Ríkisstjórn Íslands hefur sótt um inngöngu í þjóðfélags- og efnahagslegt svarthol

Lesið Dirk Schümer; Frankfurter Allgemeine Zeitung; Evrópa deyr í ESB

"A Demon, Uncontrollable, Impossible To Vote Away" 

 

Evrópa tapar í baráttunni um framtíðina -

Eftir 30-50 ára tilvist og smyglaða veldisaukningu er ESB og evrusvæðið í djúpri kreppu. Rosahalli rosaríkisfjármála er að sprengja ríkin í loft upp. Hrossalækningar hafa verið settar í framkvæmd, út um allt, og mest í formi geldinga. Pólitískur óróleiki mikill fylgir í kjölfarið. Þetta bliknar þó samt við hliðina á þeirri staðreynd að Evrópa tapar sífellt í baráttunni um framtíðina í hinum stóra og nú, einu sinni enn, nýja heimi veraldar. Þetta segir yfirmaður greiningardeildar Nykredit Markets, Ulrik Bie. 

Evrópa er of dýr segir hann. Þeir vinna of lítið og fá of há laun miðað við önnur lönd heimsins. Evrópa tapar. Ef ekki verður bráðlega gerð bylting á Evrópu þá mun heimsálfan enda sem utangarðssafn heimsins. Hvort það verður opið eða lokað safn, er ekki fyrirfram vitað.

Europa taber kampen om fremtiden; "Der er en ny global verdensorden og et nyt vækstbillede. Skal Europa have en chance, skal vi være mere fleksible og innovative. Det kræver reformer," forklarer Ulrik Bie, der er chefanalytiker i Nykredit Markets.

Greiningardeild Íslandsbanka kom svo með nýjustu óðaöldrunarfréttir Evrópusambandsins í vikunni. Þær má lesa hér. Óðaöldurn (e. hyper ageing) er hafin í næstum öllu Evrópusambandinu eins og það leggur sig.

 

Evrópubúar geta ekki kosið ESB burt - Evrópa verður því að deyja saman með ESB - eða kjósa með fótunum. 

Þegar ég flutti til ESB árið 1985 var ESB ekki til. Okkur var sagt aðeins ári síðar að ESB yrði heldur aldrei til. En ESB varð til. Kosningasvik. Massíf. Svona hafa hin nýju Sovétríki nútímans, ESB, þróast í gegnum svik, fals, hálf- og heillygar, áratugum saman.

 

Evrópa deyr í ESB - In the beginning it was all about steel, the leftovers of war and the isolation of dangerous German Nazis. Then about a vote over coal transportation. Then about electricity production. Then about traffic routes. Then about agriculture. Then about customs. Then about the judiciary. Then about the currency. And now about everything.” 

Eftir aðeins nokkur ár fór ég að fá á tilfinninguna að Evrópa væri alltaf að tapa. Sérstaklega fannst mér þetta þegar ég horfði heim til Íslands og miðaði okkur við Ísland. Eftir að hafa stundað atvinnurekstur í ESB í 10 ár fór ég að glata voninni um að Evrópa yrði nokkurntíma annað en hinn sanni stóri tapari heimsins án enda. Eftir 20 ár var ég orðinn meira en handviss. Evrópa er varanlega á leiðinni til fjandans. Eftir 25 ár í ESB er ég loksins fluttur heim í fagran dal. Börnin voru flutt að heiman og fær um að standa á eigin fótum. Þá var hægt að flytja heim í fagran fullvalda dal. Vonandi trítla þau smá saman á eftir okkur heim. 

Þeir þingmenn lýðveldisins sem sótt hafa um óafturkallanlega inngöngu Íslands í efnahagslegt og mannlegt helvíti framtíðarinnar í Evrópusambandinu til eilífðar, eru þessir;

Álfheiður Ingadóttir (hafði ekkert umboð frá kjósendum)

 

Árni Páll Árnason

 

Árni Þór Sigurðsson (hafði ekkert umboð frá kjósendum)

 

Ásta R. Jóhannesdóttir

 

Birkir Jón Jónsson (hafði ekkert umboð frá kjósendum)

 

Bjarkey Gunnarsdóttir (hafði ekkert umboð frá kjósendum)

 

Björgvin G. Sigurðsson

 

Guðbjartur Hannesson 

 

Guðmundur Steingrímsson (hafði ekkert umboð frá kjósendum)

 

Helgi Hjörvar

 

Jóhanna Sigurðardóttir

 

Jónína Rós Guðmundsdóttir

 

Katrín Jakobsdóttir (hafði ekkert umboð frá kjósendum)

 

Katrín Júlíusdóttir

Kristján L. Möller

 

Lilja Mósesdóttir (hafði ekkert umboð frá kjósendum)

 

Magnús Orri Schram

Oddný G. Harðardóttir

 

Ólína Þorvarðardóttir

 

Ragnheiður Ríkharðsdóttir (hafði ekkert umboð frá kjósendum)

 

Róbert Marshall

 

Sigmundur Ernir Rúnarsson

 

Sigríður Ingibjörg Ingadóttir

 

Siv Friðleifsdóttir (hafði ekkert umboð frá kjósendum)

 

Skúli Helgason

 

Steingrímur J. Sigfússon (hafði ekkert umboð frá kjósendum)

 

Steinunn Valdís Óskarsdóttir

 

Svandís Svavarsdóttir (hafði ekkert umboð frá kjósendum)

 

Valgerður Bjarnadóttir

 

Þórunn Sveinbjarnardóttir

 

Þráinn Bertelsson (hafði ekkert umboð frá kjósendum)

 

Ögmundur Jónasson (hafði ekkert umboð frá kjósendum)

 

Össur Skarphéðinsson

 

Kosningasvik, þegar að sjálfstæði og fullveldi lýðveldis okkar kemur, eru meira en grafalvarlegur hlutur.

 

Þeir þingmenn lýðveldisins sem brugðust skyldum sínum við að koma umboði og vilja kjósenda sinna á framfæri, eru þessir:

 

Guðfríður Lilja Grétarsdóttir, Margrét Tryggvadóttir, Þorgerður K. Gunnarsdóttir  

 

Þeir þingmenn lýðveldisins  sem sögðu nei og voru trúir umboði því sem þeir sóttu til kjósenda, eru þessir:

 

Atli Gíslason, Árni Johnsen, Ásbjörn Óttarsson, Ásmundur Einar Daðason, Birgir Ármannsson, Birgitta Jónsdóttir, Bjarni Benediktsson, Einar K. Guðfinnsson, Eygló Harðardóttir, Guðlaugur Þór Þórðarson, Gunnar Bragi Sveinsson, Höskuldur Þórhallsson, Illugi Gunnarsson, Jón Bjarnason, Jón Gunnarsson, Kristján Þór Júlíusson, Lilja Rafney Magnúsdóttir, Ólöf Nordal, Pétur H. Blöndal, Ragnheiður E. Árnadóttir, Sigmundur Davíð Gunnlaugsson, Sigurður Ingi Jóhannsson, Tryggvi Þór Herbertsson, Unnur Brá Konráðsdóttir, Vigdís Hauksdóttir, Þór Saari, Þuríður Backman

 

Tengt efni:

• Felutryggingaálagið á Sjálfstæðisflokkinn hækkar

Fyrri færsla

• Krónan okkar vann: Steingrímur jó jó og Jóhanna von Skjaldborg töpuðu 

Krónan okkar vann: Steingrímur jó jó og Jóhanna von Skjaldborg töpuðu

Alþjóðlegir fjárfestar sem áður voru hið alþjóðlega auðvald og hættulegir spekúlantar eru nú, samkvæmt Steingrími J. Sigfússyni, orðnir "alþjóðasamfélag" - og þá líklega einkamjólkurbúss ríkisstjórnar getuleysisins og vogunarsjóða hennar.

Ríkissjóður Íslands átti come back á alþjóðlegum fjármálamarkaði í dag. Í fyrsta sinn síðan árið 2006 seldi ríkissjóður fullvalda Íslands skuldir til erlendra fjárfesta. Vaxtakjörin sem stóðu ríkissjóði hinnar hetjulegu íslensku krónu okkar landsmanna til boða á þessu fimm ára láni, hljóðuðu upp á aðeins um það bil 5 prósent. 

 

WSJ; Orders are now being taken for Iceland's first bond offering since its spectacular economic and banking collapse late in 2008. The five-year offering, which may raise as much as $1 billion at a yield of around 5%, is a milestone in rebuilding confidence internationally and follows a turnaround in the economy, forecast to grow 2.25% this year. 

Sem sagt fimm prósent vextir til fimm ára. Þetta er þá rétt um það bil þrem prósentustigum yfir því sem talin er vera áhættulaus lánveiting á millibankamarkaði heimsins (LIBOR), sem stundaður er meðal og á milli traustustu fjármálastofnana heimsins. Alt frá einnar náttar lánum og upp í peninglán til eins árs.

Nú spyrja margir hvernig þetta gat gerst undir íslensku krónunni, sem forsætisráðherraínan segir að sé ónýt, því sjálft evrulandið Grikkland þarf að greiða því sem næst VISA-vexti fyrir sama lán hjá sömu fjárfestum, eða 17,8 prósent. Evrulandið Írland þarf að greiða 11,76 prósent fyrir að taka sömu peninga að láni til 5 ára. Og þetta er aðeins tæplega einu prósentustigi meira en Ítalía, sem er þriðja stærsta hagkerfi myntbandalags Evrópusambandsins, þarf að greiða í áhættuþóknun fyrir að fá samskonar lán hjá sömu fjárfestum. 

 

It will also fuel debate over whether peripheral European countries such as Greece, Ireland and Portugal would have fared better if they had had their own currencies and let their banks go bust. 

Svarið er einfalt. Erlendir fjárfestar eru ekki eins innheimskir og forstætisráðherra Íslands og allt pakk* hennar er í ríkisstjórninni. Erlendir fjárfestar vita að lönd sem hafa sinn eigin gjaldmiðil og fullveldi í peningmálum munu miklu frekar lifa af kreppur. Hagkerfi þeirra munu síður stöðvast því sjálfstæður gjaldmiðill getur við réttar og viðeigandi aðstæður virkað eins og instant upplífgunarsprauta eða economic stimulus fyrir allt hagkerfið í einu. Það mun því síður stöðvast og þurrka þar með út lánstraust ríkissjóðs, því hann mun síður verða sjóðþurrðinni að bráð, og greiðslugeta hans þannig frekar haldast ósködduð en hjá löndum sem eru orðin peningalegar nýlendur, eins og Grikkland og Írland eru orðin í ESB.

Svo vita erlendir fjárfestar mjög vel að þjóðin hefur tekið öll völd af Steingrími J. Sigfússyni ríkisfjármálabraskara og kosningasvikara. Hún hefur tvisvar stöðvað hann í því að veðsetja landið upp fyrir skorsteininn. Erlendir fjárfestar vita einnig að þjóðinni er svo illa við manninn að ólíklegt er annað en að dagar hans í pólitík séu allir taldir. Hann hefur fyrirgert sjálfi sínu með hroðalegum svikum við kjósendur.

 

Lánið til ríkissjóðs okkar fékkst á svona frekar hagsæðum vöxtum, miðað við aðstæður, vegna þess að erlendir fjárfestar hafa séð þjóðina í verki taka þessa ríkisstjórn í nefið og völdin af henni; þeir treysta á þjóðina því það er þjóðin sem þarf að borga. Þeir vita svo allt of vel að Steingrímur J. Sigfússon er ekki borgunarmaður fyrir neinu. Og verður það aldrei.

 

Svo minni ég enn og aftur á að felutryggingaálagið á Sjálfstæðisflokkinn hækkar

 

* fólk í sitjandi ríkisstjórn, sama hver hún er, sem segir að okkar eigin gjaldmiðill sé ónýtur, er pakk; þ.e.a.s upplýst skítapakk!  

 

Fyrri færsla

 

Einangraðir í fögrum dal - fyrir utan ESB 

 

Einangraðir í fögrum dal - fyrir utan ESB

Skagfirðingar eiga voðalega bágt. Þeir eiga jú við þennan einangrunar kór að stríða, sem nú er stjórnað af einangrunarsinnanum Helgu Rós Indriðadóttur sem lærði einangrunarfræði afdalamennskunnar við Tónlistarháskólann í Stuttgart (all the way from Stuttgart, ja?). Kórinn nýtur einnig einangrunar Tómasar Randal Higgersonar við undirleik sem og aðra einangrun Skagfirðinga. Myndasafn kórsins vitnar einnig um hina djúpu einangrun Skagfirðinga. Og svo eru það Fljótin.

 

Í fögrum dal hjá fjalla bláum straumi

ég fríða meyju leit í sætum draumi;

það blöktu lausir lokkar um ljósan meyjar háls;

með blíðubros á munni hún byrjun tók svo máls:

"Sæludal sólar geislar hlúa,

sæludal sælt er í að búa."

 

Um brattan tind þótt blási köldum anda,

ei byljir storma dalnum fagra granda,

því honum helgar vættir með hlífðar skýla arm,

og hér er hlýtt í hlíðum og heitt við meyjar barm;

hjarta trútt hafa snótir dala,

hjarta trútt, hreint sem lindin svala.

 

Piltur og Stúlka; Emil Thoroddsen (1898-1944) - Sönglög úr sjónleiknum Piltur og Stúlka - Jón Thoroddsen (1819-1868)

Ljúft og yndislegt, Heimir. Hattur ofan . .  

Tengt efni:

Felutryggingaálagið á Sjálfstæðisflokkinn hækkar

Hvernig býr maður til evrusvæði? - efnahagslegt svað, evrusvað

 

Þetta er ekki flókið. Nú ætla ég að búa til evrusvæðis evrusvað úr Bandaríkjunum. Svona er það gert:

Eitt; Fyrst og til að byrja með fjarlægi ég sameiginleg fjárlög Bandaríkja Norður-Ameríku. Tek öll fjárlögin - sem nema tæplega 30 prósentum af landsframleiðslu Bandaríkjanna - af ríkisstjórn og þingi. Þá eru þau farin.

Tvö; Næst fjarlægi ég ríkisstjórnina. Hún missti fjárlögin og peningavöldin í málsgreininni hér fyrir ofan. Þá er hún farin, ríkisstjórnin, öll. 

Þrjú; Næst fjarlægi ég forseta Bandaríkjanna. En honum var svo sem sjálfhætt þegar ríkisstjórnin og fjárlögin fóru. Að minnsta kosti að flestu leyti nema að nafninu til. 

Fjögur; Ég fjarlægi hins vegar ekki seðlabanka Bandaríkjanna. Hin 50 fylki Bandaríkjanna munu halda áfram með sameiginlega mynt; dollar. Því þurfa þau sameiginlegan seðlabanka. 

Nú erum við komin með evrusvæði, eða réttara sagt; evrusvað. Nú þurfa 50 fylkisstjórar fylkja Bandaríkjanna að koma sér saman um hvenær, hve mikið og hver fær í hvert skiptið sem sameiginlegur seðlabanki þessara 50 fylkja ætlar að gefa út og prenta hvern og einn einasta Bandaríkjadal í viðbót við þá sem þegar eru til. Og lánveitandinn til þrautavarna hvarf einnig í liðum eitt til þrjú hér fyrir ofan.

Svo er það stjórnarskráin. En hún er þegar komin í Evrópusambandinu. Hún heitir Lissabon-sáttmálinn og tók gildi í öllum 27 löndum sambandsins án þess þeir sem eiga að lifa og anda undir henni væru spurðir að neinu. Þetta er vegurinn til friðarins. Hins óða manns æði til friðarins í Evrópu.       

Þetta er ekki flókið. Samt hafa afar fáir komið auga á hvers vegna myntbandalag Evrópusambandsins er dauðadæmt án fjárlaga og ríkisstjórnar sem krefjast skattheimtu ESB í öllum löndum sambandsins, svo hægt sé að koma sér upp fjárlögum og fjálagavaldi; ríkisstjórn drottnandi yfir öllum 27 löndum sambandsins.

 

Ekkert hinna 27 landa Evrópusambandsins gekk í svona fyrirbæri. Þau héldu að þetta væri tollabandalag. En nú eru þau á leiðinni í þetta fyrirbæri, hið nýja stórveldi einræðis og brjálæðis.  

Þetta, mínar dömur og herrar, er munurinn á evru og Bandaríkjadal. Enginn í Brussel þykist vita af þessum mun. En þeir vita samt allir vel af honum. Það er þess vegna sem þeir eru allir að pissa í buxurnar af hræðlu núna. Þeir eru svo innilega hræddir við að 500 miljón manns komi auga á það sem er að gerast með 27 löndin - í fullkomnu og algeru leyfisleysi kjósenda. 

 

Valdasjúk elíta brjálæðis ESB er stórhættuleg Evrópu. Hryllingsapótek Evrópu er opið á ný. 

 

Svo er það herinn, væni minn. 

 

Fyrri fræsla

 

Fyrst mátti AGS ekki að koma nálægt Evrusvæðinu: En nú heimtar þetta sama evrusvæði að stýra sjóðnum 

Fyrst mátti AGS ekki að koma nálægt Evrusvæðinu: En nú heimtar þetta sama evrusvæði að stýra sjóðnum

PK um björgunina 6. júní 1944.

 

Simon Jonhson, fyrrverandi yfirhagfræðingur AGS, skrifar beitta og bitra grein um hræsni evrusvæðisins.

 

Fyrir aðeins nokkrum árum sögðu frammámenn evrusvæðisins að Alþjóða Gjaldeyrissjóðurinn ætti að halda sig algerlega frá málefnum þessa evrusvæðis. Hann hefði misst tilverurétt sinn og þyrfti að fara í megrun. Og einnig, að sjóðurinn ætti að halda sig langt frá því að gagnrýna evrusvæðið fyrir hinn tröllvaxna innri viðskiptaójöfnuð á milli landa myntsvæðisins.

 

Why does this make sense? It doesn’t – unless you understand that the goal of these various bailouts is to ensure that German and French taxpayers do not realize the full extent of their losses or the ways in which their banks have been completely mismanaged.

 

Þegar í ljós kom að evra evrusvæðisins, sem upphaflega átti að lækna misræmið í innbyrðis efnahagsþróun á milli landa myntsvæðisins, hafði hins vegar bara stórkostlega aukið þetta misræmi - og reyndar gert það margfalt verra en það hefði verið án evrunnar - já, þá var sjóðnum skipað að halda kjafti og að hann mætti alls ekki koma að neinum málum myntbandalags Evrópusambandsins. Því bara hið minnsta hvísl um aðkomu sjóðsins myndi gefa umheiminum - en þó sérstaklega innheiminum á evrusvæðinu - til kynna að þetta væri ekki öruggt mannvirki, þessi evra; að evrusvæðið væri gallað. 

En nú krefjast þessir sömu evrusvæðismenn - sem áður hentu stórgrýti úr glerhúsum skjaldborga evrusvæðsins - þess að fá að stjórna sjóðnum svo þeir geti nýtt hann við að nota annarra manna peninga til að halda áfram leiknum við að fela hið sanna ástand eigin gjaldþrota. Áfram munu framámenn evrusvæðisins - fyrir annarra manna peninga - reyna að fela gjaldþrot bankakerfa sinna, gjaldþrot ríkissjóða sinna, og reiða sig svo í lokin á - en þegar allt er um seinan - á hjálp frá alþjóðasamfélaginu og fátækum ríkjum úti í heimi. Að hjálpin berist þeim þá fljótandi inn á næfurþunna eggjaskurn peningagólfs myntbandalagsins - frá ríkjum utan myntbrandaralagsins. Og þá helst í dollurum.

 

The French want to sway decision-making at the IMF in order to use US, Japanese, and poorer countries’ money to conceal from their own electorate that the eurozone structure has led all its members into serious fiscal jeopardy – some borrowed heavily, while others let their banks lend irresponsibly and thus created a large contingent liability.

Aldrei í sögu mannkyns hefur nokkurn tíma verið fundið upp eins lélegt og illa hugsað efnahagslegt fyrirbæri eins og evra myntbandalags Evrópusambandsins.

 

Krækja: Why Are the French So Determined To Run The IMF – And What Will It Cost You?

 

Fyrri færsla

 

Millilent á Íslandi á leið munka frá Kanada til Grikklands, Írlands og Portúgals 

Millilent á Íslandi á leið munka frá Kanada til Grikklands, Írlands og Portúgals

Munkaklaustur miðalda eru seðlabankar vorra daga. Til þess að þeir gefi meiningu er samspil þeirra og ríkisvaldsins bráðnauðsynlegt. Ef svo hefði verið værum við ekki í þessum vandræðum út um allar jarðir nú. Munkar hagfræðinnar eru ágætir í lokuðum klausturgörðum sínum. Einangraðir fræðimenn.

Munkar seðlabanka Grikklands hefðu tekið sig ágætlega út alla leiðina frá Kanada. Þeir hefðu þá getað millilent á Íslandi til að skipta um bleyjur steinsnar frá ha ha ha í fæðingu. 

Seðlar og myntir lands án samspils fullveldis ríkisvaldsins í peningamálum, er síðasta rúsínan í hallæri hagfræðinnar. Steinsnar frá geðveikinni. Hver býður betur næst? Hvað á að taka upp næst. Mynt sólkerfis Regulúsar? En mynt Krabbaþokunnar væri hugsanlega betri "kostur". Hvað finnst þér? Eigum við ekki að tala um þetta væni minn. Léttu nú á þér. Segðu mömmu.

 

Getur það hugsast að Kanadamenn séu alvarlega að hugsa um að taka upp kanadískan dal? Liltu lélegu og lúsarlegu myntina sem menn sögðu svo lengi vel að gæti bara alls ekki þrifist við hliðina á hinum rísastóra Bandaríkjadal. Væri of lítil til að geta staðið ein. Hvað hefur gerst. Kraftaverk í klaustri?

 

Ef eitthvað er sagt nógu oft, þá er það auðvitað satt og rétt. Ekki satt?

 

Lækning: The Instability of Moderation

 

Fyrri færsla

• Seðlabankastjóri Evrópusambandsins kallar á stofnun Bandaríkja Evrópu. ESB ekki lengur nóg

Vangaveltur um Kanadadal

Seðlabankastjóri Evrópusambandsins kallar á stofnun Bandaríkja Evrópu. ESB ekki lengur nóg.

Mynd; Financial Times, nokkrir rosknir óháðir menn í Evrópu, sjá einnig DW

 

Hinn óháði seðlabankastjóri ECB, Jean-Claude Trichet frá Lyon, fékk Charlemagne verðlaunin í ár sem sameiningarmaður Evrópu númer eitt. Seðlabankastjórinn fékk verðlaunin fyrir sitt djúpa og ákafa pólitíska starf í þágu sameiningar Evrópu undir forsæti hins óháða seðlabanka Evrópusambandsins. Seðlabanka sem sumir, en fullkomlega ranglega, nefna til sögunnar sem "evrópska seðlabankann". Það eru meira en 50 sjálfstæð ríki í Evrópu. Seðlabanki Evrópusambandsins er hið rétta nafn ECB.

Ísland er sem betur fer ekki eitt 50 landa Evrópu því Ísland liggur ekki á jarðflekum Evrópu, sem eru að renna saman í eitt, heldur liggur Ísland á sínum eigin fleka, mitt á milli Ameríku og Evrópu. Óháð.    

Jafnvel Wolfgang Munchau telur í skrifum dagsins að einn og einn sjaldgæfur maður muni álíta þetta sem yfirtúlkun á hlutverki eins óháðs seðlabankastjóra. Maður trúir varla sínum eigin eyrum. Hvað næst? Herra Hringsins? Stjörnustríð?

Í ræðu sinni sagði embættismaðurinn Trichet frá Lyon, að tímabil tungumáls og tungutaka eftirlits, tilmæla, hvatninga, sekta og refsinga væri á enda runnið og tíminn nú væri réttur til stofnunar fjármálaráðuneytis Evrópusambandsins. Það ráðuneyti myndi fá völd yfir ríkisfjármálum ESB-landa lenda og eigin fjárlög. Hann sagði að þetta myndi marka nýja gerð Bandaríkja Evrópu. "Sambandsríkið sem kom til sögunnar eftir daginn á morgun" (the day after tomorrow). Þið munið kannski eftir bíómyndinni "daginn eftir", e. the day after - evru?

 

He said the structure he had in mind was that of a confederation of sovereign states "of an entirely new type”. As to the timing, it would be a "union of tomorrow, or of the day after tomorrow". 

 

Þetta var sem sagt seðlabankastjórinn, hinn óháði. Hvernig skyldu þá hinir háðu líta út? 

 

150 ár í handaböndum 

 

150 ár eru liðin frá sameiningu Ítalíu skrifar Morgunblaðið í dag og birtir mynd af handaböndum. Þetta er alveg rétt hjá blaðinu. Síðustu 60 árin hefur Suður-Ítalía setið föst í efnahagslegu Gúlag, og ekkert gerst þar nema stöðnun. Fátt bendir enn til þess að landshlutinn muni nokkurn tíma sameinast Norður-Ítalíu, þó svo að menn takist í hendur og komi fram á mynd.

 

Handabandalag þetta hefur séð Suður-Ítalíu fyrir 20 prósent atvinnuleysi í 60 ár og aðeins 6 af 10 hlutum þjóðartekna á mann miðað við Norður-Ítalíu. Þetta er Austurs-Þýskaland Ítalíu í hnotskurn. Sameinuð Evrópa er og verður svona. Handabandalag handalögmála.

 

Erlendir fjárfestar forðast Evrópusambandið 

 

Beinar erlendar fjárfestingar útlendinga í Evrópusambandinu hafa fallið hratt síðustu sex til sjö árin; FT. Hvers vegna skyldi það vera? Hvort er það íslensku krónunni krónískt að kenna eða íslensku krónunni? Eða hvoru tveggja?

 

“It is dramatic to see how Europe’s foreign direct investment has fallen drastically in the past six to seven years,” the partner of US private equity group The Riverside Company told the Financial Times. 

 

Eða er það kannski vegna regluverkjanna, stjórnmúlasýslunnar, Möltu og krembrauða, ódýrra eitraðra matvæla, mikillar póstverslunar eða finnskra leiðinda? 

 

Fyrri færsla

 

Hlutabréf Nokia hafa fallið um 83 prósent á 40 mánuðum 

Hlutabréf Nokia hafa fallið um 83 prósent á 40 mánuðum

1968 

Ástæðan fyrir landvinningum Nokia á sínum tíma var ekki hversu góðir þeir voru, heldur hversu lélegir aðrir voru á markaði fyrir farsíma. Markaðurinn var á fósturstigi og Nokia voru góðir í að nýta sér vanþroskann, sem er virðingarvert að fullu, en ekki lífvænlegt til lengdar. Var á meðan var. 

En nú er Nokia á leið til föðurhúsanna því raunveruleg tæknifyrirtæki hafa yfirtekið markað Nokia.

Í Skandinavíu eru grein-endur farsímatölvutækni ennþá að selja viðskiptadagblöðum greiningar sínar sem segja ritstjórninni að keppinautar Nokia eigi ekki séns í markaðinn; þeir eru kynntir lesendum sem sérfræðingar í "farsímatækni" og þeir reka meira að segja greiningarfyrirtæki. Með eftirnöfn eins og til dæmis Stærk. En farsímar eru farnir eins og farfuglar.

 

Rétt fyrir hrun I og II samanstóðu eignir nýrra skandinavískra "tæknifjárfestingasjóða" að mestu af hlutabréfaeignum í fyrirtækjum á borð við Microsoft, Nokia og Novell. Næstum allt fé þeirra er tapað eins og fé þeirra sem fjárfesta í social-networking mun tapast og tvittast í allar áttir. Gullfiskaminni fjárfesta er aðdáunarvert. 

Ástæðan fyrir risi íslenskra banka í svo kallaðri útrás var ekki sú að þeir væru góðir, heldur hversu létt aðgengi þeirra var að sturtubaði fjármuna sem skafnir voru innan úr stuðlabergi bankanna. Sjálfum undirstöðum traustsins. Bankarnir voru allir lélegir. Þó var eitt sem íslenskir bankar voru góðir í, það verður að segjast; þjónusta þeirra var betri og skilvirkari en gerist og gengur erlendis.

Sönn tæknifyrirtæki byggja á því að vita allt miklu betur en viðskiptavinurinn og langt á undan öllum öðrum, og á því að finna upp nýja hluti sem viðskiptavinurinn hefur ekki hundsvit á og enga hugmynd um að hann mun biðja um eftir nokkur ár. 

"Sales guys" sem stjórna tæknifyrirtækjum og hlusta á "kröfur viðskiptavinanna" eru eins dauðadæmd og bankar sem fóru í útráp undir rosabaugi.

Steve Jobs hjá Apple hefur alltaf haldið fast í þessa hugsun og flestir viðskiptavinirnir fyrirtækisins munu aldrei taka eftir því. Tæknigreinendur og viðskiptablöð þeirra í Skandinavíu heldur ekki. Þetta vita líka þeir sem standa fyrir main- og midrange deild IBM. Vita, fyrst, best og mest. Og hlusta ekki.  

Daginn sem sönn tæknifyrirtæki byrja að reyna að geðjast og hlusta á viðskiptavini sína, markar upphafið að endalokum þeirra.

Maðurinn, nörðurinn og röntgensmásjáin með kattarins níu líf kemur einu sinni enn og messar yfir heiminum þann 6. júní næstkomandi. Aðeins fáir fatta vinnuna sem lögð er í einfaldleikann þar. Og hægt er að vera stoltur af því sem látið var þar algerlega ógert.

 

Nú á Evrópa ekki neitt í neinu lengur. Sovétríki stýrikerfa drottna þar. Síðasti valsinn er leikinn þar enn. 

 

Fyrri færsla

 

Samfylktir fátæklingar Evrópusambandsins 

 

Samfylktir fátæklingar Evrópusambandsins

   

Fimm hundruð milljón íbúar.

Þar af áttatíu milljón fátæklingar

Þar af fjörutíu og þrjár milljón matvælafátæklingar

Þar af þrettán milljón manns sem fá úthlutað matarpökkum frá hjálparstofnunum og hinu opinbera. 

Velkomin í venjulegt árferði Evrópusambands Samfylkingarinnar. Evrópska apótekið.

 

slow-motion bank runs are already in progress in the European periphery - the water level has now dropped so far that the fuel rods are exposed. We really are in meltdown territory 

 

Brátt mun evran lýsa upp himinn fátæka mannsins á bekknum því kjarninn er þegar afhjúpaður í kjanrakljúf evrunnar: The Euro Living Dangerously

 

Europaportalen 

Ég er ekki Evrópusinni, og ég er ekki Evrópusambandssinni

Evrópa er ekki til sem áþreifanleg staðreynd. Það eru hins vegar til fimmtíu ríki í Evrópu þar sem töluð eru fleiri en hundrað tungumál. Þegar Hitler réði stærstum hluta Evrópu vildi enginn nema þumbi vera Evrópusinnaður. 

Þegar var og hét vildu Rúmenar og Búlgarar helst vera Júgóslavar. Þeir horfðu í leyni á júgóslavneska sjónvarpið. Þar var allt svo gott. En svo kom martröð og örtröð. Þá vildu þeir vera Grikkir eða Ungverjar. En svo kom martröð og örtröð á ný. Þá vildu þeir verða eitthvað annað. Bæði eru löndin nú í Evrópusambandinu og að minnsta kosti annað landið líka í meðferð hjá AGS. 

 

Núna líta Grikkir norður til Íslands og Noregs. Fleiri lönd munu gera það og vilja vera Íslendingar eða Íslandssinnaðir. Svona er þetta þegar menn nenna ekki að vera þeir sjálfir eins og Þorsteinn sem gékk frá Pálssyni og Jóhanna sem fékk inni hjá skipamálningu ríkisins. Menn eiga að ganga í sjálfum sér. Það er best - og hollast.    

Hvaða sinni er ég?

Ég er eiginmaður

Ég er faðir

Ég er Íslendingur

Ég er Norðurlandabúi

That's it. 

Ég er ekki Evrópusinni því þá væri ég um leið fullkomin spagettíflækja án jarðsambands við neitt. Ég gæti miklu frekar verið Bandaríkjasinni, eða Bretlandssinni, eða Ísraelsinni eða Ástralíusinni. Bara ekki Evrópusinni eða Evrópusambandssinni. Aldrei. Það er einfaldlega ekki nema smá brot af eftirfarandi löndum Evrópu sem ég gæti verið sinnaður í. Hvaða maður með fullu viti getur verið sinnaður öllum þessum löndum samtímis - í fullri einlægni. Eða hvað þá öllum 27 löndum Evrópusambandsins í einu? Hættið þessari hræsni.  

Albania - nei (Jóhanna, Össur og Steingrímur)

Andorra - nei

Armenia - nei

Austria - nei

Azerbaijan - nei

Belarus - nei

Belgium - nei

Bosnia and Herzegovina - nei

Bulgaria - nei

Croatia - nei

Cyprus - nei

Czech Republic - nei

Denmark - tja

Estonia - nei

Evrópusambandið, er orðið fullvalda: nýtt ríki í smíðum - NEI 

Finland - nei

France - nei

Georgia - nei

Germany - nei

Greece - nei

Hungary - nei

Iceland - ég er Íslendingur

Ireland - nei

Israel - tja

Italy - nei

Kazakhstan - nei

Kosovo - nei

Latvia - nei

Liechtenstein - nei

Lithuania - nei

Luxembourg - nei - blöff land

Macedonia - nei

Malta - nei (77 sardínur)

Moldova - nei

Monaco - nei

Montenegro - nei

Netherlands - nei

Norway - tja

Poland - nei

Portugal - nei

Romania - nei

Russia - nei

San Marino - nei

Serbia - nei

Slovakia - nei

Slovenia - nei

Spain - nei

Sweden - ó nei, nei, nei

Switzerland - tja

Turkey - nei

Ukraine - nei

United Kingdom - nei

Vatican City - nei

 

Svo eru það Færeyjar og Grænland en þau eru ekki sjálfstæð. En ég er mjög sinnaður í Færeyjum og Færeyingum og sérstaklega vildi ég óska þess að þeir létu nú verða af því að lýsa loksins yfir sjálfstæði landsins.  

 

Mæli með lestri; How I was wrong about the euro

 

 

Fyrri færsla

• "Viðskiptavinir og bandamenn vinstri stjórnar." - Segið mér að þetta sé ekki satt