Borgari og hagsmunagæslumaður Breta - lífvörður ríkisstjórnarinnar

Sjálfskuldaviðurkenning er alltaf bindandi, nema að um sturlað geðveikt fólk sé að ræða. Framkvæmd hugtaksins yrði dregin áfram á bökum kjósenda núverandi formanns Sjálfstæðisflokksins, sem hyggst uppfylla Icesave pöntunarseðil bresku krúnunnar með atvinnuuppbyggingu landsmanna. Sjálfur mun hann ríða á bökum þjóðarinnar og greiða sér fyrstur. Hagsmunir Breta verða þó ekki geymdir á Þjóðminjasafninu hjá öðrum munum safnsins. Hagsmunamatur formannsins fæst hins vegar í sjoppum um allt land.

Út-mánuðir renna upp. 

Verst er að ég get ekki sagt mig úr flokknum því ég er ekki í honum af einmitt þeirri ástæðu að mig grunaði hvað vantaði í bakpoka forystunnar; Sjálfstæðið, staðfestuna, hugsjónir og þor.  

Eignir Sjálfstæðisflokksins eru að rýrna hratt í höndum forystusmjörlíkis þess sem þar situr nú sem bráðnuð klessa og drekkur afganginn af Þorgerði Þaulsætu úr reiðiskálum grasrótarinnar.

Vesalingar! Ekkert minna.

Goðsagnir um EES-samninginn og "80-prósent" uppspuninn.

Þýðing 

Við þurfum að ryðja úr vegi nokkrum goðsögnum um EES-samninginn þannig að vitrænar umræður um þetta mál geti farið fram. 

Í fyrsta lagi:

 

Við þurfum ekki á EES að halda til þess að geta selt vörur okkar erlendis. Ef EES-samningurinn yrði felldur úr gildi þá mun fyrri fríverslunarsamningur okkar við ESB sjálfkrafa taka gildi. Þetta kemur gagngert fram í EES-samningnum. Noregur [Ísland] mun því geta selt vörur sínar án tolla og annarra viðskiptahindrana eins og áður. 

Samkvæmt WTO-reglunum getur ESB ekki lagt hærri tolla á Noreg [Ísland] en á önnur lönd utan Evrópusambandsins. Lausnin á hinu svo kallaða laxastríði, þar sem ESB var skikkað til að gefa sig samkvæmt fyrirmælum frá WTO, sýnir einmitt, óháð EES-samningnum, að ESB er skyldugt til að virða alþjóðlegar viðskiptareglur.

ESB hefur engan rétt til - eða hagsmuni af - að hefja viðskiptastríð við Noreg [Ísland] ef við skyldum segja EES-samningum upp. Stærsti hluti vöruútflutnings okkar til ESB eru hráefni og hálfunnar vörur sem eru notaðar til frekari vinnslu í framleiðslugeira ESB-landa. Kaupmáttur Noregs er sterkur [Ísland er t.d. besti útflutningsmarkaður Danmerkur á hvert mannsbarn og ætur fiskur er sjaldgæf vörutegund í ESB] og alls ekki smávægilegur markaður fyrir ESB. Frá janúar til nóvember í fyrra fluttum við inn vörur frá ESB fyrir 267,6 miljarða norskar krónur. Ef vil lítum burt frá olíu, gasi og skipum þá var samanburðarhæfur útflutningur Noregs til ESB 187,6 miljarðar norskar krónur. 

Það væri því beint óskynsamlegt af ESB að gera nokkuð sem helst til klúðra þessum gagnkvæmu viðskiptum.

Þjónustuviðskipti okkar myndu halda óbreytt áfram án EES-samningsins. Því sjá alþjóðlegar reglur GATS fyrir, sem er þjónustusamningshluti WTO-samninga [sjá utanríkisráðuneyti Noregs hér og Íslands hér (PDF-skjal horfið?)]. GATS-samningurinn mun samtímis veita Noregi [Íslandi] enn stærra alþjóðlegt ráðarúm. Til dæmis gæti þá meirihluti Stórþingsins [Alþingis] varðveitt einkarétt Póstsins á útburði bréfa án þess að komast í krambúlag við reglur EES. 

Í öðru lagi:

 

EES-samningurinn tryggir ekki öryggi atvinnu. ESB-dómstólinn hefur hvað eftir annað úrskurðað að réttindi sem kjarasamningar veita launþegum í landi okkar verða að víkja fyrir frjálsri samkeppni á hinum svo kallaða "innri markaði ESB" og reglum hans. Þetta er uppskriftin að sósíal-dumping sem við höfum séð mörg tilfelli af hér í Noregi á síðustu árum.

Í þriðja lagi:

 

EES-samningurinn er ekki forsendan fyrir samvinu um rannsóknir, vísindi og menntun. Samvinnan á milli Noregs[Íslands]/EFTA-landanna og ESB hófst mörgum árum áður en EES-samningurinn kom til skjalanna með vísan til Lúxemborg-yfirlýsingarinnar frá 1984. Noregur var - alveg utan við EES-samninginn - fullgildur meðlimur af til dæmis lyfja- og heilbrigðis rannsóknum, raunvísinda- og tæknirannsóknum (SCIENCE) og umhverfisrannsóknum (STEP). Á sviði menntamála tók Noregur þátt í mikilvægustu sviðum þess COMETT (frá 1990) og ERASMUS (frá 1992) áður en EES-samningurinn kom til.

Ef við göngum út úr EES-samningum mun veigamesti munurinn þar á eftir verða sá að við erum ekki skyldug til þess að taka þátt í allri samvinnu á sviði menntunar og rannsókna (nema kjarnorkurannsókna). Við gætum því sniðið áherslurnar á þessu sviði að okkar eigin þörfum.            

Samvinnuverkefni okkar við ESB í dag eru tapsgefandi verkefni. Noregur greiðir 9 miljarða norskar krónur í aðildargjald til rammaáætlunarinnar fyrir árin 2007-2013. Nú er þetta tímabil hálfnað og samkvæmt Rannsóknarnefnd Noregs höfum við aðeins fengið tvo miljarða af þessum níu til baka.

Að lokum:

 

EES-samningurinn er ekki "næstum því" jafngildi ESB-aðilar. Tollabandalag og viðskiptastefna ESB gagnvart þriðja landi, fiskveiðimálin, þrír fasar myntbandalagsins (EMU) og evran eru aðeins nokkur af þeim málum sem liggja alveg utan EES-samninginn. Frá byrjun ársins 2000 og til loka ársins 2009 voru alls 3.119 ný ákvæði, lög- og réttarfarslegar viðbætur settar inn í EES-samninginn. Á sama tíma samþykkti og meðtók ESB 34.733 ný ákvæði, laga- og réttarfarslegar viðbætur og breytingar.

Einungis 8,9 prósent af nýjum ESB-lögum og reglum var sem sagt bætt inn í EES-samninginn. Hann er því minna en 10 prósent af fullri ESB aðild.

 

 

| Lausleg er þessi ofangreinda þýðingin mín úr norsku. Upprunalega greinin, eftir Heming Olaussen formann Nej til EU, birtist þann 21. janúar 2011 m.a. hér hér á E24 í Noregi |

 

 

 

 

Eftirfarandi símtal fór fram einhvers staðar í ESB í gær (þó ekki í Frakklandi né Þýskalandi)

 

Lost in the legal corridors of the EU (former EC was the former EEC which was the former ECSC)

 

"Heyrðu nú forsætisráðherra minn. Nú þurfum við á fullveldi þjóðarinnar að halda í þessu máli og það strax. Immed! . . . Ekki hægt? . . Hvað áttu við? Erum við ekki fullvalda þjóð? . . . Þér getur ekki verið alvara? . . . Getum við ekki notað fullveldi landsins af því að við höfum deilt því og lánað það út til 28 annarra landa Evrópusambandsins? . . . Er þér alvara? Hverslags ástand er þetta! . . . Ekkert við því að gera? Hvað með þjóðina, fólkið okkar? . . .  Eigum við þá bara að bíða eftir því að þeir sem eru að nota fullveldið okkar núna skili því einhvern tíma aftur? . . . Nú jæja, hvenær fáum við það þá aftur? Veistu það ekki! Erum við þá hjálparlaus eins og er? . .  Einmitt það. Við erum sem sagt orðnir aumingjar aftur? Bless og farðu aftur til Brussel, þú ert þar alltaf hvort sem er." 

 

Fyrri fræsla

 

Spönsk gjábakkaveisla í boði seðlabanka Evrópusambandsins

Spönsk gjábakkaveisla í boði seðlabanka Evrópusambandsins

Þegar lítið annað en tortíming opinberast fólkinu í pakkanum, þá mun Össur M. Skarphéðinsson birtast með hlutfallslega volgt skótau sitt og pússa það blankt með Ögmundarjoði Steingríms-samfylkingar Jóhönnu. Svo verður íbúum ESB-pakkans ekki gefin nein önnur skýring á hitatapinu en sú að hér sé um kostina við stöðugleikaaðild þeirra að þvagpakka Evrópusambandsins að ræða. Kostirnir munu vara að eilífu.     

Um þessar mundir standa yfir örvæntingarfullar tilraunir til að forða Spáni frá því að  banka- og sparisjóðakerfi landsins hengi þetta evruríki í hálsreipi því sem seðlabanki Evrópusambandsins óf handa spænska konungsríkinu á síðustu tíu árum. Stóran hluta tímabils landsins í evrupakkanum voru raunstýrivextir evruseðla neikvæðir á Spáni því ekkert tillit var tekið til verðbólgu né athafna í spænska hagkerfinu. 

Þetta þýddi m.a. að árið 2006 var 25 prósentum af allri steinsteypu sem notuð var í 27 og 500 milljóna manna löndum Evrópusambandsins hellt niður á Spáni. Sagt er að á hverjum degi hafi flatarmál sem svarar til þriggja fótboltavalla verið þakið með steinsteypu þarna í evru-sólinni. Einstaka þráhyggjumaður velti því þá fyrir sér hver fjármagnarinn væri, og hvað þetta myndi þýða fyrir íbúa landsins, síðar. 

Nú eru kostirnir komnir í ljós. Spánn nýtur minna fjármálalegs trausts hjá alþjóðlegum fjárfestum en Ísland. Skuldatryggingaálag er verra en á ríkissjóð Íslands. Atvinnuleysi er rúmlega 20 prósent hjá öllum og tæplega 43 prósent hjá ungu fólki. Spánn er steindautt og bankakerfi þess á kafi í þornaðri steinsteypu. Landið riðar til falls eftir aðeins 10 ár í evru-pakkanum. Lokað hefur verið á aðgengi spænska fjármálakerfisins að öllum peningamörkuðum heimsins.       

Liebherr International AG seldi 600 krana til Spánar árið 2006 og þeir peningar eru nú á stóra kistubotninum í Þýskalandi og næsta nágrenni þess, því þar hefur sögulega fátt vinnandi fólk ekki fengið neina launahækkun í samfleytt 13 ár og engin lágmarkslaun eru þar við lýði. Eftir þessum þýsku makró-efnahagsaðstæðum voru stýrivextir seðlabanka Evrópusambandsins alltaf stilltir. En árið 2009 seldi Liebherr International AG engan krana til Spánar því Spánn var þá umkomið í steypu. Þetta, ásamt svipuðu viðskiptaferli í hinum 25 löndum ESB, fékk þýsku evruvélina til að brasa saman og hagkerfið þýska fékk versta hagvaxtarhjartastopp allra meiriháttar hagkerfa heimsins. Það skrapp saman um 4,5 prósent árið 2009. Hvert fjórðungs prósentustigs ris þess upp úr kafinu er nú túlkað sem undraverk. 

Húsnæðisverð á Spáni þaut upp á evruáratug landsins. Svo mikið að verðið mun hrynja um helming á næstu 10 árum, og kannski meira ef ríkissjóður landsins verður gjaldþrota í miðjum evrupakkanum. Hættan á ríkisgjaldþroti Spánar er veruleg því fjárfestar vilja ekki lána Spáni peninga nema gegn gríðarlegri áhættuþóknun. Þeir vita að tekjur spænska ríkisins eru að þorna hratt upp því svo margir eru að verða atvinnulausir og skattatekjur frá atvinnu og rekstri koma ekki í ríkiskassann lengur. Óhætt er að segja að Spánn eigi kost á því að deyja hægfara dauða í þýskri Blaupunkt öndunarvél friðarbandalags Evrópu. Þar mun það kafna kæst í þvagpakka ESB. 

En peningar Spánverja, hvar eru þeir?  Jú, þeir eru í ESB-friði hjá Hansakaupum GmbH.

 

Fyrri fræsla

• Á þessum stað er Samfylkingin og Vinstri grænir orðin þreytt. Við viljum ekki þreytta menn 

Á þessum stað er Samfylkingin og Vinstri grænir orðin þreytt. Við viljum ekki þreytta menn

 

 

Morgunblaðið laugardaginn 20. maí 1944, forsíða - Tímarit.is

 

Tæpum sjö áratugum seinna 

 

Eftir 67 kraftaverkaár frelsisins stendur íslenska lýðveldið í fremstu röð hvað flest varðar. Á aðeins 67 árum hafa vöðvar frelsisins unnið kraftaverk sín á Íslandi af fullum og óþreytandi krafti. Athugið: Þetta eru aðeins tæplega sjö áratugir. Sjö áratugir. Án frelsis og fullveldis hefði þetta ekki getað gerst og aldrei orðið.  

Frelsið er og verður alltaf vöðvabúnt heilastarfsemi mannsins. Það knýr heilann til sköpunar og verka. Við erum menn en það er þó aðeins heili okkar sem getur búið til velmegun. Í spennutreyju ófrelsis og ósjálfstæðis visna vöðvar frelsisins sjálfkrafa og velmegun hættir að geta orðið til. Þjóðfélög sem einu sinni voru frjáls samfélög manna hrynja og deyja í fátækt ef þau missa vöðvaafl frelsisins, og sérstaklega ef þau hætta að nota það. Litlu munaði hérna á Íslandi fyrr á öldum. Þrauka og þrauka þurfti, öldum saman. Íslenska moldin er full af svita og tárum örbyrgðar fyrri alda. Þetta hefði getað verið öðruvísi en það var það ekki því við vorum svo lengi án frelsis.    

Afrakstur mannanna í ófrelsi og ósjálfstæði verður alltaf lítill og oft enginn. Hið opinbera getur ekki búið til velmengun. Þess vegna dóu Sovétríkin. Þau dóu í fullum rekstri áætlunarbúsakpar í faðmi hins opinbera og sem skilaði engu því ekkert getur orðið til í þannig faðmlögum. Evrópusambandið er að verða eins. Það er að deyja í æ fastara faðmlagi ófrelsis og í kossi dauða þeirra sem sest hafa á ný í opinberunarstóla nýrra konungsdæma miðstýringar sem stanslaust skrifa út lyfseðla með öndunar- og lömunarveiki og reglum sem svipta þjóðir Evrópu frelsinu á ný. Lýðræði er þar á undanhaldi og velmegunin er það líka. Fátæktin er þegar byrjuð að sverfa að því frelsi þjóðanna í ESB er að visna. En þá er bara beðið um mjúka fæðu því tannlaus eru löndin orðin og Brussel heldur á pelanum sem einu sinni var fullur, en sem hratt er að tæmast á ný. Endalokin verða ekki fögur, en löng og ströng.    

En Samfylkingin og Vinstri grænir, sem eru einn til tveir og stundum þrír stjórnmálaflokkar í vasa fámennrar valdaklíku setuliðs Alþingis, og sem eru á stanslausri framfærslu skattgreiðenda í einu ríkasta lýðveldi heimsins, eru því miður orðin þreytt á frelsinu og þreytt á að axla ábyrgð á framtíð lýðveldis okkar. Þessi hafa gefist upp og eru byrjuð að æla í askana. Tilhugsunin um að fá ekki kollvarpað stoðum lýðveldis okkar á örstuttum örvæntingarvaldatíma er að verða Samfylkingunni óbærileg, og valdagræðgi Vinstri grænna hefur heltekið forystu þeirra. Gin- og klaufaveiki Samfylkingarinnar hefur smitað út frá sér. Nú á að sæta lagi og hrifsa fullveldið af þjóðinni aftur í skjóli áfalla- og hræðslukasta sem ríkisstjórnin býr að miklu leyti til sjálf. Það sem þessir flokkar krefjast - nú sjö áratugum seinna - af Íslandi er þetta;   

Að við töpum öllu fullveldi Íslands í peninga, vaxta og myntmálum

Að okkur verði skylt að leggja niður okkar eigin mynt

Að við megum aldrei aftur gefa út okkar eigin peninga

Að við töpum öllu fullveldi Íslands í fiskveiði- og landbúnaðarmálum. Grunnatvinnuvegum okkar. 

Að við töpum öllu fullveldi Íslands í viðskiptum og yfir viðskiptalöggjöf

Að við töpum öllu fullveldi Íslands í yfirráðarétti okkar yfir æðstu löggjöf sem þá verður samin, smíðuð og dregin yfir höfuð okkar af erlendum ríkjum

Að við töpum æðsta fullveldi og lokaorði Íslands yfir eigin lagasmíðum

Að við töpum stórum hluta fullveldis Íslands yfir okkar eigin refsilöggjöf

Að við töpum næstum öllu fullveldi Íslands yfir löggjöf atvinnumarkaðar

Að við töpum næstum öllu fullveldi Íslands yfir viðskiptaeftirliti 

Að við töpum hluta af fullveldi Íslands í skattamálum. Þetta fullveldistap fer vaxandi með hverju árinu sem líður.

Að við töpum öllu fullveldi Íslands yfir utanríkisstefnu

Að við töpum stórum hluta fullveldis Íslands yfir varnarmálum

Að við töpum stærstum hluta fullveldis Íslands í innflytjenda og flóttamannamálum

Að við töpum stórum hluta fullveldis Íslands yfir ríkisfjármálum og þar með fullveldi okkar í velferðarmálum. Þetta tap mun fara hratt vaxandi á næstu árum og áratugum. 

 

Hvað er þá eftir? Dauði íslenska lýðveldisins að kröfu Samfylkingarinnar og Vinstri grænna. 

Þetta er gersamlega óþolandi hundsfrekja. Ætlum við að láta þetta ganga yfir okkur eina ferðina enn? 

 

Fyrri færsla

• Evruríkjaskuldir orðnar tapsgefandi fyrir alþjóðlega fjárfesta

Evruríkjaskuldir orðnar tapsgefandi fyrir alþjóðlega fjárfesta

 

Mynd. Skoðað í pakkann; Fullveldi, peningastefna og vaxtavopn þeirra evrulanda sem heita ekki Þýskaland né Frakkland

 

Fyrsta fjármálafyrirtækið hefur nú tilkynnt að það bókfæri hér með fjárfestingar sínar í ríkisskuldabréfum evru-ríkis Evrópusambandsins sem tapsgefandi fjárfestingu og væntir þar með ríkisgjaldþrots evru-ríkis. Um er að ræða austurríska fjármálafyrirtækið Vienna Insurance Group og fjárfestingar þess á hinu svo kallaða örugga myntsvæði Evrópusambandsins sem nú þokast hægt en örugglega nær brún hengiflugs fjöldaríkisgjaldþrota og upplausnar; DJ Newswires

 

Vienna Insurance Group álpaðist til að kaupa ríkisskuldabréf evruríkis Grikklands.

 

Listi hálf- og heilþrota ESB-ríkja í skuldatryggingaálögum myntbandalags Evrópusambandsins

• EVRURÍKIÐ GRIKKLAND: 906 PUNKTAR   
• EVRURÍKIРÍRLAND: 618 PUNKTAR
• EVRURÍKIÐ PORTÚGAL: 456 PUNKTAR
• EVRURÍKIРSPÁNN: 266 PUNKTAR

Þökk sé heilræði og aðgerða Davíðs Oddssonar fyrrverandi forsætisráðherra og seðlabankastjóra og Geirs H. Haarde forsætisráðherra í bankahruninu, er samsvarandi skuldatryggingaálag á ríkissjóð Íslands nú aðeins 258 punktar. Spá Davíðs haustið 2008 hefur því ræst að fullu. Alþjóðlegir fjárfestar telja öruggara að Ísland geti greitt ríkisskuldir sínar en ofangreind evruríki sem njóta Evrópuvaxta Össurar M. Skarphéðinssonar utanríkisráðherra. Ríkissjóður Grikklands greiðir nú sömu vexti og almenningur fær á VISA-yfirdrætti glóandi greiðslukorta.

 

Reynið svo að ímynda ykkur hversu hagstætt það verður landi okkar þegar núverandi ríkisstjórn Íslands fer loksins öll alveg frá öllum völdum. Vonandi er stutt í fall ríkisstjórnar Jóhönnu Sigurðardóttur. Út-mánuðir eru rétt að renna upp. 

 

Fyrri færsla

• 101 erlendur sérfræðingur - og ekkert gerist nema slæmt

101 erlendur sérfræðingur - og ekkert gerist nema slæmt

Erlendir sérfræðingar

Allt svo gott í útlöndum í augum kjánanna í 101

 

Erlendir sérfræðingar

Kóngar Evrópu tók völdin, allt svo gott

 

Erlendir sérfræðingar

Nýlenduvæðing Evrópu tók völdin, allt svo gott

 

Erlendir sérfræðingar

Kommúnismi Evrópu tók völdin, allt svo gott

 

Erlendir sérfræðingar

Nasismi Evrópu tók völdin, allt svo gott

 

Erlendir sérfræðingar

Fasismi Evrópu tók völdin, allt svo gott

 

Erlendir sérfræðingar

Evrópusambandið er að taka völdin, allt svo gott

Kjósið ykkur erlenda sérfræðinga úr hópi þessarar arfleiðar. 

Sérfræðingarnir í 101 verða ekki í askanna látnir, nema þrálátnir og kæstir. 

Á meðan landsmenn halda áfram að fjármagna geðsjúkdóma forsætisráðherra Íslands, Jóhönnu Sigurðardóttur, þá dettur sérfræðingum 101 ekkert annað í hug en að halda áfram að gefa henni pillurnar sem koma brjálæðisköstunum af stað. Stokkhólmur. 

Engum erlendum sérfræðingi hefur nokkurn tíma tekist að blása lífinu aftur í dauðan þorsk.

• Sjómenn og útgerðarmenn sigli í land. Ykkur er ekki óhætt lengur. Þetta er ekki til neins.
• Allir eiga að leggja bílum sínum og horfa síðan á ríkiskassa okkar með 101 sérfræðingi innanborðs fara á hausinn á 60 dögum.
• Allir bændur fari strax í ESB-frí og stundi bara pappírsvinnu. 
• Allir hætti að græða peninga, alveg
• Allir hætti að anda
• Allir hætti öllu
• Allt hætti alveg

Svona áður en ríkisstjórnin rústar alveg öllu landi voru, ráðlegg ég mönnum að éta og drekka allt sem að tönn og tungu kemst og á meðan maginn þolir. Engir betri tímar eru í nándar vændum fyrir landið okkar. Aðeins dauði ríkisstjórnarinnar getur bjargað okkur núna.

 

Gengið um Skálkaskjól: húsaskoðun.

Á göngu okkar um Skálkaskjól mættum við strax eyríki Bergmanns. Hæ Bergmann. Kva? Ert þú hér? Átt þú ekki að vera á stjórnlagaþingi? Hvað er að? Þögn. Hurðarskellur.  

Næst héldum við upp á Almannagjá Boulevard, sem er langstærsta og breiðasta gatan í Skálkaskjóli. Við gengum undir Sigurbogann sem þar stendur rétt handan við Skjaldborgir og skipamálningar verksmiðjur ríkisins, sem staðsettar eru norðan og neðan við slippinn en fyrir framan nýju Icesave braggaborgina. 

Það lagði svartan og mikinn reyk upp úr skorsteinum byggingar númer eitt við þessa götu. Margt frægt fólk býr þarna inni. Svo frægt að enginn hefði átti að vera heima á þessum tíma sólarhrings. Út um glugga komu fljúgandi fúkyrði og við heyrðum töluna þrjú prósent nefnda. Talað var um "skíthaldið". ESB var einnig nefnt um leið og sagt var að tölvustýriskráin, krónan og aðalrétturinn væru búin að eyðileggja "þetta allt". Sennilega illilega misheppnuð máltíð á borðum þarna. Fólkið hefur kannski verslað hráefnin í vitlausri búð og notað stafræna eldavél sem enginn kann á. En greinilega var líka um tölvuvandræði og stíflað klósett að ræða.

Svo fórum við heim og fengum okkur popp og kók.

Þegar heim var komið sáum við forseta Frakklands á skjánum. Þar var hann af mikilli alvöru að segja heiminum að hann og fröken Merkel frá Þýskalandi myndu aldrei láta "Evrópu sökkva" með því að "sleppa evrunni". Mér leist ekki á þetta. Ef það er bara einn peningur sem heldur Evrópu uppi við bryggjuna þá gætum við farið að sjá það sama og gerðist með Titanic. Ef ég væri um borð í Evrópu núna, myndi ég flýta mér í land.

 

Var annars ekki sagt að evran átti að bjarga Evrópu? Hún kom árið 1999. Það er 2011 núna. Bara svo menn viti það.

 

Fyrri færsla

• Lánshæfiseinkunn Japans lækkuð: Mynd af sömu svörtu framtíð og bíður Evrópusambandsins

Lánshæfiseinkunn Japans lækkuð: Mynd af sömu svörtu framtíð og bíður Evrópusambandsins

Þar kom að því

 

Morgunblaðið skrifar; 

 

Alþjóðlega matsfyrirtækið Standard & Poor´s hefur lækkað lánshæfismat japanska ríkisins um einn flokk, úr AA í AA-. Segir fyrirtækið, að ástæðan sé miklar skuldir ríkissjóðs Japans. Fram kemur í umfjöllun S&P að skuldahlutfalla Japans sé þegar eitt hið hæsta í heimi og skuldirnar muni aukast enn næstu 10-15 árin.

 

 

 

Mynd af svartri framtíð. Lífið eftir japönsku 

 

Mannfjöldaspá fyrir Japanska hagkerfið næstu 95 árin. Þessi spá jafngildir því að Íslendingar allir yrðu aðeins um 100.000 talsins eftir 95 ár. Þegar faðir minn góði og nú sálugi fæddist árið 1921 voru Íslendingar um það bil 94.000 talsins. Þetta var fyrir aðeins 89 árum. Þegar ég fæddist árið 1956, eða 35 árum seinna, voru Íslendingar orðnir 159.000 talsins. Í dag eru þeir um 315.000. Þetta kallar maður framfarir og að eiga bjarta framtíð.

 

Evrópusambandið er eins og jafnvel enn verr sett

 

Það leiðinlega við þessa japönsku mynd er eðlilega það, að fyrir Japani þýðir þetta endalok velmegunar. En svona verður ástandið í flestum ríkjum Evrópusambandsins einnig. Ömurlegt framtíð er í vændum fyrir flest ríki ESB. Það er ógerningur að snúa þessari þróun við nema á hundruðum ára. Þannig virkar útsæðislíkan bænda (e. farmers seed model) fyrir Homo Sapiens. Að finna eina konu á frjósemisaldri á þessari mynd mun kosta mikla leit. Ef þær geta flúið svona samfélag þá munu þær örugglega gera það. Þær munu að minnsta kosti ekki vilja fæða börn inn í svona ruglað samfélag. Þær fara í verkfall. Japanskar konur fóru í verkfall. Nútíminn kom aldrei til þeirra; Life After Japanese (uppfært: það er sennilega nauðsynlegt að taka það fram að þessi færsla er ekki 1. aprílgabb) 

 

 

Mynd; raunverð húsnæðis í ÞÝS, JAP og OECD frá 1970

 

Þróun fasteignaverðs í öldrunarhagkerfum Evrópusambandsins á næstu 40 árum 

 

Svona mun þróun fasteignaverðs verða í Evrópusambandinu á næstu 40 árum ef marka má rannsóknir Bank for International Settlements (BIS) á síðasta ári:

 

 

Lækkun á næstu 40 árum:

• Portúgal: 85 prósent lækkun
• Spánn: 75  prósent lækkun
• Grikkland: 75 prósent lækkun
• Þýskaland: 75 prósent lækkun
• Ítalía: 70 prósent lækkun
• Austurríki: 60 prósent lækkun

 

Athugið að hér er þróun fasteignaverðs í Austur-Evrópu ekki með í myndinni en þar verður ástandið ennþá skelfilegra en í gömlu kjarnalöndum Evrópusambandsins.

 

Hér er skýrslan frá BIS

 

 

Svona líta sumar verslunargötur úr í öldrunarhagkerfum. Myndin er frá bakhlið gjaldþrota verslunargötu í einu fremsta öldrunarhagkerfi heimsins; Japan - og er fengin að láni úr greininni: þúsund gjaldþrota verslunargatan.

 

Óðaöldrun (e. hyper ageing) hinna barnlausu samfélaga Þýskalands, allrar Suður-Evrópu, allrar Austur-Evrópu, Eystrasaltsríkja og Japan er ekkert grín. Hver vil fjárfesta í deyjandi eignum?

 

Svona lítur niðurrif þriggja miljón þýskra íbúða út. Glæsileg þróun í hinu útflutningsháða öldrunarhagkerfi Þýskalands. Myndin er úr þættinum "dauði Evrópu" sem sýndur var í danska DR2 sjónvarpinu 2009. Hin eina óendurnýjanlega náttúruauðlind Evrópusambandsins er að deyja: fólkið í ESB. Mikið verða þingkosningar spennandi í svona samfélögum þar sem 70 prósent kjósenda verða komnir yfir sextugt. Um helmingur kjósenda í Þýskalandi eru orðnir sextugir nú þegar. 

 

 

Þýskaland; mynd úr öldrunarhagkerfi (DR2)

 

 

Þýskaland; mynd úr öldrunarhagkerfi (DR2)

 

Tengt efni

• Þriðjungur spænskra sveitafélaga á leið í gjaldþrot. Greiðslustöðvanir hafnar

Fyrri færsla

• Frá síðasta samtali Ögmundar Jónassonar og Steingríms J. Sigfússonar við þjóðina 

Lánshæfiseinkunn Japans lækkuð

Frá síðasta samtali Ögmundar Jónassonar og Steingríms J. Sigfússonar við þjóðina

 

 

Ögmundur Jónasson: já, þessi bróðurpartur Steingríms J. Sigfússonar sem í sameiningu áttu mjög sérstakt samtal við íslensku þjóðina í síðustu Alþingiskosningum. Þær kosningar eru herðarnar sem bera höfuð lýðræðis í lýðveldi okkar. Hærra verður ekki komist í skiptiborði þjóðarinnar. Ekkert númer er þar fyrir ofan. 

Í þessum kosningum sóttu ráðstjórnarbræðurnir Ögmundur Jónasson og Steingrímur J. Sigfússon umboð sitt til kjósenda. Umboðið frá kjósendum var og er ennþá þetta: þeir lofuðu að sjá til þess lýðveldinu Íslandi yrði haldið utan við allt sem hét Evrópusambandið og umsókn þar inn. Að ekki kæmi til greina að sækja um inn í Evrópusambandið. Þessum áróðurs skilaboðum þeirra ráðstjórnarbræðra til kjósenda í kosningabaráttunni var tekið af mikilli ákefð á kjördegi Alþingiskosninganna. Og fyrir vikið fékk ráðstjórnarflokkur þeirra stóraukið kosningafylgi og mörg fleiri sæti á Alþingi. Flokkurinn komst í ríkisstjórn.

Nokkrum mánuðum seinna er þetta samtal ráðstjórnarbræðranna við þjóðina notað til að senda inn umsókn Íslands inn í Evrópusambandið. Og ekki nóg með það; í fullum gangi er líka aðlögun Íslands að lögum Evrópusambandsins. Algerlega í andstöðu við kjósendur Ögmundar J, Steingríms J og Vinstri grænna  og þorra þjóðarinnar allrar. 

Þessir tveir menn breyttu línum sínum á skiptiborði þjóðarinnar í símavændisstöð. Samtal þeirra við þjóðina var misnotað á hinn grófasta hátt. Með þessu og með orðum Ögmundar Jónassonar á Alþingi í dag sýnir hann þjóðinni virðingu sína. Þetta er hrein veruleikafirring.

 

Ekki nenni ég, eftir daginn í dag, að eyða orðum á fáráðlinginn sem liggur nú í forsætisráðherraembættinu. Tillögur hennar eru súrrealistískar. 

 

Fyrri færsla

• regluverkið: Evran hangir á bláþræði - og um háls hverra? 

regluverkið: Evran hangir á bláþræði - og um háls hverra?

Fregnir berast af fyrirlestrarferðum klappþorska fjármálageirans út í þau íslensku fyrirtæki sem enn eru á lífi og sem fjármálageiranum tókst ekki að kála í 2008 hruni sínu. Þar messa karl- og kvenkerlingar regluverk og ESB. Já, rotturnar í rústum fjármálageirans eru búnar að finna sér nýjan starfsvettvang; ráðgjöf til starfsmanna í íslenskum fyrirtækjum. En nú er messan pólitísk og dulbúin sem þekking. 

Messan: Jú sjáið þið kæru starfsmenn, okkur vantar svo bráðnauðsynlega ESB-regluverkið sem kom 5 af 27 löndum ESB í fang Alþjóða Gjaldeyrissjóðsins. Gjaldþraut 2 af 15 evruríkjum, instant, og fleiri evruríki eru sennilega á leiðinni í regluverkja-þrotið. Þjófnýtti 2 af 6 kerfislega mikilvægum bönkum Austurríkis sem voru gjaldþrotnir í umsjá opinberra starfsglanna. Húrraði á hausinn öllu Landesbankakerfi Þýskalands í höndum stjórnmálamanna. Hengdi allt bankakerfi Írlands um háls þjóðar þess lands sem nú á þennan svo reglulega góða seðlabanka Desperados of Ireland sem í óða önn er að breyta evru-myntsvæðinu í nýtt rúblusvæði með peningaprentun í skjóli myrkurs og gaddavíra í kjöllurum Írlands sem er að sökkva.

 

Örvæntingin er svona mikil því búið er að loka á allt evru-bankakerfi Írlands í aðalstöðvum þeirra sem eiga útgáfurétt evru-peninga Íra. Búið er að loka á þá með regluverki Masokistastricht sem reyndist Írum verr en 100 ára gömul gaddavírsgirðing umhverfis afrétt ánamaðka Álfhóls. Allur heimurinn stendur nú á öndinni í reglubundum evru-verkjum.  

Eitt get ég þó ábyrgst: þegar yfirmenn fyrirtækja eru farnir að halda fyrirlestra í öðrum fyrirtækjum og á opinberum vettvangi, þá er þess aldrei langt að bíða að fyrirtæki fyrirlesarans fari í gjaldþrot. Þannig er eðli málsins. Þó er hér ekkert regluverk sem bannar klappþorskum þessum að birta ársreikninga sína, sem auðvitað þola ekki dagsins blindandi ljósareglur.

 

Fyrri færsla

 

Daglaunamenn vinna kraftaverk í ESB