Evra ESB og ASÍ: Laun lækka áfram í Þýskalandi og gufa upp á Spáni

Þýskaland

 

Raunlaun í Þýskalandi hafa tekið upp á því að byrja að falla á ný síðan síðasta raunlaunahrun stöðvaðist í miðju falli sínu árið 2009 þar í landi. Raunlaun eru því 0,1 prósenti lægri í byrjun þessa árs en þau voru í byrjun síðasta árs í Þýskalandi. En í enda ársins þar á undan voru þau þó enn lægri en þau voru lág árið 2007

 

En þetta er ekki nóg, væni minn; því miðvikudaginn 3. mars árið 2010 gerðist sá sögulegi atburður að þýska hagstofan greindi frá því að í fyrsta skipti í sögu þýska lýðveldisins (þ.e. frá árinu 1949) hafa laun launþega fallið í landinu í heild. Hér er átt við fall launa í krónum og aurum talið á hvern einasta launþega á árinu 2009. Launin féllu um 0,4% yfir alla línuna og um 3,6% í iðnaði. Þarna varð því um eins konar aukningu í ritvélaiðnaðar-samkeppnishæfni Þýskalands niður á botninn í Evrópu að ræða. Launasumman í landinu dróst í fyrsta skiptið í sögunni saman. En gaman

 

WIESBADEN – According to first results produced by national accounting at the Federal Statistical Office (Destatis), average gross earnings of all employees in Germany fell by –0.4% to about Euro 27,648 in 2009. This is the first decline of earnings in the history of the Federal Republic of Germany: Statistisches Bundesamt 3. mars 2010

 

Ofan í þetta bættist svo við að þá höfðu þýsk verkalýðsfélög rétt nýlega samið um 0,0% launahækkun. Engin sérstök lágmarkslaun gilda á mörgum sviðum í þýska hagkerfinu. Varla er hægt að segja að þýskir launþegar hafi fengið raunlaunahækkun síðastliðin 16 ár.

 

Það er því öruggt að innan myntbandalagsins mun samkeppnishæfni flestra landa myntbandalagsins gegn Þýskalandi ekki batna á meðan Þýskaland er í myntbandalaginu. Hún mun bara versna. Hvaðan á hagvöxtur evrusvæðis að koma? Frá verðhjöðnun? Frá hruni? Frá fækkun mannfjöldans? Frá Spáni?

 

Úr Turninum

 

Seðlabankastjóri ECB-turnsins fékk þó launahækkun þarna. Sjálfsagt er að geta þess hér, fyrst út í ESB-launa-sálmasöng Alþýðusambands Íslands (ASÍ) um evrusvæðið er komið. Laun seðlabankastjóra Evrópusambandsins, Jean-Claude Trichets, hækkuðu átta sinnum meira á árinu 2009 en verðbólgan á myntsvæði hans hreyfðist sama ár, eða um 2,5%. Laun Jean-Claude Trichet voru 360.612 evrur og eru þau meira en tvöfalt hærri en laun seðlabankastjóra Bandaríkjanna, Ben S. Bernanke

 

Á árinu 2009 náði myntsvæði Jean-Claude Trichets að falla ofaní dýpstu kreppu svæðisins frá lokum seinni heimsstyrjaldar. Jean-Claude Trichet sagði því á útborgunardegi sínum árið 2009, að laun almennra launþega á evrusvæði ASÍ muni varla hækka í ár. Sennilega á hann við öll ár ára

 

Vel mætti hugsa sér að setja sérstakt veiðigjald og auðlindaskatt á Alþýðusamband Íslands (ASÍ) fyrir að lokka fólk í gildrur sem þessar hér að ofan og inn í elítusamtök þessi og fyrir að neita að borga fyrir ókeypis afnotarétt sambandsins af verðmætustu náttúruauðlind Íslands; fólkinu, sem er í eigu þjóðarinnar. Án fólksins væri ekkert ASÍ. Og fólk vex mun hægar en fiskar. Er ekki kominn tími til að ASÍ borgi fyrir þessi afnot sambandsins af þjóðarauðlindinni?

 

Spánn 

 

Á Spáni reyndust mánaðarlaun launþega hafa fallið það mikið á tekjuárinu 2011 að sjö og hálf milljón Spánverjar — 40 prósent allra launþega — höfðu mánaðarlaun sem voru lægri en þúsund evrur (minna en 162 þúsund krónur) á mánuði. Þetta eru þá 400 þúsund fleiri launþegar á undir 162 þúsund króna launum á mánuði en voru það á árinu 2008; El Confidencial 

 

Spænska hagstofan greinir einnig frá því í plaggi sínu um tekjudreifingu í landinu, að á árinu 2010 voru árslaun spænskra launþega að meðaltali 23 þúsund evrur eða 3,7 milljónir íslenskra króna, en að miðgildi allra launa hafi hins vegar verið rétt rúmlega 19 þúsund evrur á árinu, þ.e.a.s. 3,1 milljón íslenskra króna. Mun fleiri launþegar eru á miðgildis-launum en á meðaltals-launum. Segir hagstofan að samkvæmt gögnum yfir árið 2011, hafi tveir af hverjum þremur spænskum launþegum verið á launum sem voru undir meðaltals-launum; INE 

 

Fyrri færsla

 

Bandaríkin enn að njósna? Skidegodt! 

Bandaríkin enn að njósna? Skidegodt!

 

Enn veitir ekki af að láta vita af sér í lofinu yfir Berlín - Stratofortressan flýgur hjá og vinkar svo virkar

 

Nokkrum árum áður hafði Skunk Works Lockheed SR-71 Blackbird vél Bandaríkjamanna afhjúpað Þjóðverja við eldflaugasmíðar sínar hjá vissum Gaddafi-manni í Lýbíu. Hann var sérstakur viðskiptavinur ESB-Þýskalands. Bonn fékk þá skyndilega upphringingu frá Reagan. Hvað eruð þið að brasa?

Bandaríkin að njósna - er það nú svo?

Enginn veit með neinu öryggi hver situr á bak við þá tölvuskjái sem fletta upp í innihaldi veraldarvefsins með aðstoð símaskráa Internetsins - þ.e. IP-töluskrám. Panta sér til dæmis vopn, flugtíma eða ganga frá skattagreiðslum sem fóðra ofur-yfirvöld netsins í hverju landi fyrir sig. Enginn veit þetta - nema auðvitað þeir sem þar sjálfir sitja, en þó fyrstir af öllum hin alvitandi símafélög viðkomandi landa og lénsherrar hverra landa fyrir sig í formi yfirvalda í hverju landi fyrir sig; þ.e.a.s the Registratus; sem sér um að léns- og nafnatengja innihald einstaklinga sem og annarra á netinu við rétt IP-símanúmer símastöðva netsins. Enginn veit heldur með vissu hver stendur á bak við stóran hluta þeirra tölvupósta sem um netið fara. Enginn - nema auðvitað helst, símafélög viðkomandi landa

Hér á Íslandi vita yfirvöld þegar þegar of mikið af öllu um alla nema glæpamenn. Kennitala mín er á bak við allt of margar ferðir og gjörðir mínar í landinu og þar með talið á Internetinu einnig. Mjög margar hreyfingar mínar í þjóðfélaginu er skráðar með þessari kennitölu. Svo er brátt komið að varla verður hér viðrekið án þess að kennitala komi þar við sögu, nema að íslensk yfirvöld sjái að sér og sýni kennitölum yfir borgarana meiri og viðeigandi virðingu

Njósnamyndavélar innheimtustofnunar ríkisins á vegakerfinu fylgjast til dæmis svo grannt með að það liggur við útafakstri við að reyna að halda sér innan hinna stjórnmálalegu settu setta af sektarmörkum - og það á beinum akbrautum í fögrum sveitum á milli sanda, þar sem tilvist slíkra myndavéla er algerlega óafsakanleg, siðferðilega séð, algerlega óafsakanleg 

Í einlægri einfeldni hélt ég við komu mína til landsins 2010 að þetta væru hreiðurkassar fuglavina. En þetta er auðvitað einnig svona á hinum Njósna-Norðurlöndunum. Kennitalandi tala yfir borgarana er til fulls notuð sem skattheimtuvél hins opinbera á alla mögulega sem ómögulega vegu. Sektir og viðurlög verða sífellt stærri hluti tekjustofna ríkisins fyrir persónunjósnandi og sísoltna ríkissjóði Norðurlanda og víðar

Sósíaldemókratar Danmerkur lögðu til dæmis til að þyrlur og flugvélar yrðu látnar fljúga yfir öll hús í landinu til að taka af þeim innrauðar myndir sem svo áttu að verða að "gagna-grunni" yfirvalda yfir hitatap úr húsum. Einangrunarlögreglan myndi síðan verða stofnuð og grípa til sinna ráða. Datt mér þá í hug —ef af yrði— að blöffa myndvélar svona grasasna með því að hafa allar hurðir og glugga fyrirfram opna allt árið. Þá hefði ég getað sagt; screw-you þegar Einangrunarlögreglan mætti á staðinn og skellt hurð og gluggum í lás

Maður beið bara eftir því Darth Vader öndunargríma með innbyggðum öndunarmæli beintengdum skatthirð yfirvalda yrði næst á dagskrá stjórnmálamanna, sem sífellt leitast við að reisa sér persónulega minnisvarða á meðan þeir eru oft við frekar illa fengin völdin yfir borgandi borgurum. Fór þó svo að þessir öndunarmælar voru til að byrja með settir inn í nýtt reglugerðarfargan yfir skorsteina í landinu. Brenniofnar fátæklinga munu brátt verða með öndunarmæla, en svo mun röðin koma að þeim sjálfum

Sjálfur notaði ég í áraraðir 5 tonn af beykibrenni til að halda ljósa- og kyndingarkostnaði fyrir neðan 80 þúsund íslenskar krónur á mánuði. Að bera 5 tonn hoggins og þurrkaðs beykiviðar inn í hús og kveikja 1800 sinnum upp í með honum á vetri hverjum í Norrænni helferð, er ég nú blessunarlega laus við, þar sem ég bý á besta bóli veraldar: Íslandi. En feti hérlend yfirvöld sig yfir á glapstigu Norrænnar helferðar, þá mun ég grafa og herskera upp svo mikinn mó og moka svo miklu taði inn í ofninn, að aldrei mun annað eins hafa sést hér á landi. Og til þess myndi ég nota þúsunda hestafla móbrennsluknúna gröfu frá DDR, ekki light, heldur DDR-járnbent! Þær fást notaðar

Nýlegar fréttir af KGB-verki ESB-þríeykisins á Ítalíu eru frábærar fréttir fyrir alla Ítala. Þeir munu auðvitað bara hætta að nota bankana sína. Helsti samkeppnisaðili bankanna er með opið alla daga ársins alla sólarhringinn; þ.e.a.s. ítalska mafían. Reyndar munu bankar í framtíðinni ekki þurfa að óttast samkeppni frá öðrum bönkum; því samkeppnin mun koma frá risum á sviði hugbúnaðar og tölvumála. Þau er betur fjármögnuð en gjaldþrotnir bankar allt of margra afglapa í bankarekstri undanfarinna ára

Sumum ætti að farnast frekar illa við að fordæma Bandaríkjamenn í sínu eigin landi, þar sem kennitölur eru ekki til. Af hverju haldið þið að bandarísk yfirvöld séu þar á nálum? Þau hafa ekki hugmynd um hverjir búa í landinu. Milljónir manna eru í Bandaríkjunum án þess að yfirvöld hafi um það minnstu hugmynd. Eiga Bandaríkjamenn þá að fórna frelsi sínu til að þjónkast yfir-njósnurum á almenningi veraldar: Norðurlöndunum og ESB-ríkjum með falska rosageislabauga á höfðum sér. Ég spyr. Hvað halda menn að Bandaríkjamenn segðu um njósnakerfi Norðurlanda. Hvað? 

Nýlega yfirgaf Deutsche Bank höfuðstöðvar undirmálslánaútgáfu sinnar í Bandaríkjunum. Árum saman hafði bankinn ekki svarað bréfapósti lögskipaðra eftirlitsaðila bandaríska ríkisins. Lögreglan kom bara að tómum skrifstofum bankans og fann þar óopnaðan bréfastafla frá yfirvöldum inni í skáp

Öll símafélög heimsins skrá niður hjá sér allar færslur á netinu og geyma þau gögn í mörg ár. Öll traffíkin fer um þau. Við gætum því byrjað á því að skoða kennitalandi götugögn þeirra, vanti menn upplýsingar um hvern sem er. Næst væri svo að kaupa notaða harða diska eða fá sér vinnu á viðgerðarverkstæði. Safna notuðum diskum, tæma þá, og hefjast svo handa við byggingu gagnagrunns. Já einmitt; gagnagrunns

Njósnamyndavélar Bretlands hafa fyrir löngu nálgast 1984 af Orwell, undir yfirskyni IRA. Í verslunum um alla Evrópu er fylgst með öllum hreyfingum starfsmanna sem og viðskiptavina. Og í mörgum ekki-verslunarfyrirtækjum er það einnig gert. Allt í nafni svo kallaðs öryggis

Nú bíður maður bara átekta eftir því að Kínverjaleg og álíka yfirvöld úti í heimi hefji útgáfu íslenskra vegabréfa; eftir að hafa komist í feitt í tröllvöxnu kennitölu-gagnafjalli hins opinbera og næstum hvers sem er, á gagnabervangi viðskipta með kennitölum

Næst verður svo hafist handa við að menga margumtalaða gagnagrunna svo kallaðra "erfðavísinda". Þannig að lyfin sem koma úr gagnafjöllunum framreiði apana bara á færibandi; herra Ma-slow númer 1204589 er hér kominn. Hann fékk lyf X 

Vona ég svo innilega að Bandaríkin njósni hart um sendiráð hér á landi, því steinsofandi eru yfirvöld þessa lands í þeim efnum og getulaus

Einna best myndi ég trúa Bandaríkjunum fyrir að njósna um mig. Þá myndi mér líða skást þegar um svona lagað er að ræða. Hvers vegna? . . já það er nú það . . væni minn . . það er nú það . . 

 

Fyrri færsla

 

Húsnæðisverð á Írlandi fallið um 55 prósent og fellur áfram

 

Tengt

Lockheed SR-71 Blackbird

Great Planes: Lockheed SR-71 Blackbird

SR-71 Cockpit Review 

 

Húsnæðisverð á Írlandi fallið um 55 prósent og fellur áfram

Mynd; Þróun fasteignaverðs á Írlandi; hagstofa Írlands

 

Evra myntbandalags Evrópusambandsins heldur áfram að rífa niður og rústa þurrlendi hins fyrrverandi "hlutlausa" kafbátavars Þriðja ríkisins undan ströndum lands er Írland nefnist. Þurrlendið tilheyrir enn Írum sjálfum. En kafbátavarið tilheyrir nú allt fiskveiðilögsögu Evrópusambandsins og þar með Þýskalandi einnig. Hvort um sig er nú algerlega gelt; Þýskaland og fiskveiðilögsagan, sem bæði heyra sögunni til.

Húsnæðismarkaður Íra hefur undir evru Þýskalands og Frakklands verið lagður í rúst ásamt öllu bankakerfi þjóðarinnar. Atvinnuleysis-stormsveitir Evrópusambandsins geisa um Írland með 14 prósent atvinnuleysisstigum. Og rotnun heilla kynslóða undir stálfátækt evrunnar fetar sig fram á Írlandi, samkvæmt áætlun. Stöðugleikinn af ESB er loksins kominn til Írlands. 

Á finnsku leiðinni til helvítis heljar undir evru í ESB, sitja nú 300 þúsund Finnar fastir og atvinnulausir í evrum. Sú tala jafngildir 10,8 prósent atvinnuleysi, segir finnska hagstofan. Á síðustu 12 mánuðum misstu 34 þúsund Finnar atvinnu sína. Atvinna í Finnlandi hefur aldrei náð sér fyrir alvöru á strik eftir að landið varð að Evrópusambandinu. Þetta er þá eins og eitt rúmlega tuttugu ára samfellt bankahrun í landinu. Finnland á engan gjaldmiðil og hefur misst fullveldi landsins til peningaútgáfu, um aldur og ævi

 

Fyrri færsla

 

Það var evra Evrópusambandsins sem bjó til kreppuna

 

Tengt

 

Innvortis fjármálaleg borgarastyrjöld: hvað er það?

Enn einn munurinn á plat og alvöru mynt

Finnland á ekki afturkvæmt út úr ESB eða evru

Síðasta verksmiðja Nokia í Vestur-Evrópu 

Það var evra Evrópusambandsins sem bjó til kreppuna

Og neitar að leysa hana, því það getur ekki leyst úr þeim vandamálum sem sjálf tilvist Evrópusambandsins og evrunnar hefur skapað fyrir Evrópu og heiminn allan. Sambandið þarf því að grafa sig niður; dýpra og dýpra. Sem er von, því Evrópusambandið hefur aldrei leyst nein vandamál. Einungis skapað þau, því Evrópusambandið sjálft er sjálfskaparvíti, sem ekki er hægt að leysa úr

Þetta sjálfskaparvíti - er myntbandalag Evrópusambandsins nefnist (EMU) - er nú með lægra lánshæfnismat en þau bandarísku undirmáls-lán, sem elítuveldi Evrópusambandsins sögðu að hefðu tendrað og skilað af sér atburðarrás sem leiddi til hruns á fjármálamörkuðum á sínum tíma

 

As Expect[ed] Loss points out, up until said downgrade event some of these securities were better-rated (at AAA) than countries like Britain and France. Maybe that says something about the state of European sovereigns, but it must also say something about the fact that — six years after the start of the credit crisis — rating agencies are still playing catch-up (FT-Alphaville) 

 

En þetta er bara ekki satt. Því bandarísku undirmálslánasöfnin eru ennþá með betra lánshæfnismat en margir ríkissjóðir evrulanda hafa. Og sitja pappírar þessara ríkissjóða nú sem tryggingar inni í súrheysturni ECB-seðlabanka Evrópusambandsins. Út á þá pappíra voru prentaðir evrupeningar og til krafna á hendur þeim frá öðrum evrulöndum stofnað. Og hélt maður að þannig skynvilla, út af fyrir sig, væri ekki möguleg. Hefði t.d. Kýpur sagt bless og farvel, þá hefði brottför þess eins og sér þýtt útþurrkun á öllu eiginfé ECB-seðlabanakans vegna þeirra TARGET2- og ELA-krafna sem þá hefðu misst lífið, því skuldunauturinn væri skyndilega horfinn út í geiminn

 

Þá hefðu seðlabankar allra eftirlifandi evruríkja þurft að biðja þjóðþing viðkomandi landa um að senda kistur af gulli úr hirslum sínum upp í ECB-súrheysturninn í Frankensteinfurt. Og það á meðan borgrum viðkomandi evrulanda væri sendur screw-you og niðurskurðarfingurinn á sama tíma - og meira að segja - töluvert lengra fram í tímann. Þetta væri eins og sjálfknúin kyrkingarvél; "við tókum upp evru til að hengja okkur við hvert skref sem okkur er alltaf sagt að sé nauðsynlegt að taka til að bjarga kyrkingarvélinni frá því að hætta að kyrkja okkur". 

 

Þarna er vandamálunum í aðalklessustöðvum Evrópusambandsins vel lýst: Þau eru þau verstu eðlis í heiminum í dag - og verða svo áfram og áfram og áfram um langa tíð. Og fjúka mun svo þakið af súrheys-seðlabankaturni evrunnar í Frankensteinfurt. Sá atburður er spurningin um hið merkilega náttúrufyrirbæri er tími nefnist. Hann kemur í veg fyrir að allt gerist alls staðar á sama tíma. En það verður big-bang

 

Fyrri færsla

 

Lág verðbólga = lítil eftirspurn

Lág verðbólga = lítil eftirspurn

Lágir vextir = léleg eftirspurn

Léleg eftirspurn = lélegur hagvöxtur

Lélegur hagvöxtur = lélegt atvinnuástand

Lélegt atvinnuástand = léleg laun

Léleg laun = léleg frjósemi

Léleg frjósemi = enn minni eftirspurn

Enn minni eftirspurn = hærri skattar

Hærri skattar = enn minni eftirspurn

Endurtaka þetta í samfellt 30 ár og útkoman verður ESB + styrjöld + bylting + bráðkvedda

The End = stöðugleikinn = ESB

Fyrri færsla

Ritskoðun í Austurríki og KGB komið inn á bankareikninga allra Ítala

Ritskoðun í Austurríki og KGB komið inn á bankareikninga allra Ítala

Ritskoðun í Austurríki

Gríski hagfræðiprófessorinn Yanis Varoufakis segir að ekki sé nóg með að hann sjálfur hafi verið svartlistaður af gríska ríkisútvarpinu, heldur hafi ritskoðun einnig verið tekin upp í Austurríki. Það vitna skrif Kunibert Raffer um; um það sem á gengur í hinu nýja stormsveitabæli evrunnar í ESB í Austurríki. Raffer er prófessor í hagfærði við Vínarháskólann í landi þar sem konur eru helst geymdar inni á skápum í afdölum svo þær mengi ekki fræðimannatölur landsins á sviði ESB-atvinnuleysis og ekki-atvinnuþátttöku. Lesa má skrif beggja prófssora hér, og tek ég stranglega fram að þetta hefði að sjálfsögðu ekki getað gerst nema að Austurríki væri og sé í Evrópusambandi við evru þess. Tala verður því varlega um slík mál eins og snemma á síðustu öldum. Sennilega best að segja sem minnst, eins og áður

Aðfangadagaöld gengur í garð á Ítalíu 

Og nú hefur sama stormsveitamennska undir sömu Evrópusambandsvernd riðið valhoppandi nátttröllum sínum sigri hrósandi inn í einkamál allra borgara á Ítalíu. Þar hefur ríkisstjórnin sem er skattheimtuvaldhafi eilífrar óstjórnar í þessu landi einnar ítalskrar mafíu undir yfirmafíuveldi Evrópusambandsins, fengið beinan og algerlega sjálfvirkan aðgang að öllum bankaviðskiptum og peningafærslum allra þeirra sem í landinu búa, eða eru skráðir fyrir bankareikningi á Ítalíu. Sigurfari evrunnar. Ekki þarf lengur að bíða eftir úrskurði neinna dómara til að fá aðgang að öllum færslum allra í þessu stofnríki Evrópusambands Rómarsáttmálans, sem frá upphafi gekk einmitt út á akkúrat þetta; þ.e. varðarveislu gagna gegn fólkinu. Öll þessi gögn streyma nú bara beint til stjórnvalda, alsjálfvirkt og án aðstoðar ómerkilegra manna og skítugra handa þeirra. Þetta mun að sjálfsögðu gerbylta lífinu í þessu ríki Evrópusvoétríkja ESB. Kannksi fellur þetta undir skipulagsbreytingar Evrópusambandsins (structural reforms) á Ítalíu:La Repubblica

Fyrri færsla

ESB: Leiðin til heljar 

ESB: Leiðin til heljar

 

Mynd; Stjörnumerki Evrópusambandsins; Massíft atvinnuleysi, hnignun og öfugsnúningur til hins verra í samfellt 30 ár

 

Atvinnuleysi í Portúgal hefur nú náð 37 prósent hærra hlutfalli en líkfylgi Samfylkingarinnar varð á jarðarför flokksins til Alþingis, þann 27. apríl í vor. Og er næstum því tvisvar sinnum hærra í loftinu en rústir Steingríms J. Sigfússonar formanns hvíla klesstar undir kistuþunga fyrrnefnds flokks

Atvinnuleysið í Portúgal er því komið upp í 17,7 prósentustig og er nú það mesta í sögu landsins. Evrópusambandið og evruhnefar þess hafa rústað Portúgal og kýlt landið út úr samfélagi þjóðanna. Kannski fyrir fullt og allt. Og sannarlega niður á nýlendustig, því Portúgalar flýja yfir til áðurtæmdra nýlendna landsins. Þetta land smitól af sér nýlenduframkvæmdastjóra Evrópusambandsins, er niður í vasa þríhyrnds elítuveldis Þýskalands á Parísaröxli Lotharinga er komið; eins og frú Margaret Thatcher spáði svo réttilega fyrir um í kjölfar sameiningar stórs hluta Sovétríkjanna við ESB

Líkfylgdarsveitir Evrópusambandsins storma Portúgal út í gegn og teppabomba landið með massífum ömurleika evrunnar. Land Evrópusambandsins —eins og fleiri lönd ESB— sem öngva þjóðaratkvæðagreiðslu hefur nokkurn tíma haldið um hvorki aðild landsins að stormsveitum Evrópusambandsins, né evru, né neinu öðru er viðkemur elítuveldi þess

Tæplega þrjátíu ára aðild Portúgals vinnur frá árinu 1999 verk sitt alsjálfvirkt með gríska bókstafinn € að vopni, sem er hnignunarstjarft merki klaufhalaveldis Evrópusovétríkja ESB

Þessi þróun er á ensku kölluð European Integration eða Structural and Cohesion Funded Ignition — þ.e. stórskalaskipulögð íkveikjutendrun — og ber að skoða "Evrópustofu" hér á landi í þeim tendrunarblossa eldhafsins frá ESB

Hvað tefur nýkjörna ríkisstjórn Lýðveldisins? 

Fyrri færsla

Þjóðhátíðardagurinn; Nú þarf síðan að draga ESB-umsóknina alveg til baka

Tengt

Structural reforms; skipulagsbreytingar ESB 

Þjóðhátíðardagurinn; Nú þarf síðan að draga ESB-umsóknina alveg til baka

 

 

Merki lýðveldis Íslendinga og þjóðfáni okkar

Nú þegar hlé hefur verið gert á umsóknarferli lýðveldis Íslendinga inn í Evrópusambandið, verður að fjarlægja umsóknina alveg á vegum Íslands. Fjarlægja verður hana alveg úr Evrópusambandinu. Svo að ekki verði hægt að láta hana taka gildi á ný. Þannig að þessi ólýðræðislegi og skammarlegi gjörningur sé afmáður - og að lýðveldið Ísland verði ekki skyndilega Möltuvætt. Svo verður að afmá aðlögunina sem fram fór, með lagabandormi. Rífa aðlögunina af Lýðveldinu!

Í dag er þjóðhátíðardagur lýðveldisins. Lengi lifi lýðveldi Íslendinga! Húrra, húrra, húrra, húrra. Og einu sinni enn; húrra! - og upp með fánann! 

Við sendum forfeðrum okkar í leiðinni ljúfan fingurkoss og hlýjan hug fyrir baráttu þeirra og hart unna sigra. Þeirra verður minnst. Og við sjálf getum ekki verið þeirra eftirbátar í baráttunni fyrir framtíð fullveldis íslenska lýðveldisins. Fyrir lýðveldinu. Fyrir heimili Íslendinga, um aldur og ævi: Húrra!

 

Leið Möltu til ánauðar

 

 

1987 - Victory of Nationalist Party marks move toward European integration. Eddie Fenech Adami becomes prime minister.

 

1989 - Malta hosts first summit between Soviet President Mikhail Gorbachev and US President George Bush.

 

1990 - Malta submits application for full membership of the European Union (EU).

 

1995 April - Malta joins Nato's Partnership for Peace programme, only to leave in October 1996 in order to maintain its neutrality

 

1996 - Labour Party, led by Alfred Sant, regains power and shelves application for EU membership.

 

1998 - Eddie Fenech Adami's Nationalist Party returns to power, revives application to enter EU.

 

1999 - Guido de Marco sworn in as president.

 

2001 May - Pope John Paul II visits Malta, where 98% of the population are Roman Catholic. The Pope beatifies three Maltese clerics at an open-air ceremony.

 

2002 December - EU summit in Copenhagen formally invites Malta to join in 2004.

 

2003 March - Just over 53% of voters say yes to EU membership in a referendum.

 

2003 April - Adami's ruling Nationalist Party claims victory in a general election, confirming the pro-EU referendum result.

 

2004 March - Lawrence Gonzi sworn in as prime minister following retirement of veteran leader Edward Fenech Adami.

 

2004 May - Malta is one of 10 new states to join the EU.

 

2005 July - Parliament ratifies proposed EU constitution.

 

Malta joins eurozone

 

2008 January - Malta adopts the euro.

 

2008 March - General elections. Ruling Nationalist Party wins by a razor-thin margin.

 

2009 April - Pope Benedict XVI makes pilgrimage to Malta, following in footsteps of early Christian missionary St Paul, who was shipwrecked on the island 1,950 years previously, in 60 AD.

 

2011 July - Maltese parliament passes law allowing divorce after the move was approved in a referendum in May; the mainly Catholic state had been the only country in Europe to ban divorce.

 

2012 January - Malta's credit rating, along with that of several eurozone countries, is downgraded by Standard and Poor's rating agency. The IMF warns that the Maltese economy is at risk of contagion from the global financial crisis.

 

Fyrri færsla

Starfsemi ECB-seðlabanka Evrópusambandsins samrýmist ekki Magna Carta

Vonsvikinn með ákvörðun Íslands

Starfsemi ECB-seðlabanka Evrópusambandsins samrýmist ekki Magna Carta

Hvorki starfsemi né straffsemi eða stjórn sem óstjórn ECB-seðlabanka Evrópusambandsins — alias sogrörsseðlabanki Þýskalands ofaní myntbandalagslönd Evrópusambandsins — né yfir höfuð sjálf tilvist þessa seðlabanka, samræmist lágmarks og frumkröfum frjálsborinna Engilsaxneskra manna til frelsisins, sem vannst frá árinu 1215 og frameftir með; Magna Carta Libertatum

Þessa var reyndar getið af vinsamlegum þýskum stjórnarmanni Bundesbankans í fyrirlestri sem haldinn var í Lundúnum, er elítuveldi ESB á sínum stolna tíma var að ganga frá rafstraumalögnum ófaranna yfir í hinn peningalega Frankenstein Evrópusambandsins; Marðarspelkusáttmálanum frá 1992 e.Kr

Þetta peningalega hlandgagn elítuveldis Evrópusambandsins skoppar nú um sem helfreðinn hlandklumpur á borðum stjórnlagadómstóls hins falska og upplogna ríkis Bismarcks frá 1871; Þýskalandi. Og hlýnun klumpsins er yfirvofandi. Það eina sem áfram getur haldið honum ólekandi gaddfreðnum, er stjórnarfarsleg ísöld í anda glæpaklíkuveldis Leníns með sovétreipið girt umhverfis þvagmyntarklumpinn

Bretar voru varaðir við því að EMU (e. Economic and Monetary Union) Evrópusambandsins myndi brjóta gegn grunngildum Magna Carta frá 1215 og því aldrei geta samrýmst frelsi. Þetta vissu Bretar þó vel sjálfir og höðfu vitað allar götur frá tilurð Rómarsáttmálans 1957. Og brennur því Evrópa samkvæmt marðarspelkuáætlunum Frankenstein-peningaveldis Evrópusambandsins, sem enginn frjálsborinn maður hefur neina lögsögu yfir. Myntbandalagið er orðið stjórnarfars- og peningalegt gettó; a-no-go-zone

Stærstu mistök efristríðsáranna undir PaxAmericana friði Bandaríkjamanna í Evrópu frá 1947, var að leyfa sameiningu tveggja þýskra ríkja í eitt, er Berlínarmúr glæpagengis Sovétríkjanna féll yfir Vestrið. Enda hafði Bandamönnum af þýskum þá verið gert ljóst að svo myndi alls ekki verða er múrinn féll. Skjöl úr skjalasafni frú Margrétar Thatcher sýna að ríkin tvö áttu samkvæmt þýskum yfirvöldum áfram að vera aðskilin sem tvö sjálfstæð ríki - en í ríkjasambandi. En svo gerðist stórslysið. Gamalt tók sig upp er Frankenstein fékk í sig þræddan strauminn á ný

Fyrri færsla

Kjósendur kláruðu Samfylkingar-málið

Kjósendur kláruðu Samfylkingar-málið

Eins og næstum alþjóð veit, þá afgreiddu kjósendur Samfylkingarmálið samkvæmt Samfylkingartungumálinu og kláruðu Samfylkinguna í þjóðaratkvæðagreiðslu um flokkinn þann og annan, þann 27. apríl 2013

Öll mál flokksins eru þar með úr sögunni. Þau hafa verið afgreidd og kláruð með því að þjóðin hafði í eitt skipti fyrir öll verið upplýst um aðild hennar að flokknum. Nú þarf því ekki að hugsa um þann flokk meira. Málið hefur verið afgreitt. Samfylkingin er afgreidd og öll mál hennar einnig. Aldrei þarf því aftur að kjósa um þann flokk, né málefni hans

Svíðandi þjóð Svíaríkis álpaðist eitt sinn inn í Evrópusambandið, vegna þess að 2.833.721 Svíar sögðu já undir massífum áróðri og í hræðslukasti í kjölfar eins bankahruns. Þeir sem sögðu nei voru hins vegar 2.539.132 talsins. Munurinn á já og nei voru aðeins 294.589 kjósendur

Í samfellt 18 ár hafa 2.539.132 kjósendur og ESB-andstæðingar í Svíþjóð þurft að lifa undir því sem aldrei verður aftur kosið um. Þetta kallar Samfylkingin fyrir bjarta framtíð kláraða málsins

Exit-sáttmáli er hvorki til í orðaforða né risavöxnum pappírsforða Evrópusambandsins. Ekki frekar en hann er til inni í svartholi. Að ætla sér að sækja um útgöngu með því að krefjast þess að exit-sáttmáli —sem enginn er til— fari síðan fyrir 28 þjóðþing 28 Evrópusambandslanda, er óhugsandi. Og sá ómöguleiki er skiljanlegur. Því að um leið og einu ríki yrði hleypt út í gegnum exit-sáttmála, þá yrði að hleypa þeim öllum út

Ekkert fullvita ríki myndi vilja gefa afkall til þeirra sáttmálabundu réttinda sem þau hafa í lögsögu annarra ríkja Evrópusambandsins. Réttinda sem unnust í gegnum alla sáttmála Evrópusambandsins sem orðnir eru langir, strangir, þversum og innbyrðis órjúfanlegir. Ekkert ríki. Svo einfalt er það

Þetta verða menn að skilja. Þeir verða að skilja að Evrópusambandsmálið er ekkert venjulegt mál. Það er einstefnuför til heljar, sem aldrei verður aftur ekin né tekin

Samruni Evrópusambandsríkja í eitt ríki, fyrir tilstilli allra sáttmálanna, er að mörgu leyti lengra á veg kominn en samruni sambandsríkja Kanada er kominn

Um leyfi til alls þessa, hefur enginn borgari í Evrópusambandinu verið spurður um. Enginn; aldrei. En þetta er samt að gerast

Fyrri færsla

Endurómur og Evrópunefndir