Lánskjör ríkissjóðs Ítalíu að verða verri en lánskjör Íslands

  

Mynd; Financial Times 14. júlí 2011 

 

Það er ekki ennþá búið að loka á öll 3000 útibú franskra banka á Ítalíu sem franskir skattgreiðendur verða fljótlega Samfylkingarlega Steingrímskallaðir út úr ESB-franskbrauðinu til að hjálpa. En þetta kemur. Eða haldið þið það?

 

En hitt er víst, að BNP Paribas heldur á fleiri rotnandi ríkisskuldabréfum Ítalíu en síns eigin heimalands; Upphæðin sem franskir bankar eiga bráðum í Sarkozy svitabaði á Ítalíu er smá 400 miljarðar Bandaríkjadala í ítölskum ríkispappírum, aðeins. 

 

Greek finance minister Evangelos Venizelos; ‘Greece is not Italy’

 

Ó hann Sarkozy er svo þreyttur, svo þreyttur.

En samt — og þrátt fyrir opna ítalska banka, esb evrur þeirra og tvöfalt nei okkar Íslendinga við Iceasve — eru lánskjör ríkissjóðs Ítalíu að verða verri en lánskjör ríkissjóðs Íslands undir íslenskri krónu á alþjóðlegum fjármálamörkuðum; þegar um lán til fimm ára er að ræða. Og skulda hræðslu álagið á Ítalíu er orðið miklu verra en á Ísland. Ítalía á ekki krónu. Á enga mynt. 

Þið munið auðvitað eftir hvað Steingrímur J. Sigfússon, Jóhanna Sigurðardóttir og Már Guðmundsson sögðu við okkur þegar við neituðum að taka á okkur skuldir bankakerfisins sem rotnuðu undir fótunum og ofaní andliti Fjármálaeftirlits Samfylkingarinnar fram að hruni þess haustið 2008. Sjálf Fjármálamiðstöð Samfylkingarinnar sem hrundi í umsjá Samfylkingarinnar.

 

Þetta — lánskjör á við Ítalíu — er sem sagt þessi "economic & financial chaos" sem Jóhanna Sigurðardóttir boðaði á Íslandi í óvitaviðtali við ca. 2000 endurvarpaða erlenda fjölmiðla, eftir tvöfalt nei þjóðarinnar í Icesave málinu. Þetta hlýtur að hafa verið tungumálamisskilningur, nema að hún hafi átt við hina pólitísku og peningalegu kaos ríkisstjórnar hennar og Steingríms. Mjög gagnlegt og nytsamlegt fyrir íslensku þjóðina, eða hitt þó heldur. 

 

Þarna krafðist Samfylking Jóhönnu Sigurðardóttur og kosningahrollur Íslands, Steingrímur J. Sigfússon, að íslenskir skattgreiðendur myndu kynda þessa miðstöð áfram til þess eins að halda setunum í ráðherrastólum þeirra heitum. Þvílík lítilmenni. Þvílík lítilmenni.

 

 

Svo er það flaggskip Evrópusambandsins við AGS, Grikkland; The International Monoline Fund - the longest IMF suicide note in history 

 

Fyrri færsla

 

Kalla verður Davíð Oddsson til starfa við ríkisstjórnun eða seðlabanka á ný

Kalla verður Davíð Oddsson til starfa við ríkisstjórnun eða seðlabanka á ný

 

Yfirvofandi er hrun og tortíming millibankaviðskipta evrusvæðisins þar sem peningastraumar á milli landa eru að þorna upp. Fjármálafyrirtæki eru þegar farin að búa sig undir það versta. Nú þegar hafa þrjú evrulönd verið þurrkuð út af landakorti peningamála. Hrun myntsvæðisins getur haft alvarlegar afleiðingar fyrir Ísland og önnur ríki. Íslenska lýðveldið þarf á öflugum manni til starfa við varnir landsins og til að vinna gegn smitáhrifum á brothætta stöðu hérlendis.

 

What do Spain and Vietnam have in common? 

 

Það er af ofsalegu mikilvægi fyrir Ísland að öflug ríkisstjórnun komist hér á, því mikil hætta er á að hið núverandi hörmulega mannlega sem efnahagslega ESB-ömurleikaástand núverandi ríkisstjórnar bíti sig annars varanlega fast við landið okkar. Við getum ekki vænst neins góðs frá umheiminum í þessum efnum. Við þurfum lífsnauðsynlega að fá öfluga ríkisstjórn. 

 

Ríkisábyrgð írska ríkisins til fimm þarlendra banka er hér með af Moody's flokkuð sem rusl

Við stjórn utanríkismála Íslands situr í dag fjármálalega ólæs trúðmaður sem að eigin sögn hefur ekki hundsvit á peningamálum þjóðarinnar. Í rassvasanum er hann með fullveldi þjóðarinnar sem hann fékk hjá kosningasvikurum Vinstri græningja.

Við stjórnvölinn í forsætisráðuneytinu er rúmliggjandi skjalborgarinn Jóhanna Sigurðardóttir, ómálga sérfræðingur í félagsmálum og rauðri skipamálningu.

Í fjármálaráðuneytinu liggja brunarústirnar af Steingrími J. Sigfússyni. Klofningsmanni, kosningasvikara og þreföldum Icesave baráttumanni gegn þjóð sinni.

Við stjórn seðlabanka lýðveldisins situr flæðarmálsvari munnvatnsins sem krafðist þess fyrir og eftir hrun að öllum skuldum gjaldþrota bankakerfis yrði varpað yfir á herðar íslenskra skattgreiðenda. 

Restin af ríkisstjórn Íslands eru pólitískir skafmiðar. Tapað fé.  

Við þurfum bráðnauðsynlega að fá vanann mann með sambönd, vit og reynslu til starfa. Þjóðhollan íslenskan þungavigtarmann á öllum ofangreindum sviðum, nema heimsku, svikum, heigulsháttar og félagsmálavaralit. Við þurfum á Davíð að halda. 

Fyrri færsla

 

Evruríkinu Írlandi hent í ruslið. Íslensk króna ber af

 

Evruríkinu Írlandi hent í ruslið. Íslensk króna ber af

Mynd; evruupptakari stöðugleikans

Matsfyrirtækið Moody’s lækkaði lánshæfnismat evruríkisins Írlands niður í ruslflokk í gær. 

Nú er Írland komið í ruslflokkinn Ba1 (e. "High Yield" eða "Junk") ásamt evruríkjunum Grikklandi og Portúgal. Þessi lönd eiga enga mynt né fullveldi og því hefur hinn alþjóðlegi fjármálamarkaður glatað traustinu á þessum ríkjum sem líkja má við nýlendur. Matsfyrirtækið segir að horfunar fyrir Írland séu neikvæðar, meðal annars vegna skorts á fullveldi í eigin málum.

Það kostar að gefast upp, ganga í Evrópusambandið, taka upp evru og leggja þar með niður allt fullveldi sitt í mynt- peninga - og vaxtamálum. Þegar fullveldinu er einu sinni kastað fyrir róða, þá er ekki hægt að fá það aftur.

Nú sitja þessi lönd hjálparlaus og tannlaus í pyntingastól Brusselveldisins þar sem sovésku sogröri Evrópusambandsins er troðið upp í heilabú þeirra, innihaldið sogað út og hent. Einu sinni var til land sem hét Írland.

Evruríkið Grikkland  = hent í RUSL

Evruríkið Portúgal  = hent í RUSL

Evruríkið Írland  = hent í RUSL

Evruríkið Spánn  = á leiðinni í rusl

Evruríkið Ítalía  = á leiðinni í rusl (No, the ECB can’t prop up Italy)

ESB-ríkið Lettland = hjá AGS og fast í pyntingastól ERM

ESB-ríkið Rúmenía = í öndunarvél AGS

ESB-ríkið Ungverjaland = í öndunarvél AGS

Þegar evran var sett á flot þá féll hún um 30 prósent viðstöðulaust á næstu 18 mánuðum. Þá sögðu sérfræðingar að nýjar myndir þyrftu að sanna sig. Nú hefur evran sannað sig sem banvæn mynt. Efnahagslega banvæn. Og hún brennir fullveldi og sjálfstæði ríkja.

Teiknimynd; rústir evrunnar : ýta á hnappinn "afborganir" Ítalíu innan næstu 12 mánaða (e. debt maturity), sem eru 330 miljarðar evrur! Endurnýja ellegar greiða þarf innan árs 330 miljarða evra ríkisskulda á fjármálamarkaði sem er að lokast eða verða of dýr fyrir Ítalíu, sem er að verða eitt allsherjar elliheimili. Fólk sem bráðum þarf að fara að selja ítölsku ríkisskuldabréfin sín til að eiga fyrir ellinni. Þjóðin eldist á hraða sem aldrei hefur sést áður í mannkynssögunni. Um eitt heilt ár á hverju ári. Svo fátt ungt fólk eignast þar börn. Leitin að konum á frjósemisaldri á Ítalíu herðist. Vandamálið er beinlínis orðið líkamlegt. Hvaðan eiga innlendir kaupendur að ríkisskuldabréfum Ítalíu að koma? Úr kirkjugarðinum? Fáir erlendir fjárfestar hafa áhuga á að fjárfesta í deyjandi eignum (dying assets) í deyjandi skattagrunni. 

Íslenska krónan hefur sannað sig. Hún var ný á mörkuðum þegar henni var fleytt í mars mánuði árið 2001, rúmlega tveimur árum á eftir evrunni.

Þegar íslenska krónan verður frjáls á ný, eftir að hafa orðið fyrir glæpsamlegri EES og ESB misnotkun íslenskra sem erlendra bankstera í nokkur ár, þá munu allir viti bornir menn sjá að þarna fer mynt sem hefur sannað sig. Mynt sem hefur vaðið í gegnum eld og brennistein og komist lifandi og hert í gegnum eldvígsluna. Menn munu segja: "þarna fer nytsamleg ekta mynt fullvalda ríkis". 

Á bak við krónuna okkar stendur íslenska þjóðin með öll auðæfin sem hún hefur til umráða á 102 þúsund ferkílómetra landsvæði og 800 þúsund ferkílómetra hafsvæði. Við höfum allt í allt tæplega milljón ferkílómetra efnahagssvæði til að boltra okkur á. Til að skapa glæsilega framtíð fyrir okkur sjálf og alla afkomendur okkar. Lækningamáttur krónunnar er óumdeilanlegur. Hún er hetja.

Krækjur; 

Stöðugleiki; Ireland Cut to Junk Rating by Moody’s

Bendi vinsamlegast á; Sannleikann um efnahagsmál Írlands

Fyrri færsla

Vaxtakjör kratabombu Ítalíu orðin verri en íslenska ríkisins

Vaxtakjör kratabombu Ítalíu orðin verri en íslenska ríkisins

 

Vaxtakostnaður ríkissjóðs Ítalíu; fimm ára lán, pr. 11 júlí 2011

Evruupptaka átti að vera lausnin á svo að segja öllum vandamálum Íslands. En höfundar "Fjármálamiðstöðvar Íslands" í Samfylkingunni kunna ekki að reikna frekar en fyrri daginn er allt þeirra útreiknaða og útriðna bankakerfi hundi til grunna með þeim árangri að þeir fengu sér á ný sæti í nýrri hrunríkisstjórn sem nú er að rústa landinu innanfrá með því murka lífið úr þeim atvinnurekstri sem þeim tókst ekki að kála með þessu hrunbankakerfi sínu og svo síðar með skituskiptastjórnum yfir þrotabúum þeirra og þar næst með því að selja stubbana til erlendra vogunarsjóða sem nú mergsjúga íslensk fyrirtæki í gegnum rauðvaralitað stubbasafn Jóhönnnu & Co, og sem nú lifa eins og stökkbreyttar skelkaðar mýs innan girðinga skjaldborgarinnar gegn þjóðinni.

Nú er svo komið að evrusvæðið sem var hannað af samfylktum hugmyndafræðingum krataismans í Evrópu er að sprengja Evrópu í loft upp eina ferðina enn, eins og Samfyklingarbankakerfið gerði á Íslandi. Nú eru lánskjör ríkissjóðs Ítalíu orðin verri en þau sem ríkissjóði íslenska krónu hagkerfisins bjóðast.

Ef hægt væri að lækna heimsku Samfylkingarmanna þá myndi ég ekki fórna einni krónu á þá meðferð því sjúkdómur hennar, þjóðrægjan og þjóðfyrirlitningin, brýst alltaf út á ný við réttar aðstæður. Samfylkingin er ólæknandi sjúkdómur. Það verðum við að horfast í augu við. Leyfum henni því að deyja út. Brenna sér út. Útbrunninn Steingrímur hefur sannað virkni þessarar meðferðar.  

Skuldatryggingaálagið á Ítalíu (300 punktar) er þotið upp fyrir álagið á krónu-ríkissjóð Íslands (240 punktar)

Munið þið eftir Icesave 1 og Iceave 2 ?

Munið þið eftir manninum honum Davíð sem sagði að við ættum ekki að greiða skuldir fjármálamiðstöðvar Samfylkingarinnar. Hafa menn þakkað honum fyrir? Hann hefði alveg getað látið sér fátt um finnast og verið bara Már í klaustri. En það gerði hann ekki.  

Hvernig stendur á því að þessi ömurlegasta ríkisstjórn Íslandssögunnar er ennþá á lífi? Þetta er hvorki stór né flókin spurning. En hún er siðferðileg - í hæsta máta.

The Economic EU-AIDS (veiruprógram) handa Grikklandi

Jæja. evrudópsalar pappírskratanna í Brussel hafa gert þetta upp — en þó mest niður — á 500 þúsund blaðsíðna lúxusskýrsluskeinipappír eins og venjulega. Þessi frétt týndist í Euro-crashing hávaðanum í gær.

 

The financing needs of the Greek government through mid 2013 are in excess of EUR 127 billion and amount to EUR 172 billion until 2014. Skýrslan er hér 

 

Grikkland þarf að drekkja sér í 172 miljarða evruskuldaupptökum fram til ársins 2014, samkvæmt tilskipunum foringjaráðs hinna blágulu Sovétríkja Evrópu í Brussel. Gjöra svo vel; gleypa.  

Allir sjá að hér er ekki um að ræða neina björgun á Grikklandi. Hér er verið að reyna að bjarga kollsigldu brjálsemisverki sem brunalið Evrópu í Brussel hefur tendrað út um allt á svæði sínu. Nú eru þeir hræddir, sjúga þumalputta, og horfa tómum augum heim til mömmu, sem er farin til síns heima í Ameríku. Þessir ESB-vatttyppalingar á berri brókinni skjálfa og hristast eins og Royalbúðingur, eftir að komið er að þriðja stærsta útistandandi ríkisskuldabréfa skuldara heimsins, Ítáplíu, að gera fjárfestum grein fyrir því hvernig makkarónur og mafía eigi að greiða upp tveggja trilljóna* skuldir Ítalíu við þá, án þess að eiga svo mikið sem eina sjálfstæða krónu til að byrja með. Þeir krefjast svara, fljótt. Og hvað varð um fyrirbærið hagvöxt á Ítalíu? Hvar hefur hann verið undanfarinn áratug? Ekki sést. Ekki sést. En skuldirnar hrannast bara upp og upp. 

 

Krugman; Why Italy? Why Not America? (We have our own money) 

 

Ítalía var — áður en dulbúningur evrunnar var fundinn upp — varastjórnarformaður í Club Med, sem alltaf var undir krónísku forsæti Frakklands. Þetta var áður en Frakkland tók Þýskaland í gílsingu og gerði það að magnara sínum í Evrópusambandinu.        

Össur er í slipp og verður leigður út nýrakaður og klæðskeraklæddur í flóttamannahjálp evrusvæðisins frá sjálfu sér. Enginn mun þekkja manninn aftur. Enda eins gott. Bók hans, "Ef við hefðum bara haft evru þá hefði ekkert hrun orðið hér", hefur verið bönnuð. Hún fæst ekki lengur. Þurrkuð út.

Steingrímur er á fastanámskeiði í efnahagslegum stöðugleika í Norður-Kóreu, með viðkomu á vissum stöðum sem ekki er hægt að nefna hér.

 

Jóhanna er búin.

 

Landið er eins og nýtt.

 

* Reyndar billjónir á íslensku, en hverjum er ekki sama . . 

 

 

Financial Times kom auga skýrsluna: Greece’s bail-out needs revealed: €172bn

 

Fyrri færsla

 

Danir senda aðvörun til glæpstarfsmanna. Örvæntingin innan ESB magnast 

Danir senda aðvörun til glæpstarfsmanna. Örvæntingin innan ESB magnast

Mynd; Arne List

 

Danskir tollverðir snúna aftur til starfa við landamæri Danmerkur. Öflugt merki er þar með sent til evrópskrar glæpastarfsemi. 

 

Þarna, á þessari nokkuð eldri mynd, blakta við hún fimm fánar Norðurlanda. Danskri fánalöggjöf er að sjálfsögðu fylgt til hlítar, en hún skipar svo fyrir að þjóðfáni Danmerkur sé ávalt við hærri hún ef fánum annarra þjóða er flaggað samtímis. Hve lengi Danir geta haldið í fánalöggjöf sína innan vaxandi valda hinnar nýju stjórnarskrár ráðstjórnar Evrópusambandsins sem enginn kaus, er aðeins spurning um tíma.

 

Í dag blakta engir fánar Norðurlanda þarna við hún. Sjálfur þjóðfáni Dana fór einnig um leið og danska lögreglan yfirgaf landamærin og stálskilti Evrópusambandsins var sett þar upp í stað hennar og þjóðfánans. Að halda uppi þjóðfána krefst fullveldis.

 

Danir, sem á sínum tíma gengu aðeins í EF, hafa loksins gefist upp á ESB-alglæpavæðingu ráðstjórnar Brusselveldisins í Evrópu, og stillt táknrænt upp tollvörðum við landamæri þessa gamla konungsríkis. Fyrir þetta fá þeir að launum skammir, hótanir og efnahagslegar hryðjuverkaárásir frá opinberum ráðherrum í m.a. Þýskalandi, þar sem Þjóðverjar eru hvattir til að hætta að kaupa danskar vörur og fara til Danmerkur í sumafrí. Já, hótanir frá ráðherrum í landinu sem hefur sprengt myntbandalag Evrópusambandsins í loft upp með 12 ára samfelldri innvortis gengisfellingu Þýskalands í kapphlaupi evrulanda niður á botn samfélaga heimsins. Þetta getur Þýskaland gert því hin löndin eru orðin algerlega varnalaus. Þau hafa glatað öllu fullveldi sínu í mynt- peninga- og vaxtamálum og eru varanlega fastlæst í gengis- og gjaldmiðilshandjárnum við hið deyjandi Þýskaland. Ef ekkert verður að gert mun Þýskaland toga þau með sér ofan í líkkistuna. Þannig virka evru-handjárn myntbandalags Evrópusambandsins 

Segja má að landamæraaðgerðir Dana séu ógnvekjandi merki um örvæntingarfulla aðstöðu smáríkis innan Evrópusambandsins. Danir hafa einnig komist að því að á skattafjármögnuðum háskólabekkjum landsins sitja nú 6.153 ESB-útlendingar og þiggja þar ókeypis menntun sem danskir skattgreiðendur eru skyldugir að veita þeim ókeypis. Þessi tala var 1.633 manns árið 2005 og hækkaði hlutfall ESB-útlendinga um 41 prósent á milli áranna 2009 til 2010. Af þessum 6.153 námsmönnum koma 3.800 frá Austur-Evrópu. Aðeins fimmtíu Danir sóttu menntun í Austur-Evrópu á sama tíma. Evrópusambandið skipar Dönum svo fyrir að þeir séu skyldugir að veita öllum Evrópusambandsborgurum ókeypis menntun svo lengi sem Danir sjálfir þurfa ekki að greiða sérstaklega fyrir þessa menntun sína heima í Danmörku. Allir sjá að hér er vegið að danska samfélaginu — sem stundum var kennt við norræna velferð áður en Evrópusambandið tók landið yfir — og danskir skattgreiðendur munu ekki halda til þessarar misnotkunar á skattgreiðslum þeirra sem í upphafi áttu að vera eyrnamerktar Dönum.  

Því miður geta Danir ekki stöðvað útflutning á vinnustöðum Danmerkur suður yfir landamærin. Þangað er stærsti hluti sláturhúsa og eftirvinnslu í dönskum landbúnaði og matvælaiðnaði fluttur, því þar eru tímalaunin aðeins brot af því sem þau eru í Danmörku. Í Þýskalandi vinnur aðeins áttundi hver Þjóðverji fulla vinnuviku og sem þar telst vera 35-38 tímar. Allir hinir vinna mun færri tíma á viku hverri því atvinna er og hefur verið þar af svo skornum skammti síðastliðin 30 ár, því Þýskaland er að deyja sem samfélag. Þar lifir fimmti hver vinnandi maður í fullri vinnu í fátækt og örbyrgð. Launin eru horfin. Engin kauphækkun hefur átt sér stað í samfleytt 13 ár í Þýskalandi. Svona er gengi þýska hagkerfisins gagnvart umheiminum stanslaust lækkað innan frá. Með lækkun launa og kostnaðar.  

Í Danmörku hefur þetta meðal annars þýtt að 65 prósent af tekjum bænda verða að koma frá opinberum styrkjum. Þetta hlutfall hefur farið síversnandi síðustu 20 árin. Fjórði hver danskur bóndi er á leiðinni í gjaldþrot og danskir bændur skulda að meðaltali sem svarar til 700 milljónum íslenskra króna hver. Heilu landshlutar Danmerkur eru komnir inn í vítahring örrar hnignunar því hið sterka samfélagslega hlutverk dansks landbúnaðar er að visna svo hratt. Hann er að þrotum kominn eftir öll mörgu mögru árin í Evrópusambandinu og í handjárnunum við hið deyjandi Þýskaland og nú einnig alla hina dauðvona Austur-Evrópu. Ástandið er orðið svo slæmt í dönskum landbúnaði að hver bóndi sem hefur búskap í dag þyrfti að hafa eitt þúsund mjólkurkýr eða 30 þúsund svín til að reksturinn gangi upp aðeins nokkur ár inn í framtíð hans í Evrópusambandinu. Þetta er sú framtíðarsýn sem blasir við bændum í Danmörku. Helmingur alls jarðnæðis Danmerkur þyrfti að komast á hendur aðeins 7 þúsund svo kallaðra iðnaðarbændabýla innan fárra ára. Árið 1988 voru 85 þúsund bændabýli í Danmörku. Tuttugu árum síðar, eða árið 2008, er þessi tala komin niður í 19 þúsund býli og það kostar bóndann um miljarð ISK í dag að hefja búskap. Nýliðun er því sáralítil. Matvæli fyrir neytendur og utan að komandi í Danmörku eru orðin þau allra dýrustu í Evrópusambandinu.

 

Bráðum þarf ekkert landbúnaðarráðuneyti í Danmörku. Því hvernig ættu stjórnvöld að fara að því að afsaka fyrir kjósendum heilt ráðuneyti yfir einum bónda? Það er hvort sem er komið varanlega niður til Brussels. Alveg eins og sjávarútveginn, það steindauða fyrirbæri þar.

 

Ef Danmörk á að lifa af í Evrópusambandinu þá þarf landið að koma sér niður á Austur-Evrópsk lífsskilyrði og lífsgæði hraðrar en í gær. Danmörk verður í eitt skipti fyrir öll að horfast í augu sannleikann og gleyma öllu um eitthvað sem líkist norrænni velferð. Það gekk í Evrópusambandið, lagði niður fullveldið í peningamálum sem og öðrum málum, og verður að horfast í augu við þá óumbreytanlegu staðreynd. Það kostar að ganga í ESB og leggja niður fullveldið.

Á síðasta ári fundust í Svíþjóð fangabúðir úti í skógi fullar af innfluttu fólki sem notað er sem þrælar til ýmissa starfa innan landamæra Evrópusambandsins. Alveg án matar og þar sem fólkið neyddist til að draga fram lífið á soðnu grasi og krákum sem það reyndi að skjóta sér í matinn með teygjubyssum og spjótum. Þetta var aðeins eitt af þeim mýmörgu tilfellum sem sænsk verkalýðsfélög og lögregla hafa þurft að hafa afskipti af á einu ári. Þetta er hamingjan í Evrópusambandinu. Bjöllur Brussels hringa þar inn hinum gulbláu nýju Sovétríkjum Evrópu.

 

Ísland yrði kjörið sem landsvæði fyrir fanganýlendu Evrópusambandsins. Hún yrði mikil nýsköpun og massíft atvinnutækifæri: að fá evrópsku mafíurnar beint í æð Íslendinga. Hægt væri að setja þetta mál í farveg og allir gætu komið að því — nema kjósendur auðvitað — alveg eins og með ESB-umsóknina og flest sem gert er í Evrópusambandinu.

 

In seiner „Weltkarte der Terrorgefahren 2011“ stuft Aon das Risiko für eine „Revolution, einen Staatsstreich oder einen Bürgerkrieg“ als „hoch“ ein. Griechenland liegt damit gleichauf mit Algerien, Bahrain und Iran. Schlechter sind nur Libyen, Ägypten und Somalia eingestuft  

 

Hlutabréf í kerfislega mikilvægustu fjármálastofnun  Ítalíu, UniCredit, lækkuðu um smá 20 prósent í síðustu viku (7,5 prósent fall bættist svo við í dag mánudag). Og nú meta alþjóðlegir miðlarar trygginga og matsmenn áhættuvirkni að hættan á borgarastyrjöld, valdaráni eða byltingu í evruríkinu Grikklandi sé "há" (high) og hærri en í Alsír, Bahrain og Íran. Seðlabanki Evrópusambandsins lýsir hér með eftir sérfræðilegri skyndihjálp handa sjálfum sér vegna komandi ríkisgjaldþrots Grikklands og ef til vill fleiri evruríkja. Skyldi hann einnig vera á leiðinni í gjaldþrot? 

 

Borgarastyrjöld í myntbandalagi Evrópusambandsins? Já, þetta er alveg að takast hjá veruleikafirrtri elítu Evrópusambandsins. Stöðugleikanum fræga er hringt inn í myntbandalagi ESB.

 

Þetta voru ekki fréttir úr DDRÚV 

 

Krækjur

 

Stöðugleiki: Toldkontrol vedtaget i Folketinget

Stöðugleiki: Stor vækst i studerende fra nye EU-lande 

Stöðugleiki: Sverige: Kriminelle bag slavearbejde

Stöðugleiki; Slavearbejde i vor tid (PDF) 

Stöðugleiki: Samfylktir fátæklingar Evrópusambandsins 

Stöðugleiki: Mikil aukning í fátækt í Þýskalandi - 11,5 milljón manns nú fátækir

Stöðugleiki: ESB er 84 milljón fátæklingar og 22 milljón atvinnuleysingjar 

 

 

Fyrri færsla

 

Verstu lánskjör heimsins eru í myntbandalagi Evrópusambandsins

Verstu lánskjör heimsins eru í myntbandalagi Evrópusambandsins

Að taka upp evru hefur haft í för með sér verstu lánskjör í heimi meðal þróaðra ríkja. Engum löndum bjóðast nú eins slæm lánskjör á alþjóðlegum fjármálamörkuðum eins og evruríkjum bjóðast. Nú eru lánskjör evrulanda verri en þau sem Suður-Afríku, Indónesíu og bananalýðveldum bjóðast. Hér eru nokkur dæmi um lánskjör á 10 ára lánum, skyldu þau fást. Snúum okkur að fimm ára lánum til ríkissjóða nokkurra evrulanda og hins vegar Íslands;

 

Grikkland

 

Krafist er 20,86 prósent vaxta af Grikklandi ef fjárfestar ættu að lána gríska ríkinu peninga til fimm ára. Líkleg systir forsætisráðherra Grikklands fengi sennilega betri vaxtakjör á greiðslukortum sínum. Kannski til að kaupa sér skó. En Grikkland fær enga peninga að láni til að kaupa lyf og búnað fyrir fólkið í landinu. Það tók nefnilega upp evru. Grikkland er í myntbandalagi Evrópusambandsins.

• Skuldatryggingaálag; 2177 punktar (tvö þúsund eitt hundrað sjötíu og sjö).
• Atvinnuleysi; meira en 15 prósent

Portúgal

 

Af Portúgal er krafist  16,98 prósent vaxta skyldi einhver vilja lána ríkissjóði landsins peninga í fimm ár. Portúgal tók upp evru og er á svipaðri leið og Grikkland; í ríkisgjaldþrot. Portúgal er í myntbandalagi Evrópusambandsins. Fjármálakerfi landsins, allir bankar, hafa verið afskornir frá umheiminum í meira en ár. 

• Skuldatryggingaálag; 1023 punktar. 
• Atvinnuleysi; 12,4 prósent

Írland

 

Af Írlandi er krafist 15 prósent í vexti fyrir peninglán til fimm ára. Írland tók upp evru. Landið er því algerlega læst úti frá alþjóðlegum fjármálamörkuðum. Það er á leiðinni í þrot ef kraftaverk gerist þar ekki fljótlega. Írland er í myntbandalagi Evrópusambandsins.

• Skuldatryggingaálag; 900 punktar.
• Atvinnuleysi; 14 prósent

Spánn

 

Frá því í nóvember hefur vaxtakostnaður Spánar hækkað úr 2,8 prósentum á fimm ára lánum og upp í tæplega 5 prósent. Spánn á ekki lengur peninga til að greiða fyrir lyf og búnað til heilbrigðisgeirans. Lyfja- og tækjaframleiðendur fá ekki greitt. Spánn þarf að meðaltali að hrifsa til sín 600 daga greiðslufrest til að skrapa saman peningum fyrir lyfjum og tækjum sem ríkið hefur fengið afhent frá birgjum. Ekkert þýðir að krefjast peninganna, því Spánn á enga peninga. Ríkið er svo illa statt. Spánn tók upp evru og hún sprengdi efnahag landsins í tætlur. Spánn er í myntbandalagi Evrópusambandsins.

• Skuldatryggingaálag; 314 punktar.
• Atvinnuleysi; 21 prósent

Ítalía

 

Alþjóðleg lánskjör evruríkisins Ítalíu fara hratt versnandi og hefur vaxtakrafan hækkað úr 2,6 prósentum í nóvember og upp í 4.6 prósent í dag á fimm ára lánum til ríkissjóðs þessa lands. Ítalía er í myntbandalagi Evrópusambandsins.

• Skuldatryggingaálag Ítalíu hækkar hratt og er komið í 241 punkt.
• Atvinnuleysi; 8,1 prósent, og hefur varla mjakast þar undir síðustu 28 árin, en er samt örlítið skárra en hefur verið í Frakklandi á sama 28 ára tímabili.   

Ísland

 

Um daginn tók ríkissjóður íslenska lýðveldisins peninga að láni til fimm ára á alþjóðlegum fjármálamarkaði. Lýðveldið okkar þurfti að borga 5 prósent í vexti til að fá lánið. Mynt Íslands er króna. Ísland er ekki í Evrópusambandinu. Ef svo væri, þá væri Ísland á leiðinni í ríkisgjaldþrot, eins og Grikkland.

• Skuldatryggingaálag á ríkissjóð Íslands; 231 punktar.
• Atvinnuleysi; 7,8 prósent, sem er nálægt Íslandsmeti.

Á sama tíma var hið opinbera á Spáni að reyna að fá sömu peninga að láni á alþjóðelgum fjármálamörkuðum. Það tókst ekki. Svo lítill var áhugi fjárfesta á að lána þessu evruríki smá peninga til fimm ára. 

Við höfum krónuna sem er mynt fullvalda lýðveldis Ísland. Því mun lánstraust ríkissjóðs okkar ekki þorna upp. Krónan sér fyrir því. Krónan myndar grunn lánstrausts lýðveldis Íslands á alþjóðamörkuðum. Hún sér til þess að tekjur og greiðslugeta ríkissjóðs þorni ekki upp. Þetta vita alþjóðlegir fjárfestar.

 

Þetta er ekki frétt frá DDRÚV

 

Fyrri færsla

 

Seðlabanki Evrópusambandsins samþykkir póstkort og frímerki sem tryggingu 

 

Seðlabanki Evrópusambandsins samþykkir póstkort og frímerki sem tryggingu

Í gær felldi ECB-seðlabankinn niður þær reglur sem seðlabankinn hafði til sýnis í búðargluggum bankans þegar Mjóstrætissáttmálinn svo kallaði var til sýnis öllum sem þá efuðust djúpt og innilega um ágæti járnabindingar þeirrar sem átti að halda þessum seðlabanka frá því að hrynja ofan á borgara þeirra evruríkja sem þá voru gabbaðir þar inn.

Núna veitir bankinn lán úr hirslum sínum gegn veði í grískum póstkortum. Þetta er það eina fé sem seytlar inn til gríska fjármálageirans heima í Grikklandi. Allt annað flæðir þaðan út og forðar sér. Gríski fjármálageirinn er lokaður af frá umheiminum og hefur verið það árum saman. Grikkland á nefnilega enga mynt og getur ekkert gert, það er svo gott. Þessi gríski fjármálageiri kemur nú með póstkort grísku ríkisstjórnarinnar og leggur þau að veði gegn því að fá í staðinn splunkunýja peninga þá sem seðlabankinn býr til á kostnað annara evruríkja. Þess vegna eru allir svo yfir sig glaðir í Evrulandi núna. Ríkin eru svo ánægð innbyrðis yfir því að seðlabankinn skuli verða að þynna mynt þeirra út með vanti, eða því sem þynnra er.

Í gær bættust póstkort Portúgals við í veðsöfnun ECB-seðlabankans. Portúgal, eins og Grikkland, hefur misst það lánshæfnismat sem átti að vera forsendan fyrir því að taka mætti á móti ríkisskuldabréfum þess sem veðum gegn fyrirgreiðslu úr þessum seðlabankaling Evrópusambandsins. Allur fjármálageiri Portúgals hefur verið afskorinn frá umheiminum í rúmlega heilt ár. Ekkert aðgengi að alþjóðlegum lánamörkuðum. Ekki treyst fyrir fimmkalli yfir nóttina. Upptaka evru hefur veitt Portúgal allt þetta traust sem er van-traustið eitt. 

Nú geta allir verið með. Nóg er að sýna Google Buzz boðsmiða eða stimpluð póstkort til að fá peninga úr hirslum Seðlabanka Evrópusambandsins. Nú verða allir Þjóðverjar glaðir.

Hér fyrir neðan er mynd af The Big Three Evrópu frá árinu 1919. Þetta er forsíðukápan utan um bók Margaret MacMillan; Paris 1919

 

 

 

Í dag, árið 2011, heita hinir þrír stóru ekki mannanöfnum, það er svo hallærislegt. Þeir heita 1) ESB-ráðstjórnin, 2) ECB-seðlabankinn og 3) Alþjóða Gjaldeyrissjóðurinn. 

Í hvorugu tilfellinu var né er fólkið með við skiptingu Evrópu, partasölunni.

Grikkland gengur í myntbandalag Evrópusambandsins og tekur upp evru [u]

 

Mynd; Púðaupptaka 

 

Í tilefni af evruupptöku landsins sagði Costas Simitis forsætisráðherra í sjónvarpsútsendingu að Grikkland fyndi þegar fyrir evruaðildinni. "Við vitum það öll að aðild Grikklands að myntbandalaginu og upptaka evru tryggir stöðugleika í landinu okkar og opnar nýjar víddir fyrir þjóðina".

 

Þetta var í fréttum breska ríkisútvarpsins, BBC, þann 1. janúar 2001. 

Já, við vitum það "öll"

Evruupptaka Grikklands batt enda á hinn efnahagslega raunveruleika í landinu. Frá og með þá fluttist stjórn peningamála og peningapólitískra vaxta í Grikklandi til Frankfurt í Þýskalandi. Frá og með þá missti Grikkland allt fullveldi landsins í peninga- vaxta- og myntmálum. Þarna hringdu bjöllur Brussels Grikki inn í hið Evrópusambandslega krataverk. Stöðugleikann . . og nýjar víddir fyrir þjóðina, auðvitað . .  

 

Mynd; Grikkland á leið í ríkisgjaldþrot eftir 30 ár í Evrópusambandinu og tíu ára evruaðild. 

 

Svona er að taka upp á því að ganga með púða. 

 

Vestar í myntbandalaginu í dag

 

Spænska blaðið El Pais segir í dag að birgðir óseldra íbúða og fasteigna á Spáni hafi verið um 700.000 talsins árið 2010. Þessi tala hefur aðeins lækkað um 521 eign á milli ára. Sem sagt; ekkert hefur gerst.

 

Samkvæmt áliti fróðra manna þarf að eiga sér stað 2-3 prósent hagvöxtur á ári á Spáni næstu mörg árin til þess að Spánverjar og fjármálastofnanir þeirra geti komist af með nokkuð af þessum hrikalegu óseldu birgðum fasteigna. Seðlabanki Spánar segir að fasteignaverðin hafi og muni falla um 25,5 prósent frá 2007-2012.

 

Þessi 2-3 prósent hagvöxtur á ári mun aldrei geta átt sér stað á meðan Spánn er í myntbandalagi Evrópusambandsins. Því mun fasteignaverð þurfa að falla um 50-60 prósent, bankar landsins verða enn frekar gjaldþrota og Spánn sprengja restarnar af myntbandalagi Evrópusambandsins í loft upp, ellegar gjaldþrjóta Þýskaland um leið og Ítalía tæmir þar ríkiskassann neðan frá.

 

Þessi stærsta byggingabóla sögunnar síðan byggingabóla varð á pyramýdamarkaðinum í Egyptalandi löngu fyrir Krists burð, er bein afleiðing af þáttöku Spánar í myntbandalagi Evrópusambandsins og upptöku hættulegustu myntar veraldar; evru - sem leggur efnahag og lýðræði landa í rúst. 

Varla er hægt að segja að bankakreppan í ESB og þrumugnýr hruns myntbandalags Evrópusambandsins sé hafinn enn. Við eigum þann hrylling til góða. Ísland þarf að búa sig undir og verja landið gegn þessum ragnarökum sem munu verða í Evrópu. Klippa þarf villta strengi og burtflogin mosavaxin hænsni.

 

Fyrri færsla

 

Er Finnland næsta evruríkið sem springur? Er Kanadadalur ónýt mynt?

Er Finnland næsta evruríkið sem springur? Er Kanadadalur ónýt mynt?

a) Þetta er ansi áleitin spurning hjá þeim sem þekkja til skuldsetningar Finna og heimila landsins. Ég læt þessa spurningu standa hér í smá tíma áður en ég kem nánar inn á hana. 

b) Á allra síðustu árum síðustu aldar, eða þann 11. nóvember 1997, skrifaði einn - og seinna sammála af þrjátíu og tveim - íslenskur hagfræðingur eftirfarandi:

Kanada hefur frá 1987 verið með staðfasta peningastefnu og verðbólgu á svipuðu róli og gerist í Bandaríkjunum, en það gildir einu. Landið er lítið og fylgdi áður óstöðugri gengisstefnu og á gjaldeyrismarkaði er gjaldmiðli þess aldrei treyst, sama hversu góðri efnahagsstjórn er fylgt. Kanadamenn greiða nú um 1 % hærri í vexti en Bandaríkjamenn, sem er e.k. aukaálag fyrir þann munað að slá sína eigin mynt. Þannig er einungis sá ávinningur sem felst í lægri vöxtum um-talsverður fyrir utan það hagræði að fá gjaldmiðill sem nýtur alþjóðlegrar viðurkenningar 

Þriðja og fjórða spurning mín er þessi: hvort á ég að hlægja eða gráta? 

Sem sagt: Allt unnið fyrir gíg. Kanada er lítið land með litla mynt, það er ekki í myntbandalagi við neinn og mun því sökkva. Það getur ekki staðið eitt.

Þetta passar upp á hár, því í dag er mynt Kanada talin vera með því allra besta sem gefið er út af útgefendum peninga í heiminum. Ein besta mynt heimsins. Hún hefur verið frjálst fljótandi síðan um 1950 og það þrátt fyrri andstöðu AGS sem leiddi til þess að Kanada var af yfirstjórn sjóðsins sett á ís um langan tíma.

Svona gæti hert íslensk króna verið, þ.e.a.s. ef klessumálarar hagfræðinnar gerðu okkur þann greiða að flytja sig verulega um set; annað hvort heim til Íslands, eða til eins eða allra landa myntbandalags Evrópusambandsins í einu. Hægt væri fyrir þá að fá sér far út með næstu flugeldum myntelítuhagfræði ESB-sinna. Þeir gætu hugsanlega náð því að mæta tímanlega í stærstu flugeldasýningu mannksynssögunnar þar.

En ekki er allt afgreitt með þessu. Því ef til vill stendur Kanada - þrátt fyrir núverandi góða, betri og bestu en áður ónýta mynt - næst í röðinn, sem aðeins seinkuð (delayed) útgáfa af hruninu sem gerðist því miður fyrir sunnan landamæri þess.  

Svo, hvað er klukkan? Gengur hún eins alls staðar? Nei, það gerir hún svo sannarlega ekki. Það góða við náttúrufyrirbærið tímann er það að hann hindrar að allt gerst samtímis alls staðar. Og hann er meira að segja afstæður.

 

Fyrri færsla

 

Tvö þúsund ár - og Barack Herbert Hoover Obama