Endurómur og Evrópunefndir

Hvaða stóra ríki Evrópusambandsins á sér einna stysta lýðræðislega sögu? Vestur- eða Austur-Þýskaland?

Hvaða Evrópunefndir höfðu ráðamenn Þriðja ríkisins skipað til að glíma við samruna þess sem með herjum hafði verið tekið? Og hvaða efnahagslegu áætlunum höfðu nefndir þessar skilað af sér til kanslara ríkisins?

Hver var til dæmis afstaða nefndarmanna til myntmála? Gerðu nefndirnar ráð fyrir að öll hin hernumdu ríki myndu vera látin taka upp sömu myntina öll í einu? Ef ekki, í hvaða skerfum átti upptakan að fara fram. Og hvað lagði myntmálanefndin áherslu á í Evrópumálum ríkisins?

Hvað varð síðar um nefndarmennina? Hvar fegnu þeir vinnu á ný eftir að öllu var tapað? Í hvaða stofnunum? Það veit Alþjóðamálastofnun há Háskóla Íslands örugglega allt um

Eitt var að hernema, en annað og miklu meira verk var að sameina hið hernumda. Halda því saman og halda því gangandi. Að fá fljótið til að halda áfram að streyma. Fáir hafa velt fyrir sér hinum hagsögulegu og efnahagslegu hliðum hliðsins inn til helvítis. Já, þær voru til; hinar efnahagslegu hliðar málsins

Eymd er ekki það sama og uppsöfnuð-eymd. Það er að segja; uppsöfnuð fjarvera hagvaxtar, framfara og atvinnu, er allt allt annað en eitt stakt slæmt kjörtímabil í lífi kjósenda og stjórnmálaflokka. Til dæmis uppsöfnuð þrjátíu sam-felld ár

Eignasafn Evrópueymdarinnar er voldugt og stórfenglegt orðið; þar safnast í sarpinn og hefur lengi gert. Sparnaðurinn er svo gífurlegur, en (á)vextirnir alls öngvir. Þeir eru nánast úthverfir, vextirnir.

Ávallt ber að muna það að lágir vextir eru að sjálfsögðu allt. Þið vitið; Evrópuvextir Össurar; Þeir eru allt - og komnir út um allt ESB

Fyrri færsla

En hvað nú ef þeir eru ekki geðbilaðir?

En hvað nú ef þeir eru ekki geðbilaðir?

- hinn stórpólitíski peningur Evrópusambandsins.

 

Aldrei var nein ástæða til að stofna hið alkalíska steypuskemmdarverk gengisskráningar gjaldmiðla í Evrópusambandinu —hið svo nefnda ERM eða Exchange Rate Mechanism— önnur en hin leynda dagskrá Rómarsáttmálans, sem frá byrjun lagði upp í falska för sína sem dulbúið nýtt keisaraveldi yfir meginlandi Evrópu á ný; og meðal annars í heiminn sett til höfuðs Bandaríkjum Norður-Ameríku

Þetta pólitíska skemmdarverk elítustétta stjórnmála- og embættismanna í Evrópusambandinu hefur rænt frá þjóðum sambandsins efnahagslegum tonnum af velmegun, miklum framförum og slökkt varanlega á dýnamískri virkni hagkerfa þeirra. Afleiðinguna sjáum við í dag sem visnaða stórgeldingu alls innan múra Evrópusambandsins; fólksins einnig. Fólkið á þrotabúgarði elítunnar í ESB er orðið hin eina óendurnýjanlega náttúruauðlind Evrópusambandsins, eins og gerðist í Sovétríkjunum. Mannlegt svartnætti blasir við sem aukaverkun

ERM-eiturskeytið hefur þrjú þrep. Fyrsta þrepið, ERM-I, er innleitt með því að gerast heilaþvegið glapmenni sem gengur þannig til brottfarar úr vitsmunalegri tilvist; beint inn í Evrópusambandið

 

ERM-II, eða þrep tvö, er pyntingarklefi hagkerfanna og fólksins sem í þeim búa. Þar er ríkjunum haldið lokuðum inni á efnahagslegri geðdeild í anda Sovétríkjanna sálugu, þar til að þau eru tannlaus, skaðlaus og brotin niður og uppfylla þar með skilyrði þeirrar varanlegu geðbilunar sem koma skal

 

Síðasta þrepið, ERM-III, er sjálf evran; sjálfsmorð eðlislægra vitsmuna fyrir fullt og allt

Er það fólk, sem hugsaði þetta upp og setti þetta í framkvæmd, geðbilað? Það væri hryllilegt ef svo væri. Sú skýring væri í sjálfri sér ofboðslega óhugnanleg. En þannig ástand geðbilunar höfum við áður séð í útbreiddri mynd á meginlandi Evrópu

 

En hvað nú ef fólkið sem hugsaði þetta upp og setti geðbilað verk sitt í framkvæmd og sem nú stendur fyrir rekstri brjálseminnar í Evrópusambandinu, er alls ekki geðbilað? Hvað þá? Sú staða væri miklu mun óhugnanlegri en fyrri skýringin. Miklu óhugnanlegri og stórkostlega hræðilegri í alla staði

Höfundur bókarinnar hið "Rotna hjarta Evrópu" sem í fyrsta sinn kom út árið 1996, segir hér frá í stuttu viðtali. Þeir sem þekkja til Bernards Connolly, þurfa ekki að efast hæfni hans og þekkingu. Þeir vita að Bernard hefur alltaf haft rétt fyrir sér um meginland Evrópu, frá því að öxull Berlín-Parísar tók að vinda meginlandinu upp á sig á ný í rústum fallinna keisaravelda fyrri borgarastyrjalda meginlands Evrópu. Í bestu kjöraðstæðum sem hugsast gátu fyrir brjálsemisverk elítunnar í ESB

 

Viðtalið

** En hvað nú ef þeir eru ekki geðbilaðir? ** 

5 mínútur og 31 sekúnda með Bernard Connolly

sem var gestur á CNBC þann 16. maí 2013

 

Fyrri færsla

 

Neytendur hafna fjármálaeftirlitinu 

 

Tengt

 

BBC ræðir við Bernard Connolly og Anatole Kaletsky um nýja endurútgáfu ofangreindrar bókar Bernards frá 1995

Neytendur hafna fjármálaeftirlitinu

Þetta getur alveg staðið þarna sem fyrirsögn, fyrst höfuð Fjármálaeftirlitsins segir standandi í ræðu að neytendur hafi "hafnað" verðtryggingu. Á þetta að vera fyndið? Og svo þetta þvaður um svo kallaðan "stöðugleika" og "örmynt". Á þetta virkilega að vera svona á fullum launum hjá íslenskum skattgreiðendum og viðskiptavinum bankanna? Eða spila ESB-styrkirnir þarna inn í málflutninginn?

Síðan hvenær á Fjármálaeftirlitið að fást við stjórnmál eða jafnvel pólitíska stefnu? Hvað kemur mynt Lýðveldis Íslendinga Fjármálaeftirlitinu við? Endurskoðendur fást við virki sitt á bak við luktar dyr, stunda þar endurskoðun sína og telja þar þau verðmæti eða töp sem aðrir búa til. Það sama gildir um eftirlit með fjármálastofnunum. Fjármálaeftirlitið er ríkisstofnun sem lýtur "sérstakri stjórn". Stofnunin heyrir undir atvinnuvega- og nýsköpunar(fliss)ráðherra. Er þetta á hreinu?

 

Íslenska krónan er ekki "örmynt". Hún er mynt fullvalda ríkis á átjándu stærstu eyju veraldar. Hún er nákvæmlega af þeirri stærð sem hún á að vera. Hvorki of lítil né of stór. Og hún er myntin okkar

Fyrst höfuð Fjármálaeftirlitsins segir að neytendur hafi "hafnað" verðtryggðum lánum, þá hlýtur almenningur í Evrópusambandinu að getað "hafnað" þeirri "stórmynt" sem er að murka lífið úr löndum þeirra. Þetta hlýtur að vera svona einfalt mál, fyrst höfuð Fjármálaeftirlitsins segir það

Það heimskulegasta sem menn geta gert í lágri verðbólgu er að hafna verðtryggðum lánum, því þau tryggja lántakendum alltaf lægstu mögulega vexti. Þá þurfa lánveitendur ekki að sullast niður við þá hálf vonlausu iðju að giska á hvað framtíðin muni bera af áföllum ofan í lánveitingar þeirra; inn í einmitt óráðna framtíðina. Nema að Fjármálaeftirlitið ætli að bjóða landsmönnum upp á lán inn í fortíðina

Fyrir mér mætti leggja Fjármálaeftirlitið alveg niður, því það er og verður alltaf 100 árum á eftir þeim höfðum sem ráðast til starfa í bönkum sem eru ekki reknir af stjórnmálamönnum, eins og til dæmis þeim í Evrópusambandinu þar sem Landesbankakerfi stjórnmálamanna Þýskalands liggur sem brunarúst eftir þá. Hægt er að nefna mýmörg dæmi um brunarústir stjórnmála- og embættismanna í bankarekstri

Bankarnir verða alltaf höfðinu á undan Fjármálaeftirlitinu því þeir eru einfaldlega betur gefnir, betur borgaðir og snúa andlitlum sínum fram, en ekki aftur eins og höfuðstöðvar Fjármálaeftirlitsins verða og eiga sannarlega að gera, lögum samkvæmt. Þetta er tvennt ólíkt að fást við. Nema að menn vilji gera sjálfa framtíðina ó-mögulega

 

Fyrri færsla

 

Anno 1970 vaxin inn í garð Samtaka atvinnurekenda á Ítalíu 

 

Erfitt að viðhalda stöðuleika með krónu

Anno 1970 vaxin inn í garð Samtaka atvinnurekenda á Ítalíu

Þessi vöxtur hófst reyndar í Róm, rúmum fimm mánuðum eftir að ég í byrjun vetrar 1956 fæddist heima í stofunni á Siglufirði. Þá voru liðin 96 ár frá því að Afríku var sundrað í norðri til að geta sameinast í einu ríki norðar í norðri; Ítalíu

En fyrir norðan það norður og niður, stendur nú það sem kallast Norður-Ítalía í dag. Og þar segja samtök atvinnurekenda, Confindustria, að árin 1970 og þar um bil séu afturgengin inn í garð þeirra á Norður-Ítalíu á ný. Að Norður-Ítalía standi á barmi hyldýpis sökum lausafjárskorts hjá fyrirtækjum atvinnurekenda, sem bæði ganga fyrir evrum og gera einnig upp en mest niður um sig í evrum 

Ástandið er svo slæmt, segja atvinnurekendur, að það, ástandið, er að flytja fyrirtæki samtakanna og rekstur þeirra ein fimmtíu ár aftur í tímann. Flytja þau til baka um hálfa öld í tímanum. Lánsfé, fjárfestingafé og rekstrarfé er ófáanlegt, þó svo að landið sé umvafið myntvafningi Þýskalands og Frakklands; landnámsevrunni

Það er ekki nóg með að allt hagkerfi Ítalíu hafi látið gírkassa sinn af hendi fyrir fullt og allt, meðal annars vegna áróðurs sömu Samtaka atvinnurekenda fyrir því að taka upp evru þann 1. janúar 1999. Heldur er alls ekkert samband lengur á milli bensíngjafar myntarinnar og hjóla atvinnulífsins í hagkerfinu. Þau standa bara kjurr á meðan gefið er í botn

Enginn monetary transsmission mekanismi er heldur til staðar í hagkerfinu. Það eina sem gerist er Ítali stígur á evrubensíngjöfina heima hjá sér í suðri er, að þá skoppar niður af færibandi norður í Þýskalandi ein vara, sem rúllar niður meginlandið og valtar yfir þann sem í hana gaf. Þetta er sjálfspyntingar-mekanismi myntbandalags Evrópusambandsins. Eins konar Louvre accord hans Trichet's í návígi. Heilaeitrun. Eitrað fyrir hagsæld 

Fyrirtækin segja að peningar þeirra verði uppurnir og reksturinn brunninn til ösku á fyrsta ársfjórðungi 2014. En þá er öskudagurinn í evrum

Rómarsáttmálinn frá 1957 lætur ekki að sér hæða. Sáttmálinn sem enginn bað um nema elítan, en allir fengu dreginn yfir höfuð sitt; Rauðahettan sem umturnaðist í ESB-trunspírur ESB-eltítunnar í Frankensteinfurt

Fyrri færsla

Fingurfimi verður að afmá gjörðir fingralangra

Fingurfimi verður að afmá gjörðir fingralangra

Visst fum og nokkurt fát er komið á nýja ríkisstjórn, nú þegar umsókn Íslands niður í Evrópusambandið bíður þess að hönd þjóðarinnar nái út til fingurgóma ríkisstjórnarinnar til að slökkva á umsókninni um aldur og ævi og ráðast því næst í smíði á lagabandormi sem afmá mun ólöglega aðlögun á Lýðveldi Íslendinga niður til Evrópusambandsins

Nú er eins og að nokkurt hik sé komið á þá fingur sem í ríkisstjórn eru fyrir hönd þjóðarinnar. Viss skjálfti virðist kominn í fingurfimi þá sem afmá á gjörðir fingralangra. Hikað er við að slökkva, með þeim rökum að eitthvað og kannski meira hangi á umsókninni en smásjáin umtalaða til að kíkja niður á pakkið í Brussel, var sögð vera. Að það séu jafnvel einhverjir styrkir í gangi hér og þar og því sé illframkvæmanlegt að þrýsta immed á hnappinn

Sem sagt; ekki þarf annað en að þefa niður til Evrópusambandsins til að álíta þjóðina á einhvern hátt bundna af þefinu og að erfitt sé því að bakka út úr hinum svarta mekki þokulúðrasveitar Evrópusambandsins. Erfitt að bakka, eins og venjulega, því þá á alltaf eitthvað visst að hrynja

Hvernig halda menn þá að það yrði fyrir smáríki að segja sig úr Evrópusambandinu ef mönnum í ríkisstjórn lands sem ekki einu sinni er í Evrópusambandinu hristist höndin við það eitt að sturta niður heima hjá sjálfum sér, óskilorðsbundið

Halda jafnframt sumir menn hér og þar að Bretland, sem er eitt af stærstu ríkjum Evrópusambandsins, geti sagt sig úr Evrópusambandinu eins og að drekka vatn. Það er ekki hægt. Sú úrsögn yrði jafnvel enn erfiðari og torsóttari en að fá sáttmálum sambandsins breytt sökum skyndilegrar endurupprisu Adolfs Hitlers heima hjá sér, eða hvað þá þeirrar myntar sem nú er að kyrkja stóran hluta meginlands Evrópu. Og sem önnum kafin er við að skapa þær sömu aðstæður og ríktu á meginlandinu frá 1930, heima hjá herr Hitler og míster Mussolini, sem með tilskipunum reyndi að lækka laun á Ítalíu 1929 og 1934 

Bretland mun ekki geta sagt sig úr Evrópusambandinu, því sú úrsögn yrði langtum erfiðari en sáttmálabreytingar eru meðal 28 og þó-nokkuð áður-sammála ríkja. Þetta yrðu hreinar martraðir sem murka myndu lífið úr hvaða ríkisstjórn Stóra-Bretlands sem er - og var. Stutt er að minnast þess er fjármálaráðherra Bandaríkjanna var af ókjörnu þríeyki hinnar sitjandi nomenklattúru ESB, varpað á dyr í hallarsölum klessuverksins í Brussel

 

Takið ykkur nú vinsamlegast strax saman og látið ekki fráfarandi hamar og sigð ömurleikans reisa neina þá nagla sem þið sjálfkrafa haldið að þið þurfið að negla, einungis vegna þess að þeir séu naglar. Þið eruð engin sigð og því síður neinn hamar, sem heldur að hann í heiminn sé fæddur til að reka alla þá nagla sem reistir eru af hverjum sem er. Þið eigið að þrýsta á hnappinn fyrir þjóðina og losa okkur út úr þessum hörmulega leik. Hildarleik sem Evrópusambandið mun sjá til að fái hár manna að rísa upp af skelfingu á komandi árum varnalegrar örkumlunar meginlandsins á ný

 

Svo eigið þið að reisa stefnumarkandi fánann okkar upp til vesturs. Upp með fánann! Það er ekki eftir neinu að bíða

 

Óska ég hér með hinni nýju ríkisstjórn Lýðveldis Íslendinga velfarnaðar og farsældar fyrir okkur öll

 

Fyrri færsla

 

Skýrsla um stjórnarmyndun um hlé 

 

Skýrsla um stjórnarmyndun um hlé

Þar sem andleg staða er mælanleg, mun hún ekki láta sig mæla. Hún mælist aldrei í skoðanakönnunum. Og heldur ekki í kosningum til Alþingis. Því andleg staða lýtur lögmálinu um skammtafræði; sem segir að andlegt ástand sé sannarlega ekki hægt að mæla, án þess að breyta andlegheitum viðkomandi. Mælingin sjálf breytir stöðu andans. Niðurstaðan verður því andlaus

Þess vegna —og hverra, veit örugglega enginn— þarf að taka og rita skýrslu um andatökin. Skýrslu um stöðu andans og hvort hann sé andhverfur; sem þýðir að hann sé hverfandi andi. Orðinn orð mæld á lögmáli um þann andlega heitinn. Mælir andatakinn skýrsluna síðan fram á sama lögmáli. Væntanlega fyrir fullu húsi hyllinga á miðilsfundi um skammtafræði ESB

Munt þú verða lögmál? Eða skammtúr á þjótandi fiseind í gegnum massíft svarthol stjórnröskunar (hlýtur að vera til) vegna hlés. Vegna hlés. Og vegna glataðra valda, sem frá upphafi eru sköpuð til að þau séu notuð á meðan þau hafast? Sem er nú!

 

NÚ!

 

"A good plan, violently executed now,

is better than a perfect plan next week."

- George S. Patton 

 

 

Fyrri færsla

 

Stjórnarmyndun og markaðsmyndun

 

 

Stjórnarmyndun og markaðsmyndun

Ljósmyndun er greinilega ekki stjórnarmyndun. Það vitum við. Myndir leka ekki. Það vitum við líka

Pönnukökur eru nokkuð oft bakaðar hér á mínu heimili og kalla ég þær fyrir nammi og borða þær svakalega hratt. Namm namm. Í gamla daga þegar maður fótgekk eða ók erindagjörða á traktor á milli bæja, þá var —þó svo að maður væri einungis smápolli— oft boðið upp á pönnukökur. Skilvirkt og stórvirkt. Og svo var spurt —þegar sú tuttugasta í maga var komin og ekki hægt að troða meiru— hvort mér fyndist þær ekkert góðar, væni minn. Hverju átti maður að svara. Hverju? Auðvitað gat maður ekkert sagt. Ekkert, enda óþarft. Þess var heldur ekki vænst. Verkin töluðu

En hvað er leiðinlegur markaður?

Jú það er markaður sem býr í hagkerfi þar sem allt gengur út á að fá einhvern í öðru landi til að kaupa það sem framleitt er heima í leiðinlega hagkerfinu. Smá og lítil hagkerfi eru hér undanskilin, því þau hafa ekki sama vogarstangarafl og stóru hagkerfin hafa (e. financial & operational & trading leverage)

En stór hagkerfi sem halda að móralskur viðskiptajöfnuður þeirra við umheiminn eigi alltaf að vera þeim í hag, eru hundleiðinleg og krónískt innvortis impótent hagkerfi. Þau þrífast fyrir tilstilli annarra í öðrum löndum. Visnar því á meðan dínamík heimamarkaðarins sífellt. Hann geldist og verður sjálfvirkt síhræddur. Lokar buddum við minnsta mótbyr. Ferðast borgarar hans —ef þeir þá hafa efni á því— um heiminn með löngu fyrirfram skammtaða peninga í plastpoka og líta á myntir annarra landa sem eitthvað svo eitrað, að það verður að geyma þær í óæðri plastpoka

Þýskaland er hundleiðinlegt hagkerfi með hundleiðinlega markaði. Sama má segja um mörg nágrannaríki þess og einnig um flest hagkerfi Asíu. Þau þrífast á kaupgetu annarra hagkerfa

Bandaríkin eru hins vegar skemmtilegt hagkerfi með skemmtilega markaði. Þau kaupa af öðrum og selja öðrum. Þau, Bandaríkin, eru dýnamískt hagkerfi. Sama má segja um Bretland

Lengi vel vonaði ég að stærsti hluti Afríku myndi verða eins skemmtilega afslappaður markaður og Bandaríkin eru. Kaupa og selja. En þar sem ítök Asíu og arabíum í Afríku eru orðin eins og þau eru, þá býst ég ekki við að Afríka verði næstu Bandaríki veraldar. Eru þá allir mögulegir kandídatar Bandaríkjanna þar með upptaldir

Eftir 50 ár er búist við því að flest börn í einu landi veraldar fæðist einmitt í Bandaríkjunum. Kína hefur fyrir nokkuð lögnu hafið þýska púnkteringu mannfjöldans, þar sem helst enginn vill eignast börn, tíma því ekki

The Low-Fertility Trap 

Útsæðislíkön bænda gilda enn. Þeir borða því ekki útsæðið. Við skulum því ekki leka því niður í gelt Evrópusamband á leið þess til fjandans

Fyrri færsla

Brúin yfir smjörfjallið

Tengt

Can Countries Actually “Die”? 

Brúin yfir smjörfjallið

"The Cyprus Template" er skyndilega orðið það fýsilegt fyrirbæri fyrir hinn króníska ESB-federalista og bankahagfræðing, Willem Buiter, áður þekktur sem hlutlaust akademískt fræðimenni, að hann getur bara ekki beiðið eftir því að evrurútunni sé ýtt þangað sem hún hvort sem er mun óhjákvæmilega renna; inn í greiðslulúgur hin makroekonomíska kjaftaiðnaðar í ESB. Þessi armur Já!-Sovét-samtakanna í Evrópu er á fullu að ýta undir hugmyndir þess sem —eins og alltaf— er óhjákvæmilegt að þurfi að gerast í Evrópusambandinu strax í gær. Aldrei er hægt að bakka út úr neinu. Aldrei, því þá hrynur allt. Eins og alltaf

 

Skemmt atriði frá 2002

Eftir: Willem Buiter og Willem Buiter

WHY BRITAIN SHOULD JOIN THE EURO

Out-now from the closet; as chief economist at Citigroup 

Þetta —"Cyprus Template"— mun í nýrri mynd ýta rútunni aðeins hraðar í gír hins geggjaða fjármagnsflótta og forða henni frá því að standa föst sem convertible-þakrifinn neðri helmingur rútubíls undir brú, sem hvorki meira né minna heitir; einni ónýtri Myntbandalagsbrú of langt; byggð yfir "The river of Cyprus Template" fljótið með einum panikk-PDF, fjármagnshöftum, fjármagnskjöftum, gjaldeyrishöfum og þjófnaði bankainnistæða; undir firringu kjaftaskúma lífsnauðsynlegra erlendra kjöl-fjárfesta; undir lífsnauðsynlega útskiptri mynt; sem svo reyndist vera útspýtt mygla sem annað hvort hengir bankakerfið, sem síðan tekur ríkissjóð með sér í fallinu; nema að ríkissjóður hafi orðið fyrri til, að hengja sig sjálfur í evrum til að taka bankakerfið niður með sér í fallinu. Það er annað hvort; myntlaus ríkissjóður hengir myntlaust bankakerfið eða myntlaust bankakerfið hengir myntlausan ríkissjóð. Þessu er hvoru tveggja fjarstýrt frá KGB Evrópusambandsins á Berlín-París-Brussel öxlinum

Evrópusambandið mun verða nýtt sovétríki. Það vissu lögfróðir menn þegar í innanríkisráðuneyti Stóra Bretlands árið 1961, gluggi menn í apríl-fundargerðabækur ríkisstjórnar þess lands það ár

1961; Although the Treaty of Rome does not express this explicitly, it has underlying political objectives, which are to be brought about by a gradual surrender of sovereignty

Síðan þetta var tekið niður og hraðritað í fundargerðabók ríkisstjórnar Stóra-Bretlands í apríl 1961, eftir að ríkisstjórn landsins lagði málið fyrir lagasérfræðinga ráðuneyta bresku krúnunnar, hafa bæst við margir margir nýir sáttmálar, heil nýsovésk stjórnarskrá og gerfi dómstólar sem byggja upp lagaumhverfi, lagabálka, dóma og túlkanir á einræðislegri uppskrift (e. totalitarian concept). Þessi stappa herðir snöruna fastar og fastar um hálsa allra í Evrópusambandinu. Bretland mun aldrei komast út úr ESB. Aldrei

 

Illa fengna umsókn Íslands inn í þetta hörmulega, en með vilja gerða stórslys rauntímans, verður umsvifalaust að afturkalla. Afmá verður umsóknina um aldur og ævi. Hún er smánarblettur á Lýðveldi Íslendinga. Hún er steyttur hnefi ESB-klíku framan í þjóðina

 

Tengt

 

Hlusta; Alphachat: Lee Buchheit edition, featuring Lee Buchheit (FT-podcast í gær)

Fyrri færsla

 

Skuggaríkisstjórn (Shadow Cabinet) þarf vita um verrtrygginguna

Skuggaríkisstjórn (Shadow Cabinet) þarf vita um verrtrygginguna

Verrtrygging Íslands —Steingrímur, Jóhanna og Össur— er pottþéttasta trygging Íslands gegn hagsæld og farsæld sem tekin hefur verið upp á Íslandi. Hún tryggði að vont varð miklu verra en vont þurfti að vera

 

Allt, bókstaflega allt, var gert til að allt yrði verra. Kjósendur urðu meira að segja miklu verri undir oki þessarar verrtryggingar en þeir voru kvöldið fyrir kosningar 2009. Enda segir Steingrímur það í bleiku dagblaði erlendis, að kjósendur séu lélegir. Hver nema þessi kommi myndi segja einmitt svoleiðis. Enginn; nema von Lítill Trítill í von um brotinn koss frá AGS og kommissariat

Skuggaráðuneyti ættu ávallt að vita hver staða ríkissjóðs er. Sérstaklega þegar kosningar nálgast og strategísk stefnumótun skuggaráðuneytis stjórnarandstöðunnar sækir sér dýrmætt umboð hjá kjósendum til að framkvæma hana

Nema þá að vísvitandi leynd, óheillindi og pukur hafi leitt hana bak við ljósið. Og það gat ofangreind verrtrygging Steingríms hjá Jóhönnu Össurar aðeins gert, með forhertum verrtryggingarvilja þríeykisins

Sá vilji hefur alltaf verið fyrir hendi frá því að verrtrygging þrennunnar hóf afskipti af stjórnmálum á Íslandi; og tekið sér vel greitt fyrir þau af skipti. Þau gera þetta launanna vegna. Og sú vinna þeirra var afar erfið, eins og alþjóð er kunnugt. Því að tryggja sig gegn hagsæld er mikil vinna sem krefst ESB-verndar frá Brussel gegn kjósendum. Samráðs og samhæfingar. Einungis þannig verður verrtrygging þeirra fest í sessi yfir íslenskri þjóð

 

Fyrri færsla

 

Gjaldeyrishöft á evrusvæðinu - og þau eru lögleg

Gjaldeyrishöft á evrusvæðinu - og þau eru lögleg

Þá vitum við það. Gjaldeyris-höft, fjármagns-höft, reiðufjár-höft og greiðslu- og millifærslu-höft á evrusvæðinu eru lögleg. Og þau ná ekki bara yfir peningafærslur gagnvart umheiminum, heldur einnig yfir peningafærslur innanlands. Og þau urðu allt í einu eitthvað svo "óhjákvæmileg" þar sem bankar evrusvæðisins eru eins og þeir eru; fjármálastofnanir í kálgarði ríkis án myntar. Það er að segja; eins og sparigrís í kyrkislöngufaðmi uppþornaðs ríkissjóðs án myntar. Því urðu þau lögleg, eins og hjá óðum-hattara. Hefðu menn lesið letrið á 500 þúsund blaðsíðna reglugerðum og lögum Evrópusambandsins, þá kæmi þetta mönnum ekki svona á óvart. En þetta er einungis byrjunin

Mr. Dijsselbloem also said the European Commission legal services had told him that capital controls imposed--though increasingly relaxed--in Cyprus to stem massive capital flight were WITHIN EUROPEAN UNION LAW (WSJ)

 

Í 500 þúsund blaðsíðna laga- og reglugerðum Evrópusambandsins og sáttmálum, er einnig gert ráð fyrir aðkomuplássi fyrir nýja og stórvirka einræðisherra. Þeir verða að vera stórir því verkið er orðið svo stórt og um sig gripið hjá umboðs- og ábyrgðarlausri stóðelítu sambandsins

Margar blaðursíður eru þar einnig fyrir nýjan ófrið og nýjar stórfenglegar rústir hins nýja kommissaraveldis Evrópusambandsins. Og sem þá á ný verður hinn frjósami heiti jarðvegur rotnunar í hjarta meginlandsins. Jarðvegur fyrir nýmóðins stjórnmálahreyfingar á borð þær gömlu; nasisma, fasisma og sovétkommúnisma. Þetta stendur allt í sáttmálum Evrópusambandsins. Lesi maður sáttmálið rétt. Þegar þangað er komið verða þeir sem voru ekki með í þessu, látnir gefa sig fram og rétta upp vinstri eða hægri arm, og helst um leið að rétta þá fram. Restin verður síðan; þið vitið hvað

Lawson awesome 

Ég sé sem betur fer að Nigel Lawson hefur heldur betur tekið við sér. Hann misskildi ERM á örlagaríkri stund. Hann misskildi það sem lá á bak við ERM-forstofuna. Enda var þá ekki búið að teikna draumahúsið frá 1978 fast á þá stofu, Evrópustofuna. Ekki opinberlega. Og þau mistök áttu eftir að verða Bretlandi dýr. En frú Margaret Thatcher hafði hinn djúpa skilning á þessu öllu. Hún stóð vaktina og hafði séð teikningarnar. Hún skildi bæði blindskrift, dulmál og sáttmál

Það er awesome að Lawson skuli vera kominn aftur. Því fagna ég. Hann var og er ávallt hennar brilliant Lawson. Hann vill að Bretland segi sig úr Evrópusambandinu; og því fyrr, því betra

Fyrri færsla

Bandaríska sendiráðið við Laufásveg taki við sér