Galdrabrennur kveiktar á ný

Mynd: Reykjavíkurfélagið boðar réttar skoðanir

Og ég sem hélt að það væri árið 2016 e.Kr í dag

Fréttir dagsins flytja okkur fréttir af boðskap um að Jón Valur Jensen og Pétur Gunnlaugsson hafi verið kærðir fyrir skoðanir sínar. Ákærðir af fólki sem er ekki sömu skoðunar og þeir. Fólki sem segist vera hinsegin, hvað sem svo það þýðir, þegar að skoðunum manna kemur

Og fréttandi boðskapur berst enn fremur um að vinstrimenn og ESB-kratar syrgi látinn eiræðisherra úr drápsgengi kommúnismans, mannvonsku og kúgunar. Síðast var leshringur um Marx-Lenínisma, sem er skæðasta pólitíska drápsplága í sögu mannkyns, boðaður af Vinstri grænum eftir kosningasigur þeirra 2009, en sem þeir svo sviku algerlega massíft

Manni verður óglatt af svona ofsóknum. En kannski verð ég ákærður fyrir að verða óglatt og miðstýrt fyrirskipað að verða glaður yfir þessu. Þetta er ömurleg þróun. Algerlega óásættanleg þróun

Fyrri færsla

Lokað bréf til öreiga allra sérfræðinga

Jón Valur ákærður fyrir hatursorðræðu

Lokað bréf til öreiga allra sérfræðinga

Mynd: VLF á hvern íbúa Ítalíu er hrunin 20 ár aftur í tímann

Alþjóða sérfræði- og sérstöðuveldi fræðinganna er í dag orðið svo stórt og um sig grípandi að sú yfirstétt hefur náð langt í að koma í stað gamla aðalsins sem réði öllu í gamla daga. En það versta er að heilvita sérfræðimenn, með háskólagráðu og full hraustan heila, stóla ekki lengur á hugsanir sínar

Áður en þeir þora að taka afstöðu með heilabúi sínu, þá horfa þeir fyrst í kringum sig, og skoða hvað þessi eða hinn sérfræðilegi sérstæðingurinn hefur að segja, áður en þeir sjálfir þora að gefa afstöðu sína til kynna á opinberum vettvangi. Allar raunverulegar skoðanir eru þar með gerðar útlægar og hið opinbera torg er næstum því orðið allsnakið. Hugsun má ekki koma þar fyrir nema að hún sé klædd í nýju föt keisarans og fíltreruð samkvæmt rétttrúnaðar-galdrabrennum nútímans. Sannar skoðanir og hugsanir má bara hafa og stunda í einrúmi eða friðhelgi heimila, algerlega fyrir utan hið nakta opinbera torg, sem er að verða nýr Stalín

Og hugsi sérfræðilegi sérstæðingurinn sig um í meira en 15 sekúndur, þá mun samfélagsmiðla-fílterið sem er á milli borgaranna og lýðræðisins, henda manninum úr sönnum hugsunum sínum undir 15 mínútna fullnægingar tístorgasma þess sem fyrstur var til að staðfesta það sem stöðuveldið vill að hann hugsi

Þessu hefðu fimm kóngar með fimm hirðir ekki getað áorkað. En þetta er staðan í dag. Kolin á apaplánetu sérfræðinga sérstæðisins hitna því dag fyrir dag, eins og við sjáum. Styttist nú í hið skjótandi stríð

Hvern varðar annars um það að landsframleiðsla á hvern íbúa Ítalíu er á föstu jafnvirðisgildi hrunin 20 ár aftur í tímann á síðustu níu árum. Staðan er enn verri í Grikklandi. Og hún er hroðaleg í Portúgal og á Spáni. Allt saman evrulönd og 130 milljón manns. Og þetta, já þetta, mun svo sannarlega ekki gleymast

Angela Merkel er traustasti leiðtogi skuldafangelsa hins verst rænda heims evrulanda. Hún mun aldrei verða annað. Leið í togi, og leiðin til þess versta

Fyrri færsla

Tilvistarkreppa ESB bitnar á NATO

Tilvistarkreppa ESB bitnar á NATO

Allt sem gerist meðal NATO-bandalagsþjóða hefur möguleika á að bitna á, eða gagnast, NATO sem varnarbandalagi. Fari hagkerfi ESB-ríkja í steik, eins og þau hafa gert með tilkomu Evrópusambandsins, þá bitnar það á NATO, sem félagsskap

Ríki sem verða vanmáttug vegna efnahags- og samfélagslegrar ESB-eyðni (eurosclerosis), verða veikari og veikari sem NATO meðlimir. En það sem meira er; orsök ESB-eyðni og hnignunar leiðir til innri ófriðar á milli ESB-ríkja. Sú spenna, klofningur og andúð á milli ESB-ríkja sem hlýst af því, bitnar á NATO

Þegar Rússland snéri aftur til sögunnar sem alvöru ríki, eins og allir hugsandi menn vissu að það myndi gera, þá gerðist það svona; Rússland tók Georgíu 7. ágúst 2008. Georgía var þá orðið vestrænt áhrifasvæði. Og réttum fjórum vikum síðar féll Lehmansbræðra bankinn. Þessir tveir atburðir mörkuðu endalok tímatalsins sem hófst 1945 og 1992, og alger kaflaskipti urðu í sögu mannkyns. Ofur-kaflaskipti sem munu spila sig út og móta framtíðina næstu marga áratugi, ef ekki hundruð ára

Og Rússar sem vissu sennilega að fjármálahrunið var í vændum, slógu til á réttu augnabliki. Þeir rúlluðu yfir Georgíu. Rússland var aftur mætt til leiks og Vesturlönd voru í áfalli bæði hið innra og ytra. Algerlega upptekin við bölvað baks, innvortis og útvortis. Og það var alger tilviljun að leiðtogi Rússlands hét þá Pútín. Ef það hefði ekki verið Pútín þá hefði það bara verið einhvern annar úr öryggisstofnunum landsins, og jafnvel enn djarfari maður. Utanríkistefna Rússlands og Bandaríkjanna hefur ávallt verið varfærin, miðað við utanríkisstefnu Evrópuríkja meginlandsins, sem ávallt hefur verið hálfgerð spastísk villimennska á köflum

Ástæðan fyrir því að Rússar tóku Gerorgíu var þessi: "Nú ætlum við að sýna ykkur hvert raunvirði hins vestræna ábekings ykkar og áhrifa er; það raunvirði er ekkert! Og þau önnur ríki í jaðri Rússlands sem sækja vernd með því að gera sig að vestrænum áhrifasvæðum, eru að leika sér að eldinum. Þessi ábekingur ykkar er einskis virði. Við tökum Georgíu og þið eruð núll."

Þessi skilaboð frá Rússum voru hugsuð til Úkraínu og Moldavíu og jafnvel fleiri ríkjum. Svona fer fyrir ykkur ef þið gerið það sem Georgía gerði. Þessi vestræni ábekingur er einskis virði. Við munum aldrei aldrei þola að Úkraína verði á vestrænu áhrifasvæði. Punktur

NATO sem félagsskapur hefur sjálft engan her. Það eru meðlimsríkin sem hafa og ráða yfir herjunum. Og það vill svo til að ekkert meðlimsríkjanna hefur neinn herafla til eins né neins, nema Bandaríki Norður-Ameríku. Restin er bara rest. Sú rest er þó í sumum tilfellum jafnvel fær um að verja hálft kanslerí og einn mann á skellinöðru

Atlantshafið og Kyrrahafið eru stuðarar Bandaríkjanna (buffer-zones). Úkraína er stuðari Rússlands og Rússar munu aldrei samþykja Úkraínu undir vestrænum yfirráðum né áhrifavaldi. Þess ber að gæta að það var einmitt í Úkraínu sem að Rauði herinn sigarði þýska herinn. Það gerði hann vegna þess að Úkraína er langförull drekkingarhylur Rússlands þegar að innrásarherjum kemur. Þessum landamæravirkjum mun Rússland aldrei sleppa því þau eru það eina sem landið hefur á innrásarhraðbraut norðursléttu Evrópu inn í Rússland, þar sem Pólland er umferðarljós, sem stanslaust er keyrt niður, nema þegar landið sjálft ræðst inn í Rússland eins og það gerði með pólska samveldinu. Rússland sleppir ekki Úkraínu frekar en Íslendingar sleppa landhelginni, Melrakkasléttu og Vestmannaeyjum sem einum "vinstri pakka"

En Rússland getur hins vegar sætt sig við hlutlausa Úkraínu sé Hvítarússland stöðugt. Þessi deila mun standa lengi og sennilega alltaf. Kjör Donalds Trump mun engu breyta fyrir utanríkisstefnu Bandaríkjanna. Engu. Algerlega engu

Bandaríkin hafa nú komið sér fyrir í þeirri upphafsstöðu sem landið var í í aðdraganda Síðari heimstyrjaldar. Landið er farið heim, nema auðvitað á höfunum, og það hefur kúplað sig í frígír. Það bíður átekta en styður og fjármagnar Intermarium í Austur-Evrópu. Allt sem gerst hefur í Austur-Evrópu með aðkomu Bandaríkjanna, er algerlega framhjá NATO, því að NATO-félagsskapurinn krefst einróma samþykkis allra sem í honum eru. Austur-Evrópa getur að engu leyti treyst á ESB, hún óttast sambandið frekar en hitt, og hún getur heldur ekki stólað á NATO, þar sem hið nýja Stór-Þýskaland, sem frú Thatcher varaði við, er jóker og sabotör með leynda eða ekki leynda dagskrá. Það veit enginn

En hvað um það, fyrstu F-22 vélar Bandaríkjamanna, en ekki NATO, lentu í hafnarborginni Konstansa við Svartahaf á þessu ári. Það eitt og sér er athyglisverð staðreynd. Þær vélar eru ekki sendar hvert sem er

En Evrópusambandið er búið að vera. Heimur þess sem hófst formlega árið 1992 endaði 2008. Það innsiglaði dauða sinn sjálft, með vanskapnaði í fæðingu. Og það sem verra er, draugaskipið ESB er fært um að sprengja Evrópu í tætlur. Og það er einmitt það sem sambandið er að gera

Stóra spurningin fyrir Evrópu og NATO er hvað Þýskaland mun gera í framtíðinni. Þýskaland er nýtt ríki með stórveldisdrauma sem enn er að ryðja sér til rúms á meginlandi Evrópu. Og það sem verra er, tvær sameiningar Þýskalands, 1871 og 1990, eru enn að spila sig út sem misheppnaðasti geo-pólitíski atburður í Evrópu á nýrri tímum. Enginn veit hvað Þýskaland er að hugsa og enginn getur treyst á Þýskaland. Það er rótlaust ríki og Evrópa og Bandaríkin óttast óútreiknanleika þess

Ef ég væri Pútín núna, þá myndi ég pota með nokkrum prikum í Norður-Atlantshafið og hella svona eins og desílítra af hrísgrjónum ofan í þann tank. Bara svona til að trylla, ógna og sjá hvað gerist næst. Gerist ekkert, þá mun ég stækka skammtinn

Fyrri færsla

Ítalía hótar að stöðva Evrópusambandið

Ítalía hótar að stöðva Evrópusambandið

Ítalía hótar að stöðva fjárlagagerð Evrópusambandsins með neitunarvaldi ef landið fær ekki meiri peninga þegar fjárlagagerðin fyrir næsta ár fer í lokameðferð fyrir áramót. Þar með hefur tilvistarkreppa Evrópusambandsins og hins peningapólitíska myntbandalags þess náð nýjum hæðum. Beinni fjárkúgun við fjárlagagerð er nú hótað fyrir opnum tjöldum

Enginn hagvöxtur hefur verið á Ítalíu í samfellt 14 síðastliðin ár. Ítalska hagkerfið er orðið að jökli í evrum. Stjórnmálamenn í landinu segja að Evrópusambandið fari með Ítalíu eins og nýlendu

Fyrir skömmu fjallaði ég um fjárlagagerð í Evrópusambandinu í ljósi útgöngu Bretlands úr sambandinu: Fátæktin dafnar og vex í Evrópusambandinu

Evran heldur áfram að falla á mörkuðum. Staðan gagnvart Bandaríkjadal versnar dag fyrir dag, sérstaklega eftir forsetakosningarnar vestanhafs. Kostar evran nú aðeins 1,07 dali í dag. Hún kostaði rúmlega 1,5 dali um miðbik ársins 2008

Bændablaðið fjallar í dag um efnahagsmál á Ítalíu: Fyrirtækin hrundu við innleiðingu evrunnar

Fyrri færsla

Herveldin gengu út

Herveldin gengu út

Evru-popúlisminn 2000

Hlassi af 28 utanríkisráðherrum á pallbíl Evrópusambandsins var að kröfu pantarans í Brussel, sturtað niður til fundar og kvöldverðar þar í borg um síðustu helgi. Hlassið átti að fjalla um kjör Donalds Trump í forsetaembætti Bandaríkjanna og búa til "sameiginleg viðbrögð" hlassins við því. Sýna átti Bandaríkjunum múrverkið sem Evrópusambandið er gert úr, þar sem hlutfallið allir á móti öllum er notað í loftplötuna, smáríkjum rappað á veggina og sandi stráð í augu almennings til skerpa sýn hans á burðarþolið

Þetta gekk mjög vel. Ungverjaland sagði að evrópska sambandið við bandarískan raunveruleika væri histerískt, Bretland bar við almennri matarlyst og Frakkland afþakkaði steiktar stálevrur í brennandi ítölskum ríkisskuldabréfum, af tillitssemi við fátæktina í suðri. Fóru þessi tvö ríki þar með heim til síns heima og eftir sátu 26 herlausir ráðherrar, teljandi kústsköft með sameignlegu herbragði

Þegar Bretland er farið úr Evrópusambandinu verður Frakkland eina herveldið í hlassinu sem nafni tekur að nefna. Og það vita allir

Fyrri færsla

Evran fellur stíft gagnvart Bandaríkjadal

Evran fellur stíft gagnvart Bandaríkjadal

Mynd: Gengisþróun íslenskrar krónu, evru og norskrar olíukrónu gagnvart Bandaríkjadal frá 8. júlí 2008 til 14. nóvember 2016. Vísitala

Frá því að ljóst var hver sigraði forsetakosningarnar í Bandaríkjunum, hefur evran gefið verulega eftir gagnvart Bandaríkjadal. Fall hennar er það umtalsvert að stór hluti markaðarins veðjar í skyndilega auknum mæli á evran falli niður á jafnvirði og neðar. Um mitt árið 2008 kostaði ein evra hinsvegar 1,5 dali. Í dag kostar hún bara 1,07 dali. Hún er fallin svona mikið

Þegar vatnaskil urðu á gjaldeyrismörkuðum fyrri part júlímánaðar 2008, þá hafði evran, undir fjármálabólustjórn ECB-aukaseðlabanka Þýskalands í Frankfurt, hækkað um 100 prósent gagnvart Bandaríkjadal frá árinu 2001, en þar á undan hafði hún hrunið um 30 prósent frá 1. janúar 1999. Gengi evru stjórnast að mestu af eftirspurn eftir þýskum hrísgrjónum

Seljist þýsk hrísgrjón illa á alþjóðamörkuðum, þá lækkar Þýskaland gengi evrunnar enn frekar með því að kveikja elda í enn einu evrulandinu í viðbót, sem handjárnuð eru við það á myntsvæði þess. Gengið er þannig lækkað samkvæmt útvortis þörfum Þýskalands, en innvortis á milli evruríkja er þýsk peningaskömmtun, örkumlandi kreppa og fjárkúgun látin sjá um að halda samkeppni frá öðrum evrulöndum í skefjum

Talið er að byltíngin muni hefjast fyrst í Austur-Þýskalandi þegar gengi evrunnar er komið niður í 0,65 dali og þar með þurrkað út sparifé þýskra heimila, sem að meðaltalinu eru 1,9 persónur að mestu yfir sextugt

Fallið úr skýjaseðlun ECB seðlabankans um miðbik ársins 2008 og niður í keng þann 14. nóvember 2016, er það stórt í dag, að gengi íslensku krónunnar gagnvart Bandaríkjadal er sterkara en gengi stálfátæktarevru er gagnvart mynt Bandaríkjamanna. Norska krónan gegnsósa í olíu, er að verða alelda

***

Þýski seðlabankinn Reichsbank, varð sjálfstæð og pólitískt ósnertanleg fag-stofnun árið 1922. Hann varð ríki í ríkinu eins og ECB-seðlabanki Evrópusambandsins er í dag. Reichsbank sprengdi Þýskaland í tætlur með óðaverðbólgu. Á minna en 12 mánuðum breyttist verðhjöðnun í 500 prósent verðbólgu, og var sú breyting einungis startskotið upp í óðaverðbólgu. Á síðustu 215 árum hefur Þýskaland farið átta sinnum í þjóðargjaldþrot, en Ísland og Bandaríkin aldrei. Þýskaland er ófært um að stjórna sér sjálft

Fyrri færsla

Hver er Steve Bannon? - nýi áttavitinn í Hvíta húsið

Hver er Steve Bannon? - nýi áttavitinn í Hvíta húsið

Stephen Bannon, október 2011

Að segja að Steve Bannon sé "frumkvöðull á sviði samfélagsmiðla" er eins og að segja að ég sé frumkvöðull á sviði bloggfærslna - og í að lesa ekki Fréttablaðið, sem ég þó er. Allir ættu hins vegar að lesa leiðara Morgunblaðsins í dag af því að hann er góður og sannur. Sérstaklega Bjarni Benediktsson formaður Sjálfstæðisflokksins. Mæli ég eindregið með tvílestri og jafnvel þrílestri

Samkvæmt þessari útnefningu verður Steve Bannon eins konar áttaviti eða GPS tæki í Hvíta húsinu á meðan Donald Trump er þar við stýrið. Ekkert skip siglandi á heimshöfunum kemst til ákveðins áfangastaðar nema að vita hvert ferðinni í upphafi sé heitið. Það þarf að passa að lenda ekki í vitlausu Reykholti, á Laugarvegi, í Skálholti eða í Danmörku í stað Danmerkur í Wisconsin, Tennessee, Maine, Iowa, Flórída eða Nýu Jórvík, eða jafnvel á Íslandi við Grænland, í stað Íslands í Kaliforníu

Mér sýnist að þessi tala sem Steve hélt þarna um árið 2011, sé það góð að hún standist tímans tönn mjög vel. Þetta er enginn hálfviti, en greinilega góður áttaviti. Steve Bannon var foringi í bandaríska sjóhernum á tundurspillinum USS Paul F. Foster

Stephen Bannon verður ekki bara ráðgjafi í forsetateymi Donalds Trump í Hvíta húsinu, hann fær einnig titilinn e. chief strategist

Fyrri færsla

Já, ESB-mennið vantar herinn sinn

Trump skipar í fyrstu stöðurnar

Já, ESB-mennið vantar herinn sinn

Mynd: Nýkjörinn Donald J. Trump

Þessi Jean-Claude Juncker-maður mun, eins og þúsund ESB-hagfræðingar, segja hvað sem er til að reyna að viðhalda streyminu af peningum annarra ofan í vasa sína (sjá frétt að neðan)

Auðvitað vill þessi heltekni ESB-valdasjúklingur fá her. Hann er orðinn hræddur. Hann er orðinn hræddur um ESB-flokkinn sinn, sem enginn kaus. Hræddur um að missa völdin sem hann hefur, en sem enginn kjósandi hefur veitt honum. Hann vill því fá her. Her til að vernda sig

Það vill hann eins og kínverski kommúnistaflokkurinn sem hefur kínverska herinn fyrst og fremst sem lífvörð flokksins. Kínverski herinn er lítið annað er vernd kommúnistaflokksins gegn borgurum landsins. Her Evrópusambandsflokksins sem enginn kaus, yrði nákvæmlega eins

Þessi ESB-maður stendur aftur á sama bretti og stóð fyrir því að 100 milljón manns misstu lífið í Evrópu af pólitískum ástæðum, frá 1914-1945. Evrópska brettinu sem breytti sjálfu sér úr heimsveldi í hersetna ruslahrúgu á 31 ári. Valdabretti Evrópu enda alltaf eins; sem misfóstur. Evrópusambandið er að kveikja í Evrópu á ný, því það er imperial-state hönnun

Af hverju ekki láta ítölsku mafíuna áfram um að vernda Evrópusambandið? Það er þó hægt að treysta á hana. Hún er eitt af því fáa sem virkar í Evrópusambandinu

Furðulegt að kjör Donalds Trump skuli hafa þessi áhrif á ESB-manninn. Það var nefnilega Barack Obama sem reyndi að koma þessu til skila til steinsofandi NATO-landa ESB, allt undanfarið ár. Það er alveg greinilegt að enginn tók mark á því sem Obama sagði. En þegar Donald J. Trump svo mikið sem nálgast forsetaembættið, þá tryllist ESB-maðurinn úr aðgerðaþörf. Þetta er sprenghlægilegt

En fólk getur verið alveg rólegt. Bandaríkin munu aldrei þola né líða neinn her undir stjórn ESB-vitfirringa. Tottaðu því ESB-pelann þinn, væni minn, og tæmdu í botn, áður en hann verður frá þér tekinn af borgurunum - í kosningum. Einhvern tíma heyrt um svoleiðis fyrirbæri herra Juncker?

Fyrri færsla

Ónýt blaðamannastétt? Já!

Vill stefna að Evrópuher

Ónýt blaðamannastétt? Já!

Í ljósi forsetakosninganna í Bandaríkjunum og útgöngukosninganna úr ESB í Bretlandi, má með mikilli sanngirni segja að blaðamannastétt Vesturlanda sé svo gott sem ónýt stétt. Hún er ekki bara næstum því ónýt eins og hún leggur sig, heldur eru flestir fjölmiðlar það líka. Framundan er uppgjör sem verður að fara fram

Þegar næstum því heil stétt lokar sig af inni í speglasal samfélagsmiðla til að horfa þar stanslaust á síjátandi milljónfalda spegilmynd sína, þá fór auðvitað sem fór. Stéttin varð að öpum í risavöxnu apabúri. Hún segir ekki fréttir og hún segir ekki frá því sem er að gerast meðal raunverulegs fólks. Samfélagsmiðlar eru stærsti ruslahaugur veraldar. Og þar búa því miður flestir blaðamenn. Verst af öllu er þó ruslakistan og furstadæmið Ríkisútvarpið DDRÚV

Donald J. Trump mætir í vinnuna laust eftir hádegi þann 20. janúar, eftir 10 vikur. Enginn í Evrópusambandinu-27 hefur nein sambönd í aðalstöðvum Donalds Trumps, komandi forseta Bandaríkja Norður-Ameríku, hatrið á honum og Bandaríkjunum er svo mikið. Urslua van der Leyden, varnarmálaráðherra kústskafta Þýskalands, segist ekki hafa nein símanúmer hjá neinum í Washington til að hringja í. Gott hjá henni

En valdaskiptateymi Donalds Trump er þar að störfum á nokkrum hæðum í skrifstofuturni og teymið hefur verið að í margar margar vikur. Þeir þurfa sjá um að ráða tvö til þrjú þúsund manns sem fylgja munu með hinum komandi forseta í embættið mikla, sem framkvæma mun heildstæða utanríkis,- varnar,- og þjóðaröryggisstefnu Bandaríkjanna næstu 4-8 árin, um allan heim. Og hin þýska van der ábyrga Leyden hefur engan til að tala við. Gott hjá henni. Hún og Merkel eru ábyrgðarlausir aular

Evrópusamband-27 landa hefur nú tvo mánuði til að koma sér upp heildstæðri utanríkis,- varnar,- og öryggisstefnu til að geta staðið í eina tá 27 fóta sambandsins. Það mun auðvitað ekki gerast. Hvorki nú, síðar, né nokkru sinni, af þeirri einföldu ástæðu að enginn mun fórna lífi sínu fyrir Evrópusambandið. Enginn!

Frakkland hefur hins vegar heildstæða varnar,- og öryggisstefnu til að takast á við þær afleiðingar sem óhjákvæmilega munu hljótast af því að hafa enga heildstæða utanríkisstefnu. Sú stefna landsins er hjá ESB-27-fætlunni

Pólland hefur hins vegar bæði heildstæða utanríkis,- varnar,- og þjóðaröryggisstefnu af því það það gefur skít í allt ESB-27 eins og það leggur sig. Pólland verður einfaldlega að gefa skít í allt ESB, ef það ætlar sér að lifa af. Og það ætlar landið að gera. Hið sama gildir um stærstan hluta Austur-Evrópu

Einungis þjóð getur haft heildstæða utanríkis-, varnar,- og þjóðaröryggisstefnu. Evrópusambandið er ekki þjóð. Það mun því tortímast. Bandaríkin eru þjóð. Þau eru því sterk

Krækjur: Columbia Journalism Review | Tagesspiegel

Fyrri færsla

Sögulegt: Donald J. Trump er næsti forseti Bandaríkjanna

Sögulegt: Donald J. Trump er næsti forseti Bandaríkjanna

Mynd: USS Oliver Cromwell við bryggju 1776 - málað af Richard Brooks

Það var gaman í nótt að fylgjast með stærstu mótmælum bandarískra kjósenda frá því að Ronald Reagan var kjörinn forseti Bandaríkjanna, og jafnvel enn lengra aftur í tímann

Maðurinn af götunni kom, sá og sigarði. Hann hafði aldrei áður setið í neinu opinberu embætti og gerði þetta á sinn eign þrjóska máta. Skóflaði sér til sigurs fyrir eigin vélarafli. Hann tók ekki neinar u-beygjur frá sannfæringu sinni. Þetta eru sögulegar kosningar. Algerlega sögulegar, og þessu hefði ég ekki viljað missa af. Þetta er annað Brexit. En samt annarskonar útganga

Það voru ekki kjósendur sem hlupu skjálfandi frá Repúblikanaflokknum, heldur var það elíta Repúblikana sem hljóp frá flokknum og skildi litla manninn einan eftir á dekkinu. Þeir sem hlupu frá eru búnir að vera

Hvítar konur kusu ekki Hillary Clinton. Þær kusu Donald J. Trump, nema þær sem tilheyra þeirri valdastétt sem kölluð er "frægt og ríkt fólk".

Það er kannski ekki úr vegi að minnast þess að eitt af fyrstu herskipunum í flota Bandaríkjanna 1776, var gefið nafnið USS Oliver Cromwell. En konungurinn í Brexitlandi beitti Winston hinsvegar neitunarvaldi, þegar maðurinn með vindilinn sem enginn pólitískt kórréttur hefði kosið í dag, vildi skýra eitt slíkt skip nafninu HMS Oliver Cromwell, í aðdraganda þeirrar Fyrri

4. júlí 2015 í Búkarest

Rúmenía verður auðvitað með í hinu nýja Intermarium

Fyrri færsla

Theresa hefur herinn - eins og Oliver