Alþýðuhreyfingin gegn ESB-aðild Danmerkur krefst rannsóknar

Vilja að löggjafahlutverk Evrópusambandsins verði rannsakað

Eftir að nýleg athugun í Þýskalandi hefur leitt í ljós að 84 prósent af þeim lögum sem sett voru í Þýskalandi frá 1999 til 2004 komu frá Evrópusambandinu, krefst danska Folkebevægelsen mod EU at rannsakað verði hve mikið Evrópusambandið ráði yfir lagasmíði Danmerkur. "Eins og við upplifum þetta þá hefur ESB fyrir löngu farið yfir strikið. Við sjáum hvað eftir annað að ESB og EF-dómstóll þess hefur krafist að lög danska þingsins séu ógild og lög og reglur ESB séu sett í staðinn og yfir dönsk lög - að ósk Brussel".

Það þóttu talsverð tíðindi í Danmörku þegar aðalforstjóri hins árangursríka danska og alþjóðlega fjárfestingarbanka Saxo-Bank gékk í Folkebevægelsen mod EU. Hann sagðist leggja "mannorð sitt að veði" í baráttunni gegn því að Danmörk taki upp mynt Evrópusambandsins, evru . "Við viljum ekki að "afdalamenn" í mið og suður Evrópu stýri peningamálum dönsku þjóðarinnar. Þau mál eru of mikilvæg til að setja í vald annarra en okkar sjálfra". Í efnahagsspá Saxo Bank fyrir árið 2009 gerir bankinn ráð fyrr að Ítalía geri alvöru úr hótunum sínum og yfirgefi myntbandalagið 

Fyrir nokkru gerði breska Bruges Group úttekt á því hvort Bretland gæti ennþá talist sjálfsætt og fullvalda ríki (sjá: mynd). Útkoman var neikvæð

 

Sjá einnig:Er Bretland ennþá sjálfstætt og fullvalda ríki? 

Eistland kemst ekki með í myntbandalag ESB fyrr en 2013

Þetta segir lánshæfnismatsfyrirtækið Fitch's rating. Eistland gékk í ESB fyrir 5 árum síðan þ.e. árið 2004. Gangi spá Fitch's eftir mun það taka Eistland 10 ár að komast inn í myntbandalag ESB. Lánstraust Eystrasaltsríkjanna þriggja - Lettland, Litháen, Eistland - er nú svipað og lánstraust íslenska ríkisins, sem þó stendur með hrunið bankakerfi í maga sínum. Ekki eru þó bankakerfi þessara ríkja hrunin, ennþá. En munurinn er sá að íslenska ríkið er að tæma magann og þá mun magapína íslenska ríkisins hætta

Fitch's rating heldur því fram að Evrópusambandið muni standa fast á öllum inntökuskilyrðum inn í myntbandalagið því sambandið sé hrætt við að hleypa þar inn nýjum löndum sem eiga á hættu að brotna niður undan hinum efnahagslega og pólitíska sársauka sem því fylgir að uppfylla skilyrðin. Þetta gæti leitt til þess að löndin vilji yfirgefa myntbandalagið aftur og það gæti haft þær afleiðingar að önnur lönd taki uppá því sama

Fitch believes that the EU authorities remain disinclined to "premature" euro adoption for fear that a country might subsequently find itself unwilling or unable to bear the economic and political cost of adjustment within the euro area, and even possibly seek to leave it, triggering contagion to other countries within the single currency (sjá einnig: Nýja Argentína er í ESB og heitir að minnsta kosti Lettland)

 

Á mannamáli myndi þetta þýða að ESB óttist hrun myntbandalagsins ef svona aðstæður skyldu koma upp. Þegar myntbandalagið var stofnað uppfyllti aðeins eitt land öll inntökuskilyrðin, svo núna er Evrópusambandið hugsanlega orðið reynslunni ríkara

Öll undirbúningsvinnan við evru var hastverk og lítið sem ekkert var farið eftir skoðunum akademískra hagfræðinga og sérfræðinga á forsendum og skilyrðum fyrir því að svona myntsamstarf gæti heppnast vel. Werneráætlunin frá 1970 var því tekin fram aftur, eftir að hafa verið kistulögð árum saman, stílfærð og sett í framkvæmd. Aðeins eitt land af ellefu uppfyllti öll upptökuskilyrðin þegar ákveðið var hvaða lönd gætu tekið upp evru, nefnilega Lúxemburg, en Werneráætlunin er verk Pierre Werner fyrrverandi forsætisráðherra Lúxemburgar (sjá: Þrífst frelsið í faðmi ESB og evru) 

 

 

Forstjóri Jyske Bank sammála Saxo Bank um ókosti evru

Forstjóri Jyske Bank, Anders Dam, hefur einnig lýst yfir að hann telji Danmörku best borgið utan myntbandalags Evrópusambandsins. Jyske Bank er næst stærsti banki Danmerkur. Í ræðu sinni fyrir framan evru-nefnd danska þingsins hellti forstjórinn sér yfir röksemdafræslu forsætisráðherra Danmerkur. Hann benti á að fjármálakreppan væri yfirvöldum á evrusvæðinu sjálfum að kenna. Hann benti á að sænska ríkið, sem stendur alveg fyrir utan myntbandalagið, nýtur mun betri og lægri vaxtakjara á lánsfjármörkuðum en öll þau lönd sem eru í myntbandalaginu, þar með talið Þýskaland sjálft (neikvæður vaxtamunur/spread við Þýskaland). "Það kæmi mér ekki á óvart að markaðurinn álykti sem svo að sænska ríkið sé betri skuldari, til legnri tíma litið, en löndin í myntbandalaginu vegna þess að Svíþjóð hefur sína eigin mynt". Þessi mynt Svía, segir Anders, gerir það að verkum að Svíar hafa betri verkfæri til að tryggja að skattatekjur - og þar með greiðslugeta sænska ríkisins - þorni ekki upp í takt við að atvinnuástand versni og útflutningur stoppi vegna lélegrar samkeppnishæfni sem kemur þegar lönd ráða engu um gengi og vaxtastefnu gjaldmiðla sinna.

Í lok ræðu sinnar sagði Anders Dam: "Forsætisráðherrann segir okkur að allir sjái að það kosti að standa utan við myntbandalagið. Þá segi ég: ekkert jafnast á við góða hagstjórn - og ég heiti ekki Allir ". Hér er myndbandið með ræðu Anders Dam: Anders Dam kritiserer regeringen til euro-høring 

Tengt efni

• Evruþátttaka lækkar lánshæfni Slóvakíu
• Evruaðild mun ekki bjarga efnahag Eistlands
• Evra: Frankenstein fjármála

• Danskerne vender EU ryggen
• Analyse: EU bestemmer det meste i Danmark
• Dystre udsigter for opgør med forbeholdene
• Tre ministre har skjult EU-regler 

Fyrri færsla

Fjölmiðlarnir unnu Alþingiskosningar á Íslandi: sigur RÚV 

Athugasemdir

[Júlíus Björnsson, 27.4.2009 kl. 14:54]

Gunnar hafðu þakkir fyrir gott innlegg.

Í ljós spár um neikvæðan hagvöxt innan Evrópu Sameingarinnar næstu 2 árin, í það minnsta, og fallandi gengis þýsks iðnvarnings [ekki sömu gæði og áður og sókn ASÍU],   þá mun verða lítið um súrefni á því svæði, ekki satt.

[Valgeir (IP-tala skráð) 27.4.2009 kl. 19:44]

Gunnar! Hættu nú!

Þú hagar þér eins og alvöru Íslendingur 2003-2007. Já, eða íslenskur fjölmiðill 2000-2008. Trúa því sem þú vilt, og finna sannanir á internetinu eða í dagblöðum fyrir því.

Þú vitnar í forstjóra dansks banka (og kallar hann aðalbankastjóra).

Þú ákveður sjálfur að kalla bankann "árangursríkan", án þess að hafa hugmynd um bókhald þeirra.

Síðan vitnar þú í efnahagsspá þessa banka og kemur "þeirra" skoðun á framfæri að Ítalía muni gera að alvöru úr hótunum sínum og yfirgefi myntbandalagið.

Ef þú gerðir vinnu þína betur, myndi ég nenna að lesa meira en þennan litla kafla sem ég las í dag.

Málefnið er alvarlegt fyrir þjóðina okkar, og þess vegna er ekki þörf á neinum hræðsluáróðri. Og ef þér finnst að hræðsluáróður sé í lagi, vandaðu þig þá betur.

Sjálfur er ég fullviss um kosti og galla EU fyrir Ísland, en ef þú heldur þínu bulli svona áfram, bý ég til eigin síðu sem sér um að koma þínum málefnum í samhengi og og jafnvel leiðrétta ýmislegt/allt sem þú skrifar. 

[Vilhjálmur Örn Vilhjálmsson, 28.4.2009 kl. 04:55]

Ekki "Alþýðuhreifingin ....." heldur Þjóðarhreyfingin eða Landsflokkurinn gegn ESB. Eins og orðið alþýða er notuð á íslenska tungu stjórmála í Alþýðuflokkur og Alþýðubandalagið, eru réttara að þýða folket sem þjóðin. Folkebevægelse eru ekki stéttbundin samtök, heldur samtök þar sem IQ ið er hærra en í öðrum stjórnmálasamtökum.

[Gunnar Rögnvaldsson, 28.4.2009 kl. 05:28]

Þakka ykkur innleggin

Já Vilhjálmur. Þetta var stórt vandmál, þetta orð. Ég grubblaði lengi yfir þessu en ákvað að nota "alþýðu" því þá myndi ég ná í feiri lesendur sem vita ekkert nema það sem íslenska ESB-lobbýið hefur sagt þeim um hve vextir eru vaxtalausir í ESB og hve vel gengur að fá meðbyr sem blæs alltaf í áttina til Brussel á hjólastígum í ESB.

Svo var einnig það vandamál að Danir sjálfir myndu ekki þýða þetta sem þjóðarhreyfingu. Svo ég ákvað að láta þetta koma þeim til góða. Þeir myndu þýða þetta sem "Folkebevægelse"

- hmm, hvað sagði ég eiginlega?

Humphrey! hvar ertu?

Kveðjur

[Júlíus Björnsson, 28.4.2009 kl. 10:53]

Að mínu mati og orðabókar Sigfúsar Blöndal [Íslensk -Dönsk] er "Folket" útlagt alþýðan. Eins og það var notað alþýðan og höfðingjarnir [forræðisstéttin] gera saman þjóðina. Stjórnmállega miðað við útlensk stjórnmál var alþýðuflokkur í upphafi tengdur sósíalistum og vinstri helmingur hans bandalagið kommúnistum. Sem hafa svo "þróast" [hvað varðar nafngiftir allavega]og kalla sig nú SamFylkingingu og Vinstri Græn.

Þjóðverjar [frumbyggjarnir] eru agaðir og þolinmóðir og nákvæmir og lítt hrifnir að greiða vaxtaskatta. Lánastofnanir eru líka agaðar og þolinmóðar og nákvæmar. Sem skilar lítill eftirspurn og lágum vöxtum.

Það mundi engin þýskur banki lána þorra Íslendinga á þessum einkavinaforsemdum sam hafa gilt á Íslandi svo lengi sem elstu menn muna.   

Lágir vextir eða endalausar lánafyrirgreiðslur er umhverfi sem einkavina fyrirtækja rekstur hefur haft að reynsluskóla hér á landi. Enda bera flestir sem koma þar að verki því vitni.

Sá heldur sem á veldur. Það eru mennirnir með ákvörðunum sínum sem skapa trúverðugleika síns lánshæfis. Margt smátt gerir eitt stórt.   Árinni kennir illur ræðari. 

Sagan er söm við sig eins og manneskjan kreppur og farsóttir eru lögmál sem kemur og fer.

Landmæri og sjálfbærni voru svörin hjá forfeðrum vorum sem fóru norður frá Afríku í ár daga.

Þeir hæfust lifa: það kalla ég greind.

Hvað margar Íslenskar kennitölur verðið fordæmdar, öðrum í framtíðinni víti til varnaðar, fyrir að hafa sólundað sjóðum alþýðunnar.

30 ára lán byggja á 30 ára framsýni þess sem lánar og mátt sama lánardrottins til að tryggja uppskeru sína.  Eplið fellur sjaldan langt frá eikinni. Hvaða útlendingur fjárfestir í komandi kynslóðum. Syndir feðranna koma niður á börnum. Kerling vill hafa nokkuð fyrir snúð sinn.