrænna hér heima, umhverfis rauð- eða grænglóbalisma: nallann sjálfan - rauðan eða grænan

Mikið mun ég skemmta mér á hinu komandi jöklamúsasafni. Það verður bara ansi stórt, segi ég

Mynd: evruupptakari

Fyrri færsla

Hvað á hrun ferðaþjónustu sameiginlegt með hruni í banka- og fjármálaþjónustu?