Þýska "hagvaxtar kraftaverkið". Spurningu dagsin svarað.

Hagvaxtarmynd frá árinu 2008

 

Jón Steinar Ragnarsson spurði mig spurningar (hér; "any comment") sem ég svara á eftirfarandi hátt. 

 

Ef þú býrð til vísitölu (sjá index) fyrir árstíðaleiðréttan hagvöxt Þýskalands og stillir vísitöluna á 100 á árinu 2000, þá ættum við að sjá gríðarlegan hagvöxt á þessum rúmlega 11 árum, er það ekki Jón Steinar ? Fréttirnar eru svo rosalegar af þessu "kraftaverki" í Þýskalandi. 

En hvað sjáum við. Jú, árið 2000 var stærð hagkerfisins 100. Tíu árum seinna, eða árið 2009, er allt hagkerfið orðið 105,09 að stærð. Þetta er þá hagvöxtur upp á 5,09 prósent á 10 árum. Sem er næst versti hagvöxtur í heimi rúmlega 30 landa OECD á 10 árum. Einungis Evrusvæðið, Japan og Ítalía eru verri. Þetta er 0,5 prósent hagvöxtur á ári. Alger hryllingur. 

Ef við tökum tímabilið (árstíðaleiðrétt) frá árinu 2000 og fram til fyrsta fjórðungs þessa árs (Q1_2011) þá er stærð þýksa hagkerfisins orðin 111,71. Þetta er þá um það bil eitt prósent vöxtur á ári. En auðvitað er það hreint kraftaverk séð í þýsku ljósi.

 

En skýringin á þessu er sú að nýmarkaðslönd heimsins eru farin að fjárfesta í innviðum á ný eftir hrun og stór hluti annarra landa evrusvæðisins eru orðin algerlega ósamkeppnishæf og því fá þýskir pantanir þær sem þeir hefðu að öllu jöfnu fengið ef gengi Þýskalands væri ekki svona gagngert falsað.

 

Það er áberandi að ekkert meiriháttar hagkerfi heimsins fékk eins mikinn samdrátt og hagkerfi Þýskalands gerði frá 2008-2009. Það limpaðist niður um leið og eftirspurn frá útlandinu (export) dróst saman. Þýska hagkerfið er svo algerlega útflutningsháð.

 

Og ekki höfðu þeir þó haft neina fjármála- eða húsnæðisbólu í Þýskalandi á árunum fyrir hrun, því þar hefur raunverð húsnæðis bara fallið og fallið um 20-25 prósent frá aldamótum - fallið öll árin. Aðeins Japan er verra. Bæði Japan og Þýskaland eru elliheimili með kolsvartar framtíðarhorfur, sem eiga sér fáa líka í heiminum. 

 

12 ára samfelld innvortis gengisfelling Þýskalands hefur gert þeim kleift að ríða á bökum annarra undir læstu gengisfyrirkomulagi evrunnar, sjá: Atvinnuleysi í Þýskalandi lækkar eftir 12 ára samfellda gengisfellingu Þjóðverja

 

Þetta var sagan um þýska "kraftaverka-hagkerfið". 

 

Tengt

 

Minningargrein. Andlát hagvaxtar í Þýskalandi 

 

Fyrri færsla

 

Afleiðingar 30 ára ESB-aðildar Grikklands

 

 

Afleiðingar 30 ára ESB-aðildar Grikklands

Mynd Bloomberg; Össurar "Evrópuvextir" evrulandsins Grikklands í gær; vextir á tveggja ára láni til ríkissjóðs Grikklands, skyldi slíkt fást. 

 

Tuttugu prósent íbúa næst stærstu borgar Grikklands, Thessaloniki, eru atvinnulausir, samkvæmt tölum hagstofa. Verkalýðsfélög segja hins vegar að atvinnuleysið sé 26 prósent.

Þetta sést á borginni, segir gríska viðskiptablaðið Imerisia. "Borgin lítur algerlega mannlaus og yfirgefin út. Hundruðum, ef ekki þúsundum, skrifstofa og verslana hefur verið lokað. Sum stræti eru auð og yfirgefin. Hvern dag loka fleiri fyrirtæki, fyrirvaralaust. Sérstaklega sláandi er að einu nýju fyrirtækin sem verða til eru kaffihús, bakarí og skyndibitastaðir. Slík þróun endurspeglar örvæntinu hinna atvinnulausu. Þeir reyna að þéna til hnífs og skeiðar með því að nota síðustu skildingana til að opna eitthvað sem krefst lítils fjármagns."

Þetta er hin stóra Össurarhamingja Grikklands í myntbandalagi Evrópusambandsins - á 26 prósent til tveggja ára "Evrópuvöxtum" Ö. Skarphéðinssonar, til ríkisreksturs. Aþena orðin enn dýrari en París - og lýðveldi Grikkja gjaldþrota.

 

Þá opnar maður kaffibar því engin lán er að fá neins staðar til nýrra fyrirtækja vegna þess að evrubankakerfi landsins er afskorið frá umheiminum. Landið á engan gjaldmiðil og hefur engan lánveitanda til þrutavarna.

 

Ö. Skarphéðinsson er þarna á hverju götuhorni að klippa Samfylkingu Evrópusambandssinna. "Velta" hinna "skapandi greina" verður þá svo mikil - þ.e.a.s inni í kennslustofum háskólanna.  

Eftir 30 ár í Evrópusambandinu og 89 miljarða evrur í ölmusuhjálp frá ríkari löndum sambandsins, er þetta árangurinn. Eyðilagt land. Lítil lönd sem lenda á heróini elítu Evrópusambandsins, eiga sér litla von.

 

Einu sinni var til land sem hét Grikkland . . mynt þess í meira en þrjú þúsund ár var drachma . . en svo gékk það í ESB og tók upp evru . . 

 

Peningar Grikklands eru nú á kistubotninum norður í Þýskalandi, sem stundað hefur 12 ára innvortis gengisfellingu gegn löndum þeim sem læst eru við það í órjúfanlega föstu gengisfyrirkomulagi - á fölsuðu gengi hagkerfis Þýskalands.

 

Undir svona aðstæðum væri enginn fiskur veiddur af Íslendingum í íslenskri landhelgi lengur. Enginn. Þá þyrftu Íslendingar að flytja inn fisk sér til matar - og borga í evrum sem þeir ættu ekki. Við værum marggjaldþrota.

 

Vegna þess að þetta er jú "friðartollabandalag Evrópusambandsins", þá auglýsa þýskir bankar grimmt að þeir, bæði á þýsku og grísku, aðstoði Grikkja, sem og aðra, við að flytja peninga sína burt frá Grikklandi. Að sögn þýska blaðsins Bild-Zeitung hafa 30 miljarðar evrur þegar flúið evruríkið Grikkland og til Þýskalands á þennan hátt. Þetta er jú allt svo gott!

 

Þessi frétt er ekki frá DDRÚV.

Krækjur;

• Imerisia í Grikklandi; Πρωτεύουσα της ανεργίας» η Θεσσαλονίκη - (hér í enskri þýðingu Google)
• Bild í Þýskalandi: Griechen bringen ihr Geld auf deutsche Konten 

 

Fyrri færsla

 

Hvernig og hvar verður nýr Adolf Hitler til í Evrópusambandinu?

Hvernig og hvar verður nýr Adolf Hitler til í Evrópusambandinu?

Mynd: Austerity = þegar blind trú á niðurskurð í miðri kreppu eyðileggur samfélög. Kosningafylgi nasista og atvinnuleysi.

 

Þeim sögulega misskilningi er oft flaggað að það hafi verið óðaverðbólga sem greiddi og sópaði götur Adolfs Hitler til valda í Evrópu undir fyrstu tilraun Þýskalands til lýðræðis, þ.e í Weimar lýðveldinu. Þetta er ekki rétt. Það sem kom Adolf Hitler til valda í Þýskalandi var niðurskurður á ríkisfjárlögum. Það voru þær skelfilegu afleiðingar sem þannig blind trú á niðurskurð og jafnvægi í ríkisfjármálum á krepputímum - undir yfirskini þess að laða erlenda fjárfesta að - sem komu sósíalistanum Adolf Hitler til valda.

The myth has become well-established that Germany’s hyper-inflation wrecked the Weimar Republic and brought Hitler to power.   While the hyper-inflation weakened its foundations, it was cured in November 1923 — the same month as the NAZI’s Beer Hall Putsch.  By 1928 it was a flyspeck party, getting 2.6% of the vote in the May elections (9th place).  The Depression and Weimar’s adoption of liquidationist economics gave Hitler his opportunity.

Í Evrópusambandinu er niðurskurður orðinn skurðgoð sem dýrkað er framar öllu. Allt skal gert og öllu skal fórnað - og þar með talin endurvakning Hitlersks ESB - til þess að halda stórskaðlegu myntbandalagi Evrópusambandsins við lýði. Andlýðræðisleg öfl Evrópusambandselítunnar eru að skapa kjöraðstæður fyrir nýjan ófrið í Evrópu. 

 

Önnur tilraun Þýskalands til lýðræðis fer nú fram, og lofar ekki góðu, verð ég að segja. Evrópusambandið er fyrst og fremst samband byggt í kringum öfga - með öfgum. 

 

Krækja; A lesson from the Weimar Republic about balancing the budget 

Neyðarlög Evrópusambandsins - þegar ÞAÐ gerist

 

 

Þegar Grikkland yfirgefur evruna, evrusvæðið og ESB fyrir fullt og allt, verða sett "neyðarlög" á evrusvæðinu, segir spænska dagblaðið El Pais. En sem þó, að mínu mati, varla er hægt að kalla lög, því evrusvæðinu er ekki stjórnað á lýðræðislegan hátt eða samkvæmt lýðræðislegum hefðum. Þar verða einfaldlega gefnar út sovéskar tilskipanir, því evrusvæðið er eins konar einræðisveldi. Ríkin munu fá tilskipanir Brussels sendar í gegnum síma. Ekkert þing verður kallað saman. 

Juan Ignacio Crespo segir í þessari grein í El Pais að þegar Grikkland segir sig úr evrunni þá muni Evrópusambandið þurfa að loka og setja efnahagslegt útgöngubann á hinum svo kallaða innri markaði (ennþá kenning á blaði) og Schengen samkomulaginu yrði að loka og læsa immed! Kannski gjaldeyrishöft? Ha ha ha ha ha.

Si el Tratado de Schengen va a tener su excepción transitoria, también puede tenerlo la libertad de movimiento de capitales en Grecia. 

Þá vitið þið það. Ríkisstjórn Jóhönnu Sigurðardóttur mun auðvitað setja Evrópusambandið  á lista yfir hryðjuverkasamtök og frysta allar hinar vaxandi eignir og peninga þessa Evrópusambands hér á Íslandi. Er það ekki? Már mun loka þær inni í Seðlabankanum, ekki satt?

Hver var það svo sem líkti evrusvæðinu við Bandaríki Norður-Ameríku? Var það ekki stjórnmálamaðurinn og seðlabankastjóri ESB; sjálfur tréhesturinn Trichet frá Lyon? Jú það var hann.

Össurarsvæðið í dag; Greece Joins Belarus as Europe’s Lowest-Rated 

Sjáið þið þetta ekki fyrir ykkur? Eitt af 50 fylkjum Bandaríkjanna kemur af stað neyðarástandi um öll Bandaríkin og heiminn allan; vegna nokkurra dala. Ég sé Bandaríkin ekki leysast upp þó svo að eitt fylki af 50 fari í þrot. Enginn mun taka eftir því.

Jóhanna og Steingrímur; þið verðið að muna eftir því að hlýða strax og sleikja gula og pissblauta skósóla Brussels þegar tilskipunin kemur. Alveg sama þó Ögmundur kjáni hafi ekki vitað hvað hann var að segja já við þegar hann í sjálfs-handjárnum og klóróformi forystu VG sagði já við því að sækja um inngöngu í Bandaríki Evrópu; sem eru og hafa verið á teikniborðinu í samfleytt 50 ár, án þess að þið hafið tekið eftir því þarna í Álfhóli 101.

Krækja; Atenas, sometida a un doble 'electroshock' 

PS: ég sendi Ögmundi og konu hans hér með samúðarkveðjur vegna ömurlegrar og óafsakanlegrar árásar skríls á heimili þeirra.

Fyrri færsla

Hörpuvísitalan hristist og skelfur

Hörpuvísitalan hristist og skelfur

Mynd; Bloomberg; CESIUSD:IND

 

"Óvæntinga-vísitala" Citigroup hefur hrunið síðustu mánuði. Þessari vísitölu má líkja við Steingrímsvísitöluna. Þegar Steingrímur og Jóhanna hundrað og einn birtast á svölum Hörpunnar og segja landsmönnum með gjallarhornum að landið sé að rísa og allt sé að batna, þá bætist plús einn við vísitöluna (+1). Hún ætti því að stíga og sýna okkur svart á hvítu að allt sé svo sósugott í þjóðarbúi Íslands. Er það ekki?

En svona einföld er vísitala þessi ekki. Hún borðar líka staðreyndir sem vega upp á móti hörpuslætti ríkisstjórnarinnar í 101. Hún tekur einnig inn raunverulegar hagtölur sem fást með því að mæla það sem gerst hefur í raun á meðan Jóhanna og Steingrímur blésu lofti sínu út í fjölmiðlum. Við hverja hagtölu sem passar ekki við fullyrðingar Steingríms, um að landið sé að rísa, fær vísitala mínus einn (-1). 

Þetta er reyndar ekki alveg satt hjá mér, því þessi vísitala er staðsett í Bandaríkjunum. Gefin út þar af fjármálastofnuninni Citigroup. Hún mælir hvernig hagtölur falla saman við þær væntingar sem menn höfðu til þeirra. Ef birt er efnahagstala (hagtala) sem sýnir betri árangur en menn áttu von á, þá fær vísitalan einn í plús. Ef hagtalan sem birtist er hins vegar verri en það sem menn áttu von á, þá fær vísitalan einn í mínus. Daglega og vikulega er þetta síðan lagt saman og útkoman myndar vísitölu dagsins eða vikunnar og þar fram eftir götum.

Það er svona, cirka about, sem Citigroup Surprise Economic Indicators Index virkar. Hann hefur hrunið frá því í byrjun marsmánaðar sem þýðir að allt of margar hagtölur eru og hafa verið verri en það sem menn voru sammála um að væri í raun og veru að gerast í bandaríska hagkerfinu. Það sama gildir reyndar á heimsvísu. Allt er verra en menn héldu og vonuðu. 

Undanfarnar vikur hefur silfurmarkaðurinn hrunið. Stórt hrun markaða varð síðan í gær. Þá var það olían sem hrundi um 12 dali á þeim einum og sama fimmtudegi, sem er met. Hrunið náði einnig til hávöru og málma eins og til dæmis kakóbauna, kopars, silfurs og gulls. Þessi lækkun er svo kröftug að hún fer inn í sögubækurnar.

Er allt að hrynja? Ég veit það ekki. Enginn veit það með vissu. En þeir sem voru séðir og unnu heimavinnuna sína vel - eins og til dæmis Warren gamli Buffet gerir - þeim er alveg sama þó svo að hlutabréfamarkaðir, sem og aðrir markaðir, séu lokaðir og læstir næstu fimm til tíu árin. Það gerir ekkert til þegar um þannig maraþonhlupara markaða er að ræða. Þessir eru alltaf í réttu myntinni. Mynt sem hefur fullvalda ríki á bak við sig. Í réttu vörunni eða bréfunum sem hafa hugarhlutdeild neytenda á bak við sig. Gleyma ber fyrirbærinu markaðshlutdeild, það segir okkur ekki neitt. Það eina sem skiptir máli er það sem geymt og ógleymt er í heilafrumum jarðarbúa; mindshare. Þetta gildir líka í pólitík.

 

Mind share => er það sem menn muna þegar áföllum slotar. Þeir sem fóru best úr úr óðaverðbólgunni í Þýskalandi á öðrum áratug síðustu aldar, voru þeir sem áttu pappíra í fyrirtækjum sem gátu lifað af. Svoleiðis voru bankar og útrápsfyrirtæki Íslendinga ekki. Og þannig verður Harpan heldur ekki. Geðbilunin keyrir áfram. Þetta er jú Weimartímabil Íslands - í 101. 

 

Krækjur: FT: When indicators disappoint | Rout 

 

Tengt; svona var málum háttað þá; The Surprise Index 22. ágúst 2008

 

Fyrri færsla

 

Á þjóðin fulltrúa á Alþingi? 

 

Össurarsvæðið gjaldþrota - verður ávalt fátækt og ófullvalda

 

Nú hefur Portúgal fallið fram á allar fjórar evrur og 77 óseldar sardínur. Þetta evruland er komið í fang ríkisgjaldþrotasjóðs evrusvæðisins og Alþjóða Gjaldeyrissjóðsins. 

Flest lönd evrusvæðis munu ávalt verða fátæk og alltaf þurfa að greiða hærri vexti fyrir fjármagn en lönd sem hafa sinn eigin gjaldmiðil. Þau eru hættulegri fjárfestum því þau hafa þverrandi sjálfsstjórn, ekkert fullveldi í efnahags og peningamálum og eiga því á hættu að verða gjaldþrota þegar á móti blæs. Einfalt en satt. 

 

Um evrusvæðið; Why is Spain paying higher interest rates on its government debt than the UK? The answer to this question is illuminating: membership of a currency union makes a country fiscally fragile. This is inherent in the construction: members are neither sovereign states nor components of a federation.

Martin Wolf á Financial Times bendir lesendum blaðsins á þennan óþægilega en einfalda sannleika í nýjum pappír frá Paul de Grauwe, sem Paul Krugman vildi óska að hann hefði skrifað sjálfur.    

 1 Grikkland

Össur Skarphéðinsson; "hér hefði ekkert hrun orðið ef við hefðum haft evru"

Grikkland hafði evru. Það er hrunið í fang AGS og ESBÞROT

Bankakerfi á leið í þrot og fjármangsflótti 

Atvinnuleysi: 15 prósent

2 Írland

Össur Skarphéðinsson; "hér hefði ekkert hrun orðið ef við hefðum haft evru"

Írland hafði evru. Það er hrunið í fang AGS og ESBÞROT

Bankakerfi farið og fjármangsflótti

Atvinnuleysi: 14,7 prósent

3 Portúgal 

Össur Skarphéðinsson; "hér hefði ekkert hrun orðið ef við hefðum haft evru"

Portúgal hafði evru. Það er hrunið í fang AGS og ESBÞROT

Bankakerfi farið og fjármangsflótti

Atvinnuleysi: 11,1 prósent

 

Er Össur heimskasti maður þessa heims? Ég spyr.

 

Evruaðild er ávísun á fátækt. Fáfræði Össuar er refsiverð og á aðeins heima á hinu fullveldis- og efnahagslega öryrkjasvæði Evrópusambandsins. Össur og Samfylking hans er hvorki fugl né fiskur. Þar virðist fáfræðin vera allsráðandi.

 

Fyrri færsla

 

Framsókn vinnur á. Þýskur risabanki ákærður fyrir svindl í bandarískum húsnæðislánum 

 

Framsókn vinnur á. Þýskur risabanki ákærður fyrir svindl í bandarískum húsnæðislánum

Bandaríska dómsmálaráðuneytið hefur hafið lögsókn gegn stærsta banka Þýskalands, Deutsche Bank, fyrir lygar, vanrækslu og svindl með bandarísk húsnæðislán sem bankinn svo seldi sem skotheld skuldabréf til lífeyrissjóða og seðlabanka. 

 

Starfsemi Deutsche Bank á bandarískum húsnæðismarkaði endaði illa. Bankinn vanrækti skyldur sínar í meðferð lána, lét hjá leiðast að afla upplýsinga um lánshæfni lántakenda; s.s. hvort skuldari hefði atvinnu og fengi laun. Sum lánanna enduðu því í vanskilum aðeins tveim mánuðum eftir að þau voru veitt. Bankinn henti áminninarbréfum frá yfirvöldum óopnuðum inn í skáp.

 

Lánin voru tryggð af bandaríska ríkinu sem nú situr eftir með ruslið en Deutsche Bank hins vegar með gróðann. Eins konar bandarískt "já" í Icesave.

 

Þýska ríkið mun að sjálfsögðu borga hvern einasta dal? Eða, hvað heldur þú Tryggvi Þór? Kyngja þeir ekki upplýstri sælunni?

 

"While Deutsche Bank and MortgageIT profited from the resale of these government-insured mortgages, thousands of American homeowners have faced default and eviction, and the government has paid hundreds of millions of dollars in insurance claims," the suit against Deutsche Bank alleged

 

Krækjur: WSJ - U.S. Says Deutsche Bank Lied | FT - The skeletons in Deutsche Bank’s closet 

 

Verður Jóhönnu Sigurðardóttir nokkuð stefnt fyrir að sprengja íslenskan húsnæðismarkað í tætlur? Hélt hún ekki á kyndli þeim og jós samtímis bensíni á bálið í síðustu ríkisstjórn?

 

Alþingi 10. okt. 2006; Birkir J. Jónsson; "Hv. þm. Jóhanna Sigurðardóttir mótmælti því harðlega í sumar að við værum að lækka hámarkslán Íbúðalánasjóðs og skerða lánshlutfallið" 

 

 

Gleðileg frétt. Framsókn eykst fylgi. 

Framsóknarflokkurinn vinnur á, samkvæmt frétt Morgunblaðsins hér að neðan. Það borgar sig að standa í lappirnar. Áfram Sigmundur Davíð! Gott hjá þér. Gæfan fylgir þér langt ef staðið er áfram fast.

 

 

Upplýst 

 

Framsókn bætir við sig fylgi

Berkshire Hathaway: "I think Europe has a hell of a problem"

Wall Street Journal skrifar heim frá aðalfundi hluthafa fjárfestingafélags Warrens Buffett; eins snjallasta fjárfesti heimsins. 

"Ef ríkisfjármál ESB landa verða ekki sameinuð þá mun hin innri efnahagslega spenna myntbandalagsins brjótast út með mjög óþægilegum afleiðingum fyrir Evrópu", sagði Buffet.

Á þessum aðalfundi var ESB gagnrýnt fyrir að skjóta með baunabyssum á vandamál evrusvæðisins, sem eru af mammúskri stærð.     

"Það er ekki nóg að kunna og vita" - sagði Buffet eitt sinn er margháskólaðir fagmenn kvörtuðu yfir því að ná ekki sama árangri þegar þeir fylgdu viðskiptauppskrift þessa nú gamla manns - "þú verður líka að geta hugsað", sagði hann.

 

Elíta ESB kann og veit allt. En getur ekki neitt - og síst af öllu hugsað.

Það er einmitt það sem Gylfi allsherjarkjáni ESB-ASÍ stendur fyrir. Hann er ofalinn fíll á jarðsprengjusvæði elítu ESB. Sundurtættur en tekur bara ekki eftir því að allt fyrir ofan mitti er horfið. Þegar maður er bara hamar þá heldur maður að öll vandamál séu naglar. Sama gildir um ríkisstjórn Jóhönnu Sigurðardóttur, sem er undir sérstökum verndarvæng DDRASÍ, DDRÚV, DDRHÍ, DDRBIF og um það bil fimm þúsund annarra DDRlegra fyrirbæra ekki_almennings.

Á útborgunardegi Gylfa hjá DDRESBASÍ í gær skrifaði Financial Times heim frá paradís ríkisstjórnar Jóhönnu Sigurðardóttur og verkalýðselítu Íslands, um að ríkisfjármálahersveitir myntbandalagsins - það eina sem virkar á evrusvæðinu - bíði nú ávalt reiðubúnar í viðbragðsstöðu í hliðargötum Aþenu, dag sem nótt, því að landið eigi á hættu að springa í loft upp á hverri stundu. Eftir heil 29 ár í ESB.

 

Each evening, as darkness descends on Athens, police in riot gear wait in buses that line the side streets of the city centre. Some fidget with mobile phones, others stare into the night. What they are waiting for, nobody is sure. But everyone in the Greek capital agrees something could happen any time.  

 

Já, eftir 29 ár í Evrópusambandinu og 37 árum eftir að herinn sleppti þar ríkisvöldum, er Grikkland sprengt í tætlur af myntbandalagi Evrópusambandsins. Fólkið mun ekki sætta sig við þessa nýju herstjórn Evrópusambandsins. Það hitnar í kolunum og þrúgur reiðinnar safnast saman á næfurþunnri eggjaskurn myntbandalags Evrópusambandsins. 

 

Þrúguðu silfri DDRÚV líkar þetta afar vel, þ.e.a.s í Grikklandi. Bíbb. Slökkva.

 

Warren Buffett er hins vegar bjartsýnn á framtíðina fyrir Bandaríki Norður-Ameríku. 

 

Krækjur 

 

Wall Street Journal

Financial Times

 

Fyrri færsla

 

Atvinnuleysi í Þýskalandi lækkar eftir 12 ára samfellda gengisfellingu Þjóðverja 

 

Atvinnuleysi í Þýskalandi lækkar eftir 12 ára samfellda gengisfellingu Þjóðverja

Fyrsta maí skilaboð.

 

Mynd BBC: vísitala launakostnaðar nokkurra evrulanda.

 

Í Þýskalandi er skálað í miði ófara þeirra ríkja evrusvæðisins sem nú ramba á barmi ríkisgjalþrots. Í samfleytt 12 ár hefur gengi þýska hagkerfisins gagnvart öðrum evruríkjum verið undir því sem markaðsöfl myndu stilla það á ef gegni gjaldmiðils landsins hefði verið frjálst fljótandi, samkvæmt markaðslögmálum. Þannig hefur þýskum tekist að lækka atvinnuleysi niður í 19 ára sögulegt lágmark, en sem þó er því sem næst óbærilegt á íslenskan mælikvarða; eða 6,3 prósent. 

Á þessu 12 ára tímabili - undir ECU og evru - hafa laun og kostnaður í Þýskalandi verið barin niður með handjárnuðum launþegum og endað með 5 prósenta stærðargráðu launahækkun á 12 árum, samtals. Fimm prósent á 12 árum. Þýskaland ræður ferð Evrópu niður á botn samfélaga - það keppir ekki - það svindlar sig áfram í heiminum og flýtur áfram á bökum annarra. Helstu fórnarlömbin eru nágrannar þeirra á evrusvæðinu og Bandaríki Norður-Ameríku sem þó björguðu landinu frá algeru hruni árin 2008-2009.

Bandaríkin gætu endurgoldið þetta með því að hleypa Suður-Ameríku inn í mynt sína og þannig riðið áfram á bökum minna þróaðri hagkerfa í suðri á lægra gengi en eðlilegt væri. Nágrannaþjóðir Þýskalands sem eru svo óheppnar að vera varanlega og örkumlandi læstar i fastfrosnu gengisfyrirkomulagi við Þýskaland, geta hins vegar ekkert að gert, nema verða ríkisgjaldþrota og uppsafna þrúgum reiðinnar á ný.

Þeir fjármunir sem vantar á kistubotna evruríkja í útrýmingarhættu eru læstir heima í hinum risavaxna viðskiptahagnaði Þýskalands við umheiminn, sem gerir ekkert gagn. Upphæð sem á aðeins áratug hefur orðið að 1000 miljörðum Bandaríkjadala. Þýskaland safnar til ellinnar miklu og kaupir lítið sem ekki neitt af öðrum löndum myntbandalagsins sem handjárnuð eru við þetta svarthol sem stýrir mynt og peningapólitískum vöxtum þeirra með skelfilegum afleiðingum.

Í Evrópu hafa verkalýðshreyfingar loksins komið auga á misferlið. En á meðan sleikja íslenskir verkalýðsbossar út um bæði munnvik hér heima. Þeir liggja fast og makindalega á bökum íslenskra launþega sem ríða á inn í evrusvælu launþega myntbandalagsins. 

Brýnasta verkefni ríkisstjórnar okkar er að eyðileggja sjávarútveg og landbúnað Íslands; sem er undirstaða velmegunar lands okkar - og hefur verið svo frá upphafi velmegunar á Íslandi. Í svaðið skal riðið, sama hvað það kostar. Þetta er jú paradís elítu Evrópu. En fyrst þarf að drepa undirstöðuatvinnuvegi landsins. Skiljanlega.

Ef Ísland væri með evru sem gjaldmiðil, er 100 prósent öruggt að hið sérstæða hagkerfi lands okkar myndi mjög hratt verðleggja sig út úr myntbandalaginu og reyndar heiminum öllum - og hætta þar með að geta selt svo mikið sem einn sporð af fisk til útlanda sökum innri verðbólgu sem ekki væri lengur hægt að lagfæra í gegnum sjálfstætt gengi gjaldmiðils okkar. 

Hér er ekki um að ræða 77 maltískar RÚV-sardínur í $28 dós á mann, eða 2000 tonn fiskjar á ári. Hér er um að ræða 1,3 milljón tonn á hverju ári. Þetta eru þeir fjármunir sem notaðir eru til að byggja restina af íslenska hagkerfinu með. Grunnur efnahagslegrar tilveru Íslendinga.

 

Eina leiðin til að nýta landhelgi og auðæfi sjávar Íslands væri þá að láta útlendinga um að veiða fiskinn okkar. Þeir einir gætu keppt á mörkuðunum með því að borga lág laun, lítinn kostnað, miklu lægri skatta og með því að sigla um í ryðhrúgudöllum. Öðru nafni: þrælakistum. Þetta yrði ekki skínandi falleg útgerð, heldur þrælakista.

Þá myndu Íslendingar þurfa að flytja inn fisk sér til matar. Einungis vegna ógæfulegrar útópíu vissra stjórnmálamanna og hagsmunasamtaka sem banna mun Íslendingum að aðlaga gengið eftir þörfum hagkerfisins, því þá væri ekki lengur til neitt gengi sem hægt væri að aðlaga. Það væri horfið. Horfið um alla eilífð til Þýskalands og kæmi þaðan aldrei aftur. 

Það er því virkilega mikið í húfi hér fyrir okkar góða land og þjóðina. Mjög mikið í húfi. Sjálf tilvera þjóðarinnar er hér í húfi. Var það þetta sem árið 1944 snérist um? Snérist það um afsal á framtíð fyrir Ísland? Afsal á nýfengnu fullveldi Íslands? Það er ekki svo langt síðan 1944 var dagurinn í dag. Margir muna þann dag mjög vel ennþá.

 

Fyrri færsla

Helsinki Times; Finnlandi væri best að yfirgefa evrusvæðið 

 

 

Helsinki Times; Finnlandi væri best að yfirgefa evrusvæðið

 

Sjaldséður hvítur hrafn sést nú koma fljúgandi út úr finnskri dagspressu. Loksins má segja það sem þó allir vissu í Finnlandi.  

Þarna er evrunni líkt við kassabíl sem einungis kemst áfram með því að leka niður brekkur. Kassabíl sem kyrrsetur hagkerfin sem í honum eru, strax og á jafnssléttu er komið. Bröttubrekkur voru ekki teiknaðar á vegakort evrunnar.

Prófessor í Finnlandi segir evruna hafa skaðað finnska hagkerfið það mikið að nú sé landið ósamkeppnishæft miðað við Þýskaland. 

"Evrusinnaðir kjánar blekktu sjálfa sig sem aðra með óskhyggju. Þeir héldu því fram að evruaðildin hefði gagnast finnska hagkerfinu og þar með okkur öllum. Staðreyndin er hins vega sú að fram til ársins 2008 var ekkert gagn af evrunni fyrir okkur. En frá og með því ári hefur hún skaðað okkur."

 

Finnska leið Jóhönnu niður brekkur í kassabíl

 

Því miður fyrir prófessorinn í finnska kassabílnum á evrunúmerum; Það er ekki hægt að yfirgefa evruna. Sama hversu brennandi heitt allir þegnar landsins vildu það. 

 

Fyrrverandi seðlabankastjóri belgíska seðlabankans, Alfons Verplaetse, hefur sem aðeins einn af mörgum getið þess opinberlega að við hönnun myntbandalags Evrópusambandsins var því ekki veitt nein athygli að lönd gætu sagt sig úr myntbandalaginu - þ.e. að ríkin sem einu sinni ganga í myntbandalagið gætu skilað evrunni sem gjaldmiðli ef þeim líkaði hún illa sem gjaldmiðill þjóðar sinnar. "Þetta var einfaldlega ekki rætt því allir vissu að það eitt að segja sig úr myntbandalaginu myndi þýða "þjóðfélagslegt og efnahagslegt sjálfsmorð" fyrir ríkin" (socio- economic suicide). Þetta var samhljóða skoðun allra þeirra sem stóðu að stofnun og hönnun myntbandalagsins", sagði Verplaetse.

 

Þess er hægt að geta hér að landsframleiðsla Finnlands féll um hvorki meira né minna en 7,8% (leiðréttar tölur hagstofunnar segja nú 8 prósent) á árinu 2009 í heild. Þetta er mesta hrun í landsframleiðslu Finnlands á einu ári frá því að mælingar hófust árið 1975. Í frægu finnsku kreppunni 1991-1993, þegar Finnland upplifði erfiða bankakreppu samhliða hruni Sovétríkjanna, þá féll landsframleiðsla Finnlands "aðeins" um 6% á árinu 1991, þegar verst lét. Til að fá fram tölur um svipað hrun og varð á árinu 2008-2009, þá þurfa Finnar að leita aftur til áranna 1917-1918. Það er víst óþarft að segja frá því hér að mynt Finnlands heitir og er því miður evra myntbandalags Evrópusambandsins. En ég segi það samt, já einu sinni enn.

Útflutningur Finnlands hrundi alls um 24% frá 2008-2009, fjárfestingar hrundu um 13%, innflutningur hrundi um 22% og einkaneysla féll um 2,1%. Rekstrarafkoma fyrirtækja hrundi um 39%. Þau greiddu því 44% minna í skatta og greiddu út 34% minna í arð.

 

Krækjur

 

Finland would be best to leave euroland 

Would be socio- economic suicide

Hagstofa Finnlands 

 

Fyrri færsla

 

Vextir á tveggja ára lánum til gríska esb-lýðveldisins nálgast nú 27 prósent