EvruKýpur undirbýr fjármálalega herkví og lokun landamæra

Enn er evrubankakerfi Kýpur haldið lokuðu. Það er lokað vegna þess að Kýpur hefur misst allt fullveldi sitt í peningamálum. Grunur leikur á að ríkisstjórn landsins, fjöldi manna henni nátengdir, europhiles og hin stóra sjálfþjónandi embættismannaklíka ESB-regluverksins í landinu, hafi á undanförnum vikum flutt miljarða evrur úr landi í skjóli vitneskju um hvað yfir vofði.

Eftir margra vikna brotaleit hefur stjórnarfars- og peningapólitísku gangstereyki Evrópusambandsyfirvalda ekki enn tekist að finna einn einasta óhreinan rússneskan peningaþvott í fjármálakerfi Kýpur.

Landið býr sig nú undir neyðarástand, bankaáhlaup og því sem næst lokun landamæra á bæði fólk og fé.

Lögeyrir Kýpur er evra. Sú staðreynd er njörvuð niður í yfirstjórnarskrá landsins er nefnist Lissabonsáttmálinn. Það tók sjö ár að sauma hana fasta á landið. Evran er eini löglegi gjaldmiðill Kýpur. Skipt hefur verið um heilabú í lýðveldinu. Það spriklar því fjarstýrt frá Brussel, aðalstöðvum ECB-aukaseðlabanka Þýskalands í Frankensteinfürt og frá París.

Hætt er við að aðild landsins að Evrópusambandinu og skylduupptaka evru árið 2008 sem eina löglega lögeyris í landinu, muni kosta lýðveldið Kýpur lífið. Hrikalegar hörmungar bíða landsins og borgara þess. Á meðan munu hin sjálfþjónandi embættismannaklíka ESB-regluverksins í landinu og erlendis hlægja á stuttri leið sinni í bankann.

Leitin að vistmunalegu lífi í Evrópusambandinu heldur áfram

Fyrri færsla

Evran klósettpappír

Evran klósettpappír

 

 

Holger Stelzner skrifar í þýska dagblaðið Frankfurter Allgemeine Zeitung að innistæðutryggingar banka á evrusvæði myntbandalags Evrópusambandsins, séu ekki þess pappírs virði sem þær eru skrifaðar á. Hluthafar og eigendur gjaldþrota banka séu verndaðir með því að leggja hald á sparifé almennings í evrubankakerfi Kýpur. Sem er nýa undradæmið á dúkkulísugandi ESB í dag. Hvað verður á morgun veit enginn borgari í nýja sovéti ESB.

Fyrst var það Grikkland, eftir að ESB hafði "byggt" það land "upp" í samfellt 30 ár. Svo kom sjálfur plakatdrengur ECB-seðlabanka Evrópusambandsins, Írland. Svo kom Portúgal, þaðan sem framkvæmdastjóri Evrópusambandsins hér að ofan, kemur frá. Síðan kom Spánn og svo kom Ítalía. En fyrst var Lettland því sem næst þurrkað út í ERM-II. Það er því að verða tilbúið í evru-leikinn. Og Frakklandi versnar stöðugt.

Hvað skyldu Maltverjar nú hugsa um þessar 77 sardínur sínar. Þeir hringja náttúrlega inn jólum DDRÚV. Óðinsvé Óðinsvé, dinga linga ling;

 

|_________________EURO KLANG______________|. í físmoll

| ___________así___ruv______sam_fylkz____._a,__|  Und einen evra

| _______a_._______a_______aj#0s_____aWY!400._ | EU faðmi við öll

| __ad#7!!*P____a.d#0a____#!-_#0i___.#!__W#0#___ | und Heidi Boroso

| _j#'_.00#,___4#dP_"#,__j#,__0#Wi___*00P!_"#L,___ | in Euro himmel

| _"#ga#9!01___"#01__40,_"4Lj#!_4#g_________"01_ | Brussel wunderland

| ________"#,___*@`__-N#____`___-!^___________ | kommen sie morgen

 91356 | _________#1____sviða kjammar?__nein____| und bifröst voila

tralla tralla la la: 

Viðlagið er úr Wiðlagazjóð ESB. Textahöfundur er þekktur fræðimaður 

 

Þetta er sem sagt "fjármálalegur stöðugleiki"; svo hægt sé að halda eigendum og lánadrottnum gjaldþrota banka á floti í fullkomlega misheppnuðum bankarekstri undir sogröri ECB-aukaseðlabanka Þýskalands. Þetta er jú þeirra stóri stimulus hér að verki. One og sögulega off.

Kýpur tók upp evru þann 1. janúar 2008, eftir að tvö þúsund starfsmenn ECB-seðlabanka alls evrusvæðis, allir reglugerða- banka- og fjármálaeftirlitsaðilar sama svæðis ásamt margskonar önnur allra handa yfirvöld Evrópusambandsins höfðu blástimplað bankakerfi Kýpur í bak og fyrir, sem "evru-verðugt" ríki inn í bankiztangúlag sambandsins. Alla leið inn í eins konar Landesbankakerfi Þýskalands, sem gjaldþrota varð fyrir 10 árum í umsjá stjórnmálamanna og Europhiles.

Þetta er evrubankakerfi myntbandalags Evrópusambandsins sem hér sést örla aðeins í broddinn á. Það læsist fyrirvaralaust beint í andlitið á borgurunum. Á einu geðþótta augnabliki vissra mikilvægra og lýræðislega umboðslausra manna, lokar bankakerfið á borgarana. Þeir eru frystir úti og geta ekki nálgast eigur sínar. Hér er stjórnarfarsleg gangsterklíka ESB að verki.

Gerðist þetta, frá sumum séð, skyndilega og algerlega tilviljanakennt undir svallveislu í reykfylltum næturklúbbi í sovéskum kremlarstíl, þar sem ókjörnir yfirhöfðingjar myntbandalags Evrópusambandsins lokuðu bankakerfi borgara heils evrulands. Og mölbrjóta þeir þar í leiðinni margar greinar margra sáttmála Evrópusambandsins, sem rætur innan evrópskra staða má rekja til Rómarborgar. Sem er höfuðborg í landi ítalskrar mafíu.

Svo héldu sumir hér á landi að evran væri eitthvað annað en þessi klósettpappír sem hún er og hefur alltaf verið. Og að myntbandalag Evrópusambandsins væri eitthvað annað en nýtt sovét tungulipurra og hámenntaðra vitfirringa á skattfrjálsum ofurlaunum; "Evrópufræðingarnir" sjálfir.

BBC

The first practical step, the European Coal and Steel Community (ECSC), was in fact very close to a resurrection and extension of the wartime cooperation between the coal and steel industries of Vichy France and Nazi Germany

Smellið vinsamlegast hér til að hlusta á breska BBC-ríkisútvarpið ræða við Bernard Connolly og Anatole Kaletsky um bók Bernards; "The Rotten Heart of Europe". Hún kom út árið 1996 og hefur lengi verið uppseld. Bernard hefur nú látið prenta nýtt upplag af bókinni og ritað nýjan formála að henni, sem spyr; why? Bókin sjálf lýsir hins vegar how, eða hvernig myrkraverkið Evrópusambandið var skapað frá upphafi. Einnig langar mig að benda lesendum á grein Bernards í tímaritinu The International Economy (hér) og að taka þar vel eftir hugtakinu e. coordination

Fyrri færsla

Sigð og evruhamar Kýpur vex upp úr naglagarði utanríkisráðherra 

Sigð og evruhamar Kýpur vex upp úr naglagarði utanríkisráðherra

"Hér hefði ekkert hrun orðið ef við hefðum haft evru"

- eftir Össur Skarphéðinsson

 

Kýpur og 800-þúsund landsmenn þess ríkis tóku upp evru þann 1. janúar 2008. Varanlega krypplað eftir ERM-II ferlið og blástimplað af evruyfirvöldum Brussels og ECB í bak og fyrir sem vottaður vesalingur. Yfirvöld þess gerræðis þar í landi þurfa því nú stærsta björgunarhring sem um getur í sögu ríkisfjármála mannkyns. Hann þarf að nema 25 prósentustigum meira en öll landsframleiðsla landsins var á ári á meðan var . . 

nema . .

 

. . að sparifé fólksins í landinu verði gert upptækt, gjaldþrota evrubankakerfi landsins til björgunar. Svo það hrynji ekki ofan á kremlið í Brussel. Og það var gert í gær. Sú athöfn hófst í gær. Sparifé fólksins í bankakerfi landsins er einmitt verið að gera upptækt. Takið vinsamlegast eftir; í evrum!

 

Fyrst kom evra Evrópusambandselítunnar eftir samfellda 10 ára lýðræðislega nauðgun, áróður, lygar og ERM-II-örkumlun ríkjanna inni í hinum eyðileggjandi pyntingarklefa konvergens kríteríunnar. Aðeins kakkalakkar í peningamálum láta blekkja sig þar inn. 

 

Síðan, eða frá og með 2002 og 2004, þverbrutu Þýskaland og Frakkland stöðugleika-hluta Maastrichtsáttmálans —sem sjálft Þýskaland hafði krafist settan þar inn— og sem samkvæmt þeirra eigin undirförulu falschfahrer-rökum, átti að koma veg fyrir að áhættutöku einkageirans yrði smyglað yfir á herðar ríkissjóða landanna. Því með upptöku evru voru öll ríkin þar með fótbrotin orðin og lifðu lífinu afar hættulega án raunverulegrar myntar. Þau máttu því aldrei koma sér í þá aðstöðu sem krefðist peningaprentunar og flöggun fullveldis. Út á það gekk stöðugleika-hluti Maastrichtsáttmálans. Hann átti að virka sem eins konar sóttvarnargirðing á meðan myntbandalaginu yrði smám saman á bak við tjöldin og gegn fullri vitund fólksins, breytt yfir í eitt stórríki. Yfir í einn sannan ekta skattgreiðanda eins ríkis með einn —og aðeins einn— EKTA seðlabanka.

Því þegar enginn einn ber ábyrgð á seðlaprentaranum undir sameiginlegri mynt, þá er ekki hægt að prenta neitt. Þá er ekki lengur hægt að nota mynt sem mynt. Menn verða því í þannig aðstöðu að ganga um peningagólf heimsins með hækjur og á snjóþrúgum. Læðast örkumlaðir og fatlaðir um. Og það gerðu þeir í kippum. Þeir sögðu; "mamma mamma, allir í næstu götu ganga um með hækjur. Ég vil líka fá hækjur". Og hækjur fékk Kýpur, hækjur fékk Malta og hækjur fengu þeir sem báru nafnið Allir, því þeir eru asnar, eins og Össur. Hann er asni, eins og Jóhanna, eins og Steingrímur og þar á undan Ingibjörg Sólrún. Munið þið eftir Icesave I, Icesave II og Icesave III. Og stjórnarskrármálinu, einungis til að geta afsalað Íslandi fullveldinu í hendur Evrópusambandsins.

Kom því evrubóla myntbandalagsins, sem er stærsta með vilja skapaða fjármálabóla mannkynssögunnar. Og munið hér vinsamlegast og eitt andartk að Deutscher var 40-80 sinnum gíraður upp undir non-existing cross-border resolution mekanisma, fyrir þannig geislabaugs-monster (52,5 x gírun ultimo 2007). Munið hvað Simon sagði í Kredithörpunni. Hvað sagði Simon Johnson þar. Þið hljótið að muna það. Síðan sprakk evrubólan ofan á fólkið. Og enn á fjórða ári er hún að springa. Hún mun springa stanslaust, linnulaust, án afláts, vægðarlaust og sem fullkomin viðvarandi gereyðandi stórskotahríð yfir fólkinu, þangað til ríki þess breytist í algert nýtt sovétríki. Algerlega nýtt sovétríki. Tönn fyrir tönn. Auga fyrir auga. Lagabálk fyrir lagabálk. Með eða án forherts vilja. Þannig virkar vansköpun í þessum efnum. Hún gerist. 

Svo kom fjármálaleg kúgun; e. finacial repression. Í gær var síðan hafist handa við að gera sparifé fólksins upptækt; e. financial confiscation. Réttindum fólksins verður fórnað. Frelsið er farið. Enginn kemst lifandi út. Síðan kemur heildarsovétríki Evrópusambandsins. Loksins kemur framhaldið! Loksins! Nema að því tilskyldu að ECB-seðlabanki Evrópusambandsins verði settur í þrot. Hlakkar þig til þess? væni minn. Settur í þrot. Hvað segja Þjóðverjar þá? Haldið þið að þeir segi bara þegjandi amen við þeim ragnarökum? Þetta allt mun ekki geta gerst nógu hægt til að enginn taki eftir því. Þó mikið sé reynt. Það er ekki mögulegt. Atburðarásin verður þannig. Óstjórnleg á einum eða öðrum tímapunkti í farvegi ferlisins til heljar. Enginn veit hvenær.

En þá kemur Össur sínum Skarphéðinssyni til bjargar; hirðfífl norðursins á framfærslu skattgreiðenda mun þá tala. Maðurinn eini sem fær er um að spónleggja nýtt evruheimili sitt með spónahrúgum Maastrichtsáttmálans, sem gjall er orðinn á 20 ára afmæli sínu í meðferð vitfirringahælis Evrópusambandsins

 

Vitfirringar komu. Aftur og aftur á meginlandi Evrópu. Allaf aftur upp frá rotnum rótum þess. Þetta verður ekki skemmtilegt.

Fyrri færsla

 

"Heimilin í landinu" ekki lengur í landinu?

 

Í áfalli yfir harkalegum skilmálum

"Heimilin í landinu" ekki lengur í landinu?

Þau eru orðin flest á svo kölluðu "höfuðborgarsvæði". Þar þynntu all margir steypuna heldur betur út og steyptu því miður í of mörgum tilfellum tilgangslitla ógæfu, sem sumir urðu jafnvel undir.

Frekar fáum datt á árum áður í hug —ei heldur um langa sögu landsins— að heimilin á Siglufirði, Ísafirði, Seyðisfirði, Raufarhöfn og víðar á hinu stóra víðfeðma Íslandi, væru "í landinu", fyrr en þrír bankar höfuðborgarsvæðisins hrundu akkúrat niðurkomnir þar og bara þar. Það er, að því er virðist, ekki sama hvar ógæfuna ber niður. Ekki sama hvar hlutirnir hrynja, svo tekið sé eftir.

Massahystería undir eins konar og Hörpustíganda strigamannastjórnmála grípur um sig, þarna sem 64 prósent þjóðarinnar hafa hreiðrað um sig. Frekar einangruð og mikið of mörg prósent frá hinu stóra Íslandi - og of mikið slitin úr hinu stóra samhengi þess.

Hér má Sjálfstæðisflokkurinn ekki bogna. Skipan þarf að standa; upplausn verður að víkja. Kjósendur flokksins stóla á það.

Við erum þó með sömu vexti í Grímsey, Vestmannaeyjum og reyndar alls staðar á myntsvæði krónunnar stóru; sem er 18. stærsta eyja heimsins. Hér ríkir ekki til-eins-dags peningastefna eins og í lendum Evrópusambandsins, þar sem vextir lúta eins konar skammtafæðiklikkunar Ping við Pongs.

Merkilegt finnst mér að Falklandseyjabúar geti haft 500 þúsundir fjár á sínum 12 þúsund ferkílómetrum. Við ættum þá að geta haft að minnsta kosti tíu sinnum meira, þ.e.a.s utan "höfuðborgarsvæðis" Fimm milljónir fjár!

 

Gætið að hvers óskað er

 

Fyrri færsla

 

Weimarrettur rúllaðar og boðnar fram

 

Weimarrettur rúllaðar og boðnar fram

 

Ég hef velt því fyrir mér af hverju Bjarni frá Vogi vindlar fást ei lengur, undir fánanum okkar. Hafa menn kannski drepið í þeim um leið og þeir drápu í sjálfum sér. Er það svo.

Nú eru Weimarrettur að verða hve vinsælastar. Í hverjum pakka af rúlluðum Weimarrettum eru 62 naglar í kistu lýðræðisins. Furðulegt má það kallast að fólk skuli byggja hér eyju enn, eftir 304 til 1364; sem ekki eru ártöl, heldur lánskjaravísitalan frá 1982 til 1986. Fjögra ára því sem næst gleymt tímabil - og still standing.

Í dag hefur karlinum Marx —úr tómu tímarúmi þekkingar sinnar— loks tekist að jafna sitt Kína út. Jafna það út. En á tímabilinu frá 1945 til 2013, sem rúmar 68 ár, hefur Kyrrahafsflota Bandaríkjamanna tekist að halda siglingarleiðum Asíubúa til umheimsins opnum. Án hans væru heimsviðskiptin útilokuð, óhugsandi og enginn fastur fótur fyrir svo mörgu ömurlegu í Asíu. Þessi USPACFLT-hluti flotans er lífsspursmál fyrir hinn siðmenntaða heim, sem og hann allur er.

Við sem bökkum upp Sjálfstæðisflokkinn, bíðum spennt eftir því að staðföst forysta flokksins taki alls ekki þátt í útrúlluðum yfirboðum. Heldur bíði forystan, standi fast og spyrji svo kjósendur á ný að leikslokum Weimarrettu-tímabilsins, sem mun brenna hratt. Tímabilið stóra, frá 1991 til 2004, vitjar þá líklega síns nýja tíma. Stundum er hægt að vera stoltur af því sem maður aldrei gerði. Vel er mögulegt að læra af mistökum.

 

Í bók sinni "The Economic Consequences of the Peace" sem birt var árið 1919, flokkar John Maynard Keynes "Heimsstyrjöldina fyrri" sem "borgarastyrjöld". Auðvitað gat hann ekki vitað að síðar myndi hefjast alger-styrjöld á milli engilsaxneskrar siðmenningar og hreins barbarisma meginlands Evrópu - og sem hlaut nafnið "Hin síðari heimsstyrjöld". Það er erfitt að spá, sérstaklega um framtíðina. Hina fyrri er ekki hægt að skilgreina fyrr en sú síðari hefur fæðst og endað með PaxAmericana friði yfir Evrópu. Ófriðarverðlaunahafar Nóbelssambands ESB töluðu því illilega af sér inni í kú sambandsins í gær. Þessir þeir sem hafa spennt sér sjálfum svo kyrfilega þvers fyrir vöggu lýðræðisins og þekkja ekki nafnið á sjálfum sér - sem er; Stríðið mikla (The Great War)

Að leikslokum

Þetta hér fyrir neðan er virkilega einstakt fyrirbæri í mannkynssögunni. Þetta eigum við að styðja. Halla okkur upp að. Hefði hér hins vegar verið um tvö ríki að ræða frá upphafi, þá væri þetta kannski ekki svona algerlega einstaklega einstakt og standandi afrek í sögu mannkyns. Skrítið að Baugsveldi útþambara skyldi vera þarna eins gelt naut á svelli. Skyldi skýringuna kannski vera að finna í góðum ó-evrópskum lögum og stofnunum. Þarna gátu þeir því ekki neitt.

Fyrri færsla

Forsendubrestur peningamáltíðar 

Forsendubrestur peningamáltíðar

Varðandi peningamál; ýmist til húsnæðiskaupa, hlutabréfakaupa ásamt öðrum lánamálum tengdum peningamálum í kjölfar hruns.

Efasemdir hafa nú vaknað um að summa peninga í umferð (M3) og útgefinna ríkisskuldabréfa ríkisstjórnar Japans í fórum seðlabanka penings þess lands, muni halda áfram að stemma yfir eins, frá og með nú. Japan liggur enn og samfellt sjötíu prósenta sokkið í peningahafinu, allar götur frá efnahagshruni landsins árið 1989. Fyrst fóru erlendar eigur Japana, síðan fóru utanlandsferðir þeirra, svo fóru sumarhúsin og þar á eftir fóru hinar fínni innfluttu bifreiðar hinna efnameiri. Alger öfugstöðnun ríkir. Göngugötur þúsunda gjaldþrota liggja og rotna tómar í einum allsherjar samdrætti og viðvarandi massífri hjöðnun. Samfélagið er fyrir löngu orðið demógrafískt gelt og mun ganga til grunna á næstu áratugum. Nútíminn kom aldrei til japanskra kvenna. Þær fóru í ævilangt frjósemisverkfall, meðal annars af innétnum stjórnmála- og stjórnarfasástæðum.

 

Um sama leyti hrundi fyrirmynd Evrópusambandsins eins og það er orðið í dag; Sovétríkin sálugu með hinum stóru neytendasamtökum þess. Evrópusambandið liggur því nú kyrrsett í hinum gömlu, genetísku og vel þekktu rústum meginlands Evrópu. Það fellur og fellur ókjörið ofan á borgarana (krækja leiðrétt). Evrópusambandið er að verða eins og Japan; næstum því komið í ævilangt frjósemisverkfall alls. Það rotnar hægfara burt.

 

Í öllu þessu er afar mikilvægt að gera sér grein fyrir því að engir peningar eru þar né hér tapaðir. Allir peningar alls þessa eru ennþá til. En þeir eru hjá kaupmanninum. Og hann hlær með þá alla leiðina í bankann. Jafn margir peningar eru til og áður. Þeir hafa ekki glatast.

 

Hins vegar er það sem mikið of margir keyptu fyrir peningana sína, það sem nú ónýtt er. Það sem keypt var fyrir peningana er að miklu leyti að eilífu glatað. Mjólkin sem menn keyptu fyrir lán og ólán peninga var ónýt. Og það áttu margir menn auðvitað að vita þegar þeir af kostgæfni og vandvirkni skoðuðu innihaldið í flöskunni; áður en þeir keyptu hana. Utan á henni stóð: "ónýt-mjólk til sölu"; keyptu mig, sértu kjáni í hjörð. Taktu mig!

Og hér er því miður ekki hægt að krefjast þess að með málið sé farið eins og að um náttúruhamfarir hafi verið að ræða. Hér er ekki hægt að ákalla Viðlagasjóði þjóða í þessu stóra peningamáli. Svo súrt sem það er að hafa asnast inn í hjörð á afglapastigum, þá er það öllum enn fullkomlega löglegt að fremja ömurleg mistök. Það hef ég sjálfur sannreynt.

 

Já, þetta er allt hið ömurlegasta mál. En mikilvægt er þó að gera sér grein fyrir því að enginn talaði um "forsendubresti" þegar gengið hækkaði, veðin hækkuðu, peningar fossuðu inn, bréfin hækkuðu og hluti þjóðar missti geðheilsu sína í vindhanablæstri sem átti sér engan líka. Þá var ekki talað um "forsendubresti". Þeir brestir voru því miður að miklu leyti hrossabrestir.

En það er líka hægt fyrir litla þjóð að líta á glasið sem verandi hálffullt og benda á augljósa traustsbresti þess; Trú ungrar þjóðar á framtíð sína undir gylltum vængjum hins nýstofnaða lýðveldis frelsis framtíðar frá 1944. Ungu þjóðina sem trúir á framtíðina í eigin landi. En sú trú á lítið skylt við góðtrú hjarðar í peningamálum. Hún liggur í blóðinu.

 

Þegar menn fyrir peninga kaupa hlut í fyrirtæki, þá verða þeir að vita af hverju þeir eru að gera það. Og þeir verða einnig að vera kappklæddir til að tapa þeim flestum, ef ekki öllum. Enginn ætti að panta steypubíl á staðinn, bara sér til skemmtunar. Þeir verða að vita til hvers þeir pöntuðu steypuna. Það er ekki hægt að skila henni.

Boðskapur Mitt Romneys var réttur; "breikka þarf grunninn" sem byggt er á. Og ég frábið mér kakkalakka-hugmyndir í peningamálum. Demógrafískur frjósemisdauði á sér sínar flóknu orsakir og peningamál er þar sterkt að finna.

 

Það eina sem er réttlátt og sanngjarnt í stöðunni er að koma aftur á fullri kröftugri atvinnu og læra af dýrkeyptri reynslu. Allar þjóðir þurfa því miður að prófa að minnsta kosti eina brotlendingu til að geta svo flogið áfram. Við ætlum unga lýðveldinu að fljúga aftur. 

En það gengur ekki á meðan sjávarútvegi sem og öðrum grunnstoðum lýðveldisins er verið að rústa, með vísvitandi aðstoð falskrar ríkisstjórnar og systurstöðvar norður-kóreanska sjónvarpsins; DDRÚV

 

Ég mun ávalt standa í stjórnarandstöðu við upplausn af þessu tagi. Gírkassi þessarar þjóðar hrekkur ekki í bakk upp brekkur. Hann brotnar ekki, því hann hefur gegn slíkum bakkbræðrum uppgjafar stjórnarandstöðuaflið innbyggt.

Við verðum að varðveita veginn, því annars er þýðingarlaust að tala um vegferð. This is where the rubber meets the road. Fullveldi og sjálfstæði lýðveldisins í peningamálum sem og öðrum málum þjóðar verður að varðveita. Við bökkum ekki!

 

Fyrri færsla

 

Peningastefna evrusvæðis til heljar

 

Peningastefna evrusvæðis til heljar

Engin peningastefna er nú í reynd við lýði á myntsvæði Evrópusambandsins. Það tók 28 ríki Evrópusambandsins 7 ár að njörva evru niður sem hina einu löglegu mynt í öllum löndum sambandsins. Aðeins tvö ríki —Danmörk og Bretland— komust hjá því að undirkasta sig evru sambandsins með þeim fyrirvörum sem þessi tvö ríki settu og gáfu sérstaklega út á undan sjálfri stofnun Evrópusambandsins. Innan sambandsins sem svo (bara) varð hefðu þessi tvö ríki ekki getað sett og gefið út slíka fyrirvara, hvorki upp né niður neitt.

Í kjölfar Maastrichtsáttmálans sem í gildi gekk þann 1. nóvember 1993 og sem markaði stofnun Evrópusambandsins sem sjálfstæðs ríkis yfir öllum ríkjum sambandsins, var síðan sjálfri yfirstjórnarskrá allra landa Evrópusambandsins —Lissabonsáttmálanum— samfellt í sjö ár nauðgað í gegnum þjóðþing þeirra landa sem í sambandinu eru. Enginn kjósandi var í því ferli spurður álits á neinu, nema á Írlandi. En þar var álitli írsku þjóðarinnar einróma hafnað í aðalstöðvum Evrópusambandsins. Írum var því af sambandinu skipað að skipta um skoðun á staðnum þar til hún fullnægði ókjörnu klíkuveldi Evrópusambandsins í Brussel. Ekkert eitt land skyldi stöðva ferlið. Þá hafði frú Margaret Thatcher því miður látið af embætti. Martröðin gamla varð því sambandinu orðin greiðfær. 

Michael Novak; "One of the most outstanding characteristics of our age is that ideas, even false and unworkable ideas, even ideas which are no longer believed in by their official guardians, rule the affairs of men and ride roughshod over stubborn facts. Ideas of enormous destructiveness, cruelty, and impracticality retain the allegiance of elites that benefit from them. The empirical record seems not to jut through into consciousness to break their spell. The class of persons who earn their livelihood from the making of ideas and symbols seems both unusually bewitched by falsehoods and absurdities and uniquely empowered to impose them on hapless individuals." 

Nú eru fimmtán ár næstum jafn margra landa liðin í faðmi hins eina lögeyris sambandsins. Einu ríki hefur myntvopnuðum yfirvöldum sambandsins þegar og algerlega tekist að rústa með hinum eina en geðklofna Delors-lögeyri ESB; það er Grikkland. Þrjú önnur ríki Suður-Evrópu eru fast rekin sömu leið. Þau færast nær og nær bjargbrún fastgengisglötunar með hverjum degi sem líður í dauðadansi evru. Á Írlandi hefur sambandinu á aðeins 15 árum tekist kálverk sitt betur upp en það tók áðurgengnar hörmungar landsins 600 ár að vinna. Húsnæðismarkaður landsins er fallinn um 60 prósent og ríkir svipað ömurlegt ástand í fleiri löndum myntsvæðis Evrópusambandsins.

Meira er nú að marka til-53-ára veðurspá kalkaðra kalkofnskústa í steyptri fötu en það er að marka peningastefnu ECB-seðlabanka Evrópusambandsins yfir einn dag. Í einu landi myntsvæðisins ríkja vextir X á meðan vextir Y vambast út yfir herragarða lands Þ og þar fram eftir glötuðum götum meginlands Evrópu. Fullt tungl nýs sovéts nálgast.

Smásala á Ítalíu hrundi um 35 prósent á þar síðasta ári og við það bætist síðan 10-prósentustiga fallin samdráttaröxi síðasta árs. Kýpur og 800-þúsund landsmenn þess ríkis tóku allir upp evru árið 2008 og þurfa því nú þegar stærsta björgunarhring sem um getur í sögu mannkyns. Hann þarf að nema 25 prósentustigum meira en öll landsframleiðsla landsins var á ári á meðan var. Á Spáni misstu 850 þúsund manns fulla vinnu sína á síðasta ári og er atvinnuleysi landsins meira og verra en það nokkurs staðar hefur áður verið í mannkynssögunni. Þýskalandsmegin við Frakkland benda uppglenntir fingur hinum fáu Frökkum á það, að tala atvinnulausra þar megin í hálfvíti sé nú miklu hærri en hún í þeirra heilvíti er, þó svo að Þjóðverjar séu nú loks og því miður 80 milljónir samankomnir í einu og sama ríki hinnar eilífu bölvunar Evrópu. Engu af þessu er bjargandi. Mekkanó transmission mekanisminn til drukknunar í Mónutjörn virkar, ja 

Fyrri færsla

Auðvald þjóðarinnar kostaði mikið. Því á ekki að forkasta. 

Auðvald þjóðarinnar kostaði mikið. Því á ekki að forkasta.

Ein helsta ástæða þess að margar erlendar fjármálastofnanir vilja ekki bjóða almennum borgurum margra þjóðríkja upp á verðtryggð lán, er afar einföld. Hún er sú að þá yrðu bankarnir einnig að bjóða borgurum þjóðríkjanna upp á verðtryggð innlán. En það vilja bankarnir helst ekki. Þeir vilja ekki þurfa að borga almenningi fyrir að taka fé þeirra að láni til að græða eða tapa oft harks- og kæruleysislega á því sjálfir. Þar stendur hnífurinn afar djúpt í kúnni. Þeir taka einfaldlega sparifé almennings með þokukenndri og paragraffsleyndri ófrelsishendi, eins og að um rusl væri að ræða, og greiða þeim sjaldnast neina raunvexti fyrir leiguna. Vaxtamismunur er það sem bankarnir lifa á, ásamt löngum valördögum. 

Ísland og Ísrael hafa séð við þessu og krefjast þess að báðir aðilar — innlánaveitendur og útlánaveitendur — sitji við sama borð. Milton Friedman varaði við afleiðingum andvaraleysis í þessum efnum þegar árið 1980. Hér er má lesa grein hans um þetta mál.

Allar fjármálastofnanir heimsins taka alltaf í notkun þau vopn sem best henta aðstæðum á hverjum tíma. Aðstæður mynda og móta rekstrarlíkön fjármálastofnana. Að minnsta kosti svo lengi sem þær komast upp með líkön sín.

Á heildsölumarkaði peninga ríkir hins vegar útbreidd verðtrygging og hefur hún færst í aukana á síðustu árum. Þar komast menn ekki upp með að eigna sér umráðin yfir auði annarra fyrir ekki neitt. Enda eigast þar við fjármálastofnanir gegn fjármálastofnunum. Gráar fyrir lögfræðingum í bak og fyrir. Þar sitja litli Jón og litla Gunna ekki nakin við borðið gegn ofuraflinu.

Vilt þú, kæri sparifjáreigandi, að fé þitt sé brennt til ösku í þágu afkomutalna fjármálastofnana? Að þær geti eignað sér til notkunar hart innunnið sparifé þitt fyrir ekki neitt.

 

Auðvald þjóðarinnar felst í valdi hennar yfir auði sínum. Þessu valdi, auðvaldinu, var meðal annars beitt með neyðarlögunum í bankahruninu og þegar Uppkastinu og fyrirhuguðum skuldaklafa þess á herðar þjóðarinnar var af sjálfstæðismönnum Íslendinga algerlega hafnað. Við verðum ávalt að varðveita þetta auðvald þjóðarinnar. Allir góðir varðstöðumenn þjóðríkisins verða að þekkja tímana og minnast sjálfstæðismannanna.

 

Varast skal ávalt að bera of mikinn áburð á tún. Þá brennur það. Galdurinn við peninga er að hafa þá

 

Fyrri færsla

 

Seðlabanki Bandaríkjanna 100 ára. Verðtryggður pappír Friedmans 30 ára 

Seðlabanki Bandaríkjanna 100 ára. Verðtryggður pappír Friedmans 30 ára

“There are also unknown unknowns”. 

John Brynjolfsson stjórnandi Armored Wolf skrifar ágætis grein í tilefni 100 ára afmælis seðlabanka þjóðríkis Bandaríkjamanna síðar á þessu ári. Brynjólfsson vann lengi hjá PIMCO, sem er heimsins stærsti fjárfestir og umsjónarmaður fjárfestinga í skuldabréfum. Hefur Brynjólfsson einnig skrifað bækur um verðtryggðar fjárskuldbindingar - og þann markað. Gaman er að sjá Vesturfara ganga svo vel

Brynjólfsson: Happy 100th Birthday to the U.S. Federal Reserve 

Tekið skal fram að seðlabanki Bandaríkjanna starfar í umboði og í þágu bandarísku þjóðarinnar. Enginn á seðlabanka Bandaríkjanna því hann á sig algerlga sjálfur fyrir fólkið, enga aðra og ekkert annað. 

Pappír Miltons Friedman um verðtryggð húsnæðislán hefur nú staðið af sér 30 ára svifryk undir innivinnu margra fjármálamarkaða í jafn langan tíma. Hann verður því þrítugur á þessu ári; sá verðtryggði pappír

“PLAM’s and PLAD’s” by Milton Friedman

Sagt er nú að Honeckerklíkuhagstjórn ECB-seðlabanka Evrópusambandsins sé þegar farin að bera svo mikla efnahagslega ávexti eftir 15 ára nýðstjórn, að Grikkland hefur nú verið plokkað niður til Austur-Berlínar sem fullþroskað þriðjaheimslík eftir þrjátíu og eins ára tilveru landsins í aðildargúlagi Evrópusambandsins að sovétríki ESB. Þessi kyndling tekur ekki lengri tíma í svo frjóum jarðvegi.

Hinn alþjóðlegi fjármálamarkaður er því önnum kafinn við að endurstilla hin peningalegu skiptiborð sín samkvæmt símaskrá þeirri er í gildi var áður en doktor Henry Kissinger fékk þá gölnu flugu í höfuð sitt, að eilífir afdalir meginlands Evrópu byðu nokkru sinni upp á eitthvað annað en hið eilífa Evrópusímasamband hamars við nagla.

Grundvöllur ECB-seðlabanka Evrópu(sovét)sambandsins — Maastrichtsáttmálinn sjálfur, aka Marðarspellkusáttmálinn — liggur nú sem gúanóafurð ruslatunnufélaga Lissabonsáttmálans yfir hömruðu naglameginlandi Evrópu. Og nær elítuþekkingarþefurinn brátt breiddar- og stærðargáfum nýs sovétríkis yfir Evrópu.

Fyrri færsla

Landsfundur: Maastricht-reglur eru ekki neitt sem neinn ætti að taka sér til fyrirmyndar 

Landsfundur: Maastricht-reglur eru ekki neitt sem neinn ætti að taka sér til fyrirmyndar

Fjárlaganefnd Landsfundar Sjálfstæðisflokksins þyrfti að hafa eftirfarandi í huga ef hún ætlar af alvöru að hugsa sig inn í lands- efnahags- og fjármál íslenska lýðveldisins. Við erum sem sagt stödd héér á landi en ekki þaar. Við erum Ísland. Þetta er Landsfundur okkar, en ekki Þýskalands.

 

Sjálfstæðisflokkurinn leggur áherslu á að formleg fjárhagsregla verði lögbundin og að

- 22 - efnisinnihald hennar snúi að útgjalda- og skuldastýringu sem hér segir með það að markmiði - 23 - að uppfylla Maastricht skilyrðin á næstu 7 árum:

 

Í uppkasti frá nefndinni sé ég að hún heldur að þau "Maastricht skilyrði" sem koma áttu í veg fyrir að lánshæfnismati ríkissjóðs Þýskalands yrði fullkomlega —og með réttu— rústað um alla eilífð, þegar landið læsti 14 önnur ríki fast við sig í myntbandalagi Evrópusambandsins, séu eitthvað annað og betra en sú ömurleikahagfræði sem þau eru.

Fátt hefur eyðilagt efnahag annarra ríkja jafn mikið og þessi rafmagnsgirðing Þýskalands umhverfis sjálft sig. Í skjóli þeirra hefur landið varanlega stungið eftirspurnar-sogrörum sínum niður í brátt tæmdar líkkistur þeirra landa sem létu blekkjast af þessum reglum Marðarspellkusáttmálans. Þessi löndun aflans yfir í prammann Þýskaland, fer fram í skjóli hins læsta gengisfyrirkomulags allra ríkja myntbandalags Evrópusambandsins við Þýskaland. Löndin fara síðan á gjörgæslu fyrir holdsveika þegar aflinn hefur verið sogaður upp úr þeim í ballarnót Marðarspellkusáttmálans. Svona heldur Þýskaland á sér hita.

Allt þetta bandalag er nú, eina ferðina enn, að eyðileggja efnahag, lýðræði, stjórnarfar, friðar- og framtíðarhorfur í heimsálfunni Evrópu á ný. Það er því afar furðulegt að þetta misfóstur sem á rætur sínar að rekja til Frankensteinavirkis ERM fyrirbærisins skuli vera notað sem málefnalegur grunnur á vettvangi Landsfundar Sjálfstæðisflokksins um heilbrigði í ríkisfjármálum. Þetta er sjáfur vírusinn!

 

Reglur Marðarspellkusáttmálans eru ekki reglur sem neitt lýðræðisríki ætti nokkurn tíma að íhuga sem neitt annað en sá pyntingarklefi sem þær eru.

 

Bæði hin séríslenksa hugsjón og einstaklingsaflið Sjálfstæðismaður og Sjálfstæðismenn varð til í langri og harðri baráttu á undan stofnun Sjálfstæðisflokksins. Flokkurinn hefur hugsjónina að láni svo lengi sem þetta frelsisafl einstaklingsins í þjóðríkinu leyfir honum að fóstra hana. Undir þessari flokks-regnhlíf verða bestu frelsis-hugsjónir einstaklinganna ávallt að sigra. Annars verður mjög stór nefnd skipuð yfir flokknum og hann tapar baráttunni fyrir málstaðnum; hugsjóninni um sjálfstæði og frelsi íslenska þjóðríkisins.

Af hverju viljið þið henda vélinni fyrir borð? Hvað er að?

 

Fyrri færsla

 

Engar aðrar tekjulindir eru til