Hittir ryðgaðan Erfðahreppsnagla á höfuðið

Ríkissjúkrahús er ekki hreppsmál

Kristinn Snævar Jónsson hittir naglann á höfuðið þegar hann segir: Kárna nú rökin fyrir katakombuklastrinu við Hringbraut

Já Kristinn, þú hittir þennan ryðgaða Erfðahreppsnagla á höfuðið. En ekki er við öðru að búast en svona skrifum frá nagladeild sem heldur að hún sé hreppshamar. Öllum má nú nokkuð ljóst vera að geðheilbrigðiskerfið að þrotum er komið, ef ég mætti vera svo djarfur að impra á því. Annars væri ekki verið að reyna flytja þetta mál á þennan hátt - eins og að um venjulegt hreppsmál væri að ræða. Katakombuklastur er einmitt réttnefni á því sem þegar er staðreynd og getur aðeins enn verra orðið

Nýtt ríkis-háskólasjúkrahús þarf um rúmlega einn ferkílómetra af frjálsu óbyggðu landrými til að vaxa í áratug eftir áratug. Það yrði í umsvifamikilli byggingu í að minnsta kosti heilan áratug og tekið í friðsæla notkun í áföngum. Það yrði stærsti byggingarstaður landsins í langan tíma með 500-1000 manns vinnandi við byggingu þess. Ef ekki, þá er einungis um viðbyggingu að ræða, en ekki nýtt sjúkrahús

Byrjunarþörf á bílastæðum væri ca 3000 stæði og fullbyggt yrði þörfin ca 6000 bílastæði og 30-40 þúsund bílferðir á dag. Það er sprenghlægilegt að menn skuli yfir höfuð láta sig dreyma um að hægt sé að troða og klaska svona framtíðarverkefni niður innan núverandi byggðar höfuðborgarsvæðisins

Eftir aðeins 50 ár verður íbúafjöldi landsins 450-500 þúsund manns og 130-150 þúsund íbúar hafa bólu-bæst við á höfuðborgarsvæðinu, vegna krónískrar fjarveru byggðastefnu fyrir Lýðveldið Ísland. Take that!

Nýtt ríkissjúkrahús þarf að geta þjónað öllu landinu um langa framtíð. Það mun einnig verða nálægðar-miðstöð lækninga fyrir næstu nágrannalönd: Færeyjar, Grænland, jafnvel Nýfundnaland og bandaríska sjóherinn, sem mun þurfa að hafa svakalega aukna viðurvist á Norður-Atlantshafi um langa framtíð, sem stigmagnandi óvissuþættir ríkja um

Menn þurfa að skoða sig um utan skotgrafa sinna. Ekki má byggja enn eina einbreiðu brúnna í viðbót í þessum málum

Eins og Sigmundur Davíð forsætisráðherra, þá hef ég einnig mikla og sterka trú á framtíð Íslands. Það hafa okkar báðir Davíðar Íslands haft, og barist hart fyrir henni. Þess vegna heyrast jú þessi urg

Hæstvirt Alþingi, æðsta stofnun Lýðveldisins, ætti svo að flytja inn í glæsilega virðulega gamla og hvíta byggingu gamla Landspítalans, með beinu flugi í öll kjördæmi. Andrúmsloftið í gamla Alþingishúsinu er orðið of þrúgandi lítið fyrir stjórnmálin. Þau þurfa á meira og betra súrefni að halda til að geta andað

Fyrri færsla

Landspítali Seltjarnarness á frímerki

Landspítali Seltjarnarness á frímerki

Ekki út í sjó: Öll börn sjá hvar byggð getur numið nýtt land fyrir 120 þúsund manns í viðbót á næstu 50 árum

Það er ótrúlegt en satt, að margir -og mest af svakalega duttlungafullum persónulegum ástæðum, er dellu líkist- hafa farið fram á að nýtt Landsjúkrahús Íslands: Ríkissjúkrahús, verði byggt niður í flöskuhálsinn til Seltjarnarnesskaupstaðar, eins og að um aðalstöðvar fótboltafélags eins borgarhluta væri að ræða

Allir sem líta á landakortið sjá að þetta er furðulegur staður fyrir nýtt sjúkrahús, hvort sem um "háskólasjúkrahús" (sjúkrahús með rannsóknarstofum) er að ræða eða ekki. Nýtt sjúkrahús hefur ekkert með gamla sjúkrahúsið að gera, mannvirkjalega séð. Það yrði nýtt sjúkrahús, en ekki viðbygging við það gamla. Svo hvers vegna ætti að byggja niður nýtt sjúkrahús í trekt. Það skil ég ekki.

Nýtt stórjarðskjálfta-öruggt ríkisháskólasjúkrahús sem því rís ekki of hátt og sem á að duga næstu 50+ árin þarf að minnsta kosti 1,2 milljón fermetra pláss eða 120 hektara lóð (1,2 km2) til að vaxa í til að geta þjónað 400-500 þúsund manns, staðsett á höfuðborgarsvæði sjálfstæðs lýðveldis í miðju Norður-Atlantshafi. Það er landrýmið sem tryggja þarf sér undir nýtt ríkissjúkrahús. Svipað og Region Midt-Jylland hefur tryggt sér undir Aarhus Universitets Skejby Sygehus í heilsubætandi umhverfi fjarri miðborg og delludaðri (loftmyndir af byggingasvæðinu 2015). Þörf yrði fljótlega á 6 þúsund bílastæðum við Ríkissjúkrahúsið og umferð yrði mjög fljótlega 30-50 þúsund bílferðir á dag

Á Íslandi dagsins í dag er ekki lengur byggt. Nei nei, nýju bólu-hugtaki hefur verið komið fyrir í eyrum landsmanna, en það er hugtakið "uppbygging". Orðið "uppbygging" fer ásamt "heiminn um kring" og "heyrðu", eins og eldur í sinu um heilahveli þorra landsmanna. Afbökun ofan í afbökun og svo kemur hér bara einföld trekt - tja, kannski til afnota fyrir þá sem þjást af þessu meinta "heyrðu" heyrnarleysi

Nýja Alþingishúsið - beint flug í öll kjördæmi lýðveldisins

Alþingi gæti síðan með sóma flutt inn í flott gamalt húsnæði gamla Landspítalans, þ.e.a.s verði trektin tekin frá vitum óvitanna sem fara fram á kyrkingarstaðinn við Hringbraut - sem ekki er hringbraut

Fyrri færsla

Rétti tíminn til að hertaka Þýskaland

Rétti tíminn til að hertaka Þýskaland

Núna er rétti tíminn fyrir Frakkland til að gera innrás í Þýskaland og hertaka það. Charles de Gaulle var ekki bara stjórnmálamaður heldur einnig hershöfðingi. Hann vissi --geng ég út frá-- að það sem stýrir stjórnmálum landa, er fyrst og fremst landfræðileg lega þeirra. Völd landa til handa sjálfum sér, mótast síðan út frá þeim grunni. Restin er grænmeti. Einu landamærin sem Frakkar þurfa að hafa verulegar áhyggjur af, eru þar sem norðursléttan, sem nær til Úralfjalla, mætir franska lýðveldinu á evrópska flatlendinu mikla

Já. Til að halda utanum þann grunn sem landafræðin frá náttúrunnar hendi býr löndum, notast menn í stjórnmálum við hernaðar- og efnahagsmátt. Þau eru tækin og tólin sem til umráða eru. Restin er að sjálfsögðu bara grænmeti eins og kunnugt er

Maður lokkar til dæmis löskuð og veiklynd græðgisríki inn í gildrur eins og Evrópusambandið er, og gerir þau hægt og rólega að aumingjum. Gerir þau að efnahags- og hernaðarlegum krypplingum. Þýskaland er orðið bæði efnahags- og hernaðarlegur aumingi. Það er einnig landfræðilega berskjaldað

Frakkaland getur kippt hinni lágu gervi-gengisskráningu þýskrar evru undan þýskum efnahag með því að innleiða frankann í Frakklandi á ný. Við það hækkar gengi Þýskalands um 97 prósent. Gámarnir í útskipunarhöfn Hamborgar myndu þá samstundis að saltstöplum verða. Engin innri eftirspurn er til í Þýskalandi sökum elli þjóðarinnar og erfðafræðilegrar nísku. Hana verður landið því að sækja til einstaklinga og fyrirtækja sem tímt og nennt hafa að eignast börn; þ.e. til erlendra neytenda

De Gaulle lagði einnig ofuráherslu á frjósemi í sínu landi. Það gerðu Þjóðverjar alls ekki. Þeir eru því flestir orðnir geldir sökum framskriðinnar elli út um allt. Ófrjósemi Þjóðverja er orðin líkamlegt vandamál sem engin lækning er til við. Frakkar verða því fjölmennari en Þjóðverjar eftir aðeins nokkur ár. Þetta vissi De Gaulle að yrði. Hann bjó því líka til kjarnorkusprengjur í passandi mæli með force de frappe áætluninni. Þær eru eldveggur mikill sem mark er takandi á

Þetta liggur í augum uppi. Maður býr til búr, til dæmis Evrópusamband, sem svalað getur erfðafræðilegri valdasýki Þýskalands um stund. Heimilar því að leika sér inni í búrinu um stund. Líta má einnig á búrið sem nokkurs konar sandkassa. Og lokar þá reyndar alveg af inni í búrinu því. En þegar óþægilegt er hins vegar orðið að búa í búrinu saman með frekjudýrinu, þá þarf Frakkland um leið að yfirgefa búrið á meðan það enn er óétið. Þegar Frakkland er farið úr búrinu, þá situr Þýskaland þar öskrandi eftir

Þetta gætu Frakkar gert núna. Þeir gætu jafnvel í leiðinni rúllað alveg yfir allt þýska elliheimilið og hernumið það til frambúðar. Þjóðverjar láta vel að stjórn og eru þess utan að hverfa á brott úr mannkynssögunni, sökum elli og nísku. Auðvelt er því að hernema þá og sitja á þeim. Þetta er eiginlega bráðnauðsynlegt, því ekki vill maður að neinn certain annar setjist að á þessum slæmu slóðum, er brátt verða bara eitt dautt mannhaf

Frakkar hafa ógnarvopnin, mannaflann og heraflann, gengið og reynslu af rekstri búrhænsna í höndum sér. Eitthvað á þessa leið hljóta menn að hugsa í fimmta franska lýðveldinu. Því að tilvera Frakka inni í Evrópusambandsbúrinu átti ekki að gera frönsku þjóðina að nýrri máltíð fyrir valdasjúkt Þýskaland

Höfundur er hægur höfgamaður og hafið er stórt!

Fyrri færsla

Innistæðutryggingakerfi Evrusvæðis drepið í fæðingu - þýskir bankar "fullir af eitri"

Innistæðutryggingakerfi Evrusvæðis drepið í fæðingu - þýskir bankar "fullir af eitri"

Forsætisráðherra Ítalíu, Matteo Renzi, drap í ítalska þinginu í fyrradag tilraunir jötunuxa myntbandalags Evrópusambandsins til að koma á sameiginlegum innistæðutryggingum í bankakerfum hins deyjandi myntsvæðis. Tilraunir sem háðar eru vissum forsendum sem útflutningssteikt Þýskaland krefst. Renzi sagðist beita neitunarvaldi gegn tilraunum Þjóðverja til að takmarka ríkisskuldabréfaeignir banka evrusvæðis. Þar með er óhugsandi að tillögur um innistæðutryggingakerfið nái fram að ganga. Og Þýskaland getur ekki gengið gegn Ítalíu án þess að skjóta sig í báða fætur

Enn fremur sagði ítalski forsætisráðherrann að þýskir bankar væru barmafullir af eitruðum og einskis virðis úrgangi þýskra fjármálagjörninga og í raun aðeins lifandi lík. Nefndi hann sérstaklega Deutsche Bank og Commerzbank sem dæmi um líkkisturekstur fjármálastofnana Þýskalands. Fólk ætti frekar að beina spjótum sínum að þýskum bönkum í stað ítalskra banka, sagði hann

Virði hlutabréfa í Deutsche Bank nálagst nú hratt núllið og ólögmætið. Þau eru fallin um 85 prósent síðan í maí 2007 og er virði bankans nú lægra eða svipað og það var er heimurinn í ESB var að farast í upphafi þúsund þátta neyðarfundaseríu árin 2008 til 2009. Atburðarrás er varir enn í hinu pólitískt- og peningalega gjaldþrota myntbandalagi Evrópusambandsins. Já, evran kemur - líklega á undan Rússunum

Evrópa, fyrir tilstilli sjálfrar tilvistar Evrópusambandsins, er komin í óafturkallanlegt upplausnarferli sem enginn veit með vissu hvernig endar. Og upplausn Evrópusambandsins, sem hófst um leið og það var stofnað, er aðeins ein byrjunin á þeim tryllingi. Komandi ríkisgjaldþrot Kína mun heldur ekki sprengja nein blóm "Sonderwegar" út úr bergnumdu fjármálakerfi Þýskalands í vöggu Hegels. Kína mun fara í greiðsluþrot innan næstu 10 ára - ef vel gengur

Fyrri færsla

Já, raunveruleikinn hélt síðan áfram

Helgi Hjörvar gefur kost á sér

Já, raunveruleikinn hélt síðan áfram

Eftir að Sovétríkin féllu, þá féll Rússland í einskonar dá. Það lagðist í trans með Boris Jeltsin við stýrið. Ekið var í hlutlausum gír fyrir engu afli þar til að sú stutta ökuferð stöðvaðist af sjálfu sér. Sumir héldu að þarna væri Rússland komið í sitt eðlilega ástand á ný. Þeir voru ekkert smá skrítnir sem hugsuðu þannig

Á meðan Boris var úti að aka, notaði ESB og NATO tækifærið til að gúffa í sig það sem annars hefði ekki verið hægt: sjálft öryggissvæði Rússlands öldum saman. Svæðið sem verndar Rússland gegn innrásum, því ekki gerir landslagið það fyrir þetta landmassaríki, sem er án náttúrulegra landamæra og þarfnast því manngerðra stuðara. Pólitískra stuðara

Svo hætti Boris að dunda sér við aksturinn á sjáfum sér, missti reyndar prófið, og þá hrökk Rússland í sinn gamla gír á ný. Og fór þar með að hugsa um hin gömlu utanríkisliggjandi öryggissvæði sín

Þetta var svo ofur eðlilegt að engum þurfti að koma þetta á óvart. Þeir sem eru hneykslaðir, eru það bara í þykjustunni. En þannig hefur utanríkispólitík ávallt verið. Þykjusta að mestu, en þó án þess að vera það að fullu

Allt er við sitt gamla á ný. Það fer veröldinni best, því Útópía er og verður alltaf einungis klikkunarmannadella er hvergi tollir við veraldlegt landakort

Fyrri færsla

Hvað eru mörg núll í Evrópu?

Hvað eru mörg núll í Evrópu?

Það er athyglisvert að fylgjast með upplausn Evrópu undir stjórn Evrópusambandsins. Það er einnig athyglisvert að fylgjast með síðustu andartökum sovétsins anda hinu stóra Rússlandi hratt kólnandi út um vitin. Og það er einnig athyglisvert, en fyrirsjáanlegt, að fylgjast með djúpfrystingu Kína sem búið er að vera miðað við síðustu 30 árin, eða svo. Það Kína er búið að vera. En þegar það þiðnar -ef það þá þiðnar- þá þiðnar það til að bráðna, hægt en örugglega

Öll þau núll sem núllast þarna út, eru meginlands-evrópsk hugmyndagloría að uppruna. Öll eru núllin fundin upp á meginlandi Evrópu

Það eina sem -í megindráttum- stendur eftir, eru Bandaríki Norður-Ameríku. Og svo mun verða um aldur og ævi. Þau eru ósigrandi, enda var vel til þeirra vandað

Einu sinni voru Bandaríkin þar sem hið ódýra vinnuafl veraldar átti heima. Allt var framleitt í Bandaríkjunum. Einu sinni sáu Bandaríkin veröldinni að miklu leyti fyrir olíu. En aldrei verða Bandaríkin samt eins og núllið Evrópa. Það var með sjö-tommu saum geirneglt djúpt niður í stjórnarskrá þeirra

Hvorki Evrópa, Rússland né Kína munu ná að komast heil á húfi frá langferð umbyltinganna á eins giftusamlegan hátt og Bandaríkin hafa gert. Falli lauf og falli jafnvel Kína og falli jafnvel Rússland og hverfi fallin Evrópa, þá munu Bandaríki Norður-Ameríku ekki falla með. Þau eru ekki þannig byggð. Sjálf gerð þeirra er ekki svo vonlaus. Þau voru ekki byggð þannig. Þau eru voldugasta þjóðríki mannkynsins. Takið eftir orðinu þjóð-ríki

Ísland á ekki að hanga aftaní töpurum. Það eru bara ein Bandaríki Norður-Ameríku í veröldinni. Og þau liggja í vestur

Fyrri færsla

Angela Merkel mun þurfa að flýja til Suður-Ameríku

Angela Merkel mun þurfa að flýja til Suður-Ameríku

Einn af topp-stjórnmálamönnum AfD í Þýskalandi, Beatrix von Storch, sagði í þýska ARD ríkissjónvarpinu síðastliðið sunnudagskvöld að kanslari Þýskalands verði, öryggis síns vegna, að vera tilbúin að flýja til Suður-Ameríku er hún lætur að völdum. Kanslarinn Merkel, segir hún, hefur eyðilagt Þýskaland það mikið að leita þarf aftur til ársins 1945 til að finna álíka eyðileggingarafl í landinu og í gjörvallri Evrópu. Þetta er flóttaleiðin sem Erich Honecker flokksfélagi Angelu Merkel úr DDR fór og sama er að segja um þýska nasista og stríðsglæpamenn er flúðu í stórum stíl til Suður-Ameríku eftir að heimveldisdraumur þeirra lagði álfuna í rúst

Enginn vafi er á því að von Storch talar fyrir munn vaxandi stórs hluta Þjóðverja. En ekki er þó enn komið í ljós hve stóran hluta kjósenda hún talar fyrir

DDR-flokksfélaginn Honecker reið Austur-Þýskalandi til heljar með þöglu samþykki Angelu Merkel. Hún gerði ekkert gott til að hindra það. Þegar kassinn var tómur í DDR var gripið til þess ráðs að leggjast upp á ríkan frænda í Vestri. Nú vinnur Merkel nótt sem nýtan dag í anda DDR, með Evrópusambandið í rassvasanum, við að drekkja allri Evrópu í marxískum uppvaxtar-kúltúr sínum. Það er það eina sem hún þekkir. Það eina sem hún kann

Evrópusambandið var stofnað til að hindra að ríkisstjórnir þjóðríkja Evrópu geti gert það sem fólk kaus þær til að gera. Það var stofnað til að útrýma þeim. Angela Merkel lifir algerlega upp til þessara væntinga elíta sambandsins

Og evran var að öllu leyti sett í heiminn til að hindra að kjörnar ríkisstjórnir fólksins geti gert það sem fólk kaus þær til að gera. Þessi peningapólitíski gjöreyðingar peningur er af einræðis- og keisaraveldaætt, og hann er draumur elíta sem engan áhuga hafa á neinu nema að blekkja, svíkja og tortíma

Íbúar Evrópu vopnvæðast því nú í svo miklum mæli að allt er uppselt allsstaðar. Vopnvæðast gegn elítustjórnmálum ríkisstjórna sinna er vinna dag og nótt gegn borgurunum sem kusu þær til að gæta hagsmuna sinna. Kusu þær til að vernda líf, limi og eigur þeirra. Allt hefur þetta mistekist og logar nú Evrópa. Hún er algerlega ónýt, einu sinni enn. Í þetta skiptið Evrópusambands-ónýt. Borgarastyrjöld blasir við

Frumskyldan í öllu hjálparstarfi og daglegu lífi er náttúrlega að drekkja sjálfum sér ávallt fyrst. Drekkja Evrópu, sökkva Evrópu, drekkja Íslandi, sökkva landinu okkar og sundra því. Þannig getum við sameinuð drekkt og eyðilögð sokkið niður af hlaðborðinu sem hart vinnandi forfeður okkar sköffuðu. Gengið er nú til drukknunar í afglapasíki hinnar marxísku menningarbyltingar sem borar Vesturlönd út að innan. Þá höfum ekkert að bjóða heiminum lengur. Ekkert íslenskt, ekkert einstakt, ekkert merkilegt, bara líkið af því sem var. Og of seint er að "draga í land" þegar allt land er horfið sem hægt er að draga í. Þá mun bara standa "Open" á skiltunum og Vér erum aular í undanrennudufti á þýsku

Hér heima lítur út fyrir að verðið á innfluttum þrælum hafi hækkað á Íslandi. Samtök atvinnurekenda vilja flytja inn nýja þræla vegna þess góðæris sem skapast hefur undir "ónýtu" íslensku krónunni sem að þeirra mati átti að drepa þá við að horfa altruflaðir eftir krata-kraftaverkum evrunnar yfir til ESB

Endalaust vol og væl varð maður að hlusta á frá þessum vesalingatoppi samtakanna. Lengi vel var landsbyggðin mergsogin af vinnuafli til að byggja upp hælið Reykjavík. Svo var gripið til þess óráðs að flytja inn þræla frá útlöndum er í ljós kom að Reykvíkingar vinna mest við að klippa hvern annan og að stefna landinu sífellt í ógöngur. Hagvöxtur er því sá lélegasti síðan 1978 og hælið Reykjavík og umhverfis stækkar og stækkar á meðan skjólstæðingar kúltúr-marxískra borgaryfirvalda hvetja til þjóðarmorðs

Já, þetta er að verða svipað og var í Rómarríki. Þar hækkaði verðið á þrælum þegar friðurinn ríkti. Því lengri friður, því hærra verð á þrælum. Stofna þurfti því sífellt til nýrra átaka og styrjalda svo að flytja mætti inn nýjar birgðir af þrælum. Birgðir af töpurum. Einungis þannig var hægt að lækka verðið á þrælum handa elítunni. Þetta þarf að loka á. Út með EES

Fyrri færsla

Landamærin - gjöf til mannkynsins

Landamærin - gjöf til mannkynsins

Með Ritningunum sem Vesturlönd eru byggð upp með og á, voru okkur meðal margs annars gefin landamærin, þjóðríkið og fjölskyldan

Landamærin eru þarna til að vernda þjóðríkið, fjölskylduna og veröldina. Þau eru þarna til þess, meðal annars, að enginn geti ráðskast og drottnað yfir heiminum. Til að hindra að heimsveldi og ríki og ríkjabandalög þenji út landamæri sín og gleypi önnur ríki og reyni ef til villa að gleypa alla veröldina. Að engum líðist að gleypa veröldina og hneppa hana í eitthvað sem aðeins getur endað sem horror fyrir þjóðir og allt mannkynið. Þjóðir þjóðríkjanna sjá heiminum fyrir öryggi sem felst í fjölda og margbreytileika þeirra og þær fagna saman þegar farið er eftir reglunum. Og maður bjargar ekki neinum með því að drekkja sjálfum sér fyrst. Svo mikið er víst. Landamæri eru vörn og veita vernd

Landamærin er af hinu góða. En hin svo kallaða "friðarsúla" í Reykjavík er hins vegar ófriðarsúla. Hún er ekki af hinu góða. Hún er eins konar afglapaturn Lennons sem með einfeldningsskap og fáfræði boðaði veröld án landamæra. Hún lýsir upp Reykjavíkurhimininn sem eins konar vanviti, ef ekki fáviti. Ég bý auðvitað ekki í Reykjavík, en því miður sé ég hana, langt að. Hún fer í mig því hún lýsir heimsku. Og þannig ljós er ekki gott fyrir veröldina. Rangt er rangt og rétt er rétt

Fyrri færsla

Svar mitt til Ragnhildar: þorparinn Kant

Svar mitt til Ragnhildar: þorparinn Kant

Mín kæra og snjalla Ragnhildur Kolka bloggvinur, kom með góða og hæst viðeignandi athugasemd við síðustu bloggfærslu mína

"Þrátt fyrir einlæga guðrækni Kants hafa vinstrimenn löngum fundið leiðarljós lífs síns í kenningum hans."

Svar mitt er þetta hér, frekar mikið skorðið við nögl, en út í pappa

Tja Ragnhildur, Upplýsingin í höndum Kants og Hegels, sem er stofnskjal háskólastofnana meginlands Evrópu, gekk nú mest út á að þurrka Gamla Testamentið (og þar með Tanakh) alveg útaf radarskjá "guðrækni" þeirra og að koma restinni af Biblíunni þannig fyrir innan ramma Upplýsingarinnar, þ.e. Nýja Testamentinu, að hún væri núlluð niður í það eitt að vera hraðbrautin sú eina sem flutti Aþenu- og Rómarveldin beint inn í hina evrópsku háskóla sem mótaðir voru sem útvarpsmiðstöðvar Gyðingahaturs og þess utan sem vopn til að ná sér niðri á Engilsöxum sem þeim þóttu líkjast svo Gyðingum að eðlisfari

Biblían var það uppreisnarrit gegn Rómar- og Aþenuhörmungum sem þessi stofnritari Evrópusambandsins þoldi síst eins og hún er: þ.e. hinn fremsti skapari og verndari Þjóðríkisins sem bestu manngæskuberandi stofnunar veraldarsögunnar. Þegar textar Biblíunnar bárust loks á mannamáli fyrir augu hins almenna Breta, þá vonuðust þeir einmitt til að landið þeirra gæti orðið hið Nýja Ísrael: þ.e. Þjóð-ríkið sem massíf vörn fyrir almenning gegn hörmungum heimsveldaisma (Empire state-structure)

Kant er forfaðir Evrópusambandsins sem hatar þjóðríkið sem stofnun. Sambandið er guðlaus heimsveldisstofnun eins og Sovétríkin og hið endurbyggða þýska heimsveldi Hitlers á sterum (hann bakkaði Þýskalandi út úr Weimar og inn í heimsveldið aftur) og hann er einnig andlaus leiðtogi afglapa-poppara. Barnalegt fífl eins og Hegel. Hér á landi eru einnig sömu fífl í þessum efnum og þesskonar háskólum. Já mörg, og flest á opinberri framfærslu! Hata þjóðríkið en elska ESB-heimsveldið og eru flest til vinstri

Falli Ísrael, þá falla Vesturlönd. Þau eru byggð með grunnsteinum Gamla- og Nýja Testamentisins. Sökkulinn er úr því Gamla. Þetta getur Guðlaust Evrópusambandið alls ekki þolað. Þetta verður að eyðileggja. Þess vegna þarf að níða Ísraelsríki niður fyrst. Níða þjóðríkið niður og undan þeim. Og Bandaríkin eru þjóðríki, þau eru ekki heimsveldi. Og þjóðríki geta ekki haft "stækkunarstjóra". Bandaríkin og Engilsaxar eru alls ekki þoluð af Evrópusambandinu. Bara alls ekki, það er grafið fast í sjálft stofnskjal Evrópusambandsins. Og nú er Evrópa ónýt. Draumur Evrópusambandsins hefur ræst. Búist við hinu versta

Fyrri færsla

Síðustu þrír makró-pólitísku stóratburðir

Síðustu þrír makró-pólitísku stóratburðir

- sem breyttu veröldinni afgerandi.

1) Stofnun Ísraelsríkis 1948: Enginn sá þetta koma. Þó hafði undirbúningurinn varað í 60 ár. Ekkert er þó um stofnunina né aðdraganda hennar á síðum neinna fjölmiðla veraldar, nema í ca. 1-2 ár, áður en allt var um garð gengið

Fjölmiðlar taka sig ekki af makró-pólitík. Það gera stjórnmálamenn heldur ekki. Þeir starfa í hinum míkró-pólitíska hluta veruleikans. Veltast um í þeim heimi, frá til dæmis einni skoðanakönnun til annarrar. Frá einu poppi til þess næsta. Það er því miður skiljanlegt. En þeir þurfa þó ekki allir að gera það

Makró-pólitískri eldingu sló niður í hinn míkró-pólitíska heim. Einn daginn eiga Gyðingar ekkert heimili. Þann næsta hafa þeir eignast langþráða heimilið: þjóð-ríkið sitt. Loksins. Off/On

2) Hrun Sovétríkjanna: Þau gufuðu upp í hugum fólksins innan þeirra. Þau hættu að vera til uppi í höfðum fólksins. Þetta valdamesta heimsveldi veraldarsögunnar féll á nokkrum dögum, jafnvel klukkustundum. Enginn sá þetta koma. Og ekkert er um aðdraganda hrunsins á síðum neinna fjölmiðla veraldar. Fjölmiðlar taka sig ekki af makró-pólitík. Þeir eru að miklu leyti clueless um raunveruleikann vegna þess að þeir lifa eingöngu í hinum míkró-pólitíska heimi. Og þeir gera ekkert til að bæta úr því. Ekkert. Það sama gildir um stjórnmálamenn. Þeir vita jafnvel fæstir hvað makró-pólitískar hugmyndir eru. Þeir fá næstum aldrei slíkar hugmyndir sjálfir. Þeir sækja þær til annarra. Og næstum alltaf,- þeir (og popparar) sækja afar slæmar hugmyndir til manna sem lifa og hrærast uppi í turnum

Einn daginn eru Sovétríkin til. Næsta dag eru þau ekki til. Tveir dagar. On/Off. Makró-pólitískri eldingu sló niður í míkró-poppið

3) Stofnun Evrópusambandsins með Maastricht-sáttmálanum 1992: Tilgangurinn er að útrýma þjóðríkjum sambandsins og setja nýtt Evrópusamband í þeirra stað. Nýtt heimsveldi (e. Empire state-structure) er stofnað til höfuðs þjóð-ríkinu, sem er ein fremsta og besta makró-pólitíska hugmynd mannkyns nokkru sinni. Lítið sem ekkert er þó um aðdraganda heimsveldis-stórríkisins á síðum neinna fjölmiðla veraldar. Og hvað þá um þessa stofnun þess árið 1992 sem sjálfstæðs ríkis. Fjölmiðlar taka sig ekki af makró-pólitík. Þeir ráða ekki við það. Þeir skrifuðu um flest annað er þetta gerðist. Samt varð hin makró-pólitíska hugmynd um Evrópusambandið til árið 1795. Fjölmiðlar höfðu nægan tíma. En þangað er hið hugmyndafræðilega eldsneyti á fyrirbærið sótt. Það vita þó fæstir í dag

Stofnunin fór þó ekki alveg eins og til var ætlast. Enn er óvíst hvað verður. En verið viðbúin hinu versta. Og þið munuð ekki taka eftir því þegar það gerist, því þið lifið frá einu poppi til þess næsta, næstum öll, en samt ekki alveg öll. Og ekkert svar né neina viðvörun munuð þið fá frá stjórnmálamönnum ykkar. Ekkert mun koma þaðan nema popp, - eins og til dæmis hið algerlega villandi hugtak myntbandalag

Hvað mun verða? Það hugsa ég ákaft um. Þjóð-ríkið er undir áhlaupi. Falli það, tekur villimennska við. Tryllt villimennska

Fyrri færsla

Sovétríkin áttu í vandræðum - það er eðli lögmætislegra krypplinga