Áslaug Arna spyr hvort myndin sé við hæfi

Þessu geta aðeins kjósendur svarað þér Áslaug, við næstu kosningar. Það versta er þó það að á þér hangir ekki bara þú sjálf, heldur einnig fylgi Sjálfstæðisflokksins sem heildar, sem alltaf er stærri heild en persóna þín

Skoðanakannanir og likes geta ekki svarað þessari spurningu fyrir þig Áslaug, því villumörk þeirra eru þannig að þau staðfestast aðeins þegar talið er upp úr kjörkössunum. Þá rennur stund sannleikans upp

En það kæmi mér ekki á óvart að með þessari spurningu þinni hafi kvarnast enn frekar úr fylgi Sjálfstæðisflokksins sem heildar, því þú virðist ekki sjálf vita hvað sé í lagi og ekki í lagi. Myndi ég því segja að þú sért harla clueless og ósjálfstæð enn. Að vera leidd er ekki það sama og að leiða

Fyrri færsla

Þegar sumir vildu að Ísland yrði "skítaland"

Þegar sumir vildu að Ísland yrði "skítaland"

El Salvador var um tíma notað hér heima sem "flott dæmi" um ríki er einhliða tók upp mynt annars ríkis. En við það varð það þó bara enn meira og þrálátara "skítaland" en það var orðið þá þegar

20-25 prósent af tekjum landsins koma nú í formi heimsendra peninga frá þeim íbúum er flúðu skítinn heima fyrir í El Salvador og upp til Bandaríkjanna og vinna þar. Allt varð bara enn verra við það að taka upp mynt sem landið ræður engu um

Eru þeir þá skíthælar sem eftir slíku óska? Það segi ég ekki, þó svo að mig langi til að segja það. Sá hópur hér heima sem staglast hefur í 10 ár á því að Ísland sé "skítaland" vegna okkar eigin íslensku krónu, já hann hlýtur að flytja til El Salvador og finnast hann loksins vera kominn heim. Skemmst er að minnast til dæmis fyrrverandi fjármálaráðherra Íslands, Benedikts úr Viðreisn, sem kom á skítabol sínum og sendi sjálfri þjóð sinni fingurinn með því að haga sér sjálfur eins og skíthæll. Já, hann hlýtur að flytja líka

Hvað er í reynd að gerast?

Jú, Donald Trump forseti Bandaríkjanna er í reynd að reyna að minnka innflæði af fólki til Bandaríkjanna vegna þess að næstum allur heimurinn sækir þangað og það dæmi gengur bara alls ekki upp. Ólöglegir innflytjendur eru þó versta vandamálið vegna þess að þeir grafa undan því að Bandaríkin geti yfir höfuð haldið uppi réttarríki fyrir Bandaríkin sjálf og ríkisborgara þess. Og það var réttarríkið sem bjó til mannréttindi, en ekki öfugt. Það er forsenda mannréttinda

Ef þingið væri samvinnuþýðara þá myndu þessi mál vera afgreidd þar. En þingið er bara ekki samvinnuþýtt. Forsetinn er því að gera það sem hann sjálfur getur gert innan ramma laganna til að stöðva innflæðið með því að tala það niður og senda merki til ríkja sem eru svo mikil hörmung að þau sinna ekki frumskyldum sínum, sem eru að hugsa fyrst og fremst vel um sína eigin borgara, en ekki haga sér eins og "skítalönd"

Þetta er aðferð forsetans við að uppfylla kosningaloforð hans til kjósenda, án þess að þingið þurfi að koma þar að málum, því þar ríkir of mikil pólitísk-harðlæsing til að þingið geti tekið sig af málinu og unnið landinu það gagn sem það á að gera. Við þekkjum vel slíkt ástand hér heima í okkar eigin landi, þar sem þingið gerði sig óstarfhæft og framdi samsæri gegn þjóðinni. Ólafur forseti, takk!

Sem sagt: enn einu sinni sannast hér að stjórnarskrá Bandaríkjanna virkar eins og til er ætlast. Forsetinn má senda merki til umheimsins - og það gerir hann

Fyrri færsla

Lengi lifi apalýðveldi okkar

Ummæli forsetans til skammar